|
|
 Re: الهاكر يكتب الآن باسماء بعض الاعضاء (Re: عزان سعيد)
|
حاجات غريبة بتحصل فى كل البلد.. مش فى المنبر براهو.. أمس ماشي البيت فى بتاع ركشة صدم فلاتية صغيرة جدعها ليك هناك! أمها قعدت تبكي! وسكلبت: وووووووووب يا آمنة.. واحد جاء قال ليها (لآمنة): قومي إنتي كويسة ! أنا قلت ليهو: ياخي ما تقول ليها كده! إمكن عندها نزيف داخلي وتقوم تتوفى هسع! الراجل خاف واتراجع.. آمنة جحظت عيناها وبتاع الركشة اختفى.. قلت ليهم يا جماعة شيلوا آمنة الفلاتية دي معاي داخل العربة..تذكرت فى تلك اللحظة ناس الإعلانات البلفو ويقولوا التذاكر معنا بالعربة! غايتو.. أمها ركبت معاها بالخلف.. آمنة فى ظلطات كده غايتو فى كرعينها.. ويدينها.. قلت يا جماعة جيبو بتاع الركشة ده.. فجأة ظهر لابس قميص أحمر! ركب بى قدام والتفت قال للفلاتية الأم: بالله ياخي بوديك المستشفى وما فى داعى للبوليس.. الفلاتية قعدت تبكي قالت: ما تقول لى كلام زى ده.. قلت لبتاع الركشة: ياخى أنا ذاتي ما بتحمل مسؤولية زى دى..ده تهكير! قال لى شنو؟قلت ليهو: ده تزوير فى الحقيقة وإلباس للحق "يونيفورم" الباطل.. ظهر على وجه بتاع الركشة الغضب وهو صبي لم يتجاوز ال13 من عمره.. قال لى: يا خال والله أنا مرقت من المدرسة عشان أشتغل وأدفع قروش عملية لأمي لإزالة الثدي! واضح أن الأمر فيهو أورام خبيثة! واضح ان الأمر كلو كده.. أورام خبيثة! مشينا البوليس.. افتكروني أنا الدقشتا البت دي..ونظرا لأنو شكلي ((الشكل بس والله)) يدل على أنني عندي شوية قروش.. اهتموا لانو ممكن يكون فى بيزنس يعني.. يقنعوا الفلاتية بشوية ويدخلوا الباقي فى جيبهم.. والبت فاتحة عيونا كبار زى الريال أبو عشرة.. كنت بفخر اقول ليهم: بتاع الركشة ده الدقشا.. أنا جيت مارى ساكت بالشارع.. وكنت أتذكر فى تلك اللحظة كل الأغاني بتاعت جيت ماري بالبيت أو بجنب البيت أو أسال العنبة الرامية فوق بيتنا! كان مغالتنا وما مصدقنا.. أسأل العنبة الرامية.. المهم.. بتاعين البوليس قلت ليهم يا جماعة أنا جبت ليكم الجزار والضحية.. خلوني أمشي لأولادي.. قالوا لى وين.. إنت قايل دخول الحمام زى خروجه لازم توديهم المستشفى..أيوة.. لازم.. الغريبة لاحظت أن أنفار البوليس كلهم قبائل زرقة.. خفت.. قلت ياخوى.. الجاتك فى بنزينك سامحتك! ياخي بعدين تدخل سودانيزاونلاين وتفرق وتنسي الناس وآلامها .. البوليس بعد ما طلع لينا أورنيك جنائي قال نمشي.. بعد شوية سأل: هى الفلاتية الصغيرة وينها.. قام حاول يقعدها على حيلها وهى راقدة فى المقعد الخلفى للعربة.. قلت ليهو يا جنابك..إمكن عندها نزيف داخلي خليها؟ قعد يضحك الشاويش.. قال لى: ياخى إنت ما عندك شغلة ولا شنو؟ شفت ليك فلاتية عندها نزيف داخلي فى المخ؟ وفعلا الفلاتية قعدت زى الحلاوة! وبعد شوية طلعت ومشت! زى الحلاوة برضو! ياأخوانا.. الفلاتة ديل خلوا الرئيس ذاتو يحلف بأنو ما قال أنو الهوسا قبيلة غير سودانية.. رغم أنه قد قال فى جريدة الأيام فى شهر تمانية الفات لكن طبعا رئيسنا متعود على الكذب أى والله رئيسنا كضاب من أول يوم مسك السلطة قال نحن ما نحنا.. وحاول بكل الإمكان ينفي قول الفنان: تلقانا نحن يانا نحنا.. ولو جو ناس الأمن قبضوني.. بقول المقال ده كتبو الهكر.. ياخي دي فرصة الواحد يكتب أى شئ ويقول ده الهكر.. ده الهكر.. ده الهكر.. مشكلة دارفور صنعها الهكر.. مشكلة أبيي صنعها الهكر.. أوكامبو هكر.. الرئيس ذاتو كان هكر.. مش رسلو الترابي عشان يهكر على الصادق المهدي.. وقال ليهو: امشي هكر على القصر رئيسا وأنا أمشي أهكر على السجن حبيسا.. قال ليهو ولا ما قال ليهو! قال ليهو.. وبعد ما الرئيس اتعلم التهكير قام هكر على الهكر الأصلي.. شيخ حسن.. الترابي.. شيخ حسن ظاتو.. بقي يهكر.. على الإسلام.. قال ما فى حاجة اسمها عيسى بجى آخر الزمن.. قال ما فى حاجة إسمها المهدي المنتظر.. قال يمكن غير المسلم يتزوج مسلمة فى الشريعة.. أها ده ما تهكير! تهكير والله راسو عديل ومافى زول سألو.. فى ناس تانيين لمان قالوا كلام زى ده أو أقل منه قامت الدنيا ولم تقعد.. الهكر الأصلي يا جماعة الخير هو الترابي.. الترابي هكر دارفور.. نعم.. ناس العدل والمساواة ديل هكر ترابي ولا لا.. على الحاج هكر.. كل الجبهة الإسلامية هكرز! قلبوا الدين وهكروه.. لعبو بيهو.. جروا ورا الدنيا وهكروا الآخرة ولا لا.. يا جماعة.. العالم كلو بقى هكر فى هكر فى هكر.. اشمعنا سودانيزاونلاين!
|
|
 
|
|
|
|
|
| العنوان |
الكاتب |
Date |
| الهاكر يكتب الآن باسماء بعض الاعضاء | Marouf Sanad | 10-20-08, 05:28 PM |
| Re: الهاكر يكتب الآن باسماء بعض الاعضاء | Ashraf el-Halabi | 10-20-08, 06:08 PM |
| Re: الهاكر يكتب الآن باسماء بعض الاعضاء | Abureesh | 10-20-08, 06:30 PM |
| Re: الهاكر يكتب الآن باسماء بعض الاعضاء | soma | 10-20-08, 06:56 PM |
| Re: الهاكر يكتب الآن باسماء بعض الاعضاء | soma | 10-20-08, 07:10 PM |
| Re: الهاكر يكتب الآن باسماء بعض الاعضاء | soma | 10-20-08, 07:11 PM |
 Re: الهاكر يكتب الآن باسماء بعض الاعضاء | محمد عبد الماجد الصايم | 10-20-08, 07:15 PM |
| Re: الهاكر يكتب الآن باسماء بعض الاعضاء | soma | 10-20-08, 07:21 PM |
| Re: الهاكر يكتب الآن باسماء بعض الاعضاء | Marouf Sanad | 10-20-08, 07:40 PM |
| Re: الهاكر يكتب الآن باسماء بعض الاعضاء | Marouf Sanad | 10-20-08, 07:50 PM |
| Re: الهاكر يكتب الآن باسماء بعض الاعضاء | Marouf Sanad | 10-20-08, 08:18 PM |
| Re: الهاكر يكتب الآن باسماء بعض الاعضاء | soma | 10-20-08, 08:32 PM |
| Re: الهاكر يكتب الآن باسماء بعض الاعضاء | محمد عبد الماجد الصايم | 10-20-08, 08:36 PM |
| Re: الهاكر يكتب الآن باسماء بعض الاعضاء | Marouf Sanad | 10-20-08, 08:47 PM |
| Re: الهاكر يكتب الآن باسماء بعض الاعضاء | Muna Khugali | 10-20-08, 09:00 PM |
| Re: الهاكر يكتب الآن باسماء بعض الاعضاء | Marouf Sanad | 10-20-08, 09:13 PM |
| Re: الهاكر يكتب الآن باسماء بعض الاعضاء | حنين للبلد | 10-20-08, 09:30 PM |
| Re: الهاكر يكتب الآن باسماء بعض الاعضاء | عبدالله كع | 10-20-08, 09:51 PM |
 Re: الهاكر يكتب الآن باسماء بعض الاعضاء | انعام حيمورة | 10-20-08, 09:51 PM |
| Re: الهاكر يكتب الآن باسماء بعض الاعضاء | Marouf Sanad | 10-20-08, 10:34 PM |
| Re: الهاكر يكتب الآن باسماء بعض الاعضاء | Marouf Sanad | 10-20-08, 10:52 PM |
| Re: الهاكر يكتب الآن باسماء بعض الاعضاء | Ashraf el-Halabi | 10-21-08, 05:02 AM |
| Re: الهاكر يكتب الآن باسماء بعض الاعضاء | أسامة الفضل | 10-21-08, 05:20 AM |
| Re: الهاكر يكتب الآن باسماء بعض الاعضاء | Adil Osman | 10-21-08, 08:52 AM |
| Re: الهاكر يكتب الآن باسماء بعض الاعضاء | maia | 10-21-08, 09:51 AM |
| Re: الهاكر يكتب الآن باسماء بعض الاعضاء | محمد ابراهيم قرض | 10-21-08, 11:35 AM |
| Re: الهاكر يكتب الآن باسماء بعض الاعضاء | soma | 10-21-08, 12:15 PM |
| Re: الهاكر يكتب الآن باسماء بعض الاعضاء | عزان سعيد | 10-21-08, 12:26 PM |
| Re: الهاكر يكتب الآن باسماء بعض الاعضاء | Ali bas | 10-21-08, 01:16 PM |
| Re: الهاكر يكتب الآن باسماء بعض الاعضاء | عبدالكريم الامين احمد | 10-21-08, 01:22 PM |
| Re: الهاكر يكتب الآن باسماء بعض الاعضاء | اسامة الخاتم | 10-21-08, 01:43 PM |
 Re: الهاكر يكتب الآن باسماء بعض الاعضاء | محمد عبد الماجد الصايم | 10-21-08, 02:00 PM |
| Re: الهاكر يكتب الآن باسماء بعض الاعضاء | Marouf Sanad | 10-21-08, 04:42 PM |
| Re: الهاكر يكتب الآن باسماء بعض الاعضاء | Marouf Sanad | 10-21-08, 04:56 PM |
| Re: الهاكر يكتب الآن باسماء بعض الاعضاء | Marouf Sanad | 10-21-08, 05:08 PM |
| Re: الهاكر يكتب الآن باسماء بعض الاعضاء | فتحي الصديق | 10-21-08, 08:08 PM |
| Re: الهاكر يكتب الآن باسماء بعض الاعضاء | حنين للبلد | 10-21-08, 08:15 PM |
| Re: الهاكر يكتب الآن باسماء بعض الاعضاء | فتحي الصديق | 10-21-08, 08:28 PM |
| Re: الهاكر يكتب الآن باسماء بعض الاعضاء | Yara | 10-21-08, 08:38 PM |
| Re: الهاكر يكتب الآن باسماء بعض الاعضاء | حنين للبلد | 10-21-08, 08:41 PM |
|
| |
فيس بوك
تويتر
انستقرام
يوتيوب
بنتيريست