|
|
 يا سلام عليك يا بكري ،،،، ومشكور جداً
|
كم يوم والمنبر غائب / أو مغيب عن السودان
أمبارح الصباح - وكعادتي كل صباح - كتبت الأدرس وقلت يا رب
وربنا ما خيب ظني ،،،الموقع شغال
وجري علي المنبر
لكن
لقيت نفسي ضيف gest
وكلمة السر بتاعتي أبت كلو كلو
يا رب المفتاح دا ما ياهو؟؟؟
أو اصابه الصدأ وفقد الفعالية؟؟؟؟
ويمكن دا زاتو ما الباب بتاع المفتاح دا؟؟؟
في النهاية قلنا نكلم سيد الحوش
لكن إحتمال يكون مشغول - وأكيد مشغول - وكمان فارق التوقيق
وقرررب يصيبني اليأس
وإتخيلت نفسي ما قادر أخش المنبر لي فترة طويلة لا يعلم مداها إلا الله خاصة بعد الكركبة الأخيرة
وقعدت أتاوق
واشوف الأحباب يتبادلون أنخاب الردود والمداخلات
وأنا أتاوق
داير أكتب لي بقال عن صور الفاشر ،،، طريقة مافي
زعلني كلام حميدة واساسي ،،،، ما في طريقة
داير أعاتب يحي فضل الله ،،،، نو وي - لأنه من ناس كندا وكدا-
المهم
بقيت زي البقضي صيام القضاء براي والناس من حولي آخر أكل وشرب و،،،,،،،
صباح اليوم عاودت الكتابة لسيد الحوش عن طريق الإي ميل العادي - من ياهوو -
ما تمت دقائق إلا المفتاح الجديد يصل
ياخ مشكور يا هندسة والله يديك العافية
وسامحنا لأنو كنا حاسيين إنك تواجه مشكلة الهكر وحيداً ونحن ما قادرين نعمل حاجة
بس دعواتنا كانت معاك
،،،، دائماً معاك
|
|
 
|
|
|
|
Fadl Karrar
فيس بوك
تويتر
انستقرام
يوتيوب
بنتيريست