مسؤولو أجهزة الأمن الأفريقية (السيسا) يتجنبون اصدار توصيات وقرارات ويكتفون بالتأييد الشفوي!!!

Quote: من جهة اخرى، أدان مسؤولو أجهزة الأمن والاستخبارات في أكثر من 30 دولة افريقية، ونحو 150 خبيرا امنيا أفريقيا ما اعتبروه تدخل المحكمة الجنائية الدولية في الشؤون الافريقية باسم العدالة، ووجهوا رسالة الدول الافريقية الى التنصل والانسحاب من ميثاق المحكمة الجنائية الدولية، في ختام ورشة العمل الثالثة للجنة الأجهزة الأمنية والاستخبارية بأفريقيا، المعروفة بـ«السيسا» في العاصمة السودانية الخرطوم، كما وجهت رسالة اخرى للدول الغربية بترك أمر التشريعات والقوانين الخاصة بالقارة للدول الأفريقية. وتفادى المشاركون في الورشة إصدار توصيات وقرارات لعرضها على الجلسة الختامية، غير انهم اتفقوا على ان تسلم شفاهة لمديري الأمن والاستخبارات بالدول الافريقية في وقت لاحق، على ان تشكل المرتكز والرؤى لاجندة المناقشات في مؤتمر «السيسا» المقبل في العاصمة الرواندية كيغالي في مايو (أيار) المقبل. ووصف الفريق عبد الله قوش المدير العام لجهاز الأمن والمخابرات، وهو يخاطب ختام الورشة التي استغرقت 3 ايام وسط اجراءات امنية مشددة موقف «السيسا» من المحكمة الجنائية الدولية، بالقوي وقال: «لا مكان للاستعمار الجديد وآلياته في القارة». وأضاف ان الوعي الافريقي تجاوز خطط ومؤامرات القوى الدولية الطامعة في موارد القارة، واعتبر قوش اعلان الورشة الانسحاب من المحكمة الجنائية الدولية والشجب والادانة بسبب الاستغلال البشع للعدالة ومؤسساتها بهدف الهيمنة والتأثير على قدرات القارة. وقال ديتس درونق الامين العام لـ«السيسا» ان الورشة ركزت على موضوع المحكمة الجنائية الدولية بجانب مناقشة توغل التشريعات الاجنبية في افريقيا خاصة في بعض الدول المستقلة وسوء استخدام محكمة الجنايات الدولية لتحقيق أجندة سياسية لقوى عظمى. فيما كشف اللواء صلاح عبد الله رئيس اللجنة المنظمة للورشة ان موضوع المحكمة الجنائية الدولية مهدد للقارة

Quote: التعليقات 1/ حسن المك - (الامارات) - 25/11/2008 باللة يا قوش بدل ما تلم لى استخبارات ومخابرات افريقيا الما منها فايدة لا فى دولة ولا غيرة .. وتصرف عليها ملايين الجنيهات من فنادق وحفلات وغيرها عشان يقولو ليك ما حنسلم البشير للمحكمة الكلام دا كان عملو مع غير البشير مثل الرئيس التشادى السابق .. ياخى الاستخبارات دى نافعة فى حاجة واحدة بس هى تعذيب شعوبها .. وفى النهاية انت عارف انو البشير لو ما نفذ تعليمات الناس ديل ناس امريكا واوربا حيحاكمو ..حيحاكم فعليك اللة فضوها سيرة .. وسلمو ليهم .. كوشيب ..وهارون.. والبشير..عشان الوطن ..وكدا كدا كلكم شهدا ..كان فى لاهاى ..او فى الجنوب ..ولا شنو... -------------------------------------------------------------------------------- 2/ زول - (الخرطوم) - 25/11/2008 أقعدوا لفو ودورو لحدى ما هيلارى كلنتون تجيكم فتصبح وطاطتكم -------------------------------------------------------------------------------- 3/ خالد - (الخرطوم) - 25/11/2008 والله ماشاءالله الخرطوم لمت ليها 45 جهاز مخابرات حتة واحدة...... كل صعاليق اجهزة امن افريقا حيتلمو في الخرطوم ويطقوا الحنك ويكبرو ويهللو للبشير --- وبعد داك يشيلو الفيها النصيب من دولارات البترول ومليارات الشعب السوداني ويرجعو بلدهم آخر إنبساط........... ده الاستثمار ولا بلاش!!! بلد ما عندها سيد

Quote: التعليقات 1/ الدابى عوض الصديق - (الهند) - 26/11/2008 ولماذا لايتم الغاء الحصانه خايفيين من شنو واصلا حكايه الحصانه ديه الناس العملوها دايريين يلغوها طيب انتوا زعلانيين لماذا اعملوا حصانتكم براكم ولا بس علينا كيف واحد يبقى فريق وهو ماعمل حاجه فى الدنيا ديه ويخليل ياخليل خليلك وين مابنوم الليلوالتهويل بان ذلك يعيق السلم ويوقف التنميه ده كلام خاوى وله خوار وهو الحصانه ديه بترفع عن اى زول لا عن البعملوا اعاقه للبشريه كيف بالله تكتل ولا تعذب زول انت مابتعرفه -------------------------------------------------------------------------------- 2/ afaf mohamed omer - ( الخرطوم) - 26/11/2008 المهندس الفريق صلاح قوش .. كلامك عجيب وغريب يعنى الدولة تجند كل ما أستطاعت وتقتل شعب أعزل لا حول له ولا قوة .. وتشرد أكثر من مليونين ونصف ..هؤلاء تم قتلهم وتهجيرهم من قراهم بفعل فاعل فكيف يستقيم عقلا ودينا وخلقا من يقتل هؤلاء البشر وبالجملة ولا يسأل حتى من الذى سبب فى تدمير هؤلاء البشر .. الاسلام يقول من قتل نفسا (واحدة) بغير نفس فأكنما قتل الناس جميعا . أن قادة الاجهزة الامنية الافريقية والتى تقوم بخدمة أسيادهم الامريكان آن لهم أن يبتعدوا من مسأله دارفور وان الدم الذى اريق فى هذا البلد أنه دم غال ولايمكن السماح لمن ارتكب هذة الحماقة أن يعفى من القصاص.. وفى القصاص حياة يا أولى الارباب.