|
نور تاور والوسطاء يمتنعون...!!!!!!!!!!!!!!!!!!!!!!!!!!!
|
سنة بالتمام والكمال هذا هوعمري في منبركم العامرهذا...واذكر وفي اول مداخلاتي كانت بوست للاخ امير بابكر..مع الاخت الكبيرة نور تاور..فقامت شكلة ليها ضل وارتفع عجاجها الي عنان السماء..وكنت برلوماصغيروني في هذا المنبر الذي يعج بالفطاحلة في ذلك الزمان....وبعد اخذ ورد حاديين وعنيفين كنت اعتقدان الامر سينتهي في ذلك البوست والسلام...ولكن.... ذات يوم وانا بعيد عن النت وعلي راس عملي رن تلفوني من احد الاصدقاء الخلص..هذا الصديق هوايته هي مباراةكتابة نفر قليلين هنا في هذا المنبر وكثير الاعجاب بكتابات الاستاذة نور تاور (وما برضي فيهاكلو كلو)... الو... مرحب.. الحق يا كريم اسمك وش...ونور تاور فاتحة فيك نيران تقيلة..وشيل شيلتك..!!! يا زول.. بوست زي السم واسمك علي رؤوس الاشهاد..(عبدالكريم الامين احمدوالوسطاء يمتنعون).. ياساتر...!!! وبعدهذا التلفون دقائق..رن تلفون اخر من السعودية واخر من كندا...وعييييييييك وتلفون استيضاحي من اللوردصلاح الامين...الاب الروحي الذي ساهم دخولي الي هذا الموقع.. انت يا زول عملت شنو لنور تاور دي...!!!! المهم انتهي ذلك البوست الي ما انتهي اليه...ووكنت اودالمواصلةفي الحوار لولا ظروفي عملي التي حالت دون الالتحاق به...وقدظن بعض اصدقائي جناح نورتاورانني كبيت الزوقة....!!! وسالني احد اصدقائي قبل زمن قليل ابان زيارتي للسودان.. اسمع قالوا لينا في زولة في الانترنت اسمها نور تاور طقطقتك.. قلت له...ايييييييي قال لي والله عافي منها بت تاور دي..!!! (لاحظ ان هذا الصديق شعبي شديدولا يعلم حتي الكتابة والقراءة لكن الشمار هو الشمار) ولكن الشاهدانني عدت الي هذا البوست قبل ايام عديدة والصدق ان الاخت نور تاورفي ذلك سكبت عصارة معرفيةضخمة واسهام عميق,,اتفقنااواختلفنا حوله... واري انها مدانة لي بحقوق الاستفزاز الشديدالمفاجي مما اتاح لها تلك الكتابةالعميقة..!!! خلاصة الفائدةمن هذه التجربةان الانسان وعند دخوله الي هذا المنبر عليه تماما التريس والاستفادة من تكتيك النقاش ..والية فتح البوستات ومعرفة تماما من يحدثهم اسفيرا واحترام الجميع هنا...!!! الذي حرضني علي هذا البوست ايضا هوصديقي ابوعفان..صديقي ولكن جناح نورتاور ومعجب بشدة بكتابتها..وكان يمارس فن المديدة حرقتني...وهو في ذلك لخبير وضليع... تحياتي الي الاخت الاستاذة نور تاور في هذا العيد السعيد وهاهي سنتي المنبرية الاولي قد انتهت وانتي كنتي في الخاطر دوما...واظن الان ان العسل قد صفي...!!
|
|
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: khaleel)
|
Quote: انت يا كيكي اسمك دها كلو مرة بتغير
وبالمناسبة محمد عبد الكريم دها اسم كفيلي
مرة كرمة مرة كيكي ومرة ككي
تحياتي ارسلها لنور تاور
ونحن برضو ممتنعون لكن ما وسطاء |
مرحب ياخلي..وانت تبري من الوساطة وسيدحوش بانقا ذاتو...!!!! انت عارف قصة الاسامي دي عجيبة خلاص وممكن تضيف...ودكي..عبدالله القصير ..البعيو..الالي ..بنجوس..كرشة..ابنقن..سمي جدو.. وجدو..وابوامو..واللستة طويلةشمهروس ما مشي بعيدواضاف محمدعبدالكريم اسم كفيلك ..وانا خايف يجي احد يسميني الشهراني كفيلك الرمة داك...
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: أبو ساندرا)
|
مرحب الاخوان..ابوساندر واحمد الامين واثمن حضوركم الطاغي.. والفكرة في هذا البوست هي تحمل في طياتهااشياء كثيرة اولهاالاعتذارالعلني للاخت نورتاور ان اصابها شي غير مريح من قلمي في ذلك الوقت.. وثانيا تقييم لتجربة الوصول للحقيقة ولو بعد سنين طويلةو الاقرار بها بكل شجاعةونكران ذات ثالثا ارسال رسالة قدتفيدالقادمين الجدد الي هذه المنبر في البدايةالصحيحية وتعلم اساليب الحوار والنقاش... ودمتم دوما اخوة كبار وعظام نحن هنا لكي نتعلم منكم.الكثير...
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: عبدالكريم الامين احمد)
|
أخى العزيز جدا عبدالكريم...
تحية طيبة..
أعذرنى..
سوف أكتب بالعربى!
والدآرجى..
لاننى اليوم يا عبدالكريم ياأخوى..
مخى خربان...
عديل كدا..
من الطاحونة بتاعة الغربة العجيبة دى..
وبكرة بأذن الله ...
ماشة على المطار..
مجهول جديد..
وربك يهون..
..
يا عبدالكريم قلتها لك مرارا وتكرارا.
أنت رجل أصيل..
ومحترم..
ومجتهد فى القضية السودانية..
بقلب صادق..
قلب أسد..
أتفقنا..
أم أختلفنا..
الاعتراف بالحق فضيلة..
..
يا عبدالكريم..
أن ما كتبته اليوم..
رفيع..
ورآقى..
وقد أكد لى رأيى فى كل ما كتبت وتكتب..
...
أما البوست اياهو..
أنا فعلا مدينة لك بالشكر..
لاننى وبصراحة شديدة...
قررت أن أوضح لك فى ذاك البوست..
أن ما أتناوله جاد..
لا يدخل فى طور التهريج...
ولا يقبل الهزل..
وقصدت ايضا...
أن أوضح لك...
أننى وآعية بقضيتى..
ورأيى فيها صريح ووآضح...
ولو على رقبتى سكين...
..
فيا عبدالكريم...
نحنا سودانيين...
من منطقة وآحدة..
والحوار بينى وبينك..
مهما أحتهد..
أو هدأ..
فهو حوار أخ لاخت..
والعكس..
القصد منه..
هو المصلحة العامة...
..
وتسلم يا أمير على كل كلمة كتبتها..
وحا اسيبك هنا..
وأكتب ليك بعد يومين ان شاء الله..
لو وصلت بخير..
...
خليتك عافية...
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: nour tawir)
|
أبوساندرا..
صدق بالله..
أنا كنت شايلة فى خاطرى منك..
لكين...
أحترمت نفسى وسكتت..
السبب هو أنو موضوع الحماداب دا...
وآجعنى بالحيل..
وكل ما أدخل..
أعمل مداخلة..
وأعبر عن شعورى!
وادعى على الحكومة...
واقول الله يجيب أجلها..
القاك رديت على الناس كلهم..
وفطيتنى...
لكين قلت والله ماأخليه...
وما أموت بمقصة ناس سد الحماداب.
بقيت أخش اكتب وأمرق..
وما أعاين للردود بتاعتك على الناس..
عشان ما أتقمص..
أتاريك انت ما زعلان منى ولا حاجة..
الحمد لله..
وعبدالكريم كتر خيره..
الخلاك تجى وتكتب فى بوست فوقو شخصى الضعيف...
تسلم يا أمير...
وأدعى لى..
قول الله يوصل نور بت مريم دى..
محل ماشة..
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: Hussein Mallasi)
|
حسين ملاسى عبدالكريم ده بتاع ارقام لو عاوز لغه وعلم اصوات انا معك الكلمه الصحيحه هى "تريث" لكن فى مدرسه فى علم الصوتيات نشأت بامريكا تنادى بكتابه المفردات حسب نطقها عليه لاهمال السودانين والمصريين حرفى الذال والثاء واصرارهما على حرفى الزاى والسين يجوز بعض علماء الصوتيات كتابه الذى " الزى" وهيثم " هيسم" حسب النطق لكن الغلاه من ائمه اللغه امثالك لايقولون بذلك حفاظا على سلامه اللغه . قف اعرف صديق سعودى طلب من صديق مصرى شراء كتاب عن الذكاء من مصر فاحضر له المصرى كتاب القرضاوى حول " الزكاة" فاهداه لى !!! فى الانجليزى الامريكان صاروا يكتبون knife " nife write rite اخيرا قسم علم اللغه بجامعه الخرطوم يعانى من نقص مريع فى علم الاصوات بعد هجره دكتورمحمد صلاح الى كوريا وعبدالله محمد عثمان الى كندا والتحاق مكى بالامم المتحد عليه انصحك تقديم شهاداتك للعمل بهذا القسم حتى ينتفع الجميع بعلمك الوافر..
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: احمد الامين احمد)
|
اليوم كنا فى ضيافة الاخ الكريم عبدالكريم على وليمة غداء
وكنا، جلابة، وغرابة ،والحلفاوين، وعرب جزيرة ،وبطانة
وبالمقابل: حزب امة، وحق ،وبعث ،وشيوعى ،وممتنعين
وكان الاكتشاف الكبير هو : أن عبدالكريم الامين أحمد
هو: نصف جنوبى ونصف عربى ونصف نوباوى ونصف حلبى
فل هناك، من هو، انقى عرقا ،سودانيا، من عبدالكريم الامين احمد
كما افهم: ود القبائل، تعنى عندى، تعدد ،اصولك وهذا يعنى تعدد محاسنك
ويانور الديمقراطية تعدد مرجعيات وليس مرجع واحد
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: عبدالكريم الامين احمد)
|
سلامات وعوافي العزيز عبدالكريم الرجل الخلوق المهذب المضياف ..كل عام وانت غارق في بحور المحبة النقية وكل عام والفرح جنبك لي يوم الوقاف .. نور تاور كل سنة وانت طيبة ياسيدتي الفاضلة .. ومعلومة صغيرة عن صديقي عبدالكريم :- لو كان في هذا الكون سماواته والاراضين رجل له قلب نظيف فهو عبدالكريم الامين احمد واقسم علي ذلك واجزم واحلف .. عبدالكريم انسان نبيل وجميل ودواخلو نضيفة ودائما مبتسم وضاحك ولا يمكن ان تقابليه يوم ووجهه متجهم او بائس بالعكس هو الان في الدوحة اضحي مثل النسمة في عز الهجير نتنسمها فتزيح عن الكاهل جحيم الاغتراب ونار الاشواق للوطن .. عبدالكريم ياسيدتي كتاب عريض من الانسانية والشفافية والصدق والوطنية .. وله قلب كقلوب الانبياء ابيض ونقي وطاهر .. عبدالكريم هو صديقي الذي احبه وساظل علي حبه الي ان يرث الله الارض وماعليها .. عبدالكريم يانور اتمني ان تتعرفي عليه اكثر ستجدينه يحمل قلب طفل وعقل عالم .. اي والله بل لم اوفيه حقه كامل .. وكل عام وجميعكم بالف خير وصحة واتمني ان تكونوا دوما رافلين في نعيم الله ورضاه .. ولكم المحبة .. تخريمة: حسين ملاسي .. لو سمحت اتمني فقط ان لاتشارك مع شخص لايرغب في رايك او حديثك .. والاخطاء اللغوية في هذه الاسافير لاتحصى ولاتعد .. فلو سمحت هذا البوست لازاحة سحابة عدم تفاهم كانت حائلة بين نور وكريم ولعمري الان انقشعت غيومها وحلت محلها اواصر المودة والاخاء النبيل .. للعلم انا لا احب "المشاكل" اطلاقا والله العظيم بل اسعي جاهدا في الابتعاد عنها وعن بيئتها فرجاء احترم خوفي منها واحترم رغبته في عدم التواصل معك واتركه في حاله ...وكل عام وانت بالف خير..
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: عبدالكريم الامين احمد)
|
والله يا شباب إنتو ناس روعة عديل :
Quote: بخلي الواحد يتمني يلاقيهو في كمبو الري ويكون كاتح ليهو كاس كاسين...!!! وبعد داك كان راجل اليجي يتحاوم في المنبر ده تاني...! |
Quote: ياعبدالكريم
كلامك اعلاه
عبارة عن تهديد وقتل ، مبطن بالكاسات
|
Quote: بدرالدين والله انت اخير منك ملاسي يازول كاسات كاسات ...غرامة غرامة.. انت المهم كلم صحبك ده..قول ليهو ناس كيكي ديل بياكلوا الناس..!!! |
التحية للأستاذة نور تاور .. وكل عام والجميع بخير .
وكل
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: ناذر محمد الخليفة)
|
Quote: كان ليك زمان .. لكن بعد تهديدك بي كتيح الكاسين وكمبو الري.. الله أعلم نديك زولنا دا لانو ما بنضمن يجي راجع بي سلامتو .. لكن بدر الدين كدي رسلوهو لينا نعمل ليهو صنفرة معتبرة ونرجعوا ليكم على سنجة عشرة .. رايك شنو |
ناذر كده حتعمل لي مشكلة داخلية وحتشق الصف الوطني..لانو كتار هنا العايزين (صنفرة) (ابوساندرا واخريين)..يجو حسي ويقولوا بادلوا بينا عليكم الله يا كيكي..!! _بدر الدين طبعا هو براهو كده متمر اربعةوعشرين ساعة(التقول كباية شب)..!!! المهم يازول زولكم ده لازم تسلموا لينا باي طريقة.(.بدل_امم متحدة)...وبنديكم ضمانات انوالبلد دي مافيها كمبو ري..لكن كاس كاسين دي بصراحةمابقدر اضمنها ليك يا ناذر..!!!
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: بدر الدين الأمير)
|
التحيه لك اخى عبد الكريم الامين أحمد لقد اغرقتنا بكرمكم الحاتمى يوم امس وقضينا معك يوما جميلا فى دارك العامره وانسيتنا بعضا من غربتنا والعيد بعيد من الاهل تحياتى عبرك لست البيت التى اكرمت وفادتنا.
وتحيه خالصه عبرك اسوقها للاخت الاستاذه المناضله الجسوره نور تاور وانا سعيد لانقشاع تلك السحابه التى كانت بينكم وانت بذلك اضفت ادبا للحوار النبيل والتسامح بين الاخوه والاخوات .
اما اخونا حسين ملاسى ارجو ان لا تتجادل معه بهذه الحده فانت تكتب للعامه هنا بالمنبر ومن حقه التداخل وانت لك الحق فى ان ترد عليه او عدمه.لكن اعتقد انه فقط يود ان يمارس معك ادب العكننه كما يقول الصحفى المريخى مزمل ابوالقاسم كن مسامح ولا تتعصب.بعدين انت عارف ملاسى صاحب بدرالدين كما قال احد شعرائنا فى شخصك بحترم اشخاص.
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: بدر الدين الأمير)
|
التحيه لك اخى عبد الكريم الامين أحمد لقد اغرقتنا بكرمكم الحاتمى يوم امس وقضينا معك يوما جميلا فى دارك العامره وانسيتنا بعضا من غربتنا والعيد بعيد من الاهل تحياتى عبرك لست البيت التى اكرمت وفادتنا.
وتحيه خالصه عبرك اسوقها للاخت الاستاذه المناضله الجسوره نور تاور وانا سعيد لانقشاع تلك السحابه التى كانت بينكم وانت بذلك اضفت ادبا للحوار النبيل والتسامح بين الاخوه والاخوات .
اما اخونا حسين ملاسى ارجو ان لا تتجادل معه بهذه الحده فانت تكتب للعامه هنا بالمنبر ومن حقه التداخل وانت لك الحق فى ان ترد عليه او عدمه.لكن اعتقد انه فقط يود ان يمارس معك ادب العكننه كما يقول الصحفى المريخى مزمل ابوالقاسم كن مسامح ولا تتعصب.بعدين انت عارف ملاسى صاحب بدرالدين كما قال احد شعرائنا فى شخصك بحترم اشخاص.
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: بدر الدين الأمير)
|
التحيه لك اخى عبد الكريم الامين أحمد لقد اغرقتنا بكرمكم الحاتمى يوم امس وقضينا معك يوما جميلا فى دارك العامره وانسيتنا بعضا من غربتنا والعيد بعيد من الاهل تحياتى عبرك لست البيت التى اكرمت وفادتنا.
وتحيه خالصه عبرك اسوقها للاخت الاستاذه المناضله الجسوره نور تاور وانا سعيد لانقشاع تلك السحابه التى كانت بينكم وانت بذلك اضفت ادبا للحوار النبيل والتسامح بين الاخوه والاخوات .
اما اخونا حسين ملاسى ارجو ان لا تتجادل معه بهذه الحده فانت تكتب للعامه هنا بالمنبر ومن حقه التداخل وانت لك الحق فى ان ترد عليه او عدمه.لكن اعتقد انه فقط يود ان يمارس معك ادب العكننه كما يقول الصحفى المريخى مزمل ابوالقاسم كن مسامح ولا تتعصب.بعدين انت عارف ملاسى صاحب بدرالدين كما قال احد شعرائنا فى شخصك بحترم اشخاص.
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: عبده عبدا لحميد جاد الله)
|
Quote: ياخي كيكي دائماً تذكرني لقب عمنا عبدالرحمن هو والد اخونا الدكتور على عبدالرحمن رباح احتمال عاصرته كدفعة في كلية الهندسة جامعة الخرطوم "كيميائية،بس ما تنوم بالقب انو حقك براك.
|
مرحب اخي عبده ونشكر حضورك ومعك سيرة هذا المهندس الراقي علي رباح وسعدت الان عندما علمت انه صار دكتور..وهوالدفعة القدامنا طوالي في الكلية وكانت تربطني معه علاقة ودودة..وله ولك اجمل الامنيات...اما لقب كيكي فده موضوعو طويل راجع بوست اليوم الحار ما بندار...!!
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: عبدالكريم الامين احمد)
|
Quote: بعدين انت عارف ملاسى صاحب بدرالدين كما قال احد شعرائنا فى شخصك بحترم اشخاص |
شكرا ضحية ولك التقدير العالي ولك التحية ومع كامل الاحترام والتقدير للاخ بدرالدين الامير الا مابيني وبين ملاسي لاتوجد اي ارضيةمشتركة ولا نقاط التقاء الا في المواطنة وهذا الاسفير..وانا لا ارفض التواصل مع الاخريين هنا ولكن علي من ياتي ان ياتي لدفع الحوار بايجابية ومضمون ولكن ليس تصفية حسابات ومغظة ساكت.. حسين ملاسي كان بيننا قبل اسبوع بوست عجاجه ضارب السماءوذهب هذا البوست الي الخور..فيبدو ان ملاسي ارادها فرصة لتصفية حسابات علي حساب روح البوست...ولكن انت عارف اخوك (ابوندشيش).. عموما لك الشكروالتقدير...وتشكر علي كلماتك الكبيرة في حق الاخت نور تاور...
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: عبد المنعم سليمان)
|
واخيرا
ذاب الجليد بين استاذة الاجيال نور تاور
والفتي المعجزة كريم الامين
وطبعا لان نور تاور هي رئيس القوم وقديما قالو
وليس رئيس القوم من يحمل الحقدا
لكن يا كريم برضو ملاسي دها زول لذيذ
ودائما اتذكر صديقي ودبري المهندس
ملاسي
فلابد من عمل نيفاشا لاستعادة الجولان وقرية الغجر ومزارع شبعا
ونعمل واسطة مع عبد المنعم سليمان
لكي ( يقوقي القمري مع القطا والولادة بعد ملاسي كفي)
وملاسي اللورد بدر الدين الامير موصي عليه وكل شي ولا زعل الامير بدر الدين
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: khaleel)
|
Quote: عشان كدة ما تخرب علاقتك معاهو
ممكن القي ليك وظيفة في السودان
بعد ما تتفنش من الدوحة
وكلام ود الامير دها اوامر وغير قابلة للنقاش
|
خلي انت زول طيب وقلبك ابيض شديد ..القصة عندي اكبر من كده خالص.. ولوبقت لواسطة زولكم ده الواحد اخير يمشي جنقو عوضية..او (كتاكو) بتعرف الكتاكو يا خلي..ديل عمال سكب القصب في مصانع السكر.. المهم يازول مافي مشاكل يا ابو الخل لو لقيتو قول ليهو..ممكن تجي لكن خليك دغري وبلاش لولوة معاك...!!!
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: Ashraf el-Halabi)
|
Quote: وعشان لطفك دا مسموح ليك لمدة شهرين تتعالى على الحلب التحت كفالتي كل سنة وانت طيب يا ذوق |
مرحب اشرف الحلبي ونشكر روحك المرحة..ياخ انا مشكلتي مع حلبي واحد بس وياريت تعملوا لينا مجلس حلب وتسلموني الحلبي ولدكم ده..والحلب التحت كفالتك ديل اصحابي لانهم مهمشمين احتمال اعمل معاهم اتفاق عشان يصوتوا لتسليم الحلبي زولي..!!
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: عبدالكريم الامين احمد)
|
طلال عفيفى..
أنا متاسفة شديد..
كنت مشغوله الايام الفاتت..
لدرجة أنه مخى كان خربان..
جيت قريت الكلام كله هسه..
أذا بى القاك!
وتقول لى أنت من كادقلىّ!
..
يا طلال..
واقسم بالله صادقة..
شفت لمن اسمع كادقلى..
أو اقراها فى أى حتة..
قلبى يسيح..
..
عشقى لكادقلى..
هو السلاح الوحيد..
البوآجه بيه العالم..
..
وعليك الله يا طلال..
تزور الحاجة..
وتشيل ليك وردة..
من البيقوم قدام الاسبتالية داك..
توديها ليها..
وتقول ليها بتك قالت ليك..
تحفظيها ليها..
..
الف شكر على الدخول..
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: nour tawir)
|
الحبيبة لنا..
مشتاقين كتير..
تصدقى الواحد لمن يغيب عن البورد..
فى ناس كدا..
بيفقدهم..
تقول أهل بيته..
عليم الله..
أنتى وآحدة منهم..
..
أنتى عرفتيها..
قلبى يا لنا ما بيعرف يكره..
ولا يشيل زعل..
والا كان زمااااااااااااان..
بقيت بترول تحت الوآطة!
..
كتير خيرك ياالحبوبة..
على وقتك..
وعلى الكلام الرقيق القلتيه..
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: nour tawir)
|
ودرميلة..
ازيك..
يا أخوى أنت قآيلنى زعلانة من عبدالكريم؟
ابدا والله..
هو بس شفافية وكرم أخلاق منه..
فتح الموضوع..
..
تخيل لو الوآحد بزعل من النقاش بتاع البورد؟!
كنت طرشقت زمااااااااااان..
من الناس المخها ضآرب دى..
ونآقصين حجار ويطقعوا..
وقاعدين هنا مخصوص لاذية البشر..
ومايرتاحوا الا اذا ضآيقوا زول..
عيانين..
والله يشفيهم..
..
لكين عبدالكريم أولا وأخيرا..
أخوى..
أها بعد دا عندك قول؟!
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: Mohammed Haroun)
|
مرحب الاستاذة نور بالعودة الي هذا السفر والتجوال عبر محبيك الكثر
ومرحب اخي محمد هارون..
Quote: كلام عجيب يا ود رميله مالك عاوز تجيب أجل (الوريف) عبد الكريم وهو مازال عمره سنة منبرية. |
وانا زاتي ما عارف الجميل ود رملية عاوز يجيب اجل الوريف عبدالكريم سريع سريع كده لي..!!!
تحياتي عبرك لصديقي النبيل حقا ودرملية وله شوقي العالي في هذه الايام التي ادمن فيها جمع الريال ...ونتمني له النجاح حتي نفرح سويا في ساحة رفاعة الجميلة...
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: عبد المنعم سليمان)
|
Quote: لكين...
الوآحد بعد نيفاشا!
بقى يخاف من أى حاجة ثنائية! |
مرحب استاذة نور وحباب منعم ومنورين الدار والله ...والدار داركم تماما... وبيني وبينك يا نور وعبدالمنعم نيفاشا وكل الاتفاقيات ام دقة سريعة بتخوف .. ونور ليها حق تتخوف .....لكن بصراحة كدي نمشي لقدام ونقول الارض جربت الحجر ونعيد صياغة نيفاشتنا بطريقتنا ونطلعها من المدارات البقت محفوظة دي نيفاشا_اسمرة ابوجا 1_ابوجا2.... وكدي خلونا نتحكم للشعب سيد الساس والراس...وبعد داك النشوف ..!!!
لكما كل الحب والتقدير العالي
| |
|
|
|
|
|
|
Re: نور تاور والوسطاء يمتنعون...!!!!!!!!!!!!!!!!!!!!!!!!!!! (Re: Mohammed Haroun)
|
الاخ المحترم عبدالكريم..
Quote: ونعيد صياغة نيفاشتنا بطريقتنا |
لنتفق معك حول أهمية أتفاقية نبفاشا..
حقنا للدماء..
وتمهيد البلاد للنظام الديمقراطى..
ولكن..
...
قل لى كيف؟
بعد كل الامتيازات..
التى حصلت عليها الانقاذ من نيفاشا..
وبدأت فى استخدامها ضدنا..
نحن شعب السودان المغلوب على أمره دآئما وابدا؟
أهمها كسب الوقت؟
ثم كيف والانقاذ قد أفلتت من العقاب..
ووجدت كل الوقت لاخفاء معالم جرآئمها الاخرى؟
أضافة الى دارفور طبعا؟!
ثم كيف والتجمع..
قد ضرب فى مقتل بسبب نيفاشا(مسئولية التجمع)!
ومليون كيف فى رأسى؟
..
يهمنى أن أفهم...
كيف يمكن أن ننقذ ما يمكن أنقاذه من نيفاشا..
صاحبة الثوب المملوء بالرتق والثقوب..
حتى غطى الرتق على الثوب؟
الاتفاقية الثنائية بين جسمين دكتاتوريين؟
الاتفاقية التى تمهد لفصل الجنوب؟
؟
؟
؟الخ
| |
|
|
|
|
|
|
|