|
|
 سيم..سيم..وبي الكربون ..!!ّ!!
|
يوم والرطوبة في بلاد الخليج البعيدة تفعل بنا الافاعيل
وانا اقف متكي علي عربة دبل قبين وفرها ذلك الكفيل
القاسي نظير خدماتي في مشروع الصرف الصحي
لذلك الحي المتعدد الجاليات..هنود..بتان والبتان للذين لا يعرفونهم
هم قبيلة البشتون ذوي الباس الشديد والتماسك الاسري الرهيب...
وانا اقف والعرق يتصبب بغزارة امطار استوائية....فجاة
وقفت عربة بداخلها (دريول) هندي...وامراتيت وثلاثة اطفال
يرتدون زي النساء في منطقة الخليج الاسود والنقاب المحكم الربط
ودار الحوار التالي........
انت زول ولا صومالي.......؟؟؟؟
سوداني..(وفي داخلي زعل واضح..فالصومالي اخو افريقي ولكن السوداني كنت افترض
بانه واضح المعاالم ويجب معرفته من ضربة البداية)....
كنت حديث عهد بالغربة ولازال بعض من الق السودان وقيم الشهامة
ومساعدة من يسال دون تردد لم تتاكل في داخلي ولم ينشاء وسواس تجاه الاخر
دون النظر الي جنسيته او ظرفه,,,,,,
ايوه انا سوداني....
طيب هل هذا المنزل للايجار..؟؟
.واشاروا لمنزل ليس بالبعيد من مكان عملي
وكنت اعلم بانه مالكه قد علق لافتة اختفت الان وافتكر ت انني ابان بحثي لاسكان
الفورمانات الجدد قد كتبت ذلك الرقم ولكن اين....لا ادري الان...!!!!
|
|
 
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
نعم لا ادري كان في داخلي صوت كثيف يحرضني علي مساعدة هذه الاسرة التي يبدو عليها ان مستواها المعيشي لايشبه مستوي اهل هذه البلدة المبحبحين فعربتهم التي اتوا بها كانت بكل اختصار مكعكعة والهندي السائق تبدو عليه الدبرس علها ناتجة من تاخر المرتبات.......
قلت...نعم ان هذا البيت للايجار وكان هنالك رقم للتلفون معلق امام الباب ..واذكر انني قد كتبته في احدي مفكراتي....!!!
قالت الامراة العجوز...اوكما كانت تبدو لي خلف نقابها الرهيب
خلاص يا زول
فتش التلفون وجيبوا الينا في منزل رقم 10 خلف المسجد......
كويس يا حاجة حاضرررررررررر....!!!!!!
قلتها كذلك ورن في خاطري الكثير من الحبوبات في السودان اللائي عندما تامرك بفعل شي...لامناص من تنفيذه فنحن قوما نوقر الكبير ونكن ود وحب خاص للحبوبة.....
نسيت الموضوع وطال الزمن وذات يوم وبينما انا افتش اوراقي القديمةوافرفرها ..فاذا بي اجدالتلفون الخاص بذلك اليبيت العجيب وياليتني لم اجده.... وتذكرت تلكم الا سرة صاحبة البيكب الدبل قبين والتي سالت عن منزل الايجار المفخخ......خطفت كراعي وكنق كنق ضربت الباب
وجدت السائق واعطيته التلفون مكتوب علي ورقة بيضاء......وذهبت....!!!!!! ونواصل
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
يوم والدنيا عز النهار وكان عندنا حاجة بجنن المهندس المقاول
وبطلع عينو كان عندنا inspection والمصيبة دي فيها تفتيش منكر ونكير
وكان الاستشاريين خواجات رطانة جد وعوجة لسان تخلع وانا كمهندس مقاول
مزرور زرة ترزي في يوم وقفة العيد.....فجاة اشوف ليك عربية بوليس
الما بتغباها عيوني وقفت ...ونزل منها شخصين في زي مدني عيونهم نار منقد بس..!!!
وين كريم السوداني...!!!
ايوه انا كريم السوداني...
تعال معانا الي نقطة امن الريان...!!
في شنو يا جماعة...!!!
وبلهجة فظة وقاسية نطق الشرطي (ماني داري تروح القسم معانا بس)...!!!
الليلة..!!! نطقتها سريع في سري وانا راكب في المقعد الخلفي لسيارة البوليس
فتذكرت عربة بوليسنا في السودان (كندورة) وشتان مابين كندورتنا وكندورتهم...!!
وايضا نشط خيالي وكالبرق طفت بخاطري سريعا في سيرتي في هذه البلدة ومن دخولي الاول
لها...
الاقامة عندي.!!!.مشاكل اها من ما جيت الواحد ما عمل ليهو شكلة...خرمونا للشكل ذاتتو..!!!
في شنو ياربي...!!!!!
وحاولت التحدث الي العسكري بجانبي حتي اعرف ما الامر فكان جادا حاسما وقاسيا ايضا....!!!
وبمجرد وصولنا الي نقطة البوليس وامام ضابط يبدو انه التحري صاحت كل النقطة....
هااااي السوداني الدشششة
تري انت دشيت
دشيت..!!!!! كنت قد التقطت هذه الكلمة منذ مدة قليلة وعرفت انها تعني دخلت..........
دششششيت وين يا جماعة.....؟؟؟؟؟؟
ونواصل.....
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
جوطة وجلبة ليها ضل قامت في نقطة البوليس والمخيف انو البواليس سمان خلاص.....حليل زمن البوليس البجك مع الصباح
ايوه تري انت دششششششششيت...!!!
دششششششيت وين ياجماعة..؟؟؟؟
انت متهم بجريمة السطو علي بناية تحت المادة كم كده ما عارف لكن شكلها كده مادة خطيرة ...!!!!
انت يا زول تلبت الليلة الساعة 9 في منزل اسرة في الحي الفلاني الفلاني.........بدافع السرقققققة
يا جماعة قولو كلام غير كده....متاكدين ده انت...!!!
وست البيت شافاتك وبتعرفك......!!!!
ونواصل
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
الراس كبر والافكار جاطت سريع في راسي الماكن ده....ياجماعة انا من الصباح من البيت وللشغل والفطور ذاتتو كان هواء لاني مزنوق
...واتذكرت اني يا دوب لي ستة شهور في البلد العجيبة دي ...وتاني اقبل وشي وين بعد الكم مليون الراحن في حق الاقامة والتذاكر ووداع الناس
الحار والفاتحين خشومهم راجيين الريال والدولار والثياب والساعات والبناء والعرس......وعيييييييييك افكار بالحركة السريعة ....ولم افق
الا علي صوت الشرطي الشرس الذي قال بصوت مخيف....هاي الحرمة جات...
جاءت مرة منقبة عيونها تشوفها بتلتلة وقالوا ..هاي الحرمة الانت دشيت بيتها....
تاني دششششششششششيت...يا جماعة قولوا حاجة تاني غير دشيت دي...!!!!
وجدت نفسي في طابور شخصية برفقة اربعة هنود...ما عارف جابوهم من وين.....!!!
المهم وقفت معاهم في الصف زي وزي اي متهم...خلاص قانونيا انا متهم بالسلب والنهب......!!!!!!
لم تتعرف علي هذه الحرمة جيدا ولكنها افادات امام التحري...........وقالت
ايوهههههههه ده نفس السوداني الوصف لينا البيت ........!!!!!
زززززززززززززززن راسي جاء وانا واقف زي الترتيب في الصف....!!
ايوا ديل الناس الانا وصفت ليهم البيت ............معقولةةةةةةةةةةة لكن....!!!!
ونواصل بعد الفاصل...
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
وفجاة اكتشفت انو الناس الفاتحين فيني بلاغ ياهم نفس الاسرة الجات وسالت عن بيت الايجار.....
نص الادعاء....يقول
جاء الينا هذا الزول متلبا عبر الحائط المجاور للمسجد وشرع في الدخول الي احدي الغرف بنية السرقة
ووصفوا ان المتهم اللي هو كريم كان يرتدي قميص احمر وبنطلون جنيز ظهري اللون...ولمن شافوه وكوركو فيهو تلب مرة اخري بنفس الطريق ثم ذهب الي المسجد وقاد عربيته رقم 1122 العراوي...وذهب...!!!!
اتهام محبك ومفصل بدراما عالية والمتهم واقع واقع مالم يثبت العكسسسسسسسسسسسسس....!!!
ورغم فرصة اثبات العكس كان لابد من الذهاب الي غياهب الحراسة...حراسة امن المنطقة... وما ادراك ماهي تلكم الحراسة الشرشة السيئة الصيت
ايوه..توشك علي الحراسسسسسة....ونواصل
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
واها قلنا توششششك علي الحراسة...حراسة عديل كده يا جماعة حرام عليكم.....
الحراسة دي انا خشيتها مرة واحدة في السودان في القسم الجنوبي (وبرضو لا ايدي ولا كراعي)
لكن نسوي شنو ده الله ودي حكمتوا(من كتب ليهم اربعة ايام زي السم في حراسة الريان ما عليه الايبكي بس)
ودخلوني جوووووه الحراسة وعالمها الرطب والوجوه الشاردة شي بتان مخالفيين القانون القطري وشي سيرلانكيين مجارمةوعيونهم حمر شديد...وناس ابرياء لكن ماكلين نارهم وصابرين صبر ايوب....وسودانين طيبين اوجدتهم ظروف الغربة في هذه الحراسة المظلمة ليلا....وتطوع احدهم باعطائي فرش ذكرني الخدمة الالزامية فرش سمكه (سم واحد)....ونواصل
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
بعد ما السوداني الطيب الكان محجوز معانا بتهمة المشاجرة وضرب الكفيل (زول قلبوا حار واول مرة القي لي زول يدق كفيلوا دق غرائب الابل)...بعد ما اداني الارضي فرش العجيب..وتفرست وجوه زملائي المساجين التي يطل من بعضها اجرام وخبث عالمي..قلت
يا كريم انت ذاتك حمر عيونك واعمل فيها مجرم دولي..وجريت الارضي فرش في احدي جنيات الزانزانة العامرة وديك يا النومة والاحلام والكاوبيس والكدايس السوداء..لنصحي الصباح علي اصوات قرع الاقفال لصلاة الصبح الاجبارية في رطوبة عالية وتقوي بادية علي الجميع..
ففي السجن يتوحد الناس كثير ويبتهلون الي الله طمعا في الفرج والبراءة..فكنت معهم في الصفوف الامامية مصليا ورعا..ولنا عودة
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
واها يازول بعد صلينا الصبح بشوية الونسة دورت من الصباح وكل واحد فتح ليهو
موضوع مع التاني شي لغة بتان وشي عربي هنود وانجليزي مع الرطوبة العجيبة...وشوية كده جانا السجان دافر ليهو عربية زي حقت ناس المستشفي ديك دافر فيها اكل كلو رز و(وصالونة) والصالونة للذين لايعرفون هي (الدمعة) بلغتنا السودانية ومعاها موز وتفاح وبرتقال..
المهم صاحبكم كريم ماعندو قشة مرة . ضربت الصالونة دي زي العجب وقلنا نشوف باقي اليوم ده لو الله هون..الفرج...
ومر اليوم سريعا واليوم داخل السجن مثل السنة الساعات تمر رتيبة بدون تفاصيل ولا احداث غير الاحزان والامل والونسات التي نحاول ان نبلعها بمرح كاذب وعيون منططة زي عيون الحرامية...ولنا عودة....
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
Quote: كيكى
حكايتك دى زى الحلم الحلمتو انا امس
حلمت ان ملاسى عامل بوست بعنوان( لماذا اجد نفسى مصدقا لكلام بقال فى حكاية عبدالكريم) |
وأنا يا كي كي اليوم العصر وأنا نايم جاني هاتف قال لي
مديرك ح يحلم حلمة اليوم ولازم تنفذها
أها جيت المنبر لقيت الموضوع ( سيم .. سيم )
أها رايك شنو؟
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: معتز القريش)
|
راي يا قريش بدل تقعد تزازي في السيم سيم ده
تمشي للكمين بتاع الجمهوريين ..منتظرنك والمنبر كلو مفتش عليك..
رغمي اني شايفك دخلت راسك خشة (خجولة) لكن برضو ما مقنعة
تمشي للدواس عديل كده...واركز يازول بلاش حلم واوهام بتاعة بدرالدين المكعكع ده..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
واانتهي اليوم الاول وفيهو عملت لي زي كم صاحب كده من الزملاء المساجين وكل واحد بحكي قصتوا وبطلع نفسوا مظلوم
والحكومة غلطانة وظالمة وجنت عليه...وحكيت ليهم قصتي ....
وفي اليوم الثاني ومع الصباح وبعد الفطور ابو صالونة(كالعادة) سمعت صوت السجان بينده اسمي بكل قوة
فلان الفلاني...قمت زي المخلوع ومشيت الباب ...
حتمشي النيابة الليلة ..
عندك شهود جو امس هنا و ادلو بدلوهم ....
نيابة..!!!!
القصة جابت ليها نيابة
ياجماعة كنتوا تخلوني قاعد في الحراسة مع صحباني البتان ديل واكملي نوم .(اصلي مرهق وتعبان) ولي زي ستة شهور ما نمت زي الناس
والنوم لذيذ جوه الحراسة والفورة الف....
يلا علي النيابة يا زول...!!
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
الليلة الدنيا اجازة وذكريات الحراسة تطل بقوة مع برد الدوحة الخاشي جوه العضام ده...فدي فرصة الواحد يجر في قصتي العجيبة
ودوني النيابة وكانت دي اكثر لحظات الموضوع تراجيديا واسي ..جابو (الكلباش) كلبشوني زي وزي اي مجرم رعديد وركبت عربية البوليص السمحة ديك وطوالي علي النائب العام (حاجة مش تمام).. وطلع ضابط عينو حمر خلاص واتكلم معاي بكل جدية وصرامة وقال
انت من عيونك الحمر ديل مجرم ومعتاد اجرام...
ياخ يا ضابط حرام عليك االعيون دي حمرت لزوم حراستكم الزي بيت الجداد دي..!!!
فلازم احمر عيوني وانكش شعري ولا عاوزني اجيك عامل
ساونا ومسرح.....ونواصل..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
وانا واقف قدام ضابط النيابة الصعب جال في خاطري ذكريات الوطن وحراسة الجنوبي ام يوما
واحد ..والفرق مابين الضابط السوداني والضابط الخليجي المريش الذي تبدو عليه النعمة والدعة
(بس الناس ديل لو بدوهم جكة مع الصباح ما بتجيوهم عوجة)...اها اسمك عمرك..شغال وين
وانا اجاوب والمحرر بتاع الجلسة يكتب والملاحظ ان خطه (شين) خلاص واخير منو خطي بي شناتو
وكتب حاجات كثيرة (غلط) قربت اقول ليهو يا زول جيب الورق ده هنا وانا بكتب..ولكن وين..
دي حراسة وبوليس وسجن وغربة..وحليل زمن الفصاحة والطنقعة....المهم سالني عن الموضوع
والاحداث وكنت ثابت وخلاص اتعودت علي اجواء التحريات و والاجابة لازم تكون علي قدر السوال
واي لولوة ولا لخبطة ممكن تدبس فيك القصة ..عشان كده لازم تكون مركز ومفتح وتفتيحة.....ونواصل
لكن بعد الفاصصصصصصصصصصصل
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
وقفت مكلبش الايادي ومكلبش الوجدان قدام ضابط التحري وصحبي البوليص
بكتب ووكتب كل كلام الكنت بقولوا كلو وكان مطابق مع كلام الشهود الاربعة
الجبتهم انا
1- ريفي كومار (الهندي)
2-سابو كرشنا (الهندي)
3-محمد رافت (السوري)
4- هداية الله خان قل (الباكستاني)...
ثلاثة منهم ساكنين معاي في سكن الشركة وشافوني من قومة الصباح لحدي ما البوليص
جاء ساقني...وافادو هولا الفتية الشهود العدول ان الود كريم كان لابس فانيلة بيضاء ناصع لونها تسر الناظرين ..وبنطلون ازرق بتاع (جينز)....
وكتبت علي الضمانة في ذلك اليوم ولكن علي ان تنفذ في اليوم اللاحق لان حبسي
كان 4 ايام علي زمة التحقيق....
ونحنا راجعين من النيابة وانا راكب عربية البوليس تغيرت كل ملامح الطريق الذي كنت احفظ معالمه عن ظهر قلب وجاط الراس ودار ولم اتعرف علي الكثير من الملامح
والدورات لقد كان ضابط التحري خبيرا زناقا وتذكرت صديقي( بوبي) كلبنا الشهير
الذي ذهبت معه ذات يوم الي قرية مجاورة لقريتي وبها قوما مشهورون بكراهية الكلاب
ويوسوعونها ضربا مبرحا وعندما دخل بوبي معي الي داخل تلكم القرية طارده الصبية
وفتكوا به وضربوهو ضرب غرائب الابل...ومنذ تلكم اللحظة اصبح بوبي لا يذهب معي اذا راني اتجهت صوب ناحية تلكم القرية ابدا....اذن انها زنقة بوبي الشهيرة عاودت كرتها ولكن معي انا وفي غربة بعيدة عن بوبي صديقي...ولنا عودة
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبد المنعم سليمان)
|
| Quote: واقول ليك الحالة سيم سيم رفيق |
مرحب يارفيق مال انا
ويين انت يا صديق ليش زيادة مني مني الحين..وما يجي داخل منبر..
خلي ولي هاي قاندو ابو ساندرا..
وشكرا يا منعم واتمني ان تتابع هذه القصة الحقيقية تماما..حصلت قبل 4 سنوات لاخوك في الغربة
العجيبة دي..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
واها فكوني ضمانة عندما جاء قريبي المغترب القديم وهو زعلان جد
ودفع 2000 ريال كضمانة لخروجي من هذه المعمعة..وكان قريبي هذا
كثير النقة والكلام البوجع
انت الوداك ذاتتو للناس ديل شنو..!!
يازول انت قايل روحك في السودان..!!
اعمل احسابك..!!
كده كويس حسي لمن دخلت نفسك في مشكلة وممكن يبعدوك..!!
وكلام كثير ونقة عجيبة طلعت من قريبي الذي ضمنني .واحترت انا ذاتي فيها
هل هذا الرجل حقا زعلان علي تصديقه لهذه الحكاية العجيبة ولا مزعلاه ال2000
ريال البتكون خربت ليهو ميزانتيه المكعكعة الانا عارفها .....!!
ومع الضمانة تم اخذ صور وبصمة (فيشوني) لقد جعلوا لي فيشا وملفا وسجل
في سجلات وزراة الداخلية.....(لقد جعلوني مجرما)..ونواصل
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
فانا بري براءة الذئب من دم ابن يعقوب ولكن انا اقتنعت البقنع الحيكومة والناس التانين شنو...
(الديك) اقتنع البقنع الناس شنو...واصبحت محور احاديث الناس وبورة شمارهم التقيل...
وكثر المنظرين والمحلليين والكلام كثر والجبنة دورت واكلوا لحمي ( لقد اكلوا لحمي)....!!
طيلة فترة الضمانة كنت زائر شبة دائم للنقطة بتاعة البوليس لعمل اجرات القضية التي اعلنت
واعلانها اعطي المدينة المزيد من الالق الشماري....قال بعضهم
ستكون العقوبة ترحيلا...!! ترحيل ترحيل مافي مشكلة اصلوا ح يرحلوني (غزا ) ولا اريحا
اكيد اعز مكان . وطني السودان....
قال اخرون سيكون الامر سجنا 6 شهور...فوق فوق اقول لهم السجن للرجال والجدعان علي قولة
اهل صعيد مصر..لكن تحت تحت كده قصة السجن دي اكبر حاجة عاملة لي( ام هلا هلا)...
مخلياني بقيت مسكيييين..وضعييييف ومدبرس ديمة..وكبرت سفة التمباك وبقت (متر ونص)
ووشي بقي زي الكبك وحالتي بقت ما بتسر عدو ولا صديق...
والشغل زاتو طلع من نفسي وبقيت شغال بنص كلتش (تقضية واجب بس) ودي فرصة اشكر فيها
المدراء بتاعني الذين راعوا كثير حالتي النفسية السيئة وتساهلوا مع مشاكلي وزهجي وقرفي
وبعض مرات غيابي بدون سبب ....
تمر الايام وقريبا سنذهب الي الي منصة المحمكة وسنري ماذا صار في امرنا..!!
يوم الذهاب الي المحكمة تشابه علي البقر وتذكرت ايامي القديمة وذهابي الي غرف الامتحانات
في عصور القراية ام دق.في ايام عهود الصبا.وفي ذلك اليوم اراد احد اصدقائي الخلص مرافقتي
لقاعة المحمكة ولكن رفضت له ذلك فهذه هي ناري التي يجب ان انتناولها لوحدي....
محمكة...
انت فلان الفلاني في يوم كيت كيت تلبت في ودشيت في بيت فلانة الفلانية بقصد السرقة (تهمة القفز علي بناية)..
.!!!
تاني دشيت يا اخوانا..حتي انت يا مولانا برضو تقول دشيت والكلام الشين ده..وجابت ليها (قفز في بناية)
سمعت بالقفز بالزانة والقفز الثلاتي لكن قفز علي بناية ده يطرشني..المهم تلكم خاطرة مرت سريع وانا اقف
كالديدبان امام (مولانا) القاضي بكل ادب واحترام......
هل انت مذنب ام لا...؟؟
غير مذنب .(قلتها هكذا سريعا مثل الجندي الذي ينادي اسمه وعليه ان يجيب (افننننندم))......
..وعندي شهود يا سعادة قاضي القضاء ايوه عندي شهود
فلان وعلان.وقلتها ولم ادري ان للمحاكم نظم وترتيبات وان الشهود سياتون ولكن وفق
ترتيب معين وتوقيت نعين ومرحلة معينة من القضية......
ولنا عودة...ولكن بعد الفاصل...!!!
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: REEL)
|
| Quote: واللاهي يا كيكي طلعت محنك شديدة |
مرحب يا ريل..
وانت شفتي حاجة ياريل دي بس محن خارج الحدود..
الكلام لمن نجي لمحن الداخل..
ولكي الف سلام..وكوني بالقرب حتي نري ماذا هناك..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
الحكاية دي صحي
كلمنا قول
الحكاية دي صاح ؟؟؟
يعني انا طول زماني ده مباري
متردد سجون وحراسات
واحد فيشو وسخان !!
وسخانا الأيام دي عطلان وبنستحمى بالمويه البارده
المويه الباردة الالتننط منها زي ما نطيت ودشيت بيت الناس
قال شنو ؟قال دشيت
الدش المقابل الحر
يامترددالحراسات
كمل القصة
انا لو كنت قريبك
ما كنت كسرت رقبتك كــــش
واصل الحكاية النشوف أخرته !!
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: محمد سنى دفع الله)
|
كيكي : تحياتي :
اجمل ما قرأت . مشروع رواية بعنوان (صرخة برئ) .
احسنت ، ولكنك لم تتق شر من احسنت اليه ، غيرنا إذا سئل يقول معرفش ! اما نحن فنعمل المعروف ولو كان في غير اهله ، انت توكلت ، والنية زاملة سيدها ، فعمل الخير نهايته (براءة) ، لكنها تجربة ستظل عالقة في الذاكرة !
واصل سردك .
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
Quote: انا لو كنت قريبك
ما كنت كسرت رقبتك كــــش
واصل الحكاية النشوف أخرته !! |
والله ياكيكي متابعين ومنتظرين آخرته ، وماكنا
عايزين نقطع عليك كلبشات أفكارك لغاية ما الضل الكبير
دا دش البوست وهددك بكسر الرقبة قلنا نسلم عليك
ونقول ليك ماتخاف وراك رجالة ، واصل بس حتى نسمع كش،
سلام يارائع ، وأكيد بتعرف أسماعيل شمو في الدوحة
وكان مابتعرفه لازم تعرفه ،، لازم ولا : تسمع كش؟؟
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبد اللطيف بكري أحمد)
|
[B]في الوقت داك انا كنت اعمل في (الاراضي المحررة) بشرق السودان في منطقة اسمها قدماييت او خور ملح
وكان وسيلة الاتصال بعبدالكريم عن طريق جهاز الثريا حيث لا انترنت- وكنا في تلك الايام بنعمل مشاورات بخصوص مواعيد زواج عبدالكريم .المهم اتصلت في تلك الليلة علي رقم موبايله ووجدته خارج الخدمة وحاولت عدة مرات وكذلك جربت التلفون الثابت ولم يرد احد .والفار لعب في عبي اتصلت بابن خالنا خليل الذي يقيم ويعمل بالدوحة فاعطاني اجابة غامضة وبدا كسياسي يتناقش معي في لماذا دخلت قوات الحركة توريت في هذا الزمن بالذات رغم ان التوقيع على اتفاقية السلام قذ شارف علي نهايته .
قفلت الخط واتصلت بشقيقنا أحمدالذى يعقيم بالسعودية ولم اجد عنده اجابة .
المهم في تلكم الليلة حلمت ان انا وعبدالكريم كنا نصلي وحدنا في احد بيوت الاشباح التي اعرفها جيدا وكان هناك بخور ذو رائحة نفاذة
وصحوت ورائحة البخور في انفي
وركبنا لا كروزر المنظمة لنذهب الي همشكوريب وكان معي خواجات وسائق بجاوي لا يتكلم كثيرا
لكنه كان يعرف تلك الطرق الترابية القاسية . فقد كان السائق البجاوي الماهر (سيدنا) يعرف كيف يتحاشي الالغام التي زرعت في تلك الطرق الوعرة وهو يترنم باغنية بجاوية لا اتذكرها الان
لكني قد اعود للكتابة مرة اخري في هذا المنبر لاشكر الذين ساندوني اثناء فترة مرضى .
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبد المنعم سليمان)
|
كانت هذه هي الجلسة الاولي للقضية الشهيرة والجميل ايضا هو ذلك الكونسلتو من الاصدقاء
الذين قادهم الصديق(ابوعفان) القانوني الضليع بجانب بعض الاصدقاء من جيل المتهم كريم ونشهد الله
انهم اخلصوا في تلكم الاستشارة خير اخلاص...واطلعوا علي يومية التحري بدقة عالية وسالوني
اسئلة منكر ونكير من كل تفاصيل ذلك اليوم وبكل الاحتمالات لقد اجرو (بروفة) محمكة بكفاتهم العالية
وكانوا جاديين صارمين وفي كل المرات يعيدون رويتهم للقضية وقراءة تفاصيلها بزواية مختلقة. وهذا
التكرار جعلني قادرا علي كل الاحتمالات المحتملة وكل السيناريوهات ......والشاهد في الجلسة الاولي غياب الشاكية وبنتها رغم استدعائهم بواسطة المحمكة..وبرضو اكتشفت اكتشاف مخيف بوجود
ضابط ادعاء صعب المراس وكل هم الراجل ده هو زرقنة كريم وفتل حبل العقوبة ..الزول ده يا جماعة انا اكلت ليهو شنو شايلة معاي كده ..وشابك المحمكة في يوم كيت كيت دش المتهم منزل رغم كيت كيت بدافع (لسطو) ..
دشييييييت تاني ...ياجمعة الناس دي ما عندها كلمة غير دشييت دي...البوليص شابكك دشييت القاضي دششششيت بتاع الادعاء دشششششيت...ياخ والله الله يودنا السجن ذاتو عشان نرتاح من دششيت دي....
كان صديقي ابوعفان القانوني الضليع قد اعطي توجيهاته الصارمة لي واذكرت تماما مدربي في فريق كرة القدم لمن كنت لعاب وطريقه توجيهيه الصارمة والمركزة تركيز عالي علي النقاط الاساسية...
ثبات...
حضور تمام مع تفاصيل الاجراءت...
الحرص علي التاكد من كتابة كل اقوالي في محضر القضية....
حاضرين يا ابوعفان
حاضرين شنو تمشوا تتلبوا في بيوت الناس وتجوا تكوركوا لينا وتعملوا لينا جوطة.....!!!
ومرح عالي ...
وكان القاضي قد حدد جلسة قادمة واصدر توجيهات مشددة لحضور الشاكية وابنتها...
وما بين جلسة وجلسة لازال الاحباط والقرف والزهج ولازالت الاشياء تاخذ لون الشقي والاسي...
وبنجيكم...!!!
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
Quote: الحكاية دي صحي
كلمنا قول
الحكاية دي صاح ؟؟؟
يعني انا طول زماني ده مباري
متردد سجون وحراسات
واحد فيشو وسخان |
سلام يا سني يا طاعم
تخيل يا صديق القصة صاح..
وبالكربون انا قاعد احكيها ليك مباشرة من ارشيف القضية رقم (كم كده) ماعارف
في سجلات وزارة العدل القطرية...
وشيل شيلتك لو نادوني تاني انت شهود يازول..!!
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
Quote: Quote: قاندو
معناها شنو؟؟ ... واصل متابع معاك خطوة بخطوة |
مرحب يا نادر والف شكر علي مرورك الراقي..
قاندو عارف معناها تماما بجانب اجادة تامة للادرو وكاني ولدت في كراتشي
وهذه هي الاسفار تعملنا الكثير..وابو ساندرا دوما حبيبي.
وكل التحايا لك ولا بوساندر ولمنعم والاحترام..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
Quote: سلام يارائع ، وأكيد بتعرف أسماعيل شمو في الدوحة
وكان مابتعرفه لازم تعرفه ،، لازم ولا : تسمع كش؟؟ |
مرحب اخي عبداللطيف ونشكر مرورك
والاخ اسماعيل شمو اعرفه حق المعرفة وهو اخ فاضل ونبيل
وساحكي معه باذن الله وكن بالجوار يطيب المقام..
| |
|
|
|
|
|
|
|
|
مرحب الاخ السنير صلاح الامين احمد
وحقا هي مفاجاة حضورك الي هذا المنبر بعد غياب طويل ..
ونتمني ان تواصل
ولك الف شكر وسنعود الي فشل رحلة اسمرا وزواجك الذي منعتني هذه السالفة من حضوره في
احراش ارتيريا..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
يا اخونا والله اليومين ديل منك خوف...
سمعتك بقت بطالة جداااا
شي اديس و شي مستشار و زنقة بقالية...
اها ديك قلنا سياسة جابت ليها دششش كمان؟
غايتو خليل واحمد التجانى ابصلعة راحو في حق الله مصاحبين دشاششش
يا صلاح "الولد" ده رجعوهو السودان محتاج ولى امر جنبو
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: esam gabralla)
|
مرحب الاخ السنير صلاح الامين احمد
وحقا هي مفاجاة حضورك الي هذا المنبر بعد غياب طويل ..
ونتمني ان تواصل
ولك الف شكر وسنعود الي فشل رحلة اسمرا وزواجك الذي منعتني هذه السالفة من حضوره في
احراش ارتيريا..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
حفزنى دخول صلاح الامين شقيقى الاكبروالحلم الذى راه تلك الليله البعيده بخور ملح الذى لم يكن وقتها خاضعا لحكم البشير وصلاته وعبدالكريم فى بيت للاشباح وحدهما واذكره هنا ان مصطفى سعيد قبل وصوله لساحل الهلاك بدوفر حلم انه يصلى لوحده بجامع ابى العلاء بمصر وعند استيقاظه كانت رائحه البخور على انفه علما ان صلاح هو الذى دلانى على روايه موسم الهجره الى الشمال ابان طلبه بثانويه كادقلى وكنت وقتها بالمتوسطه بالمجلد وعلمت لاحقا ان لاستاذه محمد حسين وزملائه من اولاد بابنوسه بكادقلى الثانويه لهم دور فى تثقيف جيل كامل من طلاب تلك المدرسه ...تساءل محيميدعن فيضان 1946 الذى اورده الطيب صالح هل هو تحقق لنبوءة الشيخ وددوليب ؟ دافع سؤالى حلم صلاح انه يصلى فى المنام فهل فى ذلك اشاره صوفيه لتحققق امكانيه شيخ شعيب الذى ذكر لامى ان صلاح سوف يصير مؤذنا اخر حياته؟
عودة الى موضوع البوست الذى يبدو ان شعور خفى داخل عبدالكريم جعله يطرحه فى هذه الايام التى ثار فيها جدل مع اعضاء اخرين بالمنبر حول مشاركته فى مؤتمر اثار جدل وظهر اسمه فى لائحه ثم تصحيح ذلك باختصار لانى اعرف بقيه قصه عبدالكريم اتضح ان ماسبب له ذلك هو روح الشهامه العاليه جدا داخله وحبه للمجامله لدرجه تجعله يعطى كل ما يملك لاى محتاج دون الاكتراث لما يحدث له حتى لو على حساب سمعته عليه هل يتخلى عبدالكريم عن الشهامه الزائده فى عصر تافه ملئ بالمطبات والحفر علما انه تعرض لاكثر من موقف مشابه لذلك ...
شيئا اخر عبدالكريم صار مشروع كاتب قد يكون جيد اذا ثابر ودقق وركز على اشياء معينه فى الكتابه وجمع اكثر من موضوع فى بوست واحد او بوستين على مدى زمنى طويل كى لا ينهك روحه ومفرداته وصوره.
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
سلام يا كيكي
ياخونا عليكم الله لو سمحتو غير مسموح بالماقطعه
الا لاحمد الامين وصلاح الامين (دي علي وزن الفاصل ده لاهل العريس)
حتي نعرف نهايه القصه دي شنو
الزول ده بينا وبينو مصالح كتيره شئ رابطه مهندسين وشي جمعيه مساحين وشي جيرة سكن
عشان كده عايزين نحدد موقفنا منو بناءا علي نهايه القصه
نكون نحنا رابطين مصالحنا بواحد بتاع سوابق حيكون موقفنا محرج في الامم المتحده
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: Omar Bob)
|
شكرا احمد..
وكل الف شكر علي هذه النصائح..
وجميل هو امر رورد مصطفي سعيد ووهجه العالي وتجلياته التي ابدع فيها شيخنا الطيب صالح..
واما عن ورود اشارة الحلم في مداخلة الاخ صلاح فهي ملاحظة جديرة بالتامل والشي الانا عارفوا
شيخ شعيب ده كلامو ما بقع الوطة..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: Omar Bob)
|
Quote: ياخونا عليكم الله لو سمحتو غير مسموح بالماقطعه
الا لاحمد الامين وصلاح الامين (دي علي وزن الفاصل ده لاهل العريس)
حتي نعرف نهايه القصه دي شنو |
الاخ عبدالكريم الامين ..........
عليك الله واصل دون انقطاع ...........
البوست ده و الله ( ودر !!! ) لى الصداع السببو لى بوست ابراهيم بقال
لكن و لا يهمك يا بطل فالعارف عزو مستريح ............
كسره :
واصل دون فواصل أو إعلانات فالقصه جميله و التجربه مريره ....
قطعت مصارينى بالضحك فى حكاية قريبك ( النقناق !!! ) العمل ليك الضمانه !!! و بينى و بينك جنس النقه دى إخير منها ( الحراصه !!! )
سلامى و تحياتى ....
عبدالماجد
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: ABDELMAGID ABDELMAGID)
|
| Quote: قطعت مصارينى بالضحك فى حكاية قريبك ( النقناق !!! ) العمل ليك الضمانه !!! و بينى و بينك جنس النقه دى إخير منها ( الحراصه !!! ) |
مرحب يا عبدالماجد
وعفوا علي التاخير..فاخوك نفسو قايم ومزرقن زرقنة جد..والموضوع خشي الحوش
وفعلا زي النقة دي اخير منها الحراصة والجلد.وديل طبعا يا ماجد ناس جو البلد ده و عليهم
بمعايشهم بس ما دارين اي بلاوي وكفاوي زي الجابة (كريم دي)..وبعدين البزعل انك لا تقدر تشاكلوا
لا تقدر تغالطوا ما عليك الا تسمع وتتوجع بس..
وشكرا علي التضامن يا عبدالماجد وربنا يهون..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: esam gabralla)
|
سلامات
وعوافي
ياكيكي ..
بالله نحن مبارينك وانت تاريك بتاع سوابق ..
يازول لو اتلاقينا في سوق واقف "تفحط" مني اوعك تجي فاتح ضرعاتك لي سلام ..
شوف بالله يالسني تلمونا في بتاعين السوابق ديل وتقولوا لينا مبدعين ..
مبدعين وراء القبضان ..
كيكي مليون مرة قلت ليك سيب "شغل الشحتفة" قطعت نفسنا ياخي ماتغيب كتير تعال كبها لينا كلها نشوف النهاية شكلها شنو "بتكون اخدتا ليك جلدة مكربة" لكن طبعا "اغراض الكتابة" بتخليك "تدسها" ..
يا بتاع اللومان انت .. هاهاهاهاها..
خارج الصندق:-
كل يوم ياكيكي اكتشف انك سوداني اصيل .. انك تشبه رائحة الوطن المجيدة ..
انك كشجرة عاتية ينام تحت ظلالها المتسكعون واهل الفاقة و"المرطبون" وستات الشاي والمؤلفة قلوبهم والاطفال الحالمون واعيان القرية ..
انت اشبه بخريطة الوطن .. تتسع لكل جميل وتحمل في طياتها "سمرتنا النبوية" ...
| Quote: شيئا اخر عبدالكريم صار مشروع كاتب قد يكون جيد اذا ثابر ودقق وركز على اشياء معينه فى الكتابه وجمع اكثر من موضوع فى بوست واحد او بوستين على مدى زمنى طويل كى لا ينهك روحه ومفرداته وصوره. |
استاذ احمد هذه الاشارة المضنية في كلامك قد ارهقتني حقيقة خصوصا وانني مهتم جدا بقضية الكتابة عند عبدالكريم الامين احمد ولي راي عريض فيها لصدقها ونبلها وعفويتها ... ولذلك قمت بجمع "كمبو الري ..حكايات سوفيت واخرين" واعمل الان علي تفريغها من بعد العلامات والنقاط الزائدة في وسط الجملة او بين الكلمات وهي مشروع "سردي" عظيم يشابه في مخيلتي ما اسميته "الرواية الشعبية" لزخمها ولتفاصيلها الحميمة بالمتعلقة بالزمان والمكان وذلك بالرغم من ايماني بان الكاتب "لاتحده الجفراغيا والديموغرافيا وصرعات الازمنة" الكاتب يتحدث عن عالم عاشه هو "ولكل كاتب عالمين في نظري" عالمه الاول "الاهل الاصدقاء الجيران الحبيبة الانترنت الزواج البكيات....الخ.." وعالمه الخاص "مرتع النبوة" يحيا فيه بنفس الشكل غير انه في هذه الحالة يكون "في اعلي حالات التسامي والتصالح مع الذات" فالكتابة اشبه "بحالات الولادة المستعصية" ..المهم في الامر كنت بصدد الاتصال بك للتشاور معك في اخراج "كمبو الري" من ناحيتي تنتهي مهمتي بعد تجميعها كاملة ومن ناحيتك انت وصلاح وبعض اصدقائي الكتاب الذين اتصلت بهم سيكون تنقيح الرواية وازالة الغباش عن بعض مشاهدها التصويرية التي تحتاج الي شكل مفردة متقن "والاحظ ان كريم اختزل مواقف كثيرة مما اثر علي جسم كمبو الري" وهذا حال الكتابة الاسفيرية ولكن اذا ما راجعها مرة اخري يمكن ان يوسع زوايا الرؤيا في بعض المشاهد ويمكن تضييقها في مواقف اخري .. المهم اسف للاطالة ولكن اشارتك هذه بالضبط هو ما كنت اسعي نحوه طوال العام الماضي ..وقد عانيت ما عانيت فصاحبنا كيكي "ملك التجزئة" في الكتابة التي تستحق اكمال المشاهد السردية كاملة بلا ابتسار او اختصار .."انابكره المسلسلات" عشان الحلقة بتنتهي في اجمل مشهد انت بتنتظر مايعقبه ...فيكتبوا "نواصل غدا" ..
علي العموم توقع مني تلفون في الاسبوع القادم بهذا الخصوص انشاء الله ..
ثم تقبل محبتي وسلامي ..
وخالص السلام لاخي الاكبر صلاح الامين واتمني ان التقيكما "يعني لو جيتونا مع يما خجيجة" تكونوا ماقصرتو فينا تب ..
معزاتي العالية ..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: ودرملية)
|
يا ود رملية شوف الزول ده دش وين
غايتو لو التحقيق أخد معاهو قدر الشدة الشادينا ليها دي،
كيكي ده إلا نعمل ليهو كشف بأثر رجعي
___
كيكي سيب الشحتفة ياخ، عزبتنا
ولما تجي ما ترد علي، واصل طوالي
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: ودرملية)
|
Quote: دش ياخي خلينا نشوف لينا برنامج تاني غير "زنقة بوبي" دي ..
عالم دشاشة بصورة غريبة ..
|
مرحب بودرملية روحنا ودمنا..
دشداشة وجنس كلامكم ده ذاتتو الكان مخوف بوبي السنين دي كلها لابد وقانج بالقصة دي
لاني عارفكم ما بتصدقوا...
حسي كده كويس قاضي (محكمة الموضوع) شفت الثقافة القانونية دي كيف..!!
افتي وقال براءة وقال لي فرتق يا كريم..فرتق يازول اطلب الله...تاني الكلام شنو..
نشوفك في الاستئناف يا مان..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
[تعرف يا بوب كيكى مما شفتو متصور مع العبيد عرفت قصتو بايظة
يا بوب الحق ارجع امريكتك قبل ما... اخير ليك ناس الداف هديين و رضيين
اووه عصام
انت عارف البلد دي لو جابت ليها الداف ومعاهو العبيد
و انا الا اتخارج لانو القصة بدل سطو علي بناية ممكن تجيب ليها سطو علي (سلطة)
وانا يازول مالي ومال القراية ام دق..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: Eng. Mohammed al sayed)
|
الاعزاء اولاد الامين
الدكتور صلاح
والكاتب الناقد أحمد
اود أن اعلن لكم هنا وعلى رؤس الاشهاد
اننى منسلخ من صداقتى بشقيقكم الشليق
عبدالكريم الذى ينطبق عليه المثل الذى
تردده أمى الحرم بت على كثيرا( يحموهامن الكواسة تبيت بره البيت)
نفكو من بقال ينشبك فى ملاسى نفكو من ملاسى ينشبك فى ودرملية
نفكو من ودرملية ينشبك فى الظلامى معتز نفكو من معتز
ينشبك فى ايزابيل اللنانية نفكو من ايزابل ينشبك فى ترحاس الاثيوبية
والله العظيم فترنا من نطيته وكان اخير لينا نطيط الحيط
على الاقل بنعرفو هداك قاعد فى السجن والبلدى زى مابتعرف ياصلاح
مافيها خلاوى ولا مكان لقيد المجانين
تنهدات: الكلام لشاعر حميد والغناء لمجموعة عقد الجلاد
( نعمة شافت فى رؤها طيرة تاكل فى جناها
حيطة تطنت وتفلع فى قفى الزول البناها
قالوا جنت ومابراها
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: Eng. Mohammed al sayed)
|
مرحب بكم جميعا
عصام جبرالله..
عبدالماجد
ودرملية
ياسر طيفور
الطيب بشير
والمهندس محمد السيد
والمرجف الاربجي بدر الدين الامير..
وبنجيكم برواقة ومزاج لان المزاج الان معكنن واخوكم مزنوق وفي طريقه الي الجلسة الثانية
التي اعلنها صحبي القاضي.واحدة من توجيهات ابوعفان المهمة كانت قراية الملعب والتركيز علي
شخصية القاضي وقراية بعض احكامه في القضايا الحكمها قدامي في الجلسة الاولي..والشي المخيف
انو الزول ده كان قطعو ناشف احكام قاسية..حكمت المحكمة حضوريا علي المتهم (كرشنا كومار) بالسجن
سنة.وعلي المتهم (زيد ناصر المري) بالسجن ثلاثة سنوات.وعلي فلان الفلاني بغرامة 5 1الف ريال..
احكام حضرتها وكلها كبع وضرب تقيل,,,,وقاضي شكلوا كده ما بهزر ما بلعب وعارف شغلوا كويس
وما عنده قشة مرة..ودي كانت اول الحاجات اللمن الواحد يتذكرهاالقصة بتكون بايظة الدبرسة
بتربط تاني ودي فترة الواحد كان عايش في رعب حقيقي لاني مقبل علي قرار في يد قاضي لايرحم..
ثاني الاثافي ايضا كان هو ممثل الادعاء المكجني لا يدي لاكراعي..وعامل لي كمين مسلح..
في ردهات المحكمة وقبل القضية شفت ليك النسوان الاثنين في زيهن القومي واحلي حلة ونقاب
والشي الغريب انو (الام) الشاكية كانت (تعاين ) وتنظر في اتجاهي شذرا وبزعل حقيقي وشفت ايضا الدريول الهندي..!!
ياربي المرة دي مالها..!!
اكلت ليها شنو انا..!!
وبدات الجلسة...
فلانة الفلانية
قطرية
العمر 49 سنة
احلفي يا حرمة هكذا قالها القاضي بادب واحترام ظاهر..
رفضت المرة ان تحلف ..وطوالي خشت في الموضوع بحماس شديد..
ايوهه هاي السوداني دشة وانا كنت مافي ولمن جيت البيت بتي قالت لي السوداني
تبع (بيت الايجار) جاء (9 ونصف صباحا) دش البيت و(البزور) البزور هم الاطفال الصغار
شافوهه وصاحو فيه..ثم تلب هاي السوداني الحيطة وذهب الي المسجد المجاور وغير ملابس ثم
وساق عربيته وذهب..!!!!!!
وقائع غريبة ودراما عالية وساعتها كدت اصدق انني فعلا دششششيت وقعدت اتخيل
كيف لي ان اتلب حيطة 3متر ونص,مرتين واغير ملابسي بسرعة صاروخية واتخارج. وكذلك تخيلت صراخ
البذور في وجهي.واشدت واعجبت بروحي كنطاط كبير ودشاش حريف
انا قربت اصدق هذه المراة الضلالية..
ياربي القاضي بكون كيف..؟؟؟
ونعود وسريعا الي باقي مادار في الجلسة الاولي والوحيدة التي حضرتها هذه الاسرة المسلطة
علي لايدي ولا كراعي..
وبجيكم
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
البوليس والظل النظامي في الخليج يمثل بعبعا مخيفا جدا للوافدين ويتحاشون الاقتراب منه تماما
فبعض الجنسيات مثلا مثل الباكستانين علي استعداد ان يدفع لك قروش لكي تقيف بدله في صف المعاملات
ذات الارتباط بالشرطة..جننهم وجن حاجة اسمها شرطة..تقول للواحد انا (جود شرطة) اليوم كلوا يتراجف.
وهكذا ايضا بعض الاجانب..
ولكن بالنسبة لي في ذلك اليوم لابد من (جود شرطة) والمجادلة معاهم وزي ما تجي تجي يازول..!!
وفهمت مسبقا اني لي الحق تماما في الدفاع عن حقي ..وفي هذه اللحظة استدعيت محاكم كثيرة كنت مولع
بحضورها في زمن سابق.محكمة السلطان(كيو كيو) الشعبية في كايا..محكمة السلطان اندرية في (حي نيم)
في جوبا.ومحمكة شعبية شهيرة في بلدة صغيرة في ريف اهلنا المسيرية في(ناما) واتذكرت (شدو)
والكثيرين من عتاولة هذه المهنة وطريقة النقة والكروسات الكثيرة والثبات....
واخدت فرصة للنقاش(دي مهداة للصديق عصام جبرالله)..فرصة للنقاش دي..
سالت عن المواعيد 9 ولا 9 ونص..!!
الشاكية عاينت كده..وقالت بتردد ظاهر 9 ونص...
حلو(في محضر القضية قالوا الناس ديل 9)..
طيب يا حاجة.
رقم العربيةالجابوا منو..والشافوا منو..؟؟
(ما ادري بتي قالت لي..)
(في التحريات اقرت هذه الحاجة نفسها بانها هي من اتت بالرقم)..
وفي اثناء اسئلتي للشاكية الكريمة كان ممثل الادعاء ينظر الي شذرا وبعين مخيفة
وكان لسان حاله يقووول (اش دعوة هاي السوداني لميض) فلم يكن متعودا علي متهم لديح
وشرامي مجرم وفصيح زي ..ده..
لم اكن لديحا بالمعني الواضح وان بداء ذلك ظاهريا ولكن من داخلي بصراحة كانت هنالك
جرسة تاريخية وكبكة ورجفة لا توصف من هذه الجراءة وهذه الوقفة العجيبة في بلد بعيد
وقاضي لايرحم ومدعي بكون (مرراته اتفقعت من اللماضة بتاعتي دي)..وشاكية خاشة
توشششش في الموضوع,,,
ولنا عودة الي الشاهدة الشهيرة التي هي سبب كل هذه الكفاوي والبلاوي..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: Eng. Mohammed al sayed)
|
Quote: ثلاثة يوم بقطع تذكرة ولحدى الآن المخرج ماعايز يجر الفلم!
الساعة سبع وعشرة دقائق صباح الجمعة
شفت كيف!
|
مرحب يا باشمهندس وحبابك الف
وناسف علي التاخير وياهو الواحد قال يجر ليكم في القصة العجيبة دي شوية
وبعد داك ممكن نقعد نتونس شوية
ولك كل التحايا يا باش
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
صباح الخير سيم..سيم..وبي الكربون..!!!!
هسه انا مشيت افتش عليكم ومالقيتكم وبقيت ملخبطه لمن شوفت سيم..سيم وعلشان ماتزعل معاها بالكربون..!!!!
بصراحه ماعرفت انت عبدالكريم ياتو عبدالكريم بقال ولاعبد الكريم مابقال علشان كده كنت ملخبطه المهم لمن شفت
الجماعه البيهنا هم البيهناك قلت خلاص ده ميه ميه ماعبد الكريم بقال
انتو وين كويسين
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: ماجدة عوض خوجلى)
|
مرحب ماجدة..
واحنا كلو كلو ما كويسين بجاي. اخوك مزنوق زنقة عدوك.
وواقف ليهو في محكمة عينو طالعة ومنطط عينو..والشاكية واقعة فيني ردحي وتفصيل لاحداث
ومدعي اتهام صعب ومكجني الجلسة كلها وقاضي صعب لايرحم ابدا..
غايتو ده حالة اخير مها ابقي عبدالكريم بقال واريح روحي ..
خليك معانا بجاي والنشوف اخرتا مع الشاكية (البقالية دي التانية هي كمان)
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
وجات الشاهدة..
اسمها وعمرها
احلفي
حلفت زي السسلام عليكم
وخشت في الموضع بكل قوة وجراءة زولة فصيحة فصاحة عدوك.وجرئية لدرجة تخوفك وعيونها خلف
النقاب تتحرك في حركة سريعة خاطفة وكانت منفعلة تماما مع افادتها وتحرشت بي بتعسف واضح
و يبدو عليها عدم المبالاة بتوجيهات القاضي بعدم التحدث لي بطريقة مباشرة..
ايوه نط الزول ده. والبذور شافوا.واضافت ان بذورها لحدي يوم الليلة بتخلعوا لمن يتذكروا هذا
الحدث وهذا السوداني الذي دش هذا البعبع المخيف...
اهااا عرفنا الدش كمان جابت ليها تهمة شنة وخويف شفع وخليعهم..ده كلام ياجماعة.!!
حقيقة حماس هذه الشاهدة كان موشر حقيقي ومدخل لتحليلات ابو عفان بانه فعلا هنالك شخص
ما قد دش..ولكن انا ذنبي شنو يا او بو عفان..!!
قووول في زول دشة انا دخلي شنو يا جماعة..!!
حاولت اخد فرصة للنقاش ولكن يبدو ان عدوانية الشاهدة قد اقنعت المحكمة واخافتها من
الغلاط بتاعي وزرنقة هذه الشاهدة الخطيرة التي هي راس الحية واصل الموضوع..
ولكن استطعت بعد تلتلة تثبت في محضر القضية مرة اخري
المواعيد
لون العربة..
عدد مرات شوفتها لي ..وافادات بانها مرة واحدة فقط ابان حضورهم الشهير
الي مكان عملي..
اكتفيت بهذا القدر من الاسئلة للشاهدة الخطيرة(وحييت ابوعفان في سري وقلت انت وكت
تدريبك سمح زي ده ما كان تمسك الهلال الصليبو طالع ده)..
وهذه الشاهدة في استايلها جعلتني استدعي سيرة الوداعية الشهيرة الله يرحمها
كلام طق طق طق..وحليفة واستقطاب حريف للقاضي وتوسلات بلغة وصوت
واستجداء عطف المحكمة بحشر الحالة النفسية لاطفالهم في صلب الموضوع وانهم بقوا بتخلعو
وبكوركو كل ما يشوفوا ليهم زول بشبه هاي السوداني,,لقد اصيبوا بفوبيا الزول او بالاحري
الناس السمر...
ونعود..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
Quote: الحدث وهذا السوداني الذي دش هذا البعبع المخيف...
اهااا عرفنا الدش كمان جابت |
كان يا كيكي تقول ليها يدشدش د... ذاتووو
والله يا كيكي انا مرة لما كنت معاكم هنااك في (السنتر) واحدة منقبة عاينت لي وقالت لي
ايش فيك تكالع (ليه بتعاين) قلت ليها : اطالع فيك شنو يا اختي وانا شايف حاجة لمان
اطالع !! قامت مشت جابت السكيورتي وكان مصري وانا لسة كنت بشتري في السوبر ماركت جاني
وقال لي : يا ابن النيل ليش تطالع الحرمة !! قلت لية يطلع د... ود,, الحرمة ذاتووو
هسة انت شايف حاجة تطالع وللا تمشي الخلا !! الحمد لله اخوك كان معاه (كارول) اسال الاربجي
الحاقد منها !! المهم جات وما كانت حاضرا المشكلة لانها كانت في مكان التجميل وجات
قالت لي في شنو !! اظن المنقبة بت الكب بتعرف انجليزي فقامت طواالي سالتني هادي حرمتك
قلت ليها : مالك وماالي حرمتك وخرمتك وبعدين في ذمتك ويسالك الله انا لو بطاالع اشكالك
اشووف شنو وانتي ظاااتك مفروض ما تشتكي مفروض تشتكي العباية يا ووووهم .
فانا بفتكر الحصل لي كان (مرواده) من منقبة يمكن برضة المراه المنقبة بتاعتك دي كان
بتراود فيك يااخ !! كان تدش ياااخ .. المرة الجاية انوي واخد دش(ضم د) ودش (كسر د) .
____________
السي دي بتاع الحفلة اديته لصلاح اخوك امس وحايجيك مع الوالدة وتصل بالسلامة انشاء الله
يا رب
مودتي
منعم
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبد المنعم سليمان)
|
اختفي كيكي
في تلك الايام وقد قامت خالتنا خديجة والدة عبد الكريم بجولات ماكوكية لسنار ومايرنو والمجلد
واستدعت كل دهقالة الشيوخ ناس الامين كابو وقوبي وجعفر انترنت
ولقد رايت بام عيني كمية البخرات والمحايات التي تحضر لصديقي
البخرات زي عشرين ورقة فلسكاب والمحاية زي برميل كدة تم ترحيلها با (dhl)
انقاذا للصديقي
ومازال المحامي الفذ (ابوعفان ) يحتفظ ( بعينة ) من البخرات
التي انقذت كيكي من تهمة السطو والسرقة
واصل يا وريف
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: osly2)
|
Quote: تهديد
لو ما عملت بالكلام اعلاه
سنطالب ناذر بان يوقف البحث عن عبد الكريم الهندى
وبالتالى رجوعك لزنزانة بقال |
اوسلي
معقول يا اوسلي انا اخالف كلامك..
وكل شي يا اوسلي ولا زنزانة بقبقة دي..
حسي العكاكيز ترقد..وياكيكي لالا ويا كيكي حرام..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
Quote: التي انقذت كيكي من تهمة السطو والسرقة
|
يا خلييييييييييييييل يا ااااااااااخ
حرقت الفلم
أنا خاشي لوج
و مشتري تسالي و فول حاجات بي عشرة ألف جنيه(قديم)
تقوم تبيخه لينا و تحكي النهاية.
بتاعة بركسية.....
حركات داخلية النشر و سينما البلونايل دي بطلها
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: عبدالكريم الامين احمد)
|
Quote: 1- ريفي كومار (الهندي)
2-سابو كرشنا (الهندي)
3-محمد رافت (السوري)
4- هداية الله خان قل (الباكستاني)... |
هذه هي كانت تشيكلة الشهود الذين وقع عليهم عب الحضور الي ساحة المحكمة حسب اختياري
ولاول مرة تجتمع باكستان والهند في الموافقة علي قضية معينة تهم زميل عمل سوداني
جارت به الظروف والمحن..
بجانب صديقي السوري .وده مشكلتوا كلامو كثير ونقتوا ما بتقيف كلو كلو بتاع تفاصيل ..ولولا
اضطراري ووجوده معي في احدي لحظات هذا اليوم لما اخترته ضمن هذا التيم العامل في لجنة
الشهادة الدولية..
نقطة ضعفي كانت في امكانية حضور احد الهنود والباكستاني واتهامهم المباشر لي بانني اخترتهم
دون شورتهم وح ادخلهم في مشاكل مع الشرطة (خلي ولي كريم سوداني هرامي)..كانوا جميعا
اصدقائي وجمعتني معهم شركة واحدة. وكفيل واحد وسكن مشترك مع ثلاثة منهم وكانوا علي استعداد
للادلاء باقوالهم وبكل نبل وصدق..ولكن ايضا كانت قلوبهم تحت اياديهم خوف دون مبرر من الشرطة
فهم جميعا يتفادون التعامل مع الشرطة وكل القوات النظامية ...
السوري في احد لحظات خوفه كان يتهمني بانني سوف اخرب بيته ..لقد كان يعاني من مشكلة
اساسية وهي عدم وجود اقامة سارية المفعول له مما جعله ايضا يلوح كثير بعدم امكانية حضوره
(شو بدي بيك.يلعن سماك سوداني خلبوص)...
ولكن عندما جاءت الدعوة للشهادة ممهورة بامضاء المحكمة خافوا جميعا وايقنوا ان
هذا الامر لهو جد وكلام مال شرطة جد جد..فكان لابد من ذهابهم في يوم تاريخي اوقفت فيه
كل الانشطة الهندسية في مشروع الصرف الصحي بحي الريان الشهير وعلم الجميع بذهاب
كل الفورمنية والمهندسين (داخل شرطة)..
ونواصل ..
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: نجوان)
|
سلامات
وعوافي
يا ياسر طيفور ..
Quote: غايتو لو التحقيق أخد معاهو قدر الشدة الشادينا ليها دي،
كيكي ده إلا نعمل ليهو كشف بأثر رجعي |
يازول زولك بالو سلبا اسالني منو انا .. اها الحكم النهائي انتظرو معاي في شهر خمسة الجاي اكان ربنا هون ..
هاهاهاها..
كيكي دش ياخي الله يهديك سليت روحنا ..هاهاهاهاهاها
| |
|
|
|
|
|
|
|
|
|
Re: سيم..سيم..وبي الكربون ..!!ّ!! (Re: ودرملية)
|
Quote: واها فكوني ضمانة عندما جاء قريبي المغترب القديم وهو زعلان جد
ودفع 2000 ريال كضمانة لخروجي من هذه المعمعة..وكان قريبي هذا
كثير النقة والكلام البوجع
انت الوداك ذاتتو للناس ديل شنو..!!
يازول انت قايل روحك في السودان..!!
اعمل احسابك..!! |
لاتعليق
تسجيل متابعة واعجاب
| |
|
|
|
|
|
|
|
|
مرحب بالفردة متولي
وحبابك يا صديق
وينك ووين اراضيك
ياخي فردتك مزنوق تقوم ما تعلق..ووتنق فيني زي قريبي الكرهني المولد داك
| |
|
|
|
|
|
|
عبدالكريم الامين احمد
khaleel
Yassir Tayfour
بدر الدين الأمير
معتز القريش
عبد المنعم سليمان
محمد سنى دفع الله
Faisal Al Zubeir
فيصل نوبي
salah elamin
الزنجي
احمد الامين احمد
حيدر حسن ميرغني
Omar Bob
ودرملية
الطيب بشير
ماجدة عوض خوجلى
osly2
محمد البشرى الخضر
نجوان
Mutwali Malik
فيصل عباس
فيس بوك
تويتر
انستقرام
يوتيوب
بنتيريست