|
شفتو البنقز فى سهرة امبارح
|
بالامس مساء فى تلفزيون السودان كانت السهرة الرائعة عن امدرمان د.ادريس البنا,الكتيابى , الفرجونى ,عاصم البنا و ياسر تمتام, لحدى هنا مافى مشكلة فجأة المصور و المخرج جابو صورة مقربة للبنقز الصناعة السودانية الاصيلة افتكر ماركة ( جياد) و الله مربوط بمسامير صاموله مقاس 12 على ما اظن ,انا كنت قايلوا كربريتر
بالله يا مخرجى تلفزيون السودان التقطوا الصور من بعيد الى ان ينعدل الحال
|
|
|
|
|
|
|
|
Re: شفتو البنقز فى سهرة امبارح (Re: Shihab Hamadnala)
|
البنقز بس هو انت شفت الكمنجات لمن تقربها الكاميرا وحتي كمنجات العازفين الكبار امثال محمديه. طبعا الكمنجات لمن تقدم صوتها بيكون احلي لكن هذا لا يعني ان تتقشر الطلاءات وتتملي غبار وتتبهدل .. بنظره بسيطه لاي فرقه لبنانيه تندهش لانو الطبل او البنقز شفاف لمن غلط............. ولي بتين....إففففففففففففف ...... شي يقرف
| |
|
|
|
|
|
|
Re: شفتو البنقز فى سهرة امبارح (Re: Shihab Hamadnala)
|
صراحة يا شهاب استغربت لسخريتك من البناقز السودانية إنت عينك للدلاليك تنتقد البناقز المساكين ديل؟ البناقز ديل من الله خلقهم ما غلّطوا ليهم على زول وأصلوا ما شفنا منهم شيء بطال أو مواقف مخزية ودائماً كانوا مؤدبين ولازمين علـبهم والقدموهو البناقز للشعب السوداني ما في حد غيرهم قدمو ديل أطربوا الناس لما آمنوا في غابر الايام، قبل ما الناس يعرفوا الآلات الموسيقية الحديثة طوال هذه السنوات كانوا مثالاً للتفادي ونكران الذات.. لكين نقول شنو.. خيراً تعمل شراً تلقى..
| |
|
|
|
|
|
|
Re: شفتو البنقز فى سهرة امبارح (Re: Nasruddin Al Basheer)
|
العزيزنصر الدين أننى أطرب للبنقز السودانى و أكن له كل التقدير و الاحترام مشكلتى بس مع البنقز (الضكر) ال ظهر فى الشاشة مما أثار فزع الاطفال و الثيب من النساء و أعاد للاذهان صور الحوادث البشعة و انتهاك حقوق الانسان فى الدول النامية لان هذا العازف المسكين يمكن أن يصاب بجروح غائرة أثناء تأدية عمله.
يبقى المسئول منو
اللهم قد بلغت فأشهد
| |
|
|
|
|
|
|
Re: شفتو البنقز فى سهرة امبارح (Re: Shihab Hamadnala)
|
Quote: مما أثار فزع الاطفال و الثيب من النساء و أعاد للاذهان صور الحوادث البشعة و انتهاك حقوق الانسان فى الدول النامية لان هذا العازف المسكين يمكن أن يصاب بجروح غائرة أثناء تأدية عمله. |
شهاب بوستيك دا بتكلم عن شنو؟
| |
|
|
|
|
|
|
Re: شفتو البنقز فى سهرة امبارح (Re: Shihab Hamadnala)
|
وصلتنى رسالة من جمعية حقوق عازفى البنقز بالهند قطاع البنجاب يدينون بشدة ما حدث بالسودان و ستتم مناقشة هذا الامر فى الجمعية العمومية القادمة لاتحاد البناقز الاهلية بجنوب و شرق آسيا.
لهم التحية و لا نامت أعين الجبناء
| |
|
|
|
|
|
|
Re: شفتو البنقز فى سهرة امبارح (Re: Shihab Hamadnala)
|
والله يا جماعة أنا من زمااااان بنتقد في آلاتنا المهترئة والما بتشبه الموسيقى ولا الإبداع في شيئ ...! يا أخوانا مثلاً عندنا أكورديونات روسية وصينية من زمن ناس الكاشف شغالة ...!! حتى ولو إفترضنا إنها ما فرقت في أصواتها وده من المستحيلات .. لكن برضو المواكبة مطلوبة .. يعني العازف البيشتغل بي آلة تعبانة بيكون إحساسو تعبان ... وما ح يقدر يتطور .. والعكس صحيح .. أنا مجرب الحكاية دي ...لما إشتغل بي أكورديون جديد وحديث وفيه أصوات جديدة ونظيفة بيكون إحساسي مختلف وخيالي في الآداء غير لما إشتغل بي أكورديونات أبو رجيلة ..! بالذات افيقاعات دي .. ليه ما نحاول إستخدام آلات إيقاعية متطورة .. لا أقول إلكترونية ..لكن هنالك آلات إيقاعية وطارات وباركشنز مبالغة في شكلها وفي الأصوات الطالعة منها ..
وكان جينا للكمنجات فحدث ولا حرج ... الجماعة ديل كمنجاتهم حاربت الإستعمار ... وإشتغلت مع كرومة وسرور وعبد الحميد يوسف.. وعاصرت عهد الأغنية الحديثة وروادها ... كفاها وكفاناالله يرضى عليكم ...!
| |
|
|
|
|
|
|
|