|
Re: دقسـات الفنانيـن الشـباب (Re: عبدالوهاب علي الحاج)
|
في إحدى الأيام إتصل بي أحد عازفي الأورغن ممن لا تربطني به أي علاقة وثيقة في المجال الفني ولم حدث ان تعامل معي إلا مرة واحدة فقط أو مرتين وبمحض الصدفة من واقع مجاملاتي الكثيرة في مناسبات الأصدقاء والمعارف .. أقول أن هذا العازف إتصل بي في إحدى الايام وسألني إن كنت مرتبطا كي يربط لي حفلا اقيمه معه.. ولما سألته عن اليوم وكان يوم أربعاء وجدت نفسي غير مرتبط في ذلك اليوم ومن ثم فوضته في موضوع التعاقد مع اصحاب المناسبة وليتصل بي مرة اخرى ليخبرني بالتفاصيل ولم أستشعر رائحة اي نوع من الكوارث حينها ..
المهم انه إتصل بي في ذات يوم الأربعاء نهارا واخبرني أن الحفل قائم في المساء وأنه عليٌ ان اكون مستعدا مساء لأن هنالك عربة ستأتي لتقلني من المنزل ، كما ذكر أيضا أسماء ثلاثة عازفين اخرين أعرفهم بالأسم سيكونون معنا في الحفل .. الذي سيقام بمنطقة العمارات.. وفي المواعيد المحددة حضرت عربة حافلة ووقفت امام المنزل وكنت جاهزا تماما وحين صعدت للحافلة وجدتها خالية إلا من ساوند سيستم بعامليه وبعاميه.. وصاحبي عازف الاورغ ذاك !! ولما سألته عن بقية العازفين الذين ذكرهم .. قال لي أنه صاحب المناسبة طلب فقط أورغ وعازف وفنان نسبة لضيق المساحة بمنزلهم !! فلم أسأله بعدها عن أي تفاصيل كما لم اخوض معه في قيمة المبلغ أو العربون الذي إستلمه من أصحاب المناسبة إذ أنني عادة اتحدث في تلك الامور بعد نهاية الحفل خاصة إذا كان الوسيط احد زملاءنا العازفين ....
ولدهشتي الشديدة تخطت الحافلة في سيرها منطقة العمارات بأسرها فسألت عازفي ذاك عن السبب فقال لي ان المناسبة قد تم تحويلها إلى الصحافة شرق !! فتعجبت وسألته لم لم يخبرني بذلك ؟ فقال لي أن صاحب الحفل اخبره متاخرا بالمكان الجديد !! .. لم اكترث كثيرا ولم يكن الأمر يمثل فارقا بالنسبة لي .. ومن ثم وصلنا إلى مكان الحفل ووجدنا كل شئ معد وتم إستقبالنا كأفضل ما يكون وإكتشفت هنالك ان بعض أصحاب الحفل هم من معارفي وزملائي قديما في الدراسة .. فبدأ الحفل وإنتهى كأروع ما يكون ولم يعكر صفو الجو أي شئ وتم وداعنا وإنطلقنا غافلين .. وفي الطريق أعطاني عازف الاورغ نصيبي من مبلغ الحفـل وكان شبه مضاعف عن العداد المتعارف به في تلك المناسبات، ففسر لي عازف الاورغ ان ذلك بسبب إلغاء بقية العازفين في اللحظة الاخيرة ..
المهم انني إستلمت المبلغ واوصلتني العربة إلى المنزل ومن ثم خلدت غلى النوم ..
وفي اليوم التالي حوالي الساعة الثانية ظهرا دق باب المنزل ولما فتحته وجدت شخصا غريبا لا أعرفه وسألني إن كنت الفنان ناذر خليفة فأجبته بالإيجاب ومن ثم أبرز لي امر قبض صادر من قسم شرطة العمارات وطلب مني الذهاب معه !!
أصبت بالدهشة واستفسرته عن التفاصيل !! إلا انه ذكر لي أنه ليس مخولا بذكر أي شئ وان علي فقط الذهاب معه للقسم فلم املك غير الإذعان وذهبت معه وفي ظني أن الامر متعلق بمسألة تخص العمل والتجارة في الشركة التي أعمل بها ..
وعندما وصلنا للقسم لم يكن المتحري موجودا ولكني وجدت شخصا اخر لا اعرفه وكان هائجا ومائجا وعندما راني إنفجر في وجهي (يعني شنو يعني !! عاملين فيها حرامية وصعاليك ؟ البلد دي ما فيها قانون ولا شنو؟ ) لم افهم طبعا سبب ثورة الرجل لأنني لا اعرفه وقبل ان الم باي تفاصيل ونسبة لغياب المتحري تم إدخالي للحراسة رأسا وانا في شدة ذهولي من هذا الموقف الغريب !! ولكن تفجر ذهولي أكثر عندما وجدت في الداخل عازف الاورغ إياه !!! وحاولت ربط الامر في ذهني ولم أستطع وقبل حتى ان اسلم على أي شخص من الموجودين بالداخل صحت في عازف الاورغ (تعال يا زول !! في شنو والحاصل شنو؟!) .. فحاول عازف الاورغ مداراة الموقف بالقول (لا لا سوء فهم بسيط إنتا بس خليك طبيعي وكل شي حا يمشي تمام التمام).. فصحت فيه بحدة (إنتا عبيط ولا شنو ؟؟.!! شايفني قاعد في بيتنا ؟ أنا قاعد جو حراسة وتقول لي خليك طبيعي ؟ الحاصل شنو؟) .. وقبل أن يخوض في التفاصيل جاء أحد العساكر ونده إسمي وخرجت لمقابلة المتحري وهناك عرفت أن الموضوع اساساً يتعلق بشكوى مرفوعة ضدي من أحد الأشخاص بدعوى أنني إتفقت على إحياء حفل له ولم أحضر للحفل .. وإندهشت لذلك فأخبرت المتحري أنني لم اتعاقد مع أي شخص بالأمس لإحياء حفل له غير الحفل الذي كان في الصحافة شرق وإلتزمت به مع عازف الاورغ الذي بالداخل !! وطلبت مقابلة الشاكي فأحضروا لي الشخص الذي كان غاضبا ولا يزال فسأله المتحري إن كنت انا من تعاقدت معه .. فأجاب الشاكي بالإيجاب فإندهشت وسألته (يا زول أنا متين شفتك لما إتفق معاك وإنتا متين حصل قابلتني !!) فقال (مش إنتا ناذر خليفة ؟) قلت ليهو (ياخي أأي أنا زفت خليفة زاتو إنتا متين إتفقت معاي ؟؟!!) فصاح غاضبا (عازفك بتاع الأورغن المحبوس دا هو القال إنتا فوضتو عشان الإتفاق ) سألته (إنتا ساكن وين يا ابو الشباب وحفلتك دي كان المفروض تكون وين!!) قال لي (في العمارات) ..
وهنا أدركت الأمر برمته وهو ان عازف الأورغ ذاك هو الذي حول مكان الحفل لغرض في نفسه من العمارات للصحافة شرق دون إخباري فأقسمت للمتحري ولصاحب المناسبة انه لا علم لي بكل ذلك وان عازف الاورغ هو الذي تعاقد من تلقاء نفسه ولكنه لم يخبرني عن أصحاب الحفل .. فقال لي المتحري أن الشاكي الان يطالب بتعويض 2 مليون جنيه عن الأضرار التي تكلفها من جراء التحضير للحفل من صيوان وكراسي وعشاء وإضاءة ودعوات للضيوف وأن الحفل قد فشل بسبي وأن علي دفع التعويض !!!!!
فأخبرت المتحري بأن الأمر لا علاقة لي به وان الموضوع برمته قام به عازف الاورغ دون علم مني وطلبت شهادة فني الساوند سيستم والذي يعلم ذلك .. فوجد المتحري أن هنالك تناقضا في اقوالي واقوال عازف الاورغ مع ظهور إضطراب لدى الشاكي والذي لم يعد يعرف اين الحقيقة !! فطلبت من الشاكي ان يعطيني فقط موبايله كي أتصل بفني الساوند وفعلا إتصلت بفني الساوند وشرحت له الموقف ووعد بالحضور فما كان من المتحري إلا إرسالي للحراسة مرة اخرى لحين حضور فني الساوند للإدلاء بشهادته ....
وكنت في تلك اللحظة اغلي من شدة الغضب ولم أتحمل منظر أن أسير أمام العسكري في طريقي للحراسة أمام خلق الله هؤلاء وكنت اقرأ في وجوههم أسئلة من شاكلة (هسي يا اخوانا ود الناس دا يكون مالو ؟؟) و (الزول دا بيكون لاهط ليهو قروش شركة كبيرة) و (ياربي بيكون هو الكاتل الزول داك الجابوهو في جريدة الدار؟؟!) وكدت أصيح في وجوههم (يا بشرية هوي أنا فنان فناااااااااااان يعني مطرب وكدة ، والقصة ما زي ما إنتو متصورين كلها موضوع زوغة بي عداد حفلة ، وهسي الموضوع حا يتحل لمن يجي بتاع الساوند) .. وعندما أدخلت الحراسة مرة أخرى وجدت بتاع الاورغ ذاك في وجهي مباشرة وسألني بتعاطف مفتعل (أها إنشالله عرفو إنك ما عندك علاقة بالموضوع؟؟!!) فصرخت في وجهه (ما عندي علاقة يا إبن الـ ....) وطوالي دخلت في الزول بلنجات وشلاليت وكفوف (لا حظتو !!انا هنا ذاتي فقدت المنطق وبقيت أكتب بالدارجي ) ..
ودورت ليك في الزول خبت وناس الحراسة حاولوا يفكونا وحصلت دربكة .. (تعملا فيني يا إبن الـ ..) ، الليلة إلا ...... في الحراسة دي ..(عشان الواحد ساكت ليكم والله لمن نطلع من هنا إلا ما تقابلني ) .. والجماعة في الحراسة شابكيني ليك (يا شباب عيب ..إنتو ناس كبار .. دا شنو القاعدين تعملوا فيهو دا .. هسي الناس يقولوا عليكم شنو ؟!) .. والغريبة إنو مافي ناس زاتو شايفننا إلا هم وهم أقل واحد فيهم يكون كاتل ليهو شافع صغير كدة .. طبعا حراسات السودان بدخلو كتال الكتلة مع حرامي غنم الحلة .. والسكران مع معتاد الكسر والمجنون مع الزايغين بالعداد الزينا كدة ...
طبعا جا العسكري داخل جوة الحراسة وأعاد النظام ... وكويس أنو العسكري كنت بعرفو وهو عارف القصة قام طلعني من الحراسة وختاني في الفرندة القداما وديك حتة أنضف شوية من الجوة .. وبقيت أأشر لي بتاع الأورغ وانا من محلي داك وبخت صباعي في رقبتي علامة الضبح بما معناهو (الليلة بضبحك انا) ... طبعا أخوكم من اليوم داك وبقى معتاد ضبح ذي ما شايفين في البوستات التانية ..
ومما زاد من توتري إنو بتاع الساوند إتاخر وقعدت في الحراسة لحدي ما جاء قريب المغرب وقابل المتحري وحكى ليهو القصة وبرا ساحتي من الموضوع بحكم إنو كان معانا وإنو هو زاتو اتفاجا بإنو الحفلة إتحولت من العمارات لي الصحافة شرق وبهذه الشهادة أستطعت الخروج من الحراسة بالضمانة الشخصية العادية أما بتاع الاورغ فقد ظل بالحراسة قرابة الثلاثة أيام لان اليوم الثاني تصادف يوم جمعة وهو إجازة ومن ثم أصدر وكيل النيابة قرارا بالإفراج عنه مقابل كفالة مالية توازي المبلغ الذي طالب به الشاكي ....
طبعا دي كانت (أول مرة ولحدي هسي اخر مرة) أدخل فيها حراسة أقسام الشرطة .. والغريبة أن قصتي تلك إنتشرت بين المغنيين الهواة وصرت مضرب مثل إذا ما جاء ذكر موقف مشابه إذ يقولون (ماتدقس دقسة ود الخليفة) ... وفي هذا معهم حق إذ ان في تلك الليلة فعلا ود الخليفة دقس ...
|
|
|
|
|
|
|
العنوان |
الكاتب |
Date |
دقسـات الفنانيـن الشـباب | عبدالوهاب علي الحاج | 11-22-08, 08:04 AM |
Re: دقسـات الفنانيـن الشـباب | عبدالوهاب علي الحاج | 11-22-08, 08:16 AM |
Re: دقسـات الفنانيـن الشـباب | عزالدين آدم علي | 12-03-08, 02:25 PM |
Re: دقسـات الفنانيـن الشـباب | عبدالله كع | 11-22-08, 09:05 AM |
Re: دقسـات الفنانيـن الشـباب | عبدالوهاب علي الحاج | 11-22-08, 09:23 AM |
Re: دقسـات الفنانيـن الشـباب | NGABY AJOOZ | 11-22-08, 09:39 AM |
Re: دقسـات الفنانيـن الشـباب | haroon diyab | 11-22-08, 10:07 AM |
Re: دقسـات الفنانيـن الشـباب | عبدالوهاب علي الحاج | 11-22-08, 10:02 AM |
Re: دقسـات الفنانيـن الشـباب | عبدالوهاب علي الحاج | 11-22-08, 10:31 AM |
Re: دقسـات الفنانيـن الشـباب | ناذر محمد الخليفة | 11-22-08, 11:08 AM |
Re: دقسـات الفنانيـن الشـباب | عبدالله كع | 11-22-08, 11:09 AM |
Re: دقسـات الفنانيـن الشـباب | عبدالوهاب علي الحاج | 11-22-08, 12:32 PM |
Re: دقسـات الفنانيـن الشـباب | ناذر محمد الخليفة | 11-22-08, 11:42 AM |
Re: دقسـات الفنانيـن الشـباب | محمد عبد الماجد الصايم | 11-22-08, 11:48 AM |
Re: دقسـات الفنانيـن الشـباب | ناذر محمد الخليفة | 11-22-08, 11:45 AM |
Re: دقسـات الفنانيـن الشـباب | ناذر محمد الخليفة | 11-22-08, 11:54 AM |
Re: دقسـات الفنانيـن الشـباب | ود الباوقة | 11-22-08, 12:04 PM |
Re: دقسـات الفنانيـن الشـباب | ناذر محمد الخليفة | 11-22-08, 11:57 AM |
Re: دقسـات الفنانيـن الشـباب | حسين محي الدين | 11-22-08, 12:04 PM |
Re: دقسـات الفنانيـن الشـباب | عبدالوهاب علي الحاج | 11-22-08, 12:12 PM |
Re: دقسـات الفنانيـن الشـباب | عبدالوهاب علي الحاج | 11-22-08, 12:08 PM |
Re: دقسـات الفنانيـن الشـباب | ود الباوقة | 11-22-08, 12:16 PM |
Re: دقسـات الفنانيـن الشـباب | حسين محي الدين | 11-22-08, 12:20 PM |
Re: دقسـات الفنانيـن الشـباب | ناذر محمد الخليفة | 11-22-08, 12:20 PM |
Re: دقسـات الفنانيـن الشـباب | عبدالوهاب علي الحاج | 11-22-08, 12:23 PM |
Re: دقسـات الفنانيـن الشـباب | حسين محي الدين | 11-22-08, 12:31 PM |
Re: دقسـات الفنانيـن الشـباب | khaleel | 11-22-08, 12:33 PM |
Re: دقسـات الفنانيـن الشـباب | عبدالوهاب علي الحاج | 11-22-08, 12:39 PM |
Re: دقسـات الفنانيـن الشـباب | عبدالله كع | 11-22-08, 12:33 PM |
Re: دقسـات الفنانيـن الشـباب | العوض المسلمي | 11-22-08, 12:30 PM |
Re: دقسـات الفنانيـن الشـباب | حسين محي الدين | 11-22-08, 12:36 PM |
Re: دقسـات الفنانيـن الشـباب | عبدالوهاب علي الحاج | 11-22-08, 12:43 PM |
Re: دقسـات الفنانيـن الشـباب | عبدالوهاب علي الحاج | 11-22-08, 12:33 PM |
Re: دقسـات الفنانيـن الشـباب | ناذر محمد الخليفة | 11-22-08, 12:49 PM |
Re: دقسـات الفنانيـن الشـباب | عبدالوهاب علي الحاج | 11-22-08, 12:59 PM |
Re: دقسـات الفنانيـن الشـباب | محمد عمر الفكي | 11-22-08, 01:21 PM |
Re: دقسـات الفنانيـن الشـباب | ناذر محمد الخليفة | 11-22-08, 12:58 PM |
Re: دقسـات الفنانيـن الشـباب | ناذر محمد الخليفة | 11-22-08, 01:10 PM |
Re: دقسـات الفنانيـن الشـباب | ناذر محمد الخليفة | 11-22-08, 01:11 PM |
Re: دقسـات الفنانيـن الشـباب | عبدالوهاب علي الحاج | 11-22-08, 01:12 PM |
Re: دقسـات الفنانيـن الشـباب | ناذر محمد الخليفة | 11-22-08, 01:22 PM |
Re: دقسـات الفنانيـن الشـباب | ناذر محمد الخليفة | 11-22-08, 01:29 PM |
Re: دقسـات الفنانيـن الشـباب | عبدالوهاب علي الحاج | 11-22-08, 01:43 PM |
Re: دقسـات الفنانيـن الشـباب | عبدالوهاب علي الحاج | 11-22-08, 01:35 PM |
Re: دقسـات الفنانيـن الشـباب | ناذر محمد الخليفة | 11-22-08, 01:46 PM |
Re: دقسـات الفنانيـن الشـباب | جمال السنوسي | 11-22-08, 02:13 PM |
Re: دقسـات الفنانيـن الشـباب | عبدالوهاب علي الحاج | 11-22-08, 06:46 PM |
Re: دقسـات الفنانيـن الشـباب | حسين محي الدين | 11-23-08, 12:31 PM |
Re: دقسـات الفنانيـن الشـباب | ناذر محمد الخليفة | 11-22-08, 02:00 PM |
Re: دقسـات الفنانيـن الشـباب | عبدالوهاب علي الحاج | 11-22-08, 02:28 PM |
Re: دقسـات الفنانيـن الشـباب | الفاتح يوسف جبرا | 11-22-08, 02:32 PM |
Re: دقسـات الفنانيـن الشـباب | ناذر محمد الخليفة | 11-22-08, 02:35 PM |
Re: دقسـات الفنانيـن الشـباب | محمد عمر الفكي | 11-22-08, 02:57 PM |
Re: دقسـات الفنانيـن الشـباب | عبدالوهاب علي الحاج | 11-22-08, 02:59 PM |
Re: دقسـات الفنانيـن الشـباب | عبدالوهاب علي الحاج | 11-22-08, 02:56 PM |
Re: دقسـات الفنانيـن الشـباب | ناذر محمد الخليفة | 11-22-08, 03:03 PM |
Re: دقسـات الفنانيـن الشـباب | محمد عبد الماجد الصايم | 11-22-08, 04:15 PM |
Re: دقسـات الفنانيـن الشـباب | ود الباوقة | 11-22-08, 07:32 PM |
Re: دقسـات الفنانيـن الشـباب | عبدالوهاب علي الحاج | 11-22-08, 08:30 PM |
Re: دقسـات الفنانيـن الشـباب | فاروق أبوحوه | 11-22-08, 08:00 PM |
Re: دقسـات الفنانيـن الشـباب | اساسي | 11-22-08, 09:05 PM |
Re: دقسـات الفنانيـن الشـباب | عبدالوهاب علي الحاج | 11-22-08, 08:58 PM |
Re: دقسـات الفنانيـن الشـباب | haroon diyab | 11-22-08, 09:00 PM |
Re: دقسـات الفنانيـن الشـباب | عبدالوهاب علي الحاج | 11-23-08, 05:46 AM |
Re: دقسـات الفنانيـن الشـباب | صلاح أبودية | 11-23-08, 08:49 AM |
Re: دقسـات الفنانيـن الشـباب | عبدالوهاب علي الحاج | 11-23-08, 06:07 PM |
Re: دقسـات الفنانيـن الشـباب | ناذر محمد الخليفة | 11-23-08, 08:19 AM |
Re: دقسـات الفنانيـن الشـباب | ناذر محمد الخليفة | 11-23-08, 08:20 AM |
Re: دقسـات الفنانيـن الشـباب | الفاتح يوسف جبرا | 11-23-08, 09:38 AM |
Re: دقسـات الفنانيـن الشـباب | عبدالكريم أحمد الامين | 11-23-08, 11:40 AM |
Re: دقسـات الفنانيـن الشـباب | Talal Halfa | 12-04-08, 03:10 PM |
Re: دقسـات الفنانيـن الشـباب | عثمان دغيس | 11-23-08, 09:54 AM |
Re: دقسـات الفنانيـن الشـباب | الفاتح يوسف جبرا | 11-23-08, 11:26 AM |
Re: دقسـات الفنانيـن الشـباب | ناذر محمد الخليفة | 11-23-08, 11:32 AM |
Re: دقسـات الفنانيـن الشـباب | عثمان دغيس | 11-23-08, 11:47 AM |
Re: دقسـات الفنانيـن الشـباب | Tariq Mohamed Osman | 11-23-08, 11:56 AM |
Re: دقسـات الفنانيـن الشـباب | عبدالوهاب علي الحاج | 11-23-08, 04:47 PM |
Re: دقسـات الفنانيـن الشـباب | ناذر محمد الخليفة | 11-23-08, 11:59 AM |
Re: دقسـات الفنانيـن الشـباب | ناذر محمد الخليفة | 11-23-08, 12:06 PM |
Re: دقسـات الفنانيـن الشـباب | صلاح شكوكو | 11-23-08, 12:14 PM |
Re: دقسـات الفنانيـن الشـباب | حسين محي الدين | 11-23-08, 12:23 PM |
Re: دقسـات الفنانيـن الشـباب | حسين محي الدين | 11-23-08, 12:35 PM |
Re: دقسـات الفنانيـن الشـباب | ناذر محمد الخليفة | 11-23-08, 12:58 PM |
Re: دقسـات الفنانيـن الشـباب | garjah | 11-23-08, 01:35 PM |
Re: دقسـات الفنانيـن الشـباب | جمال السنوسي | 11-23-08, 02:30 PM |
Re: دقسـات الفنانيـن الشـباب | عبدالوهاب علي الحاج | 11-23-08, 04:34 PM |
Re: دقسـات الفنانيـن الشـباب | عبدالوهاب علي الحاج | 11-23-08, 05:11 PM |
Re: دقسـات الفنانيـن الشـباب | ناذر محمد الخليفة | 11-23-08, 05:57 PM |
Re: دقسـات الفنانيـن الشـباب | صلاح شكوكو | 11-23-08, 09:46 PM |
Re: دقسـات الفنانيـن الشـباب | ناذر محمد الخليفة | 11-24-08, 00:05 AM |
Re: دقسـات الفنانيـن الشـباب | sari_alail | 11-24-08, 02:09 AM |
Re: دقسـات الفنانيـن الشـباب | ناذر محمد الخليفة | 11-24-08, 07:15 AM |
Re: دقسـات الفنانيـن الشـباب | عثمان دغيس | 11-24-08, 07:33 AM |
Re: دقسـات الفنانيـن الشـباب | عبدالوهاب علي الحاج | 11-24-08, 06:59 PM |
Re: دقسـات الفنانيـن الشـباب | الفاتح يوسف جبرا | 11-24-08, 12:54 PM |
Re: دقسـات الفنانيـن الشـباب | Talal Halfa | 12-03-08, 02:11 PM |
Re: دقسـات الفنانيـن الشـباب | هويدا شرف الدين | 11-24-08, 01:00 PM |
Re: دقسـات الفنانيـن الشـباب | عبدالوهاب علي الحاج | 11-24-08, 06:26 PM |
Re: دقسـات الفنانيـن الشـباب | ناذر محمد الخليفة | 11-24-08, 01:11 PM |
Re: دقسـات الفنانيـن الشـباب | الفاتح يوسف جبرا | 11-24-08, 01:15 PM |
Re: دقسـات الفنانيـن الشـباب | محمد عمر الفكي | 11-24-08, 01:26 PM |
|
|
|