هل حقا بدأ كبار الكيزان في التخارج؟؟

Quote: هل حقا بدأ كبار الكيزان في التخارج؟؟

وبووزة يبقى قصاد بري الدرايسة بيقوم الكابتن يفحط بيها ويديها أربعة بعداك يديها خلف يرجع بيها لحدت الجريف غرب قصاد فريق الحاج ..
ومن ثم
يبدأ في جديع شوالات أبو الجورج .. واليورو وعلب الحلوى .. بقوم بعداك يدي الطيارة قلبتين لحدت ما تدخن.. ويعمل بيها دورتين حول المحور نظام دور بينا البلد دا نحرق الجازولين يا الوابور جاز .. دور بي حبيبي دور بي .. دور بي حبيبي دور بي .. إلخ ..
ياخ قول الكيزان ديل كلهم اتخارجو .. وكلهم على حسب الاصدارة الأخيرة للنضال .. وديتوهم لاهاي حسب اللائحة وحسب لستة المهرجلين ..
طيب:
من سنة تسعة وتمنين ولي جاي .. في كم كوز .. وكم كوييز .. وكم كوكيز وكم دي اس إل نبتو وقامو ..
يللا ورينا يا ناظر المحطة .. ومسؤول خدمات الشحن الجوي في المعارضة والنضال ..
ورينا .. ح تعملو شنو .. بعداك ..؟
ما تجي تشبكني ح نفتح ملفات .. ونعمل كوبي بيست .. والحنك العاضي دا ..

بعدين يا (لحية القامة) .. يعني قاعدين راجين الناس دي تمشي وتجو إنتو داخلين بي عجلاتكم ولافتاتكم .. واللا شووو الهرجة .. طال عمرك ..؟
غايتو بختك .. لكن بكري دا لو كان خاتي ليهو ايقونة فيها قلم رصاص .. كان رسمت ليك لوحة تشكيلية ممكن تعتبرة رسم توضيحي احاول اعبر ليك بيهو اكتر من الكتابة دي .. وأعبر بيها عما يجووووش بداخلي.
يا بكري بلاي خت لينا ايقونة قلم رصاص ثري ايتش .. ومعاهو براية واستيكة أم ريحــة ..

بلاي الواحدج يجي من الصباح نفسو مفتوحة يلمو ليك فوقو زي النوعية دي ..



يا بخــاااري .. جيب ساندوتش الجبنة دا والقهوة من غير سكــر .. وتعال شوف دا بلاي كاتب شنـو من صباح الرحمن..؟