|
Re: الجنرال الطاهر ابراهيم تعظيم سلام! (Re: jini)
|
شهدت بالأمس برنامج تلفزيون استضيف فيه القامتين السامقتين الجنرال الطاهر ابراهيم والبروف السر دوليب سمعت العجب وشاهدت ما هو أعجب! سمعت الطاهر يتحدث باعجاب وأدب شديدين عن عثمان حسين ووردى ونبوغهما وتفردهما سمعته يتحدث عن الشعب السودانى والسودان وعظمته وبانه وطن لا يمكن لأحد أن يحكمه بالمايكرفون من الخرطوم فمن يحكم السودان يجب ان يكون قد جاب السودان باكمله وبانه برغم عسكريته فانه يرفض ان يحكم السودان العسكر فانهم يحرمون الناس من الحرية وانه تم فصله من الجيش فى عام 1964 وانه كان يعمل فى مشروع الجزيرة فى ود الماطورى عندما هبت ثورة اكتوبر! وانه وقتها وبسهولة استدعى عظمة الشعب السودانى فى كل المناطق التى جابها وكتب شعبك اقوى وأكبر مما كان العدو يتصور والتى غناها العملاق وردى! سمعته يتكلم بحب عن الجميع كتب قصيدة غنائية فى كل موقع حل فيه فى السودان كتب فى الجنوب على الحدود اليوغندية لصلاح بن البادية اغنيته الرائعة لو بعدى برضيه وشقاى بهنيه أصبر خليه وللعملاق وردى حرمت الحب والريدة وقلبى ما أرضيته صعبان على الحب والريدة! وكتب عزيز دنياى للذرى ابراهيم عوض! شوف العظمة دى وكتب الكثير لابراهيم عوض متين يا روحى نتلاقى فراقك نارو حراقة! وايضا لابراهيم عوض كنت معاك سعيد والليلة في بعدك ما اضناني وكذلك (ابيت الناس وابيت خلاني خاصمت الكل عشان حباني) الجنرال بالرغم من سمته العسكرى المهيب وبالرغم من مناهزته للثمانين فلا زال يقرض الشعر ويلحن وذكر انه لا يحب تحنيطه فى القديم فهو يملك الجديد الذى وعد به الجميع! وشاهدت ما هو اعجب الجنرال فى جديب العمر وخريفه اطال الله عمره يدند ويلحن بصوق حنين يقطر عذوبة يعزف الكمان والعود بابهامه فقد ذكر مبتساهما بانه قد انقرضت الصقور فلم يبقى صقر ليعزف العود بريشته! الجنرال مستمع وناقد وذواقة مدهش عثمان حسين يغنى انا عارف قلبك ابيض وكلك حنية فيقترح الجنرال للعملاق عثمان حسين بان يكون الترديد دائرى انا عارف قلبك ابيض وكلك حنية قلبك عارفو ابيض وكله حنية! مديد العمر وموفور الصحة شكرا ياجني وعيد سعيد
|
|
|
|
|
|
|
|
|