نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 شذاذ افاق بتاع فنيلتك يا بشة.....!!!!!
|
ومنذ اندلاع الكركبة والكتاحة (ايوووه الكتاحة وان كره المرجفون) لووووووول
عملت فيما عملت كمين رباعي الصندوق لسماع تصريح للضابط المتمرد علي قوانين الجيش السوداني عمر البشير عشان نشوف الاثر الاركلوجي للهبة والثورة التي انطلقت في نفس الطاغية السوداني الرعديد...
وسرعان ما تناقلت الاخبار التي صارت تصل من السودان سريعا كما البرق مقولة سوف تسير بها الركبان طويلا في سماء السودان الفضل وستضاف الي كل مفردات الثورات التي هبت في المنطقة
مثل زنقة زنقة
والجرذان
والشعب الذي يتعاطي حبوبة الهلوسة
وعملاء اليهود...
فها هو عمر البشكير يقدمها في طبق من ذهب ويقول فيما يقول (شذاذ الافاق)....ويصف بها شعبنا الجميل
وحال واحوال الطاغية وهو في متاهته ستكون هذه راكوبتنا الرسمية الشعبية لمتابعة وتحليل كل بغم يقولها البشير ورهطه في مظلة كتاحة الثورة التي سارت ولاتبالي بالرياح
وسنعود
|
|
 
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
ولما كان الطغاة هم الطغاة عبر التاريخ وعبر مختلف الازمنة
سيكون الاستاندر ومقياس الزيت بتاعنا للوعي البشيري وهو في ازمته هو الطاغية التاريخي الاسطوري قذافي كون القذافي وقبل رحيله قدم محاضرة كاملة الدسم عن وعي الطغاة وتصرفاتهم وهم في حالة زنقة زنقة....
وحتي الان البشير لوح في خطابه بالامس بعدة اشارات تجعله جوووه (جك) مفردة القذافي الشهيرة (حبوب الهلوسة) فحبوب الهلوسة تجعل من الانسان يتصرف بدون وعي وتحت ثاثير موثر خارج ارادته
فهاهو البشير يلحنها ويقول (المحرش ما بكاتل)...!!!
وفي كل الاحوال يعمد الطاغية علي سلب الاخر ارادته ومحاولة شيطنته وتحويل الي الة تحركها عوامل خارج عن ارادته(حبوب هلوسة__ يهود...محرشين...اجندة خارجية)
وهكذا دواليك وكل هذه الكمونية متواجدة الان في الخطاب البشيري وخطاب رهطه وسيكون هنالك المزيد المثير الدهشة
فكلما زادت الكتاحة في رياحها وزرقنت البشير ورهطه كلما متعنا البشير هنا في الاستديو بشغالايت ودهشة تجعل من سلخ جلدة نمله هنا في هذا الاستديو امرا ممكنا
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
اربع تصريحات عترت فيها وانا لابد جووه كميني الرباعي وارصد التصريحات الكيزانية بالنظر اوكما يقول ابوربالة
1-تصريح يرسل الامر الي خان اليهود والصهانية
2-تصريح يرسل الامر الي البلاشفة اصحاب الفنايل الحمراء والبكاسي التي تتحترك بكل رشاقة مثلها ومثل الشهيرة اشراقة
3-وتصريح (المحرش ما بكاتل)
4-والتصريح الذري بتوع شذاذ الافق
وهي اشارات توضح بان الموتمر الوطني وحتي وهو في زنقته الاسطورية يواصل في فقه الورجغة والتناقض والجغمسة
والصهيونية العالمية اتلمت علي الشيوعية العالمية اتلمت علي الصعاليق وعملن هذه الكركبة الكتاحية في لوحة ترسم حجم الازمة الكامنة في كل تنظميم ليس من بين وعيه تفهم الاخر او القبول به او احترامه
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Siham Elmugammar)
|
| Quote: البس أبرولك وجهز مفكاتك زردياتك الأيام دي حتشتغل سهرة يا فردة |
هلا وغلا يا تايسا
وحاضرين وجاهزين وكل العدة الضرورية لسلخ جلود بني كوز المتهالكة دخلت عمرة سريعة وطلعت تررررررقششش مثلها ومثل فضية الشهيرة بت نفرين
والتعليمات الصادرة من مجلس التفكيكي الدولي هي (موتمر الوطني ما ينوم) ....
وياريت بكري يفك ليك ساجورة المداخلات في هذه المرحلة المهمة من مراحل الاجهاز علي ركب البشير ورهطه المتهالكة
حتي تحلو الكيتة
وكوني بالف خير
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
| Quote: لله الحمد من قبل و من بعد |
هلا وغلا يا بييييير
وحبابك في راكوبة عمر البشير ورهطه في حالة كونهم جوووه الجك..
اشارة مهمة ارسلها البشير عندما ذكر بانهم لم يستعملو المجاهدين لضرب المكركبين من الشعب الفضل..
وهي تضعه بسلاسة في خانة التصريحات الشهيرة لمقياس زيتنا (القذافي) وتصريحه الشهير
(نحن لن نستخدم القوي بعد)...
ونعم البشير بس اعطي التصريح ده (لحن خماسي) وارسله في نسخته السودانية وكان لسان حاله يقول
يا شذاذ افاق يا فارات يا صهيونية يا شيوعية يا عواليق هنالك المجاهدين الذين حاربو في بدر وفي خيبر وفي الجكو جاهزين وقاعدين يسخنو علي الخط...
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
سلام يا كيكي
علي باليمين لو ما البي بي سي الليله الصباح ما كنت سمعت بقصة شذاذ الآفاق دي
ودا اكبر دليل انو الكيزان امبارح ناموا بالتصريح دا وما حبو يزيعوا عوارتو دي
واخطر ما قاله الجملة التي سبقت شذاذ الآفاق قال : "الشعب السوداني لمن ينتفض بينتفض حقيقي"
ودي كافية بانها تمرق ليهو من تبقى من شذاذ الآفاق
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Faris Mohamed)
|
عبدالكريم سلام يازول ....
بصراحة ولا اخفيك ......فالنصيحة ليك يارب ، انا بحب خطابات عمر البشير غير المكتوبة "له " لان مثل هذا الخطابات تجعلك تقف علي مدى مقدار تواضع لياقة المذكور الذهنية ، وعلي الهواء الطلق .....واجملها وامتعها عندما يتظاهر بالغاضب ، فترفع الشفة العليا الي اعلي شوية وتتبعها السفلي وكانها تنوي اللحاق بها ..........هذا بالاضافة الي التلفت وكانه قد صنع درابة كبيرة ........والله بتذكرني بالطفل الذي تعض له امه ايذاناً بالكف عن الاسترسال في الكلام ........
اذن باعتقادي ان البشير في رحلته خارج السلطة ان تبقي له عمر ، فانصحه بمستشارين من النوع الذي يعض له ويقمز له فيما معناه ان يكف عن الكلام .....وبالكاد كدة يعمل ليه حركة متفقين عليها ترشده بالسكوت ........
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Abdelmoniem ALHAJ)
|
الراجل العايب دا لمن اوكامبو يقول مجرم ومفترض يتقدم للعدالة ليهو الف مليون حق......شذاذ افاق كويس مامختلفين يابشبش.........انت خطابك دا في حد ذاتو جريمة والله جريمة لانك بتهدد بي شكل مبطن متظاهرين بشكل سلمي انك تعلن عليهم الجهاد وبتقول عندنا مجاهدين.....ودي نفس الحجه الكنت بتبيد بيها المواطنين في جنوب السودان وبتستحدمها الان في دارفور وممكن تستخدمها في الخرطوم ان دعت الضرورة الي ذلك........معناها انت في وعيك الباطني البوليس دا ما الخيار الامثل للتعامل مع "شذاذ الافاق"
غايتو بكرة ان شاء لله تقول ليهم من انتم.
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: محمد إبراهيم علي)
|
كيكيشاذ ..
فى الاسكيل بتاع الشذوذ "الحقيقي"
يقف حسنى ميارك فى طرف والقذافى فى الطرف التانى ..
وهم بالتدريج ..
حسنى مبارك 1 شذوذ
بن على 2 شذوذ
الزلمه بشار 7 شذوذ
ابو يمن على عبدالله صالح 35 شذوذ
القذافى 100 شذوذ
السؤال "الحقيقى"
فى تقديرك كم يبلغ شذوذ بشه ..
أ- 90.5 شذوذ
ب- 99 شذوذ
ج - فات الورا وقدرو
توجد هدايا "حقيقية"
ترسل الاجابات على الهواء مباشرة فى "البوك فيس" يا عملات القذافى !!
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: محمد أبوالعزائم أبوالريش)
|
Quote: كيكي يا "شاذ الأفق".
ياخ دايرينك تفكك لينا التعبير ده .... لو طلع مريح يمكن تاني نستخدمة. |
للزميل محمد أبوالزائم أبوالريش ..
بالرغم من سئوالك المباشر للزميل كيكي فأنني أستسمحك في الرد نيابة عنه في تفكيك عبارة (شذاذ الآفاق).. وبالرغم من أن الزميل كيكي مهندس وبالتالي له المقدرة في تفكيك المسائل وإعادتها إلى أصولها الجذرية بالإضافة إلى إتقانه لعلم الرياضيات وعلى الأخص الهندسة التحليلية والقياسية فأجدني أشترك معه في بعض هذه الخصائص التي ذكرت .. على الأقل في مسألة الأرقام والرياضيات وكيمياء التحلل ثم البيلاغة وعلم الأوزان الشعرية والعروض والمحاسبة والتحليل المالي
فالعبارة أعلاها تتكون من كلمتين هما (شذاذ) و (آفاق).. الأمر يبدو في الوهلة الأولى ككلمتين توأمتين مثل بيض وجبنة .. زيتون و نخلة .. نوم و سهرة دعني أبدأ بالأفق وهو الحد التخيلي لفاصل ما بين السماء والأرض تظهر مكونات السماء أعلاه و مكونات الأرض أسفله .. فإذا خلطت ما بين هذه المكونات بمعنى أنك سافرت في رحلة عيون وفكر تائه وعبرت ذلك الأفق فأنت جانح في الخيال أي شاذ .. فالشذوذ هو الخروج عما هو مألوف ,, فعبارة شذاذ الآفاق تعني أولئك الذين يشطحون بخيالهم فيخرجون عما ألف الناس ..
ويقصد الريس البشير بأن الذين يحلمون بذهاب حكومته فأنهم في غير عقولهم
وتفكيرهم السليم .. وهي عبارة يزداد بها الفعل الثوري للكم الإستفزازي بداخلها .. تحياتي لك وللزميل كيكي ...
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عادل نجيلة)
|
مـع أني يا كريم ما من مؤيدي (الجمعات) دي لأنو الشعب والشباب الثائرين عندهم كل الأيام جمعة؛ لكن برضو بقترح بعد جمعة لحس الكوع؛ لو بشبش بقى محظوظ وانتظر أسبوع تاني نسميها جمعة شذاذ الآفاق؛ عشان زاتو نحير ليك العرب ديل في حنانم:)!.. لقد صدقت نبوءة أو نكتة الأخ مرتضى وبأسرع مما كان العدو والصديق يتصور..القال فيها الشاب رجع من المظاهرة ولقا بشبش يرغي ويزبد في التلفزيون فسأل أبوه: لسه ما وصل من أنتم؟.. وأهو ماشي كويس في سكة العقيد وبشار وعلي صالح.. وحكاية المجاهدين دي تطابق تماماً: أنا معي الملايين.. وسنزحف عليهم ملايين فقط مع السودنة زي ما قالت تيسير.. طيب يا الناجح قبل شوية ما قلت لو طلعت مظاهرات بتطلع ليهم عشان يطقعوط بالحجار.. يازول إنت مستهبل ولا شنو:)).. واصل يا كريم فنحن موعودين بتحف كيزانية عينة.. وعاش الشعب الأبي الذي لا ترهبه التهديدات الجوفاء ولا النفخة الكاذبة.. بل لا تخيفه القوة الباطشة وسنرى من هم الشذاذ وسيعلم الذين ظلموا أي منقلب ينقلبون..
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Isa)
|
| Quote: دعني أبدأ بالأفق وهو الحد التخيلي لفاصل ما بين السماء والأرض تظهر مكونات السماء أعلاه و مكونات الأرض أسفله .. فإذا خلطت ما بين هذه المكونات بمعنى أنك سافرت في رحلة عيون وفكر تائه وعبرت ذلك الأفق فأنت جانح في الخيال أي شاذ .. فالشذوذ هو الخروج عما هو مألوف ,, فعبارة شذاذ الآفاق تعني أولئك الذين يشطحون بخيالهم فيخرجون عما ألف الناس .. |
يا عادل نجيلة ياخ ريحتني في حناني ..
هسي أنا كنت قايل الزول ده بيشتم فينا .... أتاريهو شايفنا من فصيلة (الحالم سبانا).
ده جابا لينا بمصطلحات إضطرتنا نلجأ لتفكيك الكلمة.
لكن قبالو واحد ختاها لينا عديل وقال: الراجل يطلع الشارع. ....
أها اللغة دي بنعرفا ... وما دايرة ليها (تفكيك) .... فــــ .. طالعني الخلا دي بنعرفا تب.
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: محمد أبوالعزائم أبوالريش)
|
مـع أني يا كريم ما من مؤيدي (الجمعات) دي لأنو الشعب والشباب الثائرين عندهم كل الأيام جمعة؛ لكن برضو بقترح بعد جمعة لحس الكوع؛ لو بشبش بقى محظوظ وانتظر أسبوع تاني نسميها جمعة شذاذ الآفاق؛ عشان زاتو نحير ليك العرب ديل في حنانم:)!.. لقد صدقت نبوءة أو نكتة الأخ مرتضى وبأسرع مما كان العدو والصديق يتصور..القال فيها الشاب رجع من المظاهرة ولقا بشبش يرغي ويزبد في التلفزيون فسأل أبوه: لسه ما وصل من أنتم؟.. وأهو ماشي كويس في سكة العقيد وبشار وعلي صالح.. وحكاية المجاهدين دي تطابق تماماً: أنا معي الملايين.. وسنزحف عليهم ملايين فقط مع السودنة زي ما قالت تيسير.. طيب يا الناجح قبل شوية ما قلت لو طلعت مظاهرات بتطلع ليهم عشان يطقعوط بالحجار.. يازول إنت مستهبل ولا شنو:)).. واصل يا كريم فنحن موعودين بتحف كيزانية عينة.. وعاش الشعب الأبي الذي لا ترهبه التهديدات الجوفاء ولا النفخة الكاذبة.. بل لا تخيفه القوة الباطشة وسنرى من هم الشذاذ وسيعلم الذين ظلموا أي منقلب ينقلبون..
Re-posted
thanks ISA
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: طارق جبريل)
|
حكومة مسئولة (ناسها) و(كوادرها) يلبسون الكاكي ويشغلون كل الوظائف الحكومية ويتصدون للمتظاهرين بالرصاص والرصاص المطاطي والغاز المسيل للدموع,
لكنهم تصدوا وعجزوا وهيهات أن يتصدوا لشعب شذوذه الوحيد هو خروجـه من حالة الصبر الطويل والصمت الأطول للمطالبة بحقوقه المشروعة وبسقوط الدكتاتورية الكؤود
أحمد الشايقي
| |
|
|
|
|
|
|
|
|
 Re: شذاذ افاق بتاع فنيلتك يا بشة.....!!!!! (Re: الطيب رحمه قريمان)
|
ايها البشة ..
ايها المغرور المنفوخ قليل الفهم بذي اللسان ..
ارحل الان فقد تسلم !
او سير سير سير الي اسوء مصير
سير سير سير الي اسوء مصير ..
وفيهم فيهم بقدرة الله فيهم
الشارد !
الباكي !
المحروق , المرعوب !
الهارب العاري !
وفيهم فيهم بقدرة الله فيهم ..
كل التحيه للاحباب و الاخوة والاصدقاء ..
سوداني مرفوع الراس , ارباب بلا سباب وافاق و سقوط ..
للامام سودان وامل ..
للامام سودان وامل ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: أحمد الشايقي)
|
ناس عايزة تاكل و تشرب يقول عليهم شذاذ آفاق !!
يعني لو عايزين يمتلكوا اتوسات و بيوت صعنونة كدا اوضتين خلف خلاف يبقوا شنو؟!!
--------------------
" شذاذ آفاق " العبارة دي عجبتوا و هو مافاهم معناها قال اقشر بيها عبر الإعلام الفاضحنا قدامو بي افلاسوالأبدي
اعذروهو (عكسري بليد)
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Rihab Khalifa)
|
هلا وغلا
وجبابكم جميعا حباب شذاذ الافاق السادة سااااكت وشذاذ الافاق الارحب
وبشة وواضح جليا بانه في طريقه لامتاع جماهير الشعب الفضل كمان وكمان بعدما متعها عشرون سنة ونيف بفواصل دسمة الرقيص
ويبدو ايضا بان حكاية زنقة زنقة للطغاة دي فيها (سكة حديد) دغررررري كل طاغية بياخد فيها جكتو من اساءة وتحقير وازلال للشعوب ع
وحتي الان فعلا بشة ماشي كويس جدا جدا وفايت الكبار والقدرو والشغلانة الظاهر حتكون فيها منافسة حامية جدا جدا وديربي الطغاة....!!
والملاحظ ايضا ولو جبنا (مقياس الزيت ) بتاعنا الذي هو القذافي فان القذافي جدع نبذو وكلاماتو دي في زي ديشليون خطبة
ولكن بشتنا لحق السوق سريع ورشانا بكل الكوتة في خطبة واااحدة كونه في ظني خفيف الريشة ...!!!
اتوقع في اقرب خطاب للبشير حيرش الجموع بوصف حيواني حشراتي وخاصة ان تزرنق وزادت الكتاحة من سرعتها per حلة حلة شارع شارع..
وعموما سنكون بالمرصاد باذن الله وببركات شيخي شكر الله...
وسنعود للجموع الشاذة افقيا وراسيا فردا فردا
وفجاة سنواصل
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Rihab Khalifa)
|
بل سيُتحفنا بشة يا عزيزنا كيكي ، وحتى الآن فهو فى مرحلة ( التشذذ ) ولم يستعمل كل ( آفاقه ) ليخرج لنا بعباراته المتفردة كحليفة الطلاق والتحريم وعييييييك
بشة ح يتحف الشعب السوداني شاذ الآفاق
كونى أحد هؤلاء الشاذيين فإنني أرى أن :
شذاذ الآفاق أى أن خيالنا خصب وهذا ولعمرى دليل خير وبشارة يا بشة، فسقف شذوذنا هذا هو الإطاحة بك وببقية عصابتكم التى جثمت على صدورنا 24 عاما ، وكل عام من هذه الأعوام كان عاما شاذا لهذا الشعب العظيم
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Adil Isaac)
|
سلامات صاحب البوست والمتداخلين
شذاذ افاق يعنى افاقكم Gay او بالموانث Gaya . حرم بشه يكون قاصد كدا
يا Gayat الافاق احترموا نفسكم شوية تبا لكم مترجمة من الانجليزى للعربى
------------------------------
يعنى الواحد تانى يقعد لى بشة بالقاموس ولا شنوا
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Adil Isaac)
|
سلام يا كيكى
البشير رجل متواضع فى ثقافته ولا يشذ عن بقية الجنرالات الذين حكموا العالم الثالث واوصلوه الحضيض
ثقافة البشير مستقاة من التراث الابوى الوصائى حيث تعتبر المؤسسات العسكرية اكبر تجسيدلته المؤسسسية
ثم من خطاب الاسلام السياسى المعاصر، فمن الواضح مثلا ان مجرد استخدامه لمفردة جهاد توضح مدى ازمة هذا الخطاب طالما ظل بمنأى عن الارتباط بقضايا العصر
كلمة شذاذ آفاق لو تتبعنا اصلها اللغوى etymological allusions ربما تكون وافدة على اللغة العربية من لغة الفرنجة وهو تعامل انتقائى مع الحداثة كما نرى!
التعبير طبعا وكما يعلم الجميع قصد به الاساءة لمن تظاهر ضد الغلاء والفساد !!!
البشير كلما استطاع ان يلتقطه من التعبير ليستخدمه هو حمولته السالبة والذى تعززه مفردة شذاذ
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: فارس موسى)
|
ال بالردمية...ورو الشغل..ثورات سلمية..وروا الشغل
شارع الانقاذ..وروا الشغل...شذّاذ وعُزاز...وروا الشغل
ناس الديم...وروا الشغل...هرشة هرشتين...وروا الشغل
ال في البراري..وينو الشغل...ثورات كدّاري...وروا الشغل
كل البنات...وروا الشغل...خجّلو الكوزات...وروا الشغل
ثورات ثورات...وروا الشغل....صحافة وامبدات..وروا الشغل
#SudanRevolt #السودان_ينتفض
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Elbagir Osman)
|
أمانة ما إتلومت يا ريس .....
وما كان العشم ............
دا جزانا منك ،،، بالمناسبه فعايلك وعمايلك ما كانت بتدينا آخرك غير كدا ....
بشه فكـــه آآآآآآآآآآآآآآآآآآخرو ....
سبحان الله الحقائق بدت تنجلي شويه شويه وكمان بهدد بي ملشيات الحزب ....
ملشيات الحزب تمكن منها الغيره والحسد على بعضهم فلا تؤمل عليهم فصدام لو تذكره جاته الخيانه من أعظم عسكر عنده ( الحرس الجمهوري ) ....
ونميري عوقو من رقاه قبل شهرين قائد عام .....
فلا تأمن بعد هذه البذاءة على نفسك وجنبنا وبنينا الفتن والحروب والقتال .... فالسودان اوسع مما تعرفه وأكبر مما حكمته ...
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: محمد قرشي عباس)
|
Quote:
مؤكداً.. لم نستخدم القوة بعد وإذا اضطررنا سنستخدمها من الغد بالجيش والشرطة.. مهدداً ببدء «الزحف المقدس»
القذافي: لن أستسلم لـ «شذاذ افاق يتقافزون من زقاق إلى زقاق»
(WEB-TEAM) |
هلا بجموع شذاذا الافاق الرحبة
ودي يااحمد انا من قبيل بفتش عليها قوقلتها سماء وارض ما لميت فيها
والطغيان كلو من بعضو نفس الملامح والشبه واللغة وذات النهايات يا سبحان الله...
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: مريم بنت الحسين)
|
للأسف فكل يوم يمر في هذه الظروف الصعبة على المواطن السوداني يثبت فيه البشير أنه أخ مسلم - إسلاموي ومؤتمرجي وطني وليس رئيساً لكل السودانيين
فهو قد قاد نظام الفرز السياسي والتمكين والتشريد والصالح العام وكل من يكتب في هذا المنبر من شذاذ الآفاق فهو إما مشرد أو مطرود أو مفصول دون ذنب جناه سوى عدم الإنتماء للتنظيم الذي تآمر على الديمقراطية وأتى بدبابات الإنقلاب المشئوم,
هذه دعوة وتقليب لفكرة تؤدي إلى حرب أهلية ولذا سارع البشير إلى نفيها بقوله: نحنا نظام مسئول .. والناس لا ينسون أبداً أن هذا النظام لم يكن مسئولاً في كثير من أيامه ولربما فقد أعصابه يوماً ما فعاد نظاماً غير مسئول, كيف لا والبشير نفسـه اعترف بمرحلة من تلك المراحل وقال (تاني ما حيكون في .. بيوت أشباح ..)
أحمد الشايقي
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: أحمد الشايقي)
|
وبعد ده كلو ياكيكي طلع شافيهو ... يلا فرتق وربط
Quote: كتب محمد السيد:
قال الزعيم الليبي معمر القذافي في كلمة متلفزة الثلاثاء 22/2/2011 في أول ظهور له منذ اندلاع الاحتجاجات الشعبية، إنَّ "معمر القذافي ليس رئيساً ولا منصب لديه ليزعل ويستقيل ونحن أجدر بليبيا من الجرذان المأجورين وأنتم الآن في ليبيا القذافي وليبيا الثورة التي تقود القارات وجعلت الأعداء يطأطئون رؤوسهم عندنا".
وعبر عن إصراره على المواجهة بقوله: "الشبان الصغار لا ذنب لهم بعدما أعطوهم الحبوب والنقود، ولن نستسلم ولن أترك رفات جدي أول شهداء 1911 لشذاذ افاق يتقافزون من زقاق إلى زقاق.. وأعداؤنا يعلمون أن القذافي ليس شخصاً عادياً ليقتل بالسم".
وأعلن القذافي إعطاء عدد من المناطق في ليبيا للحكم الذاتي لتشكل قيادات شعبية وبلديات.
وأثناء غضبه والزبد يتطاير منه قال القذافي "لم نستخدم القوة بعد وإذا اضطررنا سنستخدمها من الغد بالجيش والشرطة.. ولأحباء القذافي أقول طاردوهم وأخرجوهم من بيوتهم فهؤلاء الجرذان المقلدين لا يشكلوا واحد بالمليون"
ودعا مؤيديه إلى الخروج في مسيرات مؤيدة له، مساء اليوم والغد، مؤكداً أنه "ليس خائفاً. أنتم تواجهون صخرة صماء تحطمت عليها أساطير أمريكا". ودعاهم للزحف على درنة "التي يحكمها أتباع بن لادن"، متهماً المحتجين "يريدون تحويل ليبيا الى دولة إسلامية.. أفغانستان جديدة".
وتابع "لم نستخدم القوة بعد، إذا وصلت الأمور إلى حد استخدام القوة سنستخدمها وفق القانون الدولي والقانون الليبي".واستعرض قانون العقوبات الليبي، ذاكراً حكم الإعدام بحق من يرفع السلاح ضد الدولة.
واعتبر أن الاحتجاجات هي "تقليد لما جرى في مصر وتونس"، وأن "القتلى هم من الشرطة والجنود والشبان وليس المحرضين"، الذين قال إنهم مأجورون يتحركون بأجندات خارجية.
ووصف المحتجين بأنهم "عصابات وجرذان ومرتزقة لا يمثلون الشعب الليبي"، وأنهم "شبان مخدرون يهاجمون مقار الشرطة والجيش".
وأعلن أنَّه أعطى أوامره الى "الضباط الأحرار للقضاء على الجرذان"، في إشارة الى المتمردين الذين سيطروا على عدد من المدن الليبية.
كما دعا جميع الليبيين إلى تشكيل "لجان الدفاع عن المكتسبات الثورية" منها النفط والمطارات والموانئ والجسور.
وختم القذافي خطابه الطويل بالتهديد ببدء "الزحف المقدس إذا لم تعد الحالة الطبيعية لليبيا" .. ، مضيفاً "معي الملايين من داخل ليبيا وخارجها وليس أنا من يذهب إلى فنزويلا"، صارخاً بقوله "إلى الأمام ثوره ثورة". ثم غادر بسيارة غولف. |
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: osama fadlalla)
|
شذاذ آفاق
سمحين أخلاق
يملوا الآفاق
موكب دفاق
كل الألوان
كل الاعراق
وهتاف بنساق
من الاعماق
شاقينو غبار
وطريق دقداق
بمبمان غازات
رصاص طقطاق
قنابل تقصد عضم الساق
الشافو كتير ، اكتر من شاق
شايلين أشواق
جوة الاحداق
ما بخافوا وعيد بيشو السراق
مارقين قاصدين
الخاين العاق
قاطع الارزاق
شذاذ آفاق
سمحين أخلاق
يملو الآفاق
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Faisal Al Zubeir)
|
عارف يا عادل، كنت بحاول افهم معني الجملة و الله بالجد، ما فهمتها بالعربي، فقلت النشوف قوقل، ما لقيت غير ده :)
و العجب لو حاولت جمعها، قوقل بقول ليك يا غريييب يلا لبلدك
يا فيصل، ده ما اقتباس، ده غش لانه ما ورانا مصادرو، لووول :)
بالعربي كده plagiarism
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: أنور أدم)
|
أخي كيكي ل
والله مشتاقين وليك وحشة يا أخي الذي لم التقيه
أخوونا أنور أدم له مقترح مهم التواصل معه
| Quote: لو بشبش بقى محظوظ وانتظر أسبوع تاني نسميها جمعة شذاذ الآفاق؛ عشان زاتو نحير ليك العرب ديل في حنانم |
أرجو من الجميع إعتماد شعار الجمعة القادمة ان شاء الله ..
جمعة شذاذ الآفاق
وليضيف كل جامع أو مسجد سجعاً بديعاً للجملة
ونعيش ونشوف "بشة وصحبه متمكنين ولا كتاحتهم في الآفاق
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: علي طاهر)
|
هلا ومرحب بالجموع الشاذة افقيا وراسيا وبالجنبة..
والليلة الدولة الكيزانية ضخت توصيف جديد للشعب الفضل الذي قال لا
فلقد انبري للاشياء الشهير مصطفي عثمان اسماعيل متعهد الوصفات و النعوت للشعب وصاحب وصفة (الشحاتين)
فقال في امر المتظاهرين انهم خفافيش
واعتقد ده تطور توصيفي مهم وكويس جدا لانو الخفاش هو الو طواط وده كلو زول سوداني عارفو
احسن لينا والله من شذاذ الافاق التي يا رحاب اعتقد بانها الوصفة التي كانت الاعراب تقولها لقطاع الطرق والصعاليق في اطراف (نجد)
وتخوم الحجاز
وفي الغالب بكونو عصابات ملقطة من عدة قبائل وانتمائها بكون للعصابة ويمارسون السطو علي القوافل والفرقان ولا يتوانون في القتل والسلب وكل الجرائم الشنيعة......!!!
اذن حنضيف الخفافيش الي اللستة الذهبية لكي تقراء الاتي نصه
1- شذاذ افاق وده في القمة وبشة قلب فيهو هوووية
2- ذوي الفنايل الحمراء
3- يهود وصهيونية عالمية
4-محرشين وما بكاتلو
5- خفافيش
وسنتابع
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: Isa)
|
نعم يا عيسي
ودي بالذات برضو مهمة والتقاطة عجيبة الوصف
فالشعب سيد الساس والراس اصبح (سكان) وبعد شوية ممكن يطلعوك سكان (ايجار) وسيركل خارج الحدود بكل دم بارد
وحيكون عندنا
1-شذاذ
2- سكان
3-خفافيش
4- محرشين وكتال نهييي
5- يهود وصهيونية عالمية
6- فنايل حمراء فاقع لونها تسر الرباطين
وسنتابع
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: تيسير عووضة)
|
هلا وحبابكم المرجفون في الارض السودانية
وبالامس علي عثمان دخل بورصة التوصيف ورشا الجموع الغاضبة بوصف (المرجفون)
نظام مساكاهم رجفة كده من دولة القوووي الامين التي لن تستطيع كتاحتها ومهما كانت سرعة رياحها per ساعة من اقتلاع الشجرة
تلك الشجرة التي قيل في الورجغة بان اصلها ثابت وفرعها في السماء...
الاستديو لاحظ بان كل واحد من بني ورجغ ديل بلم في كاميرا ومايكرفون (مطرف) ويسالو عن المظاهرات برش وصف تفصيلي عجيب وغريب
لا يتقاطع مع الوصف الذي اطلقه مورجغ كوزي اخر في مدار اخر وفي تلفزيون اخر.....ودي نحسبها او كما قال شيخي ابو ضفيرة مرحلة مهمة من مراحل الصراع وهي مرحلة انفلات الاعصاب وخروج كل الاشياء من السيطرة وظهور الرؤية الضبابية للمخيلة الكوزية ولذا نجده يري المتظاهرون سراب سراب ويتحول المورجغ الي (اهوج) ....
وبمزيد من الكتح والزرقنة فان الانهيار العصبي والشلل الكامل حيحصل...
فالكورة الضاغطة تشتت تماسك اعتي الدفاعات والانهيار ملامحه بتظهر في التقليش وكثرة الفاولات في المنطقة الخطرة وخاصة وكما قلنا من قبل بان الشعب السوداني بكلياته الان جوووووه خط ستة بتاع الانقاذ
فعشان كده حتكون هنالك بلنتيات بالكوم والردوم قبل السقوط الاخير
وسنتابع
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
يبدو بان عبد الرحيم محمد حسين قد بداء استراتيجية الدفاع بالنظر التي وعد بها الشعب الفضل
ونظر في الجموع التي نزلت الي الشوارع شذرا وتيقن تماما بانها فقاقيع سرعان ما تذوب في الهواء الطلق
مثلها ومثل الطائرات التي ضربت نواحي بورتسودان وسرعان ما ذابت خلف االافق وما وراء البحر الاحمر.....
التوصيف الاتي من الجربندي الفاشل عبد الرحيم محمد حسين هو مواصلة للورجغة ومحاولة استهوان هذا الشعب واستحقاره ونفس الطرق التي سار فيها رهطه
-
1-شذاذ افاق
2-خفافيش
3- يهود وصهيوينة
4-سكان
5- فقاقيع
6-فنائل حمراء ومكوية
7-مرجفين
8-محرشين ما بكاتلو
وسنتابع
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
(الخفاقيش ، شذاذ الأفاق ، المرجفون )
ترهات وهذيان النظام .. في اللحظات الأخيره إذ أن البشير بات يفصح بما لا يعيه من كلمات ذات دلالات متعدده وحتى مستشاريه وعرابي نظامه يطلقون الكلمات دون وعي ..
فخطاب البشير جاء محمل بالعديد من الأشياء .. حديثه عن قوات تخص الحزب الحاكم غير النظاميه يقع في طائلة التجريم الدولي .. وهذا ما لا يعيه هذا الجاهل ..
فالمحكمه الدوليه باتت وشيكه وأمر أكثر واقعيه ..
وشذاذ الأفاق هم الشارع .. هم نبض هذه الأرض .. فليسمى من يسمى بكل الأسماء فالشعب يقول كلمته الأن والشعوب تنتصر ..
والشارع ثار ...
تحياتى
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: مني التجاني)
|
تحياتي يا امين ومني والتحايا لكل الفقاقيع والخفافيش التي مرت علي سحابة هذا البوست ونحن نوثق للسقوط الكبير لدولة المجارمة الدجالين
وهاهو الحاج ادم نائب البشير وذلك الذي كان في اوراق الانقاذ الرسمية مجرما هاربا تدبج له التهم العظام ويساككه زنقة زنقة فهذا الرجل افتي بالاتي نصه
كل من يرديد اسقاط هذا النظام يجب اسقاطه
نعم السلطة المجرمة تريد اسقاط المواطن بعدما اسقطت الوطن في براثين الفشل والضياع والتية
قمة الورجغة واللامسئولية وفضحية دولية بجلاجل تتمثل في تصريحات وافادات قادة سلطة المافيا
وسنعود
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
خلونا نتكي قليلا علي مقالة محمد كريشان وهو يضرب علي ركب طاغية السودان المتهالكة في مقاله الذي سارت به الركبان
كونه غرد وحلق وفكفك في منحي ليس بعيدا عن راكوبتنا الشذوذية الفقاقعية هذه
Quote:
الرئيس السوداني عمر البشير حر في أن يعتبر ما يجري في بلاده منذ قرابة الأسبوعين جزءا من 'الربيع العربي' أم لا، لكن من حق غيره أن يراه بلا شك خريفا جليّا لنظامه.
من ألطاف الله أن لا أحد، إلى حد الآن، سقط قتيلا في المواجهات الحاصلة بين جموع من المواطنين وقوات الأمن في غالبية المدن السودانية على خلفية رفع الدعم عن المحروقات، ولكن إن حصل ذلك فلن تتوقف المظاهرات بل ستزداد شراسة. أما بقية أركان سيناريو ما حدث في أكثر من دولة عربية فمتوفر في السودان وأوله إنكار وجود أزمة في البلاد والعجرفة في التعاطي مع هؤلاء الذين ينزلون إلى الشوارع بعد أن ضاق بهم الحال إلى حد الانفجار.
كثير مما حصل في تونس وليبيا ومصر وسورية ازدادت حدته بسبب الرعونة وعدم المسؤولية في تصريحات قادته عندما شرعوا في رمي الأوصاف على مواطنيهم الغاضبين من سياساتهم الاجتماعية والسياسية. هؤلاء المحتجون في السودان هم من 'شذاذ الآفاق' في تقدير البشير، وهم كذلك من 'المخذلين والمتآمرين والعملاء' و'فقاقيع ستزول'. أكثر من ذلك، منّ البشير على هؤلاء بأنه لم يستعمل معهم وسائل القمع الأقوى التي لديه لأنه لو أراد ذلك لبعث لهم كتائب 'المجاهدين' التي كانت يرسلها لمحاربة أهل الجنوب من 'الكفار' قبل أن يستقل هؤلاء العام الماضي فيحرموا البلد من مليارات الدولارات ومن ثلاثة أرباع احتياطيها النفطي. ومع ذلك، فإن بعض التقارير تشير إلى أن النظام بدأ يستعمل هو الآخر 'شبيحته' لنرى في النهاية الطبعة السودانية لهذا الرهط من الناس بعد أن عرفنا الطبعة المصرية والليبية واليمنية وبالطبع السورية التي ما زالت إبداعاتها الإجرامية اليومية متواصلة.
'إذا أراد شعب السودان أن ينتفض فسينتفض بأجمعه'... هكذا رأى البشير الذي يرى أن الشعب ما زال ملتفا حول قيادته بدليل أنه تجول، كما قال، في بعض أحياء العاصمة في سيارة مكشوفة فلما رآه بعضهم هتف 'الله أكبر'!! أي منطق سياسي هذا؟!! وأي مسؤولية تليق بأعلى هرم الدولة عندما لا يجد ما يقوله سوى أنه 'لا يخاف أن يقلعونا من الحكم.. لا أمريكا ولا غيرها.. لأن الحكم من عند الله والسعيد من يموت ميتة وجيهة' وأن 'الملك لله يعطيه من يشاء وينزعه مما يشاء'!!؟ .
إذن هو يقود السودان بإرادة إلاهية ولن يترك دفة الأمور فيها إلا إذا أراد رب العالمين عكس ذلك. أي توظيف أسوأ من هذا عندما تجعل الرحمان الرحيم ضامنا لدكتاتورية عسكرية دينية مستمرة لأكثر من عشرين عاما؟!! فترة لم تقدم فيها قيادة 'المشروع الحضاري' للبلاد سوى المزيد من التفقير والتخلف والعزلة الدولية والتفريط في جزء عزيز من البلد ثم الانقلاب لقمع أبناء الشطر المتبقي منه عندما انتفض بعضهم احتجاجا على إجراءات رأوا أنها تزيد من إفقارهم مقابل فساد أهل السلطة الذي وصل إلى حد الهتاف ضد 'لص كافـــوري'. كافوري هذه، منطقة في العاصمة الخرطوم يقول أهل السودان، إن الرئيس خصصها لأهله وعشيرته بعد أن أتى بهم من منطقة 'حوش بانقا' الفقيرة في شمال البلاد، فتحولت بهم ولهم إلى منطقة من أرقى وأغلى ما هو قائم في العاصمة.
لا أحد من رؤساء تونس وليبيا ومصر واليمن المطاح بهم، أو من هم في الطريق بلا شك، امتلك الجرأة ليحترم شعبه في أول ظهور له بعد بدء الاحتجاجات ضدهم. كلهم أخذتهم العزة بالإثم، لم يمتلكوا حتى شطارة محاولة احتواء حالة الغضب وتقديم التنازلات عندما تكون الأمور ما زالت في بدايتها قبل أن تفلت من أيديهم. البشير يعيد نفس السيناريو!! ما فعله مثلا لم يتجاوز إعفاءه لجميع مستشاريه التسعة وذلك في 'إطار إعادة هيكلة الحكم والإدارة'. طبعا هو خارج هذا السياق... لأنه باق بإرادة رب العباد الذي يريد 'توريطه' في ظلم حرّمه رب العالمين على نفسه وحرّمه على عباده.. ولكن أكثر الناس لا يعلمون.
|
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
Quote: 1-شذاذ افاق
2-خفافيش
3- يهود وصهيوينة
4-سكان
5- فقاقيع
6-فنائل حمراء ومكوية
7-مرجفين
8-محرشين ما بكاتلو
9-كل من يطالب باسقاط الحكومة يجب اسقاطه |
هذه هي غنائم الكتاحة
ولحس الكوع في طريق وحتما ستزداد دورات العنف اللفظي وانفلات الاعصاب عن السلطان المجرم واعوانه من اللصوص
وسنتابع وسناتي بكل تصريح الي الورشة ونشوف
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
سمعت يا عبد الكريم حديث الرئيس مراراً, وسمعت من كثيرين معظمهم من غير السودانيين تحليلات أعمق من مجرد لفظة شذاذ آفاق هذه التي طفحت وفاضت واستنكرتها الحشود,
1. هناك سيناريو يمكن تنفيذه وهو استدعاء (ناسنا- عضويتنا) للتصدي لهؤلاء .. وهي دعوة لحرب آهلية بكل بساطة ..
2. أن هؤلاء هم (مجاهدين حقيقيين) .. وهذا يعني أن الجهاد (الحقيقي) في مفهوم (سعادته) هو التصدي للمواطنين أو (السكان)على حد تعبير الثاني المسمى.., (أمين حسن عمر)أي أن الجهاد هو قمع المطالبين بحقوقهم في (وطنهم)
3. كل مسوغات الجهاد وسيناريو الحرب الأهلية الذي (تسرع) سيادته فنفاه بقوله (لكن نحنا دولة مسئولة) .. هو في الأصل طالع من (قنقوس) الحكومة التي (هبشت) الناس في محلهم فرفعت الدولار ونزلت الجنيه ورفعت أسعار المحروقات واشتعل السوق وأصبحت الحياة مستحيلة ... أي أن البادئ بـ (هبش) هؤلاء هو الحكومة وليس (شذاذ الآفاق)
4. أن تكون الحكومة (بلطجية) لدرجة أنها تعتقد أنها تستطيع أن تفعل في الناس ما تشاء دون أن يقولوا (بغـم) ثم يمكن أن تؤدبهم بـ (مجاهدين حقيقيين) .. فهو ما يجب أن يفهمه السودانيين وأن يقولوا فيه كلمتهم ... ببساطة لأن هذا المنطق ليس من الإسلام (في أي شئ ..)
5. هذا المنطق مرفوض تماماً وتعوزه الحكمة ويخالف الدستور .. ثم أنه يعامل الشعب كقطيع من الجبناء والمغفلين
أحمد الشايقي
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: أحمد الشايقي)
|
تحياتي يا ابوحميد
وما سر بالي هو ان خطاب الطاغية السوداني وهو في زنقته المجييدة انه قد وجد حظه من الفرفرة واضاف هذا الخطاب زخما ودافع معنوي خارجي سوي كان في الاقليم او العالم ..
وتناولته اقلام عميقة مهتمة بالديمقراطية والتغيير
والبشير خلع سريعا جلباب الدولة التي يتسريل بها كذبا وبهتانا وظهر جليا لكل العالم كرجل عصابة ولص شعوب يتكي علي حماية عصابات يمكن ان يطلق يدها لضرب الشعب...
فالوعي الدكتاتوري يا احمد ثابت ولن يتغير ولا يتعظ ,,,,
وافاق الكثيرين حولنا عند سماعهم هذا الخطاب وخاصة الذين كانو في عينهم صمم ككثيرين في المنطقة العربية التي تغطيها سحب التغيير ومواقفها السلبي والمتواطي مع حكومة هذا هو خطابها سيجعلهم في تناقض مكشوووووف لكل العالم
| |
|
|
|
|
|
|
|
|
|
Re: شذاذ افاق بتاع فنيلتك يا بشة.....!!!!! (Re: عبدالكريم الامين احمد)
|
الحاج ادم ذلك الاستاذ الجامعي الذي سيظل وصمة عار في جبين جامعة الخرطوم
امس قال بان هذه الجامعة هو جزء منها والطلاب ليس لديهم في هذه الاشياء
وكما خجو كل الاشياء في السودان هاهو الحاج ادم يركب قطار الخج والورجغة يحاول كذبا وبهتانا وان يزور تاريخ الجامعة الناصع في مناهضة الدكتاتوريات السودانية عموما ودكتاتورية سلطته التي طاردته كمتهم هارب وعاد اليها بكل دم بارد راكبا لسفنها الصدئة
يريد استاذ الهندسة الزراعية ان يمتطي تراكتر الاكاذيب ويحرث سيرة
طارق
سليم
التاية
بشير
محمد عبدالسلام
تلك الارواح الذكية التي قدمتها هذه الجامعة وهي تناهض هذه السلطة المجرمة والتي تصدت لها هذه الجامعة ومنذ 89
وظل يتراكم نضالها بصورة يومية حتي توجت الاشياء بالشرارة التي انطلقت للكتاحة السودانية انطللاقا من داخليات طالباتها....
| |
|
|
|
|
|
|
| |
عبدالكريم الامين احمد
محمد كابيلا
تيسير عووضة
Siham Elmugammar
أحمد ابن عوف
Mohamed Yassin Khalifa
Faris Mohamed
ibrahim alnimma
بكرى ابوبكر
محمد أبوالعزائم أبوالريش
معاذ حسن
عبداللطيف حسن علي
دينا خالد
محمد إبراهيم علي
محمد حيدر المشرف
أنور أدم
عمران حسن صالح
البحيراوي
طارق جبريل
صديق الموج
الطيب رحمه قريمان
شهاب الفاتح عثمان
رشا احمد
Rihab Khalifa
مها عبد الله
هيثم التوم
معتصم مصطفي الجبلابي
Osama Mohammed
Amani Al Ajab
abubakr salih
amir jabir
طلعت الطيب
khaleel
سلمى الشيخ سلامة
نصرالدين صلاح
فارس موسى
Elbagir Osman
احمد سردوب
Hisham Ibrahim
حمد عبد الغفار عمر
mona altom
محمد قرشي عباس
مريم بنت الحسين
osama fadlalla
Tumadir
Abdlaziz Eisa
Faisal Al Zubeir
Mutwali Malik
Hani Arabi Mohamed
علي طاهر
هشام المجمر
احمد الامين احمد
فيس بوك
تويتر
انستقرام
يوتيوب
بنتيريست