|
|
 ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!!
|
مادام القصة فيها مرشحكم فلان ورائدكم الذي لايكذب اهله علان
حرم كمان نحن كجموع فريق زنقو وفريق ورا متلمين مع بعض قررنا ان نقدم لكم فلزات ولافلزات ابناء الحييين
الاسطوري ود قنيرة نقدمه رئيسا لا يشق له غبار او كتاحة
ومعه نائبه الاول والثاني ويمكن ان يكون الثالث برضو حسن ابوعلي حسن الشهير بحسن ماكردة...
ترشيح في شكل باقة (رئيس ونائب رئيس) علي بعضهم كده...وده اهم شروطنا للدخول في ديربي الرئاسة الانفكت سنبلة
ونعود الي ترتيبات ود قنيرة وماكردة ورويتهم الاركلوجيا لانتخابات الرعاسة...
|
|
 
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: عبدالكريم الامين احمد)
|
Quote: هلا وغلا يا اركلوجي
وبالله ناس الليل والاركلوجيين وكل الجكسوسين واهل العذاب
خليهم قريب واصواتهم دايرنها لود قنيرة الحالف من حسع البشكات والحفلات صباحي
ومافي بوليس لابس رسمي يقرب من مزيكة مدورة في البلد دي ههههههههه |
كان كدة انا بضمن ليه ناس العذابات والاركلوجيا كلهم
خصوصا لو كان شعاره: الحفلات صباحي
دة زولنا تب يا كيكي
وتحت كدة قول ليه عندنا واحد بتاع عذاب تقيل لكن لو ما مشى علي ((العرقوب)) الابداع بتاعو بيكون ضعيف
ههههههههه
خليهو يكون شعاره ((فكيناها للطيش))
| |
|
|
|
|
|
|
|
|
 Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: الامين جبارة الله التوم)
|
كيكي:
| Quote: ادعمو مرشحكم لرئاسة الجمهورية |
ياسيدي ندعم مرشحنا ..
بس أهمّ حاجه يكون بيتناقش مع الرجرجه والدهماء (أمثالنا) ..
يعني بريستيجه ما يكون مناظرات مع رؤساء وبس ..
خشم خشمين مع عامة الشعب برضو ما بيعملوا ليهو حاجه ..
وللا شنو ؟
وبعدين لو طلع قنيره ده بتاع بيانات وكلام كتير كلمنا من هسي,
عندنا قرايه كتيره غالبانا .. مابنقدر نقرأ كمان عربي كتير..
ده غير اننا بنفهم من أول مره ياكيكي كلمه ما يعيد الكلام كم مره ..
غير كده ما في مشكله ندعموا ليك للنهايه .. ونجي نهتف ليهو بشده كمان ..
الله يصرف عن مرشحكم أمجد ورهطه ..
أمجد ده عليهو تحقيق لو ما ظهرت نتيجته نهائي ما يجي يشارك في بوستات رؤساء .. ههههههههه
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: Amany Elamin)
|
Quote: ياسيدي ندعم مرشحنا ..
بس أهمّ حاجه يكون بيتناقش مع الرجرجه والدهماء (أمثالنا) ..
يعني بريستيجه ما يكون مناظرات مع رؤساء وبس ..
خشم خشمين مع عامة الشعب برضو ما بيعملوا ليهو حاجه ..
وللا شنو ؟
وبعدين لو طلع قنيره ده بتاع بيانات وكلام كتير كلمنا من هسي,
عندنا قرايه كتيره غالبانا .. مابنقدر نقرأ كمان عربي كتير..
ده غير اننا بنفهم من أول مره ياكيكي كلمه ما يعيد الكلام كم مره ..
غير كده ما في مشكله ندعموا ليك للنهايه .. ونجي نهتف ليهو بشده كمان ..
الله يصرف عن مرشحكم أمجد ورهطه ..
أمجد ده عليهو تحقيق لو ما ظهرت نتيجته نهائي ما يجي يشارك في بوستات رؤساء .. ههههههههه |
هلا هلا يا اماني
ووود قنيرة نقاشو كلو مع الرجرجة والدهماء والشغيلة
وحتي لجانو الفرعية للانتخابات حالف بدينو قال ماداير فيها مثقافتية ناس اعتقد وافتكر
والناس البقولو الحتة دي...
وشعاروا من دقن الشعب افتل للشعب (ضروري يدخل طبعا دقن في خطابو السياسي عشان ينافس الناس العندهم دقون) ههه
ومادام جيتي ضروري تمسكي لينا قطاع الصين وشرق اسيا (الصين دي مش شرق اسيا برضو ) لووووووول
شايف شرق اسيا دي بقولوها كثير في الاعلام عشان كده قنيرة وصي بادخالها في جملة مفيدة...
وامجد يا زولة شيوعي وقنيرة جنو وجن الشيوعيين ديل لوووووووول
حسع يجو يدخلو لينا صراع شنو شنو..وديالتكيك وين كده ماعارف ...ويشبكو قنيرة يا زميل يا زميل
وقنيرة وما داير غاغات ونقة زي دي تطير عليهو اصوات انصار السنة القالو كثروا في البلد ديل
هههههههه
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: Badreldin Ahmed Musa)
|
Quote: يا زول ودقنيرة بتاعكم دا دكتور و لا ما دكتور؟
المسالة بتاعت اولاد مصارين بيض وكدة!
يا دكتوراة او دكتور او على الاقل عميد سابق، عنقالة ما معانايا اخوي
----------
تحت تحت بصوت لي زولك دا. |
هلا يا بدرالدين
ومشتاقين يعلم الله
وود قنيرة عندو دكتوراة في الهامش ونائبه ود ماكردة عندو دكتوراة زي السم في المركز
يعني الثنائي شغال منشار مركز ياكلو وهامش ياكلوأ..
وبعدين ياخي زي دكتورات البشير بتاعة حليفة الطلوقات دي حرم ناس ودقنيرة مستعدين كل شهرين يجضمو ا ليك
واحدة في هارفرد...
وشكرا علي صوتك
الذي هو زمتك بالله ما تخلي زول غير ود قنيرة همتك
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: طارق جبريل)
|
Quote: دة زولنا تب يا كيكي
وتحت كدة قول ليه عندنا واحد بتاع عذاب تقيل لكن لو ما مشى علي ((العرقوب)) الابداع بتاعو بيكون ضعيف
ههههههههه
خليهو يكون شعاره ((فكيناها للطيش)) |
هلا هلا يا طارق
وياخي معليش علي التاخير
ود قنيرة ده والله اتلومت معاه انا كمرشح رئاسي
ولكن ما تخاف يا زول واحدة من شعاراتو القوية
كل الحفلات صباحي جوووه
دي علي وزن كل القوي الخرطوم جوووه
ومادام ضمنا اصوات الاراكلوجيين ديل تاني ود قنيرة وصحبه ماكردة عوجة كدي ما بتجيهم تاني
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: khaleel)
|
العزيز عبد الكريم
تحية
تري كم مرشح رئاسة سيخرج لنا من جلباب جهاز الأمن ?
00 سنري مرشحا يبصم علي ثوابت الانقاذ ويختلف في السفاسف!!
وأخر سيمارس الهترشة والعباطة !!
وثالث سيما رس السباب وكيل الشتائم للوطني !!
ورابع سيحاول أضفاء شوية وتوابل لزوم الاثارة حتي لا تكون الانتخابات
مثل أكل المستشفيات!!
...... وكله مرسوم وكله بي ثمنه يا كيكي مادام سيجعل السفاح يظهر
بمظهر الافضل وسط مجموعة مهرجيين !!
- حاشية ;طبعا هناك عناصر جادة ولها رسالة تسعي لإيصالها مثل دكتور معز
ودكتور عبد الله علي إبراهيم -قابلته وناقشته مؤخرا- وهو من العناصر التي
سيحتاج البشير لمترجم ليفهم ما يقول 00 قلت لدكتور عبدالله أن الانتخابات تفتقد أهم شروط حيدتها:لازالت
القوانين المقيدة للحريات سارية
ولازالت أجهزة ومؤسسات الدولة مجيرة
لصالح المؤتمر الوطني -الاعلام -أذاعة وتلفزيون يصب في صالح النظام.. جهاز الذي نصت نيفاشا
علي أن تقتصر مهامه علي جمع وتحليل المعلوم
يرفض هذا الدور مصرا علي أن يستمر في دوره كناب وظفر للمؤتمر
الوطني!!.....
ويقول د. عبد الله علي إبراهيم بجدوي المعافرة والرهان علي إمكانية
إحداث تغيير......
000 لا أفهم مطلقا ياكيكي-أصرار البشير علي الجمع بين الاحتفاظ برتبته
العسكرية والقيادة المباشرة للمؤسسة العسكرية التي يفترض أن تكون
محائدة -و القيام برئاسة حزب سياسي يتنافس مع عشرات الاحزاب الاخري!
أنه التسيس لأكثر مؤسسة يفترض أن تكون محائدة!!!
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: كمال عباس)
|
Quote: قلت لدكتور عبدالله أن الانتخابات تفتقد أهم شروط حيدتها:لازالت
القوانين المقيدة للحريات سارية
ولازالت أجهزة ومؤسسات الدولة مجيرة
لصالح المؤتمر الوطني -الاعلام -أذاعة وتلفزيون يصب في صالح النظام.. جهاز الذي نصت نيفاشا
علي أن تقتصر مهامه علي جمع وتحليل المعلوم
يرفض هذا الدور مصرا علي أن يستمر في دوره كناب وظفر للمؤتمر
الوطني!!.....
ويقول د. عبد الله علي إبراهيم بجدوي المعافرة والرهان علي إمكانية
إحداث تغيير......
000 لا أفهم مطلقا ياكيكي-أصرار البشير علي الجمع بين الاحتفاظ برتبته
العسكرية والقيادة المباشرة للمؤسسة العسكرية التي يفترض أن تكون
محائدة -و القيام برئاسة حزب سياسي يتنافس مع عشرات الاحزاب الاخري!
أنه التسيس لأكثر مؤسسة يفترض أن تكون محائدة!!! |
تحايا يا كمال
وبالضبط انعدام الحريات ووسطوة تنظيم الموتمر علي كل مقاليد الاشياء ومهما كانت الحلول المسكنة لن يولد
سوي تجربة مشوهة ونتائجها واضحة للعيان ومنذ الان...
بالاضافة الي تواجد رئيس نظام متهم بابشع انواع الجرئم ضد الانسانية تجعله تماما غير موهل اخلاقيا بادارة والاشراف علي تجربة التحول الديمقراطي ويذهب الامر الي خانة التكتيكات المرحلية وليس خيار بقناعة بل هي محاولة الانحناء للعاصفة ومحاولة انتاج الانقاذ في ثوب تاني.....
الانغماس في تفاصيل هذه الدراما دون الانتباه الي القضايا الاساسية يساعد هولا القوم علي الخروج من عنق الزجاجة التي وجدوا انفسهم غارقين في وحلها بفعل عمايلهم التي اتو بها في العشرين سنة السابقة
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: abubakr)
|
| Quote: ياكيكوفيتش اشتري للباقة دبابة وخلاس!! لزومو شنو الصناديق والسفر والكوارييك .. الدبابات بقت رخيسة مع الدبريشن الحاصل وكان داير سكند هاند او ريكوندشند او اسكراب برضو في ورخيس....خليك مع الزمن يااااخ |
هلا هلا يا هندسة
وبحضورك ود قنيرة فايز فايز واحتمال بالاجماع السكوتي كمان...
ود قنيرة جزء من برنامجو الانتخابي فعلا داير دبابات وراجمات وداير لاند كروزرات ههه
لحماية النظام بتاعو من حرامية الشعوب البجو ناطين ويقعدوا لينا علي الاقل عشرين تاني
فعشان كده واحدة من شعارتو الاساسية
جيش جديد
عقيدة جيش جديد
وشوية لقدام ود قنيرة حيتامر علي الموسسة العسكرية ويحلها صواميل للجيوش المجاورة تاني ما تنفع
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: عبدالكريم الامين احمد)
|
Quote: ترشيح في شكل باقة (رئيس ونائب رئيس) علي بعضهم كده...وده اهم شروطنا للدخول في ديربي الرئاسة الانفكت سنبلة
ونعود الي ترتيبات ود قنيرة وماكردة ورويتهم الاركلوجيا لانتخابات الرعاسة.. |
اها طالما انهم حيترشحوا لكشه واحدة ياعملات هاني رمزي في فيلم عايز حقي
وكمان حفلاتم صباحي والبلد ريحتا تعمل قعدة
وزعيم النخجي ( ودجبرين ) ذاتو داعم
علي الطلاق دعمو دا ما يقع واطة
سير سير يا ود قنيرة والعريقي وفير ياود قنيرة
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: محمد عبد الماجد الصايم)
|
هلا ياعمك ...اقصد يامرشح..
ويازول انا ديل مرشحني ..وخاشي بيهو السوق من امس
جيب ناسك ولجانك الانتخابية وتعالو نقعد ...
تدفعوا كاش وتقللو النقاش
ود قنيرة وصحبه جاهزين يباصروا معاك حملتك دي وباذن الله انت من الفائزين
ماعندكم كاش (فرتق بالله يازول وادينا عجاج ترشيحك) لووول
تاني ما نشوفك انت ونوبي بتاعك ده عاملين كركبة في خيمة ود قنيرة دي...
ناسي الاثنين ديل بضربو المرايس دي
وانا ما مسؤول عن تصرفاتهم ساعة اذن ههه
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: abubakr)
|
| Quote: هسع ياكيكوفيتش ودقنيرة حنصوت ليهو كيف ؟؟ يعني ممكن اس ام اس بشريحة من زين البتشتغل خارج السودان او شريحة رومينق من سوداني وترتكاني ؟؟ دة هسع حيحتبروه تزويير اصوات ؟؟ طيب كيف الضرائب المغتربية ما تموييلات اجنبية مشبوهة ؟؟؟ |
هلا يا بوس
عزرا علي التاخير
وود قنيرة مقترح تصويت اليكروني لزوم الحداثة والعولمة والتجديد
وكمان حشوف تبرعات من السادة الناخبين بيها حيسدد كل فاتورة ضرائب المغتربين والمغتربات
والبرنامج ده تحت شعار
ندفع ضرائبك...تدفع لينا صوتك
وتحصل علي شريحة زين مجانا
| |
|
|
|
|
|
|
|
|
|
Re: ادعمو مرشحكم لرئاسة الجمهورية المواطن ود قنيرة ونائبه حسن ماكردة...!!! (Re: abubakr)
|
| Quote: مش احسن يكون في منصب مستشار هكوري نحجزو لعبدو هكورة من هسع لانو حالف كان ما ضمن الاستشارية حيهكر كل الشرائح |
عبدو هكورة ده يا ريس مافي حل الا نعمل معاهو (هكورودام) علي وزن كوكادام..
يهكر لينا شرائح زين ويبيعها لينا بالدين... ههههه
قنيرة وماكردة شعارهم مصالح مصالح
مع الطيب والصالح...
فهناك بالتاكيد مكان لهكورة في كعكة السلطة والثروة التي صرنا قاب قوسين او ادني منها
مادام القصة فيها مرشحين زي الشافينهم هنا دييل لووووووووووول
| |
|
|
|
|
|
|
| |
عبدالكريم الامين احمد
طارق جبريل
Nasr
Badreldin Ahmed Musa
ريهان الريح الشاذلي
الامين جبارة الله التوم
عاصم ابوبكر حامد
Nader Abu Kadouk
abubakr
khaleel
كمال عباس
محمد عبد الماجد الصايم
فيس بوك
تويتر
انستقرام
يوتيوب
بنتيريست