اللجنة القومية لمحاسبة مجرمى النظام

Quote: حكومة البلد بى سواتا دى المضمورة قايلا الدنيا دايمه وبيها كم مغروره إن طال الزمن , الأيام دول مكروره يمهل ربى مابهمل نفوس مغروره مابنعلن حدادا و النفوس مقهوره بورسودان بلد عزه واسودا هصوره جيوش ادروب تقابل نارا كاشفا صدورا ممنوع الحداد لامن نعدل الصوره مات ابو فاطنه شامخ فى كرامه وعزه عوجات مافى من تحتو الارض تهتز ادروب يحكى جرحو الغار ودمو النز حكاية والى مرعوب من هديرن فز والى اليابا , قالن ليهو أخوات عزه دا الكاشف عروضن ولى قرينن جز لامن جض برتين الحرابة و رز ادروب حفلن شكره وعليهن هز ليه ما نبكى ياخدر الظلم بطال وفى الشرق الحبيب سال الدمع هطال دارفور شافعة مكسوره وعلاجا محال وارقين باكية ثكلى , وحالا نفس الحال بشر وقال دبايوا وتانى هش وبش جوا الحاره تلب-ياوليد- دون رعش دم ابو فاطنه فى طرف المداين رش سلم روحو بالدنيا ام قدود , ماانغش بورسودان هيجى وفورى و اكرجى ضروسك ادروب هب يوم الحاره جمل عرسك الباغى اللعين يوم قاد جيوشو يفرسك ما قرا فى الصحف ود دقنه جمل غرسك فى يوم الكرامات اب صواقعا داويه تشهد للفوارس فى المحافل راويه نارن حيه توقد و بالنفايل ضاويه تحرق رمة الوالى و كلابو العاويه الدين لى معادو والحساب بى فايلو وكل زولن يجيب قلمو ويورى فعايلو تدور الدنيا كل مذنب تورى عمايلو ساحرن الكبير بى الحسره يملا فتايلو ما فى انذار يمين , كانت غدر وغبينه هوس الوالى قال خايف يحرقو المينا ناس الجبهة حلبوها الضروعا لبينا وادروب كان هميما ايدو ليها حنينه الجبهة اللعينة جاتنا شايلا خرابا من سوأة نواياها و لسان عرابا فى سوح المهازل قادله ماليه جرابا كل يوما جديد فى الدنيا يدنى عذابا غرب و شرق العراب بدورلو شكيمه هلوس , يحكى بى نضمن عديم القيمه يا اوسلى الاسود فارالو زى الشيمه هدامن بياكل من جروفو عزيمه تاجر فى العروض, الرمه لعبه قديمه معروف بى عيوبو وفيهو الف شتيمه خايف , منخلع يقتل على التهويمه مسلوخ العرض يحكمنا ! .. حاجه أليمه