نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: يا بكري عليك الله رجع لينا دكتوره نجاه محمود الامين (Re: humida)
|
حميد يا ما مذاكر
Quote: عمر علي العنصري ولا واحد غيره ..!! |
قصدك وفي رواية آخرى كما يلقبه ناس دي سي او ناس واشنطون
لا يا عمك العنصري ده رجع وقاعد متحكر اخنا قصدنا الانتو بتقولو ا عليه
عمر علي نوراة المنبر يا بكري.
دوما سلامات دخلت عشان اقول نعم لعودة بيان...وسرحت في النضمي.
مشتاقين يا بنبونه. مسانجراته هنا كانت اطعم من حتت ثانيه.
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
حاجتين من الحاجات المابحبهم انه بيان مافي وانتي كمان تقاطعيني.. لقاية دلوقتي ماعرق ليه بالضبط ليان موقوفه..واسه ذاته ماعايزه أعرف لانه بيان مهما عملت مابتكون حصلت البيتعمل هنا كل يوم..
يا بكري انت براك شوفت الدنيا دي بتضيع كيف فجأه.. مره بموت الله ومره بالهكر النبي رجع لينا بيان!
سلام يا دومه..
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: Muna Khugali)
|
نثني بشدة دكتورة بيان مطلب شعبي قلم جسور وراي ثاقب بالله يا بكري لا تردنا خائبين وخصوصا إن الطلب جاي من عضو بوزن الاستاذه دومه عشمنا فيك كبير المحن بتوحد الناس زوله ده شعارها "شهوة ان تكون الخصومة فى عزها واضحة .. غير مخدوشه بالعناق الجبان فقبلات من لا اود حراشف سردينة وابتسامته شعرة فى الحساء" تستحق أن نقرأها يوميا
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
دومة..
مشتاقين كتير..
بكرى ببالغ عديل كدا.. ولو أنى ما عارفة حظروها ليه ولكن لو أصلوا بيحظروا الآعضاء عشان كلام صعب أتكتب.. ففى كلام كتير بيتكتب هنا فى منتهى القذارة ومع ذلك بكرى ما بيهتم ويتواصل العضو\ة البذىء\ة زى السلام عليكم.. ما دايرة أشكر فى بيان لآنها ما محتاجة لى كدا.. لكين عدم وجود بيان فى المنبر دا خسارة للمنبر نفسه مش لبيان..
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
بالله يا بكري تجربة الهكر دي ما علمتك حاجة ؟
البورد يكون ماشي بكرعينه فجأة يتهكر
يا باش مهندس نعمل شنو علشان ترجع دكتورة بيان؟ بورديك ده كان مات كده فجأة و هكروهو هكرة رجل واحد، نموت بالمغسة يعني على امنيات و رجائات قاعده في السهلة؟
كدي قول بسم الله ...
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
أختنا دوما سلام معك لعودة د. نجاة وأقولها دون ملل: بيان من جملة أقلام تجعل هذا المنبر منبراً. "حقّانية" ودؤوبة ولا تسكت على الحال المايل. وغيابها يفقدني ـ شخصياً ـ جانبا كبيرا من راحتي بهذا المكان. وثمة غيري كثيرون ... بالتأكيد. لم أتابع الحيثيات التي أدت إلى إيقافها. ولكن... ما لا خلاف عليه، كما قالت أختنا منى، أنه
Quote: ... مهما عملت مابتكون حصلت البيتعمل هنا كل يوم.. |
.. .. و"البيتعمل هنا كل يوم" هو ... عدم تطبيق اللائحة في حالات كثيرة تستدعي تطبيقها. وبحزم. نأمل أن يستجيب الأخ بكري لرغبتنا، ويعيد الدكتورة نجاه محمود احمد الامين
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
الفاضله والعزيزه الوالده دوما
تحياتي وودي
فتحت بوستات سابقه لعودة الاخت بيان ,,ولم يحدث توفيق ..
الان وقد عاودتي الكره فنثني عودتها للمنبر ...
وكمان من جانبي اتمني من بكري اعادة كل المفصولين في الفتره السابقه ,,
كلهم بلا فرز فهم اخواننا واخواتنا واصدقاؤنا ,,,
دكتوره بيان وهشام هباني وكل المفصولين
كل التحايا والاكرام
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
Quote: هوي يا ناس البورد الما بدخل بوستي دي بقاطعه |
الخالة دوما كيف حالك انا مقاطع المنبر وجيت عشان البوست دا
Quote: نفتقد اختنا بيان دكتوره نجاه محمود احمد الامين وقلمها السنين يا بكري رجعها لينا فهي ملح البورد |
هي ملح وبهارات البورد ارجو ان يعيدها الاخ بكري
سلامي المايخلص ليك ولي الدكتورة
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
Quote: نفتقد اختنا بيان دكتوره نجاه محمود احمد الامين وقلمها السنين يا بكري رجعها لينا فهي ملح البورد |
هو لسة ما رجعها! عيب أعوج! بقى فيها خيار وفقوس يا باشّ! يخيل بكرى عندو شرط لى بيان وهى معترضة عليهو! شرط الباش انو بيان تلعب حفيانة بدون الكدارات أم 44 كديسة وتمانية شلاخات! جنى
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: الأمين عثمان صديق محمد)
|
Quote: كان رجعا .. يحظر لينا عبد الرازق .. |
عليكي الله شوفتي ليك حسادة زي دي يا doma ناس ما بترضى كلمة الحق كلو كلو.. حميدا يا صاحبي.. إلا باسووردي يا تسفاي.. النفس أولى من الصاحب..
بيان تستاهل إذا كان غيابنا عن البورد يرضيها.. ولكن ما وراء أكمتها طلب توضيح ممن تآمر عليها في بلاط سيد الحوش من كتائب آل المجمر.. طلبت توضيح حتى ولو أتاها على صهوة غزوة ميكيافيلي الأخيرة على المنبر.. بيان تود معرفة ماذا دُبج من مكائد وقيل عنها حتى تم حظر باسوردها..
وبدون زعل.. لأجل الرأي والرأي الآخر.. وحتى يبطل العجب..
همسة جانبية لبيان.. ليس كل ما يعرف يقال يا دكتورة.. بدون شروط مسبقة..
يبدو أن عودة د. بيان منشفة ريق ناس كتيرة خلاص..
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: saadeldin abdelrahman)
|
Quote: : يا بكري عليك الله رجع لينا دكتوره نجاه محمود الامين |
بيان دي منو؟؟!! مش الكوزة الظلامية دي قاعدة تاخذ ليه كورسات تقوية في موقع السودان الجديد..بتاع البسوس زعيمة القوى الرجعية المرتبطة بالاستعمار ..... نحن عايزين عودة عادل عبدالعاطي وكل زول عاجبو الصارييييي
وانت زاتك يا دومة لو حظروك ما عندنا مانع مالين لينا البورد نسوان تقول بيت بكا وفي رواية اخرى بنطون توتي المغرب....
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: Sana Khalid)
|
شكـرا يا دومة لفتح البوست.. و كل التضامن مع الدكتورة بيان،
يا بكرى رجع بيان.. فلم أر من هو أشجـع منها فى إبداء رأيهـا فى أى موضوع، وقد حطمت الأسـوار الجندريـة وإقتلعت الأسلاك الشـائكـة التى وضعهـا الرجل، وقطعت سلاسل الحديد التى قيدها بها حتى يشعـر أنه أسـرع منهـا مشيـاً..
رجعـوا بيان فنريـد أن نقرأ لها فى الأدب و الفنون والتعليم.. و السياسـة
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: محمد حيدر المشرف)
|
شباب كل الود مع كامل إحترامي لصاحبة البوست و للدكتورة بيان التي لا نشك في جرأتها و نزاهتها لكن حتي لا تكون ذاكرتنا الجماعية مثقوبة أذكركم فقط أننا خرجنا لتونا جميعا من معركة تعلمون صعوبتها وهذه المعركة أثارت الكثير من علامات الإستفهام حول أعضاء موجودين وأخرين تم فصلهم واعتقد أن بكري يملك الحقائق التي تبرئ هؤلاءجميعا و بعد أن نعرف الحقائق يمكننا المطالبة بما نشاء. أعتقد أن عمليات فصل كثيرة سوف تطال العضوية هنا إما بسبب وجودها من فترة طويلة دون مشاركة - معظم هؤلاء تم إستخدام حساباتهم من قبل الهكر مستغلا عدم تذكر بقية الأعضاء لهم بسبب قلة نشاطهم - وهم بذلك يمثلون خطرا على الآخرين أو بسبب ردود الأفعال و التصرفات أيام الأزمة ففد كان هناك الكثير من عدم الضج و التصرفات الصبيانية هذا مجرد توقع مني
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: أسامة الفضل)
|
Quote: و بعد أن نعرف الحقائق يمكننا المطالبة بما نشاء. |
الأخ الكريم أسامـة الفضل،
هل حديثك هـذا يعنى أن المتهم مذنب حتى نعرف نحن الحقائق عنه، ونثبت براءته من عدمهـا، ثم ندعو بكرى لإرجاعه أو الإستمرار فى حجبه؟
وهل تعتقـد أن من حق بيان أن تسهـم فى نشـر هـذه (المعرفـة بالحقائق)، خصوصـا وإنها المتضررة وصاحبة الحق فى التوضيح؟ كيف يمكن أن تمارس حق الدفاع عن النفس ونحن نناقش فى أثينا هل المرأة إنسـان أم شيطـان.
وشكــرا
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: Abureesh)
|
العزيز أبو الريش أنا لم أقصد عودة أو عدم عودة الدكتورة بيان بالذات و قد تحدثت عن نزاهتها في البداية أنا أتحدث عن هل هذا الوقت المناسب للمطالبة بهذا آم لا أعتقد أننا نحتاج أن نعرف أولا ثم نطالب وبكري لديه الكثير المثير في هذا الموضوع وعلى قول المصريين يا خبر بفلوس يبقى بكرة ببلاش
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
Quote: أنا أتحدث عن هل هذا الوقت المناسب للمطالبة بهذا آم لا أعتقد أننا نحتاج أن نعرف أولا ثم نطالب وبكري لديه الكثير المثير في هذا الموضوع وعلى قول المصريين يا خبر بفلوس يبقى بكرة ببلاش |
اولا يا استاذ اسامه الفضل انا كتبت البوست قبل ا ختراق الموقع وبكري كالعاده تجاهل النداء وما زلنا نطالب بارجاع دكتوره نجاه محمود . ولا اعلم ما هي العلاقه بين ارجاع دكتوره نجاه ومعرفه ما حدث او ما لدي بكري من الكثير المثير ؟؟؟ ارجو ان توضح لي ما العلاقه بين ارجاعها وبين الكثير المثير الذي ذكرته انت ؟؟؟؟
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: doma)
|
ماما دوما
اضم صوتي الى صوتك لإرجاع د. بيان فالحجة تقارع بالحجة ، والكلمة تنصف الكلمة...وسياسة القمع وكبت الحريات لاتتماشى مع اسم المنبر العام الحر..
عزيزتي
نتمنى ان تنجلي هذه الغمة التي دفعنا ثمنها جميعا...لكن ان لبكري ابوبكر بعد انتهاء هذه القتامة ان يقف وقفة صادقة مع نفسه ويراجع سياسته ضد كثير من المفصولين جميعهم بلا استثناء مع اختلاف رايي مع بعضهم لكنهم اضافو الكثير الى هذا المنبر، وهم الان من يقفوا يدافعون عن سودانيزاونلاين خارج اسواره ومن خلال المنابر الاخرى وهم من قالوا لا ضد من بداو في الإساءة ضد بكري وضد سودانيز
بكري الحق حق ود امي....والواضح حروفه واو الف ضاء حاء...
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: حنين للبلد)
|
دوما الحبيبه من القليب قريبه والله انا ما قايلة الغالية بيان موقوفه من البورد بأمر من بكرى !! افتكرتها مشغوله زى ما انت عارفاها .. قلت اكيد برتجع لينا تانى قريب ..لكن جد استغربت لما قريت بوستيك ده.. حقيقى بيان قلم لا يستهان به وفكر يجب وجوده بيننا .. وحكاية القمع وكبت الحريات دى يا باشمهندس بكرى لا يمكن تفرضها على بعض الناس وتتجاهل الكثيرين نرجوك ارجاع بيان .. واتمنى انه الاخت بيان ترجع لينا سريعا .. انا اخاف انها تحرد زاتو ..لانه بالجد كتر عليها .. لكن بقول ليك يا نجاة الحبيبه... عشان خاطرنا ترجع... شكرا دوما ست الناس ..ربى يكتر من امثالك ان شاء الله تحياتى للجميع اسماء الجنيد/ مسقط
| |
|
|
|
|
|
|
Re: يا بكري عليك الله رجع لينا دكتوره نجاه محمود الامين (Re: ihsan fagiri)
|
Quote: نتمنى ان تنجلي هذه الغمة التي دفعنا ثمنها جميعا...لكن ان لبكري ابوبكر بعد انتهاء هذه القتامة ان يقف وقفة صادقة مع نفسه ويراجع سياسته ضد كثير من المفصولين جميعهم بلا استثناء مع اختلاف رايي مع بعضهم لكنهم اضافو الكثير الى هذا المنبر، وهم الان من يقفوا يدافعون عن سودانيزاونلاين خارج اسواره ومن خلال المنابر الاخرى وهم من قالوا لا ضد من بداو في الإساءة ضد بكري وضد سودانيز
بكري الحق حق ود امي....والواضح حروفه واو الف ضاء حاء... |
شكرا ليك يا حنين للبلد وشكرا لكل من يساند الحق لائحه بكري ابو بكر لا تطبق بعداله وتطال دكتوره نجاه اكثر من غيرها وفي هذا احجاف لها وتكميم لصوتها وظلم بائن اتمني ان يرفع بكري ابو بكر الظلم عنها
| |
|
|
|
|
|
|
|