|
Re: الكأس الكأس شلناه خلاص......!!! (Re: محمد البشرى الخضر)
|
معقول لكن ..ياجعفر انت هنا من متين ؟ زمممن والله ياخ ..بس فريقكم دا ماتكون (طعمتو) بناس فريق الامير .. المباراة بزنس وهندسة والنتيجة خمسة صفر (مش كانت كدا) الجامعة كلها متحيرة فى الحاصل دا ..فى النهاية اكتشفوا انو فريق الامير مطعم بناس من ادارية ...
ياخ والله مشتاقين وليك وحشة ..
| |
|
|
|
|
|
|
Re: الكأس الكأس شلناه خلاص......!!! (Re: motaz ali)
|
العزيــز/ جعفـــر ســومي
ملــ1000000يون مبــروك لفـريق الأســود علــى هـذا الإنجــاز الكبيــر, والـى الأمــام للمزيـد من الإنجــازات والكؤوس.
عميــق تمنيـاتي للكـابتن عبدالرحمــن بالشفــاء العـاجل بإذن اللــه.
تخريـمة:-
الحقيـقة الفريـق أغلبــه كوامـر !!..الكـأس ده جاء كيـف??
تقديــري وصــادق إحتــرامي
| |
|
|
|
|
|
|
Re: الكأس الكأس شلناه خلاص......!!! (Re: keiga2000)
|
الكابتن الكبير كيقا لك التحيات العطرة كيف أخبار المولود الجديد؟ شكرا على المرور الجميل الأخ الدباب ده هو مسئول الحنبكة بتاعنا وده الزول الوحيد البقدر بهرش لينا الخواجات لكن في اللعب لمبتو خضراء
| |
|
|
|
|
|
|
Re: الكأس الكأس شلناه خلاص......!!! (Re: محمد البشرى الخضر)
|
الحبيب الحبوب ابو حتوت شــكرا جزيلا على التهنئة الرقيقة .ولا شك أنها ستكون اكبر حافز لبذل المزيد من الجهد والانجاز في القسم الأولDIVISION 1
الواقفون من الشمال لليمين: أبوبكر عثمان بركية ، أحمد جعفر إسماعيل ، أزهري أحمد محمد ، رفاعي إيدي ، رءؤف ، أكيرا ، هيديكي ، سموأل حنفي ، عبدالرحمن أحمد محمد . الجالسون من الشمال لليمين: عمر عثمان بركية ، كن ، الباقر يحي ، زهير موسى سولي ، تيري ، جعفر سومي ، محمد عثمان بركية
مع تحياتي وصادق مودتي وفائق احترامي
| |
|
|
|
|
|
|
Re: الكأس الكأس شلناه خلاص......!!! (Re: جعفر سومي)
|
أحد إنجازات الفريق وهو الفوز بدرع دورة دعم اليونسيف وهي دورة سداسية سنوية وكذلك الفوز بجائزة المركز الثاني في إحدى الدورات السداسية:
الكابتن الباقر ولحظات استلام كأس المركز الثاني في إحدى الدورات
بعض من أعضاء الفريق المشارك في دورة دعم اليونسيف: جلوس من اليمين: الكابتن حسين شحاته والفارس يوسف - الباقر - محمد بركيه - عبدالرحمن أحمد - عبدالفتاح. وقوف من اليمين: محمد شحاته - العملاق تيري - عمر بركيه - أحمد جعفر - المقاتل سموأل حنفي - جعفر سومي - الكوتش القدير جعفر عبدالرحمن.
الكابتن عبدالفتاح ولحظات استلام درع الدورة
الكوتش جعفر مع ممثل إحدى الشركات الممولة للدورة
وتستمر الأفراح
العبدلله وفرحة بالكأس
| |
|
|
|
|
|
|
Re: الكأس الكأس شلناه خلاص......!!! (Re: الفاتح ميرغني)
|
دي بشريات جميل في الربع الثالث للعام 2008
تهانينا القلبية للفريق وأسوده وللمدرب القدير جعغر
ولكل الذين حققوا الأنجاز ولك سومي تحياتي ونتمني للكابتن عبدالرحمن عاجل الشفاء (وعليك بالكوارع لتعود الركبة أكثر تماسك الوطيات والمواسير والمزه ).
،،،،أبوقصى،،،،
| |
|
|
|
|
|
|
Re: الكأس الكأس شلناه خلاص......!!! (Re: الفاتح ميرغني)
|
Quote: شايف عاطف ده لياقته منتهيةقبل المباراة ما تبدا ياخي جيبوهو لي عشان اديهو تمارين في اللياقة |
الحبيب الفاتح كابتن عاطف ده يستحق الترفيع إلى فريق الشباب بعد أن أثبت مؤخرا تقدما كبيرا في اللياقة البدنية. آخـر تمرين ليك - حسب سجلاتنا - كان في ميدان الجامعة في Meguro ومن ديــك وعـــيك تعــال ياخ مكانك شاغر في فريق الكوامر .
| |
|
|
|
|
|
|
Re: الكأس الكأس شلناه خلاص......!!! (Re: keiga2000)
|
الكابتن كيقا
Quote: الولد الحكنوش دا ماعرفتوا
قولي الفنيله دي لازم تجيبه معاك الدوحة يوم الجمعة
ابومصطفى |
والله عرفتا للزول ده ياخي بقى يتحنكش حنكشة فاتت حدها شي فنايل وشي كريمات ومرات يقول ماجاي التمرين عشان هو فتران وعاوز ينوم ومرات يقول زي شاعر بمبادي نزلة طبعا نحن مجبورين عليهو ونقوم في التحانيس ويفتح الله ويستر الله ونرسل ليهو عربية السفارة عشان تجيبو من البيت (إتخيل) قال الجابرية قال في صورة خاصة قريبا
| |
|
|
|
|
|
|
Re: الكأس الكأس شلناه خلاص......!!! (Re: جعفر سومي)
|
من أكبر إنجازات هذا الفريق هو السمعة الطيبة والشعبية الكبيرة التي خلقها وسط الجاليات الأجنبية باليابان مما حدا باللجنة المنظمة للدوري أن تختار الفريق كموضوع رئيسي للمجلة السنوية للجنة المنظمة وقد شارفت تلك المجلة على الطباعة وسوف نوافيكم بتلك الطبعة علما بأن موضوع الفريق يأتي في صفحتين وقد بهرتني مقدمة الموضوع وهي إقتباس كما يلي: (Every morning in Africa, a gazelle wakes up. It knows it must outrun the fastest lion or it will be killed. Every morning in Africa, a lion wakes up. It knows it must run faster than the slowest gazelle, or it will starve. It doesn't matter whether you're a lion or gazelle - when the sun comes up, you'd better be running)
كذلك من الإنجازات التي تحققت هي مسح الصورة الخاطئة لدى الأجانب وخاصة الغربيين عن السودان والسودانيين. كما وأبدى الكثير منهم رغبتهم في الإنضمام للفريق لما لمسوه من مهارات وتنظيم وحسن التعاون والتعامل مع الجميع.
كذلك بعد أن أصبحت شهرة الفريق وسط الوجود الأجنبي واليابانيين لا تغيب عن أحد أصحنا نتلقى الطلب تلو الطلب للمشاركة في كثير من الدورات والمهرجانات المختلفة التي تقام خلال العام.
خلاصة لما تقدم يمكن القول بأن هذا الفريق أصبح سفارة شعبية للسودان باليابان.
| |
|
|
|
|
|
|
Re: الكأس الكأس شلناه خلاص......!!! (Re: جعفر سومي)
|
مليون مبروك لفريق الأسود لاعبين ، ومدربين ، ومشجعين،ومشجعات و عقبال الكأس الميه .
* لولا الرُّكب ، لانضممنا إلى عقد اللاعبين !
شكراً الأستاذ الكابتن جعفر سومي شكراً الأستاذ المدرب جعفر إسماعيل
| |
|
|
|
|
|
|
|