|
|
|
 Re: أستاذ موصلي .. بخصوص المقتبس دا عن عافية حسن (Re: طلحة عبدالله)
|
أولا أبارك لعافية المولود مع التمنيات الطيبة وأن يعافيها الله من كل شر
كما أبارك ليك وللشركاء المنتوج الجديد وأرجو أن يكون طليعة إنتاج كثيف جديد
ومتجدد يعجب الزراع ويغيظ الحساد وأثق في ذلك تماما.
ثانيا أعذرني لنقل المقتبس أعلاه إلى بوست منفصل بدلا من التداول معك حوله
في بطن أمه وأقصد البوست الذي ورد فيه، وقد دفعني لذلك خشيتي من أن أثقل
على موضوع البوست الأساسي بافتراعات جانبية ربما أثرت على إتجاه بوصلته وإنحرفت
به عن مقصده ..
مع كل التقدير والإحترام طبعا .
يتبع ...
| |
 
|
|
|
|
|
|
|
|
Re: أستاذ موصلي .. بخصوص المقتبس دا عن عافية حسن (Re: Elmosley)
|
سلامات يا أستاذ
أتمني والله أن تكون ثقتك في عافية في محلها بخصوص وعيها الإدراكي
وتفاعلها مع الأضواء والشهرة .
عموما البوست دا للفت نظرك وكل الذين من حولها إلى هذا العامل
الخطير ( التعامل مع الأضواء والشهرة) لأنه غالبا ما يقود صاحبه
إما إلى النجاح أو ينعطف به إلى الفشل، ومازلت مصرا أن عافية وفي لحظة
ما لم تحتمل الجرعة الكبيرة من الأضواء المباغتة فكاد أن يغشي على نجوميتها
بعد ان خصصت الجزء الأكبر من وقتها وجهدها للثانويات والهوامش من الأمور
كالإعتناء المبالغ بمظرها لدرجة أنها تغيرت في وقت قصير جدا تغييرا
جذريا حتى أصبح التعرف عليها يحتاج للتدقيق بسبب البدكير والمنكير والمكياجات
والعدسات اللاصقة وما إلى ذلك .
لحسن الحظ أن ملكات عافية الإبداعية مازالت خام ويمكن إعادة توظيفها
وصقلها على نحو مثالي يصنع منها في النهاية نجمة متوجهة في عالم الغناء
والتطريب .
| |
|
|
|
|
|
|
|
|
|
Re: أستاذ موصلي .. بخصوص المقتبس دا عن عافية حسن (Re: Elmosley)
|
الحبيب مدحت سلامات وشاكر ليك المرور
وفعلا العمل إبداع لأنو الواقف عليهو مبدع في حجم الموصلي فضلا
عن شركاء ما هينين والله بمن فيهم عافية حسن نفسها ..
وأجدد أمنياتي بأن يكون العمل طليعة لمنتوج غزير يثري الساحة الفنية
في مقبل الأيام..
..........
الحبيب الأستاذ الموصلي
غايتي من فتح البوست دا إيصال رأيي المتواضع ودا من إيماني بمقدرات
عافية وإمكانية أن تتوهج أكثر في عالم الغناء إذا إجتهدت وإلتزمت أكثر
وأعتقد أنو الرسالة وصلت على الأقل إلى من حولها بمن فيهم أنت شخصيا وبهذا
ليس عندي إضافة للبوست ولذلك تركته دون توصية لإبقائه مستمرا في الربع
المقبل .
كامل التقدير والإحترام .
| |
|
|
|
|
|
|
|
|
|
Re: أستاذ موصلي .. بخصوص المقتبس دا عن عافية حسن (Re: Elmosley)
|
عندي نقاط معينة عايزة اطرحها بخصوص العمل ده ان شا الله تكون مفيدة بس:
اولا العمل واضح لي انه هو منتوج سودانيز اون لاين ...اوجدته النقاشات المرة والحلوة الانطرحت هنا ..العنصرية والرد عليها الموقف السياسي والموقف السياسي المعارض ليهو وكل المرارات الضاقها المحاور ...يعني في وعي جديد انبثق من هنا سود\انيز اون لاين ...للقاريء الكان محايد ، بقى في اسود وابيض وضار ونافع ووضوح في الرؤيا ...
طبعا في ناس من زمان واعيين بالحاصل لانسان الهامش ...لكن كترة صراخ البعض هنا خلت الرؤيا أعم وأشمل ...ولسة الناس حتواصل الحوار طبعا والمافاهم بيفهم ...
الموضوع المطروح في الاغنية طبعا مؤلم وقاسي ولو أنه فيه اشراقات أمل كتيرة ...لكن بشوفو زي الجس البعد الضبح ...يعني الأهل في جنوب السودان لو كانوا فاهمين اننا بنحبهم كده ...وبنعتبر ان الاختلاف البيننا القليل ده هو ممكن يكون مصدر للمحبة والاخاء والمشاركة في الموارد وما بالعكس مصدر للتناحر والموت والقتل ...كانوا اختاروا الوحدة ...صحيح انه في حملة واسعة سياسيا وشعبيا دعت للوحدة لكن الناتج كان الانفصال ...الحزن على الجنوب ورحيل اهلنا الفيه مننا ..حزن قائم ومشروع ...والاغنية بتأكد عليهو ...لكنها كانت حتكون أكتر فعلا لو انها كانت ضمن الحملة الشعبية ...لكن ده ما بفشل وجودها وحتميتها ...
ما حبيت استعمال نفس الاسماء لتمثيل انسان باعتبار انه "مهمش" وبقصد التقريب ...زي أدروب وجون ...وما حبيت كلمة "الغرب" لأنها فيها تغريب وشمل من شأنه التفريق العنصري ..
يعني الكلام مرات بيشبه شغل المركز ضد الهامش زاتو الخايفين من استمرارو ...يعني ناس خليل اسماعيل كانوا عباقرة زمنههم لما استخدموا الاسماء دي ...للتقريب ...لكن بعد الانترنيت ...والصراع السياسي الضخم المر بيهو المواطن السوداني "السودان القديم" خلى الاسماء دي باستخدامها ده فيهو رجعة للخلف أكتر من أنها خطوة للأمام ...ولا شنو؟؟
العمل أيضا نتاج لتجربة موصلي الضخمة في الموسيقى ...اتشبه فيه بالملحمة الخالدة لمحمد الأمين (تعدد المقاطع، والاصوات، النقلات اللحنية) ولو أنه ما طلع كتير من لونية الموصلي
في الأغاني العاطفية ..بعض المرات ...( وانا برضي ما بحب التقل في الايقاع لاني بعتبرو مقيد لانسان العصر وبيأخر الناس ...دى يمكن انا براي مستعجلة هههه)
عافية صوتها جميل طبعا ومتأكده من غناها وعارفة روحها بتعمل في شنو ...لكن بعيب عليها طريقة النطق بتشبه طريقة عربية من الخليج ولا مصر كده بحس بيها (اجنبية كده) ...
الموضوع مؤلم ...
والنية صافية
والبنية ...صوتها مطرب وفيهو عافية
مبروك
| |
|
|
|
|
|
|
|
|
|
Re: أستاذ موصلي .. بخصوص المقتبس دا عن عافية حسن (Re: Elmosley)
|
والله يا موصلي بجد لمة حلوة ...دي ما أول مرة طبعا دي المرة التانية بعد ستة شهور تقريبا المرة الاولى كانت في ديترويت السنة الفاتت
بنعمل في قصص الانبياء باللهجة السودانية وانا مخرجة العمل ...وهو عمل اذاعي لميت نخبة من الاصوات الجميلة والعقول المبدعة ويمكن دي تكون نواه لاعمال سودانية كبيرة
وكتيرة
ما بنقصر لمن نحتاجك بنقول ليك عووك
تحية زروق لفتت انظار القريب والبعيجد بادائها المتميز وصبرها ومثابرتها ومهنيتها العالية
وطبعا
مريم محمد الطيب
وابو طالب
عليش
تماضر حبيب الله
ابراهيم سلوم
الباقر موسى
سموألأ عبد المجيد اشتغل معانا السنة الفاتت
وبرضو فقدنا محمد سعيد
جونا برضو ممثلين جداد لا قيتهم انا في تكساس لما مشينا نصور فيلم فيصل هاجي غرب ..اسماهم علاء فضل الله وابراهيم دفع الله ديل براهم مؤسسة كاملة ...
برضو جونا ناس جداد اتنين ..واحد يس الزين ( اخو صلاح الزين) ...وسوسن سند ( اخت عفراء ومعروف سند) اصوات جيدة ومبشرة بمستقبل ...
برضو السنة الفاتت كان معانا منصور على ....وده سوداني اريتري ...منتهي الأدب والذوق وكان ماشي كويس ...
المونتاج عملو لينا حافظ خير المرة الأولى والمرة دي لقينا خواجة عبقري وهو صاحب الاستديو اسمو بنجي (عملنا ليه أإنية)
طبعا القصص دي ترجمها وسودنها مسعود على مسعود وهو باحث ومترجم ..كان هنا في البورد زمان بكتب باسم حركي ...
الجميل انه قابلت بت اسمها أميمة يحي ...كانت بتغني مع ساورا وعقد الجلاد ...دخلت ليها TRACK بتاع صوت بعد كملنا تسجيل الأغاني ...وكانت اضافة حلوة
الأغاني والموسيقى عملنا لينا عبد الله فلوت (ود السجانة) ...
ان شا الله ما أكون نسيت زول ...لكنها كانت لمة حلوة ومبدعة كل زول جاب حاجة
العمل ده ن انتاج ستيف كوتس او سبيل للاعلام
SABEELMEDIA.COM
ممكن تشوفو هنا لما يخلص ...ولو مشيت حتشوف قصص مشابهة للقصص العملناها بلهجات عربية تانية ...
شكرا على السؤال ....
منتظرة تعليقك ....
| |
|
|
|
|
|
|
|
|
|
Re: أستاذ موصلي .. بخصوص المقتبس دا عن عافية حسن (Re: Tumadir)
|
والله ياتماضر ما قادر اعبر ليك عن مدي سعادتي
بسماع هذه الاخبار المسره
يعني ناس في طروف غربه زيكم يسوو كده والله
دي تحتاج الى قبعات لا حصر لها ترفع
وبرغم اني عارف انو ود السجانه مابقصر
لكن في آي وقت احتجتم لي شغل بتاع موسيقى تصويريه
العبد لله جاهز لان التقاء الموسيقي بالمسرح والتشكيل اشبه
بلقاء السحب والرعود والبروق ففيها خير كثير وتعلن عن نفسها بشدة
مبرووووووووووك مبرووووووك
والتهاني لكم جميعا آخص الشباب الجدد معكم ولي قدام
| |
|
|
|
|
|
|
| |
طلحة عبدالله
Elmosley
ابو جهينة
Medhat Osman
Tumadir
فيس بوك
تويتر
انستقرام
يوتيوب
بنتيريست