تابعت النقاش حول هذا الموضوع بعد غياب قسري عن موقعي المحبب سودانيس اونلاين اتصل بي صديقي الاستاذ السر قدور ونفى تماما أنه قرر التوقف عن تسجيل برنامجه الشهير أغاني و أغاني بل تحدث معي عن ان اشاركه تقديم حلقة العيد التي ستشتمل على أغنيات جديدة ووافقت اذا فهذا كلام من السر فدور لشخصي مباشرة ومني لكم مباشرة وسأعود بعد أن اشتري غدا رصيد للوايفاي فانا اكره الكتابة من التلفون لطواصلة الموضوع
04-04-2020, 02:34 AM
Elmosley
Elmosley
تاريخ التسجيل: 03-14-2002
مجموع المشاركات: 34683
أولا انني أحترم تماما قرارات لجنة التفكيك وقد تكون لهم متلومات بنوا عليها قراراتهم كما أنني أقدر الموقف العاطفي لبعض الزملاء ولا اتفق معه لأن هذا البرنامج للشعب السوداني ااذي قام بأعظم ثورة في تاريخ بلادنا وأعطانا درسا في معاني التضحية لن ننساه وشارك الموسيقيون فيهابايجاببةوتخاذل البعض ويفتخر الموسيقيون بانه كانت لهم خبمتين في اعتصام القيادة حتى لحظة فض الاعتصام ولكن من خلال علاقتي مع الاستاذ حسن اعتفد جازما بانه من أكثر مدراء القنوات السودانية احتراما للفن والفنانين اختلفنا معه ام اتفقنا معه سياسيا ونكن كل الاحترام للجنة تفكيك التأصيل هذه الكلمة التي كرهناها حين استخدمها نظام الانقاذ الملعون كقولة حق يراد بها باطل وللحديث بقية
04-04-2020, 02:44 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20437
كشف الإعلامي مقدم برنامج (أغاني وأغاني) السر قدور، عن عودته مجدداً لمواصلة تسجيل ما تبقى من حلقات البرنامج عقب رفضه التسجيل بعد قرار إعفاء مدير القناة حسن فضل المولى.
وكشف قدور لـ(السوداني) عن أن الوساطات أعادته للبرنامج مرة أخرى، مشيراً إلى أن الحلقات ستكون مشبعة بروح الثورة وأنه الموسم الأول بعد نجاح الثورة.
وقال قدور عبر حوار مطول ينشر لاحقاً. إن حسن فضل المولى كان الأكثر إصراراً على عودته، مؤكداً عودة ومشاركة كل المطربين بمن فيهم الذين أعلنوا المقاطعة.
وأكد قدور على أنه يحترم قرارات لجنة إزالة التمكين لأنها تعبر عن روح ثورة ديسمبر المجيدة.
04-04-2020, 02:56 AM
كمال عباس
كمال عباس
تاريخ التسجيل: 03-06-2009
مجموع المشاركات: 17142
تحياتي إستاذ الموصلي وعودا حميدا ,, وطبعا أنت مصدر ثقة وعليه نسأل والسؤال موجه للجميع إذا لماذا لفق ضياء الدين بلال وصحيفة السوداني هذه الشائعة ولمصلحة من يتم هذا التزوير والتلفيق؟ لماذ أبقت لجنة التمكين ضياء الدين بلال علي قيادة تحرير صحيفة السوداني ؟ إعادة صدور صحيفة جاء مراعاة لحقوق العامليين ولكن ضياء بلال حول الصحيفة لبوق للفلول والإنقاذيين وأولياء نعمته...
04-04-2020, 02:59 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20437
أما رأيك عن فضل المولي - ياموصلي فإني إحترمه ولكني إختلف معه فإحترام فضل المولي للفنانين لا يمنحه حصانة لأنه لم يحترم الشعب والثورة ولم يوجه قناته للبحث عن الحقيقة وعن صوت الشارع - وقت الموت والرصاص والإعتصام والشوارع الثائرة ,.,,لم يفعل هذا ولم ينحاز للثورة قبل سقوط البشير بل إنحاز للإنقاذ وظلت قناته بوقا للسلطة القامعة فقد إختار فضل المولي مصيره وموقعهوعليه تحمل مسؤلية مواقفه - وهو والحال هذا ليس بوجه أو واجهة للقناة والغريبة إن السر قدور نفسه قد صرح لاحقا بأنه "أنه يحترم قرارات لجنة إزالة التمكين لأنها تعبر عن روح ثورة ديسمبر المجيدة."
04-04-2020, 03:26 AM
Elmosley
Elmosley
تاريخ التسجيل: 03-14-2002
مجموع المشاركات: 34683
الصديق كمال عباس تعلم أن الثخف السودانية تبحث عن الاثارة بغرض الريح وفد عانيت كثيرا في السابق من العناوين المثيرة وتحريف الكلام وأعتقد أن الاستاذ السر قدور اخطرني بحكم ما بيننا وبحكم انهم قرأوا هجوم عليه هنا لي هذا الموقع المؤثر وبالفعل هو اخطرني بأن الاستاذ حين طلب منه الاستمرار في البرنامج ليس حسن فحسب واكن الشريك الاكبر وجدي ميرغني فد فعل تفس الشئ ياعتبار ان السر فدور فنانا مخترفا وهذا هو عمله
04-04-2020, 03:06 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10125
طبعاً مع احترامي و تقديري ليك الشخصي و احترامي و تقديري ليك كقامة فنية لا يمكن ان يتجاوزها تاريخ الغناء السوداني هل كان اختلافنا مع الكيزان و بالتحديد حسن فضل المولى اختلاف شخصي ؟ يا موصلي انت و زينب الحويرص و عادل الصديق و تسجيلات شركة حصاد و مريم الطيب و خطاب حسن احمد و محمد السني دفع الله و غيرهم لما مشيتو القاهرة مشيتو سياحة؟ و بعدها لما مشيت امريكا ..مشيت سياحة؟ بالتأكيد لا .. مشيتو لانو الكيزان من نوع حسن فضل المولى ضيقو عليكم واسع الحيشان التلاتة يا رجل عبد العزيز العميري مات واقف بعد خمسة ايام من نظام الفاسد البشير و اعوانه الملاعين عموماً الثابت عندي ان لا تصالح مع الكيزان
04-04-2020, 03:08 AM
كمال عباس
كمال عباس
تاريخ التسجيل: 03-06-2009
مجموع المشاركات: 17142
Quote: كان الاولى بالموصلي ان يساله:لماذا انتشر هذا الخبر؟؟؟
ربما كان الخبر - خبر الإنسحاب فبركة من صحيفة السوداني -صحيفة السادن جمال الوالي والتي يرأس تحريرها البوق الإنتهازي ضياء الدين بلال ,,,,,,, خبر الإنسحاب نشرته الصحيفة وخبر العودة عن التوقف قد ورد في ذات الصحيفة وربما القصد من صدور خبر العودة هو إثارة غبار علي الخبر الأول وحفظ ماء وجه الصحيفة وإسترضاء لقدور !
يا اسامة اصلا انا لم أعرف بالموضوع الا بعد اتصال الاستاذ السر واكن بحيرني رأيك بأنه كان بنبغي لي أن أسأله اولا لم يكن لي علم بانتشار الخبر ثانيا ليس من الكياسة أن أسأله مثل هكذا سؤال ولك الود
04-04-2020, 03:28 AM
Elmosley
Elmosley
تاريخ التسجيل: 03-14-2002
مجموع المشاركات: 34683
العزيز الموصلي تحية طيبة الشهادة بتاعتك دي كفاية https://top4top.io/
عليك الله اقعد معانا هنا وحجزنا ليك بوست اغاني واغاني 2020 من هسة هنا تقيمو حلقة حلقة...وفوق عنوان رائيس ندي العيش لي خبازنو بس الطلقة ما بتكتل البكتل سكات الزول
04-04-2020, 04:25 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20437
اسامة الخوض انا وانت والموصلي من الرعيل الاول في البورد لكل مقام مقال ولكل حديث رجال ان اغرد خارج السرب فعلا ولكن باحسن الالحان امشي شوف الناس الاساوا لي السر قدور منو وليه بعدين تعال قيم عجبي في البورد مفروض يعتذرو ليه علنا في البورد ويصفو حساباتهم مع مدير قناة النيل الازرق حسن فضل المولي بعيد
04-04-2020, 06:47 AM
Elmosley
Elmosley
تاريخ التسجيل: 03-14-2002
مجموع المشاركات: 34683
الحبيب عادل لقد رمى السر قدور حجر في مياه راكدةمماحركها وفي هذا محمدة له نعم نختلف في مسألة التدوير والاجترار واحتكار مغنيبن بعبنهم لشاشته واستاذ السر مبدع كشاعر وملحن وابدع أكثر كمقدم لبرنامح ترويحي ويلعب تقديمه النجاح الاكبر في هذا الخط وكونه ابلغني بالحدث فان هذا ينم عن ثقة أقدرها له وهو بابلاغي اراد اكم أن تعرفوا ااحقيقة من مصجر مسؤول سأعود للحجيث عن الاتاذ خسن والفنانين المحتحين
04-04-2020, 07:22 AM
adil amin
adil amin
تاريخ التسجيل: 08-01-2002
مجموع المشاركات: 36925
Quote: الحبيب عادل لقد رمى السر قدور حجر في مياه راكدةمماحركها وفي هذا محمدة له نعم نختلف في مسألة التدوير والاجترار واحتكار مغنيبن بعبنهم لشاشته واستاذ السر مبدع كشاعر وملحن وابدع أكثر كمقدم لبرنامح ترويحي ويلعب تقديمه النجاح الاكبر في هذا الخط وكونه ابلغني بالحدث فان هذا ينم عن ثقة أقدرها له وهو بابلاغي اراد اكم أن تعرفوا ااحقيقة من مصجر مسؤول سأعود للحجيث عن الاتاذ خسن والفنانين المحتحين
حياك الله يا موصلي يا اصيل وانت بتعرف اقدار الرجال عشان نرد الاعتبار لي البرنامج ولعمنا السر قدور عندي ليك اقتراح شخصي تطوير البرنامج بدل الغاءه انت والسر قدور ما تجهجهونا بين سودانية 24 والنيل الازرق والدنيا بقت عوافي خلاص وتلفزيون السودان الرسمي اتحرر من الانقاذ عايزك انت والسر قدور والشباب الرائع ديل والجيل القديم ايضا تقدمو البرنامج ده في تلفزيون السودان الرسمي في رمضان وساعتين من 8 لي 10 انت الموسيقي وتوثيق الموسيقيين وهو الشعر والتوثيق التاريخي للاغاني والمعاني وبي تناول متنوع وبديك عنوان واحد من ثلاثين عنوان 1- الجنوب في الاغاني السودانية من الشفيع لي النور الجيلاني لي محمود عبدالعزيز والله من انفصل الجنوب الدنيا ذاتا مسخت لي 2- القطار في الاغاني السودانية 3- الطيور في الاغاني السودانية 4- الزمن في الاغاني السودانية 5_...مدن سودانية في الاغاني السودانية......... 6..... انت ذكي ووقعتلك لك الفكرة اكيد تجو انت والسر قدور وباقة العصافير ديل تلفزيون السودان عديل في اغاني اغاني 2020 ونتجاوز التعقيدات الادارية في هذه المرحلة وسلام مربع ودي اغنية الترحيب لك بالعودة هنا
04-04-2020, 08:05 AM
Elmosley
Elmosley
تاريخ التسجيل: 03-14-2002
مجموع المشاركات: 34683
العزيز عادل في بوست اخر لا ارى خلافا لآن المعلومات أصلا لم تكن صحيحة وانا شخصيا لو كان الكلام مبتورا كما حاء في البوست الاخر لاختلفت مع الاستاذ السر لذا فأرحو للخلافات في مثل هذه المواضيع الا تأخذ منحى سياسي نحن هسع كتجمع المهن الموسيقية دايرين نطرشق من تصرفات لاشخاص كانت تربطنا بهم علاقات وثيقة بعضهم الان ركب مكنات الا أن هناك خاطر غالي وكبير يحوشنا سن الرماح لهم والمثل بيقول(عشان خاطر عين تكرم الف عين) ولا توجد عين أغلى من عين ثورتنا العظيمة ولكن لكل حادث حديث أثمن نقترخاتك أوعدك بااحجبث عنها مع الجهات النسؤولة
04-04-2020, 08:13 AM
adil amin
adil amin
تاريخ التسجيل: 08-01-2002
مجموع المشاركات: 36925
Quote: ولا توجد عين أغلى من عين ثورتنا العظيمة ولكن لكل حادث حديث أثمن نقترخاتك أوعدك بااحجبث عنها مع الجهات النسؤولة
كفيت ووفيت اكبر كارثة انفصال جنوب السودان والحمد الله لحدي هسة مرتطبتين معانا وجدانيا وثقافيا وده اختبار لي اعلام ق ح ت وفيصل والرشيد الجنوب في اغاني السودان
لازم نرد التحية باجمل منها شوف تلفزيون الجنوب بقدم شنو ودي مهمة عايزة قامات عظيمة في الوسط الفني والموسيقي السوداني انت والسر قدور انا شايفكم قدها وقدود وبالونة اختبار لوعي الثورة الدي والقائمين علي امرها فعلا
04-04-2020, 08:39 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
سلامات يا موصلي بالنسبة لغالبية الشعب السوداني تفكيك التمكين يتقدم على أي شئ إذا عاد برنامج اغاني وأغاني او توقف هذه ليست القضية.. الموضوع الأساسي هو بل الكيزان
04-04-2020, 09:09 AM
Elmosley
Elmosley
تاريخ التسجيل: 03-14-2002
مجموع المشاركات: 34683
اهلا عزيزي عبد العظيم اتفق معك تماما سوداننا وثورتتا أكبر من أن تؤثر فيهما أحداث عرضية تبض الشارع هو البحكمنا وبورينا طريق الصاح وان نعدى على ثورتنا أحد سنغني يا شارع الخلة ولع عليك الله
04-04-2020, 09:02 AM
Elmosley
Elmosley
تاريخ التسجيل: 03-14-2002
مجموع المشاركات: 34683
والله يا عادل انفصال الجنوب اصابنا في مقتل ولكن طالما أهلنا في الجنوب اختاروا فاحترامنا لاختيارهم واجب لكن لو قالوا جايين سنفتح لهم الاذرع والقلوب. أمنيتي أن ازور جنوبنا الحبيب
04-04-2020, 09:32 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
السر قدور رفض تكملة التسجيل بعد الاقالة .. ثم بعد الضغوطات (مش الواسطات)رجع وافق يكمّل .. وأتوقع إنه ما حيقدر يرفض لان الأمور متشابكة .. هناك رعاة وقروش مدفوعة والتزامات مع معلنين وقروش انصرفت في الحلقات التي تم تسجيها فالخسارة الحتترتب على رفض التسجيل أخير منها تكملة الحلقات على أي وضع .. مع إنه البرنامج ده تم استهلاكه ولا جديد فيه نفس الأغنيات يتم تكرارها باصوات مختلفة بصورة رتيبة وعقيمة لا تجديد فيها فقد تم استهلاك القديم حتى أصبح نافد وممل
مرحب بي عودتك يا موصلي .... وهلا بي ظهورك في حلقة العيد تعال بي أغنيات جديدة بعد تمحيصها .. وتكون ذات ألحان حلوة وموسيقى خفيفة وهادية نتمنى إنك تحاول تكون حلقتك دي متفردة ومختلفة من باقي حلقات البرنامج المملة
04-04-2020, 10:19 AM
عمر نملة
عمر نملة
تاريخ التسجيل: 11-08-2009
مجموع المشاركات: 2550
سلام ومحبة الاستاذ المرهف الموصلي مرحب بعودتك... في عز ايام القتل و الوطن مفجوع... رفض السر قدور و رهطة إيقاف تسجيل البرنامج بحجة العقد المبرم.. و دا فهم احترافي... الان عند عزل المدير.. بكل بساطة انسحب القامة قدور من البرنامج... اذن الحكاية ليست احترافية... احترامي لتاريخ قدور الفني.. لكن هذا الموقف يحسب عليه.. ويلزمة اعتذار للشعب ومحبية ٨
04-04-2020, 10:34 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
قريبي الفنان الرائع الموصلي كنا في سيرتك قبل فترة في قناة اشمالية بنت صغيرة كانت تردد اغنيتك ( بلادنا نعلي شانا ) في مهرجان مدرسي لحنك جميل يا الحبيب .. خاصة الاغنية دي معجزة كلمت الجماعة قلت ليهم زول ده قريبنا ديل ناس بلالتود في مراوارتي الجزيرة الرائعة
أهلاً الموصلى .. امبس
04-04-2020, 02:40 PM
Elmosley
Elmosley
تاريخ التسجيل: 03-14-2002
مجموع المشاركات: 34683
الحبيب عمر لعلك طيب لو قريت البوست الأصلي تجد أن الأستاذ السرقال لي بالخرف أنه لم ينسحب وبالمناسبة تصريحات بعض المشاركين انصرافية وساذحة ولا تنم عن أي احترافية كل الود
04-04-2020, 12:22 PM
Elmosley
Elmosley
تاريخ التسجيل: 03-14-2002
مجموع المشاركات: 34683
حياك يا موصلي طبعا دابك جيت نضيفك بس عايز وواحد من ناس ق ح ت ديل وهم ماسكين تلفزيون السودان ده ليهم سنة شنو الابداع الجديد المفيد القدمو عشان يقيمو برنامج اغاني واغاني من الاساس شفت زي ما قلت الناس ديل يفقعو مرارة اي زول في البورد ده ذاتو يكرهوك الثقافة ذاتا عشان كده قدمت ليك رؤية مطورة للبرنامج تكون ذت مضمون توثيقي باسس جديدة شفت الاسس الجديدة مشكلة بعاعيت ق ح ت في البورد والسودان
وانفصال جنوب السودان اضطراري عشان ديل يشبعو نرجسيتهم العروبية بس ما فرق بين جماعة مايو ديل 1969 كيزان 1989 في العروبة المستعارة وهسة دي رؤيتي لتطوير هذا البرنامج ويقدم في تلفزيون السودان الرسمي والله ديل لو ما الكرونة دي ما كان قدرو يملو ال24 ساعة بث في تلفزيون السودان ويعيدو في البرنامج القديمة اول مرة اشوف لي ثورة كيسا فاضي ذى دي لا حامل فكري محترم ولا مشروع سياسي واضح كدي يصلحو تلفزيون الحكومة بعد داك يمشو لي الفضائيات الخاصة
Quote: عايزك انت والسر قدور والشباب الرائع ديل والجيل القديم ايضا تقدمو البرنامج ده في تلفزيون السودان الرسمي في رمضان وساعتين من 8 لي 10 انت الموسيقي وتوثيق الموسيقيين وهو الشعر والتوثيق التاريخي للاغاني والمعاني وبي تناول متنوع وبديك عنوان واحد من ثلاثين عنوان 1- الجنوب في الاغاني السودانية من الشفيع لي النور الجيلاني لي محمود عبدالعزيز والله من انفصل الجنوب الدنيا ذاتا مسخت لي 2- القطار في الاغاني السودانية 3- الطيور في الاغاني السودانية 4- الزمن في الاغاني السودانية 5_...مدن سودانية في الاغاني السودانية......... 6.....
04-04-2020, 02:52 PM
Elmosley
Elmosley
تاريخ التسجيل: 03-14-2002
مجموع المشاركات: 34683
نحن ناس قحت ديل بنديهم فرصتهم أكيد يا عادل انت ما معانا هنا وما شفت حجم الخراب الخلاهو بشة وزبانيته والله خراب اميىركا والصين مآ يصلحوهو بس المشكلة انو في ناس ما قدر التحدي ده وحمدوك نحن مشفقين عليه أفكارك ستتأملها بتأن وكل شئ ممكن
04-04-2020, 03:01 PM
Elmosley
Elmosley
تاريخ التسجيل: 03-14-2002
مجموع المشاركات: 34683
لمن لا يعرفون الاستاذ السر قدور قد ضماه والده لحزب الأمةسنة ١٩٤٨ وطيلة فترة المعارضة في التجمع الوطني بالقاهرة ظل ناشطا منتدبا في حزب الأمةوكان له عامودا يوميا توثيقي بجريدة الخرطوم المعارضةانذاك بقيادة د الباقر وللحديث بقية
04-04-2020, 03:02 PM
Elmosley
Elmosley
تاريخ التسجيل: 03-14-2002
مجموع المشاركات: 34683
لمن لا يعرفون الاستاذ السر قدور قد ضماه والده لحزب الأمةسنة ١٩٤٨ وطيلة فترة المعارضة في التجمع الوطني بالقاهرة ظل ناشطا منتدبا في حزب الأمةوكان له عامودا يوميا توثيقي بجريدة الخرطوم المعارضةانذاك بقيادة د الباقر وللحديث بقية
04-04-2020, 03:13 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
Quote: لقد رمى السر قدور حجر في مياه راكدةمماحركها وفي هذا محمدة له نعم نختلف في مسألة التدوير والاجترار واحتكار مغنيبن بعبنهم لشاشته واستاذ السر مبدع كشاعر وملحن وابدع أكثر كمقدم لبرنامح ترويحي ويلعب تقديمه النجاح الاكبر في هذا الخط وكونه ابلغني بالحدث فان هذا ينم عن ثقة أقدرها له وهو بابلاغي اراد اكم أن تعرفوا ااحقيقة من مصجر مسؤول سأعود للحجيث عن الاتاذ خسن والفنانين المحتحين
صدقت فالسر قدور مهما اختلف حوله ساهم في الاغنية السودانية واهم اعماله الإضافة القدمها أغاني واغاني للمكتبة السودانية واثراءها بأداء متنوع للمغنين ولو كان على نفس المنوال المعاد .. بما وإنه عودته كما رشـح متعلق جانب كبيـر منها بمسألة العقود والشروط ومسائل ماليـة ومن ثم تقبل الكتير له وبرنامجه ولا ضرر ولا ضرار وإخلاصاً للثقة الولاك ليها فبرضو بديك رأي مخالف لكلام حبيبنا الرجعي عادل امين.. انسى كلام جقود بتاع الثقافة المركزية دي وانصحه بانه يختم موسمه وهو بيسلم البرنامج وزمنه وماحققه من اسم وتاريـخ لمقدم تاني بمنهج وفكرة جديدة تخرجنا من النمط المكرر دا لاغاني نخبة ام درمان.. بل وماضروري فكرته تقوم على ترديد الاغاني عندنا انمط موسيقية وإيقاعات والحان مختلفة على اختلاف بقاع السودان اليقدم ويعرف على الايقاعات دي بنماذج غنائية ومؤلفات حديثة .. عاوزين يؤدوا بأي لغة ولهجة على كيفهم او يرددوا اغاني اصلية وتراثية لكن تكون الفكرة على ايقاع ونمط المنطقة وتأليف جديد او اي اسلوب يعرف ويقدم تنوع وثراء اختلافاتنا في ناحية موسيقية ..
طبعاً الجقود المدعو عادل امين بيقول ليك فيدرالية والسودان كله وبحب اجنوبيين وهرج وبلط ونفييخ لكن لايخرج عن دائرة الطنبور والقطار والقطا .. سودان يغني ليهو بالطنبور وجنوبيين يغنوا ليهو بالعربي وعن النخيل او شماليين يغنوا للجنوب ومدن السودان التانية .. ودا عين الشئ الشغال ودائرة سيدي من زمن وستمنستر وحنفي الدقم :)
المهم الاحترام والتقدير للسر قدور وشكرا لمجهوده وكتر خيره ولي هنا كفاية يآخي .. إتقاعد بعد كدة وخلي غيرك يملأ المساحة دي بشئ مختلف يمثل الجيل الجديد.. واوعك تسمع كلام قطر كريمة :)
تحياتي
04-04-2020, 04:09 PM
كمال عباس
كمال عباس
تاريخ التسجيل: 03-06-2009
مجموع المشاركات: 17142
المستر عادل أمين أنت من يلزمك الإعتذار للجميع فأنت من روج لفرية أن الحكومة وقحت وأوقفت برنامج السر قدور وحرمت الناس منه و هذا كذب وتلفيق ..-لجنة التمكين أوفقت حسن فضل المولي ولم تحظر برنامج أغاني وأغاني ولم تتعرض للسر قدور 2- صحيفة السوداني نشرت تصريحا للسر قدور أعلن فيه عن التوقف عن البرنامج تضامنامع حسن فضل الله المولي 3-ثم عادت لتنقل عنه تصريحا آخر ثبت فيه علي صحة الإنسحاب ولكنه ذكر بأنه عدل عن الإنسحابوقرر مواصلة برنامجه 4- ثم عاد السر قدور لينفي عبر صديقه الموصلي نبأ الإنسحاب ولكن كان علي السر قدور أن يعلن نفيه هذا عبر صحيفة السوداني ويتهمها إن لم يقاضيها بنشر أخبار كاذبة ومضللة عنه فموقع سودانيزاون لاين لم يكن مصدر للخبر وإنما ناقل لهكعشرات المواقع - الان الوسط الفني والإعلامي والجماهيري في سودانيز اون لاين أم امهم خبر الإنسحاب ونبأ العدول عن ه إستجابة للوساطات ولم يصلهم نفي وتكذيب لصحيفة السوداني 5- كتاب سودانيز أون لاين -تعاملوا بحزم ثوري مع إنسحاب السر قدور تضامنا مع السادن فضل ا لمولي ومع نبأ عودته - المجوبق' عن الإنسحاب - وسيظل هذا دأبنا مع كل من يرفض تصفية التمكين ويتضامن مع الفلول * هناك من وجدها فرصة ليعلن إختلافه مع البرنامج -لأسباب ذوقية وفنية بإعتباره مكرورورتيب ومشوه للفن وفيه تقليد ونسخ لأغاني الغير بلاتجديد ولا إبداع *ومن قدر وقيم دور السر قدور ولكنه إعترض علي إنسحابه*من إستشهد بمواقف سالبة لقدور و شلته -في زمن الإنقاذ*ومن رأه أن الوقت قد آن لترجل السر قدور ,,,,,,,,,
04-04-2020, 04:27 PM
كمال عباس
كمال عباس
تاريخ التسجيل: 03-06-2009
مجموع المشاركات: 17142
المستر عادل أمين أنت من يسبح خارج مجري الثورة أها السر قدور أعلن إنه يحترم قرار لجنة التمكين والثورة المجيدة والموصلي مع الثورة * والصوفية خرج في مواكب تاريخية مع الثورة وكذلك الختمية والأنصار والإتحادي الأصل أعلن تأييد الثورة * والجمهوريون في قلب الثورة وقد إستعانت بهم حكومة الثورة ,وفتح إعلام الثورة أبوابه لهم والان يتمتعون بحقهم في التعبير والتنظيم *شعب الجنوب خرج متضامنا مع الثورة وهاتفا نحن مرقنا مرقنا ضد الناس الفصلو بلدنا * وتبقي الفلول وعادل أمين ضد الثورة والحرية والتغيير فعادل أمين الكهوفي لازال ينادي بإعادة دستور 2005 الشمولي الإنقاذي علما بأنه -دستور إسلاموي -دستور مؤقت وقد إنتهت صلاحيتها بإنفصال الجنوب -كرس معظم السلطات في يد رئيس الجمهورية - شرعن وقنن إستفراد المؤتمر الوطني بالسلطة في كل الشمال ,,,,,,,
04-04-2020, 04:47 PM
عبدالله الشقليني
عبدالله الشقليني
تاريخ التسجيل: 03-01-2005
مجموع المشاركات: 12736
Quote: يا ليت يا كمال عباس تدينا رابط المصدر أو صورة من الصحيفة
جدا ..
Quote: تصريح خاص لـ(السوداني) … السر قدور يقرر إيقاف تسجيل حلقات اغاني وأغاني المنوعات والفنون By Alsudani On 2 أبريل, 2020 10:58 م - 17٬269 0
الخرطوم: تفاؤل العامري
كشف الإعلامي و الشاعر السر قدور عن إيقاف تسجيل حلقات برنامج اغاني وأغاني لهذا العام بعد قرار لجنة إزالة التمكين بتوصية إعفاء مدير القناة حسن فضل المولي . وقال قدور في تصريح لـ(السوداني) إن قراره لا رجعة فيه قائلا : “إيقاف حسن يعني نهاية القناة وانا ما عايز اشارك في النهاية” , مؤكدا أنه اخطر رئيس مجلس الإدارة وجدي ميرغني والذي طلب منه ضرورة عقد إجتماع السبت القادم عقب حضوره من مدينة القضارف, و تابع” كما اخطرت حسن والذي طلب مني المواصلة ورفضت وأخيرا اخطرت عمار شيلا ” و اشار قدور الي تسجيل (16) حلقة من البرنامج و يمكن للادارة بثها اذا ارادت ذلك الادراة مشددا على أن قراره لا رجعه فيه..
المصدر http://www.alsudaninews.com/؟p=62624http://www.alsudaninews.com/؟p=62624 الخبر الثاني .
Quote: السر قدور يعلن عودته مجدداً إلى (أغاني وأغاني) المنوعات والفنون By Alsudani On 3 أبريل, 2020 4:59 م - 1٬323 0
.........
Quote: الخرطوم: تفاؤل العامري كشف الإعلامي مقدم برنامج (أغاني وأغاني) السر قدور، عن عودته مجدداً لمواصلة تسجيل ما تبقى من حلقات البرنامج عقب رفضه التسجيل بعد قرار إعفاء مدير القناة حسن فضل المولى. وكشف قدور لـ(السوداني) عن أن الوساطات أعادته للبرنامج مرة أخرى، مشيراً إلى أن الحلقات ستكون مشبعة بروح الثورة وأنه الموسم الأول بعد نجاح الثورة. وقال قدور عبر حوار مطول ينشر لاحقاً. إن حسن فضل المولى كان الأكثر إصراراً على عودته، مؤكداً عودة ومشاركة كل المطربين بمن فيهم الذين أعلنوا المقاطعة. وأكد قدور على أنه يحترم قرارات لجنة إزالة التمكين لأنها تعبر عن روح ثورة ديسمبر المجيدة.
كشف الإعلامي و الشاعر السر قدور عن إيقاف تسجيل حلقات برنامج اغاني وأغاني لهذا العام بعد قرار لجنة إزالة التمكين بتوصية إعفاء مدير القناة حسن فضل المولي . وقال قدور في تصريح لـ(السوداني) إن قراره لا رجعة فيه قائلا : “إيقاف حسن يعني نهاية القناة وانا ما عايز اشارك في النهاية” , مؤكدا أنه اخطر رئيس مجلس الإدارة وجدي ميرغني والذي طلب منه ضرورة عقد إجتماع السبت القادم عقب حضوره من مدينة القضارف, و تابع” كما اخطرت حسن والذي طلب مني المواصلة ورفضت وأخيرا اخطرت عمار شيلا ” و اشار قدور الي تسجيل (16) حلقة من البرنامج و يمكن للادارة بثها اذا ارادت ذلك الادراة مشددا على أن قراره لا رجعه فيه.
تصريح خاص للسوداني وذاكر فيه التفاصيل الدقيقة دي شاملة إخطاره لوجدي ميرغني وإخطاره لحسن وعمار شيلا وفووووق مكتوب التصريح اتقال لي منو : تفاؤل العامري بالله يجي بس يتصل بالموصلي يقول ليه الكلام دة كذب وخلاص!! ليه ما اتصل برئيس التحرير بتاع السوداني يقول ليه تفاؤل كضابة!
Quote: اتصل بي صديقي الاستاذ السر قدور ونفى تماما أنه قرر التوقف عن تسجيل برنامجه الشهير أغاني و أغاني
ببساطة يا السر قدور ارفع سماعة التلفون واتصل بي هيئة تحرير السوداني خليها تنشر الخبر هناك .. وإلا يكون شغلك دة لعب على الحبال
وعليك الله موضوع ثورتنا المجيدة وبتاع دة خليهو لأنه لما الناس كانوا بموتوا قدام القيادة العامة انت وفريقك كنتو بترقصوا وتغنوا في تلفزيون النيل الأزرق وما جبتو سيرتها ولا حتى قلتو نأجل حفلتنا يوم واحد عشان في ناس ماتت
04-04-2020, 07:16 PM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 24989
Quote: وعليك الله موضوع ثورتنا المجيدة وبتاع دة خليهو لأنه لما الناس كانوا بموتوا قدام القيادة العامة انت وفريقك كنتو بترقصوا وتغنوا في تلفزيون النيل الأزرق وما جبتو سيرتها ولا حتى قلتو نأجل حفلتنا يوم واحد عشان في ناس ماتت
١٠٠٪
04-04-2020, 09:05 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20437
أقول رأيي المتواضع وأتمنى ألّا يُفهم غلط. في نظري أن هذا البرنامج من أساسو برنامج ترفي لا داعي له، خصوصاً في هذه الظروف. فرحت إنه انتهى لكن عمنا السر قدور جايي جايي. نحن بنغني على شنو أصلاً؟ كرهت القنوان السودانية جد لأني كلما أفتح أي واحدة منها إما ألقى غناء أو مديح أو غناء أو مديح أو هبالة من الممثلين الذين لا أدري من درّسهم أو قال لهم أن الدراما هبالة وخَلْقَنة وعوارة!!!. والله يا أستاذنا الموصلي لو عندي قرار أقفل القنوات دي نهائياً. ليه؟ وين البرامج التثقيفية الحقيقية، وين الخبراء والأكاديميين والعلماء البنتشدّق بيهم بين العالمين؟ ( أتمنى يوم واحد تقوم قناة من القنوات دي تعمل لقاء مع الوزير الدكتور محمد الأمين التوم، مثلاً)، ليش قنواتنا كلها شغالة هبالة؟ ووين الثورة القالوا ثورة؟ شخصياً من أول أسبوع لهذه الثورة قلت لأصدقائي الله يعوضكم ويعوض العيال الماتوا سمبلا ... فضائياتنا شغالة هبالة ... هبالة بمعنى الكلمة.
كن بخير.
04-05-2020, 03:03 AM
Elmosley
Elmosley
تاريخ التسجيل: 03-14-2002
مجموع المشاركات: 34683
حيدر لعلك طيب اتفق معك في ٩٠ بالمائة فيما تفضلت به شكرا لانسافك السر قدور ومافي زول قينا كامل ومكمل لكن فاجأني الاستاذ فيصل محمد صالح في رده علة ضياء الدين بلال بانصافه الاستاذ حسن فضل المولى في مواقفه تجاهه كصحفي في نساركاته بالنيل الأزرق وهذا يشهد يشجعاعته موزير في حكومة الثورة وهذا يعصدد إيماني بالنظر الى الأشياء من زوايا متعددة اليك كلام اىاستاذ فيصل وزير الإعلام السوداني فيصل محمد صالح ردا على ضياء الدين بلال.. يكتب : الضمائر لا تباع في أسواق قطع الغيار، إن كنت لا تعلم. --- للقراءة والتعقيب
الأستاذ ضياء الدين بلال تحياتي قرأت بمزيد من الدهشة والعجب ما كتبته اليوم على صفحات السوداني وعلى صفحتك في فيسبوك، ولقد اتضح لي أنك تريد تصفية حساباتك الشخصية مع لجنة التمكين بسبب قرار سابق يتعلق بصحيفة "السوداني" ، وقررت أن تتخذ مني ومن وزارة الإعلام حائط سد تقف من خلفه لتوزع وصفاتك واتهاماتك للجنة التمكين وزارة الإعلام، من شاكلة ( فعل رخيص، التشفي الحقود، دناءة الأنفس، شح الأخلاق، تحالف الضعف والخبث). لتوضيح الأمور أرجو أن تسمح لي بتوضيح الأمور، دون الاستعانة بقاموسك اللغوي الذي أربأ بنفسي أن أغترف منه. لم يحدث الاجتماع الذي ذكرته في مقدمة مقالك، لا من حيث التاريخ ولا من حيث الأجندة، رغم أنني التقيت بالأستاذ حسن فضل المولى في اجتماعين، وألتقيت به مرات عديدة في مناسبات أخرى. ولم يعرض علينا الأستاذ حسن فضل المولى الاستقالة، ببساطة لأننا لسنا الجهة المخولة بذلك، ولا نملك حق قبولها أو رفضها. حكومة السودان شريكة في قناة النيل الأزرق بأقل من ٣٠،٪ من الأسهم ، بينما يملك بقية الأسهم رجل الأعمال وجدي ميرغني، وبالتالي هو صاحب القوة التصويتية الأعلى في مجلس الإدارة. ولو كنا أصحاب القرار ونريد من أي شخص أن يبتعد لفعلنا ذلك بوضوح، لم نعتد على الخبث والنميمة والتآمر، وقلنا كلمتنا كما كنا نود أن نقولها في أصعب الظروف وأحلك المواقف، لم نعتذر بالظروف ولا غلفناها بالضحكات الماكرة ولا استعضنا عن ذلك بالمناورات، والتاريخ شاهد وعالم. ثانيا لعلك تعلم أن لجنة التمكين تستند على قانون تمت إجازته في اجتماع مشترك للمجلسين، وهي الجهة التشريعية الحالية، وبالتالي فإن قراراتها ملزمة، سواء أعجبك قرارها أم لا. وهي لجنة مستقلة يمكن أن تستشير الوزارات والمؤسسات في بعض الأمور، لكنها تتخذ قراراتها بناء على مصادر متعددة، ونحن في وزارة الإعلام نحترم قرارات اللجنة ونلتزم بها. على المستوى الشخصي ظل تعاملي مع الأستاذ حسن فضل المولى يشوبه التقدير والاحترام المتبادل. وأحفظ للأستاذ حسن فضل المولى أنه أتاح لي ولغيري فرص عديدة في برامج القناة في فترة صعبة، وسأظل أحفظ له ذلك، ولا أحتاج لضمير قديم أو جديد لأقول هذا، فالضمائر لا تباع في أسواق قطع الغيار، إن كنت لا تعلم. لقد سكتنا زمنا على إشاراتك واتهاماتك الموزعة هنا وهناك، مراعاة لاعتبارات كثيرة، لكن تم استنفادها، وهذا للعلم.
04-04-2020, 10:57 PM
Amira Hussien
Amira Hussien
تاريخ التسجيل: 11-26-2016
مجموع المشاركات: 1716
Quote: حبيبنا عمر والسر قدور نفى بابلاغه لمصدر تثقون فيه اليس كذلك؟؟ بعدين يا عمر ياخ انت عارف الصحف بتزيد المبيعات كيف
الموضوع ما عندو علاقة بالثقة ببساطة كدة نفي وتكذيب الخبر بكون في مكان نشر الخبر لو قال اتصلت بيهم وأبو ينشروا التكذيب في الوقت داك وسائط التواصل بتجيب ليه حقه منهم لكن يقول ليك في التلفون براك وحتى بدون تسجيل صوتي دة لعب على الحبال ممكن أصدقك لكن ما بصدقو لأنه شايف بي عيني 3 من الفنانات المعاهو أعلنن ذات الموقف صوت وصورة فمافي سبب يخليني أقتنع بي إنه هو ما قال وهن قالن
Quote: هسع انا اقول شنو على هذا الافك والكذب ياخي هون على نفسك شويه وانسى الفات (اعوذ بالله) " بالمناسبة تاني رد عليك مافي وان قلت عني ما لم يقله مالك في الخمر ولن افتح اي مشاركة لك وليس لدي وقت اضيعه مع ترهاتك
انت بتتكلم مع منو يا استاذ؟
04-05-2020, 04:24 AM
adil amin
adil amin
تاريخ التسجيل: 08-01-2002
مجموع المشاركات: 36925
المرجف كمال عباس الفاشل البغطي دقنو ويجي يعوس في بوستات الناس اطلع ذى باقي الرجرجة في البورد البوستات وراي في الحاصل في السودان منشور علي الملا وواضح ما فاضح ومدعم بي الصور واالارركس كمان لنوعك ده وين ان قلت ولي نشرت انه فلان ولي علان جدع فلان ولي علان من النلفزيون البوست بتاع زهير جاب الخبر وجيتو اتلميتو تردحو في البرنامج وفي السر قدور بكل صفاقة قح تر المعروفة وانا دافعت عن السر قدور وبرنامجو وقلنا ليكم انتو عندكم شنو في تلفزيون السودان الرسمي يا منافقين حتي الاخبار البتنشروها للشعب السوداني فطيرة وبليدة وكلومشروح واعلام ق ح ت ليه سنة واضح خاوي وممل لارؤية ولا اتجاه
اما باقي هذيانك السياسي ده قريب بتمشي الضل ذى السبوقك هنا والحركة الجمهاهيرية حتتجازوكم يا بعاعيت مايو 1969 المستهبلين وبنفضل انا وبكري ابو بكر والجمهورييين والختمية الاصل في البورد ده ونطفي النور انت تعال في البوستات المفتوحة مارس هذيانك غير المفيد وبضاعتك البايرة دي عشان يعرفو الناس كيسكم الفاضي واساليبكم الرخيصة في التعامل مع فيروس الانقاذ-30 تي بتوديكم وين ونجي نشمت فيكم انا وابله ظاظا قريب جدا مضللين الشباب بي علم مايو بلا خجلة لا رؤية لا برنامج واضح وهسة ما تلف وتدور ده انقلاب 2019 بواسطة اللجنة الامنية وجهاز الامن اللاومني والجنرالات المدجنين في خدمة مصر والمخابرات المصرية من زمن الصاغ صلاح سالم لي دمبلاب وجابت كمان دول الخليج لحراسة مصالح هذه الدول الخبيثة في السودان وشركات الامن والانقاذ قاعدة والدولارات بي الطن في البيوت وفي حسابات معروفة وانت في تراهات حمدوك محاسن جيبي 100$ دولار امرق لي برة بي تراهاتك دي انا فاتح بوست كبير عريض اسمو ق ح ات وطموحات زهرة عباد الشمس لي زي نوعك ده ما تدلس في البورد وشوف الجاب خبر السر قدور منو في البورد وشوف مداخلاتي فيه
04-05-2020, 06:35 AM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8789
من ناحية فنية برنامج اغانى واغانى يعتمد تماما على اجترار اغانى قديمة الى متى سوف نجتر غناء انتج قبل ما يزيد عن 70 سنة ماهى الاضافة الفنية المتغيرات الاجتماعية والاقتصادية تشكل ذائقة جديدة مختلفة تحتاج لمفردة جديدة والحان جديدة واداء جديد تطورت الموسيقى وفتحت المعاهد الفنية وتخرج منها عشرات كذلك قدور غير امين فى السرد وكثيرا ما صحح له عاصم البنا اخطاء وفى بوستات بوردنا هذا تم تفنيد كثير من المعلومات الخاطئة التى يذكرها
اختيار من يشارك فى البرنامج يخضع للمزاجية تجد اصوات ضعيفة جدا تشارك وتستبعد اصوات جيدة
قدور يختار ويروج فقط لنوع واحد من الغناء السودانى وهو غناء الوسط
من ناحية السلوك قدور ضعيف جدا ومتهافت امام المال ولدى معلومات عن سلوك بغيض فى قضايا مالية
اعلان التوقف عن البرنامج قصد منه الابتزاز اعتقادا منه بالحصول على تجاوب وعندما تاكد له سريان القرار اعلن عن تراجعه
04-05-2020, 07:47 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
أولا مرحبا بعودة صديقنا الموصلي ومن خلاله تحية خاصة للقامة السر قدور والذي وبحكم الجيرة فقد عرفناه منذ صغرنا وطفولتنا وعرفنا اسرته ايقونة الفن في الدامر وماجاورها وهي اسرة مبدعة نسائها ورجالها ولم تبخل على الوطن وفي كل المجالات . وايماني القاطع ان رئيس تحرير السوداني يريد التعبير عن مرارات شخصية بالصيد في الماء العكر ونشر الغشاوة ما بين قدور ومعجبيه . ثانيا للذين يقولون بتوقف البرنامج عند نوستالجيا اجترار الماضي وعدم تقديم الجديد أؤكد لهم ان هذا الاجترار مقصود في حد ذاته ومطلوب لنا نحن كاجيال سابقة لنطرب ونستذكر ماضينا ولاجيالنا اللاحقة للتعرف على ارث من سبقوهم وعرضه بادوات قريبة من مزاجهم ولتثبيت زخم التواصل. اما الباحثون عن الجديد في الموسيقى والكلمة والأداء فالبرامج المخصصة لذلك على قفا من يشيل لن تؤثر عليها ثلاثون دقيقة حتى ولو كانت في اجترار الماضي والذي طالما نفخر به ولن نتناساهو. تحية لكل زوار البوست من كتاب وقراء واسأل الله لكم جميعا دوام الصحة والعافية.
كلام الخواض عن عادل امين يا موصلي ما ترميه واطاة نحن عجزنا عن ترويضه
ههههه
04-05-2020, 11:07 AM
adil amin
adil amin
تاريخ التسجيل: 08-01-2002
مجموع المشاركات: 36925
Quote: كلام الخواض عن عادل امين يا موصلي ما ترميه واطاة نحن عجزنا عن ترويضه
ههههه
فصك وفص اسامة الخواض ان ليس جزء من قطيع في البورد انا حر لو انت قحتي عندك اعلام وابداع جيد خلينا نشوفو في فضائية السودان الاصلية الحكومية قبل تبخس برنامج الاخرين انا اغرد خارج سرب الغربان وباعذب الالحان العيب فيكم يا ق ح ت يين وحكامات حمدوك هسة الرجرجة الهنا ديل هاجمو البرنامج والسر قدور واللاوعي القذر بتاعم موجه بابلوفيا الي حسن فضل المولي يعني بعياينو للفيل ويطعنو في ضلو خلاس الجنرال حسن فضل المولي اتعرفت جنرالات 5+18 المجدنيين لي الخارج وبصورة مفضوحة ديل البزحهم من راسنا شنو ديل لا لجيش السوداني ولا الامن السوداني ديل اللجنة الامنية بتاعة البشير والانقاذ اقعد ملس واتمسخر لحدي الطيارة تفوتك انت راجل ما عاجبك الكلام بالقولو ولي اكتبو امرق لي بره في السهلة عديل الراس بي الراس والرجال تموت متوافية البوستات مفتوحة ومالية البورد او انقرع الرايش الزيك ده مفروض ذاتو ما يردو عليه **** محاسن جيبي 100$ لي حمدوك
04-05-2020, 01:09 PM
كمال عباس
كمال عباس
تاريخ التسجيل: 03-06-2009
مجموع المشاركات: 17142
Quote: وبنفضل انا وبكري ابو بكر والجمهورييين والختمية الاصل في البورد ده ونطفي النور انت تعال في البوستات المفتوحة مارس هذيانك غير المفيد وبضاعتك البايرة دي عشان يعرفو الناس كيسكم الفاضي واساليبكم الرخيصة في التعامل مع فيروس الانقاذ-30 تي بتوديكم وين ونجي نشمت فيكم انا وابله ظاظا قريب جدا مضللين الشباب بي علم مايو بلا خجلة لا رؤية لا برنامج واضح وهسة ما تلف وتدور
وكمان عايز تتضاري وراء بكري أبوبكر ؟ بكري أبوبكر مع الثورة والختمية والأنصار معها والجمهوريين في قلب الثورة ويتمتعون بحرية النشاط في عهدها... أما نغمة علم مايو فدي أسأل عنها دستور 2005 وناس نيفاشا ليه ماشالو العلم وليه ماجابو نظام الأقاليم ؟ وليه ما ألغوا قوانين سبتمبر وحد الردة ! * نحنا قدامنا الدستور الدائم هو الذي سيحدد شكل الحكم وطبيعة الجمهورية : رئاسية أم برلمانية - والعلم وحسم مسألة الهوية الخ دستور دائم يجيزه الشعب بإستفتاء أو عبر برلمان منتخب... هناك أمور لاتحسمها الوثيقة الدستورية المؤقتة ولا الدساتير الإنتقالية وإنما دستور مجاز من قبل الشعب ... * أيوة ياعادل أمين إنت لميت في طرف خبر إنسحاب قدور من قناة النيل الأزرق وصورتو وكأنو الحكومة مسؤولة عن ذلك وإنها أوقفت برنامج السر قدور وحرمت الناس منه و هذا كذب وتلفيق ..-لجنة أزالة التمكين أوفقت حسن فضل المولي ولم تحظر برنامج أغاني وأغاني ولم تتعرض للسر قدور
04-05-2020, 01:35 PM
Elmosley
Elmosley
تاريخ التسجيل: 03-14-2002
مجموع المشاركات: 34683
زد الشيخ ازيك ياخي عادل صديق قديم ويقف معي دوما الله لا جاب يو شكره واعتق\ ان خلافه مع البعض هنا سياسي أكثر منه فني والسودانيين في السياسة انت عارفهم براك هسع عادل يزور واحد من الاساتذة ديل أو يزوروه يضبحوا لي بعض و كل الود
04-06-2020, 03:52 AM
adil amin
adil amin
تاريخ التسجيل: 08-01-2002
مجموع المشاركات: 36925
Quote: زد الشيخ ازيك ياخي عادل صديق قديم ويقف معي دوما الله لا جاب يو شكره واعتق\ ان خلافه مع البعض هنا سياسي أكثر منه فني والسودانيين في السياسة انت عارفهم براك هسع عادل يزور واحد من الاساتذة ديل أو يزوروهيضبحوا لي بعض و كل الود
تعجبني يا الحبيب الموصلي ديل اصلو انا ضابح ليهم كديسة من زماااااااان في البورد ده اضبح ليهم شنو ؟؟ الضبيحة لي الرجال البدخلو البيت من باب الرجال بس ؟؟؟
https://top4top.io/
انا بشجع الكديسة دي لو وعت ...وركبت مكنة حركة شعبية وريحتنا من وغش المركز ده نهائي
04-05-2020, 01:28 PM
Elmosley
Elmosley
تاريخ التسجيل: 03-14-2002
مجموع المشاركات: 34683
معاك انت يا استاذ أحمد وأنا مدلن لك باعتذار كبير كبير كبير قدر الدنيا و أرجو أن تعذرني وتقبله واذا عرف السبب قد يبطل العجب فانا كنت اتكلم عن كورونا الذي تسبب في تأخير أعمالنا التي ألفناها أثناء الثورة حيث كانت خيمتنا أمام المسرح الرئيسي بالقيادة وهي من أوائل الخيم التي انضربت في فض الاعتصام لم نحك لانا الناس قدمت بأرواحها أنت كنت تتحدث عن السر قدور في تلك الفترة وانا فهمت أن الكلام موجه الى شخصي وزملائي فألمني ذلك كثيرا اذا فأنا أسأت القراءة والفهم ورديت بعنف لفظي في غير الموضع أرجو أن تقبل محبتي واحترمي واعتذاري الشديدين
04-05-2020, 01:16 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18010
Quote: أيوة ياعادل أمين إنت لميت في طرف خبر إنسحاب قدور من قناة النيل الأزرق وصورتو وكأنو الحكومة مسؤولة عن ذلك وإنها أوقفت برنامج السر قدور وحرمت الناس منه و هذا كذب وتلفيق ..-لجنة أزالة التمكين أوفقت حسن فضل المولي ولم تحظر برنامج أغاني وأغاني ولم تتعرض للسر قدور
البليد الما بفهم قناة النيل الارزق قناة خاصة وانتو ما مسؤلين من الذوق العام في القنوات الخاصة وفي نايل سات في 1400 قناة شمعتو عبدالحي مشا فتح قناة طيبة في تركيا عايز تكون وصي علي وعي الناس ودين الناس وذوق الناس انت ومعتفنين ق حت ماذا تقدمو في تلفزيون السودان الحكومي من 6ابريل 2019 لحدي 6ابريل 2020 ده المطلوب منك تجاوبو ثانيا ق ح ت لا تمثلني ودي ما ثورة ده انقلاب رابع 2019 بعد انقلاب 1958 و1969 و1989 ونفس الناس ونفس الادوات في الداخل والاقليم والعالم خليك في حدود ق ح ت بتتاعتك دي وعلم مايو 1969 ومثلث الحمدي واتلهي انا حر ما شايف ثورة اطلاقا والثورة البعرفا ما جات لحدي هسة مشكلتك شنو ؟؟ ولمن اقول بكري ابوبكر لانه عمليا صاحب الموقع المالك للموقع واقول ذلك لاسباب تقنية ما ضروري يكون معاي بس الموقع ما غرزة شيوعيين وكل محاولات النسنسة في البورد ما بتوقفني من الكتابة هنا اطلاقا خليك في عالمك البليد وانتظر النتائج بس
04-05-2020, 03:58 PM
كمال عباس
كمال عباس
تاريخ التسجيل: 03-06-2009
مجموع المشاركات: 17142
كضبا كاضب الدولة السودانية تملك اسهم مقدرة في قناة النيل الأزرق -امشي ذاكر كويس !
ثانيا الحكومة السودانية وحتي علي مستوي القنوات الخاصة تملك حق سحب التراخيص او عدم تجديدها وإعادة تجديدها وفق ضوابط جديدة!- القنوات الخاصة كانت تمنح بصورة ملتوية علي أنصار السلطة والمهادنيين ومن لايعارضها ! الدولة في العهد الجديد انتهجت خط ثوري لتصفية التمكين والشمولية فما الذي يغيظك في هذا ! ولكنها لم تحظر برنامج أغاني وأغاني وصاحب البرنامج نفسه اكد علي احترام قرارات لجنة تصفية التمكين وتثمين الثورة ! ان كنت حقا جمهوري او مناصر لهم فا اعلم انهم مع الثورة والثورة اتاحت لهم حق التعبير وقدمتهم في الصفوف وإتاحت لهم حق التعبير !وان كنت طائفي او متعاطف معهم فالطائفية والصوفية من أنصار الثورة ! مع جون قرنق - ؟ أهل الجنوب خرجوا مناصرة للثورة وهتفوا نحن مرقنا مرقنا ضد الناس القسمو بلدنا !
* لبانة علم مايو اسأل منها دستور ٢٠٠٥ ونيفاشا لماذا أبقو العلم وصقر الجديان ؟
وبعدين شابك الناس رجرجة ودهماء وكأنك انت صفوة ونخبة او مثقف تقدمي ! انت مجرد كهوفي متكلس ومتواضع القدرات الفكرية لاتملك منهجا ولا رؤية -لاشي سوي بقجة تناقضات لا يجمعها سوي عقل مضطرب ! ليبرالي واشتراكي ! طائفي ويقف مع الفكرة الجمهورية التي عصبها هو محاربة الطائفية ! حركة شعبية ومع جون قرنق وجون قرنق علماني ومانفيستو حركته ماركسي ! -يقف مع الدولة الدينية والحدود ويتنطع في منبر الحوار الديموقراطي اليساري والعلماني ! -يساند دستور ٢٠٠٥ المنتهي الصلاحية -والاسلاموي والشمولي !
04-05-2020, 06:55 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: لا ما خاصة حكومة السودان عندها 30% من الاسهم ___ يمين الله حركتك دى الزول التوزة و فِعِج ما يعملا
كمال الزين بليد وانت ابلد منه لانك جز من قطيع البلادة وال70 % حقت منو ؟؟؟؟؟؟؟ وبرجع اسال الاذكياء في قحاتة البورد ربع دماغ لمن قفلت طيبة هل وقفت ولي مشت تركيا تنعق برضه ؟؟ يعني معالجات ق ح ت الغبية هي المشكلة طيب خلاس النيل الازرق حقت الحكومة يا فاشلين يا عاطلين عن المواهب (تلفزيون السودان الرسمي ) حق منو حق الmbc ولي روتانا زمان ولي مصر للاسمنت المسلح مش احسن كان تبدا تصلح وتنظف تلفزيون السودان الرسمي وتقدم برنامج محترمة وواعية تكون في مستوي العصر وثورتك الخالية من الدسم دي ؟؟ قال 30% قال يا ناس ق حت انتو ما عندكم لا رؤية ولا مشروع والعايز يعرف يتابع تلفزيون السودان الحكومي ده سنة كاملة قبل يملو كرونة هل فيه اي شيء جديد ومفيد الصباح فتحتو لقيت واحد من اعراب المواعظ ينعق فيه يعني حتي دين السودانيين ما فيه لا مولد الختمية ولا راتب الانصار ولا فكر الجمهوريين ولي حضارة كوش ذى جلادونا العندو اضطربات في الهوية كيسو فاضي عنده شنو يقولو او يقدمو في النلفزيون الباقي تراهات ساكت لمن تجن كلمني اوديك الضل
04-06-2020, 01:52 AM
Elmosley
Elmosley
تاريخ التسجيل: 03-14-2002
مجموع المشاركات: 34683
Quote: يا موصلي عادل امين دا انا اكتر زول في البورد دا متوافق مع آراه
لكن مكchني لوجه الله تعالى
لكن ضرب الحبيب احلى من الذبيب.
يا ربي يكون فاكرني اخو ابراهيم الشيخ ؟.
بعدين ما تشوف شتيمتو للخواض دي
كضاااااب
يريدو زي علمو القديم ودستور 2010
فصك تاني ده ختم الجدة الحرم الكوشية التي كانت تقيم عند جبل البركل القديم انت من والخواض من اهل المسخرة وكيسكم فاضي ومرت سنة يا حكامات حمدوك شنو الجديد المفيد لو انت اصلا مباريني كان ظهر فيك وعرف فايدة علم الاستقلال وقبح الانقلابات دي كلها يا مختل الوعي والشعور انت جزء من قطيع خليك في قطيعك بس ما تزيد علي اي حاجة
04-06-2020, 06:22 AM
Elmosley
Elmosley
تاريخ التسجيل: 03-14-2002
مجموع المشاركات: 34683
حبيبنا عادل كلامك ده انا ما فاهمو لكن انا مصر على اعادة علم السودان القديم بألوانه ولو في دولة اخدتو نضيف ليهو اعي علامة ده واحد اتنين انا من انصار تغيير السلام الوطني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة