|
|
|
 Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
الأخ أحمد بشير
بل العكس تماما ..
قول الاستبداد والشمولية ح تمشى وين
وما ح أقول مزبلة التاريخ ولكن سحات القضاء
أولا حتى لا يشهر سلاح الحقد والاحادية المشهور
الآن بأسم الدين والدين منه براء. أهل الانقاذ
كفروا بالمرجعية الفكرية وانساقوا نحو مصالح
ذاتية ضيقة ولكن لا عليك ماذا تعنى عشرون عاما
من عمر الشعوب من أجل اجتثاث الشمولية و الاستبداد
أرجع وتأمل فى قانون دفع الصراع
Quote: "ولولا دفع الله الناس بعضهم بعض لهدمت صوامع وبيع وصلوات ومساجد يذكر فيها اسم الله كثيراً ولينصرن الله من ينصره ان الله لقوي عزيز. الذين إن مكناهم في الأرض أقاموا الصلاة وآتو الزكاة وأمروا بالمعروف ونهوا عن المنكر"
"لا تقتلوا شيخا ولا امرأة. ولا صبياً. ولا عابداً في محرابه. ولا راهباً في صومعته. ولا شاباً مادام لا يحمل السلاح ولا تقطعوا شجرة ولا تردموا بئراً. ولا تجهزوا علي جريح. ولا تمثلوا بقتيل".. |
ومن يضحك أخيرا يضحك كثيرا.
| |
 
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
Quote: ياربي بعد سنة2011 الناس البكوركوا هسع ديل بمشوا وين
بعد انفصال الجنوبيين؟ |
ده لو سؤال الإجابة
يقعدوا في بلدهم و ياخدوا كافة حقوقهم
ولو تهديد حيعملوا نفس الحاجة و ياخدوا
حقوقهم وما دارفور ببعيدة(كمثال لما سيحدث)
وفي وسط الخرطوم، ولي عهد السكوت على الشمولية
وجاء وقت رد الحقوق لإصحابها، أو إنتزاعها من المغتصب
بالقوي اسوة بإخوتهم في الجنوب
تحياتي
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
بشير احمد
| Quote: كل مشاكل الصحفيين من تحت راس أجراس الكنائس لماذا؟ .. |
الموضوع لا علاقة له باى صحيفة بشكل مفرد ارجو ان لا تصور الامر كذلك
الموضوع موضوع قانون وحرية للشعب السودانى ونحن جزء منه وماتم
هو نوعا من الاعتراض على الرقابة القبلية التى يقوم بها جهاز
الامن ولانك بعيد عن هذا المجال ولم يصادر لك هذا الجهاز حوار او تحقيق
او تقرير اخبارى او مقال او عمود او غيره فانك لا تحس بالالم مثل هولاء
الصحافيين الذين يقع عليهم مثل هذا الاذى.
ارجو ان تتابع القضية بصورة دقيقة ومن ثم كون راى وموقف يحسب لك
او عليك .
الامر الثانى الذى اود ان انبه اليه هو ان الدعوة لتجمع الصحافيين
قدمتها شبكة الصحافيين وقبلت كل التنظيمات الصحفية الاخرى المشاركة
فى هذا النشاط بما فى ذلك الصحافيين فى اجراس الحرية الذين ابلوا
بلاءً حسنا
وقد انجزنا المرحلة الاولى من نشاطاتنا التى نود ان
نقوم بـها .
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: عبد الواحد أبراهيم)
|
عبدالواحد أبراهيم
| Quote: الموضوع لا علاقة له باى صحيفة بشكل مفرد ارجو ان لا تصور الامر كذلك |
ياخي اجراس الكنائس دي ما كملت سنة ؛الصحف القبليها مالم ماعملوا كدة قبل ماتجي
البتاعة دي؟
وبعدين عندك صحيفة الانتباهه الحركة الشعبية وقفتها في الجنوب ليه ؟
ووين ناس حرية الكلمة والنشر مالهم ماطلعوا مظاهرة زي حقت امس؟
زول قال بغم مافي !!! وشغالين بالمثل عدو عدوك صديقك.
Quote: هو نوعا من الاعتراض على الرقابة القبلية التى يقوم بها جهاز
الامن ولانك بعيد عن هذا المجال ولم يصادر لك هذا الجهاز حوار او تحقيق
|
ياخي اي حاجة في الدنيا دي لازم يحكمها قانون ؛انت هسع هنا في النت ده
موش في قانون بيحكمك ؛يعني ماممكن تكتب علي كيفك.
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
الاخ بشير
ألا تلاحظ أن كل مؤيدي الحكومة في هذا المنبر قد سقطت دفوعاتهم وانهارت مقاومتهم..؟؟.
طبعا نتيجة طبيعية لأن الدوافع تختلف..
دوافع الشخص المعارض قوية لأنه يدافع عن مقدسات شرعتها كل الشرائع الإلهية والبشرية مثل حرية التعبير والديمقراطية والعيش الكريم ...إلخ..
ودوافعكم..أنتم
تثبيت أركان نظام قتل الآلاف من أبناء الشعب ولا زال، ومُصر إصرار شديد على يستمر في الحكم حتى آخر زول سوداني..
اخي بشير أيهما أكثر أحقية، بل أكثر استمرارية.. وقوة وشرعية..؟؟.؟
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: Deng)
|
Quote:
الكلمة أجراس
الكلمة مآذن
الكلمة لهب بيضوى دروب
ويصهر أسوار العتمة
الفارضة حصارها على النخلات
الكلمة شرف
عند الناس الرغم عذاباتها
شايلة هموم جيل بحالو
ما قادر يخطو ولا يتقدم لقدام
عند الناس الما بياكلوا ولا أولادهم لقمة حرام
..........
يا عسكر ..
أغتصب الهمة ..
أغتصب الهدمة وأرفع سعر السكر
أغتصب الضحكة
وببوتك أسحق كل الشعب
الما بستاهل النعمة
لا بشكر لا بحمد أهل القمة
ياكل ويشرب جوع ومذلة
وبرضو ينوم
ما جلدو تخن.......
من ضرب وجوع وسجون
ومشاهد موت ودموم
من كثرة ما شافها وأتشبع بيها
طلت جواه بقت زى لون
أحمر أحمر أحمر
لون مدلوق ما ليه قيمة
...........
اجلد..اجلد...اصفع...
بسوطك تجلد أمة ورب
بكفك ..تصفع وجه الحق
لكن لمن تهبش شرف الكلمة
وتلوث قيمة وعقيدة ومعنى
يبقى الفاضل ايه ؟؟
ما كفاكم دار المايقوما
عاوزيننا نبنى كمان دار للكلمة الما شرعية؟؟
......
يا عسكر ..
شن فهمك أت بالكلمة
فهمك حدو دبابة وقهر
فهمك حدو أقامة الحد
والحد عندك أقلاه قمع الفكرة
وصلب الكلمة على أبواب تفتح على شارع بكرة
خايف من ايه ؟
أنو النايمين وسباتهم طال
يصحو على اجراس الكلمة ؟؟
يا رب بصحوا؟؟
ومتين يصحوا؟؟
.......
مين القال الكلمة بتحبس وراء قضبان؟
الكلمة نفس ..روح وهواء..
مين فيكم يملك أمر الروح ؟؟
ويقدر يمنع عن خلق الله هواءه؟
الكلمة وطن ..
ومين البيقدروا وراء قضبانهم يحتجزوا وطن ..
الكلمة ..أنا ..وأنت ..وهن ..وهم
..الكلمة ..أمل
وأمبارح واللحظة وبكرة
الكلمة وطن ..
|
الكلمة وطن..ومين البقدرو وراء قطبانهم يحتجزو وطن
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
بشير احمد
شايفاك بهناك عامل بتدينا دروس عصر (في منبر السودان الجديد)
عن عدم حذف صعلكة المتصعلكين
وصبية الحكومة الفكيتوهم لينا عاملين هكر وغيره
وجاي تدافع عن قمع الناس باسم ان (اجراس الحريه بتقود الفتنه)؟؟؟!!!
ما سالت نفسك اديناك انت ومحمد فرح وقبلكم من سنتين العضويه ليه؟؟؟
لكن هنالك فرق بين الديمقراطيه و الفوضى وده الفمروض تعرفه.
اجراس الحريه لها لاشرف انها تضم كل السودانين من كل الملل و الاعراق
مش زية الانتباهة بتاعتكم....
Quote: ياربي بعد سنة2011 الناس البكوركوا هسع ديل بمشوا وين
بعد انفصال الجنوبيين؟ |
بقعدوا في نفسك وبكونوا مسيطرين على الحكومة كمان
كدي النشوف انت الفرحان ومنتظر انفصال الجنوب حتعملوا شنو؟؟لو ما انفصل.
حتكل نيم باين.
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: Tragie Mustafa)
|
لاجراس الحرية كل التقدير وهي الوليدة التي سارت في اوعر الدروب
وصحافة بدون حرية راي وتكميم يعملوا بيها شنو يا بشير...؟؟؟
اتريد الصحف ان تصبح ابواق للسلطان يزيحون النظر عن الفساد عن الظلم عن التردي الحاصل في كل الاشياء...
حرية الصجافة دي
لي انا
وليك انت
ولكل مواطن سوداني يحق له ان يعرف ما يدور في بلده وبشفافية....
انت ما دايرها لييييييه...؟؟
ولماذا يا بشير تعمل علي توطين غتغتة الاشياء التي هي ملك لكل الناس....!!!
قوس وكمنجة ورمح لاجراس الحرية الصحيفة التي ولدت بسنونها وهي تقود ومع الاخريين معركة
حرية الصحافة
والتحية لكل صحفي نزيه يعمل علي المطالبة باعلي اشياء مهنته صوتا وصيتا
وهي حرية القلم والكلمة
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: Tragie Mustafa)
|
أم حازم
تحياتي ومثلها للعيال.
Quote: شايفاك بهناك عامل بتدينا دروس عصر (في منبر السودان الجديد)
عن عدم حذف صعلكة المتصعلكين
وصبية الحكومة الفكيتوهم لينا عاملين هكر وغيره
|
لا درس عصر ولاحاجة ؛لان المداخلات الحزفتيها انت في نيوسودان ومنها مداخلاتي ليس فيها
مايسئ لاي عضو مجرد اخذ ورد طبيعي؛وتم تصنيفنا من طرفكم بالطابور الخامس.
نعم المداخلات الغير موفقة وتسئ لاي عضو تحذف فورا.
ومن الطبيعي لاي صاحب موقع او مشرف مراقبة مايُكتب في البورد ؛وكذلك مايُكتب في اي صحيفة.
Quote: ما سالت نفسك اديناك انت ومحمد فرح وقبلكم من سنتين العضويه ليه؟؟؟
لكن هنالك فرق بين الديمقراطيه و الفوضى وده الفمروض تعرفه.
|
تشكري علي منحنا عضوية بمنبر السودان الجديد.
نعم الحرية لاتعني الفوضي .
Quote: بقعدوا في نفسك وبكونوا مسيطرين على الحكومة كمان
كدي النشوف انت الفرحان ومنتظر انفصال الجنوب حتعملوا شنو؟؟لو ما انفصل.
حتكل نيم باين. |
مافي مشكلة آكل نيم وآحلي بــ قرض كمان.
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
السيد/بشير.....سلام....
ياعزيزى هذا مخطط تم اعداده ويجرى تنفيذه باتقان من قبل اجراس الحرية وهو
التعمد بكتابة المقال الذى يعرض سلامة البلاد وامنها للخطر تحت زيف وادعاءات حرية
الراى والتعبير ,والخط العام لهذه الصحيفة منذ تاسيسها هو اثارة البلبة والاضطرابات
تارة بالمقال المباشر وتارة بالمقال المفخخ ,وداخل جوف هذه الصحيفة مجموعة من
الكتاب المعروفين بعدائهم السافر للمصالح العليا للبلاد..علما ان هامش الحرية المتاح
فى السودان قلما يوجد فى كثير من البلاد ....ليت هولاء المتنطعين قراءوا قانون الصحافة
الفرنسى ...وفرنسا موطن الفكر الديمقراطى الحر ثم ليقارنوه بقانون الصحافة السودانى
ومن بعد لنرى....وما ابعد الشقة بين فرنسا والسودان فى مسيرة الحقوق والحريات العامة.
على
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
يا بشير يا أخوي هي الحكومة دي ناس الحركة الشعبية مش مشاركين فيها؟؟؟؟
أجراس الحرية بتتناول اللي بحصل في الجنوب بي نفس تناولها لي اللي بحصل من
الحكومة الإتحادية ؟؟؟؟؟؟
يا بشير يا خوي الرأي أعوج و الحرية عوجاء و أوع تقول كـدا لأنو أدعياء الحرية
و الديمقراطية حا إقيفوا ليك شوكة حوت
تحياتي
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: ABUHUSSEIN)
|
ابوحسين
تحياتي؛؛
Quote: يا بشير يا أخوي هي الحكومة دي ناس الحركة الشعبية مش مشاركين فيها؟؟؟؟
|
هم فعلا مشاركين في الحكومة ؛ويجو هنا يقولوا ليك الحكومة فعلت وتركت؛
انا ماعارف هم قاعدين فيها بسوا شنو؟
Quote: أجراس الحرية بتتناول اللي بحصل في الجنوب بي نفس تناولها لي اللي بحصل من
الحكومة الإتحادية ؟؟؟؟؟؟
|
والله ماتقدر تتكلم عن الجنوب.
وتشكر علي المشاركة القيمة.
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
من البلاQuote: ياعزيزى هذا مخطط تم اعداده ويجرى تنفيذه باتقان من قبل اجراس الحرية وهو
التعمد بكتابة المقال الذى يعرض سلامة البلاد وامنها للخطر تحت زيف وادعاءات حرية
الراى والتعبير ,والخط العام لهذه الصحيفة منذ تاسيسها هو اثارة البلبة والاضطرابات
تارة بالمقال المباشر وتارة بالمقال المفخخ ,وداخل جوف هذه الصحيفة مجموعة من
الكتاب المعروفين بعدائهم السافر للمصالح العليا للبلاد..علما ان هامش الحرية المتاح
فى السودان قلما يوجد فى كثير |
د
ارجو ان تنزل لنا بعض المقالات التي تعرض او عرضت امن البلاد للخطر ؟
مهم جدا ....
ارجو تحديد الكتاب المعروفين بعدائهم السافر للمصالح العليا للبلاد ؟
وماهي المصالح العليا للبلاد في نظرك ؟
ضروري جدا ان ترد على هذه الاسئلة ..
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: Deng)
|
الاخ/دينق
تحياتي؛؛؛
انت زعلت ولا شنو ؟
ياخي قالوا الكُبر وقار؛وقلنا ليك عمنا لانك اقدم مننا في البورد .
Quote: أنت كاتب لك عنوان أستفزازي زي كنت ح تتوقع انو دينق ح يجي يتعامل معك بياتوا لغة وأسلوب? لغة العنصري الطيب مصطفى دي من الاحسن لك ان تتركها. إذا كنت تريد أن نخاطبك بأحترام.
|
انا غايتو ماشايفو استفزازي ؛لانك لو قريت الجريدة دي بتلقي فيها عمود باسم اجراس الكنائس.
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
بشير أحمد
السلام عليكم
لا يمكن أن تكون الحركة شريك أساسي وتنتقد الحكومة
والله هذا مما يثير الإستغراب
ثانيا لابد من توسيع مساحات الحرية
والحشاش يملا شبكتو
وفي الحرية وحرية الكتابة
أهدي الجميع قصيدة شاعر الحرية
أحمـــــــــــــــــــــد مطـــــــــــــــــــــــــر
وهي بعنوان:
كيف تأتينا النظافه؟
العِرافه
جثة مشلولة تطوي المسافه
بين سجن وقرافه
والحصافه
غفوة ما بين كأس ولفافه!
والصحافه
خرق ما بين افخاذ الخلافه
والرهافه
خلطة من أصدق الكذب
ومن أفضل أنواع السخافه
والمذيعون .. خراف
والإذاعات خرافه
وعقول المستنيرين
صناديق صرافه
كيف تأتينا النظافه؟!
* * *
غضب الله علينا
ودهتنا ألف آفه
منذ أبدلنا المراحيض لدينا
بوزارات الثقافه
وأخيرا اسال الله ان يجنب بلادنا الفتن
والمصائب والاحن خاصة التي تكون بيد أبنائها
وشكرا للجميع
والمزيد من الحوار الهادئ البناء
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: ابراهيم قناوي)
|
الاخ/ابراهيم قناوي
وعليكم السلام ورحمة الله وبركاته.
Quote: لا يمكن أن تكون الحركة شريك أساسي وتنتقد الحكومة
والله هذا مما يثير الإستغراب
|
دي تكتيكات للتمهيد للانفصال
عشان بعدين يقول ليك الوحدة غير جاذبة.
Quote: ثانيا لابد من توسيع مساحات الحرية
والحشاش يملا شبكتو
|
حتي لو وسعوا الهريات دي برضو الحال في حاله.
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
| Quote: انا غايتو ماشايفو استفزازي ؛لانك لو قريت الجريدة دي بتلقي فيها عمود باسم اجراس الكنائس. |
الكوز بشير أحمد.
ياخي انتو ماودايرين تسيبوا الاستهبال البتعملو فيهو ده?
هسع لو الواحد نزل لمستواك وأستمل مثل عنوانك الفوق ده في حق الاسلام والمسلمين العجاجة بتقوم في البورد ده. عنوانك به أستفزاز وأستهزاء واضح.
دينق
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: Deng)
|
الاخ/دينق
تحياتي؛؛؛
المرتزق دينق.
Quote: ياخي انتو ماودايرين تسيبوا الاستهبال البتعملو فيهو ده?
|
لمن تخلي استهبالك بنخليهو.
| Quote: هسع لو الواحد نزل لمستواك وأستمل مثل عنوانك الفوق ده في حق الاسلام والمسلمين العجاجة بتقوم في البورد ده |
العجاجة من زمان قايمة في البورد.
وقصة العنوان قلتها ليك فوق.
| |
|
|
|
|
|
|
|
|
|
Re: كل مشاكل الصحفيين من تحت راس أجراس الكنائس لماذا؟ .. (Re: بشير أحمد)
|
الأعزاء لكم التحية
الأخ / بشير
أولاً لم توفق في اختيار العنوان المناسب لسؤالك ، لما فيه من تجريح لمشاعر غيرك لا لشيئي سوي أنهم خالفوك.
الرأي أوالدين وما تحاول المراوغة بأنو العنوان موجود بالصحيفة لانو المقصود واضح.
ولو المسألة بقت بالشكل ده والله الخرطوم دي تطلع كل يوم مسيرة تنديد( ما حتخلو ليكم مسيرة في الدنيا دي )
ونبقي في (إلا وإلا )، عشان كدة يا أخونا قالوا ( دحين ما تفلق وبيتكم من قزاز ساونو).
بعدين الناس بتتكلم علي أساس دستور وليس دين ، والحرية مكفولة في الدستور يعني بصراحة حق وليس
هبة ، ومامهم الزول يفتش عن حقو اليوم - باكر – بعده ( الحق حيفضل برضو حق ).
بعدين يا شباب مسالة المقارنة مع الدول الأخري حيرتنا تقول ما في حرية يقولو فرنسا ما فيها حرية أو
مساحة الحريات ضيقة ، ببساطة لو المسألة محاكاة هل تحتذون بالسيئ في نظركم ، طيب يا سادة ليبيا
عاوزة توزع أموال البترول علي المواطنين ’ مقترح مجاني للسادة ( عاوزين نحاكي ليبيا ) مين يثني
وفي حد يقدر ينفذ؟؟؟؟؟
والله يا شباب عندنا كتاب في الصحف يشكروا ويطبلوا ويهتفوا ، لو قريت مقال الواحد تحس إنو كاتب من
الفردوس (الجنة ) وليس من الخرطوم رغم إنو الشواهد كلها تدل علي العكس (الجمل مابشوف عوجة رقبتو).
والله لو دي طريقتكم يا ناس بعدين أنا ذاتي داير أنفصل.
ويجعلوا عامر
ملكال
| |
|
|
|
|
|
|
| |
بشير أحمد
Nazar Yousif
Abdulbagi Mohammed
يسن ابوالمجد
عبد الواحد أبراهيم
khalid abuahmed
Deng
Hussein Mallasi
rosemen osman
عمر صديق
Tragie Mustafa
عبدالكريم الامين احمد
على تاج الدين على
kamalabas
ABUHUSSEIN
عبد المنعم سليمان
عمر التاج
ابراهيم قناوي
فيس بوك
تويتر
انستقرام
يوتيوب
بنتيريست