|
|
 فــوح القـــــرنفل
|
تلك الطفلة التي تجاوزت العشرين ، تحيل أيامي بساطا من سعادة وباقات من مرح . منذ أن جاءت إلى هذه الدنيا وأنا احتفي بها كل يوم ، أحضنها ، أعانقها في اليوم ألف مرة ،، كل لحظة من لحظات حياتي هي احتفال من أجلها ،، يشدني إليها عنادها ، وإصرارها ، وقوة عزيمتها ،، أنظر إليها فلا أرى أمامي إلا طفلة ، نعم هي طفلة في رقتها ، طفلة في عنادها ، وطفلة في حبها لي ،،، بدأت عنادها قبل أن تولد ،، دخلت بها أمها إلى المستشفى في اليوم العاشر من مايو ، لكنها اعتصمت داخل الرحم ولم تخرج إلا في اليوم الثالث عشر من مايو ، وأظنني كتبت لكم قبل هذا أنني أحب الرقم ثلاثة عشر ، ففيه تسجلت في الجامعة أول مرة ، وفيه سافرت في هجرتي التي ما زلت أعيشها ، وقد كنا ثلاثة عشر شابا جئنا في طائرة واحدة لنعمل في شركة واحدة ، وفيه تزوجت ، وفيه ولدت ابنتي فدوى ، وأعتقد أن أحداثا كثيرة في حياتي يمكن أن تكون حدثت بتاريخ الثالث عشر من شهر ما ، لكني ما كنت أحفل بالتسجيل ..
بابا أنا عندي إجازة شهر ،،
طيب ، وناوية تجينا وللا ناوية تقضيها في السودان ؟؟
والله يا بابا ما عارفة ، إنت رايك شنو ؟
خلاص تعالي قضيها معانا هنا ..
يعني أبدأ إجراءاتي .
أيوة خلاص ، ابدي إجراءاتك ..
وماهي إلا أيام وتكون معنا ، تتابعني في البيت كظلي ، تتضايق كثيرا إن آويت إلى الفراش ، تنتظر استيقاظي من النوم بفارغ الصبر ، وما أن أصحو حتى تبدأ بمكايدتي ،،
إيه يا بابا ،، كل ده نوم ؟ فاتتك حاجات حلوة ..
أيوة يا فدوى ، حصل إيه ؟
ولا حاجة ، بس فقدناك .. بابا أقول ليك حاجة ؟
أها في شنو ؟
لا بس كنت عايزة أعرف إنت الليلة عند ارتباط وللا لا ؟
طيب افرضي إنو ما عندي ؟
بس نقعد نتونس ..
طيب حاضر ..
وبعد قليل نتلقى اتصالا هاتفيا من السودان ،، يرد قاسم ثم يمد السماعة إلى أمه قائلا :
السودان يا ماما ..
أيوة يا زاهية ، كيفكم ، أمي كويسة ؟
الحمد لله ، ومالك مخلوعة كده ،، أهي دي عايزة تكلم فدوى ، من الصباح هي تبكي ولا أكلت ولا شربت ، قالت الليلة متذكرة فدوى ،،
طيب أهي دي فدوى ، خديها ..
أيوة يا حبوبة ، إزيك ،، عاملة إيه ،،
عاملة إيه يا مستهبلة ، تمشي وتخليني ، أنا والله من سافرتي كل يوم قاعدة أبكي ، بس الليلة زاهية شافتني ، وقالت لي مالك ، قلت ليها اتذكرت فدوى ،،
يا حبوبة إنتي بيكون الجيكس حقك فاتح ليك عشان كده بكيتي .. خلاص أديني تلفونو وأنا بتصل بيهو وأقول ليهو يا أخي خلي عندك ذوق زعلت علينا حبوبتنا ، ارجع وكلمها ..
يا بت ما تبطلي المسخة دي ،، قولي لي هسة بتجي متين ؟
والله يا حبوبة لو عايزاني الليلة أجيك .
الليلة أمك وأبوك ديل ما بخلوك تجي ، بس قولي لي إجازتك بتنتهي متين ؟
نهاية شهر اطناشر ،،
لا حولااا يعني بعد العيد .
آي يا حبوبة ، بعد العيد بعيد ؟
خلاص يا بتي عيدي مع أهلك ، بس ما تتأخري على قرايتك ،،
خرجت فدوى إلى هذه الدنيا بفتحة صنعتها الطبيبة في بطن أمها ، وخرجت من أول يوم وهي كثيرة البكاء ، وكان وزنها يقارب الأربعة كيلوجرامات ،، كانت في طفولتها لعبتي التي أتسلى بها ، ونشأت بيننا علاقة وطيدة ،، كنا أصدقاء رغم فارق السن ، وسرعان ما انطلقت فدوى في الكلام ، وأصبحت تلتقط الكلمات والجمل ، والحكايات ،، ثم تعيدها إلى مسامعنا بطريقتها الخاصة ،،
|
|
 
|
|
|
|
|
| العنوان |
الكاتب |
Date |
| فــوح القـــــرنفل | ودقاسم | 10-31-04, 04:07 AM |
| Re: فــوح القـــــرنفل | إسماعيل وراق | 10-31-04, 04:25 AM |
| Re: فــوح القـــــرنفل | ابو جهينة | 10-31-04, 04:47 AM |
| Re: فــوح القـــــرنفل | خضر عطا المنان | 10-31-04, 04:54 AM |
| Re: فــوح القـــــرنفل | ودقاسم | 10-31-04, 11:42 PM |
| Re: فــوح القـــــرنفل | ودقاسم | 10-31-04, 12:24 PM |
| Re: فــوح القـــــرنفل | ودقاسم | 10-31-04, 11:32 AM |
| Re: فــوح القـــــرنفل | حمزاوي | 10-31-04, 04:49 AM |
| Re: فــوح القـــــرنفل | ودقاسم | 11-01-04, 11:09 AM |
| Re: فــوح القـــــرنفل | ودقاسم | 10-31-04, 04:55 AM |
 Re: فــوح القـــــرنفل | Raja | 10-31-04, 01:08 PM |
| Re: فــوح القـــــرنفل | برهان تاج الدين | 10-31-04, 02:04 PM |
| Re: فــوح القـــــرنفل | طلال عفيفي | 10-31-04, 04:09 PM |
| Re: فــوح القـــــرنفل | حبيب نورة | 10-31-04, 04:55 PM |
| Re: فــوح القـــــرنفل | tmbis | 11-01-04, 05:02 AM |
| Re: فــوح القـــــرنفل | Alia awadelkareem | 11-01-04, 12:50 PM |
| Re: فــوح القـــــرنفل | ودقاسم | 11-03-04, 03:21 AM |
| Re: فــوح القـــــرنفل | ودقاسم | 11-03-04, 01:45 AM |
| Re: فــوح القـــــرنفل | ودقاسم | 11-03-04, 00:09 AM |
| Re: فــوح القـــــرنفل | ودقاسم | 11-02-04, 01:48 AM |
| Re: فــوح القـــــرنفل | ودقاسم | 11-01-04, 11:34 PM |
| Re: فــوح القـــــرنفل | Hani Abuelgasim | 11-03-04, 01:59 AM |
| Re: فــوح القـــــرنفل | ودقاسم | 11-06-04, 03:12 AM |
|
| |
ودقاسم
فيس بوك
تويتر
انستقرام
يوتيوب
بنتيريست