|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: سجيمان)
|
يادكتور .. صباحك صباح يشبه الصورة وكده ...
| Quote: انت صورة منى خوجلي دي الجابها بروفيلك شنو؟؟؟؟ |
لزوم كلمني وحاول حس بي .. يعني كثير ثلج وكده .. ياخي منو دي في قلوب كل قراء وكتاب وأعضاء وزوار سودانيزاونلاين .... منو دي مكانها القلب مش البروفايل ،، يعني ما برااااي ... هي الملكة صاحبة التاج المأسي . أها عرفته ولا أجي أوضح ليك ؟
عالم بكاية خلاص ؟ بالمناسبة أنت محمد البشرى قريبك ؟
أرقد عافية ... ما عافية الفنانة عافية يعني الصحة .  
| |
 
|
|
|
|
|
|
|
 Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: malamih)
|
يا سيد سجيمان و جمهوره من المشجعين
الكلام دا غلط، غلط من اى النواحى اتيته
المذيعة قبل ماتبقى مذيعة هى بنى ادم و عندها اسرة و ربما زوجة و ام
الكلام المكتوب من قبل السيد عادل سجيمان دا سخيف و ما محترم و نظرة
منحطة للمراة بتقسمها على نسق كوم المرارة. الاسخف فى فى الامر انك خاتى
الصورة عديل للمواطنة السودانية التى بلا شك اخت او زوجة لاحدنا
ياخ حتى ناس الحقيبة كان بوصفوا ANONYMOUSLY ما بيقولو بت ناس فلان
عماله كده و شعرا و ضهرا و سخف من هذا القبيل.
المحير هو كوم الجماهير المنبهلة تشارك فى المولد دا!
| |
|
|
|
|
|
|
|
|
|
Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: Nasir Ahmed Elmustafa)
|
ناصر احمد المصطفى
Quote: سجيمان سلام
رغم احترامي لك
لكن دعني اقول ليك الكلام دة عيب التغزل في بنات الناس بهذه الصورة |
رغم احترامي لك.... ارجوك اقراء مرة اخرى... ولو لقيت اي حاجة غلط ومسيئة انا مستعد احذف البوست مع الاعتذار.....
احاول ان اشجع المذيعات الوطنيات لكي قفن ضد المد الخطير للمذيعات الاجنبيات وخصوصا في قناة الشروق.....واللائي اعتمدت ادارة القناة على جمالهن في الاختيار!!!! ومعاها حق...
| |
|
|
|
|
|
|
|
|
|
Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: سجيمان)
|
تعرف يا سجيمان أنت كل يوم بتثبت إنكـ زول ما محترم ( و آسف للحتة دي لكن دي الحقيقة)
ياخ الزولة الأنت مشنع بي صورتها دي ما بت ناس و عندها أهل زوج و أب و أخوان ..
أنت بترضي لواحدة من أسرتك واحد يجيب صورتها و يقول فيها الكلام الفارغ الأنت كاتبو هنا دا؟؟
والله العظيم يا سجيمان لو كان عندي أي علاقة بالزولة دي مجرد علاقة دعك من أنو تكون أختي أو كده
والله العظيم الدنيا دي ما كانت تشيلنا نحن الأتنين
و أعمل حسابك أكيد عندها من يدافع عنها
و أتعجب كيف يسمح بكري بمثل هذه الكتابات التافهة هنا ؟؟؟
| |
|
|
|
|
|
|
|
|
|
Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: Mohammed Ibrahim Othman)
|
محمد ابراهيم عثمان
Quote: دكتور سجيمان تحياتي أخوي ..
لاحظ الصورة دي حقيقية وفيه انسانة من دم ولحم...
ولاحظ الزولة دي يا اخوي ما بتقدر ترد عليك ..
الزولة دي عندها اهل ومابيقبلو البوست دا مهما كانت المبرارات يا اخي ..
تقبل رأي ..
مع تاكيد حبي لقلمك ولشخصك |
سلام.....
حقو تخت ايدك فوق النضم الكعب وتقول لي النضم دا اعوج.... لكن التعميم دا ما بيشبهك.... بيشبه الوليدات المراهقين القاعدين ينططو هنا ديل وانت زول كلك فهم وعاقل!!!.... وبيشبه رفقاء القطعان يجي واحد يقول عوك وهم يجو جارين يقولو عوك معاهو وما عارفين الميت منو.... تصدق ديل البستفيد منهم التنظيمات السياسية المترنحة....
| |
|
|
|
|
|
|
|
|
|
Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: سجيمان)
|
| Quote: ]بيشبه الوليدات المراهقين القاعدين ينططو هنا ديل |
بما أني واحد ممن تقصدهم يا سجيمان بالكلام أعلاه...فسأتجشم (عجبتني شديد أتجشم دي) مشقة الرد عليك!!
ياخينا عليك الله هسي المراهق منو؟؟؟ الناس الردوا عليك بأنكار ولا البجيب صور سيدات في منبر عام و يقعد يتغزل فيهن على الملاء 
أنتا قايل يعني البتكتب فيهو دا نوع من الفن ولا نص أدبي؟؟...و الله تكون غاشي روحك يا صاحبي!!...كلامك دا كنا بنسمعو أيام (المراهقة) من الرمتالة في الحلة القايلين روحم ادباء زيك, لمن الواحد يكون باكي ليهو في واحدة!!!
وللا أنتا كان قايل بتحاكي في شعراء الحقيبة...دي تكون كمان عوجة برا
بعدين ملاحظ من طريقة كتابتك أنك عامل فيها (ود بلد)..والله اقول ليك حاجة كمان...الزول الحر ودالبلد مابجيب صورة ست و يقعد يتغزل فوقها كدي على الملأ!!!!!!...كان زولا ود بلد صحي بتعرف انو سموهو (مقنع الكاشفات)...ما كاشف المقنعات يا سجيمان
| Quote: رفقاء القطعان يجي واحد يقول عوك وهم يجو جارين يقولو عوك معاهو وما عارفين الميت منو |
والله يا سجيمان من الله خلقني ما بعرف كلام المطاعنة دا والكلام المغتغت...كان داير أقول لي زول كلام بقولو عديل...و كان شتمتني ما برد عليك يا مان...أنا المضاراة ورا كيبورد و أقعد أشتم ولا أتوعد دي ما حقتي!!!..عندي راي بقولو بي وضوح بدون ما اطاعن لي زول وللا اشتم لي زول...و رأيي في بوستك دا قلتو: تافه و كفى
| Quote: تصدق ديل البستفيد منهم التنظيمات السياسية المترنحة.... |
هسي الكلام دا الدخلو بي خرمجتك الفوق دي شنو؟؟؟..أكتبلنا كلام عديل ما تقعد تخيط لينا القحف مع القرعة
| |
|
|
|
|
|
|
|
|
|
Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: زياد جعفر عبدالله)
|
زياد جعفر
احترامي اليكـ
الدكتور سجيمان
قدر ماقلت ما اجى راجعة للبوست الزبالة دا القاه فى الصفحة الاولى مما يثير غيظي وغضبي كأنثى (هذا ان فضلت فيها انوثة)
سجيمان
اعلم انه ليس من حقكـ البتة ان تبيح لنفسكـ الغزل بهذه طريقة وعلى صفحات المنبر وبالصورة كمان
ياخى احترم حتة انو الزولة دي واقفة قدام مسؤول عشان تاخد تصريح عشان يجى خبر يستفيد منه كل من شاهده ، فهى ليست واقفة فى شارع وفى انتظار اتوستوب.
وبما ان الغالب الاعم فى المتداخلين ادان وشجب واستاء وتقزز وبما ان بكرى لم يتصرف فى هذه المسألة ، فبالله خلى عندك دين واخلاق وخليكـ مقنع كاشفات وشيل الصورة احتراما لزوجتكـ واخواتكـ وامكـ اذا لم يكن احتراما للاعضاء الذين لم يعجبهم الحال
فما اعتقد انكـ ح ترضى اذا اُستبيحت نساءكم كهذه
بالمناسبة اذا مابتفهم فى حقوق الانسان دا اسمو تحرش لفظي
ارجو ان تستجيب لرغباتنا كنساء
ــــــــ
البوست هذا ذكرني بايام الثانوي عندما ينتهى اليوم المدرسي ونرجع بيوتنا عن طريق ذلك الشارع (شارع المنطقة الصناعية) (وش بطنو طامة)
| |
|
|
|
|
|
|
|
|
|
Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: زياد جعفر عبدالله)
|
زياد جعفر
| Quote: بما أني واحد ممن تقصدهم يا سجيمان بالكلام أعلاه |
بما انك قد تطوعت وصنّفت نفسك..... لا بأس! انت ادرى بها!!!
| Quote: !!!!!!...كان زولا ود بلد صحي بتعرف انو سموهو (مقنع الكاشفات)... |
حلاس من باكر دي امشي على القنوات الفضائية واقعد اقنّع في المذيعات... واشيل عكاز واي واحدة تنزل التوب من راسا ووشيها اديها فوق قنيقينا.... وبما انك باين عليك زول ضكر واخو بنات واحد مقانيع الكاشفات ادعوك لتكوين جمعية " مقانيع الكاشفات"... ممكن اكون عضو.. انت خليك الرئيس وانا مساعدك ونحوم ونقنع في الكاشفات.......برافو لقد وفقّت في التصنيف!
| |
|
|
|
|
|
|
|
|
|
Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: سجيمان)
|
| Quote: حقو تخت ايدك فوق النضم الكعب وتقول لي النضم دا اعوج |
اها يا ابوي....اخت ليك ايدي فوق النضم الكعب.....النضم ده يا ابوي أعوج
تعرف يا دكتور فرق ان تظهر كمذيعة في التلفزيون وان توضع تحت المايكروسكوب اللفظي والوصفي...
اختلفنا او اتفقنا فيما اوردت من حديث هنا نملك حق المجادلة والنقاش والاستنكار معك، لكن الاخت المذكورة هي ليست عضوة هنا ولاتملك حق الرد.
سجيمان، قرانا لك كثيرا هنا وانا شخصيا رغم الجدل حول كتاباتك تعجبني لكن فرق بين ان تكتب حول شخصية من وحي خيالك وان تكتب عن شخصيةحقيقية ومدعمة بالصور "الله لايوقعني معاك في ضيقة"
انا شخصيا لو وضعت في مكان الاخت المحترمة كنت لاتضايق جدا من الوصف الذي هو اقرب الى الغزل الفاضح في عرفنا كنساء..لا ادري كيف ستتقب لكلامي واجدني محرجة من ان ابين لك وجهة اعتراضي وان امسك عصاالزمالة المحترمة مابيننا كزملاء في هذا المنبر..المذيعة اعلاه رغم عدم معرفتي بهالم يرضيني ماورد في هذا البوست، اعتبره رجاء يادكتور، ياتسحب كلامك الاول ...ياتسحب الصورة..
ولا لو حبيت....اعتبره "غيرة نساء"
| |
|
|
|
|
|
|
|
|
|
Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: سجيمان)
|
صديقي/ سيجمان
أحسبُ أنني رغبت في فتح بوست لي إحنك ومحنك بتاع بوستيك ده ... لكن لقيت محاولة التوثيق (للبوست) قبل رحيله أحسن وأجدى .. خصوصةً خاصةً كدة إنك خشيت بي أريحية وبتوصف في زولة حلوة .. ولو ما كانت حلوة وعندها حضور ما شالوها مذيعة (طبعاً قصة حلوة دي ما مطلقة ولكن نسبية أتفق فيها معاك) .. وناس الانترفيو القابلوها ديل زاتم إختاروها عشان الصوت والصورة يعني ممكن كدة تقول بالانقليزي أوديو وفيديو مثلاً ... أها تعال عِلل البوست السيجماني في وصف البت (ياريت يكون إسمها تهاني عشان أنا ذاتي أقتنع) ... فإلى مضابط التعليقات:
مدخل:سجيمان في تيرموميتر السودان:
كان حرياً بنا فتح بوست نبينه به الإنحراف المعياري (standard deviation) والذي تُقاس به حركة النوخذة أول ما أُستعمل، ولكن رأينا (نزولاً) عند رغبات معالينا إيراد ما نُورد:
الخامة: أو موضوع الطرح، وصف معاليكم لمن شاهدتم في رحلة قنص ريموتكم
النشوء والتطور
1.فظيع انت!!
مُستهجن بـ(غُنة)
2. *
مُحاولات الرفع
3. يا جماعة شجعو .... شجعو...
الدعوة للعمل العام
4. مودتي لها ولك
الإستحسان
5. ايوة انت ايام ناس هيمونيتر ما كنت غايب .. ليك حق ..
التلطيف
6. انت يا سجيمان شفت نسرين سوركتي ولا ما شفتها؟
التحدي
7. علي اليمين وارد حلة كوكو فرع أمستردام
تقوم بينا العربية
8. عاد وصاف جنس وصف انشاالله اكون صحبتك ماعدوتك عشان حاتتجلي في وصفي
التشجيع
9.كنت فاكرك
Gourmet
اتاريك
Gourmand
التأطير
10. وين الصورة يا كضاب
بوادر الإنفصال
11.أنا من يوم الليلة ســميتك "جعيران"
التدخل الخارجي
12.يا بخت المايك
وسلك المايك
الكلام الحااااااااار
13. غير كدا يا زنكلوني الجمال في مناطقكم قريد 3 ..
محاولة (إصطكاك الكرة) من الخصم
14. والاصابعين العلي السامبوكسة مالك فطيتن
عين على الواقع
15. الزول ابو ليحية الفي الطرف اليمين في الصورة دا منوا
دا معانا في المنبر ؟؟
صاحب غرض
16. رغم احترامي لك لكن دعني اقول ليك الكلام دة عيب التغزل في بنات الناس بهذه الصورة
واكيد انك ما بترضى دة لي زوجتك او بتك
بداية الهجوم
بي حق البيت
17. إتلخبط علينا الوصف ..المذيعة ياتا فيهن
محاولة للتلطيف
18. ياخ حتى ناس الحقيبة كان بوصفوا ANONYMOUSLY ما بيقولو بت ناس فلان
بي الثقافة
19. دحين يا أخوى شغلك ده ما اسمه Harassment ؟ و ال Harassment ما بالضرورة يكون باليد
وبالأنجليزي كمان
20. ذكرو ان بعانخي كان بكاي برضو
المخارجة بإستجلاب (ياخي دي دايرة بشاشة وتراجي عديل كدة) التاريخ
21. تعرف يا سجيمان أنت كل يوم بتثبت إنكـ زول ما محترم ( و آسف للحتة دي لكن دي الحقيقة)
ياخ الزولة الأنت مشنع بي صورتها دي ما بت ناس و عندها أهل زوج و أب و أخوان ..
والفوضه عمّت
والناقصة تمت
ودق النحاس
22. لكن والله دي قلة ادب ما افتكر في زول بيقبل انوالناس تعلق على صورة اختو او زوجتو
في منبر عام
هو كلهم الاخت الزوجة البنت مافي عشيقة؟
23. نرفعو... يمكن يتلقي ضكر تاني نفسو عاجباهو يكون داير يشتمني شوية
مرحلة الـ(كفاية) والـ(زارعا الله من غير فيزا بتدق إقامة)
24. لاحظ الصورة دي حقيقية وفيه انسانة من دم ولحم...
جابت ليها علم (التشريح) وينك يا عبد الله الريح ووين قعونجتك؟
25. يا خي أنا تعبت
ده أنا براي
267. تم سحب الصور!
وانتصر .......
مهند
ملحوظة مهمة خالص:
التحتو خت دي الاقتباسات
ولتجدي هنا كمتابع لفعاليات العمل العام أقف بجانب كتاب البوست فيما ذهب إليه، من حُسن نية لا تجد لها فخامة محكمتنا سوى مطالبة الكاتب بمواصلة موضوعه بحكم أن موضوع الدعوة شخصية عامة أرتضت لنفسها دخول البيوت بدون إستئذان، وبحكم حُسن نية الكاتب ومحاولته لترويج الجمال عليه:
واصل يا جميل
| |
|
|
|
|
|
|
|
|
 Re: ناس قناة "الشروق" قرطووو علي كدا...دي المذيعة يا بلاش"توجد صورة" (Re: سجيمان)
|
..
.
ما عهدناكـ ...
يعنى تنازلت وسحبت الصورة ..
يا دكتور انت تكتب منذ ربع قرن بنفس الشفافية
والوضوح .. تعبر او تنتقد بكل الشجاعة وحديث قاع المدينة
وجراءة الشارع السودانى ..
طريقة كتاباتك مميزة باسلوب نقدى ساخر سواء كان مدحا او ذما
قد يرفضها البعض ولكن يتقبلها الاغلبية من العوام وليس من المثقاتية ومدعى الصفوة..
وحاملى الشعارات ..
فدعك من دعاة حقوق المرأة ووالشعرات اياها _ هذه شعارات تستخدم _وقتما يحلو لهم/ن _
فقد سبق ان تناول موضوعا هاهنا نقدا منا فاعتبر الصفوة من المثقفاتية هذا امر طبيعى
فخار القطيع ونهقت حمير وتوارت الثعالب ورددوا بأن هذه حرية المراة ..
ترتدى ما تشاء وتفعل ما تشاء .. أذن فلنكتب ما نشاء باى صورة نشاء ..
لا لمنع حرية الصحافة
وتكميم الافواه
ووتقليم الاظافر ايضاً 
وونتسال بعد هذا ما الذى جعله غير طبيعى اليوم ..
وصراحة لا احب تقديم التنازلات لشخوص بعينها
فاما ان تقتنع بالفكرة تستمر للنهاية واما ان تزليها تماما
اما البقية فلا اجد أكثر من وصفتهم به.
فما عليكـ .. بما يرددون ويناقضون ..
وافعل ما يوليه عليك ضميرك وقناعاتك وما تحسه او تود ايصاله للقارئ
والان اصبح مبتوراً ..
لذا ازله وانسحب ..
او اعده وواصل ..
_____________
تعلم تماماَ _ وانت الخبير_ سعادة المرأة الطاغية بالمدح
والوصف وذكر محاسنها وايضا غيرة النسوة ..
واعتقد بأن صاحبة الشأن لكذلكـ ..
( واوعدك ان احاول ان اتيك برأيها الحقيقى قريباً )
وحتى حينه
أراك بين أزقة وحوارى المدينة بخير وحبور
| |
|
|
|
|
|
|
| |
سجيمان
عصام دهب
معتصم محمد صالح
محمد عمر الفكي
حبيب نورة
Hassan Makkawi
هاشم أحمد خلف الله
Osama Siddig
JAD
طارق جبريل
احمد محمد بشير
Nasir Ahmed Elmustafa
abubakr salih
الطيب رحمه قريمان
ALazhary2
imad hassan
سارة علي
خالد عبد الله محمود
dombek yai
زياد جعفر عبدالله
Mohammed Ibrahim Othman
Hisham Ibrahim
معاوية عوض الكريم
بلدى يا حبوب
ASHRAF TAHA
MOHAMMED ELSHEIKH
فيس بوك
تويتر
انستقرام
يوتيوب
بنتيريست