وين القطرية دي يا ابوخليل.. ولا اقول ليك وين سودانيز البتقع دي ذاااتها..اليومين دي لو اخوك لقاها مطرفة فانه جاهزا موية ونور لامتطاها والرحيل من غربة ام بناية دق دي... عشرة سنوات ونيف والوطن يظل كشمومة قدحة تجود به الاجازات النتشة لا تعطي المتجول بين ايامها الا القليل من نكهة البوادي والفيافي ورحيق ورائحة الازوال... كل رمضان وهو شهر التوحد والتوحيد يسكن الشوق كل المسام وتقرب تقول كما قال ذلك الشايقي الشهير في سينما واو ذااات يوم حرم بكرة امشي البلد...
09-06-2008, 08:18 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: واذا انت تريد ان تسافر علي جناح سودانير انا سارحل علي ظهر (ابو القدح)
فليكن ابو القدح ياخليل وجيب عدد 2 ابو قدح من النوع الابوكديس المهم يكون ابو قدح عارف خارطة الطريق وقادرة رغم سلحفائيته الي يوصلك هناااااك حيث الناس الطاعمة الطيبة ديك ابو القدح يحلمنا من بلادا طيرها عجمي ويباع فيه الابري الرمضاني في البترينات
09-06-2008, 08:29 PM
khaleel khaleel
تاريخ التسجيل: 02-16-2002
مجموع المشاركات: 30134
كل الاشياء ياخلي التي صرنا ومنذ حضورنا الي هناك نتحكحك فيها علها تذكرنا الوطن هي بلا طعم.. التمباك.. حتي صحف الخرطوم عند تعبر المالح وتاتي الينا تفقد بريقها العصيدة الكسرة السمك .. كل الاشياء ياخلي حتي الماره في الطرقات ليس مثل المارة في طرقات السودان بل فلنقل لايوجد مارة في الطرقات....
09-06-2008, 08:39 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: اشتقنا يا صديقي لحفلات السودان ورقيص بناتنا
واشتهينا لدفع حق اللبن للنفساء
واشتقنا حتي للشكل مع الكمساري
في الاجازة السابقة يا خلي حضرت حفلة في احدي اندية ودمدني برفقة ودخالتي اسمو السماني بالفنان زمرواي والمزازيك دي دورت والرقيص (نبق-قرد) وحتت نضيف والناس بقت رقاصة وزمراوي بجنن المزازيك بطريقة لا توصف.. فقلت للسماني اسمع يا زول انا ما راجع تااااني يا زول..!!!...
ولكن وين ..!! اول رحلة 521 متجهة الي الغربة ام دق كان اخوك بين ركابها غربة فرندقس ياخي
09-06-2008, 08:43 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: كيكي وخلي نفسي اشيل لي كورة بلح وافطر في المقابر غشان اترحم علي امي هناك امرأة كانت تحمل جمال الكون بين يديها
لها الرحمة والغفران يا طارق وانا يا صديقي احتاج الي يوم واحد صيام في السودان تشيل فيهو الصينية من جوووه البيت وتوديها الضراء وبعد الفطور تدخل الصواني لكل الجيران و للاهل..
شفت الفجيعة والشلهتة دي كيف يا طارق
09-06-2008, 08:51 PM
khaleel khaleel
تاريخ التسجيل: 02-16-2002
مجموع المشاركات: 30134
نفسي اقعد في ركن الحلة ونشوف بنيات الفريق يمشن بي مهلي
نفسي ترسلني امي زي زمان لي دكان بشارة عشان اجيب ليها السمن بتاع كعك العيد نفسي اربط ليها المفرمة في طربيزتنا الخضراْء انا افرم وهي تقطع البسكويت تخته في الصينيه وتدخله في المنقد وتخت الطشت فوق منه وفوق كم جمرات كدي وتنهرني: يا ود ما تاكل البسكويت سخن بيوجع بطنك
09-06-2008, 09:03 PM
khaleel khaleel
تاريخ التسجيل: 02-16-2002
مجموع المشاركات: 30134
اجازه ما تحضر فيها مباراه للهلال كاربه كدا وصعبه ينعصر فيها الهلال لمن يجيب زيت ثم ينتصر بعد مخاض عسير والفرحه تخلى الروح تلحق الحلقوم وسيره وزفه من الاستاد للحله والعرضه كلها تتطلع بره وعيييييييييييييك
عليك الله اجازه ما فيها دا كلو يسووا بيها شنو ؟
09-06-2008, 09:19 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
اجازه ما تحضر فيها مباراه للهلال كاربه كدا وصعبه ينعصر فيها الهلال لمن يجيب زيت ثم ينتصر بعد مخاض عسير والفرحه تخلى الروح تلحق الحلقوم وسيره وزفه من الاستاد للحله والعرضه كلها تتطلع بره وعيييييييييييييك
عليك الله اجازه ما فيها دا كلو يسووا بيها شنو ؟
والله كلامك صاح ياعلي كورة للهلال لو ما قريت جرايدها قبل كم يوم كدا وغالطت ليها زي ديشليون مريخابي حاقد...ورجفت وعرقت يوم الكورة ومشيت ليها بددددددري ما فيش فايدة لو ده كلو ما حصل... ياخ تتخيل قبل كم سنة كده هلال-مريخ دورت وانا ماعرفت بالموضوع ده الابعد ثلاثة يوم دي حالة دي ياخي
09-06-2008, 09:06 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
يا طارق فتحت كوهة صعب تنقفل قريبات دي.. نفسي في مرسال الجزارة الصباحي رغم انو الواحد بقوم مبوز لكن تحس بان هنالك سلطة وكلمة لا مناص الا الخضوع الي تعليماتها..
09-06-2008, 09:09 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
نفسي اسافر يا طارق واتجول في الفيافي الليلة في ود النيل محل القمري قيل وبكرة في ام درمان فلاتة...واليوم التاني في قدارف وربك عارف.. ومرة في القربين ومرات اكون هناك في الرهد ابودكنة مسسكين ما سكنا ومرورا بالابيض ابو قبة فحل الدويم...
09-06-2008, 09:35 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا بت الشيخ وانتي يا اميرة عضمك قوووي ياخ وصنديدة ناس خالك خليل شنب يرك فيهو الصقر ماسك معاي الروق وعاوزين نتخارج لو علي ظهر ابوقدح...وبالطريقة دي حنجيب عدد 3 ابو قدح فور ويل درايف.. الغربة قاسية يا اميرة وفي كل يوم تطلع الشارع تجد الناس غير عصافير غير حتي الكتاحة لونها لايشبه لون كتاحتنا لكن دوما نردد الله في..
09-06-2008, 09:33 PM
طارق أحمد خالد طارق أحمد خالد
تاريخ التسجيل: 05-15-2006
مجموع المشاركات: 993
هربا من هذا الاحساس آليت ألا اخرج من السودان والباقى باقى والمقدر كلو صايب. صدقونى كلما تضيق الحال ويطاردني الشعور بالندم على البقاء في السودان، يمتد بي الخيال فاتصور حالي في الغربة فيرتد البصر خاسئا وهو حسير. آلم الغربة لا يعادله ألم. تصور يا كيكي وخليل تفطر مع اخوك وتصلي التراويح مع اولاد الحلة وتاخد ليك حنك حنكين وانت راجع مع بتاع الدكان.. بعدشوية يضرب ليك عمر الحبرر يشمشر معاك.. تدور تمشي تشرب الشاي مع دكتور معتصم.. بعدين تغشى نسابتك تجيب العيال. و ما ادراك ما العيال.. يتربو وسط اهلهم لا احساس بي دونية لا عقد.... البلد بلدهم وهم اسيادها.
Quote: تصور يا كيكي وخليل تفطر مع اخوك وتصلي التراويح مع اولاد الحلة وتاخد ليك حنك حنكين وانت راجع مع بتاع الدكان.. بعدشوية يضرب ليك عمر الحبرر يشمشر معاك.. تدور تمشي تشرب الشاي مع دكتور معتصم.. بعدين تغشى نسابتك تجيب العيال. و ما ادراك ما العيال.. يتربو وسط اهلهم لا احساس بي دونية لا عقد.... البلد بلدهم وهم اسيادها.
هلا ياهندسة.. وفعلا كانت ايام سعيدة وربي منانا تعيدها ولو علي ظهر ابو قدح كما قال صحبك خليل.. ولوحتك الرسمهتا دي يا طارق دي ياااها المجننة بوبي ذاااتو.. امرق بجاي واطلع بهناك واضرب عشاء فول مع الفرد عند بتاع فول صاعقة وشاي مع فلان وجنبة مع علان ..وليالي وامسيات رمضانية... والغربة يا طارق مهما كانت ارضها لا تساوي لحظة بالوطن
09-06-2008, 09:48 PM
khaleel khaleel
تاريخ التسجيل: 02-16-2002
مجموع المشاركات: 30134
نتلخبت ياخلي مع الناس في السوق الشعبي امدرمان وتمشي الشهداء برضو تخش جوووه الناس وتديها شبال بتاع لخبتة في السوق العربي محل الناس الكثار ديلك احرف بتاع انثربولجي ما يقدر يفرزك منهم... وبعد اللخبتة دي تمشي تضرب كسرة بمفروكة مجيهة في محلات غميسة كده هنااااك في السوق العربي
يا اميرة خليل ادفر فيهو علي الاسواق جاااري لي جري علي الاحفاد.. نمشي معاهو الاحفاد ومالو ناخد كورنر نتفرج في الناس النضافة(السراميك) ماشاء الله.. وبعد الفرجة دي تديها طلة لتمرين ميت كده بتاع مريخ ثم تدور مارش علي امبدة حمد النيل
Quote: كيكي يعني الناس يفرشوا ولا كيف؟؟ وكت انت ماشي بي سودانير..
هلا يا تماضر ورمضان كريم وانا كنت راكب راسي يا تماضر وسودانير سودانير سجن سجن فراش فراش.. لكن خلي قدم لي حل عبقري ممكن يحلنا من حكاية الفراش دي واقترح انو الناس تمشي علي ظهر ابوقدح
نفسي يا اميرة في حاجة غريبة نفسي اكون راقد في الحوش وفجاة تجي كتاحة ليها ضل وتعقبها مطرة وتخش جوووه تلقي الكهرباء قطعت والسخانة مولعة الف والباعوض شايف شغلو.. تخلي يشوف شغلو ويخلص عضاتو في الفترة الانت مافيش دي
Quote: طارق.. المغرب انا زرتها عدة مرات واعتقد انها مكان طيب للاقامة. على فكرة خالي معاكم هناك (عبدالمنعم محمد محمود)
يا طارق خالك زول حبوب وهورئيس جاليتنا هنا
يا تماضر كيفنك ياخي ما تشوفي ضحكنا وخلي وكيكي دة وحاتك القلب بينزف ليه سنين
نفسي اجي من المدرسة احشي لي طحنية وتجي امي تهرشني يا ولد الطحنية دي تاني ما بجيبها بتحميك من الغداء نفسي العصرية اكون ماشي الدافوري تقول لي جيب علبة الختة وانا انقنق اكتب يا ولدي: ام النصر دفعت وبت حاج طه دفعت وحاجة مدينة قالت بترسلهم مع سميرة اكت كمان يا ولدي الصرفة الشهر دة حا يقسمنها محاسن خديجة
نفسي في كلام دقاق مع زول كان اسراري كلها عنده نفسي اقوله بريدها ياخي وغلبني الصبر
09-06-2008, 11:10 PM
khaleel khaleel
تاريخ التسجيل: 02-16-2002
مجموع المشاركات: 30134
ولامن تقف بالحله فى خشم الباب لى سيد اللبن وتقليه وتشيل منه شويه وتكتح فيه حبة شاى وتشربه صاموتى مع لقيمات حارة مشتت فيه سكر أو عسل
ولامن تشيل الخرطوش و ترش الجنينه والحوش و بعد داك تفرش السراير عشان لامن يجى وقت النوم يكون الفرش بقى بــــارد ويا حلات النوم فى الحوش و.....و......
الأعزاء كيكى خليل طارق وأميرة والله لامن عيونى دمعت الوطن تمرق منه تشتاق ليه ترجع ليه تستمتع لاكن أول ما تمرض أو يمرض عزيز لديك ما تعرف تعمل شنو الله يديكم الصحه والعافيه الله يرجعنا لى بلدنا فى أحسن حال قولوا آميــن
بالله يا كيكى و خليل إنتو برضه هلالاب منيرة
09-07-2008, 04:25 AM
sumah sumah
تاريخ التسجيل: 08-27-2002
مجموع المشاركات: 1737
منذ ان حط رحالة فى الغربة البطالة واكتشف ان غربتة لاتشبة الاغتراب فى شىء وانه حقيقة فى اخر الدنيا وانها اخر مغرب للشمس وان القيامة سوف تصلة فى اليوم التالى.. اذا ثبت ان موعدها جمعة فان جمعته خميس.. وخمبسة جمعة.. بدا يعد ايامة .. من ساعة وصولةالى هذه الديار.. ويفكر كيف ان طالت اقامتة هنا كيف بة ان قضى من العمر خمسة عشر عاما كما فعلها اخاة .. اخاة الذى سبقة الى هذه الديار عندما حل بها للماجستير والدكتوراة وعندما حمل شهادتة فى يده وجد ان وطنة قد حلوا بة اناس لايعترفون بشهاداتة ولا شهادات غيره يعنى بلها واشرب مويتها قالوها له كثيرا وانة حل مكانا قصيا فى كشف فائض العمالة وانهم لاحاجة لهم به وان لهم شهادة اخترعوا هم ليس لهاادنى علاقة بالعلم او المعرفة.. ولا علاقة لها بشهادة لا اللة الا اللة القديمة .. وان اللة برى منها.. وبرى مما يفعلون .. وحتى الشيطان ستف شنطوا وقرر الرحيل .. فقد فعلوا بة فعائل يعف هو عن ذكرها .. ونواصل..
Quote: الله يرجعنا لى بلدنا فى أحسن حال قولوا آميــن
بالله يا كيكى و خليل إنتو برضه هلالاب
هلا يا باشمهندسة ونورتي البوست والله والف شكر وتقدير.. وهلالاب كبااااااار خلاص ي منيرة.. الا البعاد اخذ عنا الكثير.. طولنا ما كوركنا في دار رياضة ومسكنا لينا مريخابي علي جنبة كده وزنقنا زنقة ترزي في يوم وقفة وطولنا من تمارين الهلال البتسل الروح.. وخليل ممكن يكون مواكب اكثر مني .. لكن الغربة اخذا عنا الكثير واهم الاشياء التي اخدتها هي الهلال زمان بتكون عارف فلان ده سجلو من وين وعلان ده قبل الهلال كان وين.. ولو كنا هنالك كان حسع زي اللعيبة الاجانب ديل ذاااتهم الوحد بكون عارف فريقهم في ليق نجيريا كان اسمو منو ..... الغربة التي تاخذ عنك وهج الهلال غربة قاسية بالحيل
09-07-2008, 11:46 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا سمعة وواصل يا سمعة واصل واحرق البنزين وصهيل المنافي البعيدة عن رائحة الازوال وهج النيل وقاعدين جالسين القرفصاء في انتظارك حتي لا نستف شنط الشيطان ونضرب في منفي ابعد واعمق من منفانا هذا
09-07-2008, 07:49 AM
haroon diyab haroon diyab
تاريخ التسجيل: 06-20-2007
مجموع المشاركات: 23215
الله يجازيكم اكان من الصباح كده عاوزين تفرتكوا فهمنا الاصلوا مفرتك
تخيلوا ...... 21 رمضان بره السودان ماعدا تلاتة ايام بس
21 رمضان ولا ريحة حلو مر ولافطور ناس حاجة رتينة وسكينة وزينب عطا( شوايقة) واماني ادريس( هدندوية ) وعمك ادريس بشير( محسي) وهو بيدي التعليمات بلغة عربية مكسرة مليانة حنية للجميع وعمك ابراهيم علي ( بني عامراوي ) وباقات الحليب وفطور المرحومة الحاجة ست النساء ( دنقلاوية) 21 رمضان وسعوط الريان هرد شلاليفنا وتمباك عمك عمر (الفوراوي) يسفوا الفاطرين والبرنجي ابو كاس بااجمل تخميسة 21 رمضان وكل رمضان بشتاق وابكي علي الاسماء الفوق ديل....! 21 رمضان وجايين حسع تقولوا مشتاقييييييييييين انا الشوق قطعني 21 حتة..... يعني كل سنة حتة.....
رمضانكم كريم ومهما اكلتوا ماحيكون افطار شهئ
09-07-2008, 08:32 AM
Abureesh Abureesh
تاريخ التسجيل: 09-22-2003
مجموع المشاركات: 30182
هلا يا ابو الريش ورمضان كريم ويا ابو الريش رغم اني في السنين الاخيرة قاعد امشي سنوي الا انني حاسي بانني غبت الف عام وعام عن السودان لذا تري الجرسة الكبكبة تطل وبقوي مع بداية كل رمضان
09-07-2008, 03:08 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: الغربة انشا الله تعقري يا تعدمي المال الفقري
هلا يا ودبانقا وغربة فرندقس يا صديقي تعرف في ناس مصرة عليها اصرار شديد يقولوا ليك لو فضل ريال واحد ممكن نكابس فيهو القطريين ديل.. ... لكن يا ود البدوي الدموع نازلة يوماتي رحيل والسوائل بقت روب والشعر بقي بوب ولكن قربيا باذن الله ستضاء شموع البلد ونرجع للبلد الطيب نتيرب نزرع نحصد نتجول في طرقات المدن ود ارزق القبة وام سويقو حيث السمك الطاعم
09-07-2008, 09:31 PM
Mohamed Bannaga Mohamed Bannaga
تاريخ التسجيل: 08-25-2008
مجموع المشاركات: 94
ياكيكي ايه رايك نعمل مشروع عودة للبلاد والزارعا الله بتقوم في ال ياخي ام دقوقة دي احسن من بيرقر الغربة ودافوري ليو عجاجة شاي اللبن المغربية بي رغيفة فتة كوارع مع شطة خدرة و حولية الخليفة العبادي عرس بت الجيران و العقد في الجامع وطبعا لازم تكفي الضيفان لانو العرض عرضكم. وكورة في دار الرياضة اهلي واتحـاد التسالي والفول المدس والتشجيع والكوار يك و الجماعة الدايرين يتلبو الحيطة و السواري سكوهم والجماعة الواقفين برة منتظرين الملح طبعا الباب بفتحو قريب نهاية الشوط التاني وبعد الكورة تمشي مطعم ابوظريفة مع الشباب تضربو ليكم فولة مدنكلة تاريخية فيها زيت سمسم جبنة وطعمية يقوم واحد يسأل اها الليلة البشكة وين يرد صاحبو , في بانت لكن ما عارف المحل بالضبط طبعا معاهم واحد سكاك حفلات كبير بباري صوت البيز جيتار يوصلم الحفلة وطبعا ناس العروس بيكنوا قايلنهم من اهل العريس وبالعكس اها الجماعة بيستلمو ليك الحفلة سكسكة تقيلة وواحد منهم يمسك المكرفون ويقول ,,يا شباب الجماعة الواقفين ورا الصيوان يجو بي قدام في محل الرجال والا الحفلة دي ما حتستمر طيب يا شباب فاصل سريع لحدي ما الفنانين يتعشو و نرجعلكم تاني
09-07-2008, 10:35 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
نفسي افرش بروش الفطور في الشارع وامشي بيت عم محمد صالح اشيل ليهو الصينية عشان اولادو كلهم مسافرين وفاضلين البنات وعم عبد الكريم يرسلني دكانه عشان اجيب الرادي حقو ونسمع الآذان نفسي ألبد في ضهر عم عبد الله عشان ابوي ما يشوفني بشرب في الحلو مر وخايف علي بعد ما نصلي المغرب امشي لي خالتي خادم الله اجيب برادي الشاي والكبابي لانه الليلة اليوم عليها نفسي بعد يمشوا الجلاكيم اتمدد في البروش واتونس مع عوض صحبي وعن جكسويتو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالكريم الامين احمد
khaleel
طارق جبريل
على محمد على بشير
طارق أحمد خالد
sumah
haroon diyab
Abureesh
Mohamed Bannaga
شكرى سليمان ماطوس
فيس بوك
تويتر
انستقرام
يوتيوب
بنتيريست