نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
الوو..!!
|
الو..!! فجاة رن الموبايل بتاعي وبصراحة يا جماعة وبدون فخفخة كده موبايلي سمح وعاجبني ونوكيا من النوع البشهيك روحك وامكانياته ومقدراته عالية تسجيل صوت وصورة موبايل (حمرة وحلا) فيهو كل شي ما فضل الا يكون فيهو (تركيب عطور),,,, الو .... الو مع وقت الاصيل عند بدايات المساء ساعة الزول بكون مستحمي ونضيف ووجدانه نضيف ويادوبك مستعد يسمع لغناوي وردي وزيدان واستير اويكي المغنية الاثيوبية...وفي الساعة ديك فجاة رن التلفون...وسمعت صوت بيقول الو... وطاخخخخخ تلفوني وقع وادشدش حتة حتة..وكل جزء طار في اتجاه وتفاعلت اجزائه واصطدمت بالسراميك بتاع البيت تفاعل عنيف يذكرك الماكوك بتاع الخواجات الوقع داك.... صوت عجيب..!! ورهيف وشفيف وتونه قبل كده كلو كلو ما جاء بجنب اضاني دي..!! قالت الو,,,,بس..!! والموبايل وقع اتكسرت زي ده لو واصل كان الله يسترني ساااكت كنت ح اتفكك حتة حتة وابقي (صواميل)... هذا الصوت مطلوب القبض عليه ولازم الانتربول يتعامل معي وبقبض لي الصوت ده..!! لانو بصراحة موبايلي ماهين والصوت ذاتتتتتو ماهين..ويطرشني قبل كده..!!! انا ياجماعة الخير سمعت اصوات كثثثير _ ليلي المغربي وفيروز وسمعت حتي سميرة دنيا وسمعت اصوات طيور واسراب عصافير محلية راحلة ساعة الغروب لكن بصراحة كده زي الصوت الكسر تلفوني ده كلو كلو ما سمعتوا.....ده ياخي لمن قالت الووو انا شفت زهور وانهار من الورد وسمعت موسيقي وشفت كيلوباترا وبلقيس وشفت الهدهد الشاف بلقيس ذاتتو.....وخلاني اتكبكب واتراجف واوقع موبابيلي واكسر والحقوا ا امهات طه....فعشان كده ساعدوني يا جماعة القي القبض علي الصوت الكسر موبايلي مش عشان اغرموا.... لالا... عشان اسمعو ا تاني وتاني....وثالث كمان..!!![/brown]
|
|
|
|
|
|
|
|
Re: الوو..!! (Re: Ahmed Abdallah)
|
Quote: خلي البكاء و تعال انا قاعد في الفندق بلا نوكيا بلا بطيخ معاك ...... |
عالم ما عندها (خوة) ولارحمة اقول ليك موبايلي ادشدش حتة حتة تقول لي يا (احمد عبدالله) بطيخ .. مشيت ليك في البوست بهناك وحاضرين من اجل سودانيز اون لاين وبالله منتظرنك وعشان الموبايل (اتكسر) اضرب (999) الطواري لاني معلن حالة طوالي حدادا علي موبايلي الذي ذهب مع الالو العجيبة دي..
| |
|
|
|
|
|
|
Re: الوو..!! (Re: Ahmed Abdallah)
|
احمدك يا الله انشاء الله يتفرطق حته حته ويلحق غنم زهرة الموبايل الما بيرن لينا نحنا ده بس اى والله عجبنى وسر بالى والليلة منعم مافاضى ليك منعم هو ماعامل زى غنم الاشلاق هسى تلقى قاعد فى محل الزخيرة الانفجرت دى وفاتح خشموا ولازى كرشوا وبيتفرج التقول هو مراسل الجزيره.
انت اقعد اتكبكب لى من اى صوت يجيك وتعمل فيها جرسه وهيلمانه.. خلى يتكسر قروش البترول دى نحنا لا قاعدين نشوف منها لا صدقه لا زكاة يا خى نحنا ما بنطبق علينا ذوو القربى ولا شوف لينا اى بند ياخ مالو مش ممكن؟
اقول ليك امش السد شوف ليك واحد مستعمل كده ومشى حالك اما عن الصوت الناعم فانا الوحيد العارف السر وعارف صاحب الصوت بكل رناته وسماته وابعاده الموسيقيه والصولفيجيه..
| |
|
|
|
|
|
|
Re: الوو..!! (Re: ضحيه ابراهيم)
|
Quote: والله عجبنى وسر بالى |
لييه كده يا ضخية لييه وود ابوك متمحن (زي صورتك ) الغادينا بيها دي ياخ خليك عندك زوق واعملوا (حملة) تفتيش للصوت ده انت وصحبك السني وكل افراد شتات المسرحية وجيبوا (صوت وموبايل لصحبكم المسكين)... وبعدين منعم انا مشاكلو وما دايرو يفتش لي الصوت لكن ممكن يكلم لينا شيخ حسن يدينا من موبيلات (الشعب السوداني) الداسيها دي
| |
|
|
|
|
|
|
Re: الوو..!! (Re: عبد المنعم سليمان)
|
Quote: الله يبعد معتز قريش ودعواته لتعدد الزوجات .. يا رب
وربنا يحفظ اخوناكيكي |
دي قدرتك يا منعم يا صديقي وانا حالتي بقت بالبلاء وقصتي بايظة الظاهر عليك اتاثرت بالوقفة مع ابو الشيوخ) عشان كده شابكنا دعوات عايز تغطس حجرنا معاك.. يا زول هووي انت زول (اتصورت مع الترابي) ممنوع منع بات تفتش معاي (الصوت ده) صوتي بفتشو برااااااي..
| |
|
|
|
|
|
|
Re: الوو..!! (Re: رشا سالم)
|
Quote: بالله شوووووووف..!
وانا قايلاك قفلت الخط في وشي..!
لو كدا مسامحاك |
سلام يا دكتورة وغايتو لو طلعتي دي انتي تكوني اتلومتي معاي لوم شديد.. وعموما الادلة الجنائية حتجيب الخبر وخاصة انو انا افاداتي انوالصوت ده (دكتوري) وليموني اللون غايتو لو صوتك طلع (ليموني) شيلي شيلتك معاي..(تغرمي الموبايل طوالي)
| |
|
|
|
|
|
|
Re: الوو..!! (Re: عبدالكريم الامين احمد)
|
كيكى انت عارف ليه موبايل ادشدش
لانى خليت شغلى وواقف فى عفراء سعتين (مرة الكهرباء قطعت _ ومرة نعمل تحديث للبرنامج)
واقول دا شنو يا كيكى ويا ولد الشيخ الترابى
على العموم دا حقى ...
والجاتك فى مالك سامحتك ...
| |
|
|
|
|
|
|
Re: الوو..!! (Re: عاصم ابوبكر حامد)
|
Quote: لانى خليت شغلى وواقف فى عفراء سعتين (مرة الكهرباء قطعت _ ومرة نعمل تحديث للبرنامج)
واقول دا شنو يا كيكى ويا ولد الشيخ الترابى
على العموم دا حقى ... |
سلام ياعاصم والف حبابك يازوللل شنو انت(بقيت زول عجيب وغريب) تبقيني ولد شيخ حسن انت يا عاصم قايلني زي صحبك (منعم) الترابي ده انا في موتمر حوار الاديان ما اتصور معاهو
| |
|
|
|
|
|
|
Re: الوو..!! (Re: عبدالكريم الامين احمد)
|
ما خذلتني و الله .. إتراهننا أنا و مستورة بت كوشيه .. قالت لي : كيكي تقيل , ما زي ناس جزر أمريكا اللاتينية و ناس سوق الناقة و طيارات الرش .. قلت ليها البيان بالعمل , لو ما فتح فيك بوست بعد أول ألووو يبقى أنا زول ظلنطحي ساكت .. مية دولار لمية دولار .. وافقت البت الكيشة و أدتك واحد صوت شنكحاوي طرمبيزي من أبو فتلة .. لحقتك السمحين .. عامل جوالك ( الكان ) غالي ده ..
المية دولار معاي , و عندك فيها خمسين ( و الجوكر بايظ ) .. إشتري نوكيا بنغالي و خليك جاهز للمكالمة الجاية .. يا ....
قال أستير قال .. بالله !!!؟؟؟
| |
|
|
|
|
|
|
Re: الوو..!! (Re: Emad Abdulla)
|
Quote: ما خذلتني و الله .. إتراهننا أنا و مستورة بت كوشيه .. |
هلا عمدة حبابك وحباب مستورة بت كوشية ست البنات لي حدهن واعمل ابو القاسم حاج حمد للمائة دولار ولكن اعمل نائم لانو الصوت ده (ما صوت مستورة) انا يا عمدة اصوات ناس (مستورة) وكلثوم وحواية والاصوات الجاية من رائحة الابرول والدهشة الصوتية المميزة ما بتغباني فانها اصوات (صديقة) ومن اول خمسة دقائق الواحد بيعرفها... لكن يا صديق الصوت بتاع امس ده صوت (غير) ده صوت جاي من بلاد(اصلو مامعروفة وين) ده صوت يا عمدة( لاسمعنا في الناس ولا في الريل)... ... وما عندك مشكلة يا عمدة لو الصوت (بين) ممكن نخليهو يديك (الو) شبال كده عشان تاااااامن ذاتتو
| |
|
|
|
|
|
|
Re: الوو..!! (Re: الشفيع عوض شوشتا)
|
Quote: معليش يا كيكي الساعة الان العاشرة و 52 مساءا بتوقيت الخرطوم |
سلام يا شوشتا صحبك ده بعد حادث الصورة الشهيرة لا يعتمد عليه كنحرير وخرماج بعد الساعات الاولي من انصاص الليالي .. كل البسوي منعم ده اشاعة ساكت
| |
|
|
|
|
|
|
Re: هاالوو..!! (Re: عبد المنعم سليمان)
|
اول شئ يا كيكي هي ماكانت الووووووو هي كانت هالووووو وبث
الغريب انك ما عرفتني يا أخي حرام عليك
اهداء اليها :
Your Voice Through the earphone your voice came A wonderful piece of a lovely music . It is very true that voice of yours , Very deep and so terrific .
It sounds like the breeze of wind .. In a lonely island at a magical site . Where the blue mixes with white .. Over the sheet of waves and water .. That extends to the end of sight .
And the happy cries of seagulls .. Tear the quietness of just two persons .. So extremely adoring each . Who are no ones but You and Me .. Lying together on the sandy beach .
This is your voice A sort of magic And a lovely piece of a lovely music
| |
|
|
|
|
|
|
Re: هاالوو..!! (Re: sudania2000)
|
Quote: It sounds like the breeze of wind .. |
سلام يا سودانية وتسلمي يا دكتورة علي الانجليزية العجيبة التخلع الواحد دي... وحضورة مفردة (WIND) تجعل الواحد يتحسر علي العنوان الافتراضي لهذا البوست الذي ذهب فيه الصوت العجيب مع الرياح..كنت متمني اسميهو.. KARIM IN THE WIND تيمنا مع الاغنية الشهيرة للمغني الانجليزي (جون التون) CANDLE IN THE WIND.... وبالله لو طلعتي دي انتي تاني ما تسوي كده عليك الله..
| |
|
|
|
|
|
|
Re: الوو..!! (Re: عبد المنعم سليمان)
|
Quote: رفقا بالباندوث يا كيكي |
مافي حاجة يا منعم (هلكت) الباند ودث وجابت (كثافته) الا شيئين 1-منعم سليمان 2-صورة منعم سليمان مع الشيخ الكبير (حسن الترابي) ياخي دي مش هلكت الباند ودث دي انا لو ما خايف (اللوم) اسحب السفير بتاعي عندك واعلن عليك حرب اسفيرية شاملة يا بتاع الصور الضاحكة مع الشيوخ.
| |
|
|
|
|
|
|
Re: الوو..!! (Re: ابوبكر الامين يوسف)
|
Quote: يكونو الفى بالى ولا النمرة غلط |
سلام يا بكوري والله لو طلع ياهم الفي بالك شيل شيلتك وجهز موبايل بديل طوالي.. انت البخليك تختهم في بالك شنو يا بكري (وش مكرمش)
| |
|
|
|
|
|
| |