نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 في نظرية المؤامرة ... تحليل و تفكيك
|
ميكافيلي الشهادة العربية الخليجي ايا كان ادى دوره و المطلوب منه
اخترق و عاث فسادا و سلم المفاتيح لغيره
الحاصل اسي و ان كان يبدو عبثا الا انه ليس كذلك بل عمل منظم و مرتب له بعناية
من الواضح ان الغرض هواغلاق الموقع او عزوف الأعضاء و القراء عنه على الاقل
المداخلة المكتوبة باسم احمد طه في بوست النعي Quote: الأخ الباشمهندس بكري
إذا لم تستطع حماية هذا الموقع رجاء أغلقه ..
. أرجو حذف هذا البوست المغرض ومد الله في أيام الوالد ..
|
توحي جليا بهذا الغرض
مقروءة مع ما كُتب امس و اليوم من اساءات بالغة لزملاء هنا
من الواضح ان من يستخدمون الباسويردات المضروبة على معرفة و متابعة شديدة للبورد
وعارفين من من الزملاء بعيد عن المشاركة ومن الممكن استخدام اسمه و احداث التاثير المطلوب و استخدام اسمه قبل ان يتم الاتصال به
من يوجهون هذه الاساءات لا تستبعد ان يكونون زملاء لنا هنا و قد تراهم باسمائهم الحقيقية مشاركين في شجبها و رفضها
السؤال هو : من المستفيد من فقدان الموقع لرواده و عزوف الناس عنه
كيكي المايك معاك
|
|
 
|
|
|
|
|
|
|
 Re: في نظرية المؤامرة ... تحليل و تفكيك (Re: محمد البشرى الخضر)
|
يا أخ ما تدونا معاكم فرصة !!!!
على ذات خط الإيحاءات هنالك إشارة خفية لما ذهبت إليه فى بوست الإساءات المتعمد(three folded purposes ) لما طلب منه حمودى العسل
الكتابة بهناك:
Quote: .. ومعروف أنو
المنبر اليومين دي ما فيه زول بكتب بي اسمو الا ما ندر
|
ونرجع للموضوع الساعة:
Quote:
السؤال هو : من المستفيد من فقدان الموقع لرواده و عزوف الناس عنه
كيكي المايك معاك |
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: أبوبكر أبوالقاسم)
|
هلا يا شبيبة
ومدخلكم كويس ومفتاح للتحليل والتفكيك لظاهرة الهكر الحائم في راسنا...
وبتفق معاكم في الاول بان هذا العمل منظم وشديد كمان...
ومراحل التنظيم ظهرت وبانت...
استلام مكافيلي ثم تسريب اذونات دخول بعناية وخصائص ثم حقن الموقع بمواقع فيروسية مع اشاعة فوضي عارمة
وكل الاسباب التي ذكرتموها عاليا...
اول مدخل لتفكيك خطاب الهكر هو رسالته الاولي كم اتفقنا مع بعض الاخوان هنا في الدوحة...
ودي كانت موجهة بصورة اساسية ضد بكري...والصعاليق المعاهو (وكانت الفردية واضحة في هذا الخطاب)
ولكن من تطور الاحداث ظهرت الايادي الاخري ...وظهر في الاخبار بان هنالك 2400 باصوريد تم تسريبها
لنري خطاب هذا الباصوريدات وملامح خطابها وعناونبن بوستاتهم
قالوا شنو...وكتبو شنو... ونواياهم شكلها شنو..
هذا ما نعود اليه بعد الفاصل
والمايك معاكم يا عمك وابوبكر
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
Quote: لنري خطاب هذا الباصوريدات وملامح خطابها وعناونبن بوستاتهم
قالوا شنو...وكتبو شنو... ونواياهم شكلها شنو..
هذا ما نعود اليه بعد الفاصل |
بتتبع ما ذكرته يمكن ببساطة معرفة ( الدافع ) أو (الباعث) مما تمّ.
معرفة الدافع ( الغرض) أو ما يُعرف بالـ (motive ) هو المحرك الرئيسى لأى فعل ، ويتم تتبعه عادة للوصول للفاعل.
الشواهد يمكن تحقيقها - بعد نفض غبار التعمية والتضليل - والذى تمّ التمويه به بطريقة ماكرة.
over
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: أبوبكر أبوالقاسم)
|
هلا يا ابوبكر
واول ملمح ممكن نشوت فيهو هو ما تفضلت به انت (التمويه) فقد كان واضحا ومنذ الوهلة لاولي بان الامر رسم بعناية فائقة حتي لا تظهر الرسائل
الهكرية مرجعية الجهة التي نفذت هذه الهجمة المرتدة....
لو تاملت كل الرسائل الثلاثة التي تم نشرها في الموقع عقب الهكرات الثلاثة.. نجد انها في كل مرة كانت تظهر دوافع مختلفة تتارجح ما بين العداء لبكري
ثم توجيه الاساءة للعضوية دون فرز...ثم تخصيص مناضلي الضل البارد...
ولكن فجاة وعندما تطل البوستات المطلقة من الباصوريدات التي سربت تري امرا عجبا
مناداة بعودة هشام هباني...ثم بيان وعلان استلام المنبر ...وتوجيه رسالته ضد السلطة...ثم عداء سافر لتراجي...ثم صعلقة وقلة ادب خاوية لا تعكس الا
النزوات الشخصية لاترسل اشارة سياسية او غيره
وجود هذا التموية وتلكم الضبابية محاولة لاثارة غبار كثيف وفوضي وتخريب المنبر دون ترك بصمات واضحة تشير الي الجهة الفاعلة
والمايك معاك الي حين عودة الي الملمح التاني
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
متابعة باهتمام يا شباب
ابوبكر يا عمك ما تقديم المايك لكيكي إلا استكمالا لنقاش دار على الهاتف ولم يسعفنا الوقت و الرصيد لإكمال محاوره
قبل ما نجي لإضاءاتكم عايز اعلق عى بعض النقاط قد تفيد نظرية المؤامرة لقدام
اولا شبه متفقين على ان ما قام به ميكافيلي خدمة - باجر او بدون - لآخرين
هؤلاء الآخرين ما عندهم قدرات ميكافيلي او الآكسس نفسه
كل البسووه حاليا استخدام باسوردات لكتابة بوستات مسيئة او زرع الغام في بوستات اخرى
ملاحظة مهمة الناس ديل ان لم يكونوا اعضاء حاليين / سابقين فهم عل الاقل قراء و متابعين للبورد و على معرفة باعضاءه
و بقدروا يفرزوا منو البشارك و منو الغايب و منو ممكن يستخدموا حسابه
لو رجعنا للنقطة الأولى عن الخدمة اللتي قدمها ميكافيلي لو افترضنا انها مدفوعة الأجر سير التفكير و الإتجاه ح يختلف عن لو كونها مجانية او خدمة لأصدقاء
ما عارف كيف ممكن نتاكد من المعلومة دي
ميكافيلي مشارك في موقع هاكرز - كراكرز - محترفين و بوثقوا لما يعتبروه انجاز من اختراقات كنوع من المنافسة بينهم
قد تكون في اشارات معينة لطبيعة الـ Job و الكلاينت , اعتقد محتاجين نسجل ليه زيارة و نقضي بعض الوقت في التنقيب فيه
المحور التاني و المهم لدعم النظرية ما تفضل به ابوبكر عن الدافع , بالنسبة لميكافيلي الدافع قد يكون المال او خدمة او ارضاء نزوة او تحدي او غيرها من وهمات المخترقين
المهم هو دافع الكلاينت او دافع مستخدمي حسابات الأعضاء غير المفعلين في الإساءات او زرع الفيروسات او الهدف الرئيسي و هو اساءة سمعة الموقع و تنفير زواره
هل دافعهم المنافسة ام اسباب شخصية - كغيرة او حقد مثلا
المحور التالت - مقروء مع التاني - هو بافتراض نجاح المؤامرة من هو المستفيد او المستفيدين من توقف الموقع او فقدانه للمصداقية و السمعة و عزوف القراء عنه
من هو - هم - المتضررين من نجاح الموقع او وضعه الحالي من شهرة و قوة و تاثير
محور اخير الهجوم تزامن مع هجوم آخر على موقع سودانيات و قبله سودان نت و موقع السودان الإخباري و سودان جم و قد تكون هناك مواق اخرى ايضا
هل لهذا التزامن دلالات ما تفيد نظرية المؤامرة الشغالين فها دي
باكر ان شاء الله نواصل مع النقاط المثارة من قبل ابوبكر و كيكي
ابو حتوت
منظر اول ركن
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: سيف النصر محي الدين محمد أحمد)
|
ابن العم محمد البشرى
أتابع مناقشاتكم وتحليلاتكم عما حدث للمنبر من سطو وقرصنة.
كم كان بودي المشاركة لكني لا أفهم كثيرا في لغة ومصطلحات الانترنت
وطرق وأساليب الهكرز والكراكرز، وما إلى ذلك.
أنا وأمثالي بعد بلوغنا هذه السن المتقدمة
متكلين على الله وعليكم لتبصيرنا بما يستجد من وقت لآخر،
شاكرين لكم جهودكم المخلصة، وسائلين الله أن يجنب المنبر كل أذى ومكروه.
| |
|
|
|
|
|
|
|
|
 Re: في نظرية المؤامرة ... تحليل و تفكيك (Re: محمد البشرى الخضر)
|
كلامكم سمح
لكن أدوني المايكـ دا شوية ياخ! قايلنو إسكريم؟
الشي الخاشي في راسي التالي:
في جهة ما (ودي يرد تحتها جميع الاحتمالات) جابت عمكم ميكافيلي دا وقالت ليهو هكر الموقع دا وجيب لينا العدة الفيهو، أها ميكافيلي طويل العمر عمل العملية بتاعتو وسلم العهدة لهذه الجهة، وكان الموضوع في بالنسبة ليهو في المرة الأولى تحدي، وفي المرة الثانية استعراض لقدرته على التحكم في الموقع بحكم إنو بكري رجع الموقع للخدمة بسرعة عشان يوضح للناس إنو الموقع أقوى من الهجمات دي، المرة التالتة دي عدم موضوع منو ساي.
أها يا عمكـ
مكيافيلي دا هسي بيكون ما عارف الحاصل شنو زاتو هنا، سلم العهدة واتخارج عشان يشوف ليهو موضوع تاني.
أهداف الجهة التانية دي في لمن تدوني المايكـ مرة تانية
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
Quote: أخوناالصائم
خد المايك وقول من الآخر.
الله يخليك أشرح ليناأهداف الجهة الثانية |
هنالك شئ مرتبط إرتباط وثيق بالدافع ، الذى تبدأ به الأفعال التحضيرية وصولاً ( للقصد) (the intention or the mens rea) أو ( الهدف).
يندر أن يأتى شخص ويقِر بفعلته الإجرامية (actus reas) ويعترف بقصده الإجرامى (mens rea) عشان كدا إستقر العمل على أن
أى قصد يمكن الإستدلال عليه من الشواهد والأفعال التى تكون ظاهرة وملازمة للفعل من خلال ما يقوم به ودا بقولوا عليهو
( The physical
manefestation).
للتقريب ... مثلاً فى جرائم القتل الذى يتم بالطعن بسكين ... يتم الإستدلال على القصد الجنائى - ضمن أشياء أخرى- بطول السكين
( الهكريبة ) ، ومكان الطعنة ( الداتا بيز والمكتبات ) ثم قوة المهاجم وتكرارها ( أكثر من واحدة).
رجعتونا تانى لشغل خليناهو من 1988.
المايك مع منو؟
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: أبوبكر أبوالقاسم)
|
المايكـ عندي أنا يا عمكـ
أها جينا للجهة التانية غير المعلومة لدى شخصنا الضعيف
المجموعة التي تسلمت العمل بعد استلامها (الداتا) للموقع، لديها هدف تخطط له وتعمل عليه بجهد كبير، الهدف الأساسي هو ضرب نجاح سودانيز أون لاين، سواء كان في شخصية بكري أبو بكر أو مصداقية البورد عموما، أو .. شايفين (أو) دي .. تحريكـ المشاعر ناحية أشخاص معينين أو مواقع محددة، سواء كان ذلك سلبيا أو إيجابيا.
أساليب الوصول لهذا الهدف هي استخدام أسماء اليوزرات لفتح بوستات تضر بمصداقية الموقع، التي أصبحت مثار شكـ في الفترة الأخيرة، أو فتح بوستات تحوي إساءات شخصية وألفاظ نابية لتنفير المشاهدين وخلق بلبلة وسمعة سيئة للموقع، ويتم ذلك بواسطة نشر أخبار ما يحدث في سودانيز في المنتديات الأخرى، والمتابعة اللصيقة لما يحدث.
البعدي منو في المايكـ؟
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
اديني ليه جاي المايك دا
اها يا شباب افتكر اتفقنا و امنا جميعا على حتة انو ميكافيلي طلع بادي في جوب لصالح كلاينت/س
و مشينا خطوة لقدام في اتجاه تحديد من هو/ هم بالحديث عن الدافع و اللي بتمثل في تدمير الموقع بدفع القراء و الاعضاء بالعزوف عنه
و اثير تساؤل عن من هو المستفيد او بصورة اخرى من هو المتضرر من نجاح الموقع
ناخد وقفة هنا و نتحدث عن عدة سناريوهات مختلفة بتخدم كلها نظرية المؤامرة اللتي نحن بصددها
الإحتمال الأول و الذي تبادر الى ذهن الكثيرين هو الحكومة او جماعة من مؤيديها
بالتاكيد الحكومة متضررة ولو بقدر يسير من الموقع و قد يتحمس بعض مؤيديها - كما حدث من قبل - و يعتبرون ان اغلاق الموقع نوع من نصرة الحق
او الجهاد او غيره
فرضية ان يكون ميكافيلي قد عمل باجر و اعتقد انه ح يكون باهظ الى حدما تدعم السيناريو دا
كمان الرسالة الاولى و الثانية و عبارات مثل " مافي حد حاكمك " " مناضلي الضل البارد " و غيرها ايضا
مهاجمة تراجي و الحديث عن الخيانة و العمالة لاسرائيل تصب في هذا الاتجاه
الخ الخ الخ
لو قعدنا ليه ممكن نطلع مليون كلو في النهاية تفيد تورط الحكومة او مناصريها في الموضوع
لكن تعرف كدا ما ح تكون النظرية دسيسة لانو بطبيعة الحال الحكومة المشتبه الاول طيب وين الابداع و التنظير هنا
عشان كدا نرخي السيناريو دا او نخليه لي ناس الضل البارد جد جد و نواصل مع السيناريو التاني
يتبع
كدي واحد يتناول المايك دا لغاية ما اجي
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
داليا يختي ...
الباقين ديل ما حزب ولا جماعة الباقين دي حالة فرضها الاستثناء الحصل
لما عبرت عنها في الاول افتكرت الرواد ح يكونوا - كالعادة - حمووودي و بت عمي و آخرين عمعدودين على اصابع اليد
ما كنت فاكر القصة ح تكبر قدر دا
ودا الحالة ناس السودان محظورين
اها ديل بقى تسعين في المية منهم باقين
و في رواية باكين 
روزمين ... سلامات
غايتو من يوم قريتليك - ولا قريت لهناي ما عارف - قولة انك بقيتي زعاطة
قلبي ما ح يرتاح لكتابتك الا تنزلي لينا قصيدة من قصايدك ديك و تكتري لينا فيها من جون و ما ادراك ما جبريل
بمناسبة جبريل دي و ينك يا بت خالتي
يمين مشتاقين
كيف خالتي و كيف سكينة سلامي ليهم باللاي
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
Quote: روزمين ... سلامات
غايتو من يوم قريتليك - ولا قريت لهناي ما عارف - قولة انك بقيتي زعاطة
قلبي ما ح يرتاح لكتابتك الا تنزلي لينا قصيدة من قصايدك ديك و تكتري لينا فيها من جون و ما ادراك ما جبريل |
أبيييت الا أول تنزل شعر حداثى قاليك
بعدين يا أخوى الزول لازم يبقى زعاط وشكال وهراى (من هريتونا) لأنو مرات الحالة بتكون صعبة
أشراقة غايتو أتكلمت معاها قبل أسبوع كدة وكانت كويسة وتمام التمام
يلا واصل تحليلاتك
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
تحليلكم ده بتاع باقيين ساكت.... بالله تاني ما تدوني المايك يارجرجة..
التحليل الصاح مفروض يتناول التهكير كحالة بتاع احتقان ثقافي ولازم تعملو ليهو مقارنة هكرية مع التهكير الحاصل في ملحمة غرامشي
وتنظروا للموضوع بروية اركلوجية بمرتبطة بعولمة لتهكير واشكالاته البنيوية
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: عبدالكريم الامين احمد)
|
Quote: تحليلكم ده بتاع باقيين ساكت.... بالله تاني ما تدوني المايك يارجرجة..
التحليل الصاح مفروض يتناول التهكير كحالة بتاع احتقان ثقافي ولازم تعملو ليهو مقارنة هكرية مع التهكير الحاصل في ملحمة غرامشي
وتنظروا للموضوع بروية اركلوجية بمرتبطة بعولمة لتهكير واشكالاته البنيوية |
ومدغشر بالقحطلين تفشخرت فشراختاه**..........فى ذنب الحوى البعبلى..
فى حدى فاهم حاجه ؟؟
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: أبوبكر أبوالقاسم)
|
دقيقة دقيقة ابوبكر ياعمك اديني ليه ما ترجعو
القصة ما استبعاد بقدر ما هي زي ما قلت ليك سيناريوهات متعددة نتناولها واحد واحد و نشوف نقاط القوة و الضعف في كل على حدة
كيكي قد يكون ما استلطف استبعاد سيناريو تورط الحكومة من بدري كدة
وبما انو قعدة التفكيك دي قعدة غير نخبوية فنطالب كيكي بدل الحردي و جديع المايكات انو يدافع عن نظريته و ينافح عنها بكل ما اوتي من حجة و منطق
و نحن ايضا
المهم في النهاية نصل لكنكلوجن متفقين على حده الادنى
Quote: - ظهرت كمية من البوستات التى كانت تنقل ما يدور فى بورد آخر وتفاعله مع الحاصل.
- لاحظت أن حتى مداخلات البعض داخل بوستات أخرى كانت تتحين الإشارة لروابط بوستات خارج المنبر.
- أكثر ما أقلقنى كمية البوستات التى هدفت لإثارة فوضى خلاّقة (Creative Quaos) - مُش بسموها كدا- عن أمن المنبر والدعوة للتوقف عن
الكتابة وإيقاف المنبر ، ولا أزيد. |
حيثك اعلاه ح يكون مدخلي للسناريو رقم تنين و تلاتة على التوالي لاحقا
نقطتك الاخيرة و اللتي تسببت في اثارة قلقك عن بوستات التشكيك في امن و سلامة البورد مهمة جدا
اكثر ما احزنني فيها بعض الاعضاء بلعوا الطعم و ساهموا في الترويج بدون قصد للفكرة بالدعوات المتكررة و الصيحات على شاكلة اين بكري و اين عباس
دا غير الهري الاتهريناه اياميها
خلاس ممكن نرجع المايك لغاية ما اجهز البرزنتيشن للسناريو التاني
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
Quote: تحليلكم ده بتاع باقيين ساكت.... بالله تاني ما تدوني المايك يارجرجة..
التحليل الصاح مفروض يتناول التهكير كحالة بتاع احتقان ثقافي ولازم تعملو ليهو مقارنة هكرية مع التهكير الحاصل في ملحمة غرامشي
وتنظروا للموضوع بروية اركلوجية بمرتبطة بعولمة لتهكير واشكالاته البنيوية
|
يا كيكي قول لينا كلام نفهموا ياخي
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
كدي يا جماعة أدوني المايكـ دا شوية
من وجهة نظري الشخصية البحتة وحسب ظروف ومتطلبات المرحلة الراهنة (هيييييع) أن من يقف وراء هذا الأمر هدفه الأول ـ كما قلنا سابقا ـ تدمير المنبر واللعب على وتر المصداقية.
طيب يا جماعة
مَن المستفيد الأول من تدمير مصداقية سودانيز أون لاين أو تدميره؟
شخصيا النظرية الحتوتية بتاعت الحكومة دي ما شغالة معاي!
مؤامرتي بتمشي في اتجاهين لا ثالث لهما:
* نوع من المنافسة غير الشريفة مع مواقع أخرى.
* تلميع شخصيات محددة أو استدرار عطف الناس تجاهها!
مع ملاحظة أن من يستخدمون (*) الباسووردات المهكرة، يعرفون الزملاء المشاركين في البورد فردا فردا، وربما طريقتهم في التحدث وألقابهم وأشياء كثيرة.
هذا يقودنا إلى ثلاث احتمالات:
الأول: أنهم من الموقوف باسوورداتهم في الموقع.
الثاني: زملاء حاليين يبحثون عن تصفية حسابات.
الثالث: من المتابعين للبورد بصورة دائمة ولم يستطيعوا الحصول على باسووردات!
أنا شخصيا استبعد الاحتمال الثالث!
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
إضاءة أولى على:
Quote:
شخصيا النظرية الحتوتية بتاعت الحكومة دي ما شغالة معاي!
مؤامرتي بتمشي في اتجاهين لا ثالث لهما:
* نوع من المنافسة غير الشريفة مع مواقع أخرى.
* تلميع شخصيات محددة أو استدرار عطف الناس تجاهها!
|
الـ Multiple choice بتاعك ناقص إحتمال مهم - سلباً أو إيجاباً- وهو:
* كل ما ذُكر أعلاه صحيحاً أو خاطئاً.
ـــ
إضاءة ثانية من (أ) و (ب):
(أ) :Quote:
مع ملاحظة أن من يستخدمون (*) الباسووردات المهكرة، يعرفون الزملاء المشاركين في البورد فردا فردا، وربما طريقتهم في التحدث وألقابهم
وأشياء كثيرة.
|
نتفق معاك فى هذا.
(ب) :| Quote: الثالث: من المتابعين للبورد بصورة دائمة. |
فعلاً هنالك متابعة/ رصد وملاحظة ، ولكنها من مختصين.
يحضرنى نوع سائد من أنواع التمويه: لما أضحت الضرورة حاضرة فى التخلص من الجنرال ضياء الحق فى باكستان كان ذلك من خلال تفجير الطائرة
وإحتساب ما يُعرف بالـ Collateral Damage والذى كان فى تلك الحالة السفير الأمريكى ، وهذا المثال ليس له أى دلالات لنفس الجهة
بقدرما هو للإيضاح.
المايكرفون معاكم
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: أبوبكر أبوالقاسم)
|
Quote: ذا يقودنا إلى ثلاث احتمالات:
الأول: أنهم من الموقوف باسوورداتهم في الموقع.
الثاني: زملاء حاليين يبحثون عن تصفية حسابات.
الثالث: من المتابعين للبورد بصورة دائمة ولم يستطيعوا الحصول على باسووردات!
أنا شخصيا استبعد الاحتمال الثالث! |
نرجع الي مدارات التفكيك وبالله جيبو المايك ده شوية لخالكم كيكي..
في جزئية يا ود البشري وابوبكر والصايم كنا قد القينا عليها ضوء وفلاش وهي دلالات التموية...
ودي كانت اكبر المعضلات في ديربي الهكر وفي كل مرحلة كانت الاشارات تتقاطع مع الكلام القالو ود البشري الفووق ده في نقطة مهمة...
ولكن من التاملات للاخراج الاخير للبوستات والتي يبدو هي خطاب المرحلة الاخيرة للهاكرين وستدوم طالما سلمنا جدلا بان بعض الباصوريدات لاتزال
مطلوقة في السهلة.....
1-شراسة الهجمة علي تراجي(موتا ثم لغة هابطة واستهداف حاد)
دي ستكون العنوان الدائم... ولكن كل هذا لايجعلني اقول ان الهدف هي تراجي فلو ارادوا تراجي لذهبوا الي منبرها وارسلو لها رسالة اكثر الما
............
بعد احداث اوكمابو ورد في الخطاب الرسمي الحكومي سيرة الخطاب الاسفيري كثيرا وبل ذهبوا الي افتراض ان اوكمابو حصل علي بعض الادلة
من مواقع الانترنت واولها سودانيز اونلاين لتفاعله الظاهر والتاييد الكبير من البعض هنا لخطوة اوكومب
ده يا عمك بخليني ارجع نظرية اتهام اذرع الامن الحكومية في اطار سياسة وخطة كبري لمجابهة الخطاب المويد لخطوة المحكمة الدولية
هذا ما سنعود اليه ولكن بعد الفاصل
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
انا مع ود الصايم انو الموضوع دة ما عندو علاقة بالحكومة...في بدايتو...
دة واحد مخو نضيف وداير يتشهور ويثبت حاجة لي نفسو...
واظن بعد داك الحكومة عترت فيه ...واتفاهمت معاهو...
لكن بعد ما وزع الباسويردات لي اصحابو...
لانو حلم الاماسي كان مؤيد لي هشام هباني وعودتة للمنبر...دي كيف بس؟؟؟مش هباني نزل صورة الريس بيرقص؟؟؟
بعد داك قبلو علي تراجي واي زول دافع عنها اخد نصيبو من المرض...
طيب تراجي دي مش صاحبة الهكر؟؟؟
دة البيخليني اقول انو الهكر ظاااااااااااتو....اتهكر..
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
ارجع اعلق ليكم علي حاجة...
قصة انو الاعضاء باسويرداتم رايحة دي ما واقعة لي...صحي في جزء منهم راحت وفي جزء بتجابن...وفي اعضاء اعترفوا قالوا انحنا وقت الهكر دة بنقيف بعيدددد..اغلبهم كانو خايفين علي لقاليقم....
اما في اعضاء كدة ؟؟؟ سقد بس....حيرو ليك الهكر ظاااااتو...
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
كدي المايكـ دا دقيقة
في حاجة لاحظتو ليها يا جماعة؟
توقيت دخول الهكر باليوزرات!!
أتوقع من يستعمل اليوزرات موجود في منطقة الخليج عموما، وأركز شخصيا
على السعودية، بوجهة نظر شخصية طبعا.
دائما ما تبدأ المناوشات بعد العاشرة مساء
الدقسة أو الذكاء الشديد كان يوم الجمعة
نزل بوست الساعة الواحدة ظهرا بتوقيت السعودية بعنوان
(منو فيكم مشى صلاة الجمعة) تقريبا!!
أها يا جماعة
الساعة واحدة دي صلاة الجمعة انتهت في السعودية وخاصة
توقيت المنطقة الوسطى منها ويبتعد الوقت كلمها اتجهت شرقا
ويكون مناسب أكثر كلما اتجهت ناحية الجنوب منها!
الداير المايكـ منو؟
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
محمد البشرى
اظن و الله اعلم انو كان في لبس شديد في ميكافيلي و هويتو
اعتقد ان الهجوم الاول و الثاني كانا من طرف شبان من شباب الشهادة العربية يستعرضان
ثم جاء عدد اخر من المخترقين فيهم من له معرفه بالمنبر و فيهم من له اجنده سياسية و اصبح المنبر سوق خدار
لا اؤمن بنظرية ناس الامن هكرونا و مصادرة الرأي ..
ليس لانهاغير وارده و لكن لأنها تحتاج الى دليل افتقده
الهكر الذين دخلوا يكتبون باسماء الاعضاء هم من الموجه الجديدة و لا علاقة لهم بالهكر الاول
هؤلاء استغلوا الوضع فقط
في منبر السودان الجديد شخص يحاول تمثيل دور الهكر و اكاد اجزم ان المخدوع الاول هو تراجي مصطفى فهي تندفع بقوة خلف من يقف قريبا من صفها ..
لكن اظن انها بدأت تفهم بعض اشياء و تعيها الان ..
اظن هذه المرأه طيبة القلب سليمة الطوية حقا لكن ... !!
المهم
ساعود لاقرأ ما تفضلتم به و توصلتم اليه بدقة و عناية
زول يشيل المايك
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
مرحباً بزيادة حمور ، وحقيقة كنا متابعين لتحليلكم قبل التهكير.
من متابعة الحبكة فى القصص البوليسية ، يتضح فى النهاية إنو " الخائن" هو أبعد شخص عن الإتهام.
الحبكة الدرامية فعلاً تستلزم القيام بكمية من التمويه على سبيل التعمية والتضليل.
الحركات البسيطة الآن- المشاغلة فى البروفايلات- جاءت بعد توقف مدروس وتزامنت مع دخول بورداب السودان.
ودالبشرى لو تفضلت الإستفاضة فى هذه الجزئية ومدى تعلقها بهذا الإتجاه
لا أعتقد أن الهكر - الأخير- فاتت عليه خطوات بكرى فى عملية الإستبعاد.
مرة أخرى وكالعادة:
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
شكراً حمور زيادة
Quote: استرج مداخلات زول الاولى قبل اكتشاف امره
اظن ود الصايم يحفظها افضل منا |
والمطلوب إضاءتين من ودالبشرى وودالصائم لمواصلة التحليل.
حتى ذلك الحين يا زيادة ، وعلى ضوء ما قررته من إحترافية الأخير:
ما هو الهدف فى ضوء ما أشارا إليه ودالبشرى وودالصائم أو من التحليلات الموجودة ، وأيهما تُرجِّح ؟
إغلاق الموقع
عزوف الأعضاء
توجيه الأعضاء وإستقطابهم
للشهرة
إبتزاز ............ إلخ
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
هف هف
التطورات الاخيرة شغلتنا عن مواصلة تفكيك الحداث و تجميع اجزاء بازل النظرية
كنا توقفنا عما اعتبره السيناريو التاني ...
قبل ما اتناوله احب استصحب معاي بعض الاضاءات و خصوصا التعليقات القيمة من الأخوان ابوبكر و حمور
اخونا العوض الطيب ذكر Quote: فتوقيت التهكيرة
لسودانيزأونلاين والمواقع الأخرى
جاء متزامناً مع التهكير اللي حصل
في
كنانة. |
وهو ما يصب في صالح السيناريو الاول - برعاية كيكي
نقطة مهمة يجب اخذها في الإعتبار
ابوبكر تحدث عن نظرية الخداع و ضرب مثلا قيما بالتضحية باحد العناصر الهامة لتجنب الشبهات و خدمة اهداف الجماعة على المدى البعيد
نعود على موضوع التوقيت و لكن بشكل مختلف مع مداخلة حمودي Quote: في حاجة لاحظتو ليها يا جماعة؟
توقيت دخول الهكر باليوزرات!!
أتوقع من يستعمل اليوزرات موجود في منطقة الخليج عموما، وأركز شخصيا
على السعودية، بوجهة نظر شخصية طبعا. |
اذكر اني قرات تعليقا يفيد ان من شتم تراجي اسمه كذا يقيم في جدة او ابها
ساعود لرؤية حمودي لاحقا داعما لها في السيناريو الثاني و مفندا في الثالث
حديث مهم من حمور Quote: الهكر الذين دخلوا يكتبون باسماء الاعضاء هم من الموجه الجديدة و لا علاقة لهم بالهكر الاول
هؤلاء استغلوا الوضع فقط
في منبر السودان الجديد شخص يحاول تمثيل دور الهكر |
| Quote: العملية الاخيرة التي تبدو مدروسة بدقة و احتراف و معرفة بالاعضاء هي ما يؤكد ان الذين قاموا بها هم غير الاوائل |
يجب الاشارة للحصل في منبر نيو سودان اليوم و تشابه المفردات و الاسلوب بين هجوم اليوم و آخر هجوم علني لمن اصطلحنا على انهم كلاينتس او ريكروترز لماكفيلي
و ايضا اصرارهم على مهاجمة تراجي دونا عن خلق الله الذين تعج بهم منابر الدنيا مبدعيهم و باقييهم
فاصل و نواصل
(امسكوا لي المايك دقيقة بس)
| |
|
|
|
|
|
|
|
|
|
Re: في نظرية المؤامرة ... تحليل و تفكيك (Re: محمد البشرى الخضر)
|
يبدو ان تاخير طرح السيناريو التاني اتى في الصالح
فالحصل في منبر السودان الجديد ومن بعده اعادة تهكير سودانيات و سودان نت اتى يحمل دلالة قوية هدمت احد اهم اركان نظرية المؤامرة السناريو التاني
فمن الحوار و الاحداث تاكدت من ان من يكتب باسم ماكفيلي هو صاحبنا نفسه
و في نفس الوقت اتتني معلومة ممن اثق فيه - الى حد ما - تفيد بتاكيد النقطة دي
عليه و لاعادة صياغة السيناريو التاني سااجله قليلا و انتقل مباشرة لنظرية المؤامرة السيناريو التالت
كنا توقفنا على السؤال من هو المستفيد من توقف الموقع و عزوف الناس عنه
السيناريو الاول تحدث عن الحكومة و مناصريها و الثاني اجلناه قليلا نتحدث في التالت
ما رايكم في اصحاب منابر منافسة ...
قد تكون في نوع من الغيرة من نجاح الموقع و الفارق الكبير في الحركة و الزوار و عدد و نوعية الاعضاء و المواضيع المطروحة
لكن هل الغيرة دي تكفي لإستئجار هاكر بالشي الفلاني - من اثق في معلوماته إلى حد ما افادني بان ماقام به ماكفيلي كان بمقابل مادي
ام ان مع الغيرة هناك تاريخ سابق من الصراع و الحقد و الطرد من المنبر
مع تفكيري في السيناريو دا تبادر الى ذهني منبرين او تلاتة لاصحابهم تاريخ مع بورد سودانيزاونلاين و بكري
بورد سارة منصور و ود الشيخ و ناس كفاية
موخرا جرت حملة قوية في البورد استهدفت سارة منصور و فضحت تاريخها و تحدثت عن موقع مخصص لشتمها و الاساءة لها
كان للحملة دي ردود فعل عنيفة في منبرها و اعتقد في احدى مراحلها تم توجيه اتهام صريح لبكري بانشاء او دعم او استضافة او شيئ من هذا القبيل للموقع المخصص للنيل منها
نقطة تانية مهمة اثناء مرحلة ما بعد ماكفيلي و هي مرحلة الشتائم و الاساءات للبعض و ضح جليا استهداف تراجي
الطريقة اللتي تم بها الهجوم بدا لي انها تكرار لبوست او بوستات كتبت هناك بنفس الطريقة - او جدا قريبة منها
قرائن زي دي تجعل للنظرية حظها من المنطق و الواقعية
لكن ينسفها انه الأمر لا يمكن ان يكون بالبساطة او السذاجة دي
بورد كفاية او جمعية الصحفيين او غيرو
جدا منطقي ان يكون لهم يد فيه , هؤلاء المخفيين لا احد يعلم حقيقتهم و خصصوا منبرهم للنيل من الناس و باحط و اتفه الالفاظ
و عبارة الحنطور اللي تصدرت رسالة ماكفيلي الأولى تكررت مع اخريات و بشكل يومي في منبرهم في معرض اساءة بكري او الحديث عنه
ايضا رسالة ماكفيل الاولي بصيغة الـ نحن لها مدلولها
النظرية دي برضك بتنفع لكن ينسفها انها ... ممممم ... ما عاجباني و بس
محاور الحديث في السيشن الجاي :
- ما حدث في نيو سودان وهل له علاقة بنظريتا
- سر الهجوم على تراجي و لماذا هي تحديدا
- لمحات من كتاب الخدعة الكبرى لتيري ميسان عن سبتمبر الفن و محاولة تطبيق بعض ما جاء فيه على الكيس
المايك مع المنصة ....
| |
|
|
|
|
|
|
|
|
 Re: في نظرية المؤامرة ... تحليل و تفكيك (Re: محمد البشرى الخضر)
|
Quote: ابو بكر ..
ينبغي لنا ان نفرق بين الاختراق و هو ما حدث في المرات الاولى
و استعمال كلمات المرور الخاصة بالاعضاء .. و هو ما حدث في المرة الاخيرة |
الاخ حمور في انتظار نتيجة تحليلاتك....
Quote: يا اخوانا ...
قبيل النهار و مع الزنقة لمحت طشاش طشاش كدا اسم سليكة آخر رد على بوست ما مذكرو ياتو
صحي الكلام دا ولا مضهبني الشوق ساكت خلي بالك |
ود البشري اين انت؟؟؟
| |
|
|
|
|
|
|
| |
محمد البشرى الخضر
أبوبكر أبوالقاسم
عبدالكريم الامين احمد
محمد أحمد الخضر
محمد عبد الماجد الصايم
داليا حافظ
rosemen osman
Adam Mousa
طارق جبريل
سارة علي
Magdi Ahmed Elsheikh
Elawad Eltayeb
حمور زيادة
فيس بوك
تويتر
انستقرام
يوتيوب
بنتيريست