|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: لقطات .. من الأسلوب الساخر للمعارضة المصرية (Re: zumrawi)
|
الأخ العزيز زمراوى
تحياتى الطيبة
السلطة التى يملكها جمال مبارك فى مصر الآن .. تكاد تفوق سلطة أبيه .
وهو يجلس اليوم على رأس مؤسسة الحزب الوطنى الحاكم , وعلى رأس كم هائل من المؤسسات المالية والثقافية .
وكله .. عشان أبن الريس .
رمضان كريم
| |
 
|
|
|
|
|
|
|
|
Re: لقطات .. من الأسلوب الساخر للمعارضة المصرية (Re: Dr Mahdi Mohammed Kheir)
|
أحمد فؤاد نجم ..
الفول .. واللحمة
عن موضوع الفول واللحمة صرح مصدر قال مسئول
ان الطب اتقدم جدا والدكتور محسن بيقول
ان الشعب المصري خصوصا من مصلحته يقرش فول
حيث الفول المصري عموما يجعل من بني ادم غول
تأكل فخده في ربع زكيبه والدكتور محسن مسئول
يديك طاقة وقوة عجيبة تسمن جدا تبقى مهول
ثم اضاف الدكتور محسن ان اللحمه دي سم أكيد
بتزود أوجاع المعدة وتعًود على طولة الايد
وتنًيم بني ادم وتفرقع منه المواعيد
واللي بياكلوا اللحمة عموما حيخشوا جهنم تأبيد
يادكتور محسن يامزقلط يامصدر ياغير مسئول
حيث ان انتو عقول العالم والعالم محتاج لعقول
مارأى جنابك وجنابهم فيه واحد مجنون بيقول
احنا سيبونا نموت باللحمة وانتو تعيشوا وتاكلوا الفول
أيه رأيك ياكابتن محسن .. مش بالذمة كلام معقول !!
| |
|
|
|
|
|
|
|
|
|
Re: لقطات .. من الأسلوب الساخر للمعارضة المصرية (Re: Dr Mahdi Mohammed Kheir)
|
أحمد فؤاد نجم ..
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
| |
|
|
|
|
|
|
|
|
|
Re: لقطات .. من الأسلوب الساخر للمعارضة المصرية (Re: Dr Mahdi Mohammed Kheir)
|
أحمد فؤاد نجم ..
شقع بقع
أنا الاديب ولا تعرفنيش
تقرا لي لكن ماتشوفنيش
كلامي لاهو مدهون ورنيش
ولا المعاني عليها غبار
شقع بقع يادليل الفار
ياشعب مصر ياخم اللنوم
ماتفوق بقى وتشوفلك يوم
والثورة قامت في الخرطوم
وانت اللى نايم بالأسرار
شقع بقع ياديل الفار
ياشعب ثور داهيه تسمك
وشيل أصول أسباب همك
عصابة بتمص في دمك
والاسم قال ضباط احرار
شقع بقع ياديل الفار
خدوا اليهود غزه وسينا
وبكرة يبقوا وسطينا
والراديوهات بتغدينا
خطب ونتعشى أشعار
شقع بقع ياديل الفار
الشيخ امام قال كلمة حق
الست ثومة قالت لك لا
وأبو النجوم على ودنه انزق
في المعتقل والدنيا نهار
شقع بقع ياديل الفار
| |
|
|
|
|
|
|
| |
Dr Mahdi Mohammed Kheir
Muna Khugali
فيس بوك
تويتر
انستقرام
يوتيوب
بنتيريست