|
|
 فنانين الحلال وذاكرة حفلات...!!!
|
حافلة او بوكس كاشف يضرب عباب القري والفيافي ليعلن حضور الفنانين ....وساعتها تكون المرايات والامشطة والفرشة تئن وترن في نشاط عالي لتحضير الحسناوات اللائي عليهن الظهور في هذه اللحظة في كامل زيهم ...ويتطاقش الروج والكلي والذي منه من هشتك بشتك..وفي مدار اخر ليس ببعيد
وفي احدي الغرف المضيئة باضاءة خافتة يقبع الفتية وبين باقة او قل قزازة من العرقي الجيد...فانها الطشمة...
مجموعة قليلة من الشباب النشط يعمل علي توضيب الكوشة من مواد فقيرة وكهربائي جربندي يمارس التصليح والتربيط للمايكروفون
وقد تسمع (تست تست تست)...او تسمع زغرودة متقطعة هنا وهناك في اجواء من المرح ...والانهاك من ضجة العزومة...
فنانين حلال من الذاكرة...
سنتجول مع مدارات حفلاتهم ونمط غنوايهم واستايلاتهم المتنوعة ما بين الاوركسترا والايقاع فقط ثم الاورغن الذي طل حديثا...
ثم نحي اشهر عازفي الايقاعات في المدارات المهملة والكراكير...
ليالي الربة والنغم والغناء الجميل
|
|
 
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم الامين احمد)
|
قبل ان نمشي بعيد للحلال والكراكير البعيدة
حريا ان نثبت امر الحفلة العجيبة في حي شعبي في مدينة ودمدني...
توصيلة علي وزن يا عم لشباب متعب في اطار فضل الظهر بعد عودته من عمله الشاق في المنطقة الصناعية...
وعلي مضارب ذلك الحي الجميل وبالقرب من منزلهم...!!!!
صاح بكل استغراب ...!!
الله الحفلة دي في بيتنا ....... والغريبة انا طلعت الليلة ومن الصباح ومافي اي كلام في بيتنا عن حفلة وما حفلة...!!
ياربي الناس دي بقت تعمل حفلة بورانا ولاشنو؟؟؟؟
انت معزوم يا زول...وعلي الطلاق تجي تحضرها معانا...!!!
واستجبت..
مثل هذا الحفل وبعد سنين عديدة من حفلات البلد كانت يجب ان لا تفوت وقد كانت حقا جديرة في التامل ...
ملابس الراقصين والراقصات
الفنان ذات نفسو....وعالم يشهوك تسريحة الشعر بوب اولاد وبنات ونسوان كبار....
ونعود
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالله كع)
|
الف حبابك يا كع ومراحب في ذاكرة الربة وفنانين من الحلال....
وانت بيننا نجد انفسنا في وسط الحفلة التي قامت (بروس) بدون علم احد افراد المنزل....
وحفلة بالجد كانت علي درجة عالية التنظيم والجكس لابس بناطلين ومصايب عجيبة خلاص...
اولي الملاحظات التي طلت هو الفنان الرهيب...الذي مسرح شعرو بوب مارلي ولابس طاقية ملونة ولولا قليل تركيز لما فرقته من جوقة الراقصين والراقصات...
مايك متحرك (هاجرو) بطريقة تحتاج الي تفتيش وتركيز حتي تعرف اين هو الفنان...
(فنان بطلع المايك من وين ماعارف )...
وعندما رايته كان يراقص فتاة بطريقة (البامبنغ) الشهيرة وهي رقصة يضارب الراقص الراقصة بقفاه
اذن ده الفنان ياربي باقي الناس يكونوا...
وتعالوا نشوف الربة في اعلي مراحلها والبهجة الصاح لمن الناس تخلص للطرب
ونعود
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم الامين احمد)
|
لو قيل لانسان فارة وداقس حملته خطاويه في الي ذلك المكان بان هذا الحفل في جامايكا او في كراكير هارلم لصدق الامر ونام علي كده...
كون الملاحظ بان هنالك زي عشرمية زول جووه الحفلة دي مسرحين راسهم بوب مارلي...وبنات ايضا شعورهم مضروبة جورسي تقيل محولها الي
بوب مارليات..وكلا وعند دخولي كان يراقص الاخر (بابنغ) الشهيرة...ولكن بطريقة تختلف كثيرا عن شوفتي الاولي لهذه الرقصة في كروبويات (بار بنات) في جوبا ومسرح ملكية الشهير وحفلات اطلع بره ايامات (دجدج) والشهير سبت رقو رقو...
ده بانبنغ غير
وهبشة بالقفا ثم رقيص في طريقة متباعدة ومتقارية ثم التصاق فيس تو فيس
وحكاية عجيبة خلاص..
ونعود
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم الامين احمد)
|
خلينا في حفلة كاربة بعبد الوهاب ود البكيرة
وفرح ود ابكروك سكران لمبة ومن البنقو لافي سيجارة
عامل ازعاج شديد ورقيص داخل الحلبة كيف يتم التخلص من فرح
فكرة ملعونة اتي بها العبيد ود عثمان
طلبو من فرح ان يطلع علي سطح البيت لكي يصلح المايكرفون المعلق علي سطح المنزل
احضرو السلم وطلع فرح ليصلح المايكرفون
وسحبو السلم
وظل فرح يرقص علي سطح المنزل حتي الصباح واستمرت الحفلة في هدوء تام
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: Huda AbdelMoniem)
|
هلا ياكيكي
وطبعا كوريا مونج بعرفوها ناس بورسودان
ومن شدة الطرب والبهجة الفيها بقول ليك ناس
هناي عندهم بارتي عشان غنمايتهم ولدت.....ولا ابالغ....!!!
في عرس الاخت.....؟ في الفضاية جنب بيت الحاجة زينب مالك
واخونا الفنان المرحوم امام اخر سلطنة ( وليه بنهرب من مصيرنا)
افتتاحية للحفلة عشان ينوم الحجات الكبار بدري.....
جاءكم واحد اخونا بتذكره زي الليلة لابس فنيلة ( لاكوست) حمراء
وبنطلون جنز اسود ....عمل فيها ببشر للفنان وفجاة طلع سكينه
وعينك ماتشوف الا النور ....السماء تمطر كمنجات وجيتارات
والفنان والعازفين قالوا يافكيك.....!!!
المهم ....
اتضح في النهاية انوا اخونا كان اتقدم للعروسة وقالت عاوزة اتم قرايتي.
والاهم....
فرتك لينا حلاة حفلة...بعد مافرتك فهمنا
وطير الكاسين الكانوا في راس صاج اللحم.
وجاييك راجع
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم الامين احمد)
|
الحبيب عبد الكريم
سلام يعمل ابو الشهيق ويشحتف باقى الباغة
حضور كثيف كثافة دخان برنجى طالع من خشم ست زار .. لوارى وكمية من الجلاليب فقط 3 طرح لابساتنها يافعات .. وعمك الفاكوكى راكب قدام تقول صاحب السواق .. اللورى التاني الشباب والقواريرالكاويات الشعر بالملعقة وكمية من الجلبطة ما تديك شارع البنطون ..ودخلت العربات الحلة .. استقبال من طرف عشرين كلب بالله تقول شايلين عضام فى العربات .
تفاصيل وموازنات وارهاصات بحفلة خربانة ام بنايا قش .
اتفارقنا بعد النزول فراق الطريفى لجملو .. واعلن بتاع الصوت عن التيست .. ( السماعات اضان فيل بتاعة الجامع ) .. مع اول لفة للمايك تكورك فيك وتزن اضان الحضور .. فنان الحيرة .
جينا الساحة او الفضاية ( لغير الناطقين بها ).. اول مشاهد تجهجه دفاعات الزول العكاكيز الكتيرة الممكن تملا لورى عااادى لمكافحة الشغب .
انتهى الفاصل الاول .. انفض سامر الجلاليب .. كان بالقرب من الفضاية حوش طين .. يتردد فى الضلام الدامس .. ( نقطة نفس جديد ).. الضلام دا كسوه بصفيحة جاز لصاحب بابور الكهرباء ومعاه باغة وشوية شيه وبعض تعاريف يقمن جيبه .
فى الحوش البعيد داك سيول وامطار من شاربى الباغات والاندايات .. فى لحظة واحدة وقف حوالى 34 شخص يولولون بباقى المشروب فى الحوش .. احتج صاحبه بان الطين اليوم اخر ايامه .
ايضا هناك احتجاج من صاحب اضان الفيل .. بان الفنان صوتو غليظ وقد يربك السماعات دى ويمكن يقدها .
وللمريخاب الوجع
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: alfatih)
|
| Quote: جينا الساحة او الفضاية ( لغير الناطقين بها ).. اول مشاهد تجهجه دفاعات الزول العكاكيز الكتيرة الممكن تملا لورى عااادى لمكافحة الشغب |
سلام مربع يا الفاتح
ويا سلام علي اللوحة الرسمتها دي تشهي الزول الحفلات ام مهانين مايكروفات اضان فيل وناسها راكبين الفيل
وحفلة فعلا تجهجة الدفاع وتخلي الزول يضهب فيها بكل عين قوية عشان يشوف الحياة
وجع وجع يا الفاتح
والخبر الاكيد قالوا هلالنا رجع
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: Abureesh)
|
Quote: نفسنـا قام ياخ..
شكــرا حتى تنادى البوليس. |
هلا يا ابو الريش
وحفلات المس كول دي مافي زيها تاني ..وبتحصل مرة في كل قرن يا ابو الريش بتور نفسنا
واها قلنا دي فرصة نتور نفسكم معانا..
تقول بوليس يا ابو الريش البوست ده كلو بضاير
القصة فيها باغات ومس كولات وفيل وحاجة كده بتخاف من البوليس
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: Abureesh)
|
Quote: نفسنـا قام ياخ..
شكــرا حتى تنادى البوليس. |
هلا يا ابو الريش
وحفلات المس كول دي مافي زيها تاني ..وبتحصل مرة في كل قرن يا ابو الريش بتور نفسنا
واها قلنا دي فرصة نتور نفسكم معانا..
تقول بوليس يا ابو الريش البوست ده كلو بضاير
القصة فيها باغات ومس كولات وفيل وحاجة كده بتخاف من البوليس
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم الامين احمد)
|
Quote: ويا سلام علي اللوحة الرسمتها دي تشهي الزول الحفلات ام مهانين مايكروفات اضان فيل وناسها راكبين الفيل
وحفلة فعلا تجهجة الدفاع وتخلي الزول يضهب فيها بكل عين قوية عشان يشوف الحياة
|
عبد الكريم
هى .. زى الدقداق يشهيك الظلط ..
فى مرة من المرارات بدات الحفلة فى السابعة مساءا وحينما وصل العدد للساعة 9 كمّل الفنان كل الاغانى الحافظا.. واكمل بالدعايات .. حيث لا ارسال من خلاله تعرف الحلة هذه الابتهاجات
منتظرين معاك واصل السرد الجميل ... ما نكون خربناو بباغة
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: ناهد بشير الطيب)
|
Quote: كان سمعنا الغنا زاتو ...على حقيقته
وسماحته اللت زمان ....
نموت طب ساكتين |
المزازيك دي يا ناهد الفتر ما بقدر عليها
وضربة جيتار بطرف الاصبع تقوم النايم من سريرو وعلي الحفلة سيدا وهاك يا جبجبة
حفلتي المشيتها دي ارقص زول فيها كان الام والزولة دي اجدعت جنس جديع اليوم داك
انا خفت عليها من الغضروف....
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم الامين احمد)
|
Quote: وضربة جيتار بطرف الاصبع تقوم النايم من سريرو وعلي الحفلة سيدا وهاك يا جبجبة
حفلتي المشيتها دي ارقص زول فيها كان الام والزولة دي اجدعت جنس جديع اليوم داك
انا خفت عليها من الغضروف.... |
كيكى الظريف ....
ذكرتنى طفتك ولطافتها بقصة الزول ...العنده طرائف زى اللتك دى
يقوم من الصباح يقول تصدقوا انا كنت حلمان بانه هيفاء وهبى غنت لى
ونانسى عجرم رقصت لى بعد ماغسلت لى قميصى ...ومادلين طبر
خاصمتنى تلاته يوم ...واصلوا ابيت اصالحها ...
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: ناهد بشير الطيب)
|
Quote: ذكرتنى طفتك ولطافتها بقصة الزول ...العنده طرائف زى اللتك دى
يقوم من الصباح يقول تصدقوا انا كنت حلمان بانه هيفاء وهبى غنت لى
ونانسى عجرم رقصت لى بعد ماغسلت لى قميصى ...ومادلين طبر
خاصمتنى تلاته يوم ...واصلوا ابيت اصالحها .. |
هلا يا ناهد
واخوك كان حلم حلم زي ده باقي ليك بنوم تاني
كان لحدي حسع بكون صااااحي ببحلق في هيفاء وهبي دي
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم الامين احمد)
|
قتلى بتكون صاحى
والعجب بس لو بت عجرم غسلت القميص
اكيدحتلبسه انت بدون مكوة
اتنين بنات مابيعرفن بعض اتلاقن وسط دائرة الرقيص
(ليه بيسموها دائرة ...مثلا ليه مامربع او مثلث)
ماعلينا...
المهم دار حوار التعارف ده ...
ازيك اهلا
اهلا بيك انتى منو؟
انا ميمى بقرا فى الجامعة وساكنة فى الختمية والكريم البستعملوا
ديانا الاصلية
تشرفنا انا زيزى من حلة حمد وعاطلة والكريم بوهلى ابو علبة صفراء
شكرا مع السلامة
مع السلامة
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: ناهد بشير الطيب)
|
Quote: اتنين بنات مابيعرفن بعض اتلاقن وسط دائرة الرقيص
(ليه بيسموها دائرة ...مثلا ليه مامربع او مثلث)
ماعلينا... |
وفعلا ملاحظة عجيبة يا ناهد
والدائرة دائما متغولة علي كل الاشكال الهندسية
ويا دوبك المثلت طلع ليهو بمثلث برمودا...والمربع ما عندو في الحلو نصيب كثير..
وزيزي وميمي ديل
بعد الحفلة دي تاني ما يتلاقن الا في محل كريمات وعطور
في السودان شايف في الحفلات حكاية (قط) الرقم بتاع التلفون بقت موضة
والحفلة كلها تلقيها بتجدع في ارقام التلفونات
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: ناهد بشير الطيب)
|
Quote: الا تعالوا انت وعبد الكريم التانى
انا متلخبطة بينكم منو فيكم زولنا بتاع
بحرى طراوة .... |
عبدالكريم السمي والصديق هو رائد بحري طراودة
وانا بجاي زول حفلاات سااااااااكت ياناهد....
شايف المربع خامج السوق في السعودية ومتحول لكباري وجسور
في السودان غير خور اربعات ودرب الاربعين ما عندنا تريبعة تاني الا تربيعة الكوشتينة
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم الامين احمد)
|
Quote: عبدالكريم السمي والصديق هو رائد بحري طراودة
وانا بجاي زول حفلاات سااااااااكت ياناهد....
|
والله فى بوست الطراوة ماممقصر مجيهنا تب
قتلى زول حفلات ساى ...
غايتوا انت وخليل يديكم العافي (وش شايقى مشلخ لاوراء ضاحك)
____________________________________
ماتكلمنا طيب عن تربية الكوشتينة دى ...
مرة من المرات ياكيكى ...نزلت سفرة سغيرووونة للسودان
عشان اخوانى ممتحنين شهادة وقلت اساعدهم بى غادى...
وصلت ...
واى زول بعتذر ليه انى مابقدر اجيه لانى جاية لمهمة
وهى مساعدة الممتحنين ديل ...
قريبتى جننتنى بالتلفون ...تعالى لينا ...وانا اعتذر ...
قامت ركبت وجاتنا ...ودفرت الباب براحة ودخلت
لقتنى خاته (طبلية وفارشاها بملاية وخاتين انا والاولاد كتب البلاغة)
بدون ماتخلى بالها كويس
وبنهرة قالت لى ...
(تقولى لى جيت للاولاد ديل اقريهم وانت قاعدة بتلعبى كوشتينة )
يديهاالف عافية وطول العمر يارب...
متنا بالضحك ...
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: ناهد بشير الطيب)
|
Quote: تقولى لى جيت للاولاد ديل اقريهم وانت قاعدة بتلعبى كوشتينة )
|
عارف يا ناهد
الكوشتينة في ايامات المناسبات بتكون طبعا مدورة في المقيلة
وفي ناس مساخيت طبعا بطعموها ولكن متعتها طبعا لو بقت (هارد) عشان كل زول يكون سيد نفسو
تصفي حساباتك مع الاصدقاء الاعداء في مرح وتفشي يجنن
| |
|
|
|
|
|
|
|
|
 Re: فنانين الحلال وذاكرة حفلات...!!! (Re: ناهد بشير الطيب)
|
السمي الباشمهندس كيكي
ياخي لابسين ومتريحيين والبرنسه واقفه في خشم الباب وراجينك عشان نمشي حفلة حلة ورا والجماعه مجهزين كل حاجات البهجه والمسره من سوائل وهوا ,, تقوم تشر الجماعه ,, اها الجماعه منتظرنك في السهله القدام بيت العرس ومدورين في البهجه إحتمال تحصل نصيبك وإحتمال ماتحصل ,, في إنتظارك ؟!
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم أحمد الامين)
|
تذكرت قصة اخونا طارق العيكورة
والبت الخطفها المغترب من الراجل
الراجل عامل فيها روحو رياضية جاء الغداء وظبط الصيوان وغدا الضيوف وقام بالواجب
الود عامل عنده اخلاق الفرسان
ولكن في المساء حضر العريس والعروس من الكوافير
فجاة انهار صاحبنا وجهش بالبكاء حتي اليوم
| |
|
|
|
|
|
|
|
|
|
Re: فنانين الحلال وذاكرة حفلات...!!! (Re: عبدالكريم أحمد الامين)
|
| Quote: ياخي لابسين ومتريحيين والبرنسه واقفه في خشم الباب وراجينك عشان نمشي حفلة حلة ورا والجماعه مجهزين كل حاجات البهجه والمسره من سوائل وهوا ,, تقوم تشر الجماعه ,, اها الجماعه منتظرنك في السهله القدام بيت العرس ومدورين في البهجه إحتمال تحصل نصيبك وإحتمال ماتحصل ,, في إنتظارك ؟! |
هلا يا سمي ومشتاقين والله
وبجييكم بالحيل ما ادام القصة فيها هواء سائل
انت عارف يا كريم الحفلات دي في ناس بستعدوا ليها بكل الاصناف واليوم داك بجربوا الما جربو قبل كده
لزوم البرنسيسة والجكس البطاقش في الساحة
| |
|
|
|
|
|
|
| |
عبدالكريم الامين احمد
عبدالله كع
khaleel
دينا خالد
haroon diyab
alfatih
Abureesh
ناهد بشير الطيب
عبدالكريم أحمد الامين
فيس بوك
تويتر
انستقرام
يوتيوب
بنتيريست