كل سنة انت طيب وعيد سعيد وانشاء الله سلمت من مضاعفات مابعد الضحية
الفوق دي الديباجة والموضوع انه امس الساعةعشرة مساء وانا في الحمام اتروش كم يقول اهل البلد سمعت اغنية حبشية عجيبة في قناة زول والله يا ناذر نسيت الحمام نهائي وطبعا ما شفتها لكن لقيت عمر ووفاء منتظرني في باب الاوضة وقالوا لي لازم بكرة تجيبها لينافي تلفونك قلت ليهم مالها الا عمكم ناذر. الاغنية انا ماشفت لكليب بتاعها لكن يغنيها فنان وليس فنانة وفيها واحد طلع في شجرة وبيرقص،فعليك الله شوف لي ليها طريقة تنزيل صوت وصورة وارمي لي الرابط. انا منتظرك ما تمشي الديم.
12-11-2008, 08:10 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
نذوري دا وصف الاولاد وامهم ماشافتها ولا بتريد الغنا، والمشكلة انه انا مافاضي المساء اسمع نقة منهم ولشنو ما جبتها. بعدين بالله طلعت تخصص هندي ما حدركي يا اخي حرام عليك.
فيصل، زهير كل سنة وانوا طيبين وشكرا للمرور فوق وشكلك عجبتك والبوست دا ما بينتهي الا بواحدة من ثلاث اما نلقى شفت ينزلالاغنية، او يغضب عليه بكري ويوديه الخور او يغضب عليه الجوكر ويودينا ببكرينا للخور.
ياريت عبد الناصر يمر من هنا ويشوف الحاصل.
12-11-2008, 09:28 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: هسة لو عملت فيها أرخميدس وجيت طالع من الحمام مش كنت أديتنا وصف أحسن من وصف الأولاد ده؟
عارف يا ابو الريش امس واصل من الحرم لحدي البيت في طريق الستين في اكتر من 4 ساعات في حين انه عادة بتاخد 10 دقائق لو بالغت، وطبعا مواصلات لانه العربات الخاصة غير مسموح لهاالايام دي بدخول منطقة عملناوبعد نص ساعة من المشي نزلت سطحت لانه خرمت ودخان العربات والبصات دي كلها في وشي وبعد ا دايرني امرق من الحمام امفكو؟!!!!!
تحياتي يا حبيب ويلا ياناس الموسيقى حلونا من غلبة بعدين دي
12-11-2008, 09:58 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
العزيز / محمد عمر الفكر كل عام وانت بخير واتم عافية -----------------------------------------------------------------
Quote: الاخ عبد الناصر يا اخي انا عندي اغنية حبشية بفتش عنها وفاتح لها بوست مخصوص فعيك الله شوف طريقة نزلها لينا للحفظ. تحياتي
مريت على البوست قبل شوية لكين غنيتك دي غلوتية لاني ما شفت غنيتك القاصدة في قناة زول الحبشي الوحيد الشفتوا في شجرة في غنية ما ظن تكون المقصودة في غنية حماس ( ارومنجة ) كلها جياد وبنادق دملاشي ... حاحاول أفتشه ليك
عارف في غني سوداني بقي يتغني أخيراً ما فيهو أى روح غني سوداني يمكن الإيقاعات الحبشية فيها روح سودانية أكتر منو أديك نموذج للإستاذة سمية حسن
لحن مصرى ما ماشي مع الكلمات ولا فيهوا أى إيقاع سوداني عشان كده تفتيش غني الجيران شكلو حيكتر شكلو حتى الغني عندنا حيركب مكنه حلب
واكيد حانزل ليك الغنية لو لقيت منك وصف أكتر تحديد ليها
تقديرى ,,,
12-12-2008, 08:36 AM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
الاخ عبد الناصر كل سنة وانت طيب وشكرا جزيلا على الروح الطيبة. المشكلة يا عبد الناصر انا ما شفت الاغنية بس الايقاع بتاع الهجيج عجيييييييييييييييييييب. وكل الوصف بناءا على كلام اطفال، انه في واحد(الفنان) ماشي في غابة وفجاءة في طائر بيصدر صوت مناداة بيطلعوا راقصين من وراء الاشجار،(تعرف يا عبد الناصر سالت الولد والبنت قلت ليهم والباقي شنو، قالوا ما شفناه كنا بنهجج). المهم امس حرست قناة زول والاغنية ما جات بس جاءت اغنية لفنان على المسرح يرتدي بدلة بيضاء والاولاد قالوا لي هو نفسه البيغني الاغنية ديك، الفنان يشبه او هو نفسه الفنان الانت منزله في البوست بتاع الاحباش بعنوان (تلهون ( عزه في هواك ) بالأمحرنجة إهداء لياسر) بس اعتقدانه بيشبهه لانه الفناندا الظاهر عليه كبير في العمر. انشاء الله قدمنا اضافة كويسة مازي حقت عادل امام ايوة عندي اضافة وهي انها كانت رقاصة وبترقص. تحياتي يا رائع
12-12-2008, 08:38 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
الاخ المكرم / محمد عمر الفكي كتير التحايا والتقدير -----------------------------------------------------------------------------------------------------------
Quote: المشكلة يا عبد الناصر انا ما شفت الاغنية بس الايقاع بتاع الهجيج عجيييييييييييييييييييب. وكل الوصف بناءا على كلام اطفال، انه في واحد(الفنان) ماشي في غابة وفجاءة في طائر بيصدر صوت مناداة بيطلعوا راقصين من وراء الاشجار،(تعرف يا عبد الناصر سالت الولد والبنت قلت ليهم والباقي شنو، قالوا ما شفناه كنا بنهجج). المهم امس حرست قناة زول والاغنية ما جات بس جاءت اغنية لفنان على المسرح يرتدي بدلة بيضاء والاولاد قالوا لي هو نفسه البيغني الاغنية ديك، الفنان يشبه او هو نفسه الفنان الانت منزله في البوست بتاع الاحباش بعنوان (تلهون ( عزه في هواك ) بالأمحرنجة إهداء لياسر) بس اعتقدانه بيشبهه لانه الفناندا الظاهر عليه كبير في العمر. انشاء الله قدمنا اضافة كويسة مازي حقت عادل امام ايوة عندي اضافة وهي انها كانت رقاصة وبترقص.
غنيتك دي أمتحان لانو ما في ذهني أى أغنية قريبة للمواصفات دي
و ما لقيت زول شافة في زول ممكن يدلني عليها...
غايتو دي أقرب حاجة لمواصفاتك لحدي ما نلقي الغنية القاصدة... غنية من جنوب إثيوبيا
------------------------
تقديري
12-13-2008, 08:35 AM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
Quote: غنيتك دي أمتحان لانو ما في ذهني أى أغنية قريبة للمواصفات دي
و ما لقيت زول شافة في زول ممكن يدلني عليها...
غايتو دي أقرب حاجة لمواصفاتك لحدي ما نلقي الغنية القاصدة... غنية من جنوب إثيوبيا
ايها الرجل لقد كتلتها كتلة،
شكرا يا ناصر هي الاغني المطلوبة بشحمها ولحمها، يا ريت الرابط يا معلم عشان ننزلها على الجهاز ونحولها بعد داك ل 3gp content ونمشي البيت بعين قوية. والله يا ناصر انا لي تلاتة يوم غير اسبيس تون وام بي سي 3 وزول ما عندي شغلة، نشرة فيلم كورة خلاص انسي، الاغنية دي على مااعتقد وطنية او تراثية وياريت تدينا فكرة يا ناصر عن الايقاع وماذايسمي وهل هناك اغاني من نفس هذا الايقاع. والله يا ناصر اول مرة اعرف انه الغناء الحبشي دا ممتع للدرجة دي.
العزيز / محمد عمر الفكري نهارك سعيد ,,, ---------------------------------------------------------
غايتو جات كده حظ زي تكون عاكس كورة تضرب في مدافع تجي قون
أكيد ما عندي معرفة كبيرة بالايقاع ده ...........لكين دى الإيقاعات الإفريقية البغني بيها الإثيوبيين من المجموعات الإفريقية ( الامم الجنوبية ) وحتلقي في البوست نموذج لإيقاتهم عند القومو والكاديبو والبوراقي وجزء كبير من مجموعة الأرومو ( عارف الناس ديل غالبهم موغل في الإفريقية ) لكن الإيقاعات المعروفة والأشهر عند الأمهر والتجراى ودي أيقاعت مميزة وفيها الجانب الوترى ظاهر أكتر من الجانب الإيقاعي البظهر في الإغاني بتاعت المجموعات الإفريقية البحته ...
الحفظ امرو ساهل مرر الكيرسل على مربع الكليب حيظهر ليك أعلى الكليب download this video واحفظوا في الجهاز ... أسمو بالضبط دي عوزة زول يكون متخصص في معرفة أنواع الإيقاعات الموسيقية وأنا جربندي ...
Quote: والله يا ناصر اول مرة افكر لانه الغناء الحبشي دا ممتع للدرجة دي.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عمر الفكي
ناذر محمد الخليفة
Faisal Elrasheed
زهير الزناتي
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست