|
خليل اسماعيل و مرور عام على ........
|
0 0
اليوم 22 من أغسطس يكون قد مره عام على فراقك يا أخى وشقيقى
الذى تعلمت منه الكثير, والله انى لمحزون فلقد كنت الصديق والحبيب .
التعازى الحاره للاسرة الفنيه ولكل من عرفك شخصيا أو من خلال ما قدمت
واحر التعازى لاخى ابوعركى والذى يحلو له ان يناديك بخليل الجميل .
رحمك الله وجعل الجنة مثواك وانا لله وانا اليه راحعون .
---------------
هذا البوست مفتوح لكل من عرف هذا الانسان , قولو كل ما تعرفون
عن خليل اسماعيل فانى أعرف ان لديه الكثير من الاصدقاء لديهم ما
لا نعرفه .
ليس هناك تأريخ
|
|
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
العزيز حمد ، لا ادرى كيف اعزى صديقى وحبيبي خليل صاحب الصوت الفريد، فقده كان مؤلما كانت تربطنى به علاقة مميزة وعند رجوعى بعد مدة طويلة للسودان لاقيت الاخ هاشم هريدى ، قلت ليه أنا عايز امشى لى خليل لانى جيت النادى مرتين وما لاقيته ، سبحان الله ونحن ماشين فى الشارع بى رقشة لى سوق الموردة نلقى ليك المرحوم ماشى فى هدوء شديد وقف اقيف اركب وحكينا ليهو القصة ومشينا مطعم السمك ضربنا بمزاج
رحمك الله خليل فنان الفنانيين وانزلك مع الشهداء ، لو رجعت للسودان بتخيل لى حألقاك لانى والله لسع ما متخيل اجى وما القاك ، فغيابك عنا إمتحان ربانى لنا الذين فقدناك ، لا انسى فى حفلة من الحفلات وأنا كنت اعرف تماما أن أغانيك كانت ليست من السهولة لكل من هب ودب أن يتعامل معها وقلت ليك أها يا استاذ حنغنى شنو ؟ قمت قلت لى إنت حافظ شنو ؟ فى الوقت داك كنت متابعك كويس وحافظ ليك حاجات كتيرة وكانت حفلة لن تغيب عن ذاكرتى ، شملك الله بلطفه يا صديقى فإن فقدك عطيم وانزلك مع محبيه ،
وإنا لله وإنا إليه راجعون
| |
|
|
|
|
|
|
Re: خليل اسماعيل و مرور عام على ........ (Re: ترهاقا)
|
عزيزى وصديقى ساطور
والله عيونى جافاها النوم دا نفس اليوم الجانى فيه الخبر
والله انا لفراقك لمحزونون يا خليل الجميل .
انته محظوظ شفته لما رجعته السودان , أنا ماشفته من
سنة 89 ,نتحادث ونتكلم كل اسبوع طيلة هذه الفترة الى ان رحل عنا .
رحمه الله بقدر ما أعطى.
.
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
استاذنا حمد
خليل اسماعيل او فنان الفنانين هو من اساطين الاغنية السودانية ومن اجمل الاصوات
التي مرت علي الساحة الحانه عذبة وكلماته مرهفة عفيف اليد واللسان
اللهم ارحمه واغفر له وادخله فسيح جناتك
name="allowFullScreen" value="true">[/IMG]
| |
|
|
|
|
|
|
Re: خليل اسماعيل و مرور عام على ........ (Re: khaleel)
|
خليل اسماعيل احداطواد الغناء السودانى لم يكن صوتا عاديا ولم يكن انسان عاديا كل مافيه كان ينضح بالعبقرية وكل ما غناه كان مجدا للغناء السودانى منذ ان بدا مسيرته فى منتصف الستينات والى رحيله الابدى ظل احد العلامات فى الغناء له ما يميزه ويجعله فارقا فالصوت ليس ككل الاصوات له طبقات تخصه وتنغيم لا يكون الا له بدات على صعيد خاصالاستماع لخليل فى فترة بعيدة منذ ان وعيت الغناء كانت احلى لحظاتى حين استمع الى الامانى العذبة واجمل امنياتى ان التقى هذا الفنان وقدكان التقينا وبتنا اصدقاء ليس لسبب سوى انه من خفة الروح ما يجعلك اسيرا له النكتةعلى طرف اللسان مرتاحة تخرج وقتما تشاء والنغم مثلها لا يتكلف الحديث ولا يبحث الا عن الجمال اينما كان موطنه كان خليل اسماعيل عشايا تخرج خليل فى قسم الموسيقى بالمعهد العالى للموسيقى والمسرح وافرد للغناء كل لحظة من لحظات حياته غنى اغنيات الحقيبة فجعل لها مذاقا خاصا وغنى للبلادالتى عبرها فجعلك تتمنى ان تنتمى لها كانه يشهدك على مواطن من الجمال عليك ان تسارع لرؤيتها وغنى للسلام والوحدة فجعلنا نستعذب ان نكون مواطنين صالحين وكان مواطنا صالحا يعرف اين وكيف ومتى ولماذا يبدا الغناء؟ لم يداهن حاكما ولم يمسح جوخا ظل عفيفا وشفيفا منذ عرف الغناء كمصدر لعيشه الى رحيله الموجع تغنى للعديد من الشعراء لكن ابو قطاطى كان نديم روحه الى حد كبير دائماحين كنت التقيه اردد له ـ قبل ميعادنا بساعتين ابيتو انا وابانى البيت فيرد على ـ اكون امكن انا الماجيت ، يا ربى يا لفقدك يا خلى ، فما تزال بينا حاضرا ما تزال طازجا كالحياة التى احببتها ما تزال فينا وستظل يا حبيبنا الجميل
كنا ذات مساء جميل فى استديو (أ) صحبتى زميلى طارق البحر وكنا قد اكملنا التسجيل لخليل (بالعود) شريطا كاملا مداه ساعة وبعد ان انتهى التسجيل ادرنا الشريط وجلست اليه فى ونسة طريفة تعرفت اليه اكثر سالته ـ خليل انت من الابيض من ياتو حى ؟ قال ـ شفتى لمن تجى ماشه فى اى شارع ولقيتى نسوان ماشات زى فرامات الخدره باريهن بتصلى بيتنا اثناءتلك الضحكةعبر زميلنا خطاب حسن احمد الاستديو فاذا بحمد يقول له وكان الشريط دائرا ـ خطاب عاين سلمى وطارق ديل هاريينى بى كيف ؟
رحمك الله رحمة تتسع وادخلك فى جنانه خالدا فيها مخلدا انا لله وانا اليه راجعون ولا حول ولاقوة الا بالله
| |
|
|
|
|
|
|
Re: خليل اسماعيل و مرور عام على ........ (Re: Azhari Nurelhuda)
|
o 0
الحبيب خليل
تشكر على المرور ربنا يديك طولة العمر
سلمى بت الشيخ
كترى من الحكى وانتى أدرى
عبد الحفيظ
تسلم وطلتك بالدنيا, ومعليش ما اتلاقينا لما جيت الابيض
وان شاء الله نتلاقى فى ساعة خير
أبو الزهور
لما يقول لى تغنى معاى يوم الخميس و أكون مرتبط أقول ليه لا
يقول لى بعافيتك وبس .
بالله اجترو الزكريات فهى مريحه للنفس .
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
يا أخوانا أهل الموسيقى والغناء والفن: أنتم منتجين وأنا مستهلك ... لم أقابل خليل في حياتي وجها لوجه لكني لن أنسى ليلة في إتحاد طلاب جامعة الخرطوم هو وأبوعركي ومدير لمصلحة السياحة أظنه أحمد أبو بكر شقيق الشاعر محمود أبوبكر (الصاغ) وغنزا لجبل مرة ومن ذلك اليوم سمعت كل أغاني خليل وحصرت كل مقابلاته تقريبا في التلفزيون والإذاعة عندما أتيحت لي الفرصة (تبعت لما أكون خارج السجن) ونمت بني وبينه محبة دون لقاء فهو فنان ومرح وذكي في حوراته ومتواضع. لن أنسى دوره في الملحمة مع أبو الأمين وأم بلينا السنوسي. سيظل خالدا في ذاكرة عشاقه وستظل أغانيه طربنا الشجي ما حيينا، لكم الود والشكر على إحياء ذكراه وشكرا حمد إسماعيل وأستمروا في الإبداع.
| |
|
|
|
|
|
|
Re: خليل اسماعيل و مرور عام على ........ (Re: Sidgi Kaballo)
|
الأخ حمد ..البركه فيكم و احسن الله عزاؤكم. أنا لا أعرف الفنان الكبير المرحوم خليل اسماعيل شخصيا و لكن رحيله احزنني و كأني فقدت أحد معارفي المقربين..رحمه الله بقدر ما اسعد هذه الجماهير الطيبةالغلبانة و بقدر ما ادخل من الفرح على قلوبهم.
| |
|
|
|
|
|
|
Re: خليل اسماعيل و مرور عام على ........ (Re: Sidgi Kaballo)
|
الأخ حمد ..البركه فيكم و احسن الله عزاؤكم. أنا لا أعرف الفنان الكبير المرحوم خليل اسماعيل شخصيا و لكن رحيله احزنني و كأني فقدت أحد معارفي المقربين..رحمه الله بقدر ما اسعد هذه الجماهير الطيبةالغلبانة و بقدر ما ادخل من الفرح على قلوبهم.
| |
|
|
|
|
|
|
Re: خليل اسماعيل و مرور عام على ........ (Re: Alsa7afa_30)
|
لا يغنى مع خليل الا من يعرف مقدراته الادائيه , كصاحب صوت , قَلَ ان يجود الزمان بمثله .. الجميع من قبيلته الفنيه يدركون هذا , فحاذر ثم أعد التفكير مرتين .. قبل ان تقبل على ارتكاب هذه الحماقه .. فخليل بهدوءه المعهود .. أبطأ من كل سلاحف الدنيا قد يماطل كثيرا ً ويتمدد فى الزمن ماشاء له الهدوء .. لكنه ايها الاحباب , يالله متى مافرد صوته .. الذى دربه بالصمت الطويل .. والمتأمل , فلا تسمع الا العجب .. وربما انت يا حمد .. بإعتبارك أخيه وأنت عازف قدير وخليل مُغنى غريب وخاص .. كيف ومتى كان خليل يؤدى تمارينه الصوتيه .؟ هل سمعه أحد .؟ وهو يتمرن .؟ بمعنى .. يمارس تمارين الصوت .؟ هل ..؟ لا أعتقد وأكاد أجزم بذلك .. ..
| |
|
|
|
|
|
|
Re: خليل اسماعيل و مرور عام على ........ (Re: khatab)
|
0
متأسفيين على التأخير
Sidgi Kaballo
لك أجمل التحايا أخى وشكرا لوجودك معنا
لو فى امكانية تنزيل أى ماده مرئية أو مسموعه
مما عندك .
تسلم أخى ..
سيف النصر محي الدين
مشكور يا عزيزى وان شاء الله ستعرف الكثير لو تابعت البوست .
اسيا ربيع انت تعرفين الكثير أحكى لنا حدثينا عن خليل الجميل
والصوره بترجعنا للزمن الجميل. يا لها من أيام .
Alsa7afa_30
شكرا على مرورك وتسلم
ماقدرته اسمع أى حاجه وان شاء الله الناس سامعيين.
khatab
شرفته يا عمو خطاب أنتم أدرى فهو منكم ولكم معه الكثير
أحكو لينا عليكم الله .
بخصوص تمارين الصوت والله طبعاانحنا ساكنيين سوى
وطبعا مرات بتكون فى صنه فى البيت , فجأة اسمع ليك صاحبك ( رحمه الله)
جوه الاوضة بأعلى صوت ههههههههههههههههههههههههههههههههههههههها زى بتاعت
ناس الاوبرا ,فأقوم أجيه , أقول ليه شنو يا أبن العم طوالى يرد بكورك فى الشارع
ما بكورك فى بيتنا فأقول ليه خلاص أدينا سيجارة عوضنا الله فيرد على أنا قايلك
جاى تشوفنى مالى , فنديها ضحكه.
رحمه الله رحمة واسعة.
.
| |
|
|
|
|
|
|
Re: خليل اسماعيل و مرور عام على ........ (Re: khatab)
|
حكى عبدالعزيز .. المتيم بالغناء , درجة التصوف , فى مُحكم أُنسه حين الروي , عن المُغنين الافذاذ , ايام الدراسه والتحصيل , حكى ان المعلم الكورى وكان قد سماه .. وكان فى التمارين قبل النهائيه فى تخصص طلبة الصوت , حكى وان المعلم الذى كان يحاور مفاتيح البيانو , والتى من المفترض , أن يأتى صوت الممتَحَن .. من الطُلا ب , مُطابقا ً او يكاد يكون وفقها .. حكى ان الخليل بن اسماعيل .. وهو يتابع الضربات من اّلة البيانو , عزف الاستاذ, قد جاوز المدى .. أي أنه .. طاقته الصوتيه .. يا سبحان الله .. قد جاوزت تلك الاّله البيانو الاّله مكتملة الهارمونيه . .. وحسب رواية صديقى ان خليل واصل .. فلم يجد الاستاذ الذى يمتحنه , الا ان يعزف فى الهواء خارج المفاتيح .! وحينها اطلق عليه .. عبارته المشهوره والتى احتاج لاهل الموسيقى لتثبيتها .. .. .
| |
|
|
|
|
|
|
Re: خليل اسماعيل و مرور عام على ........ (Re: khatab)
|
(شرفته يا عمو خطاب أنتم أدرى فهو منكم ولكم معه الكثير
أحكو لينا عليكم الله .
بخصوص تمارين الصوت والله طبعاانحنا ساكنيين سوى
وطبعا مرات بتكون فى صنه فى البيت , فجأة اسمع ليك صاحبك ( رحمه الله)
جوه الاوضة بأعلى صوت ههههههههههههههههههههههههههههههههههههههها زى بتاعت
ناس الاوبرا ,فأقوم أجيه , أقول ليه شنو يا أبن العم طوالى يرد بكورك فى الشارع
ما بكورك فى بيتنا فأقول ليه خلاص أدينا سيجارة عوضنا الله فيرد على أنا قايلك
جاى تشوفنى مالى , فنديها ضحكه.
رحمه الله رحمة واسعة.) .. .حمد كيف حالك .. دي طبعا ً ايام البرنامج .. ناس ناس ناس .. ده عازفين ورمصان ًوكده . . انا طبعا ما داير ابكى عليهو .. انت الايام ديك كنت ماشى السودان ومتخيل يا حمد مصيبتك فى اخونا خليل قدُر شنو .. . سبحان الله بعد بعد الفقد داك واللطافه .. اكون خليل هو الغُنا والطرافه .. بمعنى الضحك عارف يا صاحب .. الضحك لاّخر مدى .. ماعارف انت كيف .! لاكين انا ماحصل ما لاقيت خليل ..الا كانت لحظه ..ضاحكه , عميقه وممتعه .. عشان كده .. نحكى عن الزول البنعرفو .. والجُراب مليان ياصاحب . فيك حلاة .. عيون يادى .. مبالغه واهديها الى ابو الزهور وساطور .. ده طبعا ً .. لو سمحوا لى الشباب .
.
. خلي العيش حرام
. .
| |
|
|
|
|
|
|
Re: خليل اسماعيل و مرور عام على ........ (Re: khatab)
|
Quote: وغنى للسلام والوحدة فجعلنا نستعذب ان نكون مواطنين صالحين وكان مواطنا صالحا يعرف اين وكيف ومتى ولماذا يبدا الغناء؟ لم يداهن حاكما ولم يمسح جوخا ظل عفيفا وشفيفا منذ عرف الغناء كمصدر لعيشه الى رحيله الموجع |
الاخ العزيز حمد اعلاه اقتباس للاخت سلمى وهى بحكم تجربتها نستفيد كثيرا من معرفتها بالوسط الفنى ، ما كتبت عن الراحل فيه الكثير من الصدق والشفافية والمعرفة الحقيقية ، كما تعلم لم تتاح لى فرصة لمعرفة الراحل عن قرب ولكنى من الجيل الذى ساهم صوته الملائكى فى تهذيب وجدانه. يرحل عنا الفنان الاصيل خليل اسماعيل وعثمان حسين وعدد من اجيال المبدعين فى فترة ما بعد الاستقلال فى ظرف استثنائى حاولت فيه الاصولية الدينية والهوس تجفيف كل منابع الابداع الاصيل والفن الراقى ولكن فات عليهم ان هؤلاء سيشهد لهم التاريخ بالعطاء وانهم خطوا باحرف من نور اسمائهم فى الحقل الثقافى فى بلادنا كتعبير صادق عن ذواتنا جميعا مشاعلا للحداثة شموعا احترقت لتضىء لنا دنيانا. وقد ظل المرحوم طوال حياته (راهبا) حقيقيا فيما يتعلق بالفن ورسالته السامية اللهم ارحم خليل اسماعيل بقدر ما قدّم لبلاده من فن اصيل وقيم رفيعة وصادقة وكنوز محبة لا ينضب معينها ابد الدهر.. وانا لله وانا اليه راجعون
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
هى النفس ما حملتها تتحمل وللدهر ايام تجور وتعدل وعاقبة الصبر الجميل جميلة واجمل أخلاق الرجال التجمل
بكرة يا قلبي (الحزين) تلقى السعادة تبقى هانئ وإبتساماتك معادة.. والسرور يملأ حياتي ويقى زادها.. عيني تشبع نوم بعد ما طال سهادها __ رحم الله خليل وأسكنه فسيح جناته..
| |
|
|
|
|
|
|
Re: خليل اسماعيل و مرور عام على ........ (Re: Elmosley)
|
0 0
الاخ يوسف لك كل الود, والله يا يوسف كنت بتكلم
معاهو قبل اسبوع من وفاته والمشكله دائما يقول لى أنا كويس
الى أن نقل الى المستشفى حيث لاقى ربه بعد أيام قلائل .
بكيته فى صمت بعد ذهابى الى السودان وأنا لا اصدق , لكنى
استغفرت لأن هذا ما اراده الله .
علشان كده بقول أحكو لينا لأنكم تعرفون الكثير .
المشوار طويل أعملو البتقدرو عليه والله يتم الباقى .
ليك المحبه وطولة العمر .
.
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
حدث ذات طرب....وفى زمن غير زمن حظر التجول هذا.. فى ليلة من اواخر ليالى خريف امدرمان رق نسيمها وتلبدت سماؤها بعفرت جميل هو كالعهن المنفوش..هواء بليل يخترق المسام... قمر مشدوه بين دوشة سحاب تدثره واحده..وتعريه اخرى.. وفى حفل فى ابوكدوك وامام ساحة منزل يطل على خور ابوعنجة. كانت مياه الخور لم تجف بعد .. توسط خليل مسرح اعد خصيصا للمناسبة، بقميص كنغولى لونه كما نسميه طوبى وبيده مسبحه تلتف دوائر حول ساعده وبنطلون انيق .. خلفه جوقة العازفين..حمد اسماعيل..وليد محمود.. سراج .واخرون.. دوزن الجميع الاتهم ..ودوزن الحضور اذآنهم لسماع الغناء المعتق وتحت صياح الجمهور وقبل ان يفتح خليل فمه، الامانى العذبه الامانى يا استاذ. هتاف يشق الاذان ..اطفال شباب بنات اولاد كهول..ام العريس الجميع يصيح الامانى. تنطلق حنجرة خليل الساحرة..بكرة يا قلبى الحزين تلقى السعادة.. لا اغالى ان قلت سكتت حتى الضفادع التى كانت تنق على اطراف الخور. وخليل كما هو معروف يستعمر اللحن وياتى به من قرونه.. ويعيش الاغنية راهبا بين تراتيلها وخشوعها... والقوم يتارجحون كدراويش فى حضرة استبد بهم الوجد مرددين معه وعينى تشبع نوم بعد ما طال سهاده..وانى لها تلك العيون ان تشبع نوم او يغشاها وسن او يعتريها نعاس وصاحب الامانى يزلزل اركان المكان ووجدان الناس. لم ارى احتفاءا بفنان قط من جمهور مثل احتفاء الناس بخليل فى ذلك اليوم.. الكراسى لايشغلها الا الفراغ..الناس كلهم وقوف وكل يطرب على طريقته. وخليل ينقلنا من روضة الى حديقة..لو شفت مرة جبل مرة يعاودك حنين طول السنين..ويعاودنا نحن شيطان الطرب الجميل. واللحن اصفا ما يكون فى خفوت حنجرة خليل حين يفعل ،وانت فى تبتلك هذا يدهشك خليل بصيحة اقرب الى صيحة الصوفيه ما اعتيادى..بسحروك..اسمك فى لسانى..قبل ميعادنا بى ساعتين..فى مسيرك يا الهبيب..ليه ده كلو يا حبى..البساطة..الى ان تصل الكومبا وهنالك يكون لصوت خليل طعم اخر هو مزيج من الموشح العربى وصراخ الكجور .. يا الهى ..من تلك الليله... هل استمعتم الى خليل وهو يردد غناء الحقيبه..انا بيك سعادتى مؤكده لعبد الرحمن الريح..خدارى لعبد الرحمن ايضا..او عشقته من نظرة لود القرشى او ملك الطيور لعبد الرحمن الريح..هذا جبل من الابداع كان يسير.. رحم الله خليل ..الفنان..الرائع.. ورحم الله خليل الانسان الوفى.. ورحم الله خليل العفيف الشفيف... اللهم اجزه بقدر ما قدم لوطنه وامته وبقدر ما شكل وجدان الشعب السودانى وبقدر ما لون دواخله بالجميل.. حمد الفقد واحد نقولها لك وانت تعلم مقدار حبنا لذاك الهرم،،، حاشية: تصدق يا حمد فى ذات الاغسطس من العام 1984 كنا قد فقدنا عبد العزيز محمد داود.
| |
|
|
|
|
|
|
Re: خليل اسماعيل و مرور عام على ........ (Re: صديق الموج)
|
هو عام من الحزن الجليل. إنطوت صحفة من كتاب الفن السوداني. غاب إنسان لطيف ظريف خفيف مرح وطروب. توغلت فى أحشائنا مصابات فقد كبارنا, حينما تحرى أبو داؤد مغيبه السمائي على فنه الرسالي, وحينما أرخت السواعد إبراهيم عوض على لحد وقبر, وحينما إستدعى مصطفى سيدأحمد مخلده الأبدي, وحينما توسد هاشم ميرغني طينة الصعود السماوي, بدلا عن محاضنة العود, وحين تدفقت تدفقت دموع الأسى على رحيل عثمان حسين, فيما إستلم العميري جواز خروجه العجول من دارنا الدنيا... وكأنه يحب الجابري ... أكثر من كل الدنيا.
سياق مؤلم ... يا حمد ... وقادر أفهم أحاسيسك الصادقة وأحزانك النبيلة على فقد عظيم, كفقد شقيقك ... خليل ... مكتوبك هنا من مشاعر ليس في إمكاننا أن نستوعبها, وقلمك هنا ليس فى إمكاننا أن نستبدله بآخر, قلت ما ليس فى إمكاننا أن نقوله, لكون ثمة تمازج بين الدم والفن, بين الوتر والصوت, بين الجينات الإنسانية وهي ترفد المجتمع بإثنين نواضر.
حمد ... ربنا إديك العافية ... ويغفر لشقيقك وأخونا ... خليل.
الدوام لله ... ولتظل ذكرى خليل باقية .
... { مع التوثيق ... كما قلت }
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
0 0 الاخ الاستاذ حيدر التحية والاحترام وشكرا لوجودك معنا
وليس لى الا أن أقول كتر خيرك وان شاء الله
نتلاقى فى ساعة خير كما دائما .
Quote: هو عام من الحزن الجليل. إنطوت صحفة من كتاب الفن السوداني. غاب إنسان لطيف ظريف خفيف مرح وطروب. توغلت فى أحشائنا مصابات فقد كبارنا |
,
ربنا يمد فى الايام ويطول العمر .
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
طبعا يا حمد لازم تعمل حسابك الغنا ده ما بنزلوا ساكت كده المسألة عندها أصول و لديها محاذير و تحفها مخاطر... أهو أنا بكلمك....أهو ـــــــــــــــــــــــــ
المهم يازول أنا كنت مدرس موسيقى في كلية المعلمات في أم درمان و كنت بدرب بناتي عشان يغنوا في مجموعات و يستخدموا كل التصويت الممكن لإحداث أثر موسيقي في الغنا من دون الحاجة لإستعمال الألة الموسيقية....
الفكرة جات من إنه كنا بنغني مع خليل و غنا عشقته من نظرة مقرونة بي خداري و الذي ذكر خليل عليه الرحمة أنها كسرتها....و كانت محاضرة في إمكانية تلوين و تنغيم الأصوات الممتدة على طول مدى التصويت من الآه إلى الآم..(من سقف الحلق إلى الشفتين مزمومتين)
المهم جبت معاي ورقة و قلم و سألت خليل لو أمكن يمليني كلمات خداري و جلسنا في النادي و بدأت حصة الإملاء بالمطلع, و على التعترني و بكل تقالة دم, و عدم إحساس, كتبت خضاري بالضاد.....و بس و عينك ما تشوف إلا النور أول شئ ضحك الضحكة العجيبة ديك...و كانت هأ...واحدة..(و الله أنا لو عرفت أمرقه بطريقته ديك أبقى أحسن مغني في الدنيا).... و شبكني ليك: أنا هسي قلت خضاري بالتفخيم ده كله و الله مساكين طلبتكم ديل.... يا أخي علموهم جزالة و خفة دم الدارج السوداني و أوعى تكون يا أخوي إنت ماشي تخليهم يغنوها بالضاد بتاعتك دي يا الفراهيدي... المهم يا زول الشبكة حصلت بس إتخارجته منها بالتصليح السريع و الإعتذار... و كانت حصة..... رحم الله خليل.....
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
من اليمين وقوفا الموسيقار محمد الضى(رحمه الله) من الشمال وقوفا الموسيقار دفع السيد جلوسا الاستاذ خليل اسماعيل ( رحمه الله) والموسيقار حسين ود الجل من أشهر عازفى الابيض
هذه الصورة أخذت فى الابيض فى( الستينات) على ما أعتقد بمناسبة زواج
الاخ الاكبر فضل الله اسماعيل وبمناسبة حضور الأخوه محمد الضى ودفع السيد من أم درمان
للمشاركه فى هذه المناسبة ..
| |
|
|
|
|
|
|
Re: خليل اسماعيل و مرور عام على ........ (Re: صديق الموج)
|
اللهم ارحمه واغفر له بقدر ما قدم لوطنه ذلك الفنان الجميل الذي غنى للسودان الكبير الجامع بكل تبايناته الإثنية والثقافية" يا مندوكورو ويا إيال جلابة ... إنينا كلو سوداني".
أحسن الله عزائكم أخي حمد ونسأله تعالى ألا يريكم مكروه في عزيز لديكم.
الفاتح ميرغني طوكيو
| |
|
|
|
|
|
|
Re: خليل اسماعيل و مرور عام على ........ (Re: الفاتح ميرغني)
|
0 0
الاخ عصمت لك جميل التحايا ومرحب بيك الف
Quote: لا نملك إلا ان نسال له الرحمه والمغفره وهو فى موقعه النور بين الرسل والانبياء والشهداء والصديقين..بقدر ما منح وعطر سموات الكون بجمال فنه..وحلو ترنيم صوته..وبقدر ما احياء فى وجدان الناس .من سعادة .وامال..وامتاع واشراق... |
تقبل الله دعاءك صديقى ومتعك بالصحة والعافية .
.
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
0 0
حبيبنا ابن الابيض البار الفاتح ميرغنى
ازيك يا أخى وان شاء الله تكون بخير .
Quote: اللهم ارحمه واغفر له بقدر ما قدم لوطنه ذلك الفنان الجميل الذي غنى للسودان الكبير الجامع بكل تبايناته الإثنية والثقافية" يا مندوكورو ويا إيال جلابة ... إنينا كلو سوداني". |
تقبل الله دعاءكم . وربنا يجمع شمل الوطن .
| |
|
|
|
|
|
|
Re: خليل اسماعيل و مرور عام على ........ (Re: الليندي)
|
0 0 العزيز الاخ الليندى
مشرف كتير وشكرا على الزكريات الجميلة
بخصوص أختنا خديجه نزلت المعاش زمان وبقت حبوبه تربى
أحفاده بعد ما أفنت عمرها كله فى التعليم شمال وجنوب شرق وغرب
وتحياتنا لكل الاسرة .
Quote: والجميع في نشوة وخليل بصوته الملائكي يخترق السماوات وتملكتني الدهشة ، الفرقة الموسيقية التي تصاحبه لايوجد معها ( اكورديون ) فكيف يغني هذا الخليل ولكن كعادته يدهشك دوماً كان خليل يبدأ الاغنية ومن ثم يدخل العازفين ، حمد خليل ظلم كثيراً من الاجهزة الاعلامية وهو حياً فوجب علينا نحن |
ابناء هذا الوطن الذى عطنه خليل بصوته أن نبحث ونوثق لهذه القامة .
من أجمل الحفلات هى البتكون فى الديم وديوم بحرى والعباسية والمورده, وكان يقول للعازفين
العنده بنطلون جنز أحسن يلبسه لانه حنكون فى قيامه قايمه ( يقصد الغبار )
والفرقة بتكون أكورديون وسكسفونات و طرمبات و ايقاعات بس .
مره ربط 3 سكسفونات وطرمبتين بجانب باقى الفرقة و كانت الحفله فى ديوم بحرى , واليوم كان
يوم خميس و بعض الفنانيين مالاقين سكسفون و لا طرمبه فكل مايسألو واحد يقول أنا شغال
مع خليل اسماعيل . الفنان يقول لخليل يأخى عندك 3 سكسفونات وطرمبتين أدينى واحد منهم
خليل يقول ليه خلاص شوف العايز يمشى معاك خلى يمشى . والله العازفين زاغو علشان ما يفوتو
حفلة ديوم بحرى . لأنه عارفنها حتكون كيف ... وخليل مجهز الفرقة وعايزه كده .
شكرا يا اللندى
يا لها من زكريات .
.
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
** *
خليل الجميل علنى استطيع ان اكتب شيئا عن تلك الايام شيئا عن تلك الاحلام لقد مضت اكثر من ثلاث ايام كل ما اهم بالكتابة اتعثر اكاد اسقط من الحزن لا اعرف من اين ابداه حزنك .. الا اننى توكلت وتوجهت الملم حروف الغنا الشتا اعقد منه مسبحة على يدك وانظم من شجى اللحن زركشة مدوزنة على صدرك قميص عرفت به حدك .. وصوت فريد جبلت به وحدك وميلودية لا مطروقة ولا مسموعة تعزفها انت وحدك ويغنى معك العازفين ونترنح نحن .. نحن الحزانا المتعبين.. خلى سلام عليك الى يوم الدين اميين ...
* **
| |
|
|
|
|
|
|
Re: خليل اسماعيل و مرور عام على ........ (Re: sumah)
|
0 0 0
Quote: خليل الجميل علنى استطيع ان اكتب شيئا عن تلك الايام شيئا عن تلك الاحلام لقد مضت اكثر من ثلاث ايام كل ما اهم بالكتابة اتعثر |
يا سمعه ما حأقول ليك غير أكتب
علك تخفف الحزن
انته وفى ناس كتار أنا راجيهم علهم آتون .
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
حمد عشان التوثيق يكتمل فلابد من الوقوف على طرائف خليل وملحه قد عرف خليل بطرفه غير معهودة وهو من الطف الفنانين وابن نكته كما يقولون.بالله احكى لينا جزء من طرائف خليل مع الفنانين والعازفين والجمهور.. انا حا اقوم اقول احكى ليك بعد تخلص انت.. رحم الله خليل الانسان الطروب الفكه... هاك العربون ده. مره فى الدار والفنانين الكبار بتونسوا فى النجيله غلى يدك اليمين وانت داخل من الباب وخليل معهم جاء زول يسال عن ابوداؤد قام واحد قال ليهم ابوداؤد مشى لحفله فى بربر.قام واحد من الجماعة قال ليه مشى لحفله و برعى وخواض وعربى وعلى ميرغنى ومامون كلهم قاعدين هنا؟ حا يغنى كيف يعنى؟ قام خليل وبسرعة قال ليه: يكون يا اخوى شال ليه معاه كروسة كبريت وسافر،،،،
| |
|
|
|
|
|
|
Re: خليل اسماعيل و مرور عام على ........ (Re: صديق الموج)
|
0 0
Quote: حمد عشان التوثيق يكتمل فلابد من الوقوف على طرائف خليل وملحه قد عرف خليل بطرفه غير معهودة وهو من الطف الفنانين وابن نكته كما يقولون.بالله احكى لينا جزء من طرائف خليل مع الفنانين والعازفين والجمهور.. |
الاخ صديق الطرائف كثيره فى النادى يصعب زكرها هنا
لاكين أقول ليك واحده حكاها لى حصلت فى زمن بعيد
مره كان واقف فى شارع مكى منتظر تاكسى علشان يمشى النادى
وفجأة جا بص من بصات أبو رجيله فاضى وماشى يقرش لأنه زمنه انتهى
البص وقف بعيد ورجع خلف لغاية ما وقف جنب خليل ونزل السواق و سلم عليه
السواق كان واحد من العازفين القدام من فرقة البوليس وكان بعزف معاهو
سأل خليل ماشى وين يا أستاذ , رد عليه ماشى النادى فقال ليهو خلاص أركب
أوصلك.
البص وقف قدام النادى وخليل نزل وشكر الراجل , وكان فى مجموعة من الاعضاء
واقفين وشافو منظر خليل نازل من البص والبص فاضى ما فيه ركاب استغربو
وسألو دا شنو يا استاذ وكمان جاى ببص أبو رجيله
رد عليهم يعنى قبل كده ما شفتو ليكم زول راكب بص طلب .
رحمه الله .
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
لة ألف رحمة ولنا الصبر الجميل فنان بقامة خليل لم يرحل عن دنيانا صوتة العزب واغانية الرائعة ستظل تحلق بنا في عالمة الفريد لاجيال واجيال قادمة العزيز حمد / هذة دعوة حب ووفاء مني لهذة الفنان / الذي قدم الكثير من اغاني تركت بصماتها علي خارطة الفن السوداني / اخي وبكل حب تجدني مستعد في المساعدة في تجميع كل الاعمال التي لم تسمع للفنان الراحل في CD / في معملي الصوتي الخاص لمعالجة كل المشاكل التي لها علاقة بنغاء الخامة المسجلة / الكترونيا / كما يمكنكم بعد ذلك تقديمها لمحبية بصورة احسن / في شرائط كست او CD / وهذة اقل شئ يمكننا ان نقدمة لهذة الفنان .................مع خالص تقديري نادر السوداني
| |
|
|
|
|
|
|
Re: خليل اسماعيل و مرور عام على ........ (Re: Azhari Nurelhuda)
|
0 0 صديقى العزيز نادر
كيفك وان شاء الله تمام وان شاء الله المدام استردت الصحة والعافية Quote: اخي وبكل حب تجدني مستعد في المساعدة في تجميع كل الاعمال التي لم تسمع للفنان الراحل في CD / في معملي الصوتي الخاص لمعالجة كل المشاكل التي لها علاقة بنغاء الخامة المسجلة / الكترونيا / كما يمكنكم بعد ذلك تقديمها لمحبية بصورة احسن / في شرائط كست او CD[/U] / وهذة اقل شئ يمكننا ان نقدمة لهذة الفنان .................مع خالص تقديري نادر السوداني |
اساسا كل الاغانى دى اتغنت سواءا كان ذلك عبر الاذاعة أو التلفزيون أو الحفلات العامة
الا أن بعضها لم ينتشر بالصوره المعهودة وخاصة الاغانى التى سجلت فى الاذاعة فى بداية
حياته الفنيه والتى لم يسمعها الكثير من الناس وهذا ما جعلنى أنشرها هنا .
بخصوص الكاسيت و الCD الموضوع دا تترتب عليه حاجات كتيره زى ما عارف ولا شنو ؟؟؟
( كل زول يجمع ويخت فى مكتبته الخاصة خالص)
شكرا مرة تانيه يا صديقى يا أصلى.
.
| |
|
|
|
|
|
|
Re: خليل اسماعيل و مرور عام على ........ (Re: ميسرة غاندي)
|
ميسرة إنت عملت pitching لأي واحد من النموذجينin order to match them together ؟ لو ما عملت كدة خليل عادي جدا بعمل كده... و أزيدك في الشعر بيت.... خليل ممكن يغني أي أغنية في اي درجة مهما كانت عالية أو منخفضة و لم يحصر نفسه في مدى معين.... و دي طبعا المبالغة... صوت خليل صوت مدرب و مستعد تماما ليغني في مدى عريض و ممتد و واسع ..(له الرحمة و المغفرة) و شكرا يا ابو حنين يا حنين...على الإضافة الراقية...
| |
|
|
|
|
|
|
Re: خليل اسماعيل و مرور عام على ........ (Re: Osman Musa)
|
الاخ العزيز حمد اسماعيل فقدكم للراحل المقيم خليل فقد عظيم للفن السودانى ولكل محبى الراحل طيب القلب رحمه الله واحسن الية نرفع الاكف تضرعا ان يسكنه فسيح جناته مع الصديقين الشهداء وان يلهمكم وكل معارفه ومعجيبية الصبر الجميل
| |
|
|
|
|
|
|
Re: خليل اسماعيل و مرور عام على ........ (Re: طلعت الطيب)
|
اعزائى الاجمل فى سرادق جمال .. خليل غبت عنكم .. لاسباب ٍ معروفات وها انا ذا اعود .. مساءا ً عادة ً ما يغشانى عركى , ومن العاده ان يكون معه خليل فهم يأتون من الحتانه متجهين جنوبا .. متجهين للنادى .. لو ذهبت يا حَمد الى عركى بالبيت , وكنت عادة ً ما افعل ُ لا يسألنى عنى عركى .. عنى .. بل .. يسألنى اذا كنت مررت , او التقيت خليل .. !! وعادة ً كنت اثناء مرورى الى عركى .. أُخبط الباب وفى روايه اخرى أطرقه .. فإذا كان بالبيت خليل .. فهو الغناء يمرق اليك .. متى كان الوقت .. . اما مالم يكن وعركى و خليل .. او احد افراد الاسره بالعربه , عفاف والاشباب مثلا ً .! . فهو فقط يطرق الباب , بيتنا .. ولطرقته .. ناحية الحاره العاشره جامع الرحمن .!! شهرة بائع اللبن .. . ذاك المساء .. ما وددت الحكي عنه
.
| |
|
|
|
|
|
|
Re: خليل اسماعيل و مرور عام على ........ (Re: ميسرة غاندي)
|
اذا كان ذلكم المساء .. كان الوقت مازال عصرا ً .. كزول سودانى عادى بعد الغداء فكرت فى التمدد القراءه قليلا ً ربما .. حسب النعسه بمقياس .. ريختر فاذا بسيد اللبن .. تلك الطرقات المعروفه على الباب تعقبها مناداه لى .. سلا م سريع ورد لاحد .. فردات الاسره او الافراد وسؤال.. عنى , اذا كنت موجود.؟ : اّي موجود اتفضلوا .. : لا لا مستعجلين : ايوه يا عركى جاييك : يلا ياخى لانو معانا خليل فى العربيه .. : ياخى خليل ده .. لاحظ اننى فى هذه الاثناء اننى أذع فوقى ما اتفق من ثوب وشرطا ً يكون لبيس من هيئة التدريس .. وكده : يا خى خليل ده ما تخليهو اشرب كباية شاى : اّي كباية شاي سريعه كده .. : لا لا شكرا ً مره تانيه .. أسمع قبل النادى عندنا مشوار .. . نعود للعربه .. بعد السلام والكلام بتاع الحياه اليوماتى خليل يبدو هادئا ً , يخرج للمساء بكامل طلاقته .. فكاهته وبهاءه .. كلما اتأملت حسنك يا خليل لا ادرى كيف خطرت هذه الفقره .. دون كل الغناء الاّن .. حقا ً حين تتأمل خليل .. فى هذه الفقره بالتحديد من الا غنيه .. تلاقى اّيه .. تضاهى اّيه . اتضح ان المشوار الى سوق ام درمان حيث سيتناول عركى : سريع جده حاجه من الاجزخانه وأجي .. دقايق بس .. بجي راجع . انها المحطه الاوسطى بام درمان ..
أخذت الشمس حملها قليلا عن العباد , مازال عصرا ًالوقت , لكن سياط الشمس المداريه ارتخت قليلا ً فتباعدت الضربات مُفسحة ً للظل مجال ان يبرُد ويحن .. ويرطب جباها , ً عرقت طول النهار بل فيهم من تناول دُشا ً قبل قليل مر َ من هُنا ليناول , كما عركى , بعض فاكهه او دواء و تلك المحطه الاوسطى بامدرمان .. والوقت اصيلا ً كما استاذنا .. حسن عطيه .. له الرحمه وما تاقت عبقريته من الجٍنان .. يا مارى عند الاصيل .. وحادااك بشاطططي النيييلل .. صدِق نيي .. شاكلاك جميييلل .. يا مارى .. يا مارى من يمر الاّن وحده .. من يا تُرى .. وحده بشاطئى الذى كلفنى جفافا ًمن طول البُعاد.! . ذلك الوقت الاصيلى .. خليل يجلس امامى .. جوار السائق صاحب العركه .. اقصد العربه .. ثقيل موش .!! ما مشكله .. لا ادرى من اي كسر من الثانيه .. الى لحن ٍ من خلال الاشعه التى اتخذت بالمحطه الاوسطى لون الذهب .. لا ادرى فى اي كسر بدى تسرُب اللحن .. انه من المقعد الامامى .. اذا ً هو خليل .. نعم وانها .. بخاف اسأل عليك الناس .. وسر الريده بينا ....... واسبح مع هذه المفاجأه , لكننى لا اسمح للمفاجأه .. ان تسرقنى من اعداد الاوركسترا .. وسر الريده بينننا يضييييع فأستدعى كل اوركستراى العامله واصاحب الفنان ... تاتارررااا.. ررراريوراا تمتم تى تا .. تتتااا تااااريم .. تاريرا ..تااا ررارييي . فيطمئن الفنان الذى يجلس فى المقعد الامامى الى اوركستراه .. وانا كمان اذيها كوزز يعنى اقعد يا ابو الزهور ونادر وغاندى وكل الشرامه بتاعين المزيكه .. الكوزز بالمناسبه ذلكم الذى درج على تركيبه والبورى .. سواقين البصات والعربات الكبيره يطلقونه .. كما البواخر حين وصولها الموانى او صفير القاطرات وهى على مشارف المحطات .. يا حليلك يا سكك حديد السودان .! يطمئن تماما ً الفنان الى جاهزية جوقته المصاحبه بالعزف وتقششييير الاغنيه .. لكننى ولسبب ما قررت معاكسته .. حتى وصلنا ذات المنحنى اللحنى , ويا لبشاعتى .. سربت الاوركسترا بكل الهدوء .. الذى يمشى على ..همسين .. وهذه مفردتها, همس همس يهمس .. جبت .. الاّزمه الاخيره .. تاتيم تر را ا ا ا والله اعلم ربضت فى ركنى ذاك الذى اودعونى .. انتظر لم يطل الانتظار .. لاكين يا صديق الموج حصلت صنه.. صنه فيها حبة زهج كده ثم اسمع من المقعد الامامى .. : ده شنو .!! : قفلتها .!! : قافلها مالك .!! : حسى القال ليك اقفلها منو .. كل ذلك دون ان يلتفت الى .! او اصدر صوتا ً وانا ميت من الضحك : فى شنو يا خليل : فى شنو .؟ لاول مره يلتفت الى .! : تقفل لى اغنيتى وبرضو تقول فى شنو .!؟ ويذهب فى تلك الضحكه العظيمه .. والله لاكين ياهو الفضل .. صنه قفال اغانى .. ويذهب فيما تعرفه عنه من محادثات .. المقصود بها انت يا ازهرى .. : واحد قفال اغانى بس .. انا عاررفهم ناس المسرح ديل .. : مالنا ياخليل .! : فى شنو يا جماعه .. هسى ما خليتكم كويسين .. : أسألوا.. : خطاب فى شنو .. يسأل عركى ضاحكا ً فنحكى له القصه .. كل ٍ يحاول ان يقوى موقفه الدفاعى والهجومى , لنصل النادى والنداء.. لصلاة المغرب .. فنخلع عنا ما ننتعل , انا احب صلاة المغرب .. كما الفجر .. اتحدث فقط عن الحُب .
.
(عدل بواسطة khatab on 08-31-2008, 11:53 AM)
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
0 0 ميسره غاندى
شكر يا أبو حنين وزى ما قال ليك طلعت
نزل العندك و ما تبخل عارفين الجراب مليان
تسلم يا طلعت ومرحب بيك مرة تانية .
العزيز الطيب عبد الرازق
Quote: رحم الله صاحب الصوت الشجى والاداء المتفرد خليل اسماعيل فى مسيرك يا الهبيب توزن ثلث الفن السودانى هذا اذا لم تفوق عليه رحمه الله وجعل الجنة متقلبه ومثواه |
ليك التحية ورحم الله الاخ خليل الرحمة الواسعة .
.
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
0 0 الاخت العزيزه سوما
Quote: فقدكم للراحل المقيم خليل فقد عظيم للفن السودانى ولكل محبى الراحل طيب القلب رحمه الله واحسن الية نرفع الاكف تضرعا ان يسكنه فسيح جناته مع الصديقين الشهداء وان يلهمكم وكل معارفه ومعجيبية الصبر الجميل |
لك كل الشكر الجزيل وكما اعلم بأنكم كنتم متتبعين للخبر منذ اللحظات الاولى ولكن هذا هو قضاء الله سبحانه وتعالى .
اجمل الامانى العذبة لك والاسرة ..
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
0 0 الصديق العزيز الموسيقار طارق أبو شنب
والله مشتاقين وأخبارك مقطوعة
Quote: رحمه الله بقدر ما أعطى للفن البركه فيكم و احسن الله عزاؤكم وإنا لله وإنا إليه راجعون |
رحم الله الاخ خليل بقدر ما قدم وأعطى .
رسل لى تلفونك على المسنجر .
شكرا طارق
| |
|
|
|
|
|
|
Re: خليل اسماعيل و مرور عام على ........ (Re: Azhari Nurelhuda)
|
كان من أساتذتنا الذين تعلمنا منهم الكثير وقد شجعنا كثيراً لم نكن نحس بفارق العمر ونحن جلوس معه فقد كان صديق الجميع كان خفيف الروح وكان واثقاً جداً من نفسه ومن فنه في إحدى المرات حضر للغناء في مجاملة لأحد الزملاء باتحاد الفنانين وعنما صعد المسرح أراد عازف الأكورديون أن يتأكد من صحة السلم الموسيقي الذي يغني فيه أ . خليل فساله (ياتو سلم يا أستاذ ؟ ) وبسرعه جاءه الرد منه (السلم البترتاح فيهو) وهذا يعني أنه كان يتمتع بمساحة صوت عريضه وقدرات أدائية هائله .
رحمه الله وأحسن إليه بقدر ما أعطى
أخي حمد اسماعيل نبادلك الألم والحزن والشوق لاستاذنا الذي لم يترك الساحة خالية فقد أثراها بجميل أعماله وقد أنتج مع ذلك الأستاذ / حمد إسماعيل عازف البيز الشهير فكان امتداداً لهذه الاسرة الفنية الرائعة .
عادل التجاني الدوحة
| |
|
|
|
|
|
|
Re: خليل اسماعيل و مرور عام على ........ (Re: عادل التجانى)
|
0 0
Quote: كان من أساتذتنا الذين تعلمنا منهم الكثير وقد شجعنا كثيراً لم نكن نحس بفارق العمر ونحن جلوس معه فقد كان صديق الجميع كان خفيف الروح وكان واثقاً جداً من نفسه ومن فنه |
عزيزى عادل التجانى
لك جزيل الشكر و التقدير ولا زلت اذكر زيارتك لى بالفندق
عند مرورى عبر مطار الدوحه وأنا فى طريقى للسودان للعزاء
كما اشكر الاخ مهندس الصوت الكان معاك وأفتكر عازف كمان نسيت اسمه
ولا انسى الاستاذ محمد آدم المنصورى والذى قضى معى قرابة الثلاثة ساعات .
الشكر لكم وادام الله الصحة و العافية وأتمنى ملاقاتكم مرة اخرى باذن الله .
رحم الله الأخ خليل بقدر ما أعطى .
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
أزهرى عبد القادر ما حكيت لى حمد اسماعيل انه فى لندن سهرنا للصباح بنغنى لى خليل ونبكى انا وانت ومعاوية الوكيل وعباس حمزة وعبد الهادى ...
أجمل صوت غنى للانسان السودانى ..وأرق احساس وأكمل فنان مر على الفن السودانى هو أخوك يا حمد اسماعيل ..صديق الناس وأخو الاخوان ...
ربنا يرحمه ولعل هذه اللمسة منك أتت فى موقعها جميلة فداوم عليها أطال الله عمرك وستظل ذكراه وأغانيه وحكاياته حية ما بقيت هذه الذكرى حية ...
وهو القائل:
أبقى شمعة أضوى ليكم
لما يفنينى الظلام ...
تذكرنا محبة الفنان محمد الأمين له وبكاءه وهو يردد أعنياته وبكينا حتى فاجأنا الصباح... الا رحمة الله عليه
| |
|
|
|
|
|
|
Re: خليل اسماعيل و مرور عام على ........ (Re: Tumadir)
|
0 0
حبيبتنا الغاليه جدا تماضر ازيك ومعليش كنته شغال وفاتنى عرضكم الجميل وليد حكى لى وكان مبسوط خالص .
ازهرى حكى لى القصه من أوله وقال بتغنو لغاية الصباح و منها للمطار.
كنته متمنى لحظته أكون معاكم لأنه زى دى ما بتتلقى .
تماضر الله يرحم خليل ويصبر كل الناس البحبوه يارب العالمين ...
| |
|
|
|
|
|
|
Re: خليل اسماعيل و مرور عام على ........ (Re: حمد اسماعيل)
|
سيد حمد يا محترم
شكرا لإيرادك نموزج ثواني الإنتظار... أنا عندي معلومة أن هذه الأغنية قد تم تأليفها خصيصا و في الخيال كيف كان يمكن أن تؤديها المرحومة فاطمة الحاج و دليلي أن الأسلوب و الذي غناها به خليل يشبه أسلوب فاطمة الحاج و ليس أسلوب منى الخير رحمهما الله جميعا.... و يظهر هذا بوضوح في النموزج و الذي أوردته بالعود في المقطع التالي:
صابر متين بدرك يهل للإنتظار كيف أحتمل غيرك يكون الكون ممل كل الجمال بيك يكتمل أدركني طال الإنتظار (و بالذات غناء كلمة أدركني) في نموزج العود...
و في مناسبة كانت في منزل الزميل جبريل فضل المولى بالحتانة غناها خليل (رحمه الله) بنفس الأسلوب أعلاه و حدث حادث معين يثبت ما ذهبت إليه...
| |
|
|
|
|
|
|
Re: خليل اسماعيل و مرور عام على ........ (Re: Azhari Nurelhuda)
|
0 0
الاستاذ ازهرى
Quote: أنا عندي معلومة أن هذه الأغنية قد تم تأليفها خصيصا و في الخيال كيف كان يمكن أن تؤديها المرحومة فاطمة الحاج و دليلي أن الأسلوب و الذي غناها به خليل يشبه أسلوب فاطمة الحاج و ليس أسلوب منى الخير رحمهما الله جميعا.... |
ما اختلفنا كلو كلو بس اتخيل انهم كلهم المرحومة فاطمه الحاج المرحومه منى الخير المرحوم خليل اسماعيل
غنو الاغنية دى ثلاثى وكل واحد يغنى كوبليه
تفتكر حتكون كيف . كلكم اتخيلو
رحمهم الله رحمة واسعة بقدر ما قدمو ..
| |
|
|
|
|
|
|
Re: خليل اسماعيل و مرور عام على ........ (Re: اسيا ربيع)
|
الاخ حمد سلام .. رحم الله خليل بقدر جماله .. وآسفة جدآ على التأخير ده
جميلة روحه يا حمد ..كما تعلم اكيد .. لاقيتو كتير عند ناس عركى .. حاضر التعليق على اى مواقف يملأنا ضحك وينظرنا كأنــــه لم يفعل شيئا..Quote: أي أنه .. طاقته الصوتيه .. يا سبحان الله .. قد جاوزت تلك الاّله البيانو الاّله مكتملة الهارمونيه |
بكرة يا قلبي الحزين تلقى السعادة تبقى هانئ وإبتساماتك معادة.. والسرور يملأ حياتي ويقى زادها.. عيني تشبع نوم بعد ما طال سهادها رحم الله خليل فى عليائه وأسكنه فسيح جناته آمييين
| |
|
|
|
|
|
|
|