|
|
|
 Re: وكنت أعتب على معتصم دفع الله وصلاح شتات (Re: ودقاسم)
|
أخي العزيز ود قاسم
أولا : كل سنة و إنت و فوزية و الأولاد و بنتنا فدوى بألف خير و تفرح بيهم إن شاء الله.
ثانياً : أرجو مراجعة هاتفك الجوال .. فستجد أنني قد هاتفتك منتصف ليلة أول أمس ..دون رد.
ثالثا : يعلم الله و أنا لا زلت أعيش روحانية رمضان و ملامسة البيت العتيق ( رغم أنك جهجهت لينا الروحانيات ) يعلم الله إنني كنت في شوق إليكم كما شوقي تماما إلى أهل بيتي .. يشهد الله ..
رابعا : أتيت اليوم برا و أنا أغالب النعاس و التعب و مباديء نزلة و بوادر ( فلسة ) ..
أكرر التهنئة ..
إلى ملتقى قريب
| |
 
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: ابو جهينة)
|
| Quote: همام طبعا ما فاضي من الزيارات الرسمية والمعايدة على الكبار ووجهاء المجتمع ، وسيتفرغ لنا في الأسبوع التالي للعيد ... |
يا ود قاسم:
بيقولو الحساب ولد...
أنا مذكر كويس السنة الفاتت رسلت ليك رسالة معايدة .. وبعدها بيومين اتصلت عليك و برضه كانت معايدة..
السنة دي ما تخليها عليك يا أخي!
بعدين انت يمكن خال ناس كتار في البورد بحكم السن و الواجب هم يعيدو عليك .. لكن أنا مالي!
و كل عام و أنت و الجميع بألف خير
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: hamam)
|
| Quote: إسماعيل وراق عامل مشغول بجماعتو ، وطبعا عادّينا نحن منافسين ، ودورنا يجي بعدين |
الحبيب ود قاسم
يطير حال جماعتي
هم ذاتهم منو...
تخريمة: والله مفروض نتصل عليك واللوم حاصل.. معليش مش إتصال مفروض تكون زيارة عديل كده لكن قلنا ما في داعي نشغل العوائل من اول يوم في العيد...
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: إسماعيل وراق)
|
الحبيب أبو محمد
سلام كبير وكل سنة وانت طيب ، ومايزال طعم ليلة السبت على لساني ..
وقد عاودت الصالحية مرة أخرى ، ووجدتهم هناك ، كل الأحبة ، وهناك تقييم لتلك الأمسية ، وقد كان للجنة الإعلام نصيب من الانتقاد ، بالرغم من أن تقييمهم للأمسية أنها رائعة ..
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: hamam)
|
همام
إنت أصلا بتتذكر حاجة ، ما إنت دائما مشغول بما تعلمه من أمور ، وطبعا الناس الفي العلالي دائما الحق معاها ،،،
منذ أكثر من عشرين سنة وأنا المبادر ، وحتى حين تتلقى مبادرتي فإن تجاوبك يكون متململا مثل تجاوب شلة أنسك مع شلة أنسنا ... بس نحن برضو بنقول يا أخي الجماعة ديل عاملين كبار فاجعلوا لهم فخرا ...
بعدين جديدة حطاية إني أنا ما خالك دي ،،، إذا أنا كنت خال بكري أبوبكر ، يبقى كيف أكون ما خالك ،،، بكري بالله رسّل إنذار لهمام وتوبيخ شديد اللهجة لمحاولته التقليل من مكانة الخال ... وكل سنة وإنت والأسرة الكريمة بخير وعافية ...
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: ودقاسم)
|
الأخ العزيز ود قاسم
والأخوان الأعزاء
ابو جهينة
اسماعيل وراق
صديق الموج
وجميع بورداب الرياض
كل عام وانتم بالف خير
والعيد مبارك عليكم
كنت خارج الرياض
وكانت الشبكة حالها حال
والتواجد في مكة والمدينة
مع برامجهما المزدحمة
كل هذا منعنا عن الاتصال
ومباركة العيد
فارجو المعذرة على التأخر
وقبولها وقد جاءت متاخرة
ولكم وافر التقدير
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: ودقاسم)
|
ايوا اها تشكر لي الراكوبة في الخريف
طيب انا وابوجهينه عرفنا نفسنا نص ديانه
انتو يا اهل العوض النص الباقي اتقاسموه بينكم
وشوف نصيبك طلع كم وما تخلي احمد حنين يقسم النص بينكم
لانها حتكون قسمة ضيزى
طبعا اتلاقينا وتمت المعايدة ورقصنا وفرحنا
ليلة كانت حلوه ورهيبه ذكرتنا لقاءات السودان وصيوانات الافراح
اشكال والوان موضه وتياب ذي مابتدور
فاتتك ليلة ما حتتكرر يا دكين يا فقري
ليلة تكريم الاب عبدالمنعم عبدالعال والاخ محمد المبارك
الخال وانا وود وراق وتمبس وحميده وحمد والصادق وليد399
رقصنا رقيص
والشمار كتير مش كدا يا تمبس
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: ودقاسم)
|
يا ود قاسم :
| Quote: عمر الفاروق أصلا من زمان ما شغّال بي الشغلة |
ياخ كل سنة وإنت طيب وربنا يحقق كل الأمنيات والسنة دي على كيفك !!!!!!!!
ويخلي ليك العيال وأم العيال إن شاء الله !!!!
تخريمة :
| Quote: وحمزاوي اكتفى برسالة عبر الماسينجر وأقسمت أنني لن أرد على رسالته |
| Quote: عزاز شامي مشغولة بأهلها وعشيرتها الأقربين ، لما تفضي منهم أرسلي لي رسالة ماسينجر على حساب بكري أبوبكر ... |
يا حمزاوي والله ود قاسم ما دارو معاك ساااااااااااااااااااااااااي
ياباها مملحة ويسكها قروووض 
تحياتي ليكم كلكم وربنا يحقق كل الأمنيات ...
| |
|
|
|
|
|
|
|
|
 Re: وكنت أعتب على معتصم دفع الله وصلاح شتات (Re: waleedi399)
|
| Quote: تمبس وحميدة اتصلا هاتفيا في ثاني أيام العيد ، وهما يحتميان بأقصى شرق الرياض |
العيد الصغير ده ياخال بتاع نوووووم .. والكعك زي ما عارف ما بينفع إلا بعد العيد بي كم يوم كدا ..
لذلك
خلي لينا حقنا على جمب .. وبنجيك العيد الكبير ناس عضة ساااكت ..
| |
|
|
|
|
|
|
|
|
 Re: وكنت أعتب على معتصم دفع الله وصلاح شتات (Re: عمر الفاروق)
|
ايها العمر فاروق ...
اسمح لي ان انتهز هذه السانحة واهنيك على زواجك الميمون وكل سنة انت وعروستك بألف خير والسنة الجاية تكونوا تلاتة ....
اهن خلصنا الرسميات والشكليات نقبل على تخريمتك اللي بتجيب هواء وكتاتيح (جمع كتاحة)...
Quote: تخريمة :
Quote: وحمزاوي اكتفى برسالة عبر الماسينجر وأقسمت أنني لن أرد على رسالته
Quote: عزاز شامي مشغولة بأهلها وعشيرتها الأقربين ، لما تفضي منهم أرسلي لي رسالة ماسينجر على حساب بكري أبوبكر ...
يا حمزاوي والله ود قاسم ما دارو معاك ساااااااااااااااااااااااااي
ياباها مملحة ويسكها قروووض
تحياتي ليكم كلكم وربنا يحقق كل الأمنيات ...
|
حسي ممكن سؤال؟
لما تصحي الفتنة من النوم وتغسليها وشها وتقوليها امشي سكي المشاكل؟ ؟
ليه بس ؟؟؟؟؟
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: عمر الفاروق)
|
عمر الفاروق
كل سنة وانت طيب وربنا يحقق الأماني ،،، وتحياتي للمدام ، وإن شاء الله السنة الجاية تبقوا تلاتة ..
Quote: يا حمزاوي والله ود قاسم ما دارو معاك ساااااااااااااااااااااااااي
ياباها مملحة ويسكها قروووض |
يا أخ كشفت الخطة ، أنا كنت عايز أثبت إنو النوبيين رجال على نسوان ما بيعيدوا على الناس إلا بأرخص الوسائل ، وإذا لقوها ملح تكون أحلى حاجة ... وحتى الآن المسألة ثبتت على الرجال ( حمزاوي وأبو جهينة ) ...
| |
|
|
|
|
|
|
|
|
 Re: وكنت أعتب على معتصم دفع الله وصلاح شتات (Re: walid taha)
|
ود قاسم..
كل عام وأنت طيب...
| Quote: عبد الرازق الطالب برضو عامل عريس ، بالرغم من إنو عندو تيمان ما شاء الله عليهم ، ربنا يخليهم ،،، |
يا زول عريس شنو..
كنت جاييك أنا والأولاد....
بس .. الزوار.. وكترة الضيوف..
وقلنا التليفون ما بيكفي ..
وأنا على بُعد فركة كعب...
لكن صدقني جايين شايلين المحنه..
وهمنا نبني جنة..
جايين وفرحة العيد في عيون أم التيمان..
وهي تزيد التعارف على بت السلطان علي دينار..
وكل
الأبناء الأعزاء..
وربك يجمعك بقمر البيت..
وكل عام أنت والجميع بألف خير..
يا خال..
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: ودقاسم)
|
Quote: عزاز شامي مشغولة بأهلها وعشيرتها الأقربين ، لما تفضي منهم أرسلي لي رسالة ماسينجر على حساب بكري
|
Quote: أبو جهينة عنده نظرية حول رمضان ، وهي نظرية نابعة من انتمائه العرقي والجغرافي وأصوله النوبية ، النظرية تقول ( رمضان جهجهو بالسفر ) ، والمقصود طبعا رخصة الإفطار في السفر . ويبدو أنه مدد نظريته لتشمل العيد أيضا ، فجهجه العيد بالسفر ..
|
الخال ود قاسم
كل سنة وأنت وست الكل الخالة فوزية وأولادك بألف خير...
اعذرني على التقصير يا خال بس الروحانيات شالتنا وحبينا نعوض اللي بيعملوه أهلنا (اللي بدو الضحية من حسي وناس أبو جهينة ومن لف لفهم وجهجهه رمضان بالسفر)...
لم يرد الله غربتي إلى الآن ومتى ما عدت للوطن-الغربة جاياكم زيارة مخسوس ...
كل سنة وانت أنت، خالنا وحبيب الكل
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: ودقاسم)
|
خال الكل وعمي براي
كل السنين وإنت والخالة فوزية والعيال بألف خير
ياخي أنا رسلت ليك رسالة تهنئة ما جاتك ولا اتغاتت علي؟
بعدين أنا كنت معيد مع قريب أبوجهينة د. صلاح كنة بعفيف ...
وأديتها كالعادة (تخريمة) علي جدة على قول حلاق الجامعة .. فقد كنت وتجنباً لزحمة
الحرم اعتمرت في الأسبوع السابق للعيد ... وبرضه كان زحمة ..!!
تحياتي للجميع وسوف أصلك بكل تأكيد رغم نهاية العيد ...
| |
|
|
|
|
|
|
|
|
|
Re: وكنت أعتب على معتصم دفع الله وصلاح شتات (Re: ودقاسم)
|
عزاز بت شامي ..
كل سنة وإنتي طيبة والسنة دي على كيف كيفك وزي ما قال الكوباني :
علي كيفك ..مهما تتأمر علي كيفك ..
يا حليلو دليلنا معاك إحتار ورينا خريفك من صيفك ..
أها يا زولة النجي لي كلامك :
| Quote: لما تصحي الفتنة من النوم وتغسليها وشها وتقوليها امشي سكي المشاكل؟ ؟ |
والله يا عزاز يا حليلك إنتي من زمن الإجراء الطويل ده ؟؟؟
نحن فتنتنا ما عندنا ليها زمن لي جنس ده ..
من السرير تووووووشك علي الشارع أصلو الرزق عايز الخفة الهمية !!!!
يعني لا بنغسل ليها وشها ولا بنسوكها ولا بنحميها ..
وبعدين هي زااااااااااااااااتا النايمة ليها شنو ؟؟؟؟
تحياتي ..
| |
|
|
|
|
|
|
| |
ودقاسم
ابو جهينة
إسماعيل وراق
صديق الموج
عبد الله عقيد
abuguta
garjah
عمر الفاروق
waleedi399
tmbis
walid taha
A.Razek Althalib
زول ساكت
عبد الباقي الجيلي
Badri
ahmed haneen
فيس بوك
تويتر
انستقرام
يوتيوب
بنتيريست