نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: بحب الدنقــــــــلاوية (Re: نادية عثمان)
|
ود
قاسم
خايفك تاكلك التركين ...تغير رايك
وهاك القراصة دي
لامن واحداً من رفقاي دنقلاوي .. هسي بقيت عدو من أعدائي .. قام عزمني وأصر علي إنو أجي أتغدأ عندهم قراصة .. وأنا لي الزمن والتاريخ قلت أشوف القراصة البياكلوها بي الملاح واللحم دي كيفن .. باقي نحن عندنـا القراصة دي (تحلية) بنأكله بي السكر بس .. وفي قمة الرفاهية بنأكله بالسمن والسكر ده لامن يكون عندنا ضيوف.
أهان وكان معزوم معاي صاحبنا إسمو (لؤي) وطبعاً من اللسم ممكن تعرفوا الزول ده زول قراصة وله لا .. أنا غايتو متوكد إنو ماسمع بي القراصة دي إلا في (معرض تراث سوداني) أو في برنامج (صور شعبية...) ده من النوع البستحم يومياً .. وشاقي شعرو كمان .. أقول ليكم شنو ما ببالغ إن قلت ليكم (قاعد يلبس كرفته ) قمنا إندرجا ومشينا علي الناس ديل أنا وأخوي (المكندش ده..) طايبونه وسالمونه سمح .. وهم ناساً طيبانين خلاس .. وأخدنا قعدتنا وجابوا الشربات إتشربتنا سمح وإتونسنا زين .. أهان بعد داك صاحبي قام جاب صينية الغدا .. عليك أمان الله الصينيه (بوخه) يجيب المطافي .. فيها قراصة تكفي (معسكر دفاع شعبي كامل) ختوها في الواطه .. وقالوا أتفضلوا صاحبي لامن شاف (البوخ البلوي داك) قرب يتفضل يمشي أهلو ... أنا في خاتري شلت هم تب وقلت دي أكان خلوها تبرد لي العشاء ماهي بارده .. القراصة زاته مقاس 11 (ماهي سفنجة) ... مقاس (مخدة) عدييل .. تبارك الله لو بردت (تصلي) فوقه عدييل .. وتاني قالوا أتفضلوا .. أها صاحبنا (sud) سيد البيت قام مد يده دخله في القراصة أشوف ليك (وشو) حمر وطير عيونو (حرقتو لكن أكله في خاترو...) قلت تبارك الله ( قراصة بالريموت كنترول) من (اليد للوشي مباشرة..) أهان ده صاحب البيت ومتعود عليها أنا وأخوي (الكاشف) ده يحصل لينا شنو .. غايتو إتوكلت علي الله ودخلت يدي في الصحن (وودعت أصابعيني لي وداعة الله..) غايتو (ختت أصبعي حسيت بي راسي ينتح وطاقتي وقعت من راسي ودموعي يجرن...) إستغربت قلت (قراصة الدناقلة) دي الظاهر ما بتمشي المعدة بتمشي (المخ) طوالي .. غايتو (إتجوعلت) وعملت فيها (سجيمان) ولقمة في الخشم ونبرد يدنا في صحن الشطة سبحان الله الشطة بقت لينا (تحلية) عدييل. وإتمنيت في الوكت داك لو خشمي العريض ده سويت ليهو (مروحة سقف..) لحدي ما كلمت القراصة.. أنا حمدت الله إنها كملت لكن .. الراجل حلف ومشى يجيب زيادة .. وتبارك الله التقول (الكانون) بتاعهم ( Pentium4 غايتو الله يدي أمو العافية) وفي أقل من دقيقة وجاب القراصة الحارة زاته .. والمصيبة إنهم قاموا وقعدوا يحلفوا علينا نكمل القراصة .. صاحبي (لؤي) بعد ما شعرو كان مسبسب وشاقيهو (كل شعره قامت علي حيله) و (أزرق عيونو راح) وبقى ( يقح و خنق..) أنا قلت الزول ده لو جابو زيادة تاني ح نجيب ليهو الإسعاف عدييل ... قعدنا بعد داك وجابو التحلية (بتيخة) قلت لي صاحبي .. ليه ما (سلقتو) البتيخة دي وجيبتوها لينا (شوربه) نشربه .. وعرفت إنو (إذا جاورت بنو دنقل في الفردوس فعجل بالرحيل إلى لظى ..) لأنو لو عزموك قراصتم الحارة دي في الجنة .. ح تبقى ليك الجنة (لظى) عديييييييييل ..
|
|
 
|
|
|
|
|
| العنوان |
الكاتب |
Date |
| بحب الدنقــــــــلاوية | ودقاسم | 05-17-05, 05:33 AM |
| Re: بحب الدنقــــــــلاوية | مريم بنت الحسين | 05-17-05, 05:36 AM |
| Re: بحب الدنقــــــــلاوية | ودقاسم | 05-17-05, 06:13 AM |
| Re: بحب الدنقــــــــلاوية | حمزاوي | 05-17-05, 06:04 AM |
| Re: بحب الدنقــــــــلاوية | manubia | 05-17-05, 06:12 AM |
| Re: بحب الدنقــــــــلاوية | حسن الملك | 05-17-05, 06:24 AM |
| Re: بحب الدنقــــــــلاوية | ودقاسم | 05-17-05, 11:57 PM |
| Re: بحب الدنقــــــــلاوية | ودقاسم | 05-17-05, 06:58 AM |
| Re: بحب الدنقــــــــلاوية | abuguta | 05-17-05, 06:17 AM |
| Re: بحب الدنقــــــــلاوية | ودقاسم | 05-17-05, 07:41 AM |
| Re: بحب الدنقــــــــلاوية | ودقاسم | 05-17-05, 06:34 AM |
| Re: بحب الدنقــــــــلاوية | عبد المنعم سيد احمد | 05-17-05, 07:28 AM |
| Re: بحب الدنقــــــــلاوية | ودقاسم | 05-18-05, 00:41 AM |
| Re: بحب الدنقــــــــلاوية | ود المايقوما | 05-17-05, 07:36 AM |
| Re: بحب الدنقــــــــلاوية | نادية عثمان | 05-17-05, 07:42 AM |
| Re: بحب الدنقــــــــلاوية | garjah | 05-17-05, 08:58 AM |
| Re: بحب الدنقــــــــلاوية | عبدالماجد فرح يوسف | 05-17-05, 09:21 AM |
| Re: بحب الدنقــــــــلاوية | على اسماعيل | 05-17-05, 10:01 AM |
| Re: بحب الدنقــــــــلاوية | ابو جهينة | 05-17-05, 11:48 PM |
| Re: بحب الدنقــــــــلاوية | ودقاسم | 05-18-05, 11:56 PM |
| Re: بحب الدنقــــــــلاوية | ودقاسم | 05-18-05, 07:34 AM |
| Re: بحب الدنقــــــــلاوية | ودقاسم | 05-18-05, 04:59 AM |
| Re: بحب الدنقــــــــلاوية | ودقاسم | 05-18-05, 03:08 AM |
| Re: بحب الدنقــــــــلاوية | ودقاسم | 05-18-05, 01:15 AM |
| Re: بحب الدنقــــــــلاوية | ودقاسم | 05-18-05, 00:55 AM |
| Re: بحب الدنقــــــــلاوية | عمران حسن صالح | 05-18-05, 01:17 AM |
| Re: بحب الدنقــــــــلاوية | نادية عثمان | 05-18-05, 07:32 AM |
 Re: بحب الدنقــــــــلاوية | munswor almophtah | 05-18-05, 09:14 AM |
| Re: بحب الدنقــــــــلاوية | ودقاسم | 05-19-05, 03:14 AM |
| Re: بحب الدنقــــــــلاوية | ودقاسم | 05-19-05, 01:37 AM |
| Re: بحب الدنقــــــــلاوية | ودقاسم | 05-19-05, 01:12 AM |
|
| |
garjah
فيس بوك
تويتر
انستقرام
يوتيوب
بنتيريست