شقية زيتونة في عميرها دا.هسة تمرغها في تراب الميري هيطلعها من الجنة وسقطها والعجب لو ود اخوها قال كدا ومانجح(الشر برة وبعيد) تبقى عليها ميتة وخراب ديار
المهم لفتت نظري نقطة انها ساكنة في بيت الضمان الاجتماعي المعلومة دي ومع بعض المعلومات الاتداولت في الحملة الانتخابية دي شككتني في روحي...
مثلا في خطاب بل كلنتون لمناصرة اوباما قال في معرض حديثه انه حملة اوباما من اجل توفير التأمين الصحي للمواطن الامريكي..وقال هو في جولته في واحدة من الولايات -مامتذكراها- قال قابلوا زول ابنه معاق وماعندو تأمين حكومي ومابيقدر على دفع اقساط تأمين ليه واستنزفتو حالة ابنه ماديا الكلام داغريب فعلا لانه الحكومة الفدرالية موفرة تأمين صحي مقسم الى54 كاتوقري لتشمل قطاعات كبيرة من الناس ومراعى فيها اوضاع مختلفة مثلا في كاتوقريز تتعامل مع المواطن بالسن, والسن والاعاقة, وحجم الاسرة ودخل رب الاسرة -او من كان يعمل-, ومن ضمن التصنيفات في كاتوقري وهو(PH95) دا مخصوص للطفل ذو الاعاقة بغض النظر عن دخل الاسرة ودا فدرالي بمعنى بيمشي على كل الولايات المتحدة اي طفل امريكي ولد بأعاقة او حدثت ليه اعاقة بعد الولادة من حقه قانونا ان يمنح تأمين صحي شامل من غير ان يوضع في اعتبار دخل الاسرة الا ان يصل سن الثامنة عشر ليتغير بعد ذلك الوضع ويتم حساب دخل ولي امره فأذا كان الدخل منخفض فان الحكومة تحوله الى سبلمنتال سيكوريتيٍ اينكمSupplemental Security Income او SSI(وهو معاش للذين ليست لهم مدة خدمة محسوبة تقدمه المساعدات العامة ويتم صرفه من السوشيال سيكورتيSSA) وفيه يتلقى المعاق مبلغ شهري670.00$ بالاضافة الى تأمين صحي شامل والحد الاقصى من الفود ستامب للفرد150.00$ (يجب ان يتم التقديم لنيلها..يعني ما اتوماتك) ومبلغ 24.00$ دولار اخرى من المساعدات العامة اما اذا كان دخل الاسرة مرتفع واعلى من الحدود فيفضل المعاق في تأمين صحي حكومي ملائم لاعاقته ودخل اسرته... بعدين ياحيدر انت عارف احسن حاجة في امريكا دي شنو؟؟ انه انت طالم في حالة health sustain medication او بالعربي في دوا لو ما اخدته كل يوم او بانتظام مابتعيش او مابتقدر تأدي وظيفتك... الحكومة طوالي تدخلك تأمين صحي ببلاش وشامل.. فناس الضغط والسكري والامراض المزمنة ديل كلهم من حقهم تأمي صحي من الحكومة وطبعا من باب اولى المعاقين....بالمناسبة برضوفي اضافة... اصحاب الامراض المزمنة كالضغط والسكري بيعتبروا معاقين ويمكنهم اخذ معاش معاقين بعد اثبات مرضهم. في رأي الشخصي الساسة ديل بحزبينهم المختلفين لو هم اصلهم حريصين على اصلاح التأمين الصحي ووضع المواطن الامريكي تحت مظلة التأمين الصحي عليهم بالاتي *اولا زيادة اعدادموظفين المساعدات العامة وتدريبهم والعمل على توفير الظروف الوظيفية المناسبة من تأمين صحي وخطط معاش وتأمين على الحياة. * العمل على نشر القوانين للمساعدات العامة والتأكد من وصولها لاكبر قدر من المواطنين *العمل على توعية المواطنين بأن التأمين الصحي الحكومي حق من حقوقهم وهو لايعني باي حال من الاحوال انتقاص لكرامتهم او إمتهان لها(ملاحظ ان اعداد كبيرة من المواطنين الامريكان يعتبروا ان اللجؤ الى الضمان الاجتماعي والمساعدات العامة نقيصة وامتهان لكرامتهم) بعد الخطوات دي اتوقع ان تستفيد نسبة كبيرة من المواطنين من تأمين الحكومة(بعد داك ممكن يجيبوا خططهم الحالمة دي ويحاولوا ينفذوها لو بيقدروا) انا غايتو ما مقتنعة بيها ولو ما الحال فضل في حاله دا يتباع في السوق(واشارت الى شعيراتها) بالمناسبة نسيت نقطة مهمة في تأمين صحي للاطفال اسمه(شيبس) لو استنفذت كل الطرق والحسابات من (دخل وعدد افراد الاسرة وما اتوجدت اعاقة والانتينسف وكل شي ومانجحت في انك تتلقى واحد من تأمينات الحكومة بتتحول اوراق الطفل الى تأمين شيبس دا وفيهو حسابات الدخل ممكن تأهل شريحة اوسع وكدا كدا الطفل في الاسرة ذات الدخل المحدود بيلقى تأمين .المعادل ليهو عند البالغين في ولاية بنسيلفينا هو (بلو كروس بل و شيلدس) Blue cross Blue sheild وهو مظلة اوسع ومعالجة حساب الدخل بتسمح بإستيعاب شريحة اكبر وفيهو المواطن بيدفع مساهمة شهرية مناسبة للدخل.
نجي لحكاية زيتونة القوانين الامريكية واضحة جدا وصارمة جدا فيما يخص حالات غير الامريكان ويمكن في ناس يلاحظوا انه في تقديم اللوتري بيقولو الزول العندو زول وعنوان في امريكا نسبة فوزه باللوتري اكبر وفرصته اوسع ودي حقيقة كل ما الحكومة لقت تخت حملك على زول ويقول هو مسؤول منك هم بيرفعوا يديهم ودا احب ماعليهم القانون الامريكي بيقول انه مافي اي مساعدات من الحكومة من اي نوع تتقدم لزول ما امريكي وشرط اساسي ومهم جدا في التقديم للمساعدات انك تقدم مايثبت جنسيتك الامريكية(شهادة ميلاد) او مايثت وضعك وحالتك (قرين كارد) وناس القرين كارد الحكومة مابتقدم ليهم مساعدة الا بعد خمس سنين وهي مدة انتهاء الصبونسرشيب او مسؤلية او اخلاء طرف الزول المسؤل منك ودخلك ..ودا بعد ماتكون عندك اوراق رسمية وقرين كارد ووضعك تمام التمام ..في ظرف استثنائي وهي حالة اللاجئين او برنامج اعادة التوطين اللاجئين ودا بيكون اللاجئ له حق الاقامة من قبل ان يدخل البلاد حتى ومن حقه الاستفادة من التأمين الصحي الحكومي لفترة تمانية شهور والمساعدات المالية برضو الفود ستامب ..تنظر حالته بعدالتمانية اشهر ليتقرر تخفيف او قفل او استمرار المساعدة وفي برنامج مهم جدا لتدريبهم للاندماج في المجتمع وايجاد وظائف مناسبة لقدراتهم وكمان من حقهم الاسكان المدعوم او اسكان الضمان الاجتماعي. اما في حالةطلب اللجؤ بعد دخول الولايات المتحدة فالوضع كالاتي مــــــــافي اي مساعدات عامة او ضمان اجتماعي بيتقدم ليك الا بعد قبول طلب (الاسايلام) فعلا مـــــــــــــــــــافي اي مساعدة من الجكومة بتتقدم ليك الا بعد قبول طلبك وشرط من الشروط انك تقدم خطاب وزارة الامن القومي بتاع قبول طلبك...
انا كان عندي كلمة سر واذن دخول في صفحة وزارة الامن القومي لاننا مطالبين بتأكيد وضعية المقدم للمساعدات وحيثيته شنو في البلد. يعني ماكفاية كلامه براهو يبقى الزولة دي اخدت ضمان اجتماعي وقاعدة في السبسدايزد هاوسينق لو اكيد الكلام دا يبقى ترقد قفا لانه معناتو هي وضعها سليم في البلد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Rawia
فيس بوك
تويتر
انستقرام
يوتيوب
بنتيريست