|
|
 ::: قريتي .. قريتك .. قريتنا:::
|
قريتي...
الإبيضاب..
غرب المتمة بولاية نهر النيل
جميع سكانها من قبيلة الجعليين
تجاورها قري (الفرحسين)،(الحليلة)،(أم سدرة)،(السلم)وغيرها
في تجاور غير منتظم
وجمبها (كلي) و(المكنية)
وقصادها بالشرق (كبوشية)
لم أولد بها ولكني ازورها بانتظام
للافراح و..الاتراح
يوجد ترابط (ما إعتيادي) علي قول حميدة بين سكانها
...
دي بداية كلام
...
اها يا فيصل هليل
حلتكم اسمها شنو
...
بالمناسبة اتفقت مع الاخ فيصل علي جمع اسماء جميع قري ومناطق السودان
للتوثيق
..
حتي لو لم تكن قريتك
ولكنك تعرف موقعها بالضبط
يمكنك مدنا بها
لنتعرف علي بوادي بلادنا
مما يقع في دائرة التعريف بالوطن
...
يا حبذا لو في صور
من تلك المناطق..
محبتي
ود الزبير
شوتة:
بالمناسبة ما في زول من الابيضاب بقول لي (سامي) بس (ود الزبير)
|
|
 
|
|
|
|
|
|
|
|
Re: ::: قريتي .. قريتك .. قريتنا::: (Re: محمد الطيب يوسف)
|
ودهاشم (ملي) حبيبتي....!!!
هلا يا سامي
والفوق دي حلتنا لزم
النيل الازرق .وفي اختراقه العنيف لارض السودان في بدايات حدود الارض السودانية مع اثيوبيا
المجاورة احدث علي ضفتيه عوالم ضاجة بمدن وقري وبلدان مدهشة ونسجيهاالاثني والاجتماعي متموج
بخلق وعباد كثر ..اتو من بلاد بعيدة ليصنعون الحياة والجمال في كرنفال النيل الازرق المدهش
الملي بالخير والبركات...
وهنا وفي حضرة الاشواق التي تعبث بنا وتحملنا علي ظهر طائر صعب المراس.نجد اننا قد حط بنا
الرحال علي ارض وسماء ووجدان قرية وديعة هادئة. جغرافيا لك ان تقول انها علي الضفة الغربية
من النيل الازرق علي بعد 14 كيلو جنوب مدينة سنار في طول الشريط الاسفلتي الواصل ما بين مدينة
سنار والدمازين...
انها ودهاشم(ملي)...وايضا لك ان تقول انها ودهاشم غرب قرية علي احضان النيل الازرق بمسافة
لا تتعدي الكيلومتر في بعدها عن وهج وامواج النيل الازرق ..لتتحد مع قري مجاورة تحمل نفس الاسم
ودهاشم(عرب)..او ودهاشم شرق..وهناك ايضا ودهاشم (مروة).وعلي كيلومترات ليس بالكثيرة تجد مدينة شهيرة تعج بالافريقية الصارخة وبها قوما عظام واصحاب باس شديد هي مدينة (مايرنو)...
سفرنا الطويل سيغوص عميقا في جغرافية تلكم المنطقة وتاريخها ووجدان اهلها وشخوص من مداراتها..
وسنذهب الي اعلامها الاجتماعية وظرفائهاالكثر....
ولكي تتحدث عن ودهشام لابد من الاتيان علي سيرة قري اخري مدهشة واهلها شامخين ايضا
تربطهم باهل ودهاشم اواصر الدم.والتاريخ .مثل قرية الحجيرات وام لبن واوبو جيلي وقرية روينا
فهي قري مع ودهاشم رحم وصلة عميقة ..وايضا سنذهب الي قرية الشيخ طلحة مرقد الشيخ
ودهاشم الذي رحل نعشه اليها.بعد حلما راه احد المريدين من اهل تلكم البلاد لينقل
من منطقة ودهاشم الي قرية الشيخ طلحة..ليصبح مزار وغطاء روحي في حضرة التور الضالع
(ودهاشم)
ولسع بجيك لاني عندي تاني كم حلة كده من حلالي
ونحلق معاك صوب حلال وبوادي عديدة من ارض السودان ده
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: عبدالكريم الامين احمد)
|
كيكي يا حبيب كيف أنك
Quote: جغرافيا لك ان تقول انها علي الضفة الغربية
من النيل الازرق علي بعد 14 كيلو جنوب مدينة سنار في طول الشريط الاسفلتي الواصل ما بين مدينة
سنار والدمازين...
|
انت عارف يا كيكي الشارع ده يمكن انا جيت بيهو 100 مرة علي الاقل
زمان الوالد كان في وزارة المالية في سنجة
يعني اخوك جلابي ود موظف (ما عارف الاستلابوميتر بتاع عمك داك مقاسوا لينا شنو)
المهم..
كنت بدرس في الخرطوم وفي الاجازة سنجة طوالي الكلام ده لحوالي ثلاث سنوات
بعد داك ما زرتها الا في رمضان الماضي
مشيت سنار وابو حجار
ومايرنو بجي ماري فيها سااااي
مشيت السوكي والدندر
لكن زيارات بس ما فترات طويلة
...
بالمناسبة لسة رخصة القيادة والبطاقة الشخصية اصدار سنار
وكان ممكن انقلهم الخرطوم في اي لحظة
لكن بقي عندي مزاج يكون عندي ارتباط بي المدينةدي
حتي لو مرة كل خمسة سنوات
عشان شنو
والله ما عارف
غايتو..القلب وما يهوي
وكلنا في الهوي سناريين
Quote: ولسع بجيك لاني عندي تاني كم حلة كده من حلالي
ونحلق معاك صوب حلال وبوادي عديدة من ارض السودان ده |
في إنتظار حضورك الانيق
دمت بخير
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: محمد الطيب يوسف)
|
Quote:
انا قريتي بي هنا
صور من فداسي بكاميرا الرائع د/محمد المبارك الحر |
محمد الطيب
يا ود فداسي كيفنك
انا فداسي دي طبعا ما دخلتها لكن بشوفها كتير وانا متجول في شارع مدني
من والي الخرطوم
طبعا اخوك سفار سفرا خلو ساكت
المهم
تشكر علي المرور
ويا ريت تسلفنا حبة صور
وكدا..
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: Ahmed Abdallah)
|
يا سامي ..
انا اهلي من ( الرباطاب ) ..
من قرية ( ابو هشيم ) .. في مناطق الرباطاب ..
لكن هاجروا الي امدرمان من ايام ( المهدية ) ..
وفرع الي رفاعة ( آل بدري ) ..
ومازالت تربطهم بتلك الديار بضع ( نخلات ) واعمام ونفر كريم ..
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: humida)
|
Quote: انا اهلي من ( الرباطاب ) ..
من قرية ( ابو هشيم ) .. في مناطق الرباطاب ..
لكن هاجروا الي امدرمان من ايام ( المهدية ) ..
وفرع الي رفاعة ( آل بدري ) ..
ومازالت تربطهم بتلك الديار بضع ( نخلات ) واعمام ونفر كريم |
حميدة يا لذيذ
مشتاقين يا خي
بمناسبة اولاد امدرمان وكدا
داير اسالك
ليه الناس البسكنوا امدرمان
صلتهم بتنقطع بي مناطقهم الاصلية
الا ما ندر
ويكون الرابط
فقط
| Quote: بضع ( نخلات ) واعمام ونفر كريم |
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: Ahmed Abdallah)
|
Quote: اها طلعنا جيران
انا من المكنية ونفس الشي لم اولد بها وتربطي بها نوع من المحبة الخاصة
ازورها كل ما سنحت الفرصة رغم ضالة الفرص مؤخرا
|
بس..
ده الكلام الانا دايرو ظااااتو
الواحد تلقي قريبو ولا جارو في البورد وهو ما عارف
اهلنا يا ابو حميد في المكنية كتار
علي راسهم اولاد العمدة
ناس ازهري محمد علي
الشاعر المعروف
بالاضافة الي فتح الله ابراهيم بتاع المريخ والاديب الفذ
وناس حسن عمر وغيرهم كتار
هسي لو بحتنا بنطلع اهل
...
طيعا يا احمد
المكنية كان بربطنا بيها سوق الثلاثاء
بنستناهو بي فارغ الصبر
عشان
الحوامة واللحم والخدار
وباقي الحاجات انتا عارفة
...
ياخي ما تجي تحكي لينا عن سوق الثلاثاء ده
ومدرسة المكنية الكانت وحيدة في المنطقة دي زمان
ومافي غيرها
قي انتظارك
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: sami Alzubair)
|
مرحب حبابكـQuote: هلنا يا ابو حميد في المكنية كتار
علي راسهم اولاد العمدة
ناس ازهري محمد علي
الشاعر المعروف
بالاضافة الي فتح الله ابراهيم بتاع المريخ والاديب الفذ
وناس حسن عمر وغيرهم كتار |
ازهري محمد علي العمدة خالي تب
حسن عمر والدتة امنة بت الخليفة بت خالتي اخت امي لزم يعني انا خاله رغم انه اكبر مني
وهو الان محافظ احدى المحافظات في الولاية الشمالية
والمكنية كلها اهل لان كل اهلها من العمراب والسعداب
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: Ahmed Abdallah)
|
Quote:
ازهري محمد علي العمدة خالي تب
حسن عمر والدتة امنة بت الخليفة بت خالتي اخت امي لزم يعني انا خاله رغم انه اكبر مني
وهو الان محافظ احدى المحافظات في الولاية الشمالية
والمكنية كلها اهل لان كل اهلها من العمراب والسعداب |
يا زوووووووووووووول
اها ما قلت ليك بنطلع قرايب
حسن عمر
في ولاية الجزيرة الان
وهو كان محافظ الحصاحيصا
والان ماسك وزير الشباب والرياضة في الولاية
غايتو
بتعرف عوض السيد محمد علي
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: osman righeem)
|
وادي حلفا هي مدينة سودانية تقع شمال البلاد في الولاية الشمالية على ضفاف البحيرة النوبية (الجزء السوداني من بحيرة ناصر). يسكن المدينة حوالي 300 ألف نسمة.
تحوي المدينة العديد من المناطق الأثرية النوبية وتتركز جهود علماء الآثار فيها على حماية أكبر قدر ممكن من هذه الآثار المتضررة من فيضان السد العالي. تضرر سكان المدينة أيضا بسبب فيضان السد العالي واضطروا لإعادة إعمار أجزاء كبيرة منها
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: فيصل محمد خليل)
|
تقع مدينة كوستى بجمهورية السودان على الضفة الغربية للنيل الأبيض (خط عرض 12-37وخط طول ا3_54) على بعد 270 كيلومترا جنوب الخرطوم. تعتبر مدينة كوستى من المدن الجديدة إذ بدأت تأخذ سمات المدن بعد سنة 1909م / 10 19م عندما امتد إليها خط السكة الحديد وبناء كبرى كوستى القديم . هذا الحدث الهام جعل من كوستى مركزا تجاريا وإداريا جذب إليها السكان من مختلف البقاع . في عام 1938 انشىء الميناء النهري وبذلك صارت كوستى ملتقى طرت برية ونهرية وكنتيجة لهذا التطور ازداد عد0الكان بالهجرة الوافدة اليها .
تحتل مدينة كوستى جزءا كبيرا من السهل الفيضى للنيل الأبيض ولهذا فان المنطقة حول المدينة ارض منبسطة عدا القليل من التلال (القوز) الرملية وارتفاع الأرض عبارة عن أمتار قليلة فوق مستوى الفيضان (حوالي 371 مترا فوق سطح البحر ) وفد أثرت طبغرافية المنطقة على تصريف المياه والمجارى داخل المدينة . . ففى بعض المناطق نجد أن الانحدار من النيل الأبيض لا يتعدى1 / 3000. اما من الناحية الشمالية الغربية للمدينة فنجد القيزان الرملية التي ترتفع بعض الامتار فوق سطح السهل الفيضى . ان معظم مدينة كوستى قد بنيت فوق تربة طينية قليلة التسرب شديدة التشقق في فترة الجفاف وهذا بالطبع يؤثر سلبيا علي المبانى فينتج التشقق وتغمر مياه الأمطار أجزاء واسعة من المدينة مما يصعب معه التحرك الا بواسطة الطرق المسفلتة .
ان المناخ الساثد عبارة عن مناخ حار جاف عموما حيث تصل اعلي درجة للحرارة بين 42مثوية في ابريل و33 مثوية في اغسطس وادنى درجة للحرارة بين 24 درجة في مايو و15 درجة مثوية في يناير. اما الرياح المؤثرة علي مناخ .المنطقة فتأتى من الشمال الشرقى من شهر أكتوبر الي مايو ثم تتحول الي رياح جنوبية غربية بقية شهور السنة وفي هذه الفترة تهطل الامطار. الرطوبة النسبية تتآثر ايضا باختلاف الفصول . ففي فترة الجفاف نجد الرطوبة النسبية حوالى 32% وترتفع الي 63% في فترة الامطار.
يمثل النيل الأبيض أهم المعالم الطبغرافية في مدينة كوستى . ففى هذه .المنطقة يصل انسياب المياه الي 83 مليون متر مكعب في اليوم مع اختلاف بسيط في كمية الانساب بين ارتفاع وانحسار النيل الابيض وهذا يعزى الي التحكم في مياه النيل الابيض في منابعه في المناطق الاستوائية .
النيل الأبيض عند كوستى واسع وقليل الانحدار مع وجود بعض المستنقعات والحشاثش المائية الطافية . فان عرض النهر في موقع المدينة حوالى 900_ 1000 متر ويزيد في بعض المنحنيات ليصل الي 1800متروفي موقع الكبرى القديم يصل عرض النهر الي 450مترا .
تم الاسترجاع من "http://ar.wikipedia.org/wiki/%D9%83%D9%88%D8%B3%D8%AA%D9%8A"[/B]
wikipedia
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: فيصل محمد خليل)
|
الجميل الفاضل / ودالزبير
التحية طيبة سلاااام
وفي شندي العظيمة تلقى بنات جعل
وواحدات في المتمة زي لون العسل
ويا حليل ربوع شندي
وبلد الجمال عندي
الفيها نما فني
ومن المتمة أمان
وساهرتو بينا
شندي الجميلة بلد الحبابيب
أنا من مدينة شندي مربع 8 وهي موطن وحلة المك نمر ومعروفة بشندي فوق .. وتضم ثلاثة مربعات هي مربع 7 و8 و9 والمشهور بتكساس
الحديث عن مدينة قد يطول ولما تحوي الذاكرة من ذكريات جميلة فيها وقد يحتاج لبوستات
ما أذكر من قرى غرب شندي وبالمناسبة يا ود الزبير استعنت ببعض مما ذكرت أنت في بوست فيسل هليل ..
المتمة .. قوز بدر .. قوز برة .. الشبطاب .. كلي .. الجوير .. النوراب .. الفرحسين .. أم سدرة .. الإبيضاب .. أم دقورة .. الحليلة .. المكنية .. الجبلاب .. بقرسي .. حلة ودنور .. حجر الطير .. الحقنة .. الكردة .. سقادي .. الجريف .. الكمر .. وادي بشارة ( اكيد نسيت الكثير وعذراً حكم السن له أثر ) ..
برجع لك يا غالي
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
| Quote: المتمة .. قوز بدر .. قوز برة .. الشبطاب .. كلي .. الجوير .. النوراب .. الفرحسين .. أم سدرة .. الإبيضاب .. أم دقورة .. الحليلة .. المكنية .. الجبلاب .. بقرسي .. حلة ودنور .. حجر الطير .. الحقنة .. الكردة .. سقادي .. الجريف .. الكمر .. وادي بشارة |
نرتبهم يا خالد
1-المتمة
2-قوز بدر
3-قوز برة
4-الشبطاب
5-كلي
6-الجوير
7-النوراب
8-الفرحسين
9-ام سدرة
10-الابيضاب
11-ام دقورة
12-الحليلة
13- المكنية
14-الجبلاب
15-بقروسي
16-حلة ود نور
17-حجر الطير
18-الحقنة
19-الكردة
20-سقادي
21-الجريف
22-الكمر
23-وادي بشارة
ومني كمان
24-السيال الكبير
25-السيال الصغير
26-الصفر
28-المغاوير
29-طيبة الخواض
30-كمير العوضية
31-جبل ام علي
32-المحمية
33-العالياب
34-الزاكياب
35-النافعاب
36-الكتياب
37-
واصل يا خالد
نهر النيل دي كلها دايرين نحسبها الليلة
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: osman righeem)
|
| Quote: تاني رجعنا لي وصيف البيوت |
بالله انت من الناس الوصفوا
Quote: تنقاسي السوق
لم اتمكن من الخروج منها
لاعلوها ليتم لي وصفها
حاضرة نظارة الشايقية
مازال بها سراي اخر الرجال
المحترمين المرحوم البكباشي
عبدالله بك ادريس
سوق الثلاثاء
ويؤكد الكثيرين
ان النبي الخضر
باركه بالزياره
رحلوا عنهابدون معياد
الشهيد عثمان بلول
الشهيد سيداحمد صالح نعمان
عوض مالك
عثمان مالك
عبد الرحيم ابوذكري
حبو في رمالها
سيداحمد الحرلو
محمد جيب الله كدكي
وكثيرين غيرهم اخرجوا
هذا الرمل شعرا
من رجال الاعمال و التجار
ال رغيم و كرفس
ال مسيك تجار الذهب و مواد البنا
ال المادح
ال ابوشمه
ال شامي
ال التلب
ال غريبة
ال قنيب
ال حجار
احمد واحمد شيلو
ود علان فوق رأسو اديلوه
اولياءها طلبهم حاج الماحي
لطرد التمساح من ارض الشايقية
عدد البورداب الذين اعرفهم
من ابناء تنقاسي السوق
14 يتمو جمعة
وعليهم اكمال ما فاتني
تنقاسي السوق مركز مروي
عمودية تنقاسي داخلها مروي
اخر العمد المرحوم
حسن سعيد سمعريت
تسكنني واسكنها |
لله درهاان انجبت كل هؤلاء..
انت يا عثمان
اسم(رغيم) ده جاي من وين
بعدين شايفك سمي بيهو ولدك برضو
ولا شنو..
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: sami Alzubair)
|
Quote: كان كادنقا هو الابن الأكبر لشايق ولكن الروايات تختلف بالنسبة الي تتابع الأولاد الباقين.
1- كادنقا: جد الكادنقاب . وذريته قوامها ما يأتي:
أ- صالح : جد الكادنقاب, وقد أقام في أوسلي, وحزيمة ومساوي, والقرير, وأمري (بمديرية دنقله) , وشندي(بمديرية بربر) والعيلفون (اقليم الخرطوم). ويتفرع من الحنيكاب, المحموداب, الناصراب ,القوتاب, الشريشاب, الحسناب, والشلاليل.
ب- صلاح: (1) جد الصلاحاب الذين يسكنون في الزومة والدبيبة ومساوي (بمديرية دنقله) وقوز البسابيراقليم شندي (بمديرية بربر).
(2) وجد الأسوماب الذين يقيمون في قيلي (بمديرية الخرطوم)
(3)وجد العدلاناب الذين يستوطنون حلفاية الملوك وأبوحليمة والجيلي (بمديرية الخرطوم) ويتفرع العدلاناب الي مروي وكجبي وأولاد علي والمناوراب.
ج- حامد: جد الحامداب الذين يسكنون في الحامداب (بمديرية دنقله ) وفي كردفان حيث يعيشون بدوا رحلا.
د- عبد الدائم (ويعرف ايضا باسم تلبن) : وهو جد التلبناب الذين يقيمون في جزيرة التلبناب (بمديرية دنقله).
ه- جورم: جد الجورماب الذين يعيشون في تنقاسي والبركل ( بمديرية دنقله) وود البصل (بمديرية الخرطوم) .
و- زمام : جد الزماماب ويقيمون في مروي والبركل وتنقاسي .
ز- حسين : جد الكروساب ويقيمون في الكرو ( بمديرية دنقله).
ط- رغيم : جد الرغيماب ويقيمون في ود البصل (بمديرية الخرطوم) و تنقاس.
ي- كوده : جد الكوداب ويسكنون في الكوداب وابي دوم وقوز نفيسه ( بمديرية الخرطوم) .
ك- مرزوق : وروي أنه ابن شايق وهو جد المرزوقاب الذين يقيمون في تنقاسي والكرو.
ل- شرنكو: جد الشرنكاب والغريراب الذين يقيمون في البركل.
ن- عيسي : جد العيساب الذين يقيمون في نوري والقرير. وهناك ولدان اخران من أم سودانية احدهما : فرج الله . جد الفرجلاب ويعرفون كذلك باسم الكراكرة ويقيمون في الزومة والكرو والبركل وجزيرة التلبناب والولد الاخر فرج جد الفرجاب الذين يسكنون في الكرو.
2- أم سالم : جدة قبيلة أم سالم التي تقيم في مديرتي النيل وبربر , وجدة اليعقوباب الذين يسكنون في ( مديرية سنار) .وذريتها من الذكور.
(أ) بادي : جد البادياب الذين يقيمون في الزومة.
|
حسب رواية نعوم شقير ام رغيم اكبر اولاد كادنقا و هو اكبر اولاد شايق
من الرغيماب زملاء البورد بدون حصر
معاوية كرفس
يحي ابن عوف
عبد المنعم الرزوقي
ابنعوف
ومن النساء
1
2
3
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: sami Alzubair)
|
قرى جنوب شندي
حلة قريش ( والآن أصبحت من ضمن أحياء المدينة ) .. القليعة الفوق .. القليعة التحت .. مويس .. حوش بانقا .. ودالحاج .. الضوياب .. الدويمات .. الفجيجة .. قندتو ..قوز المطرق .. السلمة .. الشقلة ..الزرق .. السوراب .. السدرة .. قلعة ودجمال ..البسابير .. قدالهبوب .. حجر العسل ..السبلوقة .. المسيكتاب جنوب ..عبدله
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
Quote: قرى جنوب شندي
حلة قريش ( والآن أصبحت من ضمن أحياء المدينة ) .. القليعة الفوق .. القليعة التحت .. مويس .. حوش بانقا .. ودالحاج .. الضوياب .. الدويمات .. الفجيجة .. قندتو ..قوز المطرق .. السلمة .. الشقلة ..الزرق .. السوراب .. السدرة .. قلعة ودجمال ..البسابير .. قدالهبوب .. حجر العسل ..السبلوقة .. المسيكتاب جنوب ..عبدله |
1-المتمة
2-قوز بدر
3-قوز برة
4-الشبطاب
5-كلي
6-الجوير
7-النوراب
8-الفرحسين
9-ام سدرة
10-الابيضاب
11-ام دقورة
12-الحليلة
13- المكنية
14-الجبلاب
15-بقروسي
16-حلة ود نور
17-حجر الطير
18-الحقنة
19-الكردة
20-سقادي
21-الجريف
22-الكمر
23-وادي بشارة
24-السيال الكبير
25-السيال الصغير
26-الصفر
28-المغاوير
29-طيبة الخواض
30-كمير العوضية
31-جبل ام علي
32-المحمية
33-العالياب
34-الزاكياب
35-النافعاب
36-الكتياب
37-قريش
38-القليعة الفوق
39-القليعة التحت
40-مويس
41-حوش بانقا
42-ود الحاج
43-الضوياب
44-الدويمات
45-الفجيجة
46-قندتو الشوايقة
47-قندتو الجعليين
48-قوز المطرق
49-السلمة
50-الشقلة
51-الزرق
52-قلعة ود جمال
53-البسابير
54-قد الهبوب
55-حجر العسل
56-السبلوقة
57-المسيكتاب جنوب
58-عبدله
نواصل..
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: sami Alzubair)
|
يا ود الزبير سلام
فكرة البوست ده هائلة جدآ
وفوائدها عديدة
أقلها ح نعرف من خلاله
قرى وحلال البلاد الشاهقة
بلاد الشمس المشرقة
هذا غير الشنكبات
والعنكبات
للأسف بس انا دلوي ح يكون محدود
عشان انا ود خرطوم
وعلاقتي بقريتي { العسال}علاقة محدودة بالمناسبات
كما ولأنهاريفي الخرطوم ، ومرات بتعتبر تبع جبل الأولياء
وقريبة من المركز
فإن سماتها العامة سمات مدينة
و90% من ناسها عندهم علاقة قوية بالخرطوم
ومعظمهم يملكون عقارات في قلب الخرطوم
واحيائها القديمة في الخرطوم عموم والخرطوم3
والخرطوم جنوب والسجانة والديم والإمتداد والصحافات واركويت
العسال بتقع على بعد 30 كيلومتر من وسط الخرطوم
وتقع قبل جبل الأولياء ب 10 كيلو متر تقريبآ
سكانها جعليين صرف
والمنطقة كلها تسمى أم أرضة أو { ام مرضى }
وبتضم الترية / تريعة البجا وغمار واللدية
وبتجاور طيبة الحسناب والسليمانية ومسرة
الباقي إلا يجي يتمو ليك كمال علي الزين
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
أجيك بالشرق لكن ما قرى
محطات مع رحلة قطار البوسطة وقام من محطة الداخلة
يوم الخميس البوسطة قامت بينا من الداخلة
وقصدنا ننظر النياتنا فيهن داخلة
في دار حمد زي البرق جات داخلة
غير الملكة ياريت ماتجينا رُكاب داخلة
ومن دار حمد دقّا الإشارة وماش
كونو يانديم سواقو ماخد الكاش
من كُتر مشيهو قلنا يا الفراش
يامن كان يقول أنا راسي.. يحلف باش
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
من الزيداب ختر فوق الشرق والقيف
وحالف بي المسيد يزيد مايقيف
دا نعمين يانديم سواقو مو ودريف
فرنساوي بيرطن ومعاهو عالي الكيف
كتحلّو الفحم خلاهو يغلي يفور
وطبقلّو النمر يجدع تقول في بخور
العالياب تباشر وفتحوا لي السنفور
لاقو بي البخور والمسكي والكافور
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
من العالياب ختر ومتوجه المحمية
يردح في القضيب كُل ساعة يجدع مية
سواقو دا خواجة كلام بي العجمية
وفي القيزان شرق كابنلّو فنظاز مية
ومن المحمية قُلنا ياالبادراب
ويشبح في القضيب مليان وشيهو تراب
علامات البلد في البال بقن لي قراب
وخشينا الجبل وبنية العمراب
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
من الجبل قام أخد الأمر طوالي
وجواهو الحِسان الغيرن أحوالي
ديل ستات الكُجر فوقن بجر أقوالي
في كبوشية جيت أنظر سعادة الوالي
من كبوشية قام كلاي أشوفو مشينا
قام بينا الفرنساوي أب كلمتن شينا
من ألم الفراق ظهر الغضب في وشينا
خشينا التراجمة وفتنا خور دوشينا
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
من بعد المسيكتاب.. أصبحنا فيها حياره
يجمع في القضيب عادمو التقول طياره
نعمين يانديم بابورنا راجيا غياره
والجميزة بانت وشندي شفنا دياره
يغيرولو أنقليزي وحلا طالب القوز
وداع يالمك نمر سيد النحاس والفوز
دا الطندب ظهر مترامي زي الموز
وقال المبيت في شندي تب مابجوز
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
سامى الزبير
ازيك
فكرة البوست جميلة لانها تعريفية وتوثيقية فى نفس الوقت
الغريبة غالبية المتداخلين طلعوا من شندى دا شنو دا؟؟؟؟
طبعا انا برضوا من شندى بلد الحبان والناسا حنان قرية مويس
شمال شندى واخر حلة مجاورة لحوش ود بانقا واتولدت فى مربع 7
وترعرعت فى الثورة مربع 14 ودرست جذء من الابتدائى فى مدرسة
الشرقية وانتقلت لامتداد الدرجة الثالثة الى الان ولدى خالات
فى المتمة بالقرب من النتيلة ولم انقطع من قرية مويس نهائيا
وما بشرب لبن (حليب) الا فى مويس مع الفطير وعندى نومة فى الرملة
والقمرا مشهورة جدا ارتاح فيها للسنة البعدها .
وبنجى راجعين تانى بس باقى لى ود المنسى ما خلى شى طبعا ياخالد
مابنسى رحلة شباب الامتداد لشندى فى منزلكم العامر فى معية ابوعبيدة محمد
الحسن ابد الدهر
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
Quote: شمال شندي
ساردية ( أو الشقالوة ) .. المسيكتاب شمال .. التراجمة .. البجراوية .. كبوشية .. ديم القراي
|
1-المتمة
2-قوز بدر
3-قوز برة
4-الشبطاب
5-كلي
6-الجوير
7-النوراب
8-الفرحسين
9-ام سدرة
10-الابيضاب
11-ام دقورة
12-الحليلة
13- المكنية
14-الجبلاب
15-بقروسي
16-حلة ود نور
17-حجر الطير
18-الحقنة
19-الكردة
20-سقادي
21-الجريف
22-الكمر
23-وادي بشارة
24-السيال الكبير
25-السيال الصغير
26-الصفر
28-المغاوير
29-طيبة الخواض
30-كمير العوضية
31-جبل ام علي
32-المحمية
33-العالياب
34-الزاكياب
35-النافعاب
36-الكتياب
37-قريش
38-القليعة الفوق
39-القليعة التحت
40-مويس
41-حوش بانقا
42-ود الحاج
43-الضوياب
44-الدويمات
45-الفجيجة
46-قندتو الشوايقة
47-قندتو الجعليين
48-قوز المطرق
49-السلمة
50-الشقلة
51-الزرق
52-قلعة ود جمال
53-البسابير
54-قد الهبوب
55-حجر العسل
56-السبلوقة
57-المسيكتاب جنوب
58-عبدله
59-ساردية
60-المسيكتاب شمال
61-التراجمة
62-البجراوية
63-كبوشية
64-ديم القراي
65-الطندب
66-المعيلق
67-الزيداب
68-العكد
69-الدامر
70-شندي زاااااااتا
71-الدامر
72-ابو طليح
73-قري
74-التضامن
75-قدو بتاعت ناس ود العبيد
76-الشبيلية
77-الهوبجي
78-سلوة
79-ام صراصر
80-حمودات
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: أبو ساندرا)
|
Quote: فكرة البوست ده هائلة جدآ
وفوائدها عديدة
أقلها ح نعرف من خلاله
قرى وحلال البلاد الشاهقة
بلاد الشمس المشرقة
هذا غير الشنكبات
والعنكبات
|
تسلم يا بو ساندرا
Quote: وعلاقتي بقريتي { العسال}علاقة محدودة بالمناسبات
كما ولأنهاريفي الخرطوم ، ومرات بتعتبر تبع جبل الأولياء
وقريبة من المركز
فإن سماتها العامة سمات مدينة
و90% من ناسها عندهم علاقة قوية بالخرطوم
ومعظمهم يملكون عقارات في قلب الخرطوم
واحيائها القديمة في الخرطوم عموم والخرطوم3
والخرطوم جنوب والسجانة والديم والإمتداد والصحافات واركويت
العسال بتقع على بعد 30 كيلومتر من وسط الخرطوم
وتقع قبل جبل الأولياء ب 10 كيلو متر تقريبآ
سكانها جعليين صرف
والمنطقة كلها تسمى أم أرضة أو { ام مرضى }
وبتضم الترية / تريعة البجا وغمار واللدية
وبتجاور طيبة الحسناب والسليمانية ومسرة
|
يعني هسي ناس ماهيتاب كان جايين الخرتوم
بقولوا ماشين البلد
Quote: الباقي إلا يجي يتمو ليك كمال علي الزين
|
تسلم يا شفيف
وفي انتظار كيمو
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: عبدالله كع)
|
من القوز ختر طالب المحطة أم روب
والسواق مشمّر ولي السفر مكروب
من ألم الفراق صار القليب مضروب
بقيت أسير غرامن ومنهن مضروب
من بانقا قام طبقولو العمره
والسواق يانديم شارب قزازتين خمره
الزاد حب البنات في جوفي زي الجمره
دخل الميجا بيوتا كتره وسمره
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
من الميجا قال يا جاري ( جبل جاري )
مرة يدور يطير ومرة يوتر جاري
من ألم الفراق سكب الدمع سال جاري
ياريت لوجنيت وقعدتَّا اباري
من جاري قام متوجه الرويان
أكتح في السجاير ومابي لي التوبان
من فرق أم وضيب البي خُمر نديان
ضفاضع النيل شافّو وكِتلو بي العويان
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
من الجيلي قام وأخد الأمر لي القبة
سال دمع الفراق فوق صدري سيّل وكبه
طبيب القوم ابوي..أنا ليا فيكا محبة
هون بي الرجوع لي الفينا كيلو مخبه
ناظر الكدرو أخد الإشارة وإتلقاهو
والسواق زعل زين من العطش قداهّو
دا ودجون يانديم قول اللبيب حقاهّو
يعيش رأس المؤيد اللي سفر رقاهو
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: خالد علي محجوب المنسي)
|
جا الخرتوم بحر ما ألطفا وعماره
ويات من كان يجيك سكرانّلو من خماره
لقينا الناس صفوف واحدين كمان حماله
قولوا الناس تبين في حلة التماره
من بحري قام أخد الإشارة وعده
كبري النيل دقيقة وثانية حالن عده
الكمساري جا لما التذاكر عده
وياالخرتوم سلام أنا لي منك مده
| |
|
|
|
|
|
|
|
|
 Re: ::: قريتي .. قريتك .. قريتنا::: (Re: sami Alzubair)
|
العزيز سامي
تحياتي
وانا جارك من الشمال
من قدو المحطة الفطاها ودالمنسي
قايل قدو لسه سندة!!
ياخ دي قالوا بقت حاجة كبيرة خلاص
بس نميري بي مصنعو المهبب جاب لينا الجلا
شفتها مرتين الاولى وانا في صغير جدا في اولى ابتدائي
والثانية منذ فترة طويلة وانا في الثانوي
حقيقي احن اليها حنينا ماج في صدري
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: فيصل محمد خليل)
|
Quote: العزيز سامي
تحياتي
وانا جارك من الشمال
من قدو المحطة الفطاها ودالمنسي
قايل قدو لسه سندة!!
ياخ دي قالوا بقت حاجة كبيرة خلاص
بس نميري بي مصنعو المهبب جاب لينا الجلا
شفتها مرتين الاولى وانا في صغير جدا في اولى ابتدائي
والثانية منذ فترة طويلة وانا في الثانوي
حقيقي احن اليها حنينا ماج في صدري |
الحبيب ودالزبير شكراً كتير على هذه المساحة التي حركت مشاعر هذا الجميل وخلتنا نشوفو
واسمح لي
ود العبيد يا سلام يا راجل وينك والله مشتاقين كتير
افط قدو والله اخوك بقى فاطي صفحات عدد وقربت أفط شندي من يوم ان فتح اخي ودالزبير البوست وأنا قاعد بنحت في الدماغ الصبح هرم وأتذكر وعارف اني فطيت كتير لكن الشاعر أعتقد انه يعني بخور دوشينا منطقة قدو واسف أني لم أنوه لشاعر القصيدة لانها قصيدة قديمة انتقلت بالسماع والقليل من عارف من هو ناظم القصيدة
اكرر اسفي يا الحبيب
تلك مناطق لها في النفوس حب رغم جافها ونشافها ( الواطا .. الإنسان .. الحيوان .. الزرع .. الشدر الطير لونهم واحد وأصابه الجفاف )
أنظر للصورة التي جاد بها فيسل هليل محمد هليل وتشوف
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: محمد عبد الماجد الصايم)
|
Quote:
ما تبطل حركات الوصف دي
القديم ما كفاكـ؟
|
هووي يا اب شنب
ده قذف عديل
بكرة بفتح ليك بوست عديل
واشبكك جيب اسانيدك
جيب ادلتك
جيب اقامتك
جيب شنبك
ما تقعد تدخلوا اسمنا ده في اي حتة ساكت
هسي الناس تقول علينا شنو
الليلة سامي بكرة امنة بعد بكرة تقول سارة عيسي
بعدو تقول بكري ابو بكر
...
ده بدل التلفون القبيل
يا عمك
كده خالصين
..
اول مرة ذاتو اشوف لي زول من الحاج يوسف
كدي تعال ورينا انت من وين
...
انت وصحبي الشفاف داك
| |
|
|
|
|
|
|
|
|
|
Re: ::: قريتي .. قريتك .. قريتنا::: (Re: محمد عبد الماجد الصايم)
|
Quote: أوع تتكلم عن الحاج يوسف بالطريقة دي
خلينا نقضي غرضنا الجينا عشانو
|
اها يا اب غرضـ
قصدي اب شنب
ما وريتنا حلتكم وين
خلينا من الردمية بتاعتك دي
...
بعدين شتحت لينا البوست التوثيقي الهام ده
الهام شاهين عديل كده
...
وانا من كرم اخلاقي وحسن تواضعي
رديت عليك وكدا
فيا عمك
اعمل بوست للشفاف ونتلاقي فيهو ننفز سااااكت
ولا شنو
...
معليش يا اخوانا اب شنب اخوي ده اصلو بتلخبت عليهو الاختساس مرات كدا
| |
|
|
|
|
|
|
|
|
 Re: ::: قريتي .. قريتك .. قريتنا::: (Re: فيصل محمد خليل)
|
ودالصائم.....
Quote: سامي
ما تبطل حركات الوصف دي
القديم ما كفاكـ؟
|
سامى
Quote: واشبكك جيب اسانيدك
جيب ادلتك
جيب اقامتك
جيب شنبك
ما تقعد تدخلوا اسمنا ده في اي حتة ساكت
هسي الناس تقول علينا شنو
|
ياجماعة ختوا الكورة فى الواطة 
| |
|
|
|
|
|
|
| |
فيصل محمد خليل
عبدالكريم الامين احمد
Ahmed Abdallah
humida
osman righeem
خالد علي محجوب المنسي
أبو ساندرا
بابكر التوم
عبدالله كع
خالد العبيد
محمد عبد الماجد الصايم
فيس بوك
تويتر
انستقرام
يوتيوب
بنتيريست