|
|
 الكهرباء جات...
|
صيامنا عن سودانيز اون لاين في الاونة الاخيرة...احسسنا بمعاناة اهلنا في السودان عندما تنقطع الكهرباء.
حتي في رمضان عندما كنا نصوم...لم نكن نفكر في اخواننا الفقراء والجائعين..لكن عندما صمنا عن سودانيز اون لاين تذكرنا احوال السودان...حيث قطع الكهرباء وما ادراك ما قطع الكهرباء.
اتحدي اتخن واحد فيكم انو ما حس بهذه المعاناة...ولو كان هذا القطع استمر اكتر من ذلك لكنت اصبحت شاعرا لا يشق له غبار.
السودانيين..لو عايز تطعنهم في مقتل ...قول ليهم صوموا عن الكلام والشمار والبهار...فكما شبه احد الاخوة الاعضاء (عند مروري باحد المواقع السودانية...ووجدته طالب لجوء هنالك) شبه وضع اعضاء سودانيز اون لاين كالايتام...مباشرة قفز الي ذهني اسم الطاهر عثمان (حفظه الله) وقبل ان ادرك ما حدث...قفزت دمعة بسرعة من محجرها...قفزت بسرعة مذهلة وكانها تخشي ان امنعها او ان اصب عليها لجام غضبي.
وفي غمرة سهوتي..شممت رائحة عجيبة...لم انتبه لها من اول وهلة...فاذا بها مرارة عزاز شامي قد تفقعت و تفقعت و..تغيرت الرائحة و....
يا للهول؟؟؟!!!!!
هذا هو صبري الشريف..ياتي ليفرغ ما في جوفه...وفي ظل كل هذا التخبط في الظلام...شعرت بان ما حدث سيثقل الحمل علي عاتقنا لنعيد الفكير والتذكر ونتضامن مع اخواننا واهلنا في السودان في لحظات انقطاع التيار الكهربائي...بالرغم من ان البعض قد يصف وضعهم افضل منا..فهم يعرفون متي ستاتي الكهرباء..او علي الاقل تعودوا عليها...اما نحن فحالنا حال: جات الحزينة تفرح ما لقتهاش مطرح!!!
واتسآءل مع الاخوة:
كم مرة حاولتوا الدخول الي سودانيز اون لاين طمعا بان تكون الكهرباء قد جاءت وخاب سعيكم...انا متاكد بان هنالك من دق الباب مئات بل الاف المرات ولكن...لا حياة لمن تنادي؟؟؟
|
|
 
|
|
|
|
ASHRAF MUSTAFA
Hatim Yousif
فيس بوك
تويتر
انستقرام
يوتيوب
بنتيريست