نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 لمن ارسل لاندكروزراتي الاسفيرية...؟؟؟؟
|
ياخ بصراحة حكاية اللاندكروزرات دي انا مكيفاني شديد وفكرتها مجنونة جن كلكي والتكتيك والتكنيك والقصة كلها فيها دراما بالجد رهيبة رغم ماسي الموت وتداعياتها الموسفة هنا وهناك الا والحق يقال
انها فكرة جديرة بالتامل والتطوير ولو دراميا ..!!!
وانا قررت اني اعمل لي لاندكروزات اسفيرية من النوع الابو كديس وتكون مجهزة باجهزة حديثة اقمار صناعية وجي بي اس (وقوقل ايرث علي قولة عبدالرحيم محمد حسين)...!!
وقبل ما نشرع في توصيف مهام اللاندكروزرات بتاعتي من الضروري اكد ان اهدافي ستكون
1-من الساسة السودانين
2-بورداب وبوردابيات من المنبر ده
3- شخصيات اخري...
ثانيا في الاطار التطوير والتكلونجيا في حتة هناااك في الصعيد اسمها(القربين) وراها كده ارض خلا
كبيرة وعريضة والجن ما بجي جنبها(مفروض نعمل فيها سجن علي غرار غونتامو) سيكون هو الارض التي تضرب
اللاندكروزات منها ذهابا وايابا..فعندنا ناس عاوزين نجيبهم هناك...نوع حيقعد طوالي في غونتامو القربين ونوع يجي ياخد طابور طابورين ويفرتق..ونوع يجي زيارة ودية وهكذا...!!!
عشرة لاندكروز و20 من الجنقو الاشداء الاقويا الشرسين جاهزين موية ونور لاداء المهام التي تاتي تباعا ....(تابعونا وفالكم طيب)
|
|
 
|
|
|
|
|
|
|
 Re: لمن ارسل لاندكروزراتي الاسفيرية...؟؟؟؟ (Re: عبدالكريم الامين احمد)
|
قبل ما نرمي لقدام ونمشي في الموضوع..
في اربعة بورداب رسلنا ليهو في الايامات الفاتن دي لاندكروزرات فحقو يجمعو هنا بالخطوة السريعة قبل
ما الجنقو بتاعني ديل يدوروا الشغل بتاع القبض واللاندكروزرات تنطلق...!!!
اول زول ستنطلق صوبه هذه الحدائد السنينة هو (الرائد يونس محمود)..!!!!
الزول ده انا كايسو زمن هذا الشعب السوداني الفضل وكورايك الصباح ديك(كرو كرو)..!!
يجي يقعد في غرفة في غونتامو القربين في اوضة مجهزة باجهزة صوت مزعجة يقعد فيها 12 ساعات في اليوم
يسمع كل الخطب الصباحية التي كان يدقنا بها في تلكم الفترة ثم يسمح له بباقي الوقت كراحة
واستراحة..
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: عبدالكريم الامين احمد)
|
بعد طلعة يونس محمود حننجي للجبهة الداخلية الدوحية..!!
وعندي ثلاثة بورداب اواربعة كده من بورداب الدوحة مفروض يشرفونا في غونتامو القربين شهر شهرين لزوم الطوبرة والنقة علي خفيف
1-معتز قريش
2- بدرالدين الامير
3-ود رملية
4-رندا حاتم
5-ابوساندرا
وممكن نفك الاربعة الاواخر ديل بعد فترة علي قرار سامي الحاج
ولكن معتز قريش ده (الله يعلم يتفك قريبات دي) لاني عندنا معاهو شغل ودرش تقيل وزي كم جكة في عز الشمس حول اسوار سجني القربيني
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: Emad Abdulla)
|
Quote: دبابة مكيفة نلاقي عندك يا الشيخ ؟؟
في ناس مشوارها طويل .. و الحر ياخي ..
زي ما إنت عارف نحنا ناس سنة ناعمة ..
.. و كده .. |
اووووه عمدة وحبابك وبركة الجيت برجلك...
ويا مان واحدة من مهام اللاندكروزرات دي في كراكير الديم انها تقبضك انت ذااااتك يا زول
وتجينا هناك في (قربين غونتامو)...!!
واليوم داك طبعا يوم عيد وحافز للجنقو والقوي المنفذة (المرايس دي حترقد هبطرش)
مطلوب حضورك للتحقيق معاك في (مقصات اسفيرية وكعبلات)
وستسجن يا فردة مع معتز قريش في غرفة واحدة (طبعا ده جزء من العقوبة..)..!!
وبالمناسبة اللستة لسع طويلة وعريضة
عصام جبرالله
والسني
وطبعا الشرير ملاسي ده كلامو جاااي بمزاج واخريين
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: khaleel)
|
Quote: وليه ديل بالذات
انا ما بعرف اركب وللا شنو |
يا ابو خليل ركز معانا ياخي
القصة ما ركوب
سجن سجن
الناس ديل انا عاوز اجيبهم باللاندكروزرات واسجنهم فترة لشي في نفس يعقوب...!!!
انت خليك يا فردة امسك لي الفضائيات ومتع الجماهير المنتظرة اخبار الغارات بتاعة قوات خالك كيكي:D
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: بشير أحمد)
|
Quote: اها ياحبة لاندكروزاتك دي فيها مساحة
للموز والحجبات وكده؟ |
هلا يا بشير حبابك
والموز راقد هبطرش لكن عدلنا في الجينات بتاعو
البياكلوا وما تبع القوي تبعي بخنق طوالي وبتجيهو ام هلا هلا
موز قواتي يا بشي ما بتاكل الا لقواتي..
والحجابات ستكون نمرة واحدة ودائما الفكي بتاعي بكون متحرك مع القوي
محل ما هي ماشة
لن تضيع حجابات قوي مرتين
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: عبدالكريم الامين احمد)
|
انا إسمي مكتوب,,,,,طاااايب
| Quote: حقوا برضو يعملو حسابهم لانو اللاندكروزات لو قريب حسع بتكون قطعت البحر |
المحيط المحيط يا عالم ,,,,لازم تفضحونا كدة
الولد دة قالوا ليك ساهل كدة , لعلمك عندو حصانة من بوشبش شخصيا
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: Amira Elsheikh)
|
| Quote: بس ما نكون مع المساجين.. |
هلا يا بت الشيخ
وغايتو يا اميرة ما بضمن ليك القوي دي يجيبك ولا لا..
ولكن علي كل حال انتي جاية جاية السجن حتي ولو كان زيارة لناس ود قريش وتمبس
وطبعا لاني برضو جايب من الرياض بالتحديد ثلاثة مساجين كباااار
تمبس
وعندي ود اهلي اسمو الصادق محمد عثمان
وجايب معاهم صلاح غريبة ده طبعا عقوبتو مع معتز قريش وملاسي واخريين سياتي ذكرهم لاحقا
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: AnwarKing)
|
| Quote: التحية للعزيز محمد الحسن سليمان في منفاه البعيد! |
كينج تحياتي ياخي
واي سليمان ده مش لو مشي المنفي ..ده ياصحبي لو مشي القضارف الكروزرات دي جايباهو جايباهو
وانت ذاتك ياابو النور معليش برضو حتشرفنا شوية كده لزوم (مغتربي الخليج وكدا)
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: khaleel)
|
| Quote: كان الزول داك سجنتو ما تسجني انا برضو |
ياخلي هوووي
انت سجن ليك مافي يازول بلاش بلبصة
قلنا ليك امسك لينا الجزيرة والعربية ورويتر واخمج لي الاسافير دي خمج شديد
واعمل اشاعات برضو
لكن بطريقتك دي السجن ده حتشموا كشنة ياابوالخا
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: Raja)
|
| Quote: يا مان أنا غايتو اللاندكروزر الحترسلو لي حلًفتك بي الله تملاهو موز ومنقة |
والله يارجا الزول لو داير يسجنكم ذااتو من الضحك القصة ح تجوط
الكروزرات جاية ومعاها تفاح كمان لكن انتي سجن ليك مافي ممكن تجي زيارة لراوية لانها برضو بيني
وبينك حتشرفنا اسبوع اسبوعين كده
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: Raja)
|
Quote: خلاص يا صاحبي. ما حادخل السجن.
بس حاقعد بي برة آكل الموز والمنقة والتفاح.. وإحتمال أشرب شاي كمان |
انتي عارفة يا رجا
بعد الرد عليك تاني غيرت راي وقلت ياخ رجا دي ذاااتها حقو الواحد يسجنها في غونتامو القربين ده
ونرسل اللاندكروزرات الاردن تجيبك من طقاطيق الارض الهاشمية...ونعمل ليك طابور كتابة (ده طبعا بعد ما نكثر المنقةوالتفاح) ويومي تكتبي في السجن ده وتجيبي الكتوبات دي لخالك كريم مدير السجن
وعلي الاقل تكتبي لينا بعد داك مذكرات سجينة في فيافي الصعيد واحنا نقراء مما نسجن
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: Rawia)
|
| Quote: انا مابنتظر لاندكروزر بجيك برجليني بس عاوزة حبس انفرادي عشان امارس رياضة التأمل |
اووووه راوية
حبابك والله والسجون نورت الليلة
انفرادي ده يا راوية الا ننتظر شوية كده وادارة السجن بتاعي تتعلم الرشوي الدولارية
وتقوم انتي تقطعي في مدير سجني الاهو (انا) زي كم دولار امريكاني كده
حتن بعدين نشوف ليك زنزانة انفرادية ناصية كده....
كل الود والشوق يا راوية
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: هجو الأقرع)
|
| Quote: كيكى ما لك الايام دى هضربتك كترة ذى خالتك تراجى ، بالله واحد لاندكروزر حق عمك الامام الصادق المهدى |
هلا يا هجو
وانت طبعا هدف استراتيجي ياهجو ومن حسع بالله سخن وخليك (ريدي)
واما الهضربة فياسيدي انتو خليتو فيها هضربة ما قاعدين تهضربوا وتتراقصوا في المنصات
من رئيسكم لحدي غفيركم ما تدونا معاكم فرصة هضربة هضربتين كده...
الصادق المهدي ده لو رسلت ليهو لاندكروزرات بعمل مشكلة مع ناس البيت (ساكت)
لكن بيني وبينك لو لقيت لي فيهو طريقة بالدس بجيبو بجيبو (علي الاقل اخليهو ينكر التوقيع ده وينط منو)..
خليك جاهز وجالس القرفصاء لحدي ما الكروزرات تجيك يا ظلامي
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: khaleel)
|
| Quote: اوعي يا كيكي تغلط وتودهم ابو غريب |
هلا ياخلي 2000
السجن ثلاثة مستويات
1-سجن دائم للمغضوب عنهم من الجبهجية وبعض السياسين ومعاهم مزمل ابوالقاسم
2-سجن نص كلتش وديل يجوا شهر شهرين طوابير ونقة ويفرتقوا بعد داك
3-سجن ثالث للاخوات والاخوات الهاربين من العدالة الكيكية(ديل يجوا يوم يومين نتفاهم معاهم بعض الامرو العالقة ولاحرج عليهم وسيكونون ضيوف الرحمن ولهم من التفاح والموز والذي منه ما اراداو...
انت زي ما قلت ليك خليك (خليل تقد) واخمج لي الفضائيات دي
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: محمد مكى محمد)
|
| Quote: ياكيكى رسل لى واحد,,غوانتانمو دى ما تبعنا..ممكن آخد لى إسبوع اسبوعين فى كمبو الرى..فى واحد خمسه نجوم بين ود النعيم ومساعد..كنا بننسجن فيهو من الصباح للمغرب |
هلا يا ابوحميد
وفي فكرة جديدة انو نعمل وعلي القرب من السجن (كمبو) جاهز موية نور
لاصدقاء كمبو الري ومجهز من كلياتو موية ونور ومرايس ولحمة كيري كمان
خسوسي...
واما التيارات فيا ود المكي اليومين دي المنبر جايط لينا في راسنا
جوطة شديدة وما قادرين نفرز ليهو الكيمان..
منتظرين حمي غزوة امدرمان دي تروق شوية ونرجع تاني للرصد والمتابعة
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: عبدالكريم الامين احمد)
|
| Quote: ياخ بصراحة حكاية اللاندكروزرات دي انا مكيفاني شديد |
تأسف تويوتا موتورز كوربوريشن TMC باقحام هذه السيارة
العظيمة التى تعتبر مفخرة للصانع اليابانى العملاق
تاسف ان يتم اقحامها فى نزاعات عقيمة بين شعوب عقيمة
اثرت استهلاك الحضارة بدلا من اضافة شى لها
كما وتدين ان تستخدم سياراتها فى غير الغرض الذى صممت
من اجله الا وهو رفاهية الانسان وليس ازالته من الوجود
1867 Sakichi Toyoda founder Toyota Group was born 
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: ريهان الريح الشاذلي)
|
Quote: لأول مرة اكتشف انو خليل مفيد...سبحانك اللهم ...
كريم..الشوق والريد |
هلا يا ريهان وشوق السابحة الراحلة..
وخليل مو هين يا ريهان بس عليهو حبة هبشة..
وياما حتشوفي بعدين حيخمج السوق الفضائي والاسفيري كيف
لمن الكروزرات دي تدور الشغل..!!
خليك جاهزة ياريهان فاسمك مكتوب
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: احمد التجانى احمد)
|
| Quote: تأسف تويوتا موتورز كوربوريشن |
هلا يا ود التجاني
وكدي قبل ما نخش معاك في تايوتا ولا فلكسواجن
انت ذاتك يا صديق ح تشرفنا في السجن علي المستوي الثاني
عندنا ليك طابور علي خفيف(وبالمناسبة حتكون في عنبر مديرتو حتكون تراجي)
وتويوتا دي مفروض اليابانيون ديل يحبوا يدهم مقلوبة مع الدشمانات السودانية (ام لاندكروزرات دي)
بكده المبيعات حتكون في السماء والين حيرقد هبطرش...
اقترح انو تزيدو العربات المرصودة للسودان ومنطقة القرن الافريقي
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: ناهد علي)
|
| Quote: اها الناوي يعمل رجيم يجي ياكل من الموز ويفك البيرك |
هلا يا ناهد ومشتاقين والله
وانتي سجنك معلق حتي حضورنا للمعاينة حسب الاتفاق
وان لم نجد تطبيق ممتاز للاتفاق...طوالي حنرسل ليك لاندكروزات وتجيبك السجن
وجكات اربعة وعشرين ساعة ونص...
وكل التحية والود يا ناهد
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: hanadi yousif)
|
| Quote: اكيد ح تكون محتاج لطابور خامس بالداخل خلينا في القائمةعشان عارفة لسي دروبات كتيرة |
هلا يا هنادي
وبالله من حسع احجزي لي السماني خليل كهدف استراتيجي
وبعد داك تعالي نقعد تحت لتوضيب الية عمل الطابور الخامس والدعم الداخلي...
وبالله ياهنادي نط ما معانا بعدين ولا سفر لسنار (زي ما عمل شيخنا)
طابور خامس يعني طابور خامس
هبة طابور واحد وغلغلة للجبهة الداخلية
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: Omar Bob)
|
Quote: لو بس قبضت معتز القريش وحسين ملاسي وعبد الرازق الطالب وختهم في سجنك ليوم الدين
تكون ادت مهمتها بنجاح |
هلا يا بوب
وما تشيل هم الثلاثة ديل بالذات عندهم نظام خاص وطلعات محسوبة بالكمبيوتر
وللضمان ح اكون انا ذاتي علي راس القوات الطالعة للقبض علي الاشرار الثلاثة ديل
ومن حسع حاجزين ليهم ثلاثة زنزانات مطرفة
| |
|
|
|
|
|
|
|
|
|
Re: لمن ارسل لاندكروزراتي الاسفيرية...؟؟؟؟ (Re: Amira Elsheikh)
|
(عدل بواسطة Amira Elsheikh on 05-06-2008, 08:46 م)
(عدل بواسطة Amira Elsheikh on 05-06-2008, 08:50 م)
هلا يا بت الشيخ
سرريع ورينا عدلتي شنو قبل ما نرسل ليك واحد لاندكروزر فور ويل دريف يجيب خبرك مع باقي الليل ده
وفعلا السواها ابو الخل رقدت هبطرش وخلانا معلقين لينا اسبوعين ونيف في سيرة اللاندكروزر
لاند كروزر
لاند كروزر
لاند كروزر
| |
|
|
|
|
|
|
| |
عبدالكريم الامين احمد
Osman Musa
Emad Abdulla
بشير أحمد
khaleel
noon
AnwarKing
Raja
Rawia
هجو الأقرع
طارق جبريل
محمد مكى محمد
احمد التجانى احمد
ريهان الريح الشاذلي
ناهد علي
Omar Bob
hanadi yousif
haroon diyab
عبد المنعم سليمان
فيس بوك
تويتر
انستقرام
يوتيوب
بنتيريست