|
انا حي ازق والله
|
للاسف الشديد انو في ناس عديمين ذمة زي الهكر دا
في الحقيقة انا كنت قاعد في المنبر لغايت الساعة الخامسة مساء مافي كلام زي دا
وتلفوني كان قاطع كهرباء بعد ما شحنتو فاجأني عبد الاله بالخبر دا
عموما انا بخير والحمدلله وماعندي عوجة تب
واشكر كل من داخل معزيا فيني او هاتفني وبالاخص كل من تكبد مشاق الذهاب للمشرحة وهذا ان دل علي شيئ انا يدل علي عظمة هذا الشعب الذي احمد ربي انني منه
|
|
|
|
|
|
|
|
Re: انا حي ازق والله (Re: حنين للبلد)
|
Quote: للاسف الشديد انو في ناس عديمين ذمة زي الهكر دا
في الحقيقة انا كنت قاعد في المنبر لغايت الساعة الخامسة مساء مافي كلام زي دا
وتلفوني كان قاطع كهرباء بعد ما شحنتو فاجأني عبد الاله بالخبر دا
عموما انا بخير والحمدلله وماعندي عوجة تب
واشكر كل من داخل معزيا فيني او هاتفني وبالاخص كل من تكبد مشاق الذهاب للمشرحة وهذا ان دل علي شيئ انا يدل علي عظمة هذا الشعب الذي احمد ربي انني منه |
الف حمدا لله سلامة اولا
| |
|
|
|
|
|
|
Re: انا حي ازق والله (Re: Magdi Ahmed Elsheikh)
|
الأخ / ياسر بيناوي السلام عليكم ياأخي نتمنى لك الصحة والسلامة وطولة العمر يا رب
ونحن ندين مثل هذه الأخبار المقلقة حتى لو كانت بقصد المزح
مرة أخرى ربنا يطول عمرك وتشوف جنى جناك يارب
حسن مضوي
| |
|
|
|
|
|
|
Re: انا حي ازق والله (Re: فتحي الصديق)
|
الحمد لله الذي كذب الخبر وانه كان خبرا مقلقا للجميع .. وقد شككت في الخبر لانك كنت تدردش معنا قبل قليل في بوست نادية .. فالحمد لله اولا واخيرا .. ..
| |
|
|
|
|
|
|
Re: انا حي ازق والله (Re: فتحي الصديق)
|
يا زول ربنا يمد في ايامك
والموت حق
اشرف مصطفى
Quote: لكن قول لي ليه اختارك الهكر من دون الباقيين؟؟؟
علاقتك بيه شنو؟؟؟ |
الزول النشر الخبر دا في الحقيقة ما اختار الاخ ياسر وانما اختار عبد الاله وبما انو زول متابع "اي الزول الحرامي", فهو عندو علم ان هنالك علاقة بين عبدالاله وياسر
| |
|
|
|
|
|
|
Re: انا حي ازق والله (Re: Yassir Bainwi)
|
Quote: للاسف الشديد انو في ناس عديمين ذمة زي الهكر دا
في الحقيقة انا كنت قاعد في المنبر لغايت الساعة الخامسة مساء مافي كلام زي دا
وتلفوني كان قاطع كهرباء بعد ما شحنتو فاجأني عبد الاله بالخبر دا
عموما انا بخير والحمدلله وماعندي عوجة تب
واشكر كل من داخل معزيا فيني او هاتفني وبالاخص كل من تكبد مشاق الذهاب للمشرحة وهذا ان دل علي شيئ انا يدل علي عظمة هذا الشعب الذي احمد ربي انني منه |
ياخ متبرع ليك بى شاحن جوال زى بتاع الكايبويات ... بيشحن بدون كهربا ياخ! الحق نادية دى قربت تموت من الخلعة ... وإنت بس اصبر لى يا ياسر إلا ما اقابلك كلو كلو وارجى الدقة الراجيك من مصعب صاحب حاتم الكنا سوا فى المشرحة.
الله يطول عمرك ياخ وإنشالله قريب نتقابل عشان ندقك اول وبعدداك نتعارف إنشالله فى عرس ولّ اى حاجة ... اصبر لى بس
إنت بتاكل فى الكوارع فى زقاق ما عارف وين والناس هنا دايرة تموت عشان خبر الموت الطلع كضب ياخ
شول اشوانق دينق ______________ ياسر والله نتمنى نلاقيك وتلفونى معاك ياخ.
| |
|
|
|
|
|
|
Re: انا حي ازق والله (Re: Yassir Bainwi)
|
الاخ/حاج موت اقصد ياسر بيناوي
تسلم ياحبيب من كل شر.
ناس المنبر ديل منهم جفله ؛رصوا ليك التعازي زي الورد؛
بس ده بيدل علي اصل معدنهم وسودانيتهم.
_______
الله لا كسبكـ يالهكر.
| |
|
|
|
|
|
|
Re: انا حي ازق والله (Re: هند محمد)
|
حمدآ لله علي سلامتك يا رجل .. والله اتخلعنا !! ..
بس زي ما قالت الأخت رحاب خليفة إنو فائدة الخلعة أنو الواحد عمل جرد حساب بسرعة مليون ..
الله يطول عمرك متمتعآ بالصحة والعافية والعمل الصالح ..
| |
|
|
|
|
|
|
Re: انا حي ازق والله (Re: keiga2000)
|
ياسر انشاء اللة ماتشوف شر وربنا يحفظك ويخليك لاهلك واحبابك واخبار موسفة ومزعجة زى دى نرجو ان لاتتكرر تاني فى هذا المنبر حتى لو هظار فانه هظار سخيف لابعد الحدود
| |
|
|
|
|
|
|
Re: انا حي ازق والله (Re: Yassir Bainwi)
|
أنا قلتا ده الفكي بتاع خضر حسين
Quote: 10123786 دة تلفون فكي في مايو يا ياسر
زول كويس شديد حاول معاه
|
على العموم تاني أنا ما بعزي في أي زول الا بشهادة من بكري أبوبكر أنو الهكر ماليهو علاقة بالخبر
ويطول عمرك مع العافية
| |
|
|
|
|
|
|
Re: انا حي ازق والله (Re: adam khatir)
|
يا اخ حمد الله على السلامه.. فى ناس فقدت كل الاحساس والمبادىء والقيم.عايزه تظهر.وتتحكر حتى بالكذب.والضلاله.وهذه نتائج سوء التربيه الاسريه والفكريه.... وفاقد الشىء لا يعطيه..!! هؤلاء هم مقدمه لزمن عجيب وغريب قادم... ولعلها كذبة الكريسماس... خلى روحك رياضيه.. ولما جاتك فى كذبه فى روحك سامحتك.. مش كده..!! المهم سعدنا لتكذيب الخبر. نرجو لك طول العمر.. وصالح العمل..
| |
|
|
|
|
|
|
Re: انا حي ازق والله (Re: Yassir Bainwi)
|
Quote: حمد الله على سلامتك بس عدل العنوان انت حى ترزق وليس أزق يبدو الشفقة لطمأنة ادقائك مع مودتى آدم |
D
معليش يا استاذ آدم الليلة الناس دى كلهم مستعجلين.
كونوا بخير
شول اشوانق دينق
| |
|
|
|
|
|
|
Re: انا حي ازق والله (Re: شول اشوانق دينق)
|
سلام اخ ياسر ولعن الله هذا الرجل المرجف الذي اتي بخبر ليس بصحيح وكاذب وتقريبا كنت من اوائل الذين شافوا هذا البوست وانا في اللحظات الاخيرة للخروج لاجتماع مهم لمجلس الجالية ورغم عدم تعارفنا الا ان ذلك الخبر يجعل من حضوري مخيما بالحزن والاسي الحقيقي ...ونحمد الله بانني عدت وجدتك حيا ترزق... عمر مديد يا ياسر وحياة اطول وسحقا لذلك المجرم الرعديد الذي يعبث بسيرة ارواح الناس...
| |
|
|
|
|
|
|
Re: انا حي ازق والله (Re: عبدالعظيم محمد أحمد)
|
والله ياسر يطول عمرك
الزول دا لمن قال ياسر فى المشرحة انا كنت مستمتتع جدا بونستك مع الاخت الغالية / نادية ولم اصدق
وقلت متين ياسر دا قفل كمبيوترو ومات
غايتو يوم بتقتولو زول بالجد
| |
|
|
|
|
|
|
Re: انا حي ازق والله (Re: Yasier Elsayed)
|
ياسر السيد
Quote: وقلت متين ياسر دا قفل كمبيوترو ومات |
طيب وأنا أقول شنو يادوب رديت ليهو على مداخلة عملت رفريش لقيتو مات تصدق ؟!!
ياخ الحمد لله انو حي يرزق والله إتعقدت عدددديل !!
| |
|
|
|
|
|
|
Re: انا حي ازق والله (Re: نادية عثمان)
|
والغالية / نادية
والله والواحد بقى يخاف يرجع الصفحة الاولى يلقى مافى زول
والغريبة انا كنت متابع هذا البوست بالتحديد وفى اللحظة القلتا اخش على الشباب ديل قالو ياسر مات
ربنا يستر
تحياتى
| |
|
|
|
|
|
|
Re: انا حي ازق والله (Re: Al-Sadig Yahya Abdall)
|
ياسر الانسان سلامة وكرامة
ـــــــــــــــــــــــــ
Quote: وتصدق إكتشفت كل من تماسخت معهم لهم فى بعض جخانين قلبى مكان ما به ركوة محبة.. |
بلة موسي:
اكتشفت دي تحمل براءة ماعادية
مانحن اصلنا كدة مساختنا حب
البنحبو نقول ليهو ياتافه انت وين مشتاقين ياخ
واصبر لي ياعفن ، وبالله شوف الكلب ده ومعاها ضحكة! ولزوجته يامعفنة اصبري لي !
| |
|
|
|
|
|
|
Re: انا حي ازق والله (Re: عبداللطيف حسن علي)
|
يا ياسر والله جهجهت باكاتنا عديييل كدا
وبعدين بعد ما قلت الليلت الله حصلت أنا كنت شايل هم ناذر الخليفة ، ال راجل ده لغاية ما تأكد من كذبة الخبر كان عاوز يموت بالحزن
عديييل ، ده بيتصل كان فى الدقيقة 3 مرات .
المهم عمر مديد بإذن الله
بالمناسبة دى قولينا : الفات الفات وفى عمروا 7 سنوات ورجعنا لمنتدى إضافية ونجيلة الغربى
| |
|
|
|
|
|
|
Re: انا حي ازق والله (Re: انعام عبد الحفيظ)
|
تاني كان لقيت الصيوان مدقوق في المنبر ده .. وصواني الغداء تتطاقش .. والونسة في الكورة جوة صيوان البكاء لي رب السماء والمريخ مغلوب سبعة والهلال مصيرو غباش وترامس الشاي في يد الولد بيكب في الكبابي مابصدق انو الزول مات الا تجي إنعام تصور لينا شهادة وفاتو إسكانر حتى ابكي واتخنج دي .. شفت كيف ؟!!
| |
|
|
|
|
|
|
Re: انا حي ازق والله (Re: كمال الدين بخيت اسماعيل)
|
ياسر بالله عملوها فيك كمان زي ما عملوها معاي من قبل؟؟؟
سامحني يازول ما حضرته الفيلم ده لكن لقيت باقيه هنا.
المهم كما قلت سلوك غير مسؤل وسخيف ولكن حسنته بيوريك فعلا غلاوتك عند الناس.
ربنا يحفظك لشبابك.
| |
|
|
|
|
|
|
Re: انا حي ازق والله (Re: Yassir Bainwi)
|
ياسر بركة البقيت عايش - و للا بقولوا شنو في حالة الزول يحيا تاني؟؟
يا زول الخلعة الدخلتهافيني خليها ساي- خلتني في عز السقط و التلج ده امشي اصلي الجمعة في الجامع
لكن غايتو لحقتك جنس دعوات ما لقاها اي ميت قبل كده
ربنا يطول عمرك و الهكر ده ان شا الله يجيبوا لينا خبره
| |
|
|
|
|
|
|
Re: انا حي ازق والله (Re: سناء عبد السيد)
|
ياسر حمدلله علي السلامة ياخ والله خلعتنا و جننتنا جن شديد ، بكتيني و أخرتني عن مواعيد شغلي ساعة كاملة كلفتني إتصالات للسودان ... غايتو بس كان ما ساي انا زاااتي بعرفك من وين ياخ !! والله البورد دا عرفنا علي الناس و عودنا عليهم من مافيش ، حمدلله علي السلامة مرة تانية و تاني ما تعمل فينا كدا . بمناسبة الاتصالات دي حصلت مفارقة ظريفة ( طبعا في وقتها كنت شايفاها حاجة غياااااظة ) إتصلت علي تلفون واحد من بورداب الخرطوم و الظاهر الفالح غير تلفونه و يقوم يرد علي واحد إريتري و اتخيلوا معاي زول ما عنده إي خلفية عن الموضوع أفاجأه بعد السلام مباشرة عن صحة خبر وفاة و أضيفوا علي ذلك عامل اللغة يعني لا هو فاهمني كويس ولا انا قادرة افهمه .. أخيرا عرفتا انه دا ما الشخص المعني بالاتصال و قفلت الخط و انا بعتذر ليهو . المهم يا زول خلعتنا و دموعنا في ستين داهية المهم انك بخير و ربنا يديك الصحة و العافية و طولة العمر .. و إن شاءالله بس الخبر ما أثر علي أسرتك و معارفهم داخل و خارج السودان .
الله يجااااازيك يا الهكر
| |
|
|
|
|
|
|
|