|
اوباما و كج سيف دقشة !!
|
سامع تحت كدا انو فى حلتنا الشباب عاوزين يعملو (تمرين بيبسى ) وهو عبارة عن دافورى بين فريقين من الحلة فى ميدان السهام بمناسبة انتخاب اوباما ، بعد التمرين فى بارتى صغير ( كلفنا خالد ابوسبعة يطلع لينا التصديق بتاع الحفلة والاورغن ) ، سيف دقشة قايم بالمشروع لانو عم اوباما كان زمان ساكن جنب بيت ناس ست حورية الناظرة وسكن فى الحلة زى خمسة ستة سنوات كدا ورجع كينياواستقر هناك ، انا عاوز ايميل تراجى عشان ندخلها فى البرنامج انا قلت لى اولاد الحلة فى زولة معرفة كدا متصورة مع اوباما دا لمن كان ضهب ويدوبك كادر خطابى فى اركان النقاش فى منابر الجاليات ، طبعا الزول بيكون وفى وما بنسى العشرة فمكن تكلمو يخاطب لينا الحفل وبالعدم هى ممكن بالهاتف تخاطب الحضور سيف دقشة قال حيرسلو مندوب يحضر حفلة الحركة الشعبية القالو حيغنى فيها صلاح براون والكابلى ما حيقول فيها غوغ لان فنان ( انجلو سكسون ) واحمر الحمرة الروحت مكين فى حق الناخب الامريكى
غايتو السودانيين ديل ما كجو الزول دا ما برتاحو
|
|
|
|
|
|