|
كيفن بس يكوون العيد .... لو ما كنت سوداني
|
تهنئة خاصة من القلب الى القلب لكل بورداب الداخل والخارج وتهنئة ولا احلى ..... لسيد الحوش (الباشمهندس بكري ابو بكر) وكمان تهنئة لزول مخصوص...
مظاهر العيد... في السودان مختلفة عن اي مكان في العالم... ولينا عادات وتقاليد لا توجد في اي مجتمع آخر... في نفس الوقت بيختلف طعم العيد من مكان لآخر... يعني جل ما يتمناه المرء انو يكون معيد في البلد... مع ناس اهلك ومنطقتك.... دي قمة الروعة والمتعة... وياحليل البيت الكبير.... ولمة ناس البيت... وصحن الرز بلبن .. واللقيمات... وكباية شاي اللبن...
بعديه.. أقل مرتبة بجي العيد في المدينة(مثلا العيد في الخرطوم) ... وهنا يختلف العيد في الخرطوم عن العيد في الولايات..... فهو اقل متعة... ومظاهر العيد باهتة شوية.. لي شنو انا ما بعرف... دا كله كوم والبيعيدوا بره السودان كوووم براه .... معليش ... بقلب ليكم في المواجع ... بس ولا تاخدوا في بالكم... الفرحة في القلب ... وبعيند الزمان والمكان مووش فارقة.. اهم شئ الاحساس بالعيد وقيمة الفرحة في النفس...
يلا يا شباب العيد فرصة عشان نحاول نتذكر مع بعض اهم العادات والتقاليد والمظاهر السودانية اللي كانت وما زالت بيقوم بيها الناس ... وكمان الناس المعيدة بره يعكسوا لينا فرحة عيدهم كيييف
ودايما تامين ولامين
|
|
|
|
|
|
|
|
Re: كيفن بس يكوون العيد .... لو ما كنت سوداني (Re: محمد عبد الماجد الصايم)
|
Quote: Quote: وكمان تهنئة لزول مخصوص...
يا سلام يا ميادة ياخ أجمل حاجة إنكـ تتذكرني مع العيد دا
|
سلامات يا ود الصايم ياجميل كل سنة وانت طيب بطل سلبطة ياااااخ لالالا ما برضى تمر ساي بالبوست دا يلا اجدع لينا حكوتين تلاتة عن العيد عندكم .... انا طبعا حاسداك عدييييييل لانك شكلك كدا وماشي في الشارع ساي مهيص ما شاء الله عليك... يعني لو عيدت في علبة صلصة برضو عيدك جميل ... لانك برضو ماشاء الله زول مرح (دا ما كسير تلج والله)
منتظرين
| |
|
|
|
|
|
|
Re: كيفن بس يكوون العيد .... لو ما كنت سوداني (Re: mayada kamal)
|
والله يا ميادة إنتي ما عارفة حاجة ساااي
أحكي ليكـ من أمس بعد الفطور بس
بعد الفطور ضربت حجر شيشة وقاعد في المجلس (الصالون) في أمانة الله الهنضبة بدت
أم العيال جات طايرة ليكـ في كرشي
ركب الستارة دي هنا شيل الكرسي دا من هنا غير تلبيسة الكراسي في غرفة الحريم باب الشارع دا شوف ليكـ واحد يغسلوا
أها .. قضيت دا كلو ومشيت الشغل الساعة 8 جيت راجع الساعة 11 ماشين السوق نجيب الجزمة الحمرا لليان (بتي الصغيرة) ما جبنا حلاوة العيد لسع!! (أمي) تعال غسل معاي البيت (ست الهنضبة ـ حرمنا المصون)
أها بي جاي وجاي نزلت من العربية مع أذان الصبح بالضبط!!
صليت الصبح ولعت حجر شيشة تاني أنا والحجة مشينا صلاة العيد جينا راجعين من الصلاة الساعة تمنية نومة شوية كدا لحدي 11 وعلى الشغل ولحدي هسي كيبوردي دا في الشغل معاي تقولي لي العيد ياخ قومي لفي بلا عيد
معلومة أليمة: آخر عيد حضرتو في السودان سنة 1992
| |
|
|
|
|
|
|
Re: كيفن بس يكوون العيد .... لو ما كنت سوداني (Re: mayada kamal)
|
center>
الاخت/ ميادة
أسأل الله العلي القدير الرحمن الرحيم مالك يوم الدين
أن يغفر لنا ولكم في آخر هذا الشهر الكريم
وأن يجعلنا من المقبولين في الصيام والقيام والعتق من النار
وأدعوا الله القدير بأن يعيده علينا وعليكم والمسلمين بالخير واليمن والبركة
ونسأل الله العلي العظيم أن يكون هذا العيد وهذا الشهر المبارك نصرا للأمة الإسلامية في مشارق الأرض ومغاربها. تقبل الله منا ومنكم صالح العمل وعفا عما اجترحناه من الزلل
وعيدكم مبارك وكل عام وأنتم الخير
| |
|
|
|
|
|
|
|