|
الخطوط الجوية السودانية: محطة البلابل حد نازل
|
مرة سودانير حجزوها أسبوع في لندن بسبب وجود خرم في تنك الوقود. قالوا مدير الخطوط هناك قال الخواجات ديل جنوا ولا شنو نحن عارفين الخرم لينا 6 شهور وبنتم التنك لغاية قبل الخرم بي شوية عشان ما يدفق. ولأننا حريصين جدا على سلامة الركاب عملنا اعتبار للميلانات.
مرة واحد صاحبي كان عايز يشتغل في لندن، سأله الزول البعمل معاهو المعاينة قال ليهو إنت من ياتو بلد. لما قال ليهو السودان الخواجة قام من كرسيهو وقال Jesus Christ اتضح إنو الراجل كان ملدوغ قبل كده من سودانير.
مرة اتشالقت وطلبت من مضيفة سودانية حبوب صداع حمرت لي بما معناه إن شاء الله راسك اتفرطق، ولو كترت برميك بالشباك.
نسابتي من أركويت قلتا ليهم بعتوا بيتكم بعتوه، ما بعتوه إن شاء الله أول زيارة ليكم بعد افتتاح المطار الجديد.
|
|
|
|
|
|
|
|
Re: الخطوط الجوية السودانية: محطة البلابل حد نازل (Re: ABUZEEGH)
|
Quote: مرة واحد صاحبي كان عايز يشتغل في لندن، سأله الزول البعمل معاهو المعاينة قال ليهو إنت من ياتو بلد. لما قال ليهو السودان الخواجة قام من كرسيهو وقال Jesus Christ اتضح إنو الراجل كان ملدوغ قبل كده من سودانير. |
موش الحمدلله الماقال ليهو sh!t! ولا الكلمة ديك البادية بى حرف الاف! جنى
| |
|
|
|
|
|
|
Re: الخطوط الجوية السودانية: محطة البلابل حد نازل (Re: ABUZEEGH)
|
مرة راكب طيارة الخطوط الجوية السودانية
ما عارف طرازها شنو (اير بص) ولا (ايرث بص)
طيارة قديمة و معفنة و باب الطيراة من اخر زيل الطائرة
و الله يا جماعة اول مرة اشوف طائرة بطير زي ود ابرق
و الله شوف عيني بي شباك الطائرة الجنحين يرفرفوا زي جنحين القمري
| |
|
|
|
|
|
|
|