Quote: اختنا الغالية اول من اطلق صيحة في هذا الاسفير من اجل احترام الرأي الاخر و ضد الاقصاء ولن توفيها الكلمات فلقد رسخت الفكرة و اثبتت ان الوضوح في المطالب العادلة يجعل للاخرين طريق العودة ممهد ولك ودي و احترامي وتقديري
لابالجد ...اتمنى ان اكونه
تخريمة
"بالجد حكومتكم دي مكانها هنا في المنبر ده...خليها ترسل تعهدها ارسل ليها باسوورد.....يااخي دي حكومة ..والناس مظلومة
Quote: حسي انقرش في الحارة التاسعة ذكروني الموضوع عندي اضافات مهمة زول هببو لي قال بتقول في شنو مافي اتخمخمت تاني مرقت
ذكريني الموضوع ولا ح اضطر اقطع ليكم موضوع من راسي اضافاتي دي لازم اكبها قبل ما انوم
اتفضل
الموضوع
هل من الممكن الإرتقاب باللغة والإختلافات الحوارية والسياسية في المنبر الى فضاءات اوسع.. هل يمكن ان عامل بمعزل عن الوصاية والرقابة الامنية
هل يمكن ان نكون واضحين مع انفسنا منتصرين لها بدون اللجوء الى الشللية والماسنجرات الداخلية وصاحب صاحبك صاحبك..
هل يمكن ان يكون هذا المكان...متكأ لنا في مختلف المواضيع سواء اكانت فكرية او ادبية او سياسية او اجتماعية "او كسيرية تلج" او ماعداه
هل يمكن انكون جادين شوية في طرحنا هل يمكن ان نحاول الإرتقاء بأنفسنا من الجهوية والعنصرية والتحزب والتشنج الاعمى وقذف الاخرين بالمسبات والتهلليل في غير محله... هل من الممكن ان نكون المبضع لأنفسنا نجتث منهاكل خبيث
هل يمكن ان اتقبل نقدك بصدر ارحب وتتقبل رأي باحترام اكثر ونكون كما نود هل يمكن ان نبينيهو البنحلم بيهو وغيره
اتفضل المايك عندك
07-03-2008, 10:17 PM
Kostawi
Kostawi
تاريخ التسجيل: 02-04-2002
مجموع المشاركات: 39979
حنين إزيكم أنا اليومين دي ما فاضي قاعد أغسل و أكوي وأستلف هدوم للحفلة كلكم معزومين وأهو نتقابل و نناقش موضوع الصندوق وخاصة منو البشيل صرفة حمودي ما تنسوا أي زول عاوز يجي يحضر الحفلة يرسل التعهد موقع قبل تلاتة بوم من يوم الحفلة أنو حايقعد بومين بس و يتخارج و ما يعمل لبنا وجع وش بعد يشوف شيكاغو و تعجبو
07-04-2008, 00:54 AM
Kostawi
Kostawi
تاريخ التسجيل: 02-04-2002
مجموع المشاركات: 39979
Quote: حنين إزيكم أنا اليومين دي ما فاضي قاعد أغسل و أكوي وأستلف هدوم للحفلة كلكم معزومين وأهو نتقابل و نناقش موضوع الصندوق وخاصة منو البشيل صرفة حمودي ما تنسوا أي زول عاوز يجي يحضر الحفلة يرسل التعهد موقع قبل تلاتة بوم من يوم الحفلة أنو حايقعد بومين بس و يتخارج و ما يعمل لبنا وجع وش بعد يشوف شيكاغو و تعجبو
ازيك يا اسامة.....
07-04-2008, 03:58 AM
osman righeem
osman righeem
تاريخ التسجيل: 06-21-2007
مجموع المشاركات: 10872
برتوكولات حكماء شلة (تحت التأسيس) من اجل الوطن المأمول
مقدمة :
Quote: هل من الممكن الإرتقاب باللغة والإختلافات الحوارية والسياسية في المنبر الى فضاءات اوسع.. هل يمكن ان عامل بمعزل عن الوصاية والرقابة الامنية
هل يمكن ان نكون واضحين مع انفسنا منتصرين لها بدون اللجوء الى الشللية والماسنجرات الداخلية وصاحب صاحبك صاحبك..
هل يمكن ان يكون هذا المكان...متكأ لنا في مختلف المواضيع سواء اكانت فكرية او ادبية او سياسية او اجتماعية "او كسيرية تلج" او ماعداه
هل يمكن انكون جادين شوية في طرحنا هل يمكن ان نحاول الإرتقاء بأنفسنا من الجهوية والعنصرية والتحزب والتشنج الاعمى وقذف الاخرين بالمسبات والتهلليل في غير محله... هل من الممكن ان نكون المبضع لأنفسنا نجتث منهاكل خبيث
هل يمكن ان اتقبل نقدك بصدر ارحب وتتقبل رأي باحترام اكثر ونكون كما نود هل يمكن ان نبينيهو البنحلم بيهو وغيره
07-04-2008, 06:25 AM
osman righeem
osman righeem
تاريخ التسجيل: 06-21-2007
مجموع المشاركات: 10872
Quote: ب- الدين والسياسة في السودان 1. ان كل المبادئ والمعايير المعنية بحقوق الانسان والمضمنة في المواثيق والعهود الاقليمية والدولية لحقوق الانسان تشكل جزءا لا يتجزأ من دستور السودان واي قانون او مرسوم او قرار او اجراء مخالف لذلك يعتبر باطلا وغير دستوري. 2. يكفل القانون المساواة الكاملة بين المواطنين تأسيسا على حق المواطنة واحترام المعتقدات والتقاليد وعدم التمييز بين المواطنين بسبب الدين او العرق او الجنس او الثقافة ويبطل اي قانون يصدر مخالفا لذلك ويعتبر غير دستوري. 3. لا يجوز لاي حزب سياسي ان يؤسس على اساس ديني. 4. تعترف الدولة وتحترم تعــدد الاديان وكريم المعتقدات وتلزم نفسها بالعمـل على تحقيق التعــايش والتفاعــل الســلمي والمسـاواة والتسامح بين الاديان وكريم المعتقدات وتسمح بحرية الدعوة السلمية للاديان وتمنع الاكراه او اي فعل او اجراء يحرض على اثارة النعرات الدينية والكراهية العنصرية في اي مكان او موقع في السودان. 5. يلتزم التجمع الوطني الديمقراطي بصيانة كرامة المرأة السودانية ويؤكد على دورها فى الحركة الوطنية السودانية، ويعترف لها بالحقوق والواجبات المضمنة في المواثيق والعهود الدولية بما لا يتعارض مع الاديان. 6. تؤسس البرامج الاعلامية والتعليمية والثقافية القوميــة على الالتزام بمواثيق وعهود حقوق الانسان الاقليمية والدولية.
Quote: لله والرسول : لله والرسول ثم : لله والرسول ثم : تحت تحت محاولة للكتابة
إزيك يامواطن : أخوك لازال يباصر أيامه متخذاً من قانوني العرض والطلب خير ستارٍ لمواجهة الحياة فإبتسم وفقاً لقانون (الموقف) وأشرب وفقاً (للرأس) وحوجته وأبكي وفقا لحال (بلادي) . فهل مر دمع عثمان حسين من عندك يا صاحبي ?? مكث معي منذ يومها وحتي ساعتها حتي إنني سألت نفسي هو المات منو ؟ خضر أم عثمان أم أن خضر يبكي حظه أم إن عثمان يبكي وجعه أم أم وأمأمات كثيرات ياصاحبي . غادر الرجل زي الترتيب ليبقي مثله مثل أي غصة في حلقوم الناس . فكيف بكته البلاد السجانة ... إتحاد الفنانين ... مظاليم الهوي .... ومعجبيه علي إمتداد الإنسانية الغراء . ياهـ لكم موجع الرحيل ياصاحبي . أكتب وفي البال أغنية ماسكتني يوم أن قصدت (البنت إياها) إنهياري يومها كان الإتحاد السوفيتي يتساقط جداراً بعد جدار والشيوعيين أنفسهم كذلك يتساقطون وبقي في القلب مقولة تشبه حلم تروتسكي (نبي الثورة) الذي إغتالته أيادي الثورة وفي النهاية ياصاحبي فإن الحكمة التي خيوطها من خيوط قميص (عثمان) تقول : هي لله هي لله لا للسلطة ولا للجاهـ هي لله . والخرطوم بالله عليكـ ماذا قالت في وداع الرجل ؟ الشوارع أظنها ضاقت كما نفوس الخلق .... يوم أن سمعت برحيل (عثمان) أدركت بأن حظ بلادنا من حظي إذ لاحلو أيام تبقي إذ لا جديد يرتجي إذ لا إذ لا إذ لا إذ لاحياء لمن تنادي أو لاحياة . لكنها البنت إيزابيلا ..... قرأت نعيها الصادق من خلال (نقطتيها) السوداويتين وأجزم إن البنت بكتـ ولكأنها لم تجد بباطن الأرض حرفاً أوسع من نقطتيها . بكيت حزنها وحزني بكيت ساعتها كل شئ بكيت الإنسان ، والسودان ، حتي النيل بكيته من فرطـ بكائي . وأقسم إني ليلتها لمـ أنم إذ كلما حاولت جاءني عثمان بصوته الذي (يعمل العمايل) يدندن ويغني ويزكرني بحبيباتي وحبيبات أصدقائي وحبايب صديقاتي يذكرني بمسيرات أحببتها في وجه تلك التي غادرتني علي عجل !يذكرني بإبتسامتها بصدقها بعفويتها النادرة في الكلام والإنفعال والسكون وأشياء من هذا القبيل! ثم ياخي إن نهر الحياة يجف يوماً بعد يوم وأنا شخصياً (كصاحباً ليك) أقسم إني ماعادت تلزمني بلاد بتلك المواصفات بلاد لا حس فيها لمصطفي بلاد لا همس فيها لعثمان . أما عن الكتابة يارجل : فحدث ولا حرج قرأتك نشيد (صاحبنا) كوجان أو نشيجه الذي أهدينيه بمحبة ما بعدها محبة وفشلت في قول بعدهـ إذ إنني لا أستطيع مجاراة كلامه (الدراب دراب) . لكنه للأمانة : أي (كوجان) رجل مسعور (بالحياة) وبتفاصيلها وكما تقول الشفاهة السودانية يا صاحبي اخوك كان حلقو ليه (بل رأسكـ) وكوجان حلق رأس الكتابة من منتهاها إلي منتهاها والكتابة أمرها صعب ، فما تركـ ذاك المسعور قتلاً لقاتل وما تركـ رأساً ليحلق كما لم يترك بتاعاً لأي (بتاع ) رهق هو الذي يعتريني إحساس بالفجيعة وبالألم وممن ومن أين وكيف ؟ لا الله إلا الله لروحي كانت الكتابة فلروحه وهي تحلق في فضاء الأمنيات والأغنيات والأسافير السلام مثني وثلاث ورباع كما الزيجات اللائي حللهن الله حلالاً بلالاً . ليستفرد بهن آخرين ونحن لازالنا نكابس في حبيبات الحلم وبنات الشياطين وتلك مفردة أظن حالها من حال العولمة وتصريف جيد لبنات سيدهم (إبليس) . ماعلينا ياصاحبي . حلقت في أوديتك تلك ثم لملمت عدتي وعتادي لألحق بآخر قطارات (أدنبرة) أدنبرة يا كوجان التي لم نرها قط سوي في كتاباتك (الأدنبرة صحي صحي) حتي إننا فكرنا ذات تجلي من تجليات الروح إنك مواطن من مواطني (أدنبرة) لا من نيالا لا من دارفور التي تبكي حظها العاثر صباح مساء . فإنعل أبو الذي سواكـ أدنبراوي (الحرف) بعد أن كنت (أتبراوي) الروح والموقف . الكتابة عن كوجان لهي ياعماد ياصاحبي الكتابة عن الموقف ، عن الحياة عن الحب عن أي حاجة تلمك بالدنيا وكوجان (عليه أوسع الرحمتات) مثله مثل أي كتاب وهو صاحبك كما أنا لكنه في النهاية خير جليس في الزمان (كوجان) فهو كتاب مفتوح يحكي الرجل فيه عن تفاصيل وتفاصيل فيه أجد صديقتنا إشراقة مصطفي حامد تلك الزولة السودانية الدكتورة , فيه أجد شتاءات فيينا وشعب النمسا زول زول ونمساوي نمساوي ونمساوية نمساوية عشان الجندر وما إلي ذلك . فهل بالغ كوجان في الوصف أم بالغنا نحن في القراءة . أدنبرة التي سكنتني ياعمدة : هل فيها شيئ من الخراتيم لالالالالالا فيها كل شئ من خراتيم السبعينات فسحقاً إيانا من شعب لا يحمل في جبينه سوي عرق الحاضر وبعض من أحلام الزمن التريان . ثم كيف حال صديقنا ياتري بعد عملته (الشبعانة) تلك . أحس بها (تكرع) في شوارع الكتابة . أظنه ياصاحبي راح في غيبوبة تخصه بعد تلك الكتابة التي ما بعدها كتابة . فينعل أبو الذي دلني علي حروفك يا كوجان .
............ ثم للصعاليك من لدن (قمر بوبا وكوجان وأبو(نا) ساندرا وصاحبي كرفس وجبر الله وخدر تحياتي ولا إله إلاالله .
وربنا يفرجها في وشكـ يا عماد يا ود عبد الله محل ما تقبل . أو كما كانت تردد حبوبتنا ذمانئذ ونشوف وشكـ في (إيميل) .
من طرف خضر حسين خليل
هذي .. آخر كلمات سبارتاكوس .. ذات بريد .. في الزمان الخِروِع .
حنين ما شااللة بقينا نتفاصح عديل ولا بنخاف ونقول الأسماء كوستاوي أنا أمبارح ما عزمتك واللة أنت فعلا خردة قول أي حاجة إنك حتجي مثلا أو اعتذر ود طيفور اللة مشتاقين أنا واللة ما كنت داير أسيبك في مشكلة القطية ديك لكن لقيت جماعتك كتار وعرفت ما بتجيك عوجة يعني ماتفتكر سمعت كلام الجبانة حنين
07-05-2008, 00:50 AM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
حنين أنتي مسافرة السودان متين لو ما عاوزة تقولي عل الهواء مباشرة لدواعي أمنية و كدة ممكن تقولي عبر الماسنجر وصبة عليك دينك ما تركبي السودانية نحنما صدقن لقيناك
Quote: حنين أنتي مسافرة السودان متين لو ما عاوزة تقولي عل الهواء مباشرة لدواعي أمنية و كدة ممكن تقولي عبر الماسنجر وصبة عليك دينك ما تركبي السودانية نحنما صدقن لقيناك
مسافرة الايم الجاية...........
واطمئن...الخطوط السودانية مابنركبها عشان المقاطعة وكدة...
تاني شنو
يااخي شكرا...الكلام اللطيف ده اكيد ماانت دي الحكومة "ماعوايدك"
07-05-2008, 05:01 AM
osman righeem
osman righeem
تاريخ التسجيل: 06-21-2007
مجموع المشاركات: 10872
ود البشرى....الحق العدة شايفاها في ديك دخل عليها ميلحقا ليك امات طه.........زززمنتظرنك
عتمان....
تراجي..وخبر ليس للنشر لكني قراته من مجريات الاحداث متوقفة احتجاجا على سحب بكري عدد من بوستاتها اعدمهم دون محاكمة.........انا شخصيا اقف في صفها بكري مفروض يدي البوستات وقتها للمداولة والمرافعة ومن ثم يصدر الاحكام الجائرة
لكن في بوست كدة اعدم بوشاية من "زول ود طيفور وانا بنعرفوا " ماتضغطوا علينا لانه الشمار ده حالفين مانقولوا....مش ياياسر طيفور
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة