|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ابكوا معاى ياناس .....ابكوا معاى مها درة الديم الفريدة (Re: Ishraga Mustafa)
|
بناتها كبرن- دخلن الجامعة
طلعن زى امهن- بيحبن الحياة
والمرح والفرح كعادة أهل الديم
آخر مرة التقينا فى ابريل
لمن تتلون حيطان بيوتنا بعرف انو مها قادمة
لمن تفوح ريحة الصندل والحناء بعرف انو مها بتطرق فى بوابات الحياة فى عمرى
فى زيارتى الاخيرة لزواج اختى جريت كالعاده لبيتهم
مها الطويلة زى نيمة الحنان لمن تفتح ذراعيها المدخنات بالمحنة والمعطرات بالطلح وتلمنى على انسانها
بحس بالدنيا بتضحك
معاها بحس بنو الحياة مفروض تتعاش
زى مامها بتعيشها
زعلت لمن عرفت انها سافرت ومعاها وليدها وبيتها المفرهدة فيها بدايات الخصوبة
مها.....
مليانة امل وتفاؤل
عوض الله- زوجها- رفيقها من خمسة وعشرين سنه
اللى بزوزى من امس ماقادر يدخل المشرحة
البنات فى حالة غيبوبة- غيبوبة حاتطول كتير بعد مها
صباحا بدرى رنّ التلفون
تلفون الصباح بيربكنى
مرة اتصلت مها بدرى- وسألتها فى شنو يامها- المات منو؟
وتهز ضحكتها الاثير...
يابت امى انت الجاك شنو- مالك علينا- موتى براك نحن لسه قدامنا كان خمسين كان ستين سنة
لكن خرفنا بيكون صعب يعلم الله
ونضحك....
| |
 
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: Ishraga Mustafa)
|
فى زيارتى الاخيرة- بعد سهرة العرس مشيت بيتهم
بناتها الحلوات- بناتى بيعلمن لى زى مابتعمل امهن
تعالى ياخالتو ارتاحى...
وفتحن لى اوضة امهن
فى سريرها نمت نومة دهر
وغطونى بتوبها
بناتها صاحباتى...
بيحكن معاى كل شىء...
ومها تغمز بعينها..... {انتن بس اطلعن زيها فى القراية لكن ماتمشن فى درب فلسها... خالتكن دى ادنها رأسها... وصوها توفر...العمر مامعروف... فكرى فى عيالك واعملى ليهم حاجة}
المرة دى اتصلت نجوى....
قبل ان اسمع صوتها المبحوح وضحكتها المكشوطة
سألتها... المات منو...
وصمتت...
سمعتى بحريق الطيارة
ورديت ايوه..... ماختيت فى بالى فيها زولة كانت شقيقة لينا
ودقات قلبها بتهتف بالغنا فى كل بيوت الديم...
مها... مها من المفقودين... مها وبتها
ولدها طلع...
من امس وكل عربات الديم تهز الارض..
كل المستشفيات
كل الامكنة اللى بتحبها مها
مافى.....
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: Ishraga Mustafa)
|
صباح اليوم توكل عوض الله- رفيق سنوات عمرها....
فى المشرحة جثث مفحمة
ساقته اقدامه الى بضعة عظام مغطاة
بان فيها اصبع وسطانى
الخاتم... الخاتم الما تفحم فى الاصابع الفارعة كان خاتم مها....
خاتم لامع... لامع زى روحها....
وتأكد مشوار حزن طويل..
حسيت بروحى بهوى
كيف ومتى وليه؟
مشت مها...
مشت وقدام بناتها مشوار قاسى وطويل
مشت وقدامى حزن بقدر العمر الجاى
مشت مها...
مشت.....ورافقتها ذات الربيع بنتها الصغيره
عملت لبناتها ماتمنت وما وصتنى دايما بيهو
بنت ليهم البيت
ومشروع لمجابهة الحياة
مشت وهى ما عرفت انها هى الحياة....
الحياة فى جمالها
فى كفاحها
فى صمودها
فى امانيها
وفى حنانها......
مشت الزولة البتسمع خرير جراحاتى
الزولة اللى بتلم روحى من زوابع الدروب القاسية
مشت وماقالت وصيتها الاخيرة....
ما ناضمت امى.... عمرها ماندتها بغير يمة
وعمر بناتها مانادن امى بغير يمة
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: Ishraga Mustafa)
|
منو القال عشان نكون اخوات لازم نجى من بطن واحدة...
اتحرقت مها...
غسلتها النار...
وعلى لهيبها كتبت كلامها الاخير,,,,
كلامها..
ووقع خطواتها...
وضحكتها العالية...
سيفتقدها الديم...
ناس حلتنا الورا
ستتفتقد دخلتها امى
وستفتقد نجوى سندها الغير محدود
قولى لاجلال واسامة الكان اسمك نديهة ليلة عرسهم...
شهر عسلهم كانت دروب مشوها امس بحثا عنك...
ليه يامها خذلتيهم... ليه ياشقيقتنا...
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: انعام حيمورة)
|
لن انسى ما حييت مراى الطائرة والنيران تلتهمها وبداخلها اجساد تشوى
وصرخاتهم واناتهم وحشرجاتهم تتصاعد الى عنان السماء ..
يشكون ضعهم وهوانهم وقلة حيلتهم الى مليك مقتدر..
والعجز الرسمي والشعبي كان حاضرا امامي.. تنقله عدسات الفضائيات..
اناس يحترقون واخرون يقفون عاجزين.. يحترقون ايضا..
وما بين الحريق وحرقة الحشا.. تتصاعد ارواح احباء الى الملكوت
الاعلى تشكو قلة الحيلة..وعوز الاحياء.. الاموات..
(الولد ما مات )يا اشراقة.. بس غاب غيبة طويلة، اخد فيها قيلولة واستراحة محارب..
رحم الله مها.. ورحم الله كل من قضى نحبه في تلك النيران العاتية الجبارة.. والعزاء
لاهلهم الذين شهدوا لحظات وداعهم الاليمة..
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: حليمة محمد عبد الرحمن)
|
ماتت مها.. اتحرقت ياحليمة
ماتت بتها
وطلع الولد لمشوار صعيب
مشوار من غير حنان الام
ريان..الكبيرة... تصرخ بجنون... حاتحتاجى لسنوات طويلة عشان تستوعبى زى خالتو
نفسى المك ياحبيبتى زى ما امك كان بتلمنى
انا هنا لامينى الحزن يا ريان...
لامنى القهر وغسلانى الدموع الماوقفت من لحظة رنّ التلفون
رؤى- البنية الوسطانية قفلت عليها اوضة امها وابت تبكى...
قالت مستنية امها تجىء راجعة وتحضنها...
لاشىء سوى النحيب
لا شىء سوى دروب مستنيانى الليلة امشيها
ياغربتى
ياسجم
يادروب من غير مها... كيف اتحمل لهيبك
كيف اتحمل شوك غياب اختنا- حبيبتنا - درتنا الفريدة
قولوا لىّ ياناس امشى ووين الليلة واقبل ووين.... يارب اسندنى..
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: Ishraga Mustafa)
|
أختي أشراقة
هو هكذا حال الدنيا .. تتعدد الأسباب والموت واحد .. يتخطف الأخيار في لمح البصر ..
لقد ذهبت مها الى عالم أرحب ورب أكرم هي وبنيتها الغضة ..
نسأل الله أن يتقبلهما في نعيمه الدائم وينزل السكينة وحسن العزاء على قلوب المفجوعين بفراقهما ..
تجملي بالصبر وحاولي الرضا
لاحول ولاقوة الا بالله
إنا لله وإنا اليه راجعون
عمر
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: Ishraga Mustafa)
|
Quote: لن انسى ما حييت مراى الطائرة والنيران تلتهمها وبداخلها اجساد تشوى
وصرخاتهم واناتهم وحشرجاتهم تتصاعد الى عنان السماء ..
يشكون ضعهم وهوانهم وقلة حيلتهم الى مليك مقتدر..
والعجز الرسمي والشعبي كان حاضرا امامي.. تنقله عدسات الفضائيات..
اناس يحترقون واخرون يقفون عاجزين.. يحترقون ايضا..
وما بين الحريق وحرقة الحشا.. تتصاعد ارواح احباء الى الملكوت
الاعلى تشكو قلة الحيلة..وعوز الاحياء.. الاموات..
(الولد ما مات )يا اشراقة.. بس غاب غيبة طويلة، اخد فيها قيلولة واستراحة محارب..
رحم الله مها.. ورحم الله كل من قضى نحبه في تلك النيران العاتية الجبارة.. والعزاء
لاهلهم الذين شهدوا لحظات وداعهم الاليمة.. |
حاجة مؤسفة... البركة فيكم
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: وائل طه محى الدين)
|
اواه من هذا الذي
ينتزع أجمل من فينا
ويرسم أخاديد من الحرق
والوجع
والفراغ
في دواخلنا
كاشفا هوان الحياة ورخصها
جميلة هي
هنا
وهناك
جمال أرواحكم التي تلاقت في فناء فاني
وروحها الجميلة سترفرف أبدا
وضحكتها التي لن تغيب
أبدا
هي دعوة الحياة
لها المغفرة والرضوان وجنة عرضها السموات والأرض
ولكم عزيزتي اشراقة الصبر وحسن العزاء
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: Muna Khugali)
|
الأخت إشراقة
الدوام لمن له الدوام .. وإنا لله وإنا إليه راجعون .. نحسب أنهم من الشهداء والصديقين وحسن أولئك رفيقا .. أعلم أن الفراق مرير وأذكرك بقول الإمام علي كرم الله وجهه " هل يُعزى ميتاً ميتٌ في ميتٍ " .. ولله ما أعطى ولله ما أخذ وللله ما أبقى .
أختي
لا يفجع الروح ويفطر الفؤاد مثل الفقد؛ إنه أكثر الأحزان والآلام إيغالا في الروح والبدن ذلك أن طعم مرارته يغص به المفؤود ليل نهار، ولا يستطيع التعايش معه أو استيعابه، وأكثر مرارات الفقد تجليا وفداحة هو الموت نهاية النهايات وغاية الغايات، كل شيء عزيز نفقده مرير لكنه ليس صريحا وناجزا مثل أن تفقد إنسان عزيز بالموت، الذي يحضر بوصفه انبتاتا من كل شيء، غير أنه لا حل مع الاصطدام بحقيقة الموت، هذا الفقد النهائي الذي يستعصي فهمه وفلسفته.. ولهذا ربما كانت الفلسفة ذاتها في تعريف من تعريفاتها، كما رآها أفلاطون ، هي (تأمل الموت) ومحاولة تفكيكه ومقاربته.. ما معناه؟ من أين يجيء؟ وكيف؟ وماذا يريد؟ تكون مرارة الفقد أقسى ما تكون إذا اقترنت بالشعور بالعجز وانعدام الحيلة .. نفجع في الأعزاء وليس لنا إلا الصبر والداء لهم .. لك ولآلهم حسن العزاء والصبر والسلوان.
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: Ishraga Haimoura)
|
ووب على يا اشراقة كنت عارفة عندى زول فى الطيارة دىالليل لكه بتخيل الناس الجوه لا حولا مها شوفتها مع مشاعر ومشيت ليها و بحبها عشان طموحة ووناسة و امالها كبيرة يا ربى الصبر يا اشراقة الفقد كبير و مؤلم شكيتم على الله ناس سودانير يتموا وليدات مها و هى العايزة اى زول تدى من حنانا
الدنيا مسخت على يا اشرااقة و من دربى ده ما شة افتش مشاعر و نجوى وافك عبرتى .
اللهم لا نسالك رد القضاء ولكن نسالك اللطف فية .
ربنا يرحمها و يصبر زوجها وليداتها
| |
|
|
|
|
|
|
|
|
|
Re: ابكوا معاى ياناس .....ابكوا معاى مها درة الديم الفريدة (Re: mamkouna)
|
السلام عليكم
تعرفي يا اشراقة
زمااااااان وانا طفل
ذكرتيني حادثة
منحوتة داخل عقلي
ووجداني ...
زميلنا ...
وحيد امو وابوه غرق في النيل
مات
كانت تكاد تعبده
تخاف عليه من النسمة
تواجه أعتى الرجال لو تعرض له
عندما عثروا على جثته
كان الجميع يخاف لحظة مواجهة أمه بالخبر
فحتى تلك اللحظة كان مفقوداً
والأمل يراودها إنه حي
وعندما أخبروها بالحقيقة
كان رد فعلها الغريب
كانت تضحك بشده ... ضحكاً هستيرياً
وتحكي عن خططها المستقبلية له
وكيف انها ستاخذه للترزي وتخيط له (هدوم) المدرسة
وتشتري له (الدحش) الذي يحبه
وووو
حتى أبكت الناس جميعاً
وعندما حضر زوجها (عبدالقادر)
ووجدها على تلك الحالة
فما كان منه الا أن ضربها (كف) بكل قوته
فانفجرت في بكاء مر
واندفعت حولها النسوة وأحطن بها
وجرى إبعادنا عن المكان
.............
عندما كنت أقرأ مداخلاتك الحزينة
خامرني شعور أن أفعل كما فعل (عبدالقادر)
وأقول لك
كـــــــــــــــــــــــــــــفى
هذا الذي تفعلينه بنفسك وبنا
..............
اللهم أرحم الشهيدة مها وبنتها
وجميع شهداء الطائرة
وأغفر لهم
وأسكنهم الفردوس الأعلى
مع النبيين والصديقين
| |
|
|
|
|
|
|
| |
Ishraga Mustafa
عصام الجيلي
Ro3ah
محمد المعتز
سامى عتبانى
كمال علي الزين
عصام علي أحمد
Rashid Elhag
اسامة دفع الله ابوالحسن
نيازي مصطفى
ابو عثمان
محمد علي ياسين
انعام حيمورة
احمد العربي
Rawia
حليمة محمد عبد الرحمن
abduelgadir mohammed
Shawgi Sulaiman
Imad Khalifa
إسماعيل التاج
أيزابيلا
ممدوح عثمان
رشا سالم
العوض المسلمي
نصر الدين عثمان
Omer Abdalla
يازولyazoalيازول
ناهد بشير الطيب
ترهاقا
اسامه خليفه
Nasr
الطيب رحمه قريمان
somia gassim
NGABY AJOOZ
وائل طه محى الدين
salma subhi
Yassir Tayfour
محاسن زين العابدين
ahmed haneen
Muna Khugali
بكرى الخليفة الكتيابى
doma
رأفت ميلاد
Ishraga Haimoura
ود محجوب
مريم عزالدين صديق
lana mahdi
Hani Arabi Mohamed
امير مصطفى احمد
أبو ساندرا
Rabab Elkarib
خالد عبد الله محمود
هشام المجمر
هند محمد
ماجدة عوض خوجلى
ابو جهينة
محمد عبدالرحمن
Emad Abdulla
rosemen osman
الطيب شيقوق
توفيق عبد المجيد
محمد عبد الماجد الصايم
tmbis
Azhari Nurelhuda
Ahmed Yousif Abu Harira
Adil Osman
معتصم دفع الله
mamkouna
الزوول
علاء الدين حيموره
Dr. Moiz Bakhiet
كمبورة
بشير أحمد
فيس بوك
تويتر
انستقرام
يوتيوب
بنتيريست