|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: بحري الاميريه "1" شعلة لا تنطفئ (Re: طارق ميرغني)
|
الأخ / عزام
لك وللأسرة الكريمة عاطر التحايا
يا أخي أنت ليس مقصر وبس أنت مقصر جداً يعني طلة واحدة وإختفيت رغم أنك قلت أن مجرد ذكر إسم الأميرية يسبب لك الراحة النفسية وبناءاً على ذلك توقعنا سيل من المداخلات ، نحن في إنتظار كل ما هو أحلى عن دفعتكم
| |
 
|
|
|
|
|
|
|
 Re: بحري الاميريه "1" شعلة لا تنطفئ (Re: طارق ميرغني)
|
اخي عزام المجمر لك كل الود واين انت ووعدك باستكتاب الاخوين عصام واسامه ،،وارجو حتي حينه ان تبلغهما تحايانا كما وارجو دوام المواصله. وبالمناسبه اخونا هشام مسجل غياب شديد ببوست بحري الثانويه .بالله اديهو لكزة!!
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: عبدالمحمود محمد عبدالرحمن)
|
عزيزي دكتور محمود
لا تغول ولا حاجة
فبحري الاميرية كبحري الثانوية كبحري المدينة تبسط ذراعيها لكل الأحباب من أمثالكم
ويسعدها ويشرفها ان يزين قلمكم الرصين صفحتها بمداد من علمكم الغزير وقفشاتكم المستحبةخاصة ان هناك من هم اقدم من دينوصورات الطباشير.
يقولون لعام 1946 عام الفيضان ولعام 1964 عام الثورة ولعام 6 عام المجاعة ولعام 1938 عام كوكو.
وكان ما عارف اسال حبيبنا طارق عن عام 1938 وفي اي موقع في حلة كوكو كان.
واذا امتنع فهناك ود موسي لديه الخبر اليقين.
اما بحري الثانوية فهي والله في القلب ولكن شايف في شوية انتكاسة خاصة من ربان السفينة المجمر
اما الشعبية فهي كذلك في القلب والعين والراس وفعلا تحتاج لتضافر الجهود لنشلها من حالتها الراهنة.
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الدكتور المحترم عبد المحمود حمد الله علي سلامة الطله ووالله اللوم قابلاننو وممسوح في وشنا بي طلتك دي بعد زمن اتحرمنا منك ومن قلمك والاميريه او الثانويه انت في بيتك والحمد لله وللصدف طل اليوم زميلنا الحبر ببوست الثانويه ونكته بعد طول غياب وان شاء الله بدون رجعه وارجو من الاخ هشام عمل الارشفة اللازمة للبوست حتي يدوم التواصل واتمني من اخي الدكتور عبد المحمود عدم الانقطاع .
اخي شمس الدين بعتنا بخصوص الارشفة الي الاخ بكري.
اما صديقي حسن طه يبدو انك ما لقيت الوقت الكافي لمراجعة البوست اثناء غيابك بالسودان؟؟
ارجو المراجعه حتي تتمكن من المرافعه يا مولانا مع خالص ودي
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
إمتحان مقدرات .....
أحسن ترزى .....فى بحرى ....إن لم يكن فى السودان...
كان له محل بسعد قشرة...
أخصائى تقليعات شارلستون و خلافه ....
الما فصل عنده بنطلون .... ينظر فى سحب الجنسية البحراوية منه ....
لا أدرى إن كان موجود أم أغلق محله ...
ما هو إسمه .....؟
"لا علاقة له بالإميرية ... لكن ببحرى " .... و تذكرته اليوم و المشاوير له
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: Mohamad Shamseldin)
|
الاخ محمد شمس الدين
لك التحية
من الترزية المشهورين بتفصيل الشارلستون كان الترزي كامليو ودكانه كان بسوق بحري.
وشخصيا فصلت عنده بنطلونين واحد بني وواحد رمادي وكان ذاك في عهدي ببحري الثانوية وعلي ما اعتقد ان مقاس الشارلستون كان 48 سم .
هل تقصده.
الأخ طارق
جاءنا الخبر بانك نزلت المعاش عام 1990( راجع بوست بحري الثانوية ).
والعهدة علي الراوي محمد شمس الدين
هل ذلك صحيح وما علاقة عام 1990 بعام 1938ظظ
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
فعلا احسن ترزي في مجال الشارلستون كان كاميليو ,وكان هناك طه الطيب اخ استاذنا وناظرنا في الابتدائي محمد الطيب وكان حسن محمد خير ترزي افرنجي فصلت عنده بدلة التخرج ب 25 جنيه عام 1979 م.وكان هنالك ترزي بلدي اسمه الجمل تكفيه نظرة واحده لقوامك للتفصيل ويا ويلك اذا قلت ليهو ما اخدت لي المقاس , لكن مره ذهبت ليه لكن جلت الشغلانه منو وجات الجلابيه فيما قبل عظم الشيطان ولكني لم استطع الذهاب اليه للاحتجاج لانوح يقول لي اني كنت مدنقر حينها!!!!!!!
اخي حسن طه يبدو ان ذاكرتك وصلت مرحلة اللاعوده ياخي انا ذكرت في بوست بحري الثانويه انه احلت للصالح العام بموجب تفويض سلطات رئيس الجمهوريه حينها وبموجب احكام الماده 26 أ ب التي تعرفها جيدا بحكم تخصصكم وكان ذلك عام 1981 م وليست 1990م وكنت حينها متخرج من الجامعة لي عامان فقط .وهسع الحمد لله بوست بحري الثانويه اطل مرة اخري ارجو المواصله.
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: Kamal Karrar)
|
اخي كمال
قبل الترقية الي موتر الفيسبا كان عندو عجلةرالي مزينة والراديو الترانزستر قدام وكاميليو كان من سكان حلة خوجلي .
اين هو الآن ؟؟
من ذكرياتي في الاميرية:
تربيزة البينق بونق في المدرسة ولا اجمل . في البرندة امام فصل ثالثة.
الغالبية كانت تحب البينق ( تنطق اختصارا ).
والحجز كان علي اشده
وبما ان منزلنا كان بالقرب من المدرسة كنت دائما من اول الحاجزين ( معليش انانية محببة ولا مش كدا ).
احضر قبل بداية الحصص .
وكنت يا طارق مع قلة قليلة اذا مسكنا المضرب تاني ما بنفكو.
والي الآن في شوية رقشة .
فهمت؟؟؟؟
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: حسن طه محمد)
|
الفصل ده كله أحرز الدرجة الكاملة ..... حسن و طارق و كمال ....
لآ أدرى إن كان كاميليو لا يزال بسعد قشرة أم لا ... أخر مرة زرته كان عمل دكانيين فى سعد قشرة ...
.....أكثر ما كان يعجبنى فيه ... أنه كان يجدد و يأتى بتقليعات و موضات جديدة ...
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
حسن طه يبدو أن البينق بونق كانت الهواية الأولى لناس الدناقلة جنوب.. وأذكر أن أكثر من كان يحبها لدرجة الهوس في دفعتنا.. أخونا وصديقنا الفريق معاش/التاج خضر، وكان حريف فيها زي حرافتك كده ما بيفك المضرب لما يمسكوه إلا بالتحنيس.. ولاّ شنو يا طارق؟؟؟
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
احسن ترزي قمصان علي النضام وهو من الكاملين وكان في البدء يعمل صبي عراوي مع ابراهيم ابوديه رحمه الله ثم فرز عيشته وتزوج من بنت اخت ابو ديه وكان يعمل من منزله وحتي الآن لا انسي تسجيل بالتلفزيون يظهر فيه ثنائي العاصمة بقميص احمر ونقط بيضاء من تفصيل علي كما كان يفصل عنده الفنان صلاح مصطفي ومحمد ميرغني علي ما اذكر وكذلك طارق ميرغني وصحبه الميامين.
واما البنق فكانت من الرياضات المحببة للجميع رغم كياشتي واخي كمال السر فيها ما زي اخونا حسن طه وما شاء الله لسه فيك رقشه يا مولانا ما نسحرك.
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
[U]من ذكريات بحري الاميرية:
في السنة الاولي ويا دوب تعليم اللغة النجليزية.
الأستاذ / مصباح بابكر
الطالب / احمد حسين رستم
الدرس / This is a tin رستم راحت عليه كلمة تن.
وبعد جهد جهيد وبعد ان استعصت عليه الكلمة بالانجليزي قال باعلي صوته :
صفيحة This is a
الاستاذ الاديب الشاعر محمد سعد دياب درسنا انجليزي في سنة تانية وكان جاي جديد من معهد المعلمين العالي.
كان انيقا مكتمل الاناقة ورقيقا تتدفق الرقة من جوانحه .
له التحية اين ما كان.
في سنة رابعة اخطأت في جزء من مسالة بسيطة:
ناداني استاذ خليفة عبد القادر وقال عبارة لن انساهاواحفظها عن ظهر قلب وكانت فعلا درسا لي في مستقبل ايامي الدراسية:
ستندم حيث لا ينفع الندم.
ما احلاه من اهتمام من مدرس عملاق
له التجلة.
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا طارق الشيء بالشيء يذكر.. صبي عراوي ذكرني أخونا الماحي (صبي عراوي علي النضام) شقيق الأخ/ إمام.. وما أظن لم يصدر علي النضّام أي فرمان بترقية الماحي إلى ترزي تحت التمرين وحتى خروجنا من السودان... هل كان بإمكان الماحي إيداع دعوى لدى محكمة مكتب العمل فحواها أن علي النضّام أقدم على تحجيمه لفترة طويلة كصبي عراوي؟؟؟
أفتينا يا مولانا حسن طه..
التحية للأخ/ الماحي وللأخ/ إمام والرحمة للأخ/ حليم عبدالخير...
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
كان الإهتمام باللغة الإنجليزية سياسة ثابتة بالنسبة لوزارة التربية في السنوات الماضية لا تهاون في ذلك ، في القوت الراهن قل الإهتمام بهذه اللغة وتدنى مستوى المعلمين فتدنى على إثر ذلك مستوى الطلاب ، نتيجة شهادة الأساس والشهادة السودانية في الأعوام السابقة أكبر مؤشرعلى ذلك حيث كانت كانت محصلة النتيجة العامة في مادة اللغة الإنجليزية مخيبة للآمال .
في الأميرية درسنا العديد من الأساتذة الأجلاء مادة اللغة الإنجليزية أذكر منهم في بداية السنة الأولى الأستاذ/ عوض نميري ، في ثانية الأستاذ مصطفى (العربي) كان يدرس الإنجليزي بلكنة أهل ..... رغم إجادته لهذه المادة ، في السنة الثانية الأستاذ حاتم عليه الرحمة والمغفرة ، في سنة ثالثة درسنا الأستاذ/ عوض نميري عندما عاد هذه المرة كمدير للمدرسة وكان الأفضل من بين هؤلاء الأساتذة وزرع في الكثيرين حب هذه المادة بإسلوبه المتميز .
محمد شمس الدين أذكر جيداً أنه كان متفوقاً في هذه المادة وكان سابق بقية الزملاء خطوتين فعندما كانت الدفعة في مرحلة تعلم الحروف في بداية السنة الأولى كان يتحدث بطريقة جيـدة ربما كان ينتمي إلى ديناصـورات سابقة ونحن لا ندري ، نترك له المجال ليرد على هذه النقطة ..
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
كان الإهتمام باللغة الإنجليزية سياسة ثابتة بالنسبة لوزارة التربية في السنوات الماضية لا تهاون في ذلك ، في القوت الراهن قل الإهتمام بهذه اللغة وتدنى مستوى المعلمين فتدنى على إثر ذلك مستوى الطلاب ، نتيجة شهادة الأساس والشهادة السودانية في الأعوام السابقة أكبر مؤشرعلى ذلك حيث كانت كانت محصلة النتيجة العامة في مادة اللغة الإنجليزية مخيبة للآمال .
في الأميرية درسنا العديد من الأساتذة الأجلاء مادة اللغة الإنجليزية أذكر منهم في بداية السنة الأولى الأستاذ/ عوض نميري ، في ثانية الأستاذ مصطفى (العربي) كان يدرس الإنجليزي بلكنة أهل ..... رغم إجادته لهذه المادة ، في السنة الثانية الأستاذ حاتم عليه الرحمة والمغفرة ، في سنة ثالثة درسنا الأستاذ/ عوض نميري عندما عاد هذه المرة كمدير للمدرسة وكان الأفضل من بين هؤلاء الأساتذة وزرع في الكثيرين حب هذه المادة بإسلوبه المتميز .
محمد شمس الدين أذكر جيداً أنه كان متفوقاً في هذه المادة وكان سابق بقية الزملاء خطوتين فعندما كانت الدفعة في مرحلة تعلم الحروف في بداية السنة الأولى كان يتحدث بطريقة جيـدة ربما كان ينتمي إلى ديناصـورات سابقة ونحن لا ندري ، نترك له المجال ليرد على هذه النقطة ..
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
بالله من زمان يا ابو رزقه انا شاكي في انو محمد شمس الدين ده ديناصور سري يا دوبو اتضحت الحقيقه واحقو بعد ده حسن طه يريحني شويه .
اما نحن في اللغة الانجليزيه ففي اولي كان الاستاذ خليفه ولا انسي يا كمال السر في جمع كلمة بنسل الي pencils كانت مشكله كبيره بالنسبه لصلاح الطيب الصافي والكف المشهور الذي اطاح بعمته كالطبق الطائر لينزل علي احدي الطاولات. ومن بعد كان الاستاذ عبد الله عمر من الصبابي وثم رحمة الله عليه يوسف ادريس شقيق ابو الهول وعلي ايدي هؤلاء نفخر بان اللغة الانجليزية التي نتمتع بها الآن هي بقايا ما تعلمناه علي ايدي هؤلاء الاساتذة الاجلاء اطال الله عمر البقية
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الاخ طارق
وكما قال العزيز كمال السر الشئ بالشئ يذكر
فعند ذكر الاميرية لا بد مكن ذكر حلة الدناقلة جنوب
في اجازتي القصيرة الأخيرة كعادتي في كل اجازة لا بد من زيارة الحلة حتي ولو بالف بالعربية في شوارعها محاولة لاجترار ماضي الطفولة الجميل.
سوق حلة الدناقلة كان يتكون من اربع اركان منفصلةكما هو معروف.
في هذه الزيارة الاخيرة وجدت ان الركن الذي به دكان عمنا ابشر الجزار اصبح كله دكا دكاعلي الارض.
لا ندري الي ماذا سيحول هذا الركن.
هل تم بيعه من قبل المحلية ؟!!!!!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: حسن طه محمد)
|
الاخ كمال السر
بالنسبة لدعوي الماحي
هل كان الماحي ملتحقا بالعمل مع النضام تحت بند التدريب المهني ام تحت بند تشغيل الاحداث؟
ارجو تزويدي بالاجابة مع مقدم الاتعاب لنواصل في الموضوع.
والتحية لك وللماحي وللجميع.
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: حسن طه محمد)
|
الإنجليزى يا أبورزقة لم يكن لأننى حضرت أيام المدارس بالإنجليزى
السبب كنت قضيت سنة فى إنجلترا عندما ذهب الوالد -رحمه الله - للدراسات العليا عام 74...
...
يا طارق كنت قريب من أن أذكر النضام كترزى أفرنجى .... و لكن لم أكن متأكد ....
أما أحسن ترزى جلاليب ... فليس عندى خيار إذ أن الوالد كان يأخذنا عند ترزى واحد فى سوق بحرى -من بداية السبعينات - و هو العم / عبدالقادر - رحمهم الله جمعيا - ... و حتى اللحظة المقاسات عنده فى كراس قديم ...
و هذه الطريقة أحسن طريقة للتفصيل عندما يكون الشخص مغترب ..
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخ / محمد شمس الدين
شغل الترزية إتطور الآن ، في ترزية هنود عندهم محل في السوق العربي والشغل بالكمبيوتر يعني يعملوا ملف خاص بالزبون ويرسلوا رسالة على الإيميل للتأكيد عندما يحين موعد إستلام الجلابية ، لا إستبعد أن يكون عندهم موقع على الشبكة وبورد خاص بالزبائن .
لقد ولى عهد الدفاتر والكراسات .
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الهميم
كيف الحال
نحمد الله على أن الحديث عن الترزية جعلك تظهر مرة أخرى ، قميص مانديلا مرفق طي هذه الرسالة ومطبوع عليه الرقم تسعين إحتفاءاً بعيد ميلاده الميمون .
الترزي الحديث الآن في سوق بحري أو سعد قشرة يعمل بنظام التجارة الإلكترونية ، تدخل على الموقع وتطلع على المواصفات وتختار نوع القماش والتصميم والدفع بالفيزا ويتم إرسال الجلابية بالبريد السريع يعني يجيك مندوب الشركة أمام منزلكم ويصلك الطرد حتى لو كنت ساكن شلعوها .
إنتهى عصر اللف بالجرائد القديمة
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اولا نتلقي تبريكاتكم بمناسبة حصول ابنتنا هاله شوقي يسن السيد علي، بنت د. شوقي ابن بحري الثانويه والاميريه لكن (2) علي مجموع
94.6 % من مدرسة المنار.
والله شرفنا الاخ الهميم ويبدو ان تواجد اخونا ابورزقه سيظهر العديد من المتداخلين والعديد من الحقائق وانه بهذا يعمق الحقائق العلمية التي تؤكد ديناصوريه زميلنا محمد شمس الدين لانه يتحدث عن الدفاتر والكراسات وناس الهميم يتحدثون عن القمصان بالattachment .
بخصوص الماحي طبعا ترعرع علي كنف علي النضام كصبي عراوي وتم ترقيته الي سواق حكومي ثم الي سائق خصوصي.
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
أزف أصدق التهاني للإبنة النابغة هالة شوقي بمناسبة تفوقها في إمتحانات الشهادة السودانية وإحرازها هذا النجاح الباهر ، أسأل الله لها دوام التوفيق في حياتها العلمية والعملية ، ومزيداً من النجاح والأفراح .
ألف مليون مبـــــروك
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: ابنتنا هاله شوقي يسن السيد علي، بنت د. شوقي ابن بحري الثانويه والاميريه لكن (2) علي مجموع
94.6 % من مدرسة المنار. |
التهانى و التبريكات لكم يا طارق و ل د. شوقى ...
نعم الإله على العباد كثيرة ****** و أجلهن نجابة الأبناء
مع دوام النجاح و التوفيق...
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
العزيز طارق
نكرر التهنئةوصباح اليوم سعدت بمحادثة الاب الروؤف الحنين دكتور شوقب.
يا طارق انت لسه من زمن الماكنتوش .
ظهرت حاجات جديدة ومع ود موسي تجري المشاورات حيث كلفته بصفته اقدم مني بحجز طائرة شحن.
وهالة ومثيلاتها القليلات والله يستاهلن طائرات شحن جمبو.
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
تحيه حلوه مع الربع الثالث من العام ومرحب بالماكنتوش في هذه الاطلالة المباركة باذن الله واصلو اخي شمس الدين كمال السر بيحب الحاجات الحلوه زي الماكنتوش وكده وان انسي لا انسي ايام مذاكرتنا بمنزلهم بالمزاد من اول التجهيزات التي يقوم بها الاخ كمال كيلو طحنيه!!! اذ كان من كبار عشاق الطحنيه كما الرئيس نميري؟؟؟؟
اما اخي حسن طه حياك الله وعلي سيرة حلوه بالله كلمة " حلوه" دي الذكرك ليها شنو وما هي صلتها بالماكنتوش ولا العلاقة بالماعون !!!
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
صديقي ابو آمنه حامد رحمه الله كان يعتقد ان نميري بيحب الطحنيه وذلك عكس الباشمهندس ود موسي انه الحاجات الحلوه دي بتقلب كيانو ولا يحبها البتةاصلو وهو صغير جاهو بعيد عنك يرغان فمن ديك وقع الموالح والحوامض وبقي راجل حدقنجي ( حلوه حدقنجي دي) تاني قام جاب سيرة البحر....!
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الاستاذ خليفة عبدالقادر واحد من الاساتذة المتميزين قد يكون قاسيا لكنه لمن يعرفة فهو لا يقسو الا لصالح الطالب. استاذ خليفة من ابناء شمبات وهو اخ شقيق لحسن عبدالقادر رئيس نادي الهلال سابقا ايام الكورة كورة. وكان هو ايضا لاعب اساسي في فريق شمبات واعتقد كان في ذلك الزمن في الدرجة الثانية.
كان فعلا قاسيا على المقصرين في دروسهم وبصفة خاصة كان اكثر قسوة على السلوك غير السوى. كان لا يرحم ابدا اي طالب يسلك سلوك يعتبره بعرفة هو انه سلوك غير لائق. فاكر كويس ان المدرسة كانت تكون جايطة من الصباح قبل الحصص وتكون زي سوق بحري ويدخل كل الاساتذه وبما فيهم ناظرة المدرسة ( الاستاذ الشاعر عوض حسن أحمد) والمدرسة هايصة ناس تجري وناس تتشاكل وناس في كورة وغيرة والحظة التي يدخل فيها استاذ خليفة يختلف الموقف تماما والكل يختفي وفي لحظات لا تعرف اين ذهب كل الطلبة واين اختفت الكورة!!!
من الذكريات عن قسوته ان احد الزملاء ولا داعي لذكر الاسماء قرر ترك الاميرية 1 بسبب استاذ خليفة. كان من سكان حلة حمد (ليس بعيد من حيث كنت اسكن في ذلك الوقت) جأني هو وشقيقة الاكبر في وقت متأخر من الليل وكان السبب انه قد قرر عدم مواصلة الدراسة في بحري الاميرية 1 طالما استاذ خليفة يدرس فيها. وطبعا عملت فيها الود مسئول واستطعنا انا واخوه ان نقنعة بضرورة مواصلة الدراسة والا سوف يصبح صائع لان بحري في ذلك الوقت ليس بها مدارس متوسطة غير الاميرية 1 والاميرية 2 وقد نجحنا في ذلك ونجح هو بل واصبح طبيبا وكانت له عيادة في شارع الحاج يوسف.....
كان استاذ خليفة من الاساتذة المنتظميين لا يتأخر ولا يغيب بل كان من الاساتذة الذين غالبا ما تجدهم حتى بالمساء في المدرسة يمارس الرياضة (كرة قدم او سلة) او الجمعيات المختلفة.
اقول ان استاذ خليفة كان من الاساتذة المتميزين بل كان عطوفا وانا فاكر انه كثيرا ما كان يعطى احدا فلوس ويقول للواحد روح احلق شعرك دا او في فلم كويس في سينما حلفاية روح شوفه وغير ذلك.....
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
لكم التحية عزيزي طارق
انا من خريجي زمان والواحد شايف ناس المنبر كلهم جداد...
انا من خريجي 1969 دفعتي سيدالدين جميل وعبدالرحيم دارقيل وحسن بشير من حلفاية الملوك وماهر عبدالله من شمبات وعصام المجمر ومحمد الحاج العوض من الحلفاية ايضا.
وبعد بحرية الاميرية 1 اصبحنا من ناس بحرية الثانوية الحكومية دفعتنا فيها :
عزالدين هلالي
فاروق رحمي
لوممبا
أحمد حسين زيادة
سيف الدين (سكسكة)
حسين عبدالله (كوبر)
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
أولا أرحب ترحيب شديد بالأخ/ حسن عبد الله
ثانيا... لو كان الأمنية صحيحة فقهيا أقول:
إن شاء الله الجمع "سلكة" و "حلوة" في المهنة...
يجمعكم في الحرم...
يا محمد شمس الدين.. يا أخي أنا كنت غاطس أبعد عنك لسفر العيال..
العزوبية في السن دي مهلكة.. وتعجل بالإنقراض
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: Kamal Karrar)
|
قبل عام كنت في السودان بس الظروف لم تسمح...
بس قبلها امكن بثلاثة سنوات كنت في السودان ورحت اسلم عليه وكنت فاكر انه في السودان للاسف لم اجده وعرفت من زوجته انه بر البلد. ودا بالضبط نفس الاسبوع الذي دخلت فيه الجمرة الخبيثه عندهم.
شكرا ليك وسوف اتصل به الان ان شاء الله.
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: حسن عبدالله)
|
عزيزي حسن عبد الله
لك السلام والتحية
وشكرا لطارق وبقية العقد الفريد لجمع هؤلاء الكوكبة العظيمة من طلاب الاميرية.
رغم الذاكرة الخربة فما زلت اذكر التمارين الرياضية وكثير منها كان المشرف عليها استاذنا القدير خليفة عبد القادر.
لا زلت أذكر تلك الاهداف (الجميلة ) التي كنت اصسجلها في مرماك وانت الحارس العملاق.
اه رايك شنو ؟
وبعدين نجي لبحري الثانوية.
هل عرفت الفقير لله حسن بن طه بن محمد طه؟؟
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: حسن طه محمد)
|
عزيزي حسن طه
للاسف اثار العمر صعبة وخطيرة علي الذاكرة بالذات بس للمعلومية في حاجات كده يخيل لي انها لازمن ولا حتي التاريخ يمكن ان يمحاها فالمعزرة.
بس انا سعيد انك كنت بتحرز فيني اهداف ودا بالتأكيد كان سبب عشان اترك الشغلة وتبقى حياتي مختلفة. لو كنت بمنع واحد هداف خطير زيك يحرز اهداف كنت اكون حارس عالمي وحترف .....
ارجو ان تحاول تذكرني بحاجة غير الكورة اممكن الواحد يقدر يجمع.
الكثيرين اعتقدوا ان زميلنا حسن بشير هو وزير الدفاع بتاع عبود لا يااخوانا نحن اكبر من كدة كثير دا كان اسمة حسن بشير نمر يعن من زمن ما قبل الزمن الحجري انا طبعا من العمر دا بقيت الخبط انا خريج 1996 من بحري الثانوية مش من الاميرية دي طبعا قبل كدة كمان ب 4 سنوات.
تمام سبيتي (حرس الريس نميري) كان دفعتي اكيد انا قديم او بالتأكيد اقدم واحد بيتواصل من واحة الذكرى العظيمة دي ....
لكم جميعا التحية..
شكر خاص للاخ كمال كرار لاتاحة الفرصة للحديث مع الاخ محمد محجوب
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخ / حسن عبد الله
لك أطيب تحياتي
وطالما أنك دفعة الفريق عبود
فإننا نقف لك إجلالاً وإحتراماً ونرحب بك عضواً مميزاً في هذا المنتدى وخاصة أنه قد تبين لنا من أسماء أبناء دفعتك أنك بذلك تصبح أقدم ديناصورات هذا البوست وذلك حتى إشعار آخر ونحن من زمان بنبحث عن أسماء من ذلك الزمن الجميل
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: عبد الرازق سعيد)
|
عزيزي عبدالرزاق لكم التحية والاجلال
ذي ما كلكم بتقول عرفنا بنفسك ممكن كمان تطلع من دفعة الزعيم ازهري ولا حاجة قريبة من كده على كل حال نحنا قدام ومعتقين.. وكمان بنبحث عن المعتقيين زينا.
اتمنى اسمع عن واحد زميلنا اسمة جعفر قناوي كان في ساكن الدناقة شمال... ولو اعرف حاجة عن المدعو حسن محمد توم او شيخ الدين ديل كان عاملين شيوعيين وما كان عندهم هم ولا شغل غير العمل للحزب اكيد يكون الان مع لينين او يكونوا راحو تحت الرجلين ايام الكشه...
التحية للجميع
حسن عبدالله
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الاخ حسن عبد الله اظن ان سنة تخرجكم من الاميريه العام 1969 م غير صحيح لانه هذي سنة تخرجنا نحن يمكن تكون سنة تخرجكم من بحري الثانويه ..
اما الاخوة الاعزاء دارقيل ،عصام المجمر،فاروق رحمي،لوممبا وسبيتي نذكرهم جيدا وهم كانوا في السنة النهائية ونحن بعد برالمة.
بعدين تأريخك يدل علي القدم عام الجمرة الخبيثة وعام سودانير وعام الرماده ... ياخي ادينا تواريخ بنستوعبها نحن وناس حسن طه الصغار ديل!!!
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخ العزيز حسن عبد الله
ابدا بالتعريف بشخصي الضعيف
اولا شخص وجد نفسه داخل مثلث بحري الاميرية وبحري الثانوية والشعبية
والآن المثلث اصبح مربع بعد قيام العزيز كمال السر باضافةبحري المدينة.
عذرا ساكرر نفس التعريف الذي سبق سبق لي توضيحه في احد بوستات المثلث
الاسم: حسن طه محمد طه محمد سعيد عبد الواحد
تاريخ الميلاد : في الخمسينات من القرن الماضي
تاريخ التخرج من جامعة الخرطوم : في السبعينات من القرن الماضي
تاريخ الاغتراب : في الثمانينات من القرن الماضي اولا في السعودية وحاليا بدولة قطر
الدراسة مدرسة الدناقلة الاولية ثم بحري الاميرية ثم بحري الحكومية الثانوية
السكن : حلة الدناقلة جنوب ثم الشعبية
ساكتفي بسؤال هل تعرف هؤلاء
وقيع الله عثمان
عبد الله محمود
عبد اللطيف قسم الله
احمد مبارك يكن
احمد حسين رستم
عبد الرحيم محمد علي
طارق المشرف
سفيان الطاهر
سيف الدين سيد احمد
فتحي محمد احمد
محجوب محمد الحسن
الفاتح عروة
عبد الفتاح محمد الحسن
عثمان حسن علي ( وكان حارس مرمي زيك )
محمد سيد احمد
محمد عثمان عبد الرحمن
عبد الفتاح شريف
والبقية في العدد القادم
واظن ديل الدفعة القدامك ( ولا الوراك ) ؟
| |
|
|
|
|
|
|
|
|
 Re: بحري الاميريه "1" شعلة لا تنطفئ (Re: طارق ميرغني)
|
عزيزي طارق لك التحية
اخونا حسن طه طلع ديناصور من العهد الذي سبقنا بشوية.
هو دفعة ناس الفاتح عروة ومحجوب عروة ودكتور عبداللطيف وديل الدفعة القبلنا.
شايف في واحد ذكر الاستاذ عبدالقادر رحمة (كرتون) ولو في واحد فيكم دفعته يكون فعلا اصغر مننا بسنة واحدة لاني انا دفعة اخوه ميرغني رحمة دي عشرة وذكريات لا تنسى من ايام حي الوابورات (الميري)
واعتقد انك ممكن تكون دفعة المهندس صلاح بشير ودا برضة الدفعة البعدنا يعني كدة انت اقل من ان تصبح ديناصور وباقي ليك سنة عشان تحصل على هذه الميزة.
عايز واحد يقول لي وين المدعو كمال عبدالمحمود
لكم كل الحب
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا حسن عبدالله أبدأ من الآخر وأقول ليك الدكتور/ كمال عبدالمحمود في الفجيرة على ما أعتقد... يمكن طارق يقدر يمدك بتلفونه.. ولو ما قدر بحاول ليك...
يا أخي شن جاب طارق لدفعة صلاح بشير....
صلاح بشير دفعة عمر قسم السيد وقرن شطة وعصام يعقوب وبانقا ويحيى محمد علي الفراش والفاتح وآخرين وديل بينهم وبين طارق دفعة كاملة
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: Kamal Karrar)
|
الأخ حسن حار بشخصك الكريم ...
Quote: تاريخ الميلاد : في الخمسينات من القرن الماضي
تاريخ التخرج من جامعة الخرطوم : في السبعينات من القرن الماضي |
يا أبوعلى فى هذه اللحظة تذكرت المقابلات التى كانت تجرى مع الفنانين ..
العمر ؟
يرد الفنان : الأعمار بيد الله
عشان كده ما عاوز أسألك عن أمنيتك الفنية .؟
....
و لك تجية بحراوية نضرة ....
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: Mohamad Shamseldin)
|
الاخ محمد شمس الدين
ما لازم نستفيد من الفنان ابو عبيدة حسن الذي سمعنا انه عندما سئل عن امنيته الفنية
اجاب : احجج امي !!
وثانيا عشان ما ندي فرصة للعزيز طارق الذي يحاول بكل الطرق وبكل الوسائل الحصول علي تاريخ ميلادي بعد ان ثبت بما لا يدعو مجالا للشك ( علي قول القانونيين المصريين في مرافعاتهم ) انه شوهد ببنطاله وقميصه ( يعني زول كبير بشنباته ) في حلة كوكو عام 1938م واسال ود موسي عن ذلك .
لك تحياتي
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: Kamal Karrar)
|
عزيزي كمال كل الاخوان الذكرتهم ديل دفعة صلاح بشير اقصد عصام يعقوب عمر قسم السيد قرن شطة...
أهم من كدة عايز اشكر مرة ثانية وثالثة ورابعة. لاني من محمد محجوب عرفت ان اهم شخص عن ابحث عنة موجود في ابوظبي وهو الاخ شيخ الدين عثمان من دفعتنا في بحري الثانوية دا كان عامل شيوعي طبعا الكلام دا ايام الشيوعية.حسب كلام ابن عمك شيح الدين دا شغال مهندس بترول في شركة كبيرة هنا...
بالله لو بتعرف اي واحد من الاخوان يعرف تلفون د/عبدالله أحمد البشير نعم اخو الريس يكلمة بالمعلومة دي لانه هو برضه كان يسال منه وعايز يعرف شنو صار ليه وانا بالذات كنت فاكرة في قبر في روسيا..
تحياتي ليكم
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اخونا حسن عبد الله الاخ العزيز كمال عبد المحمود يعمل طبيبا في خور فكان بالامارات العربية المتحدة وللاسف انا ذاتي عايز تلفونه لو لقيت...اما بخصوص المهندس صلاح بشير ادعم كلام الاخ كمال السر وانه الدفعة قبل القبلنا واماحسن طه يمكن يكون دفعة عمنا عروه ذاتو...
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
دا كده معناه نحن بنتكلم مع اولاد صغار و دا مايجوز.....
دي قصة ظريفة كنا في سنة ثالته...
كان معانا واحد قريب استاذ خليفة اسمة الزين وكنا ننادية الزين قيافة وهو طبعا من اولاد شمبات ولا قيافة ولا حاجة. المهم في سنة ثالثة دي جاء واحد ثاني برضة من اهل استاذ خليفة يظهرا مرفوت من الاميرة 2 كان اسمة محمد الحسن اعتقد وطبعا زي اغلب ناس شمبات كان بسف صعود.
يوم كان عندنا حصة والاستاذ ما جاء وطبعا دي يوم عيد الفصل كلة عامل ظيطة شديدة ولا المولد. وفجاء دخل استاذ خليفة وطبعا انقلب الوضع في لحظة والكل عمل بيقراء ...
استاذ خليفة ما قال ولا كلمة بس لفة حول الفصل وخرج...
اكتشفنا ان قريبة دا محمدالحسن كان سافي ولم لقي استاذ خليفة قدامة بلغ السفة.....
تصور الواحد يتذكر حاجات زي وينسى ناس حسن طة ؟؟؟؟
تصور اخي حسن تذكرتك تماما بس مش قادر استحضر الشكل تمام......
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
أبراهيم الصديق أبو علامة...
أخ ودفعة من أبناء حلة خوجلي شارع القبة.. خلع عليه الأستاذ/ يوسف إدريس (رحمه الله) لقب صاحب الحنجرة الذهبية.. لما في صوته من نبرات متهدجة تشنف الآذان وهو يجتزيء قراءات من الريدر عندما يحين دوره في القراءة.. وتنبأ له أن يكون مذيعا للنشرة الإنجليزية.. ولكن...
قرر أبراهيم أن يكون رجل أعمال وفتح مغلق يبز فيه كمال على أحمد والبصيري... وبهذه المناسبة العايز حنفية مجانا يمشي يقول ليهو كمال قال ليك أدينا حنفية .. مش أنا كنت الألفة
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا طارق لا بأس على أخي العزيز جدا اللواء مهندس بحري / عمر قسم السيد عبد الله، وإن شاء أجر وكفارة.. بالله طمنا يا طارق.. ولو عندك تلفون للأتصال ممكن تباصيه لينا.. يا أخي عمر ده راجل بركة.. ولازم اتكلم معاه.. لما يكون قادر على الكلام.. وأنا قبل كل شيء أرفع معكم أكف الضراعة لله العلي العظيم أن يكلأ الله عمر برعايته وأن يقوم بالسلامة قبل أن أكمل كتابة هذا البوست.. وما تشوف شر يا عمر.. بالله وصل دعواتنا بالسلامة لأخواني.. الأخ/ بابكر والأخ الدكتور علي والأخ/ خالد والأخ/ عصام وألأخ/ محمد والأخ/ عبدالرزاق عبدالمجيد..والأخوات الكريمات وكل الأهل بالحلفايا وعموم بحري وودسلفاب والعمارة طه ..وطمنا يا طارق
عمر قسم السيد من الدفع المميزة في بحري الأميرية
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
لأخ/ طارق
ألف حمد لله على السلامة للسيد عمر قسم السيد ، مع تمنياتنا له بدوام الصحة والعافية
سبب الغياب يومين عن البوست هو أن الكل كان يرغب في الإستمتاع بأكبر قدر من هواء بحري العليل وطراوتها ، ومن ثم العودة إلى الحبيبة بصدور ممتلئة بالهواء النقي
الغريب عند العودة إكتشفنا أن الإسم قد تغير وربما يكون السبب هو إستنشاق جرعة زائدة من الطراوة قبلكم
تقبل فائق تحياتي
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
ياشباب انتوا كلكم بى جاى وخالنى لايصة بى هناك براى .....اتاريه وانا اقول
ديل بيمشوا وين ...وبيختفوا وين ؟ وانتوا مجهودانكم اتاريها موزعة بين بوستين ........
مافى زول فيكم قرا معاه اخوى ناجى بشير الطيب ...
وصلاح سكوته ...وعبدالمنعم شونة ومنو كدة من اولاد ابو دية .......
ليكم خالص الود
وانتم تقومون بهذا العمل التوثيقى الجميل ....
ناهد
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: Kamal Karrar)
|
Quote: ]يا ناهد 3 بوستات غير بحري أمسكي عندك:
1- بوست الشعبية
2- بحري الأميرية
3- بحري الثانوية |
اخ كمال...
امسك الخشب .......ماشاءالله عليكم وصحى بحرى طرااااوة
وناسها حلوة ....ياسلااااام ....
بالله شوفى يابحرى.... اولادك ماسكنك حته حته كيف...
وبالله ان جيتو لمدارس البنات قولوا لى عوووك ...
وان بالعدم مافى (سوق سعد قشرة)
وتسلم عيونكم
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
آآآآآآآآآآآآآآآآه بالله تقصد اسم ابورزقه خلاص اعتذرت في بحري طراوه. وياك انت كان نطيت سعيييييييييييييييييد مش بشير.
ويا ناهد والله الجماعه ديل خلونا ننطط زي الارانب لكن ربنا يدي العافيه شايف الوالده لسه ما لقت ليها عضه في بحري الاميريه .
من ناس ابو ديه صديقي العزيز رحمة الله عليه ابراهيم ابو ديه واخيه فتحي متعه الله بالصحةوالعافية وزميلنا ببحري الثانويه عبد العظيم محمد احمد ابوديه وكل آل ابو ديه اصدقاءنا .
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: Kamal Karrar)
|
| Quote: تعرفي يا ناهد أنا خايف تشيلني الهاشمية بحب بحري وأقول ليك سجن كوبر ذاتو ظريف... لووووووووووول مش في بحري... |
ومالو ...وثقوا للسجن وناسه وضباطه وعساكره وعماله...وطارق نديه يجيب اسامى المساجين
من سياسين ومعتقلين ...و و و و ...
وماتنسى الاشلاق الفى كوبر .....مليان كتير من الاسر الكريمة اللى مروا على هذا الحى العريق
وسوق كوبر وماتنسى عزيز كافورى واللبن ...
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
خالد ميرغني الياس:
صديق عزيز... درس معنا في الأميرية وفي بحري الثانوية ومن أوائل المهاجرين لأمريكا.. كان حائزا على الحزام الأسود في الجودو أو الكارتيه.. بس قبلها أديتو علقة.. وحمدت الله إنو هاجر لأنو بيكون متذكر علقتي ليه..
المهم.. طارق كالكثير من السودانيين عنده مشكلة في نطق حرف P وال B أذكر الكلمة كانت Pencils وخالد تملي ينطقها Bencils وأتعب استاذ خليفة عبد القادر جدا.. ستمائة كف لم تعدل لسان خالد.. في النهاية وضع أستاذ خليفة قصاصة ورق في يد خالد ونطق حرف ال P بحيث طارت القصاصة مع نطق الحرف.. ولما جاء دور خالد وقبل أن ينطق الكلمة نفخ الورقة وطيرها وقال: Bencils وعينك ما تشوف إلا النور حيث رقعه استاذ خليفة كفا لا زلت أسمع صوته في أذني... أما الآن فخالد ميرغني الياس "خالد الضرش" هو أمريكي يأكل حرفين ويطلع حرف واحد وغالبا يكون حيصوت لاوباما.. مخافة أن يكون شلالي.. ومع إنو خالد ما شلالي إنما أهله اصلا من بربر ولكن سكن حلةالشلالية قبل قدوم شلال الأول بن سبلوقة لحلة حمد...
سلام عليك أينما كنت يا صديقي العزيز خالد..وسامحني في البنية المتسلفة مني..
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اخي كمال كتر خيرك جبت سيرة صديق قديم الا وهو خالد ميرغني الياس وكثيرين كانوا بيفتكروا اننا اخوان ،،،اللون والشعر حينها .
وما شاء الله اخي كمال لم يتغير ولا قيد اي حاجه هو نفسه بتاع الاميريه حتي جسمه هو..هو!!في آخر عهدي بالولايات المتحده عام 1998 اقام لي حفل عشار بمنزلهم بنيويورك بكولوني آيلاند هو وزوجته الكريمه أسماء السنوسي.
وكتر خيرها تاني يوم ذهبت معي الي شارع فلات بوش في بروكلين لشراء الملايات وغيرها . لهم علي البعد الف تحيه..
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: ياشباب انتوا كلكم بى جاى وخالنى لايصة بى هناك براى .....اتاريه وانا اقول
ديل بيمشوا وين ...وبيختفوا وين ؟ وانتوا مجهودانكم اتاريها موزعة بين بوستين |
والله يا ناهد الجماعة برضو خلوني انا لايص براي فبعد ما كوجنا آبري بحري طراوه جايين نعوس الاميريه واحد .... ولا كيف؟؟؟؟؟؟؟؟؟
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
| Quote: وكتر خيرها تاني يوم ذهبت معي الي شارع فلات بوش في بروكلين لشراء الملايات وغيرها . لهم علي البعد الف تحيه.. ] |
طارق يا حبيب ... أنت في أمريكا جاري وراء الملايات..
ومال لو مشيت "باب شريف" في جدة تشتري تمباك ولا شنو؟؟؟
يا أخي من أمريكا دي الواحد يشتري لاب توب.. أو بالعدم مسدس.. تقول لي ملايات... وسعد قشرة دي قاعدة تسوي شنو؟؟؟ أوعَ تقول لي كانون!!!!
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
والله يا حسن طه وكمال وانا لافي في شارع فلات بوش ربنا يطراه بالخير عرجت علي محل cosmetics وباسال في الزنجي ده شنو وده بي كام ؟؟؟؟؟ قال لي: انت مش سوداني؟؟؟ لا اله الا الله ....لمن راسي اتفتح وبعد داك تعارفنا علي الرجل وهو من منطقة سنار واخوته كانوا من المبرزين في جامعة الخرطوم ومنهم اثنين اساتذه فيها .ونيويورك طراوه .... اها رايك شنو يا كمال؟؟؟
| |
|
|
|
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
والله يا طارق ذكرتني واحد مفروض يكون دفعتكم في الاميرية ومن اولاد حلة خوجلي
انسان كان ظريف جدا وفنان ايو فنان في كل شئ الا القراية اسمه سيف الدين عبدالله كنا نقول نقول سيف الدين قرب وكان بتاع دربكة وبغني كويس.
انا عارف انه هاجر بريطانيا وبس شنو اخبره؟؟؟؟؟؟؟
| |
|
|
|
|
|
|
| |
حسن طه محمد
Azzam Taha
عبدالمحمود محمد عبدالرحمن
Mohamad Shamseldin
Kamal Karrar
ناهد بشير الطيب
فيس بوك
تويتر
انستقرام
يوتيوب
بنتيريست