|
|
|
 Re: سامحوني يابكري وادارة واعضاء البورد فان غرضي نبيل كنبلكم (Re: Elmosley)
|
احتفالا بيكم وبتيرعاتكم الحاليه والقادمه اليكم كلمات الاغنيه المهداه لكم
ختمت بيك
شعر مدني النخلي
كلمت بيك الامسيات وختمت بيك الاغنيات
======
جيتك من الماضي البعيد انسان ملان عزه وولوف
غارسك وسط زمني العنيد ورد الامل حاني وعطوف
جملت بيك قسي الظروف وقدرت بي عينيك اشوف
وختمت بيك الاغنيات
طوقت بيك جيد الزمن وطرقت ابواب الرحيل
حبست دمعات الوجع في مقلة الفجر الجميل
ورجعت لي صخب المدن كان القي ليك في الناس مثيل
وختمت بيك الاغنيات
صدقت زخات المطر ومرقت من زمنك صباح
ومشيت مشاويرك معاي حلم الفراشه الكان متاح
ووقفت في سكك الزمان فارد شراعي علي الرياح
وختمت بيك الاغنيات
انسان مطيع اقدارو جاك مليان امل زاهي وجديد
انسان بدون عينيك حزين عايش شقي اللحظات وحيد
وطلعتي من وسط الرماح اجمل شروق والدنيا عيد
وختمت بيك الاغنيات
| |
 
|
|
|
|
|
|
|
|
انت المسامح وفوق شجونى (Re: Elmosley)
|
العزيز الموصلى
لك الود والتحية
اعترف ان عنوان البوست قد اخافنى فى الوهلة الاولى
وقلت اكيد حصلت حاجة زعلتو مننا
لكن الحمد لله بع ما خشيت ارتحت
ايها الحبيب المفروض انك انت التسامحنا مش نحنا النسامحك
لاننا بنطلب منك فوق طاقتك
ونحملك اعباءنا وهمومنا وانت ما ناقص هموم
نطلب منك التوثيق لغيرك وانت عندك زى الدرر دى وهى الاولى بالتوثيق
ومشيت مشاويرك معاي حلم الفراشه الكان متاح
ووقفت في سكك الزمان فارد شراعي علي الرياح
جميلة الكلمات ولا عجب
فمدنى النخلى هو شاعر متفرد واللحن قد اضاف بعدا جديدا الى الكلمات
نحن لا نقبل باقل من هذه الاغنية
وياحبذا كمان لو هبشت شوية شعر يحى فضل الله والعميرى
والى الامام
| |
|
|
|
|
|
|
|
|
|
Re: انت المسامح وفوق شجونى (Re: sheba)
|
شيبه العزيز
ان جيلكم باخلاصه وحبه لمبدعيه
لهو جيل الصحوه الحقيقيه
الامل معقود عليكم ونحن سنحاول معكم التوثيق
ولتستمر الرساله العظيمه للفن التي كان حداتها
الخليل وكرومه وسرور مرورا بالكاشف وجيله
عثمان حسين وجيله
وردي وجيله
محمد الامين زيدان وعركي وجيلهم
مصطفي عقد الجلاد والسمندل وجيلهم ولتتعلم منا الاجيال الحاليه والقادمه جدية الفنان
وصبره وجلده
وتسلم
| |
|
|
|
|
|
|
|
|
|
Re: سامحوني يابكري وادارة واعضاء البورد فان غرضي نبيل كنبلكم (Re: ودالعباسية)
|
تسلم يا خال والله يديك العافية ويورينا الكتير من ابداعاتك والى الامام
برغم انو لم اتمكن من الاستماع للحن لكن زى ما قال اخ سابق اكيد حيكون روعة
وكما وعدتكم سابقا بارسال المبلغ عن طريق منى اوردر فا اتوقع ان يصلك في اليومين
القادمات
مع فائق ودى واحترامى
وامنياتى لكم بالتقدم
والتفوق دوما والازدهار
rani elsamani
| |
|
|
|
|
|
|
|
|
|
Re: سامحوني يابكري وادارة واعضاء البورد فان غرضي نبيل كنبلكم (Re: Elmosley)
|
سلامات يا دكتور المطلوب شنو انا حقيقة مفلس جدا اليومين دي لكن الامور بتتصلح وبمناسبة علاج الاستاذ عبدالرحمن عبدالله غدا صباحا سوف اقوم بالاتصال بالاخ الاستاذ مصطفي السني وبشبابكم في المملكة المتحدة وهم ناس ما بيقصروا في اي عمل وطني وانا تحت الخدمة من الان
وسوف اوافيكم بالنتيجة غدا.
و إحنا معاك يا رائع و ما تحرمنا من المشاركة في الحاجات الحلوة دي
أستاذي الموصلي
دا أقل ما نقدمو لي وطننا الغالي
| |
|
|
|
|
|
|
|
|
|
تسلم يا أبو هديل (Re: Elmosley)
|
في مرة في القاهرة في عمارة النصر كنت تحكي لي عن فنان في السودان بدون ذكر للاسماء وكان الموضوع خير وجبت سيرة الفنان بالخير لكن أضفت تعليقاً علي موقف معين أنه كان حساساً أكثر من اللازم وعبرت عن ذلك بقولك ولا أزال أذكره إنه أي الفنان عمل علي حركات الفنانين وكنت تقصد يومها بأنه حمل الموضوع بأكثر من حقه ورمي علي الموضوع رهافة حسه وشفافيته .
يا موصلي نعرف أنك فنان ومرهف وحساس خلال ما تعمل علينا حركات الفنانين ونحن معاك للاخر وعارفين الموضوع كله غرضه كبير ونبيل ذيك كفاية تشوف حماسة الشباب كلهم في البورد وكيف عايزين يعملوا حاجة مع بعض يتحدوا بيها الغربة التعيسة والشتات اللي نحن عايشيونو والحماس إجتمع علي شخصك الكريم فلا تحرمنا من كرمك .
تحياتي
كمال الشادي
عليك الله يا موصلي خلي الكتيابي يدينا الاذن عشان ننشر الديوان
| |
|
|
|
|
|
|
|
|
|
Re: تسلم يا أبو هديل (Re: كمال الشادي)
|
كيمو الحبيب
والله انا جاد ياخي بكري ده ماقصر تب معانا وربنا يقدرنا علي جزاه
وبعدين موضوع الكتيابي
انشر وانا مسئول تماما
انشر نحن عطشانين لابداعو
| |
|
|
|
|
|
|
|
|
|
Re: سامحوني يابكري وادارة واعضاء البورد فان غرضي نبيل كنبلكم (Re: Elmosley)
|
الرائع الفنان الأصيل موصلي
تحياتي
المفروض الواحد يكون أول الناس البيسارعو للمساهمة لعمق إيماني بما تقوم به ولفرط حبي لفنك الراقي ، لذا أجدني الآن أشارك على استحياء فلم أكن متابعاً للموضوع منذ البدء واجتهدت كي أعرف ما يحدث
العنوان معاي وربنا يقدرنا نساهم معاكم في هذا المشروع الجميل ده وأغفر لينا لو جينا متأخرين شوية كان مفروض نكون أصحاب الوجعة ونتحزم جمبكم نشيل الشيلة من الأول بس ما فات كثير ويلا سوا
بالمناسبة ما آخر أخبار الفنان عبد اللطيف عبد الغني هذا الصوت الجميل والأداء الراقي والاحساس المعبر ؟؟؟؟ أنا من المتابعين لفنه الجميل حتى بعد أن استقر به المقام في الولايات المتحدة
دمتم
نادر
| |
|
|
|
|
|
|
|
|
|
Re: لى قدام انشاء الله (Re: Elmosley)
|
العزيز الموصلى كل سنة وانت طيب معليش اقبلها جات متاخرة بى سبب الانقطاع الطويل وظروف الحياة والجرى,,,ياخ الواحد جد بفرح لم يشوف الناس الفى مجال واحد بيقيفو مع بعض فى الفرح والكره ووقفتكم مع الاستاذ عبدالرحمن وقفة حايشهد ليها التاريخ وهو انسان مرهف وحساس ومحتاج وقفتكم انتو قبيلتو جمبو عشان باقى القطاعات تتفاعل معاكم وانشاء الله اجرها يصلكم وخيرها يعم على كل من ساهم وساعد وانشاء الله معاكم للاخر
ودمتم اخوى
ودالديم
| |
|
|
|
|
|
|
|
|
|
Re: سامحوني يابكري وادارة واعضاء البورد فان غرضي نبيل كنبلكم (Re: Elmosley)
|
عندما كان خالي يأتي لنا بشرائط يوسف الموصلي كنت أحس و أنا لا زلت يافعا أنني أرغب في التلقي أكثر و أكثر و عندما ذهبت لمعرض الخرطوم و أنا في السنة الأولى في الجامعة اقتنيت الحجروك علي من ذلك الكشك و ظللت أسمعه كل ما أتيحت لي الفرصة
أما الآن فالفرصة أصبحت في أيدينا للمساهمة في انتاج شريط لا نمل سماعه
سنحاول أن نكون عند حسن ظنك فينا
| |
|
|
|
|
|
|
|
|
 Re: سامحوني يابكري وادارة واعضاء البورد فان غرضي نبيل كنبلكم (Re: intehazy)
|
يا دكتور سلامات
اتصلت بالاستاذ مصطفي السني والرجل كعادته لم يتواني وذكر لي بالحرف
هذا من حق الاستاذ عبدالرحمن عبدالله علينا.
ووعد بانه سوف يقوم بالاتصال بالمبدعين بالمملكة ويتشاروا علي ما يمكن عمله في اسرع وقت.
ويعتبر المبدع مصطفي السني ان هذا عملا وطنيا واجب علينا لما قدمه الاستاذ عبدالرحمن عبدالله لسودان الابداع.
| |
|
|
|
|
|
|
|
|
|
Re: سامحوني يابكري وادارة واعضاء البورد فان غرضي نبيل كنبلكم (Re: Elmosley)
|
على إإإإإإإإيه
الشكر موصول ليك إنت و أمثالك يا أستاذ
فأنتم من زرعتم حب الوطن في أفئدتنا و عقولنا
و ما زال جهادكم متواصلا
و نحاول نحن جيل الشتات و الإغتراب و على إستحياء أن نمسك معكم الراية
فإلى الأمام
دا مصطفى السني البنعرفو و يا ريت يا أستاذ تمشي لي بوست رسالة المملكة المتحدة و تشوفو
و شكرا ليك كتير تاني
| |
|
|
|
|
|
|
|
|
|
Re: سامحوني يابكري وادارة واعضاء البورد فان غرضي نبيل كنبلكم (Re: Elmosley)
|
أبو هديل
لقد حاولت كل ما في وسعي جاهدا مع بول والأستديو في تأمين يوم أو يومين في خلال مارس أو أبريل ولكن باءت محاولاتنا بالفشل لسبب بسيط وأنت تدري أن هذه هي شهور تسجيل الأغاني الغربية لمعظم المغنيين الغربيين حتي تكون جاهزه في الصيف وهو وقت المنافسة والأستماع يعني ده موسم حجهم
حتي بالنسبة لتوثيق البلابل أقرب وقت هو يونيو ويجب علي أن أكمل الأجراءات في الأسابيع القادمة
كدي شوف مواقف الأستديوهات في فرجينيا كيف أرجو أن تكون أحسن حالا من هنا
في أنتظار ردك
أخوك د.متوكل
| |
|
|
|
|
|
|
| |
Elmosley
almohndis
ودالعباسية
sheba
rani
altahir_2
intehazy
امبدويات
abdel abayazid
degna
Abdel Aati
كمال الشادي
Khaalaleyaal
ودالحلفاية
HAMZA SULIMAN
bushramk
atbarawi
قادم واغنيات وملامح
willeim andrea
اسامة الخاتم
malik_aljack
ود شاموق
abas
Mutwakil Mahmoud
فيس بوك
تويتر
انستقرام
يوتيوب
بنتيريست