المساخــــة تنزل عليكـ حاااااارة ... تجننكـ في راسكـ ده ، مرات بتكون بتعرف الزول ، ومعاشرو ليكـ سنين وخلاص تعودت على حاجاتو .. وبقيت تتجنب دائماً نوع الأسئلة وطريقته . وعشان تأمن شر (مساختو) بتعمل فيها فاهم أي حاجة بيتكلم عنها ، ولو (دقست) وسألتو ببراءة يعني شنو ؟؟ بعد ما يكون كمل ليهو قصة من قصصو الما بتنتهي ، أعرف إنكـ أتورطت . وفي نوع مساخة حقت السلام ، بتكون داخل ليكـ محل لشراء شي ما ، وتقوم ترسم ليكـ ابتسامة ترمي الغزالة من الشجرة وتقول بوضوح تام وصوت فيه شي من المرح السلاااااااام عليكم .. يجيكـ الرد العجيب البارد وبقسمات وش صارمه ، تقول الزول طالبكـ دين هالك ليهو سنين ... وعليكم .... " بس" .... ده لو ما قال ليكـ: " ما قلنا أهلاً " وفي مساخة الدواوين الحكومية ، الموظف طبعاً عالم زمانو ، وعامل حساب إنو تجي تقرا ليهو عرضحال مدتو ساعة ، أو تكلفوا بي حاجة ، يقوم يرسم ليكـ وش العلم والمعرفة وانو مقطع أيِ حاجة ويرد عليكـ من طرف نخرتو ... لا حولا .. يطيِر الفي راسكـ كلو ... وفي حقت ولاد الأهل ، ود أهلكـ عندو " شوية قراية زايدة " وشوية قروش ، تتصل عليهو وفي نيتكـ شوية دين لي آخر الشهر ، التقول عارفكـ ، تسمع رد السلام تنسى انكـ متصل عشان شنو ، أها تقوم تتطرطش الكلام وتسألو كيف خالتي ، وكيف الأولاد .... ومع السلامة . ومساخة السياسين القاعدين فوق راسنا ديل ، خاصةً المشهورين شوية بي طول اللسان . وهنالكـ المساخة الأشهر على مستوى المساخات وهي مساخة الحوش ده أو بصورة أكبر مساخة المنتديات لمن لايعرف التعامل معها ، ولأن الكتابة تأتي بارده دون تعابير واضحة (إلا لمن خبر الموضوع ويعرف كيف يكتب بمشاعر تصل للآخرين ) .. دي طبعاً كوم براهو وهي من نوع المساخة اللاذعة جداً وتحس بيها جوه حشاكـ ... وهنالكـ أمثلة واضحة ويفتخر بعض الزملاء بها .. بل لا يحاولون مداراتها بأي نوع من أنواع الوجوه الضاحكة والمصنوعة خصيصاً للمنتديات حتى لا تعطي طابع ( المســــــــــاخة ) ...
11-23-2008, 07:29 AM
osman righeem osman righeem
تاريخ التسجيل: 06-21-2007
مجموع المشاركات: 10872
كان يحكي لي قصه شيقه بكافتريا السوق الشعبي - جامعة الخرطوم قاطعنا أحدهم بخصوص الكرسي القريب منا - لو سمحتم, الكرسي دا بتاع زول؟ رد عليه صاحبي: - أعتقد إنو بتاع ناس الكافتريا. استدرك الضحيه قائلا: - لا قصدي في زول قاعد فيهو؟ نظر صاحبي الي الكرسي من قريب ثم قام بتحسسه وقال بإستغراب: - أعتقد إنو فاضي.
11-23-2008, 08:17 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: قاطعنا أحدهم بخصوص الكرسي القريب منا - لو سمحتم, الكرسي دا بتاع زول؟ رد عليه صاحبي: - أعتقد إنو بتاع ناس الكافتريا. استدرك الضحيه قائلا: - لا قصدي في زول قاعد فيهو؟ نظر صاحبي الي الكرسي من قريب ثم قام بتحسسه وقال بإستغراب: - أعتقد إنو فاضي.
يقع فيكم العدو انت وصاحبكـ ...
11-23-2008, 07:59 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
قبل يومين وفي وسط مدينة الرياض وأنا في كامل أناقتي وريحتي طاقة ، والكرفتة مولعة رقبتي من شدة إحكام الربطة دخلت أحد المحلات التابعة لشركة SONY بغرض السؤال عن جهاز ما ، وجدت الفلبيني الناس واقفه قدامو وكل واحد عندو شغلة ، وهو عارض أو بياع ، قلت له بإنجليزية أحسبها سلسة إنو ياخي بس عندي سؤال صغير ، لأني أحسست أن المسألة ستطول إن انتظرت حتى يأتيني الدور . تفاجأت برده وبعربية أكثر من مكسرة وبوجه خالي من أيِ تعبير للمجاملة .. ((((((( سوية إنتظار .. ))))))) وطبعاً عملت خلف دور والزعل عايز يشقني .. أها مساخة الرباطاب بلعناها وحقة الشايقية بلعناها .. مساخة الفلبيني ده أبلعه كيفن ....
غايتو عنوان البوست كان يكون ( المساخة ... يوجد حميدة )
هناك علاقة قُرْبى و صلة دم بين المساخة و سرعة البديهة ... أنظر لردود أهلنا الرباطاب التي نقول عنها أناها من شدة المساخة .. و لكنها كالعملة ذات وجهين ( مساخة بهنا و سرعة بديهة من هناك ) ...
واصل
11-23-2008, 08:21 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: هناك علاقة قُرْبى و صلة دم بين المساخة و سرعة البديهة ... أنظر لردود أهلنا الرباطاب التي نقول عنها أناها من شدة المساخة .. و لكنها كالعملة ذات وجهين ( مساخة بهنا و سرعة بديهة من هناك ) ...
أها يا أبو جهينة الرد حق سرعة البديهة ومعاهو مساخة ده لو تم إلحاق إبتسامة معاهو ممكن يتبلع .. مش مساخة وصرة وشي ...
11-23-2008, 08:29 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
نحن شعب الغالبية منهم إنطباعيين..من النظرة ألأولى نحدد الشخصية ونبدو فى التعامل معها حسب مزاجنا الخاص..
كثير من الناس بعد فترة نغير تعاملنا معهم ظنآ مننا بأنهم ناس مسيخين وهم أظرف ناس.. إنت عندك مساخة بس بفهم..ما بتحب تمشى ألأمور إلا بعد ما تكون واضحة أمامك....وتهرى الزول أسئلة لحدى ما تتضح الرؤية.. خليك واضح ياجميل كلامى مش صاح..لك تحياتى وودى عمران هل الشوايقة مسيخين حقآ.؟أم مجرد إنطباع؟ خالص مودتى وتقديرى..إسماعيل محمد احمد عباس...
11-23-2008, 09:18 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
Quote: انت في دا و للا في السوداني الدخل محل في جدة و سأل البائع اللبناني: دي بكم؟ فنظر اليه البائع اللبناني من فوق لتحت و بالعكس ثم أجاب: غالية.
كضباً كاضب يا حسين .. بالذات اللبناني لا يمكن يعمل كده .. المصري ممكن جداً يتماسخ عليكـ .. اللبناني ممكن يعمل حاجة واحدة بس (بما أنكـ دخلت وهندامكـ ما مرتب ) !! إّذا دخل المحل في ذات الوقت شخص آخر وبمواصفات أخرى يمكن يخليكـ واقف ويمشي للتاني .. وطبعاً ده نوع المساخة البخلينا بطننا طامة لي تاني يوم ولو اللبناني ده أدانا شي مجاني ما بناخذوا منو !! على طاري المساخة يا حسين ... في رأيِ ( ودون أن يكون الموضوع شخصي ) لا أحد يعلو عليكـ في الردود المسيخة التي تدعو فعلاً للضحكـ من القلب ودون أن يرتد لكـ طرف .. بل حتى ودون أن تتأثر برد فعل الآخر الذي مسته المساخة في الصميم . . . . . حسين لا تتماسخ علي الله يرضى عليكـ أنا قلت ليكـ دون شي شخصي ...
11-23-2008, 02:17 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: نحن شعب الغالبية منهم إنطباعيين..من النظرة ألأولى نحدد الشخصية ونبدو فى التعامل معها حسب مزاجنا الخاص..
Quote: كثير من الناس بعد فترة نغير تعاملنا معهم ظنآ مننا بأنهم ناس مسيخين وهم أظرف ناس..
وديل نقطتين متشابهات يا أبو السباع ... مالكـ بتكرر في الكلام
Quote: عمران هل الشوايقة مسيخين حقآ.؟أم مجرد إنطباع؟
أهلي كان (شموكـ) تاني كان لسانكـ (قطَر) عسل ما (بهببوا) ليكـ ...وبتماسخوا عليكـ في الرد على أيِ شي إنت طبعاً شخص غير وعن تجربة ..." كسير تلج " ( وش يعبر عن الإمتنان )
الدنيا مولعه وآخر السنه الدراسيه الخامسه في الكـُليه.. طالعين من امتحان .. (كٌـنا نظن انه سياتي سهلاً ) ليفاجئنا دكتور الماده بورقه صاعقه.. مصطفى صديقي يرسم على وجهه ابتسامه لا تكاد تراها.. جاءت احدى البرلومات.. وبلهفه شديده تسأل - أها يا مصطفى.. الامتحان جا كيف..؟ - مطبوع... (بكل برود الدنيا) في نفس اللحظه جيت سألتو - اشتغلت كيف يا زول..؟ - بقلم جاف..!!
أها زي دا يسووا ليهو شنو...
تحياتي يا عمران
11-23-2008, 01:00 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ابراهيم وِتِّي الحلفاوي كامل الدسم برضو في زنقة سمستر كدا و الجماعة عاملين قعدة كسر بركسية ليها ضل جا زميل من غرفة تانية قال يا شباب ممكن ورقة بيضا ابراهيم بدون ما يتلفت قال ليه ما عندنا ورقة زايدة لكن هاك دي صورها و جيبها
وبما انني من المتهمين بالمساخة سوف ابرر مساختي في النقاط التالية لعلك والقارئ الكريم تجدون لنا عذرا انا وبقية العقد المسيخ
- احيانا هناك اسئلة غبية جدا فبالتالي بديهي جدا اتماسخ (علاقة المساخة بسرعة البديهة) كما قال اديبنا ابوجهينة - احيانا هناك اسئلة تقع فى وقت غير مناسب مما يحدو بنا ان نتماسخ وهنا المساخة تحمل رسالة ان السؤال فى غير وقته (علاقة المساخة بالعصبية) - احيانا هناك ناس مابنحبهم لله كدا بس فبالتالي اى سؤال او عبارة خارجة من افواه هؤلاء تعتبرها غير مناسبة وتقوم كدا وتتماسخ (علاقة المساخة بالشفافية والوضوح)
احيانا انا وبعد ان اقوم باطلاق عبارة مسيخة مسخ الترمس ، شويا كدا اقوم اتحسس واسعف نفسي بابتسامة مفتعلة لكن دون جدوى ، فالشخص الآخر لما ما يقبل ابتسامتك دا سبب قوى يخليك تزيد من مساختك
Quote: وبما انني من المتهمين بالمساخة سوف ابرر مساختي في النقاط التالية لعلك والقارئ الكريم تجدون لنا عذرا انا وبقية العقد المسيخ - احيانا هناك اسئلة غبية جدا فبالتالي بديهي جدا اتماسخ (علاقة المساخة بسرعة البديهة) كما قال اديبنا ابوجهينة - احيانا هناك اسئلة تقع فى وقت غير مناسب مما يحدو بنا ان نتماسخ وهنا المساخة تحمل رسالة ان السؤال فى غير وقته (علاقة المساخة بالعصبية) - احيانا هناك ناس مابنحبهم لله كدا بس فبالتالي اى سؤال او عبارة خارجة من افواه هؤلاء تعتبرها غير مناسبة وتقوم كدا وتتماسخ (علاقة المساخة بالشفافية والوضوح) احيانا انا وبعد ان اقوم باطلاق عبارة مسيخة مسخ الترمس ، شويا كدا اقوم اتحسس واسعف نفسي بابتسامة مفتعلة لكن دون جدوى ، فالشخص الآخر لما ما يقبل ابتسامتك دا سبب قوى يخليك تزيد من مساختك وتاني بتماسخ (مافى اى وش مبتسم)
كفيتي ووفيتي ونديكـ الميدالية الفضية ...
11-23-2008, 04:14 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
يا محمد الباقر كامل تضامني مع المسكينة الأنا متأكد إنو لي هسه في غُصَة في قلبه .. تحس بيها كلما اتذكرت رد صاحبكـ (الممسوخ) ده ... ولكـ من التحيات أجملها ... مع ابتسامة بالتأكيد ...
11-23-2008, 02:56 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
قمة المساخة انك تكون بتشجع الهلال اما ذروة سنام المساخة انك تشجع فريق دافن ليه حمار ميت في ميدانه !!!!! اما التوب تن بتاعة المساخة انه بعد دا الفريق دا انجازاته صفر قدر الكتلة.
11-23-2008, 04:17 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: قمة المساخة انك تكون بتشجع الهلال اما ذروة سنام المساخة انك تشجع فريق دافن ليه حمار ميت في ميدانه !!!!! اما التوب تن بتاعة المساخة انه بعد دا الفريق دا انجازاته صفر قدر الكتلة.
محمد عمر الفكي .. إنت بعد (كبكبتكـ) بتاعة حجز المدام تاني ما عندكـ (نضم) .. مساختكـ كلها طايرة ليكـ ساكت .. " وش أزرق باسم أخير من وشوش بكري الصفراء دي "
11-23-2008, 04:23 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
في نوع جديد من المساخة .. تطور من غير أن يقصد بتطور الحياة والتكنلوجيا من حولنا وهي المساخة الإسفيرية .. والتي تعتمد على (القتاتة) وده طبعاً موضوع آخر سنفرد له مساحة أخرى ...... يعني مثلاً يكون صاحبكـ .. صحوبية مؤقتة تعتمد على ظروف الزمان والمكان .. قاعد يقرأ ليكـ في واحد من مواضيعكـ .. الجاذبة والغير جاذبة .. فيها موضوع ونقاش جاد .. أو هترشة ساااااكت زي دي .. أها يقوم الموضوع يقوم يحركـ فيهو حاجات .. يا يتذكر كمية المساخة التي يمتلكها ويستخدمه من غير أن يدري .. يقوم موضوع زي ده يذكروا .. يا كمان متأثر من مساخة البعض .. وبرضو يقوم الموضوع ده يذكروا .. لكن مساخة منو سااااكت ما يجيكـ ساكت يقول ليكـ إزيكـ ... مساخة مغلفة بالقتاتة .. ودي صعبة خلاااااااااااااص .....
11-23-2008, 05:21 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
والنتيجــــــــــــة : المساخة أفضل من : ** الألفاظ السوقية التي تحوم وسطنا .. ** البوستات التي تدعو إلى الفرقة والشتات والنعرات المعفِنة ** المواضيع التي لا تحترم المرأة أياً كانت واعتبار بعض ردود الأفعال التي تبدر من البعض بمثابة مقصلة يتم صلب الأخريات بسببها ... .. تماسخوا يرحمكم الله أفضل لكم من العراكـ اللفظي الذي يمس أعراضنا (ويوجع ) أكثر .. .. المساخة أفضل .. كان يمكن لهذا البوست أن يستمر أكثر ويكون حامل لرسالة افضل تقودنا إلى طريقة التعامل الإسفيري ونية الآخر عندما يكون مسيخاً في رده وتعامله مع الآخرين ولكن للأسف (غلبته) بوستات (الشكل) فاختفى .. .. فدعوه يختفى ....
11-26-2008, 08:25 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: العسكري لايجد بدا فيأتي ثم يصرخ في هستريا : يازول انا ما بتكلم معاك؟ : معاي أنا؟ : يا زول انت اطرش, انا من الصباح بكوركليك يا بتاع البوكس يا بتاع البوكس. : بس أنا ما بتاع البوكس, أنا البوكس بتاعي.
رجالة وحُمرة عين ... ومعاهــا مساخة
11-27-2008, 09:30 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
عمران يا مسيخ مالك ما بتهنينى بفوز المريخ عشان ما تتماسخ معاى بفوزه بالكاس جماعة من اهلنا اشترو ليهم فول واحد قال للتانى الفول ما تكسر فيه طعميه، عشان الطعمية بتشرب الزيت . التانى قال ليه بكسرها،اها قول شربتو بتنط من الصحن والا بتقعد فيه ما بناكلها. الغريبه لا رباطاب ولا شاقيه ولا حميداب كمان،،،
11-27-2008, 10:56 AM
عبدالرحمن الحلاوي عبدالرحمن الحلاوي
تاريخ التسجيل: 10-10-2005
مجموع المشاركات: 5714
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمران حسن صالح
osman righeem
Fathi Ali Mohammed
ابو جهينة
ismeil abbas
Hussein Mallasi
محمد البشرى الخضر
محمد عمر الفكي
عبدالعزيز الفاضلابى
خالد العبيد
Salahaldeen Nadir
صديق الموج
عبدالرحمن الحلاوي
فيس بوك
تويتر
انستقرام
يوتيوب
بنتيريست