نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!!
|
تاجر بالسلام برضو..
رسل ناسك لكابرينو كوانينغ وجيب معاهو زي كم زول كده
واعمل سلام الخرطوم -اصرف ملايين صور - خدر الشعب واضرب الهامش بالمركز والهامش بالهامش
واقدل يا ابو دقن من زيك ...
فرتق اتفاقياتك وازرع جيوب والعب (بلو تيكا) علي اصولها واللولوة علي تقيل
وولع الكورة خليها نار منقد..
نبذ احزاب
اقتل شخصيات تحب الوطن..
جيب صحفيين(كشمشة) خليهم يقولوا(اذا السلطان ابي شيئا ابيت)...
ميع القضايا وانشر البغض والكراهية والحرابة..
وغني لاشواق الجنة والحور العين
واشتاق الي اراقة الدماء في اغانيك في اناشيدك وفي تلفزيونك في راديك
وفي حنفيتك...
ونعود
|
|
 
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
ثم حضور للعسكر الدقني موشحا بصيحة
انت انت الي القصر
وانا ساذهب الي الحراصة في كوبر حتي يتم حبك الدارما الانقاذية..!!
ثم طلع الترابي شيخ الحركة الاسلامية ورائدها الذي لايكذب اهله..!!
ثم عمل جماعي وون تو احرف ثنائي في ملاعب الكرة البرازيلية لا يستطع تدوير تيوة كتلك التي تمت..!
ولع حرب الجنوب وخليها نار منقد حطبها الطلاب المساكين اولاد الفقراء
عسكر البلد وخليها قاعدة في قنبلة وكلو زول علمو يضرب كلاش(الدنيا مامعروفة)
ارفد من الشغل كل من قال بغم(وكل من قال لا في وجه من قالوا نعم)
بيع كل المشاريع والمصالح الحكومية بتاعة الشعب (الفاره) ده الي كل من يحمل (جنية او جنيهين)
ومن يمتلك دقن (حتي لو كانت دقن بكرت)..!!
تمكن واسري كالسرطان في كل مكان ونغشم الخونة الرعاديد
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
ثم الهي الشعب والامة بالجري خلف الرزق وما تديهم فرقة كلو كلو
ودي اولادهم للخدمة الالزامية والبفرفر منهم اجدعوا في بحر العليفون او اي بحر من طرف..
كل ضابط او مجموعة عسكرية عاوزة تعمل انقلاب زيك حقك يا ابودقن اكتلهم بالدبشك واعمل حميل
وصلي عليهم صلاة الغائب ...
شيل العيش كزكاة او جبايات او اتاوات وخلي الزبير يكابس الطير والاسبير..
جيش البلد..
قلقل الجيران
الحبش
ارتيريا
تشاد جيب العاوز يجيبوا فانت السلطان بامرة الاله
مصر يجازف وحاول تفسح حسني مبارك والبد ليهو في زقاق ضيق من ازقة اديس
ويا ويلك لو جليتو...!!تجي حلتكم نجيك بالليل نشيلك وتاني دي شوفتك لحلتكم وللدنيا ذاااتها..
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
جيب اكبر ابو دقن في الزمن المعاصر وشيخ الدقون العالمي الاصلي (بن لادن)
جيبو وجيب معاهو زي دشليون ابو دقن تاني واديهو معسكرات خلي يدرب ناسوا انطلاقا الي الجهاد الاكبر
واديهو عقودات شوارع وطرق وكباري ..(خلي الشارع يتشقق بعد ان يمشي والبع انت باقي التندر)..
فكل شي لله..
جضم علاقات وصدر موارد البلد وسلاحها الي نطاق وبور الصراع العالميي
والباقي الفشنك اديهو للجيش البموت سمبلة في خيران (كايا- وياي ولكوتي)
وخلي يفتح بيرق ولا تهتم لو وصف بكابتن ماجد(فالجكة دي لله)
اعمل كتائب وحرك متحركات صيف العبور وعبيد ختم.. وابو دجانة خت اسمو في اشهر داخلية في الجامعات السودانية..
ودي ذااتها اعمل ليها سالفة ودراما
انزع حقوق المجانية
وخلي ديك صباحك (يونس محمود) يقول طلاب الجامعة بياكلوا جرجير وطماطم في الفاضي..
واعمل ليك صندوق ماكلة(طلاب دعم الصندوق)
اعط منه من تشاء وزل من تشاء..
جوطة القصة واقلب اعلاها ادناها
وعرب بدون وعي وبدون علمية خلي الطالب قاعد في السهلة لايعرف (كوعو من بوعو)
جوط النظام التعليمي
اعمل سابعة
اعمل تامنة
وممكن لقدام كنت تعمل حداشرة..
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
جيب صيينين عيونهم صغاااااااار خلاص واعمل معاهم اتفاقيات بترولية ونفطية (كرباوية)
واغمت الورق وما تخلي ايتها زول عارف حاجة وخلي شعارك (كل الجاز عند الجاز)..
تمكن-تمدد
وصل انابيب
وارقص رقصة التكمين علي الجثث التي تتطاير في الجنوب
والان الشرق(وبجا حديد)
وافلت الامن في دارفور والنهب المسلح يقبقب الباصات واللواري من طرف
والركاب تحولو الي احرف رقاص علي نغمات (بلوبلو) المحمولة من امدرمان الي تنشر البهجة والمسرةالي ليالي اهل دارفور اصبحت مزيكة طروب يرقص عليها ضحايا النهب المسلح..
ودي (الطيب سيختك )الي هناك واقتل من حاول التمدد والاختراق حتي ولو كان (بولاد) ابن الحركة الاسلامية القديم
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
تاجر بالسلام..
شق احزاب
نظر لقانون سميه توالي (اعمل ديمقراطية كشمشة)
وجيب احزاب ورق وكرتون (احزاب لعاب)..
ونظر حكم محلي حكم فيدرالي
جوط راس الشعب الفضل ده وخليهو مدروخ درويخة جد ...علاج بقروش وخلي حقن الملاريا اندر من لبن الطير
وجيب في كل مستشفي زول (ابودقن) ماعارف كوعو من بوعو وخليهو ينظر ويتاندل علي الدكاترة سياد الساس والراس...
مافي قروش ماف عملية
مافي قروش مافي درب مافي قروش تموت وبس..!!
جيب حقن ملاريا ضاربة من الهند(خلي المرضي يهضربوا بالهندي) نوع ثقافات الهضربة..
فكك الرقابة الوقائية والدوائية واعمل شركات (ام دقنية) خليها تجيب دواء مضروب تتم باقي الشغل
بتاع اثني الانوفلس...
ومن لم يمت بالملاريا سيموت بالهضربة بالهندي...
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
انشر ثقافة الغموض في حوادث الطائرات العسكرية وحتي وان كانت تحمل افراد تيم الدقني
وخلي الشعب فاغر فمه من اثر الدهشة والتصديق من الذي يقال في الاعلام...
ولكن ما تخلي زول يقدر يقول البغلة مجكجكة في الابريق..
خلي تاني اكبر رتبة عسكرية تروح في غضب اله في فيافي الناصر وخيرانه
رسل اتيام لمفاوضات سلام ثم ركبها طايرة ثم اجعل الطايرة تقع واعطي الشعب مساحة مرة
اخري لممارسة فغر الفاه والصلاة كامراة فكي دقني رعديد..
جوط يا زول
اقدل
ومتع العالم
انفي
افصل
مين زيك يا ابو دقن المصيرو السجن
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
حسع ياجماعة الله في داعي كان للبشتنة ورقاد الحراصات الخواجية دي..
حكومة وسلطة وصولجان ودبابير لمن مدفقة في التراب وبوري وصفافير بتاعة نجدة جابت مليون ميل مربع
وزي ديشليون كلاش كده انضرب في مهرجانات سلام الملك التي اقيمت ولازالت تقام لراس السلطة في السودان
عمر البشير..
وجية منذ عقدين من الزمان موشحة بصيحة في سبيل الله قمنا نبتغي رفع الله
لا لدنيا قد عملنا نحن للدين فداء.حتي نصل الي فلترق كل الدماء...
ثم دماء سودانية راحت سمبلة في حرب الجنوب والشرق ودارفور..
ودماء ذهبت وعبرت البرزخ عبر بوابة سجون الانقاذ وبيوت اشباحها..
...
ثم اتفاقيات جبت ما قبلها ثم تعتنت ورغبة في موصلة الخرخرة علي صعيد الجنوب ودعم نزيف الدماء في دارفور.....!!!
كلوا مدور في البلد الفوانيسو البوقدن ماتن..!!
كلوا مدور في السودان والخواجة العينو خضر مفتحة وبكشف كبوليس عالمي ..
يلوح بالكروت الصفراء تارة والمنح البلجيكية تارة اخري والتراضي مع الامريكان مرة..
حتي اتت اللحظات الان التي افتت بان الخواجة العيونو خضر القاعد في لاهاي بكبشر كل مجرم رعديد
وبجيبوا التمنة بتاعة المجتمع الدولي لزوم الغلغلة والسين والجيم المنكري ونكيري..
والقصة قالو جايبة البشير ذااااتو شخصيا...!!
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
ناتي الي زمن المفاصلة والدشمان التاريخي ما بين القصر والمنشية..
الكنيسة ضد الدولة
او البابا ضد الملك
او كل الصراعات التي تاخذ شكل فصل السلطة الروحية عن الجانب التنفيذي..
وانقسم الكيزان كوز تشعب واخر تموطن...
وقيل في الاثر اذا تشاجر اللصوص ظهر المسروق..
خلاف ايضا وفي ظل (تفوق السلطة الكيزانية علي سوء الظن)
لازال العديد يعتقد بانها مسرحية محبكة الاخراج لتضليل العالمين واحداث انفراج كيزاني..
ولكن الترابي وقع في ابنائه ناس (علي واخريين) نبذ قبورة وقال فيهم مالم يقله مالك في الخمر
وتفرق بني كوز ما بين مهاجر في المانيا واخر في سجون(الحفرة التي حفرت للاخريين)
والقصة جاطت والكيمان تلخبتت واصبح لدينا
كوز سياحي كالبص السياحي والمطعم السياحي
وكوز كشمشة لو عزمتوا فطور بالتاكيد حيجيك بدري خلاص في زمن العشاء
وكيزان صاروا بعد نعيم حفتانين (حق الصعود بتلتلة) بعدما ذاقوا نعيم السلطان والجاه.
بعضهم رجع الحظيرة للموتمر الوطني
والاخر شعاره(يا الشيخ يا اغرق)...
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
ثم انفلتت دارفور وصدر الكتاب الاسود..الذي يبدو انها تسرب من بين تداعيات المفاصلة
ولكل متامل ساعتها يعلم بان دارفور في طريقها الي الاحتراق والثورة...
لكن الدقن افتي بان الامر ليس الا جيوب لعصابات النهب المسلح
وان الجيش قادر علي التعامل معها بالردع والحسم والانضباط اللازمين..
وتمدد الامر
وضخت لغة جديدة في واقع السودان(جنجويد)..
ولعبت الحكومة علي حبال القبيلية المستوطنة في دارفور بفهم دفاع شعبي لقبائل ضد قبائلز
وظهرت نجوم كانت نكرة ليس علي مستوي السودان بل علي مستوي العالم
جنجويد
موسي هلال
كوشيب
وسمع العالم الريس بوش يردد كلمة جنجويد بطريقته الامريكية...
والقصة جاطت
ودارفور ولعت واصبح 90 من المائة من اهل العالم يعلمون بان هناك
مكان في العالم اسمه دار فور
او (دار فووور) كما ردده الي احد النبيال ذات يوم وهو يقارن ما بين
الملك في كوتماندوا ونظامنا الذي نكل وقتل وشرد اهل دارفور في الفيافي والوديان
ولعب الانتنوف ماتشات احرقت قري بالكملها وابيدت ارواح.
والدقن يمارس لعبته المفضلة
الكضب
واللولوة
وغمت الفصائل الدارفورية وتكاثرت ونمت وانشقت ما بينها
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: كمال سالم)
|
Quote: يعنى هسه ياكيكى الجماعه ديل سد مروى ده
مابشفع ليهم ؟ |
هلا ابوكمال
والناس ديل البلد طالباهم عشرين سد مروي في سنينهم العجاف دي
فكل سنة ضاعت كانت تعني سد مروي في القضارف
وسد مروي في زالنجي
وسد مروي في نمولي
وسد مروي في الابيض
وهلمو جرا...زي ماقال صاحبهم الجديد الصادق المهدي
الذي كان حتي عهد قريب يلقبونه (بابو كلام)...
لاشفاعة لسنين ضياع وطن وسط المجاذر والمظالم والفساد والمحسوبية يا كملي
نيران نيران هو شعار المرحلة
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
وقبل الذهاب عميقا الي قضية دارفور التي كانت ولازالت هي القشة التي سوف تقصم ظهر العير والبعير
الدقني
لاستهتاره
وتكبره
وغطرسة موظفيه الدقنيون الجدد
من الضروري شبال علي خفيف في امر الجنوب وتكاتف المجتمع الدولي وضغطه العالي لايقاف نزيف الحرب التي مزقت بلاد وازهقت ارواح..فكانت نيفاشا فرصة اخري منحت لهذا ابو دقن لكي يصحح مساره ويعي
ويتحرر من سطوة سعر السلطة..
وفي خواتم الاتفاق عاد الي الخرطوم
جون قرنق..الاسطورة التي شهقت لمجيه الملايين من الاحرار في كل هذا العالم
وكان هذا الرجل القاسي -الطيب-المحارب- المفكر
الثوري-المهمش الحقيقي قادر علي زراعة الامل واحتواء الجرح
ولكنه ذهب مع رياح الاماتنوج في واحدة من سلسلة الحوادث الغامضة التي مرت وبكثافة علي سماء السودان..
وساعتها احترقت الخرطوم واحترقت جوبا ايضا..
واشتعلت الخرطوم من القبض الكامن في كراكيرها وطرافها المهملة
وهربت الدقن واحتوي بسلاح الشعب وترك الشعب يحصد حصاد
عمايله
حصاد ظلمه
حصاد سياسته
وانفتق جرح كان يجلس علي بركان من الغضب والتهميش
وكان هنالك ما يسمي بالاثنين الاسود
يوما اسود في تاريخ ذلك الوطن المسمي السودان
واكثر سواد في جبين اصحاب الدقون الذين اتو الي حكمه بدبابة ذات ليل بعد
من ليالي يوليو
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: Nader Abu Kadouk)
|
Quote: الجماعه ديل تعرف حيروا الشيطان زاتو لانه شوهد في مطار الخرطوم
بعد ثورة الانقاذ مباشرة وادلي بتصريحات قال فيها كان قعد
مع الجماعه ديل ح يبقى تلميذ ساهي احسن يشوف بلد جديد يقدر يسر ويمرح |
والله يا ابو كدوك بيني وبينك الناس ديل اخطبوطين من النوع الابو كديس
والشيطان السوداني بكون ضرب المواني والمطارات وحسع لو قريب بكون شغال عتالي في وادي من اودية
الشواطين في جزر الكاريبي عيونو طالعة من الخرم للتمباك
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
ثم واصلت دارفور في الحريق والاحتراق والتمزق
ولعت كورتها وحصلت عنان السماء وجاء اليها كوفي عنان شخصيا
وكل خواجة مسؤول كبير في الدنيا دي حط بارجله في خور برنغة والفاشر ونيالا
ورطن بحقوق الانسان وتنديد القتل..
والامم المتحدة اصبحت دارفور احدي اجندتها الاساسية في كل اجتماعتها وطلعت كم قرار..
واتشالت دارفور في الخشوم والقصة جاطت..
وصاحبنا ابو دقن لايزال يمارس الغطرسة والزيف
والكضب علي الشعب
الكذب علي المجتمع الدولي
والكضب علي الذات(ابودقن اصبح يكضب لابو دقن) والقصة بقت نار منقد..
وثم جات ابوجا واستطاعت الانقاذ مجازفة فصيل من ثوار دارفور وتم وضعه في الحفظ والصون
باحدي قصور شارع الجمهورية بيد..واليد الاخري تضرب جيش ذلك الفصيل في المهندسين
وكلو شي في محلو وابو دقن يمارس التحرك في مساحات واسعة..
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
وناتي الي موسسة بني دقن التي اصبحت تعشق الصفقات..
الشرق اتي واعطي استشارية في القصر في اتفاقية الشرق اتي فصيل وتعنت فصيل اخر
وكلو لتيق في لتيق في سبيل عدم ممارسة الازعاج للدقن السرطاني..
ومن ثم مساككة الفصائل التي رفضت التوقيع علي ابوجا و(جيشا واحد عبدالواحد)
ثم فصائل عديدة من اهل دارفور بعضهم كان اعضاء في الزمن الكيزاني الاول بقيادة الدكتور خليل ابراهيم
واصبح السودان بؤرة لقضايا عديدة ملتهبة ومتشعبة ومعقدة..
ولكن اكثرها تعقيد هي قضية ابيي التي اضحت شوكة حوت في حلق نيفاشا (لاتعدي ولا تفوت)
ونزف دماء في ارضها في واحدة من ابشع المعارك
ومات من مات ..والتهديد والنفق يضيق
والالاف من اللاجئيين من اهل دارفور في العراء الطلق يتلحفون الارض التي ضربتها الثعابين والطين
والامور جاطت ولازال الدقن مكنكش وراهن كل الوطن علي (طلاق رئيس)
..
البلد اضحي ملك حر للريس ابودقن
يطلق باسم البلد
ويعرس ايضا باسم البلد
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
وده الحال وبفلاش باك بالحركة السريعة الي بدايات الانقاذ سنجد
تفكك نسيج
افقار اشخاص وموسسات وتشريد كفاات
وضخت مصطلحات جديدة مثل (التفتيحة) الذي هو البتاع كلو وله دقن علي خفيف معاها بدلة وابتسامة لاتخلو من خبث
وظهرت امبراطوريات سرطانية المنشاء سلعلية اللون واللحن
وقطط سمان اثرت من الحرب وصفقات الاندر تبيل ونمت الكروش وتضخم الجسد الكيزاني في كل الاتجاهات..
ووتشوهت قيم مجتمع وظهرت قضايا اجتماعية لم يعهدها السودان المتسامح..
ذبح صحفي كيزاني شهير علي قارعة الشاطي في اطراف الخرطوم
لعلع الرصاص في المساجد
وصار البلد يجلس في قنبلة بل قنابل من القضايا التي كافية لتدمير امة
اقتصاديا
اجتماعيا
وثقافيا
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
ثم تراكمت القضايا الشائكة واصبحت جبل جديد يضاف الي مجموعة الجبال الفي السودان
جبل مرة
التاكا
الاماتونج
والجدد الجديد جبل الثروة والسلطة..
والتي اشتغل فيها ابودقن بسياسة الزعلان حنسوهو وللقصر جيبوا
ولو رفض طلعوهو (متامر- اسرائيلي-عدو للشعب الفضل)..
ثم الفيلم الاكبر في عاصفة اللاندكروزرات التي اوضحت بان بان الازمة عميقة ان الانتقام ما بين الاخوة في
التنظيم لها احقاد ودوافع يمكن ان (تحرق روما)..
وان مقولة شمسون هي السائدة ما بين الجميع في مهرجان (الخمش)
علي وعلي اعدائي..
وكان العاشر من مايو يوم اسود اخر في تاريخ السودان لاينسي
لاندكروزرات تقتحم العاصمة من صباح الرحمن بقيادة الدباب السابق (خليل ابراهيم)
تفتح نيران في قوات الاب دقن الداخلية والقصة جاطت جوطة قبورة والامور
تحولت الي عنصرية- وكراهية واحقاد مبنية علي اسس جهوية...
ونصل اخر في ازمة السودان وجرح اتسع والنزيف لايزال
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
2-الامن الاقليمي
وهنا ابودقن تفنن وتجنن في غلغلة السادة الجيران..
معارضة تشادية تتلقي تعليماتها من راس الامن الابو دقني
معارضة ارتريية تجوب شوارع كسلا وزقاقات الخرطوم ....
وكل يوم يومين تجريدة كامل عتادها (من جيب الشعب الفضل) في طريقها الي انجيمنا
تمارس القبقبة للديكتاتور التاني الاسمو دبي صديق ابو دقن القديم..
الحبشة برضو قبقبة ومساككة في شوارع الديم وغلغلة كل الحدود
جيش الرب وجد له في ابودقن ربا..
كينيا في غضب الله
افريقيا الوسطي برضو تفرفر تاخد في راسها..
ابودقن جهجة ليك منطقة (سيكافا) دي جهجهة شديد وشغال لفت رايت
موامرات ضد حكومات وايواء معارضة وتدبير اغتيالات لروساء
ودقي يا مزيكا ابو دقنية وحدثينا عن اشواق الجنة..
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
تحياتي كيكي
طيب أكان سد مروي ما كافي أضيف ليهم النفرة الخضراء.. يا أخ متر الدمورية ب جنيه ورطل زيت الفول الأصلي ب 20 قرش .. أها لا تنسى سعر كيلو دقيق مطاحن الشيخ مصطفى أو فتح الرحمن ب 5 قروش ... مش اختفى الدقيق والزيت والصابون والقماش المستورد.. ومزراع الجزيرة أغنى من مزارع هولندا ... بعدين التلفزيون حق الحزب والطيب مصطفى وأمين عمر وآخرون ويجب أن نفرق بين الحزب والدولة ورأس الدولة ..
بس بيني وبينك الزنقة حارة خليهم يقولوا ... لعنة الله والمظاليم وصلت وساعة الحساب دنت .
مودتي دائما
الشفيع
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: Alshafea Ibrahim)
|
Quote: طيب أكان سد مروي ما كافي أضيف ليهم النفرة الخضراء.. يا أخ متر الدمورية ب جنيه ورطل زيت الفول الأصلي ب 20 قرش .. أها لا تنسى سعر كيلو دقيق مطاحن الشيخ مصطفى أو فتح الرحمن ب 5 قروش ... مش اختفى الدقيق والزيت والصابون والقماش المستورد.. ومزراع الجزيرة أغنى من مزارع هولندا ... بعدين التلفزيون حق الحزب والطيب مصطفى وأمين عمر وآخرون ويجب أن نفرق بين الحزب والدولة ورأس الدولة ..
بس بيني وبينك الزنقة حارة خليهم يقولوا ... لعنة الله والمظاليم وصلت وساعة الحساب دنت .
مودتي دائما
|
هلا يا الشفيع وحبابك
ونعم فنضيف القبة الخضراء والساحة الخضراء والنفرة الخضرة وكل الخضرة التي كانت تكسو الحقول تحولت الي
اسامي اشياء هتافية شيدت لخدمة الهتافية الفجة والكواريك وبارت اجمل واخصب المشاريع وبكت اراضيها من الاهمال
والجبايات ومعاكسة المزارع....
مشروع الجزيرة اعظم المشاريع في العالم علي الاطلاق
ارض وموية وخصوبة ومزارع مستقر خبير بفنون الزراعة وله تاريخ عريض وطويل ذهب مع الريح....
القصة جاطت يا الشفيع لدرجة لا نستطيع معها التفريق ما بين صحفية الانتباه وتلفزيون الطيب مصطفي سابقا
ولكن الله قريب يستجيب لدعوة المظلوم
وهو مالك السماء والارض
ينزع الملك من من يشاء ويعذب الظالمين القتلة
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
ومن اكثر الاشياء التي يتبجح بهاابودقن في انجازات فترته العجيبة تلك..
هي الاتصالات التي رقدت هبطرش..
والتبحجج بان كل شخص يمكنه الوصول وبسرعة الي هاتف جوال عبر شبكة مغطية كل السودان
لاغبار يا ابو دقن..
ولكن الملاحظ وبعمق للجوالات الحايمة في كل اركان وكراكير السودان عليه تامل حاملها..
حفتان وجعان حق الصعوط ماعندك وشايل ليك موبايل ابو كميرا..
عشان تتكلم مع منو؟
مع زول يجيب اكل ولا لبس ولاياجر ليك رقشة..
ثورة الاتصالات التي نشرت لغة التسول (كرنة) (ومس كول) زرعت واقع جديد ولغة غريبة لشعب بلاموراد
ذاتية فرضت عليه ثورة اتصالات دون دراسة لمشاكله الحقيقية
وانتشرت وسط العامة
(مسكل لي) وعمت الاغاني في القري والحضر..
..
وكل الو ترفع يذهب ريعها الي جيوب شركات الهاتف التي هي شركات ابودقن
شعب يتمصر عبر اضانه
عبر راسه
عبر كل اجزائه..
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
الخدمات-الكهرباء..
الجمرة الخبيثة
تقليعة ابو دقنية جديد وحزر وفزر وجعل من كل الاسرة تشرئب اعناقها 24 ساعة في اتجاه العداد..
ويا يمة الجمرة اتلحست...تونة تتردد كثيرا في كل البيوت السودانية التي يراقب كل افرادها حركة الجمرة الخبيثة الشفطية...
بلد ديشليون خزان وخزان سنار - الروصيرص وغيرهما..
لكن اهله عليهم الوقوف طويلا امام صفوف شراء الكهرباء...
ابودقن باع الكهرباء؟؟
اين قروش الكهرباء دي يا ابو دقن؟؟
بلد مثل السودان وبموارده المائية العديدة لو وجد الارادة والسلطة التي لا تهتم الابمواطنيها
لصدرت الكهرباء هذه معلبة او فرش للدول في كل هذا العالم..
ولكن ابودقن اراد لهذا القطاع ان يكون كسيحا
حتي ياكل البعوض الغلابة
وتظلم القري والفيافي
وتشفط الجمرة الخبيثة الجيوب بالتامر مع الموبايل
وشفط دقني من كل الزوايا والاركان
ونعود..
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
خدمات- طرق وسكك حديد..!!
هنا ابو دقن اولا وقبل شي تفنن في اللبع والكبع.وارتبطت مشاريع طرق كبيرة
بقضايا فساد وخمش للمال العام ومال سكر المواطن وحتي الان لايزال البلاغ مسجل ضد مجهول..
طريق الانقاذ الغربي في غضب الله..
شريان الشمال تحول من مشروع طريق الي مشروع عجيب ومدور منشار
طرق شهيرة تناوبت في حصد ارواح الغلابة اسوة بالانتوف والكلاشنكوف والملاريا
(طريق الخرطوم مدني ) لايزال عرضه 3متر و80سم واقل دقسة من النيسان بودي الجميع الي جنات النعيم..
شركات نصبت خيامها علي قارعة الطرق تمارس القبقبة لكل (ابنص) متحاوم في الزلط السوداني
شارع بورتسودان الشهير تكاملت قوات الشرق في قطعه مع الهبباي التي تغطي كل الطريق..
بلد تتكلم في تلفون ..ابودقن جب
توصل كهرباء ..ابودقن حاضر
تمشي في طريق..ابودقن جاهز للقبقبة وحت الجيب علي الماشي و علي السائق..
طرق تشيد اليوم لتحرت غدا
بمواد ضاربة وموصفات هندسية ضاربة وعقودات دقنية ضاربة
ونعود
| |
|
|
|
|
|
|
|
|
|
Re: واشتاق الي اراقة الدماء في اغانيك وفي اناشيدك وفي تلفزيونك و في راديك ...!!!! (Re: عبدالكريم الامين احمد)
|
سكك حديد السودان
ارث كتشنر واقوي سكك حديد في القارة الافريقية هكذا قيل لنا..
تقاطع وخصام تاريخي مع الطغاة .نميري مارس فيها البعزقة واتي ابودقن بمعول هدمه
وقضي علي الفلنكة التي تبقت ونخرها السوس وتحولت الخطوط الي مواد خام الي مباني الذين
كان علي الحكومة ان توفر لهم هذا القطار وتوفر البيت...
ولكن نعق البوم علي كل الخطوط التاريخية وما تبقي بيع الي ابو دقن واصدقاء ابودقن وابناء ابودقن
كقطارات ملاكي تسبح بعيدا عن حمد الميري...
خط واو ذلك الخط الملهم الذي يشاهد المسافر علي ظهره مناظر ليس الا في اروبا
تحول الي خط (عصي) علي الدولة تسيره الا بواسطة راجمات وامرة الامم المتحدة...
الدمازين وقطارات الشرق الشهيرة ..وكل هذا الارث وهذه البنيات الجاهزة موية ونور وصنفور
تحولت الي رماد راكن...وعطبرة نعق البوم في ورشاتها
| |
|
|
|
|
|
|
| |
عبدالكريم الامين احمد
كمال سالم
Nader Abu Kadouk
حواء سليمان ابراهيم
Elawad Eltayeb
كمبورة
saif massad ali
فيس بوك
تويتر
انستقرام
يوتيوب
بنتيريست