|
|
 الدرابزين..!!
|
وها نحن نعود اليكم ايها الاحبة
بعد ايام عديدة بل قل قليلة جلست فيها خلف الكواليس في درابزين هذا المنبر بعيدا عن احداثه
ونبضه العجيب..ولكن الشاهد ان منبرنا هذا درابزينه (غير) كما يقول اهل الخليج عن الشي المميز
جربت انا درابزين الحراسة خارج الحدود وداخلها ودرابزينات كثيرة عديدة منها درابزين الكلية
لسنتين ونيف ودرابزين فرق عديدة لكرة القدم وجلست علي كنبة الاحتياطي (رغم اني والحق يقال كنت
وبصراحة كده اجيد ركلها) الا انني دوما في معارك وشجار مع السادة المدربين...
ولكن في كل هذه الدرابزينات العديدة لم اجد درابزينا صعب المراس وقاسي لايرحم مثل درابزين
هذا المنبر العجيببببببب....
سودانيز اون لاين والحق يقال خطرة خطورة لاتقاوم ودهشة عجيبة..بوستات تتمني لو ادليت برايك
في ساعتها ..ولكن فجاة تتذكر وتقول (الله انا واقف)..!!
تبريرات عجيبة لاسباب توقفي وتحس بانك في رغبة جامحة للرد علي كاتبها وتشب ليييييهو في رقبتو
وتعمل معاهو (جنجال) عجاجه يضرب السماء..!!
محمد عثمان الراقي انزل غنوةلسيد خليفةتجعلك تبحث عن الكي بورد ولا تجده في ظروف قرار التوقف
ناس منعم مواصلين الزنقات والقبقبة الاسفيرية ومدخلين (الكمندان) والسارد الغامض في (خرم ابره)
ومافي طريقة الواحد يفتح معاهم نيران قوات صديقة..
ضحية شمتان ويدعي لي بعدم الرجوع ..وتتمني ان تطربقها ليهم في راسهم
ملاسي يواصل البرطعة وكتب كلمة 0(حزب) ..(حرب) ومافي طريقة تذكروا بانه مصحح دولي ومعتمد من الفيفا (حرام وجرم كبير انو يغلط ويطبز طبزة زي ناس كارفورد..قريعتي راحت ديلك)..
بورداب الدوحة دبت الحياة في روحهم الطيبة وعملوا حفلة حضرتها كبوردابي سابق ولن استطيع
المداخلة او الرد او الحكي عن تفاصيل ذلك اليوم التاريخي
هالة الرائعة تظلل الدوحة بضيائها العالي وروحها البهية وتواضعها العالي وسودانيتها الخالصة
وانا واقف...
بدرالدين الامير شابكنا عمر الخيام ولا عمر الفوتي ويومي منزل لينا اربعة سطور زي حقت صحبو
صاحب الاربعات التاريخية..والطيور علي اربعاتها تقع..
الهلال يجضم الزمالك ويلعب ماتش تاريخي وانا واقققققف..بغم ما في طريقة نقولها..
واخير وفاة والدة صديقي الرائع الدكتور طارق جبريل ..والتعازي في هذا الامر الجلل لم نتكمن منها
.....
عدت بكل صدق لانني بصراحة احبكم جميعا واحب هذا الموقع العجيب الغريب صاحب السحر الذي
بصراحة كده لايقاوم...وعدت لانني احب اصدقائي واخوتي والاعزاء القراء ...
|
|
 
|
|
|
|
|
|
|
|
Re: الدرابزين..!! (Re: معتز القريش)
|
انت عارف يا قريش لو الوقفة بتخلي الزول قيافة وزينة زي ده
الواحد حقو كل مرة ياخد ليهو وقفة وقفتين علي الطائر كده..
يازول انت متاكد الزول ده كيكي الشين (علي قولة صديقي عمار يس)
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Quote: في حاجات كتيرة لازم تكمله
وفي مشاريع بدت لازم تحرسه
وفي مساحات بتاعة صداقة
محتاجه سقاية لسع
امشي قضي حجاتك وتعال
في انتظارك يا صاحب |
قريبي واخي وصديقي سفيان نابري
لك كل الود والف تحية واشكرك تماما علي هذه النصيحة الغالية الصادقة..
ومعاك حجل بالرجل يا قريبي ياجميل...
..خالد الطيب..وصديقي عصام احمد كنت ساغادر وفي نفسي غصة لعدم تمكني من الترحيب بك
وانت تاتي الينا (بلوك جديد) ولكن تظل دوما انت الصديق والاخ الراقي...ويجمعنا الكثير
ولكن شرحبيل احمد دوما هو من يوحد وجداننا ويعلو بحسنا الموسيقي..
...لنا مهدي..كل التحية ولن اردد غير لن نصادق غير الصادق الامين..وتسلمي اختي العظيمة
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Quote: انحنا قبيل شن قلنا؟؟
ما قلنا كي كي عاملا حركة
بس برضو الجكس الكنت عاوزو يحنسك
دق ليك طنااااااااااااااااش
ورجعت ذليلا كسير الجناح
كي كي اللعين ما بتقدر تفارقنا |
قريش يا مرجف
انت خلاص خليت التكفير وقلبت (كمارتي)
يازول انت ما عارف التصوير ده حرام شرعا..
بعدين بوستيك ده ليييييه ما فيهو صورة لمديرك (انت يازول عاوز تترفد ولا شنو)
امشي نزل صورة لبدر الدين قبل ما الزول ده يقبل علييييك..يا مكفراتي يا كمارتي
| |
|
|
|
|
|
|
|
|
|
Re: الدرابزين..!! (Re: عبد المنعم سليمان)
|
انطبق عليك المثل/مابدورو وما بحمل براهو.
سعدت بعودتك ومن القلب اقولها صادقا/كيكي
أحد الأسباب الرئيسية للتسكع الجميل في
حوش العمدة بكري.دشليون مراحب انت وناسك
العجيبين ديلآك دمازين وسوفييت وغيرهم .
لك المودة والتقدير وتحيات محبك
ود اللحمر
| |
|
|
|
|
|
|
|
|
|
Re: الدرابزين..!! (Re: صلاح الأحمر)
|
Quote: انطبق عليك المثل/مابدورو وما بحمل براهو.
سعدت بعودتك ومن القلب اقولها صادقا/كيكي
أحد الأسباب الرئيسية للتسكع الجميل في
حوش العمدة بكري.دشليون مراحب انت وناسك
العجيبين ديلآك دمازين وسوفييت وغيرهم .
لك المودة والتقدير وتحيات محبك
ود اللحمر |
الف مرحب اخي الغالي صلاح الاحمر
وكل التعازي والاسي في وفاة والدة اخي الغالي طارق جبريل
واسف العميق علي عدم ارسال التعازي وكنا قد رتبنا الامر لمقابلة الاخ طارق اثناء عبوره
عبر مطار الدوحة ولكن لم نتمكن من ذلك..واني حقا لحزين علي هذا الفقد الجلل..
وعدنا يا صديقي ويحملنا حب كبير لكم جميعا والي اصدقائي سوفيت وكرجول ومنضرة وكل الحبايب
وكاويك..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
عبد الكريم
حمدا لله علي العود و علي زوال أسباب توقفك عن المنبر. ما كنت متابع لما حدث ولا علم لي بأسباب توقفك و لكن بصراحة وجودك هو الشئ الطبيعي و الصــاح ، وما عداه باطل لأن إسهاماتك في المنبر جيدة و لها طعم. فجيداً جيت
أحمد هل غير تلفونه؟ إتصلت به في منزله و (ما حد) علي قول أهله العمانيون. أرسلت لك رسالة في الخاص، أقراها.
| |
|
|
|
|
|
|
|
|
|
Re: الدرابزين..!! (Re: خالد الأيوبي)
|
Quote: حمدا لله علي العود و علي زوال أسباب توقفك عن المنبر. ما كنت متابع لما حدث ولا علم لي بأسباب توقفك و لكن بصراحة وجودك هو الشئ الطبيعي و الصــاح ، وما عداه باطل لأن إسهاماتك في المنبر جيدة و لها طعم. فجيداً جيت
أحمد هل غير تلفونه؟ إتصلت به في منزله و (ما حد) علي قول أهله العمانيون. أرسلت لك رسالة في الخاص، أقراها |
الف تحية وتحية اخي خالد لك وللاسرة الكريمة..
وافتقدناك تماما في الفترة السابقة وسعيد جدا ان اراك هنا مرة اخري..
طالعت رسالتك المفرحة ولك مثلها وبتفاصيل اكثر باذن الله ,,
الف شكر وتقدير
احمد نفس تلفونه السابق وهو بخير وعافية
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
كيمو اللذيذ ياخ انت زول كويس شديد، وانا بحبك جدا ، ولو كنت مشيت كان برضى مشيت عارفاك ما بتقدر ،انت عارف انه المنتدى دا بقى زى بيتنا وزى وطنا وكت اشتاقلو برحل ليلهو من غير زاد ، السودان هنا فى هذا المنتدى ، التعدد هو ما يميز هذا المنبر ، فيه وما فيه ، ياله من عالم جدير ان لانغادره فمرحبا بعودة( دىجانقو )
| |
|
|
|
|
|
|
|
|
|
Re: الدرابزين..!! (Re: سلمى الشيخ سلامة)
|
| Quote: كيمو اللذيذ ياخ انت زول كويس شديد، وانا بحبك جدا ، ولو كنت مشيت كان برضى مشيت عارفاك ما بتقدر ،انت عارف انه المنتدى دا بقى زى بيتنا وزى وطنا وكت اشتاقلو برحل ليلهو من غير زاد ، السودان هنا فى هذا المنتدى ، التعدد هو ما يميز هذا المنبر ، فيه وما فيه ، ياله من عالم جدير ان لانغادره فمرحبا بعودة( دىجانقو ) |
يييييييياه سلمي الشيخ سلامة
صديقتي واختي الرائعة
والله يا سلمي الشوق مطر...ولييه كده لا خبر يطمئن ولا عارفين ليك سكة
ولازالت صدي ايامك الرائعة تطل في الذاكرة كلما ممررت في طرقات كثيرة في هذه الدوحة
التي ازدانت يوما بحضورك الطاغييي
ياخي تعالي تاني يا سلمي وعليك (سوميتة) تجي ياخي
سلام يا استاذة والف شكر
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
(اجى ) اجى وين يافردة الدوحة ؟ برى ، الرطوبة لغاية الان ما طلعت ، انتو قاعدين كيف فيها ؟ عموما يا صديقى ، تلك ايام نديات يوم ان كنا فى احتفال سفارة جنوب افريقيا ، وتلك النسوة اللذيذات صديقات صلاح فيما بعد ، لكنى اشتاق الدوحة وناس الدوحة ، بس اجى دى ما اظن
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
الصديق ... كيكى ...
حمدلله على سلامة العودة ...
المنبر اختفى حال عودتك ...
على ما أظنها دى دعوة عبدالمنعم ...
قال ليك كان فرتقت كلنا بنفرتقا ..
يلا الراجيك كتير وخليك بعيد من الدبرسة
ومعتز القريش ده بس خليهو عارفين سروا ....
تحياتى يا مان والفرحة كبيرة ...
| |
|
|
|
|
|
|
|
|
|
Re: الدرابزين..!! (Re: celecon)
|
Quote: حمدلله على سلامة العودة ...
المنبر اختفى حال عودتك ...
على ما أظنها دى دعوة عبدالمنعم ...
قال ليك كان فرتقت كلنا بنفرتقا .. |
ياسسلام يا سيلكون
ياخ صدقني يالجد انت ماركة مميزة وظهورcelecon في اي بوست كفيل بمنحه سمة جمالية
ولمحة بتاع زول قريب منك كده شديد..فردة تكون اتعشيت معاهو سوي زي مليون مرة كده
عند بتاع العشاء في (الحلة). وبينكم سنين من العشرة والمودة الاخوية الاصيلة
تسلم يا سيلكون واشكر اهتمامك الاخوي وانا هنا لان هذا المكان يحوي وجادين مثل وجدانك وروحك
الجميلة...
...اما المرجف منعم بتاع الكوارع والاندونسيات والعرايا من المجانين بالاشتراك مع(هشام شيخ الدين)
فده خليهو لانو طلع زول (نفيسة)..وقريش اصلوا معروف ولا يحتاج لتعريف اسفيري..
ودمت يا مان
| |
|
|
|
|
|
|
|
|
|
Re: الدرابزين..!! (Re: الجيلى أحمد)
|
Quote: سلامات ياباش,
ماقلتا ليك,
حكاويك مابتكمل...
وأهم شئ
إنتا ذاتك |
صديقي الجميل الجيلي احمد
الف شكر يا جيلي وكل تقدير واحترام علي كلماتك الطيبة وروحك الاخوية الصادقة
ووتلفون صديقي (عمر الحبر) جدير بان ادفع كل ما املك من اجل الحصول عليه فهو صديق
مسافات وزمن جميل وليهو بالحيل مشتاقين..
وكن بالف خير ومتابعين مجهودك الرائع هنا بكل تقدير ياجيلي
| |
|
|
|
|
|
|
|
|
|
Re: الدرابزين..!! (Re: صلاح الأحمر)
|
Quote: تلفون طارق بالسودان 00249913677505
ده لطشتو ليك من بوست الإمتداد.
وعمت صباحا أيها الأرشيدوق.
مع مودتي.صلاح |
شكرا اخي صلاح
والف شكر ولقد تمكنت عبرك من التحدث الي الاخ العالي التهذيب دكتور طارق
ونتمني ان نلقاه باذن الي في طريق عودته اليكم ..ولك مني كل التقدير والمودة
| |
|
|
|
|
|
|
|
|
|
Re: الدرابزين..!! (Re: بدر الدين الأمير)
|
| Quote: كيكى انت الغبت خمسة ايام أم نحن |
مرحب يا بدر..
انا غايب خمسة سنة عديل كده يازول وحتي ما عارف الكتب(حزب) حرب منوووو
والعملو ليهو بوست كمين منووووووو
والاتنهد منو والما اتنهد منو..
| |
|
|
|
|
|
|
|
|
|
Re: الدرابزين..!! (Re: عبد المنعم ابراهيم الحاج)
|
اوووووه صديقي وود كاسي (منعم ا)
يازول من الليلة انت منعم ا وصاحبنا (بتاع ايمو داك) منعم ج ذاتتتتتو
بعدين يا منعم ياخي انا ما صبنت اي حاجة ياخيييييييي
انت قايلني ام عمرو ولا شنو..(صبنت الكاس عنا ام عمرو وكان الكاس شنو كده ما عارف)
..في اثناء فترة الدرابزين كنا نتابع صحبك (بقة) بتاع طشمة المروحة..واها قلنا نجي
توش بعد ده..لكن تاني انتوا ديل سكر معاكم (نهيييييييي)
....
كل التحايا يا منعم والف شكر يا صديقي
| |
|
|
|
|
|
|
|
|
|
Re: الدرابزين..!! (Re: تماضر الخنساء حمزه)
|
| Quote: برضو جيت بالدرابزين ؟؟ مابالباب |
الف تحية وتحية للزولة الراقية وملانة صهيل عالي وشعر
يذهب الي الوجدان بكل سهولة ويسر..وفخورين يا تماضر بحضورك
الي درابزين ..وفي حضور اقلام تملا هذه الساحة بمثل كلامكم الطاعم والسمح ده
لازم احنا نجي بالدرابزين نتاوق مرة مرة علي الكلام التحت ده.
لو صحيح..مكتول غرامنا..
| |
|
|
|
|
|
|
|
|
|
Re: الدرابزين..!! (Re: Tabaldina)
|
Quote: الغريبة انك بتشبة الرائع صلاح ولكننى لا اراك تشبهه !!؟
__________________________
تعجب سيظل قابعاً ..
معقولة طارق صديقك!!؟
سبحان الله .. |
سلام يا تبلدينا والف شكرعلي تواضعكم والاهتمام بامري فلك مني الف شكر..
.......
وكلامك الفوق ده يازول لازمو شرح والا انها الحرابة الدواس مرة اخري.
(اصلك متهمني يا صالح اني لابد ليك) وكلامك ده فرصة سانحة لكي اواصل اللبد الاسفيري
واكمن ليك في بوست مطرف ..(كيف الله قدرك يا تبلدينا تقول انا ما بشبه صلاح الامين وانا بتاع مشاكل)
دكتور طارق رجل الي التهذيب وهو احد هدايا هذا الموقع الجميل بالاضافة الي صديقي حيدر ميرغني
والكثير من اهل الزقازيق الحلويييين..(انت يازول قريت في الصعيد ولا شنو)
كل تحية وسلام ونيفاشا يا تبلدينا والبيننا دوما عامرة يارجل..
| |
|
|
|
|
|
|
|
|
|
Re: الدرابزين..!! (Re: ضحيه ابراهيم)
|
Quote: التسوى بايدك يغلب اجاويدك ما براك غبت وانا انا وحى حى ووب ووب الجابك شنو تانى فاكيها فينا انا الراو وانا القص وانا سيبنا من كمبو الرى بتاعك وشلة المرايس والعسليه والكانجى مورو المتشبع بيها دى.. عالم غريبه بشكل..
ياكيكى انشاء الله ماترجع،،،،،،،، |
اوووه صديقي المرجف (ضخية) وفي مقولة اخري (فتحية) ويمكن ان تنطق في كمبو الري (فتهية)
والرئيس السابق لفرقة شتات المسرحية التي شتت بها ولحقها (غنم زهرة)..
يازوووول هووي انا من حقي تماما ان اقول ما شئت من (الواي واي) لكن انت عارف يا ريس يا سابق
افكها في روحي دي كثيرة شوية..شايفني متصور بسيجارة كوبية ولا بس لي بدلة وعامل فيها مفكر اسفيري
..نشوفك يا صديق في وار وار وعشان (وار وار ده) واللنقي انا مسامحك يا ضخية ..يلا فررررتق
| |
|
|
|
|
|
|
|
|
|
Re: الدرابزين..!! (Re: سارة حمزة)
|
Quote: زي ما بيقولو اهلنا الخوجات
Welcome back Home
Sweet HOme |
الف سلام وسلام للاخت الرائعة سارة
والخواجات يا سارة كلامهم ما بقع الوطة
ففعلا هذا البيت ملي بالدهشة والناس الرائعة
وحتما سوف نبقي يا سارة حتي نتعلم منكم الكثير
والف شكر وتحية
| |
|
|
|
|
|
|
|
|
|
Re: الدرابزين..!! (Re: Bannaga ELias)
|
| Quote: كرومة يا حنين يا بكاي والله ليك وحشة و(جييتن جيت) أنا عارف يا أبن أمي في الكم يوم ديل لسان حالك كان يقول ياناس المنبر حبكم شوكة في القلب توجعني وأعبدها. |
سلام يا اخي بانقا
ووجود معلمين كبار رائعين امثالك يحبب الينا هذا المكان ويجعلنا نحبه تماما ولا نطيق البعاد عنه ابدا ولك الف تحية
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
كيكى
تراك ازعجتنا
رفقا بوقت اعضاء المنبر فمعظم الاعضاء به مواطنو العالم الاول
يلجاون الى المنبر باقتطاع سويعات من وقتهم الثمين (بس ماكلهم) ليتذكروا سودانهم
فاذا بهم يجدوك انت واخرين قد اغرقتم المنبر ببوستات غيابكم وحضوركم
بعدين ياخ صورتك ياها زاتها الا الجضيمات عشان ماتقوم تصدق انه الشين ممكن one day يبقى سمح
ولما ترد على كلامى دة خليك عامل حسابك لانه وصلنى دعم معلوماتى من التاريخى ودالبدوى
عن حادثة ابطالها انت وطه النور فاى رد غير مريح عواقبه سوف تكون نشر تلك الحادثة
فى هذا المكان
| |
|
|
|
|
|
|
|
|
|
Re: الدرابزين..!! (Re: ضحيه ابراهيم)
|
رجعنالك
عشان ناحت سواقينا وبكت شتلتات قمحنا
رجعنالك عشان اسكت جرحنا انت جارح قلبو
بجراحاتنا نحن
عاد الجمال لبلادي
والجمال والحب في بلادي
بلادي بلادي
| |
|
|
|
|
|
|
|
|
|
Re: الدرابزين..!! (Re: احمد التجانى احمد)
|
Quote: ولما ترد على كلامى دة خليك عامل حسابك لانه وصلنى دعم معلوماتى من التاريخى ودالبدوى
عن حادثة ابطالها انت وطه النور فاى رد غير مريح عواقبه سوف تكون نشر تلك الحادثة
فى هذا المكان |
مرحب بالوريف احمد تجاني ابو صلعة..
ياخ بصراحة اولا ضحكتني وثانية خوفتني وثالثا هرشتني وذلك لورود اسم اثنين من كبار المجارمة
في مداخلتك البلطجي طه النور والتاريخي ود البدوي(وين الزول ده ياخي)
واي قصة بطلها طه بالاشتراك مع كيكي الخبراء لا ينصحون بسردها في هذا المنبر....
وانا كنت يا احمد تجاني ناوي ارد ليك رد غير (مريح) لكن تضامنا مع ولدك السمح ده البشبه (عمو كيكي) لن نرد علي الوريف احمد تجاني الا بالزهور والورود وممكن القليل من الرياحين وشوية
موغل وحبتين جمال ودهشة.....
وياخي ماتخلينا نتونس مع الاخوان والاخوات شوية..علي حافة الرجوع والعودة يا ابي صلعة
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
حمد لله على سلامة العودة لموقعك سالماً .
كتبت:
| Quote: وها نحن نعود اليكم ايها الاحبة |
تعلاف عشان تسكت معتز القريش ، و إنك ما كنت منتظر تحنيس
أنا بشهد إنّك عملتها ظاهرة ، و سحبت رقم تلفونك من البروفايل.
كلفتنى يا كيكى مكالمتين ، بحثاً عن رقمك ، دون جدوى..
حبابك عشرة من تانى و مقامك زين ، قنب طولا
كل الوّد
| |
|
|
|
|
|
|
|
|
|
Re: الدرابزين..!! (Re: معتز القريش)
|
الجميل كيكي
| Quote: يازول انت متاكد الزول ده كيكي الشين (علي قولة صديقي عمار يس) |
أنا كلامي خلو ، أهه رايكم شنو في الصورة دي :
المكان : مدرسة النيل الأبيض الثانوية
الزمان : مارس 1985 ، قبل إمتحان الرياضيات الإضافية
الجالسون من اليمين : عمار يس النور ، عبد الكريم الأمين(كيكي)، عم جون (سائق باص المدرسة) ، الأخ عاصم الأزهري (الوحش)
الواقف: المرحوم علي عبد السلام (إبن عمي)
بعدين كيكي الشين دي مقولة صديقك عثمان الطيب الريح و كان دائما بيحلم بينكم وليد زكريا
همسة:
شين لكن و الله برضو بنحبك
تحياتي
عمار يس النور
عاشق بخت الرضا
| |
|
|
|
|
|
|
|
|
|
Re: الدرابزين..!! (Re: عبدالرحمن عزّاز)
|
Quote: تعلاف عشان تسكت معتز القريش ، و إنك ما كنت منتظر تحنيس
أنا بشهد إنّك عملتها ظاهرة ، و سحبت رقم تلفونك من البروفايل.
كلفتنى يا كيكى مكالمتين ، بحثاً عن رقمك ، دون جدوى..
حبابك عشرة من تانى و مقامك زين ، قنب طولا |
اخي الغالي عبدالرحمن عزاز
حبابك الف ايها الصديق الراقي..وتصدقني القول انني كنت قد لملممت كل اشيائي وقررت الرحيل
ولكن والحق يقال صعب الابتعاد عن هذا المكان الذي يجمعنا سويا ويعطينا اخوة بقاماتكم العالية
وروحك السودانية الخالصة..وواتمني ان نتواصل وستجد رقمي بالماسنجر الداخلي باذن الله..
| |
|
|
|
|
|
|
|
|
|
Re: الدرابزين..!! (Re: عبدالرحمن عزّاز)
|
Quote: تعلاف عشان تسكت معتز القريش ، و إنك ما كنت منتظر تحنيس
أنا بشهد إنّك عملتها ظاهرة ، و سحبت رقم تلفونك من البروفايل.
كلفتنى يا كيكى مكالمتين ، بحثاً عن رقمك ، دون جدوى..
حبابك عشرة من تانى و مقامك زين ، قنب طولا |
اخي الغالي عبدالرحمن عزاز
حبابك الف ايها الصديق الراقي..وتصدقني القول انني كنت قد لملممت كل اشيائي وقررت الرحيل
ولكن والحق يقال صعب الابتعاد عن هذا المكان الذي يجمعنا سويا ويعطينا اخوة بقاماتكم العالية
وروحك السودانية الخالصة..وواتمني ان نتواصل وستجد رقمي بالماسنجر الداخلي باذن الله..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
ياسلام ياعمار يس ياخييي
(رحم الله اخي وصديقي علي عبدالسلام)....
صورة تبث اشياء عديدة في الخاطر وذكري ايام بعيدة واصدقاء بقامة روعة مدينة الدويم
......
وفعلا يا عمار الشنة حاصلة وبالكوم بالذات في الاتجاه الشمال من الصورة (مكوع ) عديل كده
من شنات عمار وكيكي...
ولكن يا عمار الواحد صار مثل النيسان كل ما السنين تمشي الوجاهة والوسامة تظهر وعقبالك يا صديقي
وعقبال عثمان الطيب الريح اشنة من مشي علي ارض الدويم..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Quote: ما ينفع ابدا
تاخد راحة وترجع تاني
وإلا
ح نفرتقا |
صديقي الفنان مهلب القريش
جيناك يا صديق وبلاش نفرتقها يا مهلب مادام بتلمنا بناس رائعين زيك كده
واظهر يازول لابد شديد في الدوحة دي..
....
....
Muna Khugali
اختي الشاهقة والعالية الترتيب مني خوجلي..
تخيلي كنت عاوز اجيب صورتك القديمة وكانت ستزين هذا البوست
لكن لقيت صورة (قردة) عامل احمر شفايف مطنبج البلد كلها(لييييه يامني الحاصل شنو)
نرجع تاني يا جماعة ولا شنو...
...
....
سارة حمزة
هذا الدبدوب الوديع صار علامة مميزة وماركة للكثير من الطيبة
والروح السودانية الامدرمانية الاصيلة
ودوما حضورك هو الطاغي الكبر
..وسنعود يا سارة وتعلمياتك اوامر..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Quote: ما ينفع ابدا
تاخد راحة وترجع تاني
وإلا
ح نفرتقا |
صديقي الفنان مهلب القريش
جيناك يا صديق وبلاش نفرتقها يا مهلب مادام بتلمنا بناس رائعين زيك كده
واظهر يازول لابد شديد في الدوحة دي..
....
....
Muna Khugali
اختي الشاهقة والعالية الترتيب مني خوجلي..
تخيلي كنت عاوز اجيب صورتك القديمة وكانت ستزين هذا البوست
لكن لقيت صورة (قردة) عامل احمر شفايف مطنبج البلد كلها(لييييه يامني الحاصل شنو)
نرجع تاني يا جماعة ولا شنو...
...
....
سارة حمزة
هذا الدبدوب الوديع صار علامة مميزة وماركة للكثير من الطيبة
والروح السودانية الامدرمانية الاصيلة
ودوما حضورك هو الطاغي الكبر
..وسنعود يا سارة وتعلمياتك اوامر..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
الحبايب..
عبد المنعم سليمان..حبيب البي
معتز القريش..يا معتز انا السكر الاصل ما زعلني تزعلني الصورة..
Faisal Al Zubeir
صديقي الجميل والرجل الملي بالطيبة والروح الجميلة
..
celecon
سيلكون الزول الجميل...نفيسة دائما يا سيلكون داخل كل الكفاوي..
...
النصرى أمين
كل الشكر اخي النصري امين ودائما الاخوان عادل وكمال سالم الناس الرايعة بطروك بكل خير ومحبة
..
معاوية كرفس كل الحب والف شكر وتحية .
..بدرالدين الامير..كل الشكر يا متنهد علي التنهد..
| |
|
|
|
|
|
|
|
|
|
Re: الدرابزين..!! (Re: Tragie Mustafa)
|
Quote: منورنا يا كيكي
شكرا لعودتك محبتي وتقديري.
تراجي. |
مرحبا صديقتي تراجي
والف شكر يا تراجي علي كلماتك الراقية والاخوية في حقي
فانت من الذين يحببون الينا مثل هذا المكان ..والف تحية يا تراجي..
| |
|
|
|
|
|
|
|
|
|
Re: الدرابزين..!! (Re: نجوان)
|
سلامات
وعوافي
والله الخسارة الاستراتيجية الاتعرضتا ليها انا من عودتك ياكيكي تدفعني "لعض اصابعي غيظا" كوني تعشمت في خلق ارضيات جديدة لشخصنا الضعيف في براحات المنبر الممراحة..غير اني الان "في قلب الخيبة" متحسرا علي امنياتي التي "دفقت مويتا علي الرهاب" فيوم توقفك عن الكتابة راودني حلما "من الاحلام التي تعلمها ياصديقي الثقيل" مفاد الحلم ان البساط الذي توسدته خطواتك والافئدة التي شغلها حبك قد تحولت جميعها صوب "قلبنا العامر" وكل الحسان الباهيات الزاهيات يتراشقنا حولي "كما الفراش حول الزهور" وان اصدقائك الحامضين" امثال خليل وعبدالمنعم وودالامير" اضحوا ينشدون "جواري" وتقربون الي زلفا غير اني ما عبأت خاطرهم الا بالانكسار "كونهم في وجودك لم يرتلون ايات الولاء والطاعة والمحبة..
واخر العصافير التي اتمني صدحها في روابي المكان طلقت "فرع باني" وهربت نحو "مسكيتك" ...
ماذا عساي ان اقول .. ان الحمد لله علي ما اراد الله ..
ودرملية متحسرا علي عودتك .. عودتك التي جرعتني "كاس الهزيمة المر" ..
Quote: الدرابزين دهب..
والعتبة قزاز..
والسلم نايلو فـ نايلو |
يانجوان حرم الفيك اتعرفت معقولة كيكي درابزينو دهب وعتبتو قزاز ..دي بالغتي فيها ..
يعني بوستك بتاع مهرجان دبي نتكتب فيها عن "لغة الجسد" الرقص في ابهي معانيه تشختي لينا فيهو وتجي تكتبي لي كيكي درابزين دهب .. دي مابغفرا ليك ياحبة .. وبختها ليك ..
ودرملية "وش مصرور داير يقع من الحرقة"
| |
|
|
|
|
|
|
|
|
|
Re: الدرابزين..!! (Re: ودرملية)
|
ودرملية متحسرا علي عودتك .. عودتك التي جرعتني "كاس الهزيمة المر" ..
اوووووه صديقي اللدود ورائد فن الغناء في زمن الغفلة الاسفيرية ودرملية..
امشي وين يا ودرملية واخليك تبرطع في الاسافير وتبوظ اذن المستمع السوداني صاحب الحس الفني الرفيع
بمثل(سهر الجداد) ذلكم الشريط الكارثة..
وشيل شيلتك في اطار العودة عدنا بخطط جديدة من اجل كشف الفن المزيف ممثلا في عبدالرحيم ودرملية
واخرون..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
شكرا
صديق عمر..الجاري معنا جنزير من السعودية والبحرين
الخال صديق الموج..فعلا يا خال جبت الزيادة وجيت وعضاني(كلب الزيادة)
المبدع احمد عجوز وجود امثالك هنا الناثرين للفن الجميل يغري الانسان تماما بالعودة
الدكتور مصطفي محمود الف شكر ايها البطل وكثر الله من امثالك..
الدكتور طارق جبريل تقبل الله العزاء وانا لله وانا اليه راجعون
اخي وصديقي حيدر لك كل الود والاحترام..وانت من الذين يجلعوني فخورا بالجلوس معهم علي باحة هذا المكان..
الجيلي احمد صديقي الكلس ولا زلت منتظرا لتلفون عمر الحبر صديقي الاسطوري
هاشم نوريت..وها انا اعود يا صديقي وما باليد حيلة
صديقي عبدالمنعم الحاج..سكر تاني (اووووف) ..لكن ممكن الواحد يصقع مع صحبك منعم(ج)
ياسر طيفور..وينك يا وريف حضرنا ولم نجدكم يا سعادتك.(وحق النيفة حيصلك صرة في خيط ما تشيل حالي ياخي..
osly2...اجمل الجميلين في هذا المنبر وقوة جاذبية وروح بقامة رهيبة..
أبو ساندرا..صديقي وعمي وجدي وقائد ميداننا انت تامر يا لورد
Dina Faisal...الف سلام يا ودالنمير وكل ايادي الصداقة ممتددة بلا قوقلة فانتي مساحة كبيرة
وانا مساح صغير ..كل الود
النذير حجازي,,الف تحية وان الاوان يا صديقي لترك كل الاشياء والتحدث عن (نظم المعلومات الجغرافية)
ودعونا نتعلم من وجودكم الراقي هنا
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
سؤال مشترك أو المشترك هو السؤال ودرملية كيكى
ود رملية عاد بصورته القديمة متأبط العود بالصورة او الصورة مع العود
وكيكى عاد بصورة له الاول مرة فى البورفايل والمشترك بين الصورة والتصورات
هو سؤال اين اخذت تلك الصور من مبتدعها والبدعة ضلالة وكل ضلالة فى نار المبتدع
والنار نار والكفارة هى نارنا نحن ومزيدا من الصور عشان نغنى صورتك الخايف عليها
نحن بنخاف منها
تنهدات: يكفى ام نفتو بباقى صور كما يا ميم وكاف
التوقع : الظلامى سابقا والمكفراتى حديثا صورة من غير تصويت
م ك ص
| |
|
|
|
|
|
|
|
|
|
Re: الدرابزين..!! (Re: بدر الدين الأمير)
|
بدرالدين المتنهد ابن المستكفي
الصورة هدية صديقي (كشمشة) الظلاميين الدنجوان الثلاثي الابادة
معتز قريش ..
وانتو من زمان شابكننا بدل وسيجار كوبي .ياهو احنا جبنا بدلة من سوق الاخوان
والظلامي في (حمي تصويره) الموقتة قطع فينا فلاش ..
...
تنهيدة: المرة الجاية حي اتصور بسيجار ة كولمبي لزوم (الون مان شو)..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Quote: كيكى
عبد الكريم
الكاتب
المعروف
والمقروء
والمحسود
وصاحب
خليل
ومهندس المساحة الخليجية
والسودانى الدغرى
السودانى الصميم
نحن
نحبك
ونفتقد كمبو الرى وسوفيت
ونفتقد حكاوى العربان وغيرهم
كما تعلم
هنالك متسلقون
يريدون الحظوة فى الرياض
وفى المنشية وفى السلطة وفى السوق
يسوءهم ان يكون هناك كيكى
وخليل
وبشاشا
وتراجى
ودينق
وملاسى!!!
ولا شنو؟ |
ياسلام والف شكر وتحية للصديق العالي الجمال عادل عثمان
وهذه الكلمات ياعادل انا فخور بها واتمني ان انالها ذات يوم
ولك مني كل التحية
....
وطبعا ملاسي مع المجموعة دي (تاكسي ما اظن يركبو معاها) لانو حيكون متراجف طول المشوار
كمرجف تاريخي ورائد السمات الطفابيعية الاسفيرية الحديثة
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Quote: أولا
كيكى ما بوزعوا ليه شربات
اسع شفت ليك شربات فى عبّار
ثانيا
اهلا بعودتك انت ... |
مرحب مديري ورئيسنا معتصم
ويا (بوس) كدي خلينا من العبارات والكلام الشين ده
حاول بالله وزع لدينا من (البنكوت) اعلاه ..ياهو ده الخلانا نقطع لينا بحر
ونتغرب..
ووزع ياخييي وشتت ليناالفكة دي
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
ازابيل حلبي
كيكي" دا كلام امرأة اسمعا]"
لكلام ازابيل حلبي نسمعا...فهو
فيضا من اوتار الرحباني وصدي فيروز
وصوتا من لبنان ارض الجمال والوهج
وفي حضرة ازابيل حلبي نرتل الاناشيد القديمة
ونرسل قلوبنا اليها كل يوم لكي تعانق الكنائس القديمة
ونشدو مع مارسيل علي وتر الصداقة والاخاء والمحبة وروح القدس التي تسربلت بها
رائعتنا ازابيل حلبي ففاض بها هذا المكان ووجب علينا البقاء في حضرة بهاء (ازابيل حلبي الطاغي)[/BROWN]
..........................................................
تماضر الخنساء حمزة..
]عبد الكريم ..
عاوز تشوف رصيدك من الجنس الآخر مش ؟؟أوقع..
]ود حمزة
تماضر الرائعة حقا
انا رصيدي ممهمور بتوقيعك انتي ايتها الشاعرة الراقية
فاذن انه الخلود والبهاء
وانا ذاتي اوقع وابصم بالعشرة
والف تحية وتحية
..........................................
رندا حاتم الزعيمة التاريخية
انت من يعلمنا فن البقاء بينكم هنا والف شكر
وداعا..سودانيز اون لاين..!!
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
عبدالمنعم سليمان صديقي وحبيب البي..
| Quote: كيكي وحات نفوس ترجع |
هويا منعم غير نفوس وقروشة ديل الكرهنا الاسافير دي شنو
| Quote: كيكي المساح امسحا لودالنمير المساح في وشو ذاتووو |
هو انا يا منعم لامي في ود النمير ده وين لحدي ما امسح ليهو المداخلة في كي بوردو
ما بجي مرات مرات ولمن يجي بتكتب ومسح كتابتو طوالي..
.........
ادريس البدري
الف تحية وسلام وانت تامر يا ادريس يا صديقي
وجود الطيبين النبلاء من امثالك يغرينا تماما بالبقاء
...........
فيصل عباس
ايها المرجف التاريخي وصديق الكارثة معاوية داوود
وانا اكسح وين يا فيصل عشان اخليك تبرطع وتفكها في ناس المنبر المساكين ديل
........
ضحية ابراهيم
كذب المرجفون وان صدقوا..سلام يا ضخية (وار وار)
.......
محمد زمراوي عبدالعزيز
الصورة في قعدة السكر ديك (صورة) ومافي حاجة الخوف في (الاصل)
وناس قريش ديل ما مضمونين يااخوي..قلنا نكسح قبل ما يجيبونا بنسوي حاجات تاني
حامياني..
الف شكر وسلام يا محمد
...............
خليل
شكرا وشكر لود تميك وكاويك وكرجول و شكرا لحسن ماكرتا التاريخي الاصيل
.........
وليد 500
500 في 2 مرحب وشكرا يا وليد
واشكر كلماتك الرقيقة في حقي
وسنبقي يا وليد من اجل وطن يجمع الجميع ..
والف تحية...(رايك شنو يا وليد اعزمك (نونق في سوق رجال مافي في جوبا)
......
اوووووو
تبلدينا صحبي
والزول اللابد لي في زقاق اسفيري ضيق
اجمل شي يا صالح انو الواحد يكون لابد لزول وزول لابد ليهو
فشيل شيلتك انت والمرجف فيصل نوبي ومعاكم دينا فيصل
والاخطبوط الاسفيري حسين ملاسي
..تاني ضرب ركب
حجازكم ياخدفي راسو..
.................................
مهند مامون...
سلام
وياريت يرجعوك يا مهند ونسمع منك ما تبقي من الحقيقة
والف شكر علي المناشدة
وها انا اناشد ايضا بالعودة ومعك ما تبقي من الحقيقة في امر الشاعر او ذر الغفاري
..............
متولي مالك
صديق بقامة عالية ويمنحنا شوقا عاليا للطيران الي سهول (فرجيننا) ومعانقتك
ايها الزول الطاعم البسيط صاحب الوجدان الطيب وفردة زي نار المنقد
..تتمني وتحلم ان يكون زميلك في تربيزة وست هو متولي مالك..
الف شكر يا نبيل وانت صديقي الجميل
.............
ماجدة عوض خوجلي
صاحبة الخيال وكاتبتي الاولي علي ارض هذا الاسفير في بوستها الشهير الذي جررنا منه
سلك عالي الفولت ليشحننا بجرعات الحديث عن التصوف وسمو الروح وطيب الكلام
..سيم سيم يا ماجدة وبالكربون نبادلك كل المحبة والاخاء
..................
وداعا..سودانيز اون لاين..!!
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Eng. Mohammed al sayed
الف تحية وشكر وكلي اسف يا صديقي المهندس محمد
وتاكد تماما ان البساط (احمدي) واكثر من احمدي كمان
ونحن نتقبل بكل روح طيبة لطافة الاخوان والمرح ...........
واشكرك فيك هذه الروح الاخوية الطيبة ومنتظرنك هنا في بوست القعدة(رغم اني بطلت السكر الاسفيري
لكن بجي بتاوق حبة حبة بعد مرات)... والف سلام يا يا باش..
......................
شوشتا دوما صديقي الرائع صاحب القلم السنين..هنا....وهناااااك
...............
متولي مالك ..كل الحب يا فردة
....
منعم نفيسة الف سلام..
..........
مرحب ابوشيبة
رائد الاعلام السوداني بالدوحة و صاحب القلب الطيب
والف شكر يا ابو شيبة(وتجي تشد لكيكي صحبك حلة كوارع بمناسبة الرجوع)
..........
احمد عبدالله (البنج الكبير)
انا كنت ماشي لكن سيرة ابو2 دي منها جفلة يا اخوي
واحنا ناس صغار ولسع ما كملنا قرايتنا يلم فينا ابو 2 ده
يخلي خشمنا ملح ملح...
شكرا يا ابوحميد
وبفصاحتك دي مصيرك ابو2 يلم فيك يخلي ريحتك 0(طير طير)
...........
الف شكر صديقي يوسف السماني الزول السمح
والف تحية علي كلامك الطيب
وها نحن نعود يا صديقي يوسف لنعمل معا
من اجل اشياء عديدة تلهمنا وطنا بقامة عالية..
.......................
صديقي مامون محمد احمد
الرجل الراقي العالي التهذيب
كل التحية ومستحيل نزعلك يا مامون يا صديقي
تحياتي للاسرة ولصديقي صلاح فالولة..
................
بدرالدين الامير
الامير الما كوشي والزول الشرط
سلام وتحية وادينا نفس ياخي من الكوبي ده
,,,,,,,,,,
احمد المعتصم
الف شكر وسلام
وكل تحية علي استقبالك وراقي كلامتك وها قد عدنا
...............
اشرف الحلبي
شكرا يا اشرف
ونحمد الله ان اهلنا واصدقائنا الحلب بخير
وليسهم جميعا مثل (ملاسي) ففهم الجميلين الحلويين مثل اشرف الحلبي(وش عندو فكرة يبقي حلبي)
....................
الف تحية اخي العزيز عبدالفتاح محمد
وكل شكر علي كلامك الرقيق
وها انا اعود اليكم ايها الاصدقاء الخلص..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Eng. Mohammed al sayed
الف تحية وشكر وكلي اسف يا صديقي المهندس محمد
وتاكد تماما ان البساط (احمدي) واكثر من احمدي كمان
ونحن نتقبل بكل روح طيبة لطافة الاخوان والمرح ...........
واشكرك فيك هذه الروح الاخوية الطيبة ومنتظرنك هنا في بوست القعدة(رغم اني بطلت السكر الاسفيري
لكن بجي بتاوق حبة حبة بعد مرات)... والف سلام يا يا باش..
......................
شوشتا دوما صديقي الرائع صاحب القلم السنين..هنا....وهناااااك
...............
متولي مالك ..كل الحب يا فردة
....
منعم نفيسة الف سلام..
..........
مرحب ابوشيبة
رائد الاعلام السوداني بالدوحة و صاحب القلب الطيب
والف شكر يا ابو شيبة(وتجي تشد لكيكي صحبك حلة كوارع بمناسبة الرجوع)
..........
احمد عبدالله (البنج الكبير)
انا كنت ماشي لكن سيرة ابو2 دي منها جفلة يا اخوي
واحنا ناس صغار ولسع ما كملنا قرايتنا يلم فينا ابو 2 ده
يخلي خشمنا ملح ملح...
شكرا يا ابوحميد
وبفصاحتك دي مصيرك ابو2 يلم فيك يخلي ريحتك 0(طير طير)
...........
الف شكر صديقي يوسف السماني الزول السمح
والف تحية علي كلامك الطيب
وها نحن نعود يا صديقي يوسف لنعمل معا
من اجل اشياء عديدة تلهمنا وطنا بقامة عالية..
.......................
صديقي مامون محمد احمد
الرجل الراقي العالي التهذيب
كل التحية ومستحيل نزعلك يا مامون يا صديقي
تحياتي للاسرة ولصديقي صلاح فالولة..
................
بدرالدين الامير
الامير الما كوشي والزول الشرط
سلام وتحية وادينا نفس ياخي من الكوبي ده
,,,,,,,,,,
احمد المعتصم
الف شكر وسلام
وكل تحية علي استقبالك وراقي كلامتك وها قد عدنا
...............
اشرف الحلبي
شكرا يا اشرف
ونحمد الله ان اهلنا واصدقائنا الحلب بخير
وليسهم جميعا مثل (ملاسي) ففهم الجميلين الحلويين مثل اشرف الحلبي(وش عندو فكرة يبقي حلبي)
....................
الف تحية اخي العزيز عبدالفتاح محمد
وكل شكر علي كلامك الرقيق
وها انا اعود اليكم ايها الاصدقاء الخلص..
| |
|
|
|
|
|
|
|
|
|
Re: الدرابزين..!! (Re: عبدالكريم الامين احمد)
|
Quote: حاول بالله وزع لدينا من (البنكوت) اعلاه ..ياهو ده الخلانا نقطع لينا بحر
ونتغرب..
ووزع ياخييي وشتت ليناالفكة دي |
كيكى
الجنية دا أبو حمل
لو لاحظت
ما لكل الناس ..
وهو حلم بعودة القيمة للأشياء ...
| |
|
|
|
|
|
|
|
|
|
Re: الدرابزين..!! (Re: معتصم الطاهر)
|
Quote: كم إشتاقك أيها النبيل
مادينق ودا مينيل
فقد فتحت عيني وأذني على غناء جميل |
مرحب يا معتصم
وفعلا الجنية ابوجمل دلالة لاشياء قيمة اهمها الديمقراطية
وعودة الاشياء الي رنينها الاصلي..
....
لكن برضو يا باش لو لقينا كمشة كمشتين من ابوجمل ده ما بناباهو
الظروف ممكن تتغير وينفعنا اوجمل ده..
| |
|
|
|
|
|
|
| |
عبدالكريم الامين احمد
معتز القريش
عبد المنعم سليمان
صلاح الأحمر
خالد الأيوبي
سلمى الشيخ سلامة
الجيلى أحمد
بدر الدين الأمير
ضحيه ابراهيم
Bannaga ELias
احمد التجانى احمد
khaleel
عبدالرحمن عزّاز
عمار يس النور
Tragie Mustafa
نجوان
ودرملية
معتصم الطاهر
فيس بوك
تويتر
انستقرام
يوتيوب
بنتيريست