|
6666 توقيع الرفض الشعبي لإدعاءات اوكامبو
|
. . . اذا كنت ترفض إدعاءات أوكامبو ارسل رساله خاليه الى الرقم المجاني 6666 لمستخدمي شركة زين وتوجد ارقام لمستخدمي الشبكات الاخرى ارجو ان يزودنا بها الاخوه مستخدميها
جميعاً نقول لا لاوكامبوا وادعاءاته
توضيح لازم :
لان الغرب يتحدث لغة الارقام السودان سيتحدثها ويقول عبر احصاءات يمكن التأكد من صحتها وصدقيتها في رفض ادعاءات هذا الاوكامبو
لتنتظم توقيعات الرفض الالكنرونية على مختلف اشكالها لدعم ( راس الدولة )وسودانيزاولاين دوت اورغ افرد لهذا الامر مساحه اتمنى ان تحذوا بقية المواقع حذوها
عفواً لحظه : الاخ مدير الموقع اذا كان هذا الموقع محايداً وقوميا يعطي الحرية المتساوية للجميع يرجى تثبيت برنامج لجمع التوقيعات الالكترونية للمناصري ( لراس الدولة ) ضد إدعاءات اوكامبوا .... برنامج يمَّكن جميع الاعضاء والزوار من الادلاء بتوقيعاتهم
مدخل للخروج : سودانيز اونلاين وطن يسع الجميع
هل هو كذلك ؟؟؟
اننا ننتظر !!!!!
البصاص
|
|
|
|
|
|
|
|
Re: 6666 توقيع الرفض الشعبي لإدعاءات اوكامبو (Re: Sabri Elshareef)
|
البصاص خجلت لك يا اخي في العشرة الآوخر من رمضان!!
تتفلسف وتدعي ان الغرب يعرف لفة الارقام فاتك يا صفوجي بان تعرف ان الغرب يعرف ان المتضررين الحقيقين في بلادنا لا يملكون شرائح ولا موبيلات ولا كمبيوترات.
وان هذا سلوك الصفوة التي عروشها على وشك ان تدك!
اختشي يا اخي انت تدجافع عن مجرم لاسباب عرقيه واوهام دينيه.
انت هنا لا تشبه عمر العادل ولا علي الزاهد!! ولا اباذر الآمين!!
انت احوالك تشبه احوال بني اميه في ايامهم الآخيره.
وقى الله بلادنا مصير معظم الممالك الاسلاميه التي انتهت بفساد الدوله و المحسوبيه وتقريب الاقرباء وسيادة اهل السلطه,تشرزم الآمه وتطاحنها.
نعم لمحاكمة البشير واعتبر توقيعي يمثل ال 2 مليون نازح لما تودي لهم شرائح وتسمح لهم بالاقتراع بعدين تعال اتفاصح عن لغة الاحصاءات الغرب يعرف جيدا المزورين من امثالكم لذا اي توقيعات لن تثنيهم.
| |
|
|
|
|
|
|
Re: 6666 توقيع الرفض الشعبي لإدعاءات اوكامبو (Re: أبو عبيدة البصاص)
|
Quote: عفواً لحظه : الاخ مدير الموقع اذا كان هذا الموقع محايداً وقوميا يعطي الحرية المتساوية للجميع يرجى تثبيت برنامج لجمع التوقيعات الالكترونية للمناصري ( لراس الدولة ) ضد إدعاءات اوكامبوا .... برنامج يمَّكن جميع الاعضاء والزوار من الادلاء بتوقيعاتهم
|
بنفس الفهم مفروض تتحدد أرقام 777 مثلاً للناس العايزة عمر البشير يتحاكم، بنفس المنطق بتاعك دا لما يتحدد رقم تعالوا أسألوا بكري
| |
|
|
|
|
|
|
Re: 6666 توقيع الرفض الشعبي لإدعاءات اوكامبو (Re: Mohammed Elhaj)
|
. . .
Quote: المفاهيم بتاعة الديمقراطية العايزين تجوبقوها دي ما بتتجزأ أصلاً |
هي الديمقراطية دي شنو تفصلوا فيها على كيفكم
ياخي ده مش الفعل الديمقراطي انه تتيح لي الناس خيار انه يا يصوتوا ليك او ضدك
ده زمانو قرب اصبر عليهو وتعال بي قاعدتك العريضه بعدين احلق لينا صلعه عديل ...
اما الان بالموضوع المطروح الان انه ما مرتبط بعمر البشير لا المؤتمر الوطني ولا الحركة الاسلامية
الموضوع بي بساطة انه في دوله والاتهام موجه لي راسها ورمز سيادتها وهذا له حسابات اخرى في ميزان السياسة الدولية
عشان كده ومن اجل السودان الثابت في ظل المتغير من الحكام ننادي بالدفاع عن الرمز والسياده والجماع التي تكسرت دونه كل اطماع الغير
افهم ياخي
اللهم اني صايم
البصاص
| |
|
|
|
|
|
|
Re: 6666 توقيع الرفض الشعبي لإدعاءات اوكامبو (Re: أبو عبيدة البصاص)
|
يا بصاص ده حنك بيش
انت عارف امبارح اوكامبو والتاني بتاع الجمهورين داك الاتنين طنشوا درافور في مناظرتهم ما سالت نفسك ليه ؟ البشير الات بحكم انه رئيس السودان بتراس اكبر تجمع دولي بعد الامم المتحدة وهو تجمع ال 77 ذائدا الصين تجمع من 132 دولة وفاز السودان براسته هسع في اجتماعات الامم دي
محاكمات شنو الراجنها
| |
|
|
|
|
|
|
Re: 6666 توقيع الرفض الشعبي لإدعاءات اوكامبو (Re: وليد محمد المبارك)
|
Quote: يا بصاص ده حنك بيش
انت عارف امبارح اوكامبو والتاني بتاع الجمهورين داك الاتنين طنشوا درافور في مناظرتهم ما سالت نفسك ليه ؟ البشير الات بحكم انه رئيس السودان بتراس اكبر تجمع دولي بعد الامم المتحدة وهو تجمع ال 77 ذائدا الصين تجمع من 132 دولة وفاز السودان براسته هسع في اجتماعات الامم دي
محاكمات شنو الراجنها |
تعرف ياوليد اول حاجه كل عام وانت بخير
انا عارفو حنك بيش هنا في المنبر
لكن كل محمد احمد بسيط بتلقاهو صوت
لكن بس قلنا نحاول نبيع بضاعه بايره
اسمها الوطنية
بعد الكلمة دي عارف حايجوا ينطوا لي في حلقي
الله غالب
الحريه في هذا المنبر لنا ولسوانا
البصاص
| |
|
|
|
|
|
|
|