مطر العشم فيديو هدية العيد وكل سنه وانتم طيبون

Quote: مطر العشم شعر مختار دفع الله الحان وتوزيع وغناء يوسف الموصلي ---- اشتقت لضحك العيون للبسمه والهمس الحنون وزرعت فيك ياليل هواي احلام سنين لابد تكون ونسجت حول الليل غناي طرزت لون صبحو الجميل بي خيت مناي وندهت ليك من خاطر الحلم البعيد من جوف متاهات سكة الزمن العنيد شلتك معاي احلام صباي أرجوحه لي طفل المني أوتار تغازل ضحكة الليل والغنا وبقيت مفازة خيلي في السكك العجيبة أو صدفه تاهت في خيال فنان ومتعشم ظروف الدنيا يمكن يوم تجيبا مازمان كانت وعودك سيف عديل وأمانه في اللوح والقلم وحملت افراح السنين بفرح لقاك وغسلت من خاطري الالم كانت عيونك هي البتصبح في صحاري سنيني امطار العشم كانت عيونك نخلة الفرح البتنبت في صحاري المستحيل وانا ياجميل لاني قادر من عيونك تاني انزح لا فرح من غير عيونك تاني بفرح ولافيني حيل انا تاني لي مدك وجذرك وموج ضفافك ولا كنت فاكر في السنين الجايه يحصل يوم اخافك اصلو ريدك كان محطه للبدايات القديمه وغنوه بتبشر صباحنا وتغسل الذري الاليمه وابتديت افرد شراع افراحي واستقبل صباحك واطرد الليل المسافر بين جراحاتي وجراحك وبالعبارات الصريحه قلت للغيمه الجريحه لا الفؤاد اصبح نديمك لا النسيم الحرك اشجان خصلة السمحه البريده كان نسيمك