كتب الكاتب الفاتح جبرا المتوفرة بمعرض الدوحة
|
امن سد مروى يتصل بى ويهددنى
|
بسبب الحديث المتكرر عن اهلنا المتأثرين بسد مروى ،مدير امن السد يتصل بى ويهددنى ويقول لى شكلك فاضى لكن نحن فاضين أكتر منك ..
|
|
|
|
|
|
|
|
Re: امن سد مروى يتصل بى ويهددنى (Re: azz gafar)
|
Quote: بسبب الحديث المتكرر عن اهلنا المتأثرين بسد مروى ،مدير امن السد يتصل بى ويهددنى ويقول لى شكلك فاضى لكن نحن فاضين أكتر منك .. |
عز الدين .. تحياتي، نتابع كتاباتك الصميمة حول مأساة أهلنا المتأثرين بسبب مناهضتهم للظلم الذي لحق بهم .. وندين تلك المحاولات اليائسة التي التي تعرضت إليها من قبل أجهزة القمع والتنكيل نعم لفضح تلك الممارسات القذرة، وفقك الله وسدد خطاك
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
نصر الدين ...
Quote: وندين تلك المحاولات اليائسة التي التي تعرضت إليها من قبل أجهزة القمع والتنكيل
|
يا تو محاولات ؟!!!
أدونا تفاصيل عشان نكون في الصورة معاكم ..!!
يا عز ..
ما تجدع ليك سطر وتمشي ..
دايرين تفاصيل
يعني ديتيلص ..!!
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
نصر الدين ..
Quote: ومعك في انتظار التفاصيل... |
طيب إنت يا خي ما كان تنتظر التفاصيل أول بعد داك ادين وأشجب ؟!
زول كتب نص سطر كلام ما عندو معنى ولا بيدل على اي حاجة ومبهم وغامض ..!
مش كان من الافضل ننتظر التفاصيل ؟!!
تحياتي ..
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
عزو ياحبيب
تحياتي؛؛
ياخوي انت قايل لقب مناضل ده بياخدو بالساهل ؟
اسمع كلام ناذر ده وجيب التفاصيل وليك علي افتح بوست تضامن طويل عريض.
قال يتصل بي قال. هو انت قاعد تجيب حاجة مفيدة !!!
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
في صورة جابا مرة السيد عز فيها اطفال بيسبحوا وقال دا ولد بينقذ في اختو من الغرق او حاجة بالشكل دا ؟!!
فتشت الصورة هسي وما لقيتا في أي حتة ..
العندو الصورة دي ينزلا هنا بالله ..!!
| |
|
|
|
|
|
|
Re: امن سد مروى يتصل بى ويهددنى (Re: ناذر محمد الخليفة)
|
أمنجية المنبر كلهم اتلموا هنا ليه يا ربي؟؟؟ بقيادة ناصر احمد المصطفى!!!!
شايفه بوستك طبعا يا ناصر بتاع عبد الرحمن الراشد شكله فجر فيكم شريان عجبني لكم خليه يمسح بيكم الارض وما انصياع حكومتكم وتحنسيها للسعوديه التي ينطق باسمها عبد الرحمن الراشد الا لمعرفة انه الجماعه قرروا انه قطركم قام خلاص وركبوبكم التنوسيه.
فخليكم فحالكم وكلكم صعاليك دلوتكم الا يشفوا غلهم في الماسكين من امثال عزالدين وتهديداتكم للكثرير من ابناء المناصير مرصودة.
احترموا انفسكم حكومتكم بترقع فكفوا عن فتح جراح جديدة لها بجسد الامة.
عز الدين حعفر واصلك توثيقاتك هم اضعف من ان يسموك بشيئ هؤلاء مزعورين مرتجفين كفايه الخلعه الدخلها فيهم د.خليل ابراهيم لليوم ما مرقت.
| |
|
|
|
|
|
|
Re: امن سد مروى يتصل بى ويهددنى (Re: Tragie Mustafa)
|
Quote: أمنجية المنبر كلهم اتلموا هنا ليه يا ربي؟؟؟ بقيادة ناصر احمد المصطفى!!!!
|
سيدتي تراجي هذه تهمة لا انفيها وشرف لا ادعيه
Quote: شايفه بوستك طبعا يا ناصر بتاع عبد الرحمن الراشد شكله فجر فيكم شريان عجبني لكم خليه يمسح بيكم الارض وما انصياع حكومتكم وتحنسيها للسعوديه التي ينطق باسمها عبد الرحمن الراشد الا لمعرفة انه الجماعه قرروا انه قطركم قام خلاص وركبوبكم التنوسيه. |
عبد الرحمن الراشد دة يا تراجي قابض حقو (prepaid) ولن ينال من السودان شئ لاهو ولا اسياده لكن دة كلو بدل انو السودان اصبح رقم مهم في السياسة الدولية
Quote: فخليكم فحالكم وكلكم صعاليك دلوتكم الا يشفوا غلهم في الماسكين من امثال عزالدين وتهديداتكم للكثرير من ابناء المناصير مرصودة. |
صعاليك نحن يا تراجي !!!!!! طيب بنتلاقى !!!!!!!!!!!
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
بختك يا عز جعفر ..
أهو إتلمت عليك ام رشيرش إتساقا مع المثل البيقول (إتلم المتعوس على خايب الرجاء)..
طبعا إنت المتعوس وام رشيرش خايبة رجا وقنعنا فيها من زمنا بعيد ..
إتوا الإتنين من أصحاب السوابق في المنبر دا ، شغلة فبركة الصور دي التقول خلقوها ليكم براكم ، السيد عز ثبت عليهو فبركة صورتين قبل كدة وهو لسع تاريخو المنبري ما تامي ليهو سنة ، وما معروف لو تمة 4 ولا خمسة سنين حا يزور شنو !!! ..
أم رشيرش أجارك الله برضو مقبوض بالثابتة مرتين في شغلة فبركة الصور .. عشان كدة هي بتشعر بي محنتك وبتلقى الامان في بوستاتك المضروية يا عز على الاقل من باب (إشمعنى انا براي !! ما تراهو عز برضو بيزور ويفبرك معاي !!) .
يمين يا عز تسمع كلاما وتنجر بوراها تفقد مناصرين ليك ومعاها سوائل !!
ولحدي هسي منتظرين تفاصيل تهديد مدير أمن سد مروي ليك ورقم تلفونو ..!!
ام رشيرش !!
قيت لوصط ..!!
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
بختك يا عز جعفر ..
أهو إتلمت عليك ام رشيرش إتساقا مع المثل البيقول (إتلم المتعوس على خايب الرجاء)..
طبعا إنت المتعوس وام رشيرش خايبة رجا وقنعنا فيها من زمنا بعيد ..
إتوا الإتنين من أصحاب السوابق في المنبر دا ، شغلة فبركة الصور دي التقول خلقوها ليكم براكم ، السيد عز ثبت عليهو فبركة صورتين قبل كدة وهو لسع تاريخو المنبري ما تامي ليهو سنة ، وما معروف لو تمة 4 ولا خمسة سنين حا يزور شنو !!! ..
أم رشيرش أجارك الله برضو مقبوض بالثابتة مرتين في شغلة فبركة الصور .. عشان كدة هي بتشعر بي محنتك وبتلقى الامان في بوستاتك المضروية يا عز على الاقل من باب (إشمعنى انا براي !! ما تراهو عز برضو بيزور ويفبرك معاي !!) .
يمين يا عز تسمع كلاما وتنجر بوراها تفقد مناصرين ليك ومعاها سوائل !!
ولحدي هسي منتظرين تفاصيل تهديد مدير أمن سد مروي ليك ورقم تلفونو ..!!
ام رشيرش !!
قيت لوصط ..!!
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
يا ناذر سلام
هسي عز الدين ده قاليك اتصل بيهو تلفون؟
ما يمكن رسليهو زول مرسال
و المرسال مشي و ما جا
كسسسسسسسسسسسسسسسسسسسسسسسسسسره:-
عارف يحيرة السد حيكون فيها تماسيح كتيره صلح علاقتك مع المناصير بعدادمنت لحم التمساح
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
سلام عثمان ..
الزول دا كتب :
Quote: بسبب الحديث المتكرر عن اهلنا المتأثرين بسد مروى ،مدير امن السد يتصل بى |
والله شككتني في روحي .. غايتو لو ما تلفونيا إلا يكون إتصال آآأأأأأأأأ عن طريق التمثيل الضوئي !!
Quote: عارف يحيرة السد حيكون فيها تماسيح كتيره صلح علاقتك مع المناصير بعدادمنت لحم التمساح |
لحم التمساح من المرة ديك وتاني ما أكلتو ...
صدق بيعمل لي حيرقان بالليل ؟!!
| |
|
|
|
|
|
|
Re: امن سد مروى يتصل بى ويهددنى (Re: ناذر محمد الخليفة)
|
البوست دا جميل جدا
لكن يا ناذرلا زلت مواظب على عادتك السيئة دي تدخل البوست سيد البوست إزوغ تستلم إنت البوست
يعني بقيت خطاف البوستات على وزن خطافة الرجال
يا جماعة الخير أدوا المناضلين فرصة علشان إشبعوا رغباتهم و إبرزوا مواهبهم المدفونة
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
.
.
الزميل عز
Quote: انا امثال ناذر لا ارد عليهم لأنهم ليسو احق بالرد. ومايهمنى هو وصول رسالة اهلى الذين شردتهم ادارة سد مروى لسفوح الجبال . سنظل صامدون .. |
الأسطر المقتبسة أعلاه لو بُعث سيبويه من قبره وإطلع عليها لصاح بصوت تسمعه الخلائق( قتلني عز جعفر قتلني ورب مكة وبيتها المعمور)
معقول بس ياعز الأخطاء اللغوية الشنيعة دي ؟؟!!!
إنت ناوي تدخل في منافسة مع هشام أمين وولدنا محمد عادل؟؟
.
.
حاااااااااااااااااااااالة (سعبة)
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
فى شهر 8 من العام 2006 عندما تم غمر منطقة امرى وتشريد الآلاف من الأسر ذهبنا وانا والاخ سعد الدين حسن مراسل قناة العربية والمصور بدوى والأخ الصحفى طلال اسماعيل وتعرضنا لمضايقات امنية كبيرة ، للدرجة التى لجأنا فيها للمكوث فى منطقتنا بأمرى لعدة ايام لأن فريق الأمن يحيط بكل المنطقة . وبعدها تعرض الأخ سعد الدين حسن للإستدعاء والتوقيف لقرابة العام ... ماهذا ؟؟؟ اين نعيش نحن ؟؟؟
| |
|
|
|
|
|
|
Re: امن سد مروى يتصل بى ويهددنى (Re: A.Razek Althalib)
|
كتب عز الدين:
Quote: انا امثال ناذر لا ارد عليهم لأنهم ليسو احق بالرد. ومايهمنى هو وصول رسالة اهلى الذين شردتهم ادارة سد مروى لسفوح الجبال . سنظل صامدون .. |
عز الدين .. تحياتي، هل ترى أن ما أشرت إليه بعاليه حيال التشكيك في أمر التهديد الذي ذكرت أنك قد تعرضت إليه كافياً!!؟ حاشية: تشخيصك للكتابات التي شككت في أمر هذا التهديد تضع مصداقيتك على المحك وتهزم قضيتك
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
أبو حسين ..
Quote: لكن يا ناذرلا زلت مواظب على عادتك السيئة دي تدخل البوست سيد البوست إزوغ تستلم إنت البوست
|
ابدا وحياتك أنا طبيعي جدا ...
أسياد البوستات هم المواظبين على العادة السيئة دي ..! عادة الزوغان من بساطيطم الفتحوها ليبيا دي ..!!
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
الأستاذ/ ناذر
أهنئك على عضوية (القيد الصحفي) أولاً .. ودعني أقف على تحريككم للحقائق والتي هي من شيم الكاتب الصحفي الحر اللذي يتحرى الصدق في ما يكتب او ما يرى حوله ... وأدعو نفسي لقراءات صحفية شجاعة لك في عالم الصحافة يخطها قلمك وعقلك هنا غير الورود في بوستات التحقق من الصور او من إتصال، ولو إتصل مدير أمن سد مروي أو من فوقه فلن يضيف أو يقلل ذلك الاتصال شيئا، ولكني بالجد أتطلع لقراءات صحفية هنا بعيدا عن أم رشيرش، وبعيدا عن إثبات ونفي الغير. غض النظر عن الخلاف والاتفاق
شكراً
| |
|
|
|
|
|
|
Re: امن سد مروى يتصل بى ويهددنى (Re: ASHRAF TAHA)
|
سلام أستاذ أشرف .,,
شكرا لك ولكلماتك الطيبة ..
Quote: ولو إتصل مدير أمن سد مروي أو من فوقه فلن يضيف أو يقلل ذلك الاتصال شيئا، |
الواقع أن هنالك مجموعة في هذا المنبر أدمنت تزييف الحقائق إلى أبعد الحدود وتستغل في ذلك عاطفة البعض وتطرف البعض الأخر في مواقفه السياسية أو التنظيمية ..
وأنا صراحة لا أستسيغ ذلك من واقع تجربة عايشتها لان ذلك قد ينعكس سلبا على القضية بمجملها ويخصم من تعاطف الناس ..
كاتب هذا البوست له سوابق في هذا المجال ، ألم تسأل نفسك لماذا لم يأتي شخص ليتعاطف معه هنا ؟!
الغجابة بكل بساطة لان الجميع يعلم أن عز جعفر فاقد المصداقية ولا يمكن الوثوق به بتاتا ..
اما موضوع التعاطف المفقود هنا :
لا تقل لي تراجي مصطفى لأنها من أصحاب السوابق في هذا المجال ايضا وتفوق عز جعفر خبرة وحنكة ..
شكرا لكلماتك مرة اخرى ,,
| |
|
|
|
|
|
|
Re: امن سد مروى يتصل بى ويهددنى (Re: Tabaldina)
|
يا عز ...
في انتظار الرقم أو ما يؤكد اتصال مدير أمن السد بكم وبعد ذلك أسألنا .. وشوف ح نعمل ليك فيهو شنو ..
وبالعدم يمكن طلب statement من شركة الاتصالات وانزاله بالاسكانر ليكون دليلا دامغاً ومن ثم يمكنك ..
اللجوء لاي سفارة غربية .. أو كما قالت خالتو تراجي ناصحة لاحدهم من قبل ..
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
اتفق معاك مية المية ... لكن بس سؤال واحد .. الناس البكتبو ديل مش مفروض هم يكتبوعشان نقرى ليهم! يعني هم مفروض يطرحوا ... أو كي نختلف ونتفق في النقاط لكن طالما هم بقو عندهم كلمة وعندها الموقف .. يللا مفروض من حقهم علينا انهم يكتبو ... والكتابة ما اظنها محسوبة بقدر ما هي مدركة .. لانها كلمات بتخاطبني وانا بشيل منها ما (يتفق) معاي وبخلي ما (لا يتفق) معاي في أقصى حالات التطرف مثلاً يعني... وصدقني كم زول بيختلف مع كم زول برضو بيقرى ليهو زيّو وزي الزول البيتفق معاهو ... يعني ممكن تقرا لمن يتفق معاك كهلال زي ما تقرى للمريخ ... ولي الانقاذ زي للمؤتمر (دي كانت مدرسة في أم درمان اعتقد) وللشيوعي (ياخي مرادفاتم كتيرة) زيّو زي الليبرالي ولا حق الله بق الله و... و... يعني القاصدو كُب لينا الزُبدة هنا ويذهب الزبد جفاء
شكراً
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
غايتو لو في امنجي في الوست ده انا برشحك انت يا عز جعفر
بتفتح مواضيع بتميع في قضية سد مروي
وكانك قاصد الحاجة دي
من زمن الصورة حقت
طفلة تغرق وما ادراكما اخوها شنو ما عارف
كلمناك قلنا ليك
اسلوبك ده قاعد يشوه صورة نضال المتضررين
وما اتعظت
يا اما انك زول دُمُك او زول قاصد الحاجة دي
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
الحكاية بسيطة.. ناس الأمن لديهم وسائل تقنية عالية .. تجعل الرقم لا يظهر.. أنا قبل كده اتصل بي مدير جهاز الأمن.. وهددني ولكنى لم أرى الرقم .. بتحصل كتير.. معذرة أخ عز.. الواجب أنك تقول اتصل بي الرقم الفلاني وقام بتهديدي..
الأخ ناذر.. خليها مستورة..
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
Quote: الكويز عبد الوهاب ..
يا زول اتخارج سريع والله هس الزول دا يقول بس الهددني عبد الوهاب دا ..
خارج روحك من الحتة دي سريع ...
ود الباوقة .. |
اعتراف واضح وصريح يا ود الباوقة بقيت حقاني وبتكتب بشفافية المعونه وقفت
واصل نضالك ياعز وافضح الكيزان وامنهم المنهار
ومعاُ من اجل سودان خالي من الكيزان واذنابهم
| |
|
|
|
|
|
|
Re: امن سد مروى يتصل بى ويهددنى (Re: NGABY AJOOZ)
|
اعتراف واضح وصريح يا ود الباوقة بقيت حقاني وبتكتب بشفافية المعونه وقفت
واصل نضالك ياعز وافضح الكيزان وامنهم المنهار
شوف يا اخوي بطل اللولوة والف والدوران والكيزان هم من سيفضحوكم ويوروكم نجوم الليل في عز الظهر
قال اعتراف قال ..
انت الظاهر عليك نقابي تاكل ترقد ...
ود الباوقة
| |
|
|
|
|
|
|
Re: امن سد مروى يتصل بى ويهددنى (Re: ود الباوقة)
|
Quote: انت الظاهر عليك نقابي تاكل ترقد ... |
والله ياود الباوقة ياخوي
نفاقي عجوز دا القعدة في كنبة الاحتياطي النضالي
عملت ليهو رطوبة خليهو يجري دمو شوية الراجل تعبان
اما مسألة ياكل يرقد دي النصيحة لله ما براهو ما تظلم الراجل ساكت
| |
|
|
|
|
|
|
Re: امن سد مروى يتصل بى ويهددنى (Re: ABUHUSSEIN)
|
العزيز عز جعفر عسكر السدود قتل شهداء كجبار وشهداء امري (العرقوب) فكل ما دون ذلك اهون هذه الحكومة والتي ادارة السدود جزء منها لا تستطيع احصاء قتلاها في دارفور وبورسودان وفي الجامعات والمعتقلات
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
Quote: بتقصد منو يا عبدالوهاب |
حبيبنا عادل ابو حسين
شوف محن الدنيا ساكت
ود الباوقة جا فور الدنيا وزاغ
وجا وراه الزبون الفوق دا كب ليهو شوية نضال كدا ومشى
وسيد البوست بنشجع فيهو عشان يجي راجع يكمل البوست ما داير يجي
المناضلين جنوا عديل كدا تتذكر القال في 4000 عربة تحاصر المعسكرات عشان الابادة تكون قوية
اها فتح البوست وزاغ جا الزبون القبل شوية دا واظنو من عيال كندا رفع البوست وكاتب شنو (فوق للاهمية) تتخيل . هسه صاحبنا بتاع البوست دا الانرمي ودع عشان نشوفو طار وين والله قسسسسس .
اضربوا الكيزان والامنجية بيد من حديد ود الباوقة واعوانو ولا نامت اعين الكيزان
| |
|
|
|
|
|
|
Re: امن سد مروى يتصل بى ويهددنى (Re: ود الباوقة)
|
Quote: إكــون ود الباوقه هو مدير أمن سد مروي الإتصل بيه شخصياً ؟؟؟؟؟؟؟؟
شكيتك على الله يا عبد الوهاب الحاج ...
ود الباوقة |
ود الباوقه إنت عبدالوهاب دا الحيطة المايلة بتاعتك و لا شنو ؟؟؟
عبدالوهاب ما قال الكلام دا !!!!!!!!!!!!
السهر دا كان ما بتقدر عليه يا خوي .... أرحم نفسك و أرقد نوم
| |
|
|
|
|
|
|
Re: امن سد مروى يتصل بى ويهددنى (Re: محمد فرح)
|
Quote: عزالدين يازول واصل أوعك تقيف أوعه تبطل البلد محتاجه ليك شديد ياعزو أما مدير أمن السد ده فشكيتو لي أب إيداً قويه |
حلاتن مناضلين الزمن دة بقو يهددوهم بالموبايل يا حليل بيوت الاشباح يبدو ان امن الانقاذ اصبح راقيا اكثر من اللازم محمد فرح لك تحياتي
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
Quote: ود الباوقه إنت عبدالوهاب دا الحيطة المايلة بتاعتك و لا شنو ؟؟؟ |
يا ابوحسين
والله زولك دا بقى مهود عديل
انا غايتو اتضح لي بما لا يدع مجال للشك
ود الباوقة دا هو الهدد الزول دا ونحن ظلمناه ساي
يا عز اكشف الخونة واضربهم بيد من حديد
| |
|
|
|
|
|
|
Re: امن سد مروى يتصل بى ويهددنى (Re: azz gafar)
|
Quote: يعني انت عاجبك امن السد يهدد المواطن دا .. والله ياهو دا الفضل ... |
ود الباوقة ياخوي
انت الايامات بقيت تنعس سريع
عليك الله اول ما راسك يتقل اضع الماوس ونوم طوالي
ويا عز اضرب الهم بشنو كدا ما عارف
| |
|
|
|
|
|
|
Re: امن سد مروى يتصل بى ويهددنى (Re: عبدالوهاب علي الحاج)
|
إنجاز اخر للمناصير المتاثرون بخزان الحمداب .. اعادة فتح جميع المدارس بالمنطقه
حقق مجتمع المناصير المتاثرين بخزان الحمداب انجازا جديدا يحسب لهم في صمودهم للبقاء علي ارضهم رغم الاغراق واسع النطاق الذي ارتكبته إدارة الخزان في مجتمعهم. ففي اقل من 45 يوما وبجهد ذاتي خالص تم إعادة تشييد جميع المدارس التي اغرقت وعادت المدارس تعمل من جديد. بلغ عدد المدارس التي اعيد تشييدها 20 مدرسه ابتدائيه بجانب مدرستين ثانويتين في جزيرة شري ( مدرسة البنات ثلاث انهار والبنيين نهرين). ويقول اعضاء بالجان المحليه اننا لم ننتظر اي دعم من الدوله لاعادة تشييد المدارس ، واتجهنا لاستغلال مجهودهنا الذاتي بتنظيم انفسنا في فرق عمل تعل ليل نهار لاكمال العمل. وفي جزيرة شري التي تعتبر احد المراكز الكبيره بالمنطقه تم اعادة تشييد المدارس ( مدرستين ابتدائيتين ومدرستين ثانويتين) في اقل من شهر. وقد تطوع المئات من الشباب لانجاز العمل بجانب تطوع الكثيرين من البنائيين المهره وعمال البناء من ابناء المنطقه الذين توجهوا طواعية من مختلف انحاء السودان الي الجزيره المنكوبه لمساعدة اهلها لاعادة الحياه بها الي طبيعتها. هذا ، وظلت ادارة خزان الحمداب تستهدف جزيرة شري خاصة وتراهن علي خروج اهلها منها بعد تدمير حياتهم واغراق مدارسهم ومنشآتهم، ويدور حديث بين اهل الجزيره ان جزيرتهم قد تم بيعها لشركة صرافه سعوديه مشهوره. الي ذلك ما تزال المياه تواصل ارتفاعها بالمنطقه حيث تقول الانباء ان المياه اصبحت تهدد مجمع المدارس والمستشفي بقرية كبنه ( تعتبر قرية كبنه من المراكز الكبيره بالمنطقه حيث يوجد بها مستشفي ومجمع للمدارس الابتائيه والثانويه للبنيين والبنات). ويقوم سكان القريه حاليا بمجهود ضخم لاقامة المتاريس لحماية المجمع. من ناحية اخري اكمل المواطنون في المناطق الشماليه من المنطقه ربط طلمبات ضخمه وبدؤا في زراعة آلاف الافدنه من الاراضي التي اصبح ريها ممكنا بعد ارتفاع منسوب المياه. الي ذلك يشير مراقبون بالخرطوم الي الصمت المبطق الذي تلتزمه ادارة خزان الحمداب حول ما يجري بالمنطقه. ويرجع بعضهم سبب الصمت الي فشل خطط ادارة الخزان لاخراج المناصير من ارضهم باحداث إغراق غير مسبوق بالرغم من ان الخزان لا يتوقع ان ينتج الكهرباء قريبا. ويشير بعض هؤلاء المراقبون الي عدم ذكر مدير الهيئه القوميه للكهرباء لانتاج كهرباء الخزان ومواعيد دخولها الشبكه القوميه في الورشه التي عقدتها لجنة الطاقه بالمجلس الوطني الاسبوع الماضي. ويقول بعضهم ان اسقاط مدير الهيئه لكهرباء الخزان من خططه يشير بوضوح الي الشكوك القائمه حول انتاج الخزان للكهرباء في موعد محدد، ويضيف هؤلاء ان الخزان ربما ينتج فقط حوالي 250 ميجاواط بتكلفه فاقت الثلاثه بلايين دولار. في منحي اخر تقول الانباء الوارده من الولايه الشماليه ان الموسم الشتوي بالولايه يواجه الفشل التام بعد ان قامت ادارة الخزان بحجز المياه عن المناطق الشماليه، وكان التلفزيون القومي قد قدم عرضا لبعض شكاوي المواطنيين في تلك المناطق ومخاوفهم من فشل الموسم الشتوي بعد ان انحسر مستوي المياه الي مستويات غير مسبوقه اصبح معه ري المشروعات بالمنطقه غير ممكنا واصبحت الكثير من المناطق تواجه مشكلة العطش. وفي تطور اخر تنكرت إدارة الخزان لاتفاقها مع المهاجرين الي مشروع المكابراب فيما يختص بمساحة الارض الزراعيه المخصصه لهم. فبينما ينص اتفاق التهجير علي تخصيص سته افدنه لكل مهاجر لزراعتها، اخطرت ادارة الخزان المزارعين بمشروع المكابراب انه تم تخصيص فدانين فقط لكل مزارع في تنكر واضح لاتفاق التهجير ولائحة إعادة التوطين.
| |
|
|
|
|
|
|
Re: امن سد مروى يتصل بى ويهددنى (Re: Elbagir Osman)
|
الأخ عز جعفر لك التحية و انت تلتزم جانب اهلك و تنحاز لقضيتهم..
نقل ما يدور هناك من معاناة و قصص الصمود و التحدي التي تنقلها
انت و رفاقك هنا اعتبره كما يعتبره غيري دورا كبيرا و عظيما
فواصلوا في ما نذرتم انفسكم من اجله.
| |
|
|
|
|
|
|
|