|
|
|
 Re: عيدية .. حلو النجوى (Re: khaleel)
|
عبد الحميد يوسف ـ الله يرحمه ـ ذات تغريدو ..
ينصر دينك يا خلي ..
و انتا يا أخوي
تتبارك ما تتشارك
و تتعلى ما تتدلى
و يكتر خيرك كتير ..
الله و النبي خليك معانا الله يخليك يا خلي ..
| |
 
|
|
|
|
|
|
|
|
Re: عيدية .. حلو النجوى (Re: khaleel)
|
خليلو .. خليلو ..
كل سنة و أنت طيب و كل من معك طيبون و تنعمون بالصحة و العافية و الخيرات و جعل الله كل أيامكم أعياداً ..
أشكرك جزيلاً و أنت تزين هذا البوست بهذه الأغنية الخالدة و جعل الله كل أيامك أفراحاً ..
يلا يا خلي شوف لينا قسطنطين بتاعك دة يشوف لينا ( غضيك جميل زي بسمتك ) و أي حاجة حلوة ..
و يأ أخوات/ نا ..
أي واحد/ة عندو غنية عاجباهو شدييييييييد و للا كاسرة فيهو ضلعة و للا مطلعه حنانو يجيئ يجيب لينا كلماتها أو ملف ( صوت / فيديو ) ليها و يا بخت من فرح و أفرح ..ـ
أصلو الفرح في الزمن دة بقى مسارقة ..
يلا أفرحوا و جعل الله كل أيامكم أفراحاً ..
| |
|
|
|
|
|
|
|
|
|
Re: عيدية .. حلو النجوى (Re: khaleel)
|
يا خليلو ..
أرحمني عليك دينك ..
صدقني يا خليل أبكيتني .. أبكيتني .. أبكيتني .. و الله العظيم أبكيتني و أنا أكتب و لا أقدر على حبس دموعي و أحبس دموعي غصباً و لا أقدر أن أكتب ..
يا خليل هذه الأغنية ( النهاية ) هي الأغنية الوحيدة التي كتبتها بخط يدي في مفكرتي الخاصة و أنا ترينيي ( Trainee ) في العام 1991م بناء على طلب من تؤام روحي و أعز و أنبل و أخلص و أوفى أخوتي الذين لم تلدهم أمي كنا نغنيها سوياً هو و أنا بصوتنا النشاز اللذيذ و ننتحب و نبكي فيها بغير سبب ..
و فجأة يا خليل ..
رحل صديقي
هكذا و بس ..
لم أبكه ظاهراً و لم أتقبل فيه تعزية حتى اللحظة، أرى أن كل ما أفعله هو محاولة للهروب من حقيقة حتمية فحزني على تؤأم روحي لم يكن أقل من حزني عند رحيل أبي و أنا يافع ..
سأغني هذه الأغنية بحشا محروق محروق محروق ..
سأغنيها نشيداً للحزن الطاغي و لـصفيي ( زيكو ) الخلى شدير الجوف محروق ..
شكراً يا خليل ..
ـ
و سوري يا جماعة و الله غصباً عني ..
أفرحوا و غنوا أطربوا و حبوا توائم أرواحكم و كل أحبابكم ..
| |
|
|
|
|
|
|
|
|
|
Re: عيدية .. حلو النجوى (Re: عصام دهب)
|
النهاية ( هاشم صديق ، المرحوم سيد خليفة )
Quote:
في يوم غريب ..
فيهو الشمس لمت غروبها وهاجرت
بانت نجوم متفرقات زي الدموع
في خد حبيب ودع حبيبتو السافرت
والليل ضفائر حزنو مداها الألم
زي التقول عارف النهاية القاربت
والكون حزين خايف الهجير
شاف الربيع غابت شموسو وغادرت
شفت الفريق ضامي الفرح في دار حبيب
ضميتو في قلبي الحنين
ماتت خطاي ضاع الأمل
واحترت في خوفي الدفين
وعاينت لقيت الحبيب
في عرشو في تاجو الحزين
حولو العيون فيها الفرح
بس الفرح في عيونو ما قادر يبين
والدمعة في عينيه بتودع طيف حبيب
خلاهو لي غدر السنين ..
و أشتقت لي طيف الدموع
و مشيت طريق أسمه المصير
ودعت زهرات الأمل
و رجعت لي ألمي الكبير
حسيت شعور الراهب
السار السنين
مشتاق يفتش ليهو دير
لمن تعب سالت دموعو على الدرب
خاف الأمل يلهي المسير
يا حبي عيش
يا حلم عيد
كلمات خطاب من الحبيب
يبكي على النهاية
حرفو الدموع سطرو النحيب
والحسرة كانت فيهو غاية
خلاني أغرق في المصير
و أنا لسة عايش في البداية
أندم على الحزن الل راح
وأطفئ الشموع
و أبكي النهاية .. |
| |
|
|
|
|
|
|
|
|
|
Re: عيدية .. حلو النجوى (Re: عصام دهب)
|
عم دهب
العيد مبارك عليك
وكل عام انت بالف خير
مافي ليك حل
غير حسام ـ الصحافة 30
ليك كل الاماني الندية
وعيدية حلوة
مقبولة في ميزان الجمال
عندك
ومودتي ومحيتي
| |
|
|
|
|
|
|
| |
عصام دهب
khaleel
محمد سنى دفع الله
طارق جبريل
عبد اللطيف السيدح
فيس بوك
تويتر
انستقرام
يوتيوب
بنتيريست