|
|
|
 Re: الدوحة :الفنان شرحبيل يبدع في احتفال الاستقلال (صور) (Re: Faisal Al Zubeir)
|
وهنا نص كلمة الاحتفال بلسان الدكتور عثمان بشير :
لقد جاء استقلال السودان عبر انتفاضات مختلفة، في دارفور وعبر الثورة المهدية وود حبوبة في الجزيرة والثورة المسلحة بقيادة علي عبد اللطيف ثم اخيرا مؤتمر الخريجين ثم حرق علم الاستعمار البريطاني في الفاشر 1953 ولعلها الحادثة الاولى من نوعها في العالم، والان وبعد 54 عاما من الاستقلال يطرح السؤال نفسه: ماذ تحقق من اهداف الاستقلال؟
كانت القضية الاساسية بعد الاستقلال استكمال الاستقلال السياسي بالاستقلال الاقتصادي والثقافي ، وترسيخ الديمقراطية والتعددية السياسية وانجاز التنمية المتوازنة في كل انحاء البلاد وقيام دولة المواطنة التي تسع الجميع غض النظر عن العرق واللون والعقيدة والفكر السياسي والفلسفي ، ولكن ذلك لم يتم ودخلت البلاد في حلقة جهنمية من انقلابات عسكرية وانظمة ديكتاتوريةشمولية اخذت 42 عاما من عمر الاستقلال البالغ 54 عاما واسهمت تلك الانظمة العسكرية في تكريس سياسة القهر والتنمية غير المتوازنة ومصادرة الديمقراطية والحقوق الاساسية ، وتكريس التنمية الرأسمالية والفوارق الطبقية والتبعية للدول الغربية حتى بلغت ديون السودان حاليا حوالي 34 مليار دولار.
تتزامن الذكرى 54 لاستقلال السودان مع مرور خمس سنوات على توقيع اتفاقية نيفاشا ، وفي ظروف تمر فيها البلاد باوضاع عصيبة تهدد وحدتها بعد ان منحت اتفاقية نيفاشا حق تقرير المصير لجنوب السودان مع التأكيد على خيار الوحدة ، ووافقت قوى المعارضة على ذلك،واصبح السودان في مفترق الطرق: اما ان يظل موحدا، او يتفتت ويتشظى ويصبح مصدر خطر على الاقليم باكمله.وكان من المفترض انجاح الفترة الانتقالية وتنفيذ الاتفاقية بالغاء كل القوانيين المقيدة للحريات وتحقيق التحول الديمقراطي الذي يكفل الديمقراطية واستقلال القضاء ومبدأ سيادة حكم القانون وتحقيق قومية الخدمة المدنية والعسكرية واصدار قرار سياسي لتسوية اوضاع المفصولين تعسفيا ورد المظالم ومحاسبة كل الذين ارتكبوا جرائم في حق الوطن وقيام انتخابات حرة نزيهة.
نحتفل بالاستقلال ودارفور ذلك الجزء العزيز من الوطن ينزف من آثارالحرب والدمار والقتل والاغتصاب ومعسكرات الذل تعج بمئات الالاف من اللاجئين والنازحين ولابد هنا ان نشيد بدور دولة قطر الشقيقة وقيادتها الرشيدة بمبادرتها لجمع الفرقاء ورعايتها الكريمة لمحادثات السلام وسعيها الدؤوب للوصول بالحاثات الى سلام شامل عادل في دارفور.
تمر هذه الذكرى العزيزة وبلادنا تتحفز لاجراء لاول انتخابات منذ 1986 تتحفز كل القوى السياسية للمشاركة في الانتخابات وهي تقدم رجلا وتؤخر اخرى بسبب عدم مواءمة القوانيين مع الدستور ولتشككها في عدم نزاهتها وشفافيتها . اقول : مهما يكتنف الانتخابات القادمة من مآخذ فهي فرصة لتحقيق التداول السلمي للسلطة وخطوة في طريق شاق لتحقيق حكم ديمقراطي حقيقي يعبر عن آمال وتطلعات الشعب السوداني في حياة حرة وكريمة. نحتفل بالاستقلال ووطننا العزيز يقبع بين اكثر الدول فقرا واكثرها فسادا ويحضرني هنا قول اديبنا الراحل الطيب صالح بتصرف" ألا نحب وطننا؟ إذا لماذ نحبه وكأننا نكرهه ونعمل على اعماره وكأننا مسخرون لخرابة؟ثم يتساءل : من الذي يبني لنا المستقبل ونحن نذبح الخيل ونبقى العربات ونميت الارض ونحي الافات ؟"
واسمحوا لي ان اختم بهذه الابيات لشاعرنا الفحل الراحل اسماعيل حسن علها ترفع معنوياتكم:
بلادي انا بلاد ناسا تكرم الضيف
وحتى الطير يجيها جعان
من اطراف تقيها شبع
بلادي انا بتشيل الناس..كل الناس
وشاع بي خيرو ولينا يسع
وتدفق مياه النيل على الوديان
بياض الفضة في وهج الهجير بيشع
بلادي الصفقة والطنبور
وداراتا تنح بالليل
وبنوتا تحاكي الخيل
يشابن زي جدي الريل
وشبالن مكنتل في طريفو ودع
بلادي سهول ،، بلادي حقول
بلادي الجنة للشافوها ،او للبره بيها سمع
بلادي امان ،، بلادي حنان
وناسها حنان ، يكفكفوا دمعة المفجوع
يبدوا الغير على ذاتهم
يقسموا اللقمة بيناتهم
ويدوا الزاد حتى ان كان مصيرهم جوع
يحبوا الدار
يموتوا عشان حقوق الجار
ويخوضوا النار عشان فد دمعة
وكيف الحال كان شافوها
سايلة دموع ؟؟
ديل اهلي
البقيف في الداره
وسط الداره
واتنبر واقول للدنيا ديل اهلي
عرب ممزوجة بي دم الزنوج الحارة
ديل اهلي
ديل قبيلتي لما ادور افصل للبدور فصلي
اسياد روحي والاحساس
وسافر في بحار شوقم زمان عقلي
اقول بعضي
الاقيهم تسربوا مسارب الروح بقو كلي
محل قبلت القاهم معايا معايا زي ضلي
لو ما جيت من زي ديل
كان، واسفاي
وآ مأساتي
وآ ذلي
تصور كيف يكون الحال
لو ما كنت سوداني واهل الحارة ما اهلي
تصور كيف .
| |
 
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: Faisal Al Zubeir)
|
ويستمر برنامج الاحتفال السبت بمعرض كتاب وتشارك فيه ابرز دور الكتب السودانية وفي مقدمتها عزة ودار الشيخ عووضة الذي ظل يشارك في معرض الدوحة للكتاب وسيتم عرض عناوين لكتب جديدة، والمعرض فرصة للمثقفين والمهتمين باقتناء الكتب في شتى ضروب الثقافة السودانية وندوة ثقافية عن الهوية يقدمها الدكتور صلاح فرج الله .
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: Faisal Al Zubeir)
|
نعم يا فيصل لقد كانت هي ليلة الروعة..والفن الراقي
وشرحبيل الفنان معبرا بصورة خرافية عن تمييز الحالة السودانية باغانيه الرائعة التي تفاعل مع
الجميع (والملاحظ بان ثلاثة ارباع القاعة كانت تحفظ اغاني شرحبيل علي ظهر قلب ورددته مع بتفاعل وانسجام ومتعة)..
ليلة من ليالي الدوحة الخالدات وشكرا المجموعة السودانية وتجمع الروابط ورابطة المراءة علي هذه الاحتفائه وهذه الهدية الدسمة التي بددت برودة الطقس في الدوحة وحولته الي ذرات وديعة وحنينة وحميمة
من الدف الخرافي الذي امتزج بحب الوطن الكبير....
سنعود الي التحليق في حفل شرحبيل الذي حملنا علي غيمة وطاف بنا الوطن ركن ركن
وتحياتي يا فيصل ومبروك للجميع نجاح هذا الحفل الراقي
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: Faisal Al Zubeir)
|
وشرحبيل زول غنايي وله مقدرات فذة علي في التحكم والوقوف في المسرح واشتغل مع الفرقة الموسيقية بتجانس وهارموني عالي وغني كما لم يغني من قبلي...
الصادق الرضي ضيفنا الاخر كان بين الحضور
ودائما الصادق الرضي هو الصادق الرضي فقد تسرب شفيفا من مقاعدال vip
الامامية وذهب الي الصالة الاخري حيث امتزج مع جموع الشباب وجلس بينهم بكل محبة
(طلع من اللوج ومشي قعد في الشعب)..
ولكن كميراتنا العاملة استطاعت ان تقبض عليه وهو جالسا وسط الشعب
وانتظرونا وفالكم طيب
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: Amira Elsheikh)
|
دقيقة يا جماعة خلونا نكسر بعض الثلوج لعريفة الحفلة..
تعرفي يا اميرة زي ماقلت ليك وحسب خبرتي كعريف حفلة سابق 
عريفة الحفل المجرد طلوعها للمسرح تسمع الجماهير في المساطب الشعبية يصفرو(صوووووووج)
اعرف طوالي دي عريفة حفل wayeeeee
ونشهد يا اميرة بان ادائك العريفي والتقديمي ليلة امس كان رائع ومدهش وماشاء الله رفعتي راس خالك كيكي فووووق..
وحضور متمكن وكلامات طالعة كيف كيف..
وثوب سوداني ساهم في التعميق لفكرة السودان الجميل الذي حمله الينا بالامس الفنان الخرافي شرحبيل..
وقوود ويرك يا بنية
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: عبدالكريم الامين احمد)
|
Quote: نعم يا فيصل لقد كانت هي ليلة الروعة..والفن الراقي
|
وسوء التنظيم والتخبط كان ساطور على رأس الفن الراقي
متفقين من قبل ان قاعة السينما لاتصلح للغناء ايعقل يالمخرج
اسماعيل محمد الحسن خشبة مسرح بدون اضاءة وبتعلق بنفسك
في اللوحة الخلفية قبل دقايق من بدء الحفل وبعدين هل
شرحبيل احمد نهر فنونا يقدم بهذا الاقتضاب وتلك العشوائية
هذا في تقديرى عدم مسؤلية و تخبط ولامبالاة وقد كانت لفتة جميلة
دعوة الحركات الدارفورية او جانب منهااي تلك المشاركة في مفاوضات
الدوحة ولا ادرى لماذا كان وصولهم متاخر بس كانت شينة جدا يافيصل الزبير
ان تاتى شايل ليك كيس في فيهى ماء وعصاير وتناول الضيوف من بنات وابناء
الحركات الدارفورية بتلك العشوائية ولكى تزيل الحرج تقول نحن سودانين بسطاء
ياسيدى البساطة لاتعنى السذاجة او الرفالة لقد قدرت لك موقفك من احتفلات اهل
الغيهب بالاستقلال واستغلالهم لصالة نادي السد وتركهم المخلفات بشكل مشين. وتبقى
مصيبة اكبر لو الناس بتنظم فعالية لمجرد ان تقول نحن نظمنا واخر حاجة تاخدها
في الاعتبار هو التنظيم وفي نهاية حفل الامس سمعت المنادى يانادى عن الامسية الشعرية
لحميد والصادق الرضى ان حا يكون معهم شاعرة وشاعر اخر ولو بصحكم تكونو جنيتو ياخونا
تجربة حميد وتجربة الصادق كل واحدة محتاجة لامسية وقد لاتكفيها كمان معهم دايرين تضيفو
اتنين ياها (عايرة وادوها سوط) مالكم كيف تنظمون
تنهدات:( يقال ان الطريق الى جهنم احيانا يكون مفروش بالنويا الحسنة)
وفي تقديرى كذلك التخبط
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: بدر الدين الأمير)
|
Quote: وسوء التنظيم والتخبط كان ساطور على رأس الفن الراقي
متفقين من قبل ان قاعة السينما لاتصلح للغناء ايعقل يالمخرج
اسماعيل محمد الحسن خشبة مسرح بدون اضاءة وبتعلق بنفسك
في اللوحة الخلفية قبل دقايق من بدء الحفل وبعدين هل
شرحبيل احمد نهر فنونا يقدم بهذا الاقتضاب وتلك العشوائية
هذا في تقديرى عدم مسؤلية و تخبط ولامبالاة وقد كانت لفتة جميلة
دعوة الحركات الدارفورية او جانب منهااي تلك المشاركة في مفاوضات
الدوحة ولا ادرى لماذا كان وصولهم متاخر بس كانت شينة جدا يافيصل الزبير
ان تاتى شايل ليك كيس في فيهى ماء وعصاير وتناول الضيوف من بنات وابناء
الحركات الدارفورية بتلك العشوائية ولكى تزيل الحرج تقول نحن سودانين بسطاء
ياسيدى البساطة لاتعنى السذاجة او الرفالة لقد قدرت لك موقفك من احتفلات اهل
الغيهب بالاستقلال واستغلالهم لصالة نادي السد وتركهم المخلفات بشكل مشين. وتبقى
مصيبة اكبر لو الناس بتنظم فعالية لمجرد ان تقول نحن نظمنا واخر حاجة تاخدها
في الاعتبار هو التنظيم وفي نهاية حفل الامس سمعت المنادى يانادى عن الامسية الشعرية
لحميد والصادق الرضى ان حا يكون معهم شاعرة وشاعر اخر ولو بصحكم تكونو جنيتو ياخونا
تجربة حميد وتجربة الصادق كل واحدة محتاجة لامسية وقد لاتكفيها كمان معهم دايرين تضيفو
اتنين ياها (عايرة وادوها سوط) مالكم كيف تنظمون
تنهدات:( يقال ان الطريق الى جهنم احيانا يكون مفروش بالنويا الحسنة)
وفي تقديرى كذلك التخبط |
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: معتز القريش)
|
Quote: Quote: وسوء التنظيم والتخبط كان ساطور على رأس الفن الراقي
متفقين من قبل ان قاعة السينما لاتصلح للغناء ايعقل يالمخرج
اسماعيل محمد الحسن خشبة مسرح بدون اضاءة وبتعلق بنفسك
في اللوحة الخلفية قبل دقايق من بدء الحفل وبعدين هل
شرحبيل احمد نهر فنونا يقدم بهذا الاقتضاب وتلك العشوائية
هذا في تقديرى عدم مسؤلية و تخبط ولامبالاة وقد كانت لفتة جميلة
دعوة الحركات الدارفورية او جانب منهااي تلك المشاركة في مفاوضات
الدوحة ولا ادرى لماذا كان وصولهم متاخر بس كانت شينة جدا يافيصل الزبير
ان تاتى شايل ليك كيس في فيهى ماء وعصاير وتناول الضيوف من بنات وابناء
الحركات الدارفورية بتلك العشوائية ولكى تزيل الحرج تقول نحن سودانين بسطاء
ياسيدى البساطة لاتعنى السذاجة او الرفالة لقد قدرت لك موقفك من احتفلات اهل
الغيهب بالاستقلال واستغلالهم لصالة نادي السد وتركهم المخلفات بشكل مشين. وتبقى
مصيبة اكبر لو الناس بتنظم فعالية لمجرد ان تقول نحن نظمنا واخر حاجة تاخدها
في الاعتبار هو التنظيم وفي نهاية حفل الامس سمعت المنادى يانادى عن الامسية الشعرية
لحميد والصادق الرضى ان حا يكون معهم شاعرة وشاعر اخر ولو بصحكم تكونو جنيتو ياخونا
تجربة حميد وتجربة الصادق كل واحدة محتاجة لامسية وقد لاتكفيها كمان معهم دايرين تضيفو
اتنين ياها (عايرة وادوها سوط) مالكم كيف تنظمون
تنهدات:( يقال ان الطريق الى جهنم احيانا يكون مفروش بالنويا الحسنة)
وفي تقديرى كذلك التخبط
|
إنت دحين يا ود القريش الحكايي شني ...!!
شكلك كده عايز تكسر ليك تلجاية تلجايتين عشان شويييييييييية توزن هجومك الكاسح وتربصك بالوجيه ود الأمير ....
الجد ( بتشديد الدال ) شنو ؟؟؟
عملوا ليك (رفدور ) من شغلك الجديد وعايز تحاول رجعنالك لمديرك الزمان ولا شنو .....( وش غتيت )!!!!
مع إني حركة وش كده ووش ما عارف شنو دي والله غايظاتني في حناني زاتو ...
لكن المهم ..........!!!
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: عثمان دغيس)
|
Quote: إنت دحين يا ود القريش الحكايي شني ...!!
شكلك كده عايز تكسر ليك تلجاية تلجايتين عشان شويييييييييية توزن هجومك الكاسح وتربصك بالوجيه ود الأمير ....
الجد ( بتشديد الدال ) شنو ؟؟؟
عملوا ليك (رفدور ) من شغلك الجديد وعايز تحاول رجعنالك لمديرك الزمان ولا شنو .....( وش غتيت )!!!!
مع إني حركة وش كده ووش ما عارف شنو دي والله غايظاتني في حناني زاتو ...
لكن المهم ..........!!! |
استاذنا الجميل دغيس
صاحب الأنامل الذهبية
(أكورديون بس)
أورغن (ماسووورة)
يا أخوي نحنا بنقول الحق
ولا يجرمننا شنآن قوم على ألا نعدل
مديري دا ذاتو قبل اسابيع كدا
شرشحتو ليك شرشحة السواد والرماد
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: معتز القريش)
|
Quote: استاذنا الجميل دغيس
صاحب الأنامل الذهبية
(أكورديون بس)
أورغن (ماسووورة)
|
بس ما تكون قارنتني بوليد أبو القاسم ....؟!
تكون بالغت معاي ومعاهو
لكن غير كده ... كضاااااااااااب يا ود القريش ...!
تاني شيئ إنت دحين ما وعدتنا بي إنك تنزل أغنية ستار يا ليك في اليوتيوب ؟؟؟؟!
من الصباح وأنا بتاوق على اليوتيوب
ألحقنا بس فيديو تلحق الصح بركة الأمير ومكتبة جرير....!
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: بدر الدين الأمير)
|
Quote: وسوء التنظيم والتخبط كان ساطور على رأس الفن الراقي
متفقين من قبل ان قاعة السينما لاتصلح للغناء ايعقل يالمخرج
اسماعيل محمد الحسن خشبة مسرح بدون اضاءة وبتعلق بنفسك
في اللوحة الخلفية قبل دقايق من بدء الحفل وبعدين هل
شرحبيل احمد نهر فنونا يقدم بهذا الاقتضاب وتلك العشوائية
هذا في تقديرى عدم مسؤلية و تخبط ولامبالاة وقد كانت لفتة جميلة
دعوة الحركات الدارفورية او جانب منهااي تلك المشاركة في مفاوضات
الدوحة ولا ادرى لماذا كان وصولهم متاخر بس كانت شينة جدا يافيصل الزبير
ان تاتى شايل ليك كيس في فيهى ماء وعصاير وتناول الضيوف من بنات وابناء
الحركات الدارفورية بتلك العشوائية ولكى تزيل الحرج تقول نحن سودانين بسطاء
ياسيدى البساطة لاتعنى السذاجة او الرفالة لقد قدرت لك موقفك من احتفلات اهل
الغيهب بالاستقلال واستغلالهم لصالة نادي السد وتركهم المخلفات بشكل مشين. وتبقى
مصيبة اكبر لو الناس بتنظم فعالية لمجرد ان تقول نحن نظمنا واخر حاجة تاخدها
في الاعتبار هو التنظيم وفي نهاية حفل الامس سمعت المنادى يانادى عن الامسية الشعرية
لحميد والصادق الرضى ان حا يكون معهم شاعرة وشاعر اخر ولو بصحكم تكونو جنيتو ياخونا
تجربة حميد وتجربة الصادق كل واحدة محتاجة لامسية وقد لاتكفيها كمان معهم دايرين تضيفو
اتنين ياها (عايرة وادوها سوط) مالكم كيف تنظمون
تنهدات:( يقال ان الطريق الى جهنم احيانا يكون مفروش بالنويا الحسنة)
وفي تقديرى كذلك التخبط |
هلا يا بدر الدين.
تعرف الليلة الدوحة دي كلها بتكون قامت من الصباح منتظرة تشوف بدر الدين الامير وهو يمارس هوايته في
فنون التشنيف الاسفيري ولكن مافي مشكلة يا بدر مستعدين ليك بكل اريحية وقبول الاخر وديمقراطية ومنهجيةبس خت في بالك النقد البكون ما موسس علي ارضية منهجية ومستوعب لكل الظروف المحيطة بالامر
بكون نقد (اي كلام) وحديث خارم بارم ما حناخد وندي معاك فيهو كثير وحيولد يا بدر اشياء مضادة غير ايجابية..
عاوز تقدم للجنة التي نظمت الحفل خدمة نقدية مرحب ..ولكن بس بالله البسها ثوب العلمية المنهجية والحرفية...
عاوز تبعبعص في الكلمات وتقول لينا كلام خارم بارم..فده من حقك طبعا ولكن سيظل عندنا كلام خارم بارم
لايفيد كثير وما حنطلع بيهو السرير...
...
الحفلة مثل اللوحة كل انسان بشوف ليهو بالزوايا البتريحو يعني مافي (شوف انساني مشترك)..
وفعشان كده من البديهي اي زول الراي بتاعو يختلف من الثاني ومشحون برغبات الثانية فقد يشحنها (س من الناس شحنة سياسية...وسين شحنة دينية..وسين اخر شحنة ذاتية شوفانية)
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: khaleel)
|
مرحب ياخليل ببدر الدين وباي زول ممكن يشكل اضافة حقيقية لحفلتنا يوم امس..
والبوست بتاع الجميع والناس مستعدة تسمع اي كلام ايجابي او سلبي..وبس الخارم بارم ما معانا..
واتمني من كل الاخوان عدم مجاراة (تشتيات الكورة) ان جات بصورة خزعبلية غير موثثة تاثيث يفيد الناس جميعا في تجربتهم التي عليها الاخذ في الاعتبار السلبي والايجابي...
فهناك لجنة منظمة بالتاكيد انها ستجلس وتقييم ذلك الحفل الذي لازلنا في مدارات النشوي الكبري به...
والداير يساعدنا علي التقييم مرحب به... ولكن الداير يعمل كاني ماني ويعيد انتاج افلام جرت في هذا المكان عقب كل تظاهرة في الدوحة فنحن بنقول ليهو سوووووووي ياعمك ..لقد تجاوزنا هذه الاشياء وتعلمنا من التجربة ورامين قدام صوب المواصلة في برامجنا الذي سيشمل حتي الان
1- ندوة عن الهوية ومعرض فن تشكيلي في اصدقاء البيئة اليوم
2- ليلة شعرية الصادق الرضي وحميد والجمعة القادمة في قاعة الهلال الاحمر..
ويلا يا شبلي ويا سمعة ويا كل من كل في يده كاميرا علينا جاااي بالصور
وخلونا نستمع بشرحبيل ونحتفي به اسفيرا بمقام يليق به بعيدا عن انبعاجات الزمن الاسفيري القبيح
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: Amira Elsheikh)
|
ليلة جميلة وبديعة
وزاهية الأحساس
لكن كلام بدرالدين
فيهو الكتير من الحقيقة والحقيقة المرة
النظام مشكلة كل الحفلات السودانية
الحفل لم يبدا في ميعاده 1
تم تقديم كورال الششباب والفرقة لم تكن جاهزة 2
لاتوجد اضاءة مباشرة للمسرح مما جعل من كل زول على الخشبة غير مرئي3
والتصوير بكون محتاج لي اضاءة كثيرة 4
المشاهدة كانت حلوة ورائعة لجالسين في لمقدمة5
الكيس القدمو فيهو الموية والعصير كان فضيحة6
نحن متعودين على انو لمن يبدا الحفل كل حاجة بتتنسي 7
وفعلا شرحبيل نسانا الدنيا وما فيها ودخل بينا عوالم الفرح ومملكة الدهشة
وما اجمل الفرقة الموسيقية ابدعت ونقلتنا الى عالم شرحبيل السحري
اجمل ما في الحفل بعد شرحبيل
مفدمي الحفل اميرة الشيخ والقدال مانا فاكهة الحفل
اما تقديمهما لشرحبيل انت ما انتظرت يابدرالدين كلامهم كان مقسم على فواصل الحفل فلم تسمع بقية التقديم
لانهم في الفاصل التاني قدموا لمحة كاملة عن شرحبيل الفنان الشامل .
تاني حاجة جميلة الحركة الحضارية التي قام بها عمر سعد بتنظيف الصالة عقب نهاية الحفل ومعه الشباب كمال الزين وبقية العقد الفريد ..
كل عام وانتم بالف خير .. والسودان متوحد بمحبتنا ...
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: معتز القريش)
|
الفعاليات اليوم مستمرة والان في مركز اصدقاء البيئة والان العشرات من الاطفال يشاركون في ورشة الخط العربي ومعرض رسومات شرحبيل..ومعرض كتاب مصاحب لداري نشر سودانتين ..
ندوة الهوية السودانية هي البرنامج المسائي بمركز اصدقاء البيئة
والقصة ماشة الله قاجة
كتاب
وفن تشكيلي
وندوة
كل هذه الفعاليات اتت عقب صفيح حفل شرحبيل الساخن الذي جنن الغناوي جن ليلة امس
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: معتز القريش)
|
: المواصلة في برامجنا الذي سيشمل حتي الان
1- ندوة عن الهوية ومعرض فن تشكيلي في اصدقاء البيئة اليوم
2- ليلة شعرية الصادق الرضي وحميد والجمعة القادمة في قاعة الهلال الاحمر..
يا جماعة لكم محبتي
لكن مافي شئ بلم حميد والصادق الرضي في ليلة واحدة !!!!
الرجاء
ان تنظروا في طلبنا
ان
يكون
كل واحد في ليلة لحاله
ليلة الصادق الرضي الشاعر الرائع يكون معه شعراء الحداثة
ليلة حميد الشاعر الرائع لحالها
رجاء
| |
|
|
|
|
|
|
|
|
 Re: الدوحة :الفنان شرحبيل يبدع في احتفال الاستقلال (صور) (Re: عماد الشبلي)
|
ستار ياليل.....هدية من قلبى الى كل السودان الجميل....
اذكر تماماً الاستاذ المبدع شرحبيل احمد و هو يصدح بها فى اول افتتاحياته فى كل ختام لاسبوع تخريج طلبة كلية الفنون، بمعهد الكليات التكنولوجية فى الفترة من 1983 و حتى تخرجنا فى العام 1987 و الذى تعهد بان يغنى له كل عام، ثم كان ما بعدها حتى تشتتنا فى كل البلاد......
افتقدته لحظة جميلة من عمرى....لكن لابد القادم اجمل فى مقبل الايام......إنشاء الله
الحفل يكفى ان تجملوه بهؤلاء العمالقة و حتى لو تغنوا فى ظلام مسرح بالدوحة فهو ضياء فى سماء الظَلمة و سماءنا...نعم لابد...
صديق القاعد بعيد
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: Siddig A. Omer)
|
Quote: ألم يكن ما قامت به الجالية
ايقاد شمعة .. بدلا من لعن الظلام |
الاخ معتز لايستطيع كائن من كان ادعاء وطنيه اكثر من الاخرين .
الوطن بستان كبير يمكنك منه قطف اى زهره ويمكنك مشاهده النوار يتفتح ويمكنك حرقه ....
وهذه لوحه الكل يدعى انه صاح ....والكل يحب بطريقته الخاصه ......تنوع الاحتفالات زياده خير
ولوحه سودانيه ....نشد على ايديهم على هذاالاحتفال ...ويشدوعلى ايدينا بهذا الاحتفال انه تلاقح الرؤى والافكار
ولا يجب مقارنه شئ بشى اخر من نفس اللون ......(الا اذا كان موضوع المديده حرقتنى) ..............
فالاحتفال كان للاستقلال وليس للاشخاص .....
وكلنا يجب ان نستلهم القيم ..والعبر ...من هذه الاحتفالات ..................
وحتى لا ينجرف البوست الى ما غير ما فتح له ندع العيون تشاهد ....تنوع البستان والتنوع فيه خير
وسنه حياه .....تفائلو ........وطنى وان ضن على احبه... واهلى وان جارو على كرام .....
لك الاحترام .
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: Siddig A. Omer)
|
Quote: الحفل يكفى ان تجملوه بهؤلاء العمالقة و حتى لو تغنوا فى ظلام مسرح بالدوحة فهو ضياء فى سماء الظَلمة و سماءنا...نعم لابد...
|
صدقت صديقي صديق ...... القاعد قريب
حزنت جدا لاصدقايء بدر الدين الامير ومحمد السني دفع الله ومعتز القريش
الذين غردوا خارج السرب
اتفاق بما يشبه الاجماع بان هذه الحفلة كانت من أروع الحفلات التي أقيمت بالدوحة منذ زمن طويل
وليس أدل علي ذلكمن الفنان الكبير شرحبيل نفسه
شاهدناه يغني بفرح وبمزاج فاق حد التصور
شاهدناه وهو يحي الجماهير من كل قلبه عند نهاية الحفلة
شاهدناه وهو يقفز جريا بعد انتهاء الحفلة كانه شاب في العشرينات
شاهدنا الفرحة تعم الجميع وهم يغادرون القاعة بعد انتهاء الحفل
شاهدنا الجميع كبارا وصغارا يرددون مع الفنان وكانهم يحفظون معه عن ظهر قلب
شاهدنا اهلنا اهل دارفور وهم يجملون الحفل بحضورهم الزاهي
شاهنا النظام في كل شئ
وبالتاكيد ومن المتوقع ان تكون هناك بعض الهنات البسيطة في مثل هذا الحدث الكبير غير مؤثرة علي نجاح الحفل .
لذلك اصدقايء بدر الدين الامير والسني دفع الله الجالسين في الصف الامامي المستمتعين بالفن الراقي
وصديقي معتز القريش الذي لم يستطع الجلوس ولو مرة واحدة من شدة اندماجه مع الحفل ومع المناسبة
أقول لكم : علي الاقل كلمة شكر واجبة عليكم لمن قاموا بهذا التنظيم الرائع واعدوا له ما استطاعوا رغم ضيق الوقت والامكانيات.
مرة أخري :
لم اشاهد فناننا الكبير شرحبيل يقفز مثل هذه القفزة الرائعة عند انتهاء الحفل وهو نشوان بهذه الطريقة.
له التحية والشكر الجزيل علي ما امتعنا به في هذه الليلة التي لا تنسي.
بدر الدين طلب منك بسيط :
في مثل هذه المناسبات خلي عينيك علي الايجابيات دايما وليس السلبيات .
أعلم انك تريد الكمال والكمال لله وحده.
وكل عام وانتم بخير وسوداننا الحبيب بخير
دمتم،،،،
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: حسن طه محمد)
|
الحفل كان أكثر من رائع واللجنة المنظمة تستحق
التقدير والتكريم رغم أنه ليس فى إنتظار كلمة شكرا,,
شرحبيل كان رائعا كعادته دائما
الفرقة المصاحبة قدمت أفضل ما
لديها وعندما يقف عازف لآول مرة
خلف شرحبيل قد يحدث أن تصيبه
إرتباكات فالوقوف خلف ملك ليس
مثل الوقوف خلف العوام,,وفى
النهاية كان هو نفسه راض عنهم
وهم أبدعوا,,
إمتاع حتى الإشباع,,..
على الناس أن تتعود الإفادة من الأخطاء التى تحدث فى هذه الفعاليات
وتجنبهافى الجايات,,,
الحفل والتقديم والحضور كانوا أروع من أن يتوقف الناس عند بعض
الأخطاء الصغيرة,,
شكرا يا شباب فقد أبدعتم,,
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: عثمان دغيس)
|
صدقت صديقي صديق ...... القاعد قريب
حزنت جدا لاصدقايء بدر الدين الامير ومحمد السني دفع الله ومعتز القريش
الذين غردوا خارج السرب
)) صديقي الجميل العزيز وغالي
حــســن طه
كلامك ده لو رفعت فيك قضية بكسبها وانا نايم في البيت
كيف نكون غردنا خارج السرب وانا شخصيا قلت ان هذا الحفل كان زاهي الإحساس
الكلام عن الحفل شئ وعن شرحبيل
وعن التنظيم شئ تاني يعني انت موافق على يقدم لضيوف الحفل الأماجد العصير والماء البارد من كيس
ياخي كان في الف واحد ممكن يخدم الضيوف بشكل انيق وشيك ودي حاجة بسيطة ..
اما الكلام عن الأضاءة وانو عمالقة الحفل منورين الدوحة ده كلام انشاء بضيع في الهواء لمن تجي تقتني شريط الحفل
وتكتشف انو الشريط غير صالح للأستعمال المنزلي دعك من ان يكون شريط توثيقي يعرض في كل القنوات الشريط صدقني لن يكون صالح للعرض
وبالتالي القيمة الفنية التي تحكم جودتة ـ صفر ـ لعدم وجود اضاءة
بنقول الكلام ده حتى لايتكرر لنو حتى الآن تكرر في معظم حفلاتنا السودانية
الشكر موصول لكل من حقق لنا هذا الحفل مرة ثانية وانا بالذات تحدثت عن السلبيات والأيجابيات لماذا جعلتني مغردا خارج السرب
لكن اوعدك اذا كان تقديم نصحنا يجعلنا مغردين خارج السرب
انا اقدم اعتذار
واسحب كل مداخلاتي واقتراحاتي للحفل القادم والليلة العامرة بالشعراء
ولكم جميل المنى وخالص المودة
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: عادل التجانى)
|
Quote: صدقت صديقي صديق ...... القاعد قريب
حزنت جدا لاصدقايء بدر الدين الامير ومحمد السني دفع الله ومعتز القريش
الذين غردوا خارج السرب
اتفاق بما يشبه الاجماع بان هذه الحفلة كانت من أروع الحفلات التي أقيمت بالدوحة منذ زمن طويل
وليس أدل علي ذلكمن الفنان الكبير شرحبيل نفسه
شاهدناه يغني بفرح وبمزاج فاق حد التصور
شاهدناه وهو يحي الجماهير من كل قلبه عند نهاية الحفلة
شاهدناه وهو يقفز جريا بعد انتهاء الحفلة كانه شاب في العشرينات
شاهدنا الفرحة تعم الجميع وهم يغادرون القاعة بعد انتهاء الحفل
شاهدنا الجميع كبارا وصغارا يرددون مع الفنان وكانهم يحفظون معه عن ظهر قلب
شاهدنا اهلنا اهل دارفور وهم يجملون الحفل بحضورهم الزاهي
شاهنا النظام في كل شئ
وبالتاكيد ومن المتوقع ان تكون هناك بعض الهنات البسيطة في مثل هذا الحدث الكبير غير مؤثرة علي نجاح الحفل .
لذلك اصدقايء بدر الدين الامير والسني دفع الله الجالسين في الصف الامامي المستمتعين بالفن الراقي
وصديقي معتز القريش الذي لم يستطع الجلوس ولو مرة واحدة من شدة اندماجه مع الحفل ومع المناسبة
أقول لكم : علي الاقل كلمة شكر واجبة عليكم لمن قاموا بهذا التنظيم الرائع واعدوا له ما استطاعوا رغم ضيق الوقت والامكانيات.
مرة أخري :
لم اشاهد فناننا الكبير شرحبيل يقفز مثل هذه القفزة الرائعة عند انتهاء الحفل وهو نشوان بهذه الطريقة.
له التحية والشكر الجزيل علي ما امتعنا به في هذه الليلة التي لا تنسي.
بدر الدين طلب منك بسيط :
في مثل هذه المناسبات خلي عينيك علي الايجابيات دايما وليس السلبيات .
أعلم انك تريد الكمال والكمال لله وحده.
وكل عام وانتم بخير وسوداننا الحبيب بخير
دمتم،،،، |
ذكرتني المثل البقول شكارتا دلاكتا
يا مولانا ارجع اقرأ كلام السني دا تاني
وبجيك راجع افتفت ليك كلامك دا كلو
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: محمد سنى دفع الله)
|
صديقي العزيز الفنان الكبير ود السني
أعرف أنك استمتعت بالحفل وقلت " أنها ليلة جميلة وبديعة وزاهية الاحساس "
أعرف أنك اشدت باليوم الثاني وبالورشة التي اقيمت بمركز اصدقاء البيئة.
ويقيني ان ملاحظاتكم جاءت من منطلق نظرتكم الفنية الفاحصة وانت المخرج والممثل الكبير.
ومع ذلك أقول : أن من يقرأ مداخلتك وانت تعدد المثالب وتعطيها أرقاما وصلت الي الرقم 7
فكانك تقول : ان الحفل لم ينجح خاصة لمن لم يسعده الحظ بمشاهدته
بل اراك تعضد كلام اخي وصديقي بدر الدين الامير
وهذه المثالب البسيطة في رايي كان من الممكن لكم لفت النظر اليها لاي من منظمي الحفل وهم كانوا قريبين منك من اجل تجنبها في الحفل نفسه او في القادم من الفعاليات المماثلة.
أخي السني
في مداخلتك انت تخاطب الكثيرين خاصة ممن لم يحضروا الحفل
ومن يقرأ كلامك يضع مليون علامة استفهام عن نجاح الحفل من عدمه!!!!!!!
لذلك قلت ومعك الاعزاء بدر ومعتز غردتم خارج السرب.
ملاحظاتك يا فنان مطلوبة لا يستغني عنها
ولكن كيف يكون ذلك .... هو السؤال الذي يحتاج للاجابة.
دمتم صديقي العزيز
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: معتز القريش)
|
Quote: يا مولانا حسن طه
اضغط هــــــنــــا لتقرأ ملاحظاتي |
العزيز جدا ود القريش
ضغطت وقرات
وما قراته خارج الموضوع
لان الموضوع ليس هو المقارنة
ولا اريد المقارنة ... ولو نجحت الحفلتين كنت ساكون اكثر الناس سرورا..... ولا ازيد.
أما كلامك الآخر الذي رمزت له بالاصبع المرفع مؤيدا كلام ود الامير فهو ما عنيته بتغريدكم خارج السرب.
كلام اخي العزيز السني قراته وفهمته ورديت عليه
اما بالنسبة لرايي الشخصي في الحفل
فقد اتي من واقع ما شاهدته
ومن واقع ما لمسته من اسرتي الصغيرة من انبساط فاق حد التصور كغيرهم من الاسر التي حضرت واعتقد ان اسرتكم الكريمة كذلك.
اما المثل فلا يعنيني بشئ رغم ان مفهوم المثل يجب التاكد منه قبل اطلقه علي عواهنه.
ياخي انا ما شفتك مبسوط مثل انبساطك في هذا اليوم ...... وهذا فقط يكفي
وين الصور ؟
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: حسن طه محمد)
|
حبيبنا ومولانا حسن طه
Quote: العزيز جدا ود القريش
ضغطت وقرات
وما قراته خارج الموضوع
لان الموضوع ليس هو المقارنة |
كيف خارج الموضوع ونحنا بنتكلم عن التنظيم
والتجهيز لإحتفالية باسم استقلال السودان
بل المقارنة والمنافسة هي اساس النجاح
والمقارنة هنا ليست لانتصار جهة على أخري
وليست اعترافا بتفوق الطرف الآخر
فهم أيضا كانت لهم أخطاؤهم القاتلة
وسآتي عليها
| Quote: ولا اريد المقارنة ... ولو نجحت الحفلتين كنت ساكون اكثر الناس سرورا..... ولا ازيد. |
وأنا كذلك أتيت ومعي أسرتي وأحمل كاميرتي كي اوثق لهذا الحدث الوطني وكنت أمني نفسي بفعالية مميّزة
ولكنني فوجئت بما سردته وسأسرده
| Quote: أما كلامك الآخر الذي رمزت له بالاصبع المرفع مؤيدا كلام ود الامير فهو ما عنيته بتغريدكم خارج السرب. |
أعتقد أن عبارة التغريد خارج السرب لم تكن موفقة
كما أعتقد أن من أبسط الحقوق الديموقراطية أن أتفق مع بدر الدين في نظرته
وأن أختلف مع مولانا حسن طه في نظرته .. وما تراه أن هنات بسيطة أراه أنا أخطاء فادحة
| Quote: ياخي انا ما شفتك مبسوط مثل انبساطك في هذا اليوم ...... وهذا فقط يكفي |
يا عزيزي أنا مبسوط دائما وهذه نعمة من الله
كما أنني أحاول أن أنثر الانبساطة اينما حللت
وأحاول دائما أن يكون الجميع مبسوطا
هو (الضلام خلى لينا صور ولا حتى فيديو)
الله يجازي المخرج
| |
|
|
|
|
|
|
|
|
|
Re: الدوحة :الفنان شرحبيل يبدع في احتفال الاستقلال (صور) (Re: معتز القريش)
|
Quote: هو (الضلام خلى لينا صور ولا حتى فيديو)
الله يجازي المخرج |
زيتكم فى بيتكم
تعرف ياود القريش انا حمت جنس حوامهفى العالم ده عندنا مشاكل سودانيه بحته حتى لو نظمالحفل (peter michle)
اجمل حاجه فينا بننتقل بى حاجتنا المكتسبه الكعبه وما بنقدر نتخلص منها ....واى حاجه بتمشى
كسره بمويه بتمشى الحال شاى بدون سكر بيمشى الحال تاكل بوش فى صحن مطرقع ماشى الحال
تدفع قروشك درجه اولى ويقعدوك فى الخلف ماشى الحال غير تمشيه الحال ما عندنا شئ اذينا
والادهش انو المناسبات بتدهشنا دائما ....يعنى عيد رمضان الجاى حا يفاجءنا فى اخر 3 يوم قبل العيد
ونقعد نجتمع عشان نعمل حاجه ....ازمه السودانيين ازمه كبيره فى التعامل وفى الاحتفاظ ببرستيج جيد
الله كريم ................
لكن قدر الحفلات الحضرتها هنا ما استمتعت قدر ما استمتعت بى حفل شرحبيل اقلو نضفلينا اضنينا من الغث
وهو قامه سودانيه كتهراقا وبعنخى والمهدى والازهرى ................................................
دم بخير
| |
|
|
|
|
|
|
| |
Faisal Al Zubeir
عبدالكريم الامين احمد
khaleel
البدري عبد الله
بدر الدين الأمير
معتز القريش
الفاتح الجنيد
محمد عبدالرحمن
حسن طه محمد
محمد سنى دفع الله
عماد الشبلي
Hussein Mallasi
haroon diyab
Siddig A. Omer
عمر سعد
أيمن الطيب
عادل التجانى
فيس بوك
تويتر
انستقرام
يوتيوب
بنتيريست