|
|
 نكته بذيئه يقولها وزير الدفاع بالتلفزيون القومي
|
قبل الدخول في التفاصيل
سؤال صغير
ماهو دور الجيش العرمر من المستشارين
ومدراء المكاتب ومدراء العلاقات العامه
الذي يحيط بالمسئولين إحاطه السوار بالمعصم
هل المسئول من حقه الخروج لأي وسيط إعلامي وقول ما يريده
دون الرجوع لذلك الجيش
ولو من باب أخذ المشوره
هل يدرك السيد وزير الدفاع القصه الحقيقه والمغزى من النكته
التي قالها في حلقه العيد التي سجلت مع السيده فاطمه خالد حرم الرئيس
هل فات على معد السهره ومقدمها وهو الصحفي المعروف
ومخرج الحلقه هل فات عليهم حزفها خصوصاً إن الحلقه كانت مسجله وليست على الهواء
نتابع
|
|
 
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: Mohamed Ibrahim Ahmed)
|
السيد الوزير المحترم وفي معرض
حديثه عن علاقته مع السيد الرئيس
ولكي يبين للمشاهدين حجم ونوع العلاقه التي تربطه بالسيد الرئيس
وقع في خطأ شنيع وقاتل
حيث سرد نكته منبتها الأصلي مصر الشقيقه
ففي سبيعنات القرن المنصرم وفي محاوله مصريه للتشفي من الرئيس السادات
عن طريق النكت وهو أسلوب مصري معروف في المعارضه ظهرت هذه النكته التي تقول :
إن الرئيس السادات وهو ماشي لمناسبه قال لجيهان زوجته يالله إلبسي عشان نخرج
فقالت جيهان ما عنديش فستان جديد
ففتح السادات الدولاب وبدأ في عد الفساتين
وده فستان وده فستان وده فستان
إوع يا حسني وده فستان
قامت المعارضه السودانيه لنظام مايو بسودانه النكته لتصبح الشخصيات
نميري بديل للسادات وبثينه بديله لجيهان وبهاء الدين محمد إدريس بيل لحسني مبارك
وإحتفظت النكته بباقي التفاصيل
ليفاجئنا السيد وزير الدفاع بالنكته بعد إن إستبدل شخصيته بشخصيه حسني مبارك والرئيس البشير
بدلاً عن السادات ونميري
لم يكلف نفسه بالتفكير في معنى هذه النكته التي تدل على الخيانه الزوجيه وليس القرب والرفقه
من البديهيات في النكت التي ترتبط بغرف النوم ودولاب الملابس هي وجود دلالات وإيحاءت جنسيه
ودونكم نكته بص الكلاكله حين يقول النجار للزوج لو قلت ليك مستني بص الكلاكله بتصدقني !!!
نتابع
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: Mohamed Ibrahim Ahmed)
|
لابد أن نسجل إن حسن النيه كان متوفر في هذا الخطأ الفادح
فمن المؤكد إن السيد الوزير لم يدرك أبعاد هذه النكته
ولا أظنه يعرف تاريخها وأصلها وفصلها
فاللرجل مشاغل عديده ليس من بينها تتبع أصل النكات
لكن الذوق والحس السليم يمكنه أن يميز بين ما يقال على ملايين المشاهدين وبين ما لا يقال
لا يمكن أن أتصور شخص يحكي عني نكته يقول فيها إنه كان داخل دولاب ملابس زوجتي
ولا رأيكم شنو يا جماعه ؟؟؟
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: Mohamed Ibrahim Ahmed)
|
والله إستمعت لهذا المخلوق عشان عارفو حا يبدع !! وفعلاً ..
الزول دا لا بفهم ولا حا يفهم ولا بيتعب نفسوا عشان يفهم
والزول دا لا بفكر ولا حايفكر وبيقدر يتعب عـــشان يفكر
دا أرعن والحـظ أداهــو مع غباء مستفحل وعـميق المدى
بس ربنا يعجل لينا بي نهايتو عشان تسلم البلد من أرعن زي دا !!
يارب انت وكيلنا في رفع البلاء هذا عن بلدنا وعن الجيش السوداني الفضـل ( دا لو كان في جيش!!!)
هشام
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: Hisham Ibrahim)
|
| Quote: والزول دا لا بفكر ولا حايفكر وبيقدر يتعب عـــشان يفكر |
هشام
لو الزول ده بيفكر ما كان قال التصريحين ديل
الممكن أن يتم تصنيفهم كأغبى تصريح لمسئول في العشرين سنه الأخيره
الأول إصراره إن المواطنيين شاهدوا الطيارات وهي تعبر بربر في طريقها لضرب مصنع الشفاء
رغم إن الأمريكين أوضحوا إن الضربه تمت بصواريخ كروز أطلقت من سفن بالبحر الأحمر
والتصريح التاني عقب دخول قوات حركه الدل والمساواه للخرطوم
وتصريحه المثير للشفقه بإنه كان يستدرجهم لأرض المعركه
غايتو جائزه أسكار لأغبى تصريح عن جداره وإستحقاق
شكراً للمرور
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: Mohamed Ibrahim Ahmed)
|
من الأشياء الغريبه ومحيره موجه خفه الدم
التي نزلت فجاءه على الساده المسئولين
فمن باب التظارف كنت قد شاهدت في رمضان على قناه النيل الأزرق
في برنامج سمار النيل حلقه كان مستطاف بها عدد من ضابط الجيش السوداني
من بين الضيوف كان العميد م يوسف عبد الفتاح ( رامبو )
الرجل وعلى الهواء مباشره حكى نكته عن الرئيس وبطلها السيد وزير الدفاع
وهي لو حكاها الوزير في معرض تدليله على إنه قريب من السيدج الرئيس لكانت أرحم
حيث قال إن الرئيس جأتو سيده كبيره في السن وقالت ليهو أمبارح شفت في الحلم وماشاءلله كنت لابس أبيض في أبيض ووشك منور
فقام الرئيس قال ليها شفتي معاي عبدالرحيم.؟. فردت السيده لا ماشفته
فقال ليها الرئيس يبقى ده ما أنا.
وضج الجميع بالضحك من خفه دم يوسف عبدالفتاح !!!!
المهم
هذه النكته مقبوله ومبلوعه ولا يوجد بها إي دلالات سالبه
لكن تقول لمنو
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: maia)
|
maiaQuote: النكتة التي قيلت بالجد تجاوزت اي حدود للياقة والاحترام للمشاهد
و ان يصدر هكذا في التلفزيون والقناة الفضائية صراحة شيء مخجل |
وده هو الشئ المحيرني
معقوله أنا بس وكم نفر في السودان الكبير وعريض ده عارفين قصه النكته دي
والناس دي كلها طيب وساذج وعلى نياتها
ما ممكن هسه يجيك واحد يقول ليك الزوول ده ما بيعرف الكلام الفارغ ده
غايتو هسه بس عرفت إنو الزووول ده ما حاز على لقبه المعروف بالساهل
ده مجهود سنين من الخرمجه
شكراً للمرور
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: فتحي الصديق)
|
| Quote: لله يعينه و....يرحمنا من تفاهة طرحه وسوء أفعاله.. |
يا فتحي
لو أي حركه مسلحه بقت ممكن تدخل الخرطوم ونصه نهار كمان
وممكن المره الجايه تكون عن طريق مطار الخرطوم
ولو أي زوول ممكن يعمل أي حاجه في البلد دي
بدون ما في زوول يقول ليهو تلته التلاته كم
ممكن نطبق نظريه القذافي ومافي داعي للوزارات والوزراء الكتار ديل
كل ناس حله يعملوا حكومتهم براهم
يا أخي الكريم
إنه الزمن اللئيم ................ زمن عبدالرحيم
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: Hafiz Bashir)
|
Quote: كلام عجيب!
هي باللاهي النكتة دي في الصياغ دا بتتفهم كدا؟؟!! |
أخونا حافظ بشير
قلنا فوق إن النكته المصريه تتحدث عن إختباء حسني مبارك
داخل دولاب ملابس جيهان السادات في غرفه النوم
لتحرف لإختباء بهاء الدين محمد إدريس في غرفه نوم بثينه
ليحولها السيد وزير الدفاع بسذاجه لإختبائه هو في نفس الدولاب
يالله بعد ده إنت وفهمك .... شوف ممكن تفهمها كيف ؟؟
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: abdu abdalla)
|
ياجماعة الخير النكتة دى مشهورة فى كل الجيش بل ان حرس الرئيس نفسو حكاها للبشير لانو بحب يسمع النكات البتتقال عنو(البشير). بس بالجد الفهم منها التصاق عبدالرحيم بالبشير لدرجة العوارة مش الخيانة الزوجية. وبعدين بالجد عبدالرحيم رغم كل شئ عرف عنو عدم اشتغاله بالجنس حتى عندما كان برتبة الملازم خليك من لمن بقى رجل دولة. ثم اخيرا يمكن جيهان السادات فيها مايغرى بس سيدة السودان الاولى !!!!!!!! اكيد كترتوا المحلبية ياجماعة مش؟؟؟!!!!!
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: Abu zainab)
|
( ياجماعة الخير النكتة دى مشهورة فى كل الجيش بل ان حرس الرئيس نفسو حكاها للبشير لانو بحب يسمع النكات البتتقال عنو(البشير). بس بالجد الفهم منها التصاق عبدالرحيم بالبشير لدرجة العوارة مش الخيانة الزوجية. وبعدين بالجد عبدالرحيم رغم كل شئ عرف عنو عدم اشتغاله بالجنس حتى عندما كان برتبة الملازم خليك من لمن بقى رجل دولة. ثم اخيرا يمكن جيهان السادات فيها مايغرى بس سيدة السودان الاولى !!!!!!!! اكيد كترتوا المحلبية ياجماعة مش؟؟؟)
   
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: malamih)
|
| Quote: وبعدين بالجد عبدالرحيم رغم كل شئ عرف عنو عدم اشتغاله بالجنس حتى عندما كان برتبة الملازم خليك من لمن بقى رجل دولة. ثم اخيرا يمكن جيهان السادات فيها مايغرى بس سيدة السودان الاولى !!!!!!!! اكيد كترتوا المحلبية ياجماعة مش؟؟؟) |
أبو زينب وملامح
بدايه لم نشر من قريب أو بعيد لموضوع عبدالرحيم وإتهامه بالجنس أو الخيانه
ولو رجعتوا فوق بتلقوا كلامنا عن سذاجه الإستعمال للنكته
ومحاولات شرحنا للسياق التي قيلت فيه
نبعد وننأي بأنفسنا قدر الإمكان في تناول الشأن الخاص للمسئولين والمعارضين على حد السواء
إلا عندما يخرج الخاص ليصبح شأن عام
وهنا نتحدث عن فن الحديث والحوار وما يقال للعامه وما يحتفظ به للمجالس الخاصه
وونسه المسئولين مع بعضهم البعض
أبو زينب
| Quote: عرف عنو عدم اشتغاله بالجنس حتى عندما كان برتبة الملازم |
الزول ده دفعتك ولا شنو
شكراً لمرورك
| |
|
|
|
|
|
|
|
|
|
Re: نكته بذيئه يقولها وزير الدفاع بالتلفزيون القومي (Re: abubakr salih)
|
Quote: ر
عبد الرحيم دا كل يوم يثبت انه مصنع و مخزن كبير للعوارة و العبط
عبد الرحيم اظنه احد المصادر الرئيسيه توزيع العوارة فى العالم المعاصر |
أخونا أبوبكر
كان هناك تنافس رهيب في هذا المضمار بين السيد عبدالرحيم والسيد صلاح الشيخ
الشهير بصلاح ( خروف ) مدير الجمارك السابق
وفي جوله تقدم السيد صلاح أشواط خصوصاً بعد حلقه بابكر حنين في النيل الأزرق
وهي موجوده حتى الآن على يوتوب ممكن ناس معاويه ينزلوها هنا
المهم في تلك الحلقه احرز مدير الجمارك نقاط غاليه وتقدم في التصنيف العالمي للعواره والشتاره
لكن بعد إبتعاده عن الأضواء وفي ظل عدم وجود منافس حقيقي حتى الآن للسيد وزير الدفاع
نتوقع أن يتربع على التصنيف العالمي لفتره ليست بالقصيره
شكراً يا ملك على المرور
| |
|
|
|
|
|
|
| |
Fathi Ali Mohammed
Hisham Ibrahim
فتحي الصديق
Hafiz Bashir
Abd Alla Elhabib
abubakr salih
فيس بوك
تويتر
انستقرام
يوتيوب
بنتيريست