يابكري..عمي عوض الشايقي "عوض سيداحمد عوض" تدي باسوورد ولا نسحب باسووردك....

Quote: ده باسوورد عمنا

Quote: طيب ما هو المشكلة اتحلت كدة اؤيد منح العم باسويرد على الأقل تخف حمولة مداخلات الشايقي البقت زي خرتاية سيد النبق - اي حاجة فيها

Quote: الله والله يا حنين للبلد يا الكلك حنيه رديتي لي الروح قبل الإعتبار والله اليومين الفاتن دين كت حردان الخرابي الليل بكري ده عديل والبوست ده والله ما شفته إلا التلفونات أضاربت من كل جهه ،،، ناس كتار ضربوا لي وكلموني بيه. تعرفي بعد ما كنت متلايق زي ملاحي الأخدر ده خمدت ويئست وقلت أحسن أنسى الموضوع ده وعلى قول سعد باشا قريب ملاسي (مافيش فايده)... أمبارح كت في فراش بكا وكان معظم المعزيين من البورداب حقين الرياض والباقيين من القراء وكان محور الحديث بين معظم الحلقات للجالسين سودانيزأون لاين والمشكلة كل ما واحد يشوفني ولا أسلم عليه يسألني عم عوض ما جمع؟؟؟ غايتو أنا أقتنعت بأني فالصو وما لي أي قيمه على الأقل عند بكري، لأني ما بتخيل أنه ما شاف البوست الحايم في الربع الفات. بس حسي بقى عندي أمل أنه يمكن يعمل ليك خاطر ويصرف لي عمنا ده باسورد إنشاء الله حتى لو كانت قديمه ومستعمله برضه مافي مشكله. تصوري عمي عوض زاتو متابع من السودان وكل يوم يرسل لي رسالة على الموبايل للتشجيع ويقول لي ما تيأس والزول معذور ومشغول أديه فرصه، ومرات يقول لي يمكن ما شاف الطلب، وحاجات كده. الغايظني ومزعلني البوست الجديد كان بعنوان برقية عاجلة لبكري ما مهله وقبل ما يتم له ساعتين أتلحس ومسحو؟؟؟ بي برقية عاجلة أيضاً. كدي ننتظر ونكرر النداء لبكري ... بكري: العم عوضو سيدأحمد ... يقف بباب الحوش متكئاً على ع...فتح له الباب للدخول. الشايقي

" بيه ده ولاصقوا في اي بوست...اصبح موجود برغبته في التواصل معنا والتواجد بيننا...اصبح موجود بمايحمله من ارث وخبرات نود انا على الاقل ان نتعرف عليها...يعني القصة شنو بالضبط هل الباسورد لوتري ولا وساطات ولا تراضي ولاجبر خواطر ولا احقيات.

هو يابكور
دي نقاشة وكسير تلج ماتركزوا فيها" يابكري الشايقي ده انا لابعرفه ولااااااااااااااااااااحصل دخلت لي في اي مداخلة الا في موضوع باسوورد عمك عوض الشايقي ....والشوايقة زاتهم مع احترامي الشدييييييييييييد ليهم علاقتي معاهم "غناهم وشعرهم يااخي ديل وصافين لمن يعقدوا الكلمة" يعني ماعندي اي مصلحة معاه ولابعرفني ولاعتر بي في درب ولا دايرة اربحه جميله ولا اي شيء غير كلمة الحق...كلمة الحق نقولهاولا نبقى شيطان اخرس.....نقولها مش



بكري

لك في القلب مكانة ولسودانييزاونلاين شعور بالانتماء لكننا نود ان نساهم لو سمحت لنا بقليل مشورة لا اظنك تحتاجها بقدر حوجتنا اليها....تفضل باعطاء عمنا الشايقي باسوورد ...هي يابكري ليست منحة بل واجب.....



عمي عوض

صباح الخير ان كنت تقرا كلماتي ....وصباحي انضر لو قرأت كلماتك في هذا المنبر

Quote: شفتي ياحنين لو بكري دا أداك باسوورد لعمنا عوض حتقوم بينا وبينك أول حاجة شكلة كبيرة جدا وبعدين شكلة بينا وبين بكري نوصلها الحد،، == أنحنا هنا في البوست دا شوايقة عديييييل كدا ، ولازم نرد لشيخنا ود الشايقي إعتباره ،، أي باسووورد لعمنا عوض لا تأتي عن طريق الشايقي مادايرنهايابكري!! -- راي عمنا ود الصايم شنو في جعلية الشوايقة دي؟؟ أوعك تقول لي غايتو وتوابعا!!! =

(عدل بواسطة حنين للبلد on 07-07-2008, 03:25 PM)

Quote: يا بكري ماتدي عمك ده الباسورد وتفكنا من القصة دي ياخ

النبي وروني اطبع اللنك ده احوم بيه كيف في البوستات

Quote: مافي .. ..... بس

Quote: تلغراف لبكري رسلت السلام يغريك ياالزين السلام ليك وللمعاك في الأوضة قاعدين أنا ما بوصفك آ صباحي بخاف من العين إنت من عين الخلوق مودعاك جبرين إنت بالعافي التخصك في المصارين تبقالك هدم.. سروال ونعلين إنت ماك عارف (العوض) راجلا مسيكين. يحرس ويرجا في الباسورد.. وين وين؟ الرويحة انشحتفت.. الحقنا في الحين لي عشمنا فتحنا بدل البوست بوستين حنينا للبلد حلفت يمينين (عوضنا) إضافة للبورد نحن عارفين بنبصم كلنا وترانا راجين